ارجاع خاتم الخطوبة

[مشكلتي]

السلام عليكم
انا فتاة خطبني ابن امرأة تعمل معي و الحمد لله ان الخطبة لم تتم لا داعي لدكر الأسباب لأنها تافهة يكفي أن الله أعلم بالقلوب و أعلم بمواطن وجود الخير.
المهم بعد مرور شهر و طبعا بعد مرور معاناة في العمل من كلام العاملات معي على اسباب و تدخل الجميع في ما لا يعنيه
علما انني أتعامل مع المرأة التي خطبتني لابنها عادي كأن شيئا لم يكن رغم تعديها لحدودها.قمت بارجاع خاتم الخطوبة للمرأة و لدي أسبابي. هل هدا عيب ام حرام أم مادا:confused:مع العلم أن ابنها من فسخ الخطوبة

[first first]

عادي من راي......واش ديري بيه؟؟؟
شرعا لاادري هل من حقك الاحتفاظ به
لكن بتفكير مجتمعنا..........................ليس لك حق فيه.........رديه لاصحابه احسن..........عدم رده هو مايعتبر عيب(في مجتمعنا)
اتمنى ان اكون فهمت الموضوع جيدا؟؟؟

[samar alil]

rabi yarzagna bwalad lahlal amin

[لحن الحياة.]

لوكان بدلتيه بسلسلة و لبستيها بالصحة و العافية لانو هو لي فسخ (اذا ما كنتيش طلبتي منو يفسخ الخطبة) والله اعلم......

[خولة الخنشلية]

ان كان هو من فسخ الخطبة فلست مجبرة ان تردي له ما خسره من ذهب و نقود " الشي الي داخل في الصداق او كما نقول المهر " اما ان كنت انت من فسخ فلزام عليك ان تعوضيه كامل خسارته " يعني حتى حق التورتا و الفواكه الي دخلو بيهم لداركم ترديهم "

اما الهدية " الحاجة الي هو زادها على الصداق ممكن مدلك نقود . حاجة تاع ذهب . ساعة مثلا او قلم .... الخ " ماترديها ما عندو حق يطالبك بيها لانها "هدية " سواءا انت الي فسختي او هو


و الله اعلم

اختي ربي يهنيك و يعوضك بأحسن مما فات ...... و خليك على طبيعتك مع زميلتك في العمل حتى و ان اذاتك هي تحملي حتى تتريقل اموركم ان شاء الله :)

[jamaltahar]

الهدية لا ترد يا اختي

[بنت لبحر]

ياجماعة واش دير بلخاتم تندب بيه مليح كي رجعتيه ماهو عيب ما هو حرام واش رايح ديري بلخاتم
ربي يرزقك بالزوج الصالح

[alibadis]

ربي يرزقك براجل خير منو .و يجبلك خاتم احس و اغلى منو يا رب

[*غزلان *]

المتداول أنو كي يفسخ الرجل الخطبة المرأة غير ملزمة بإرجاع ما أهداه لها
لكن ختي إدا تحبي نصيحة من ختك رجعيلو كل شي وش تربحي كي تحتفظي بيه
وربي يرزقك بأحسن منو

[ilhemnanous]

الهدية لا ترد لانها هدية..اما فيما يخص المهر..فان هي من فسخت فانها ترجع له ما اعطاها كمهر حسب قصة تلك المراة التي فسخت زواجها وارجعت له البستان الذي اعطاها اياه مهرا لها في عهد رسول الله صلى الله عليه وسلم...واما ان هو فسخ فلا تردين له شيئا والله اعلم

[محمد جديدي التبسي]

يبدو أن هناك تشنج ومشاكل وحساسيات بسبب فسخ الخطبة وأكيد أن ارجاع الخاتم أو عدم ارجاعه سيسبب قيل وقال
في الحالتين راح يهدرو النساء راك تعرفيهم اكثر مني لذلك فوتيها وما تقلقيش روحك
انت رجعتيه وانتهى الأمر تهنيت منو ربي يعوضك برجل صالح..

[ام نهوله]

ربي يرزقك بولد الحلال
لا ارى اي مشكل في ارجاع الخاتم الراجل راكي تقولي ما يصلحش واش ندير بخاتمو

[abad100]

السلام عليكم
انا فتاة خطبني ابن امرأة تعمل معي و الحمد لله ان الخطبة لم تتم لا داعي لدكر الأسباب لأنها تافهة يكفي أن الله أعلم بالقلوب و أعلم بمواطن وجود الخير.
المهم بعد مرور شهر و طبعا بعد مرور معاناة في العمل من كلام العاملات معي على اسباب و تدخل الجميع في ما لا يعنيه
علما انني أتعامل مع المرأة التي خطبتني لابنها عادي كأن شيئا لم يكن رغم تعديها لحدودها.قمت بارجاع خاتم الخطوبة للمرأة و لدي أسبابي. هل هدا عيب ام حرام أم مادا:confused:مع العلم أن ابنها من فسخ الخطوبة

امر عادي وليس عليك حتى تبرير موقفك اصلا الخطوبة فترة للتعارف والاختيار

[NAWEL44]

في الشرع لا تردي له خاتم الخطوبة لانه هو من فسخ الخطبة على كل الله يعوضك خيرا منه الخير فيما اختاره الله و في النهاية الزواج مكتوب فلا تزعجي نفسك اكيد ينتظرك شخص ما في هذه الحياة

[مسك القعدة]

ماشي عيب هو لي فسخ وما حبيتيش تحتفظي بيه من حقك ترديه

[Ikhhanane]

Rabi. Y3awdek nchalah

[nouna l maghbouna]

وين راه المشكل؟؟
بصح المراة كي راكي تقولي تعادات حدودها و نهدر معاها عادي هنا لازم انتي تتبدلي كي تغلط تسلك ماتسكتيييش
و العاملات كي سمعو برك راهم يقرعجو اهدري معاهم عادي ماتبينيلهمش بلي راكي مقلقة ... و كي يسقسيوك قوليلهم مكتوب
خلاصة القول ماتعمريش راسك بتفاهات اخدمي خدمتك و ماتكثريش الهدرة معاهم و ماتضعفيش