استفسار حول سحب كشف النقاط الأصلي للبكالوريا [الأرشيف] - منتديات الجلفة لكل الجزائريين و العرب

مشاهدة النسخة كاملة : استفسار حول سحب كشف النقاط الأصلي للبكالوريا

الكيفاني

2014-12-19, 16:22

اخواني الكرام لما حصلنا على البكالوريا تم منحنا كشف نقاط مكتوب عليه
شهادة نجاح مؤقتة كما في الصورة
http://www.up.qatarw.com/up/2011-07-12/qatarw.com_1843500292.png

وبها قمنا بالتسجيل في الجامعة
سؤالي
هل يوجد كشف نقاط أصلي مكتوب عليه (شهادة نجاح) من دون كلمة مؤقتة
ومن أين يتم استخراجه ؟ وماذا يستلزم لذلك
أفيدونا بارك الله فيكم

سطايفية بكل فخر

2014-12-19, 17:22

نعم اخي يوجد الكشف الاصلي لكن متقدرش تديه الا بعد مرور سنوات من التخرج
والشهادة الموقتة راهي تحل محلو وتسجل بيها عادي
انا راني في 5 سنين ملي ديت الباك ومنقدرش ندي الاصلي
بالتوفيق اي سوال اخر تفضل بيه

الكيفاني

2014-12-19, 17:36

لكن كشف النقاط الموجود بالجامعة (شهادة نجاح مؤقتة)
هل يستطيع الطالب الحصول عليها بعد تخرجه ؟ أم يشترط مرور خمس سنوات من التخرج ؟

سطايفية بكل فخر

2014-12-19, 17:45

نورمال في بلادنا متسحققش الاصلي في الجامعة تبقا تقرا بالموقت حتى الدكتوراه
+
مننصحكش تخرجو بعد التخرج لانو اذا سحبتو متقدرش تعاود تسجل بيه في شعبة اخرى راهو كاين قانون تاع تقدر تقرا بنفس الباك شعبة اخرى بعد مرور خمس سنوات من التخرج
واذا جبتو من قبل متقدرش تسجل بيه
+
وانت علاش حاب الاصلي هل طلبوهولك في كاش بلاصة؟
+
شكون قالك خمس سنوات اني عندي خمس سنوات ومعنديش الحق نستخرجو
حاليا الوزارة راهي تمد في الباكالوريات من 1963 الى 2005
راهي حالة سيت لهذا الامر

الكيفاني

2014-12-19, 18:17

أنا أحتاج كشف النقاط الاصلي (شهادة النجاح المؤقتة) الموجودة بالجامعة التي درست فيها لأمر آخر ولا احتاجها للدراسة في تخصص آخر
هل أستطيع استخراجه من الجامعة ؟ وماهي الخطوات التي يجب اتباعها ؟
بارك الله فيك

سطايفية بكل فخر

2014-12-19, 18:22

فهمني اخي تحتاج شهادة النجاح الاصلية ولا شهادة النجاح الموقتة راهم مش كيفكيف
+
هل انت طالب او تخرجت
وين مسحقها ؟
باش نقدر نوجهط بلا متخسرها نهائيا

الكيفاني

2014-12-19, 18:33

سطايفية بكل فخر

2014-12-19, 18:48

أنا تخرجت من الجامعة العام الماضي
وأبحث عن كشف نقاط البكالوريا سواء كان الموجود بالجامعة التي درست فيها ام بمديرية التربية والتعليم
احتاجها لمعادلتها بالخارج
فكيف استطيع الحصول عليها

اه الان فهمتك اخي
شوف على حد علمي برا يسحقو الاصلية مش الموقتة
لذلك انت دير طلب للجامعة وفهمهم بيل حاب تكمل برا
هكا باش يسهلولك الامر ويمدولك الموافقة باش تخرج الاصلية
ولا مكبنيش ربي ثاني الديبلوم تاعك يسحقو الاصلي
لذلك اطلبو من الجامعة او سقسيهم بلاك هوما ادري بالامور هذي
ونيدك معلومة اذا كان بالعربية وانت رايحة تقرا في دولة اجنبية اطلب منهم يترجموهلك اما بالفرنسية او الانجليزية
+
انا منيش متمكنة مليح من امور الدراسة في الخارج تقريبا ملمة بقوانين الجامعة الجزائرية فقط
رايحة نوجه للاخ اسامة راهو عندو معلومات بزاف عليها
http://www.djelfa.info/vb/showthread.php?t=1053565
وانا بدوري رايحة نسقسيلك ونتاكد من النعلومات لي مديتهملك
ربي يوفقك اخي
وان شاء الله تكتبلك على الاقل تتهنا من هم الديبلوم الجزائري
وان كان قانون بلادنا تبدال وكاين بعض الشعب ميقبولهمش فيها حتى لو يكون الديبلوم من الخارج

سطايفية بكل فخر

2014-12-19, 18:52

اخي تفضل هذا الموضوع لقيتوا اثناء بحثي في النت
ونظن رايح يفيدك لانو فيه معلومات عن الموضوع لي سالت عليه
http://www.startimes.com/f.aspx?t=34687373

اقرا ردود الموضوع ايضا لانو مفيدة

الكيفاني

2014-12-19, 21:21

بارك الله فيك
سؤال
هل يوجد كشف نقاط لدى مديرية التربية والتعليم (يعني نسخة اخرى يمكن استخراجها)؟

سطايفية بكل فخر

2014-12-19, 21:26

بارك الله فيك
سؤال
هل يوجد كشف نقاط لدى مديرية التربية والتعليم (يعني نسخة اخرى يمكن استخراجها)؟

لا اخي لاعلاقة لمديرية التربية بالشهادات
تلقاهم في الديوان الوطني للإمتحانات و المسابقات
ولي عندو فروع جهوية
مثلا ولاية سطيف في عامة كانت تابعة لباتنة

1meriem mohamed

2016-01-06, 15:25

السلام عليكم لدي استفسار من فضلكم انا حصلت على شهادة البكالوريا لعام 2008 و سجلت بجامعة باتنة و درست بها لكن لسوء ضروفي و عدم استقرارها اعدت السنة الاولي ثم انتقلت للثانية و اعدت الثانية فاضطرو لاخذ تعهد مني بعدم الاعادة او سيتم طردي و لكنتي لم ادرس بعد توقيعي للتعهد و لم اعد ابدا للجامعة سؤالي هو هل استطيع سحب كشف نقاط البكالوريا و اعادة التسجيل به في جامعة اخري او اي معهد ارجوكم افيدوني.

نور لاتراه

2016-01-23, 15:20

سطايفية بكل فخر

2016-01-23, 18:46

السلام عليكم
اريد أن استفسر من صاحب الموضوع عن الختم الذي يصادق به خلف الكشف عندما سحبتها لاواصل دراستي
,قيل لي ان المصادقة عليها ثانية يعني تشميع الشهادة
اي تكون غير صالحة
فهل المصادقة عليها ثانية عند اكمال الدراسة في التدرج يعني انها لن تكون صالحة؟

كاين مصادقتين
الاولى يختمو عليها باش تخرجي الديبلوم وتنقليه باش تقراي بيه في جامعة اخرى يندار في التحويلات او في التسجيل في دراسات عليا في جامعة ثانية
الثاني ختم السحب النهائي وهذا هو لي يخلي الشهادة غير صالحة يندار لما يطلب الطالب سحب شهادته اما ليدرس في الشبه طبي او لانو عندو بكالوريا ثانية
ومرات عدم توضيح الطالب لسبب السحب يعرضه للختم هذا ويفقد الباك الصلاحية

نور لاتراه

2016-01-23, 19:14

كاين مصادقتين
الاولى يختمو عليها باش تخرجي الديبلوم وتنقليه باش تقراي بيه في جامعة اخرى يندار في التحويلات او في التسجيل في دراسات عليا في جامعة ثانية
الثاني ختم السحب النهائي وهذا هو لي يخلي الشهادة غير صالحة يندار لما يطلب الطالب سحب شهادته اما ليدرس في الشبه طبي او لانو عندو بكالوريا ثانية
ومرات عدم توضيح الطالب لسبب السحب يعرضه للختم هذا ويفقد الباك الصلاحية
السلام عليكم
بورك فيكم اختي سطايفية
اما حالتي هي الاولى وقد وضح الامر بردكم
اشكركم جزيلا

سطايفية بكل فخر

2016-01-23, 19:36

العفو غاليتي واجبنا
ونصيحة لجميع الطلبة خليو باكم في الجامعة معندكم مديرو بيه وحتى لو قررتم ترك الدراسة متخرجوهش بلاك تنفحلكم ترجعو تقراو
واذا اذا حبيتو تحولو او تقراو ماستر في جهة اخرى او دكتوراه قدموا وثيقة لي تثبت ذلك وشرحو للعاملين في مصلحة الشهادات باش ميغلطوش ويكاشيولكم سحب نهائي

مليكة 111

2016-01-29, 19:22

انا عندي باك 2003 قريت بيه وتخرجت في 2007 وعندي باك 2014 سجلت بيه ومافريتش قصاوني. انا حابا نولي نقرا بلا مايحطوني معيدة السنة كيفاش ندير اخواني انصحوني؟؟

ابراهيمون

2016-01-29, 23:01

فقط استفسار لي حاب يزيد يقرا تخصص اخر بنفس الباك يقدر ولالالا؟

houcin az

2016-02-08, 11:07

قمت بسحب شهادة النجاح الموقتة سنة 2013 لان ادارة الجامعة اجبرتني على التخلي عن احد التسجيلين بعدما وضعت تعهد وتصريح شرفي للتخلي عن التسجيل بالباكلوريا الجديدة فختموا لي خلف شهادة النجاح المؤقة
اخواني الاكارم هل بامكاني الدراسة بها من جديد ?
وان تعذر عليا ذلك ماهو الحل