كاين ناس قاسية كيما هاك

[ادرة مكنونة]

السلام عليكم اعزائي


اليوم قعدت مع عجوزتي نتحدثو وهي معي في البيت والحمد لله حكتلي حكاية عجيبة عن امراة جارتنا انا بدات بالسؤال قلتلها جارتنا تحب اولادها الاثنين كثيرا قاتلي يا بنتي كون تعرفي قداش قاصت عليهم تحيري قلتلها احكيلي حكايتها بدات تحكي قاتلي


كانت هاذ المراة اجمل جميلات المدينة تزوجها رجل ونجبت ولد ولما حملت بالثاني طلقها زوجها لمشاكل بينهما اخذ الولد واخرجها وهي حامل وقال لها انسي ان لكي ابن ولما راحت لبيت اهلها قال لها ابوها ولدو منحبش يجيني لداري انسي ولدك وحتى الي في بطنك باش نعطيهولو كي يزيد بكت المسكينة وبدا الجمال يذبل ولكنها مصدقتش اباها قالت غير متقلق برك ميديرهاش المهم لما ولدت اليوم الثالث وهي نائمة اخذ ولدها وراح في الليل لبيت زوجبنتو واعطاه الطفل استيقضت المسكينة لم تجد ه بجانبها قالت لامها اين ابني ردت الام راو راقد في حجري باقي يبكي هزيتو باش ترقدي شوي قالتلها اي امالا نزلد نرقد تقطع قلب امها الي معندها واش تعمل زوجها واعر متقدرش عليه وكي عرفت الام الحقيقة جن جنونها وعيطت وجتها صدمة نفسية داخت وراحت في غيبوبة

يتبع

[ادرة مكنونة]

اين الردود نكمل ولا لاا

[مسلمة بالفطرة]

كملي أختي من فضلك راكي شوقتيني وثاني انا نتعلم الدروس من تجاربي او تجارب الآخرين

[s english]

ومبعد واش صرا كملي رانا نستناو

[شوشو 11]

شكرا على الطرح
يابنتي علاش تقطعيلنا قلوبنا اسرعي كملي
ربي يستر من القلوب القاسية

[AyOuB0587]

الله المستعان
في انتظار باقي القصة

[ادرة مكنونة]

اسمحولي كان عندي ما عطلني عليكم والان نكمللكم لحكاية بعدما جتها المسكينة صدمة قعدت هاكاك سنين وهما يداواو فيها معلبلهمش بلي دواها اولادها استسلمت لما اراد الله لها وكملت حياتها تزوجها رجل اخر وعدها بان يرجعلها اولادها غمرها بالحب لبسها الذهب والحرير لكن السعادة هربت من قلبها مرت السنين والمسكينة حابة غير تشوف اولادها برك كيفاش صارو وكبروا

[ادرة مكنونة]

وسمعت بلي ولدها الكبير يقرا في السنة الاولى في المدرسة الي بجانب منزلها صرت كي المهبولة كل يوم تعس واقفة على الباب تشوف الاطفال وتقول لعل هذا ابني تمدلهم في الحلوى باش يجو حتان حبوها وقالتلهم على اسم ابنها جابوهولها وطاحت اعليه تبكي مسكينة وتقولو انا امك بدا يرجعلها الامل وقاتلو ديما ارواح لداري

[فاطمة الزهراء.]

كملي اختي:confused::confused::confused::confused:

[ادرة مكنونة]

راح الطفل حكا لزوجة ابيه واش صرا وهي حكات لباباه حكمو ربطو بالحبل ودرباه في البير عاد يعيط مسكين وقالو منزيدش اروح وقالو مزلت اتروحلها نرميك في البير عيات مسكلنة واقفة قدام الباب تتسنى

[الصديق قروف]

ربي يهدي ماخلق
كملي

[ادرة مكنونة]

شافاتو من بعيد وهو شافها وراح صارت ديما هكا لكن حمدت ربي المهم تشوفو كل يوم وبدا يكبر هو وخوه وعرفو الحقيقة وديما الحق هو الي ينتصر رجعو لامهم كي كبرو والان رام ساكنين معاها هما وازواجهم تغمرهم السعادة يحبوها ياسر وهي كذلك واحفادها دايرين بيها والكل يتمشو بشورتها هذا الكل نتيجة الصبر والتضحية وان القلوب القاسية تخاف غير على نفسها والسلام عليكم

[mina1333]

هيا كملي رجاءا راكي شوقتينا للنهاية:cool:

[راضية بقدر الله]

والله امر قاسي ربي يهدينا ويصلح امورنا وامور المسلمين اجمعين

[أم شروفة]

امي قاتلي قديما كانت المرأة لما تتطلق الاولاد يديهم باباهم .وممنوع على الأم رؤيتهم .على حساب العرف في العرش .لذا كانت المراة تصبر وتتحمل لأجل شوفة أولادها فقط .ربي عوض امهاتنا في الدنيا والاخرة

[امونة الشاوية]

بارك الله فيك مسكينة قاسات

[الصديق قروف]

صح كانت بكري تخلي ولادها عند راجلها ولا ماليه

[نارينا]

الام واش يصرا فيها ربي يحفظ كل امهاتكم ويرحم امي يارب

[* عبد الجليل *]

السلام عليكم
واش هادا يا ربي تستر ... الله يجيب الخير
بانتظار بقية القصة
تحيتي

[ادرة مكنونة]

انتهت القصة الان راهم عايشين في سعادة الام حاضنة اولادها ومرتاحة بقربهم

[محمد جديدي التبسي]

تلك القسوة التي ترونها هي التي كانت تحافظ على المجتمع وعلى تبعية المرأة للرجل
لذلك كانت زمن خير وعز لأن الرجل كانت عندو الكلمة والمرأة تسمع زوجها وإلا عاشت ذليلة
صحيح أن المرأة ظلمت كثيرا بسبب الجهل والتقاليد البالية لكنها تظلم أكثراليوم بجعلها في مرتبة واحدة مع الرجل فأصبح يُطلب منها أن تغير طبيعتها لتكون كالرجل وإلا سوف تظلم وتحتقر ..الحل في العودة للدين بلا مزايدات ..المرأة تتبع الرجل وتسعى دائما للعيش في ظل رجل فلتحترمه ليحترمها وإلا ستعيش مهانة.

[ادرة مكنونة]

تلك القسوة التي ترونها هي التي كانت تحافظ على المجتمع وعلى تبعية المرأة للرجل
لذلك كانت زمن خير وعز لأن الرجل كانت عندو الكلمة والمرأة تسمع زوجها وإلا عاشت ذليلة
صحيح أن المرأة ظلمت كثيرا بسبب الجهل والتقاليد البالية لكنها تظلم أكثراليوم بجعلها في مرتبة واحدة مع الرجل فأصبح يُطلب منها أن تغير طبيعتها لتكون كالرجل وإلا سوف تظلم وتحتقر ..الحل في العودة للدين بلا مزايدات ..المرأة تتبع الرجل وتسعى دائما للعيش في ظل رجل فلتحترمه ليحترمها وإلا ستعيش مهانة.
قديما كانت عندو محاسن ومساوء لكن المراة كانت تعاني ياسر والرجل هو كل شئ حتى ولو كان غالط لكن نرجع ونقول الرجل قديما احسن كان رجل بمعنى الكلمة لكن جاهل المسؤلية كلها على عاتقه المراة متتكلم على حت شئ والجهل انتاعو انو يغلط والمراة تسكت ما عندها حتى راي

[ادرة مكنونة]

وكاين رجال قديما متحملوش المسؤؤلية لكن قليلا انا اعرف حكاية رجل قديما خلى زوجتو الي اصبحت عمياء بعدما كانت تعيش معاه وهي بعينيها لاباس عليهم لكن رماها بعد ما بصرت وهي نافس بولدها تركها بلا شفقة لانه كان مولا شراب وفساد سافر وخلاها لا ماوى باع البيت الي ساكنة فيه اعطوها ناس طيبين بيت سكنت فيه وفي الاخير بعدما كبر الابن وصار راجل جاء باباه وداير روحو ارجع اهذي المسؤؤلية انتاع رجال زمان الله يرحم امهاتنا قداش قاسو مساكن وارجع اقول كاين القليل كلما هاذ الشخص

[سماح 2]

_نعمْ أختي فبعض البشر قلوبهــآ كالحجرْ ,,

الحمد لله المرأة هادي صبرت ونــآلتْ ,,,,أصلا الاولاد يدوروا يدوروا ويرجعوا للأمهمْ ,,,

[زبدة ذايبة]

تلك القسوة التي ترونها هي التي كانت تحافظ على المجتمع وعلى تبعية المرأة للرجل
لذلك كانت زمن خير وعز لأن الرجل كانت عندو الكلمة والمرأة تسمع زوجها وإلا عاشت ذليلة
صحيح أن المرأة ظلمت كثيرا بسبب الجهل والتقاليد البالية لكنها تظلم أكثراليوم بجعلها في مرتبة واحدة مع الرجل فأصبح يُطلب منها أن تغير طبيعتها لتكون كالرجل وإلا سوف تظلم وتحتقر ..الحل في العودة للدين بلا مزايدات ..المرأة تتبع الرجل وتسعى دائما للعيش في ظل رجل فلتحترمه ليحترمها وإلا ستعيش مهانة.

صحيح الكلام الذي ذكرت. لكن العودة يجب أن تكون من الطرفين وضع على هذهة الكلمة سطرين . العلاقة الزوجية كحبل ذو طرفين طرفه الأول بيد الرجل والآخر بيد المرأة لو يطلق أحد الزوجين الذي في يده الحبل تسيييييييييييييييييييييييييييييييييييييييييييييييي يب الحالة.

والرجل هو الذي يقوم على امتداد الحبل ويحرسه برجولته ولايترك للمرأة أن تلعب بمصير بيته. وهكذا يحدث هذا قبل الزواج في اختيار من سيمسك معك الطرف الآخر من حياتك فإن سلمته دفة الحكم صرت تابعا لها وإن شددته بحزم وحكمة ولين نجوت ونجت هي كذلك.

[إكليل]

لا حول ولا قوة إلا بالله

[Chaima h]

يخلق الله ما يشاء و يهدي من يشاء

[ميااار]

ربي يعينها ويعين ولادها يارب ان شاء الله

[amine60]

والرضيع هاذا ما يرضعش و لا كيفاش خرج من كرش منو راضع و فاطماتو و كلش كيفاش هدا 3 أيام نحاهلها باباها و داه لراجلها حب يقول راجلها هو لي يرضعوا ؟؟؟

[amine60]

هاذي باينة عجوزتك تتفرج بزاف أفلام الهندية هههههههه

[*أمة الرحمن*]

الحمد لله انه جمعهم من جديد
جزاك الله خيرااختي

[الدكتور شهاب الدين]

موضوع شيّق في انتظار جديدك ...

[oum imane83]

قسات القلوب يالطيف .. واش رايح يكون حال ام بعيدة على فلدات كبدها

الظلم ظلمات يوم القيامة مافيش مهرب من عقاب الله .... الله يمهل ولا يهمل.. والصابر ينال طال الزمن او قصر

[ادرة مكنونة]

هاذي باينة عجوزتك تتفرج بزاف أفلام الهندية هههههههه

شكرا على المزحة الضريفة عجوزتي مجبتش من راسها كل الناس تعرف القصة وواش قلنا قسوة القلب قلب الزوج والاب الي مرحموش المسكينة والحليب موجود احيا الطفل وعادو عندو الاولاد

[~ السلطانة ~]

شافاتو من بعيد وهو شافها وراح صارت ديما هكا لكن حمدت ربي المهم تشوفو كل يوم وبدا يكبر هو وخوه وعرفو الحقيقة وديما الحق هو الي ينتصر رجعو لامهم كي كبرو والان رام ساكنين معاها هما وازواجهم تغمرهم السعادة يحبوها ياسر وهي كذلك واحفادها دايرين بيها والكل يتمشو بشورتها هذا الكل نتيجة الصبر والتضحية وان القلوب القاسية تخاف غير على نفسها والسلام عليكم

و الله تبكي ... صح القلوب القاسية تخاف غير على قلبها ...
يصراو حكايات أكثر و هذي المخلوقة راهي نالت جزاء صبرها مرتين مرة عند ربي التي لا تقاس و مرة في الدنيا كي رجعولها اولادها و احفادها ...
انه يمهل و لا يهمل . سبحانه عز و جل

[ادرة مكنونة]

و الله تبكي ... صح القلوب القاسية تخاف غير على قلبها ...
يصراو حكايات أكثر و هذي المخلوقة راهي نالت جزاء صبرها مرتين مرة عند ربي التي لا تقاس و مرة في الدنيا كي رجعولها اولادها و احفادها ...
انه يمهل و لا يهمل . سبحانه عز و جل



حقا يمهل ولا يهمل سبحانه

[ادرة مكنونة]

قسات القولب يالطيف .. واش رايح يكون حال ام بعيدة على فلدات كبدها

الظلم ظلمات يوم القيامة مافيش مهرب من عقاب الله .... الله يمهل ولا يهمل.. والصابر ينال طال الزمن او قصر


قلوب لقسى من الحجارة حيث ان هناك حجارة تتفجر منها انهار وتخشع لله

[ادرة مكنونة]

الحمد لله انه جمعهم من جديد
جزاك الله خيرااختي


وجازك بالمثل اختي انه رؤؤف بعبادهسبحانه

[ادرة مكنونة]

صح كانت بكري تخلي ولادها عند راجلها ولا ماليه


شكرا ما اصعب هذا على الام

[samar alil]

sobhan alah walahi gat3atli galbi

[oum imane83]

http://im48.gulfup.com/ii63Ya.jpg

[دولا]

الحمد لله كي رجعولها و ربي يهنيها و يطول في عمرها
و يخليهالهم يااااااااااااااارب

[zineeddine721]

واليوم مع قانون الرئيس ...هل بقات حناانة عند الأمهات

[ام وسامة]

الله يهدي ماخلق كاين ناس معندهومش الرحمة في قلوبهم. الله يهديهم

[ادرة مكنونة]

واليوم مع قانون الرئيس ...هل بقات حناانة عند الأمهات

ما فهمتش اخي انا نعرف ان الحنانة فطرة في الام ما تروحش الا بزوال الدنيا

[loui za]

ربي يهدي ما خلق يعني لهذه الادرحة انعد الضمير و الخوف من الله تعالى ربي يحازي هذه الام مسكينة وش حملت من اجل الكبدة تاعها

[ادرة مكنونة]

ربي يهدي ما خلق يعني لهذه الادرحة انعد الضمير و الخوف من الله تعالى ربي يحازي هذه الام مسكينة وش حملت من اجل الكبدة تاعها


راي في الخير اختي جازاها الله ماا صبرت الله حنين وعظيم يمهل لكن لا يهمل سبحانو