ساعدوني

[مشكلتي]

السلام عليكم ورحمة الله تعالى وبركاته
أنا فتاة عمري 23 حاملة لشهادة ماستر
ارتبطت بشاب عمره 32 سنة بعقد شرعي يعني مش مدني
المهم كنا نتكلم كثيرااا فالهاتف ، تعرفت به ووثقت فيه لانه فعلا رجل يستحق الثقة
كانت تحدث بيننا خلافات وهذا طبيعي ثم سرعان ما نتصالح ، نادرا ما نتلتقي يعني ملعيد للعيد كي يجو عندنا للدار
راه عندنا عام وشهرين ملي درنا لفاتحة ,,
المشـــــــــــــــــــــــــكل أنه تغير علي هذه الايااااام كثييييرااا
لا يتصل بي وعندما يتصل يصمت ولا يتحدث
عندما ألحيت عليه عن السبب قال لي : أنا أحببتك ولكني لا أريد الزواج
مع العلم أن موعد الزفاف اقترب يعني راه باقي 4 أشهر ولا
يا خاوتي شووورو عليا ، ولي ماعندو ما يقول يدعيلي معاه .. والله يفرح كل مغبون ومهموم
ملاحظة: كاين مشكل دائما يؤرقني هو ان هناك فارق كبير فالطول بيني وبينه يعني حوالي 40 سم .. يا ترى يكون هذا سبب في حاله ؟؟
أشيرو علي وخاصة لي مر بتجربة مشابهة وأنتم أخوتي الرجال هل لما يقرب العرس ديرو هاكا
راني حااااايرة أرشيدوني وبارك الله فيكم

[سجل أنا جزائري]

المشكلة في طول الخطبة

أظن هذي تحدث أغلبية الرجال كي يقرب العرس يبدا يخمم بزاف و خاصة اذا كان فيه اختلاف بيناتكم كيما في الطول يولي يشوفها حاجة كبيرة و يبدى شيطان يوسوسلو و يقول كون غير ديت وحدة هكذا و هكذا و يشعر بنوع من الندم لكن اذا كان رجالك يخمم مليح و عاقل مش راح يأثر عليها ما تضغطييش عليه في التيلفون حتى و ما عيطلكش بزاف نورمال مش معنتها تبدل

[محمد جديدي التبسي]

خلي الأمر للزمن ما تعرفي واش يصرى بالاك فترة وتفوت ربما ضغوطات العرس والتكاليف فقط
ما تثقليش عليه وما تكثريش عليه بالمكالمات وخليه هو يبادر
واللي فيه الخير ربي يجيبو..

[doba]

ربي يفرج عليك أختي لعزيزة♥

[مراد سابقا]

كثرتي معاه في الهاتف

حتان اكتشف جميع عيوبك

واسرارك

المهم الآن شبع منك

ومن طريقة تفكيرك

سيبحث عن أخرى

غلطة لازم متكونش الهاتف بطريقة دائمة وانت عاقدة عقد شرعي فقط

[mina1333]

ربي يفرج عليك أختي و يجيبلك لي فيه الخير

[همس الحروف]

لا اظن ان المشكلة تاع الطول هي السبب ممكن ضغوط العرس كيما قالو الاخوة او عندو مشكل اخر في العمل او....
ما تعرفي اختي ربي يجيب لي فيه الخير
ربي يفرج عليك وينور طريقك يارب

[chandgoura]

اختي ادام الله عليك الفرح والسرور واجارك في مصيبتك

لا اظن المشكل في الطول لان ذلك يتحدد يوم راكِ اول مرة لو لم يرقه الامر لما قبل من الاساس

قد يعاني من مشكل اما في عمله او نقص استعداده للعرس او مشكل نفسي

الافضل ان لا تكثري عليه بالاتصال وان اتصلتِ حاولي ان تفهميه عواقب فعل ذلك


واريد ان احذرك من امر اخية وهو ان فرض ان اصر على رايه اياك ان تخبري انتي اهلك فيكون اللوم عليك

بالنسبة للاتصال دام العقد الشرعي لا حرج في الاتصال خطوبة ويتم الاتصال على حسب معرفتي

ماتقلقيش روحك وكلش يتحل باذن الله برك صفي نيتك.

[naamane3]

كثرتي معاه في الهاتف

حتان اكتشف جميع عيوبك

واسرارك

المهم الآن شبع منك

ومن طريقة تفكيرك

سيبحث عن أخرى

غلطة لازم متكونش الهاتف بطريقة دائمة وانت عاقدة عقد شرعي فقط
كلام صواب بارك الله فيك
استغفري لذنبك عسى الله ان يصلح امرك

[m.fatii]

مش ساهل عليك... بصح كثري الاستغفار و لي فيه الخير ربي يجيبو عسى ان تكرهو شىء وهو خير لكم ...

حولي تفهمي منو السبب بلا متضغطي عليه...ولي شايفو ربي مناش شايفينو هنا.

[اسم مرا]

ختي ربي يهديه هذا
راه قليل لي يلقى بنت فاميليا
شانقولك ربي يهديه

[first first]

ربي يفرج عليك اختي
ربما حالة وتزول.....انت افضل حل يمكن يخدمك ..........ان تتركي له حرية ولاتضغطي عليه............فترة يحدد فيها انه يجب ان يكمل في مشروع الزواج..................خليه يفكر .....................ربما الضغط يولد الهروب..............لانه ان كان الان يفكر في الهروب فضغطك يجعله ينفد دلك.
انت في هته المرحلة ..................ايضا فكري بهدوء...........وصلي ركعات ترجعلك الطمئنينة والراحة الفسية........وربي يفرج عليك اختي الغالية.

الطول لااعتقد.........................لن نترك انسانا اخترناه عن قناعة واحببناه كما يقول لك لفرق 40سم؟؟؟؟؟؟؟؟؟ لان فرق 20 سم او 2سم لم يرد في اي كتب واي موسوعة انه سبب السعادة الزوجية..........................................ف لاتعقدي نفسك ولاتفقدي الثقة فيها.

[samar alil]

rabi yfaraj 3lik ya okhti sali giyam lil wa ad3i rabi yfaraj 3lik

[كلنا راحلون]

انصحيه برقية شرعية عند راقي شرعي وليس مشعوذ ورجعي خبر في قسم مشكلتي

[ام نهوله]

ربي يفرج عليك اختي

[/size]

[أم شروفة]

لا تلحي عليه أغلب الوقت أغلقي الهاتف وقولو هاتفي معطل واتركيه بينه وبين أهله مادام عقد شرعي أكيد أهلو لن يتركوه يبطل الخطبة وإن كلمك كلميه عادي لا تضغطي عليه

[سآجدْ للهْ]

حاولي تنصحيه يرقي روحو
وربي يفرج علييكم ويسهلها عليكم
والطول لا يعتبر مشكلة وما عندو حتى معنى و بعد هذه المدة ظهرت حكاية الطول ؟
ربي يفرجها

[*غزلان *]

فترة وتفوت إن شاء الله الرجال راهم ما يحكوش بزاف كيما النساء
ممكن لحقو الحس نتاع العرس ومشكل الطول ما تديريهش في بالك
ربي يفرجها عليكم وتفرحينا إن شاء الله

[hicham batna]

الله يفرج عليك وانصحك بالصلاة وكثرة الدعاء لانها مسالة زواج فان كان فعلا مناسبا لك فاسالي الله ان يكون من نصيبك وان كان العكس فاسال الله ان يرزقك بالزوج الصالح

[وسيمツ]

هذه المرحلة بالذات جدّ حسّاسة و لا يمكن قطعا معرفة ما يمكن قد شاب بينكما ...
أنصحك أن تتريّثي قليلا و لا تقومي بأي خطوة حتّى مما كتب هنا ...
حتّى ينقشع الضباب قليلا
أي خطوة في الضباب ستضلم أحدكما ...
الله ربّنا الرّحمان المستعان

[salam6]

ربي يفرج عليك اختي الكريمة