ممكن مساعدة من الأخت سطايفية أو mostafa31

[tissem]

كان كل شيء عادي لكن سمعت مؤخراً بلي اللي عنده ليسانس من قبل ما يقدره يسجل ببكالوريا حتى جديدة إلا بعد 5سنين من تخرجه بديبلوم الأول يعني كيما انا متخرج 2013 وعندي باك جديد 2014 سجلت عادي يعني دخل لي الشك بعد ما شفت البعض يأكد هذا الخبر ممكن مساعدتكم الوافية و الأكيدة يعني خبر موثوق باش نتهنى و اسمحولي على الإزعاج

[tissem]

300 مشاهدة ولا جواب

[سطايفية بكل فخر]

السلام عليكم
بداية كيف حالك اخي ان شاء الله لاباس
ثانيا راك عملت مليح كي سجلت هكا باش تزيد تقرا تخصص اخر وتزيد من حظوظك في العمل
+
نروحو للسوال تاعك اخي
هو القانون ندار في مرسوم 2011 اذا مخانتنيش الذاكرة وهدرو عليه في 2012 وطبقوه وحد العام هكا في احد الجامعات يعني مش كامل الجامعات ومن بعدها مزادش طبق
ومتخافش مراهمش مطبقينو الان وميدخلك حتى شك راهم مخلصين ليسانس ويقراو باك ثاني عادي
ومكالاه تسحب باكك القديم ولا دير روحك اي مشكل كمل اقرا عادي وراني قريت تحت عضويتك انك من وهران
جامعة وهران معروفة بلي تخلي الطلبة يقراو باك ثاني وحت الباك الاول بعد مرور خمس سنوات من التخرج تخليهم يقراو بيه
لذلك اخي ربي يوفقك وينجحك وكمل اقرى بلا مشاكل
فقط معلومة متروحش دير لابورس لانك مش رايح تستفاد منها لانو القانون يقول هكا
ربي يعينك
اي سوال اخر تفضل بيه
+
سوال فقط
اخي واش قريتب الباك الاول واش سجلت بالباك الثاني

[tissem]

الله يحفضك أختي برك بغيت نعرف يعني انا ميخصنيش هدا القانون بمعنى هدا القانون على اللي حابين يسجلو بنفس الباك مش باك جديد انا كنت علوم فلاحية كلاسيك تخرجت 2013 جبت باك 2014 انجليزية ليسانس الآن يعني دوك نتهنى مكاش مشاكل في دراستي شكرًا ألف مرة زيد أختي جامعة تيارت مش وهران

[سطايفية بكل فخر]

الله يحفضك أختي برك بغيت نعرف يعني انا ميخصنيش هدا القانون بمعنى هدا القانون على اللي حابين يسجلو بنفس الباك مش باك جديد انا كنت علوم فلاحية كلاسيك تخرجت 2013 جبت باك 2014 انجليزية ليسانس الآن يعني دوك نتهنى مكاش مشاكل في دراستي شكرًا ألف مرة زيد أختي جامعة تيارت مش وهران

لا اخي القانون تاع الباك الواحد وحدو
والقانون تاع الباكالوريا الثانية وحدو
وفي زوج كاينين
لكن في حالتك انت يعني تاع باكالوريا ثانية مراهمش يطبقو فيه
لذلك اقرا متهني اخي وربي ينجحك
+
مليح كي خيرت اختصاص بعيد على اختصاصك الاول هكا باش تستفاد اكثر والانجليزية مليحة راهي اللغة رقم واحد
احسن الاختيار
ربي يوفق
+
اه لما قريت وهران حطيتك تقرا في ولايتك
ومتخافش جينيرالمون جامعات الغرب راخفين التزيار كاين في الجزائر العاصمة وبعض جامعات الشرق
ربي يعينك واقرا متهني
وعملت مليح انك سجلت هذا العام لانو بلادنا كل عام بقانون وارواح انت وافهم
هكا على الاقل كون تنفحلهم يطبقو هذا القانون تكون انت ديجا مسجل وتقرا وميقيسكش

[tissem]

يعني واش نقولك يا أختي مانتقلقش يعني حتى أدا طبقوه انا غير معني بيه بمعنى ما يحبسونيش والله يا ختي الله يعطي لك على حساب الخير اللي ركي ديري فيه و توجهي في الناس انا نحب نسألك لأنو نتي معلوماتك جد دقيقة و جد صحيحة الله يحفظك و يرزقك الجنة

[سطايفية بكل فخر]

يعني واش نقولك يا أختي مانتقلقش يعني حتى أدا طبقوه انا غير معني بيه بمعنى ما يحبسونيش والله يا ختي الله يعطي لك على حساب الخير اللي ركي ديري فيه و توجهي في الناس انا نحب نسألك لأنو نتي معلوماتك جد دقيقة و جد صحيحة الله يحفظك و يرزقك الجنة

والله غير انت مقلق روحك برك اقرا عادي
ياوعندي صحاباتي راهم هذا العام سنة رابعة ميدسين وخلصو العام لي فات ليسانس بيولوجي وين قانون الدراسة بزوج باكات ممنوع ولولا ضغط الدراسة كانو ناويين يسجلو ماستر ارواح انت وافهم
جات فيكم اانتوما لي ديجا مخلصين وحابين ديرو ليسانس واحد اخر وحدو
ياو بلادنا هذي تكثر القوانين برك غير متقلقش روحك
ونص لي نعرفهم دارو كيفك ومدارولهم والو وراهم يقراو عادي وصديقتي المقربة راهي سنة ثانية ليسانس ثاني
+
وزيد منطقيا حتى لو يطبق القانون العام الجاي رايحين يمنعو الجدد من التسجيل انت راك مسجل ديجا وشا يمنع فيك
+
وزيد راني قتلك جامعات الغرب راخفين مالا كمل تقرا عادي وكان شيئا لم يكن وربي يوفقك
+
ربي يحفظك
امين اجمعين ان شاء الله
انا ثاني كنت في وقت من الاوقات منعرف حتى معلومة وملقيتش لي يوجهني وبقيت نسقسي ونكتشف في الامور بشوية وان شاء الله منبخل حتى واحد بمعلومة نعرفها
ونصيحة نمدهالكم وحتى انا مدوهالي
ليزافيش لي يتعلقو كل مرة في الجامعة وفيهم القاوانين اقراوهم متمروش عليهم مرور الكرام لانهم فيهم حقوقنا وفيهم القوانين لي تسير بيهم الجامعة
ولو متكونش قاريهم ومعلابالكش بيهم الادارات تستعملهم ضدك
وصراتلنا مرة حنا كي كنت في الليسانس كنا رايحين نديرو اضراب وقالونا القانون هاو واش يقول
حنا خارجين قالنا لاجون تاع الباب تاع الادارة قالنا راكم ولادي والغلطة تاعكم ليزافيش لي نعلقوهم جامي قريتوهم قالنا انا نقراوهم وانتم مطولوش عليهم
روحو اقراوهم تلقاو رواحكم غالطين وبالفعل كي عاودنا قريناهم لقينا فيهم القوانين كامل
ومن يومها ديما نقراهم واي جديد نحوس عليه
وكي منفهموش نسقسي من المصادر الموضوثة هكا باش منتكلحش ومتضيعش حقوقي
واي واحد يحتاجني مش رايحة نبخلو
وربي يوجهنا في الطريق الصحيح ان شاء الله

[tissem]

الله يجعلها لك في ميزان حسناتك أمين دعائي من القلب

[hakim park]

وعليكم السلام اخي
بالنسبة للموضوع ديالك انا لم افهم بعد لكن على حساب ما فهمت انو البكلوريا الثانية ليس لها علاقة بالمرسوم تاع 5سنوات ولكن باش تفهم المرسوم انه في حال تخرجك من الجامعة تقدر تسجل بنفس البكلوريا او الدبلوم لي تخرجت بيه مرة اخري ولكن بعد مرور خمس سنوات من التخرج هذا هو و الذي تم تمجميده في سنة 2011 في بعض الجامعات لكن اذا كان عندك بكلوريا ثانية تقدر تسجل بيها وتقدر تقري زوج شعب في نفس الوقت لكن بموافقة من رئاسة الجامعة او بموافقة عميد الكلية وكاين جامعات تمنع الدراسة بزوج بكلوريات لكن تقدر تسجل في جامعتين مختلفتين بشرط انك ماتسجلش المنحة فقط

[benisafcom]

merciiiiiiii

[عيسى الجازوي]

لا أعلم ....

[عيسى الجازوي]

لا أعلم ......

[mostafa31]

السلام عليكم اخي tissem احنا في جامعة وهران طبقو هذا القانون هاذ العام لذلك اللي عنده 2 باكالوريا يسحب واحدة و يقرا بواحدة وتتطبق عليه خمس سنوات

[tissem]

ما فهمتش اخي كيفاش تطبق خمس سنوات