المدرسة التطبيقية للهندسة -بجــاية- لأستفساراتكم. [الأرشيف]

algeriano2009

2014-12-15, 12:14

الســـلام علـــيكم أخواني.

نظرا لأقتــراب التحــاق دفعة جانفي 2015 ارتأيت أن أضع نفسي تحت تصرفكم في أي سؤال عن المدرسة التطبيقية للهندسة بــجــاية.

أي سؤال أنـــا في الخدمة.

zakshippudan

2014-12-15, 13:13

يا اخي انا عندي ليسونس ف اقتصاد بترولي علما انو مازال ما جوزت العام تع الجيش ولكن حاب ننخرط مباشرة هل ممكن وهاد المدرسة تع الهندسة ادا تقبلني ممكن معلومات فقط وشكرا

algeriano2009

2014-12-15, 13:20

القــانون الجــديد للخدمة الوطنية يسمح بذلك ان كنت صغيرا في السن. لكن أنت تعرف ان الانخراط ليس مثل اجتياز الخدمة. على كل حال ان شاء الله يكون لك ذلك.

zakshippudan

2014-12-15, 13:29

وانا قابل التحدي ولكن كي نروح للثكنة تع باب الواد وش نقولهم بصريح العبارة حاب نتطوع أو حاب ننخرط مباشرة

في ما يخص الثكنات نقدر نخير تع الحراش ؟؟

algeriano2009

2014-12-15, 14:11

لا أنت تذهب لتأدية الخدمة عادي و تطلب الانخراط مع نهاية الخدمة الوطنية.

نعم الحراش مدرسة جيدة. لكن ان كنت من العاصمة فهذا غير ممكن.

zakshippudan

2014-12-15, 14:35

يعني الحراش ما نطمعش فيها حتى من ناحية الانخراط للعمل انا من العاصمة نجي لبجاية في ما يخص الخدمة قالي واحد تقدر تبدا العمل مباشرة دارو قانون واقيل وما تكملش الخدمة تع عام تبدا مباشرة هل هدا صحيح ؟؟

سؤال اخر كوني عندي ليسونس في اي منصب يحطوني وهل يختلف عن واحد لا يملك شهادة ؟؟

شكرا

wali94

2014-12-15, 14:42

السلام عليكم ، يا أخي أنا متطوع لبجاية و لدي 20 سنة مستوى أولى جامعي راني حاب نجوز العام زعما يشدوني ?

algeriano2009

2014-12-15, 15:10

algeriano2009

2014-12-15, 15:13

السلام عليكم ، يا أخي أنا متطوع لبجاية و لدي 20 سنة مستوى أولى جامعي راني حاب نجوز العام زعما يشدوني ?

بجــاية المتطوعين يبداو يلبسوا منهم أخي. لكن حتى اذا شدوك لا قدر الله المدرسة ممتازة و التدريب خفيف.

على كل حال خذ معك ملفاتك الطبية أخي.

بالتوفيق.

wali94

2014-12-15, 15:46

بارك الله فيك أخي العزيز ، بصح ما فهمتتش قصدي أنا حبت نجوز العام تع الخدمة الوطنية لأني بلوكيت العام تع الجامعة مع العلم أني 175 سم و 52 كغ و ليس لدي أي مرض و الحمد لله ، زعما يشدوني ?

algeriano2009

2014-12-15, 16:21

بارك الله فيك أخي العزيز ، بصح ما فهمتتش قصدي أنا حبت نجوز العام تع الخدمة الوطنية لأني بلوكيت العام تع الجامعة مع العلم أني 175 سم و 52 كغ و ليس لدي أي مرض و الحمد لله ، زعما يشدوني ?

يا أخي ان عزمت فتوكل على الله و قل أنــا رايح نجوز و استعد نفسيا لذلك ماتقولش يطلقوني لأنك هكذا لو شدوك ستنهار نفسيا و هذا مالا أنصحك به.

algeriano2009

2014-12-15, 16:24

لماذا تبلوكي أخي !!! كان الأجدر بك أن تنهي دراستك ممبعد يديرلها ربي طريق.

wali94

2014-12-15, 16:31

بارك الله فيك أخي الكريم ان شاء الله فيها خير ، بلوكيت العام ثم من بعد الخدمة ان شاء لله نكمل لدي مشروع ان شاء الله يصدق :1:

algeriano2009

2014-12-15, 16:53

معليش أخي. بالتوفيق لك.

toutou1235

2014-12-15, 18:04

السلام عليكم...
أنا في عمري 26 سنة ومن قالمة ومتحصل على شهادة تقني سامي في الاعلام الآلي حبيت نروح متطوع لبجاية وقالولي أكيد يحكموا التقنيين,,,هل هذا صحيح أخي؟؟؟

zakshippudan

2014-12-15, 18:31

الاخ algerino بارك الله فيك على الاجوبة تاعك كما قال الله سبحانه وتعالى بعد اعود بالله من الشيطان الرجيم :: وأما السائل فلا تنهر ... صدق الله العظيم ... ان شاء الله ربي يجازيك

دوك فهمت على الشهادة ادا قدرت تسقسينا على الانخراط قالولي تسينيي كونطرا وتدخل تخدم ولا قدرت جيبنا معلومات اكثر سينو يعطيك الصحة

algeriano2009

2014-12-15, 18:39

toutou1235
-------------------------------------

المتطوعين يشدوهم أخي. ان أردت اجتياز الخدمة كضابط صف لن تجد أفضل من بجاية

بالتوفيق..

toutou1235

2014-12-15, 19:23

toutou1235
-------------------------------------

المتطوعين يشدوهم أخي. ان أردت اجتياز الخدمة كضابط صف لن تجد أفضل من بجاية

بالتوفيق..

يعطيك الصحة خويا على الرد السريع...وهل يقبلوني أنا من قالمة بلاك بجاية قريبة لينا شوي لا؟؟

algeriano2009

2014-12-15, 19:44

algeriano2009

2014-12-15, 19:48

toutou1235
---------------------

تقبل عادي أخي. المدرسة فيها السطايفية عادي اذن قالمة لا حرج.

Buffalo

2014-12-15, 19:48

سلام عليكم
من فضلك اخي ممكن تقولي بالتفصيل كيف تكون التدريبات خلال 45 يوم الاولى ..

و بعدها يعني خلال الدراسة في الاقسام كاين تدريبات يومية و لا برك الدراسة ؟؟

و بعد التخرج ماهي المهام الموكلة للضباط الاحتياطيين و ماهو الفرق بينهم و بين الضباط المتعاقدين ..

اكدلي خاصة على التدريبات كيف تكون خلال 45 يوم ..

و بارك الله فيك

toutou1235

2014-12-15, 20:19

toutou1235
---------------------

تقبل عادي أخي. المدرسة فيها السطايفية عادي اذن قالمة لا حرج.

بارك الله فيك أخي =)

algeriano2009

2014-12-15, 20:20

buffalo
--------------

أخي أنــا خرجت فائض لكن زملائي كانوا يتدربوا الصباح الى غاية 11. يتعلموا الحركات العسكرية الاستعداد و الاستراحة و بعض الحركات الرياضية فقط. التدريب خفيف و أي واحد يقدرلوا عادي. لكن المشكلة في سبتمبر كانت الشمس الحارقة في بعض الايام. ماتخافش من التدريب أخي ماكان والوا + يدربوكم مرشحين كيفكم عقلية مدنية هههههه.

مكانش ضباط متعاقدين في الجيش كاين ضباط الصف المتعاقدين. المهام حسب الــ Mutation.

Ouss89

2014-12-15, 20:28

السلام عليكم ورحمة الله وبركاته
أولا أخي الكريم بارك الله فيك علىالموضوع ومساعدتك للأعضاء
أنا استفساري يشبه استفسار الأخ اللي جاوبتو حاب نتعاقد مع الجيش ولكن تجاوزت السن القانوني عندي 26 سنة
وماستر 2 يعني أذا حبيت نكمل fs يخلوني عادي والا السن يلعب دور ولازم معريفة وما الى دلك

algeriano2009

2014-12-15, 20:47

Ouss89
-----------------

أخبرنا المقدم في بجاية أن السن يجب أقل من 25 سنة.

FS مابقاتش أصبحت التوظيف على أساس الشهادة و السن شرط أساسي فيها.

'القعقاع 23'

2014-12-16, 08:30

السلام عليكم أخى ,
كيف عرفت بأنا بجاية تمسك المتطوعين ؟
و مادا ادا فاق عدد المتطوعين العدد الأقصئ للمدرسة ؟

تحياتى

ابراهيم العادي

2014-12-16, 09:05

algeriano2009 اخي ممكن تشرحنا اكثر حول الانخراط
وهل هناك ضباط صف تم قبولهم بعد ادائهم للعام

مهدي بن

2014-12-16, 10:02

أهلا أخي
أريد الإستفسار
أنا من ميلة هل التطوع في بجاية أحسن من حيث المعاملة طبعا
لدي شهادة ماستر في علوم التسيير هل هذا التخصص مقبول أم لا؟
وأيضا هل التطوع لازال مفتوح؟
وشكرا

algeriano2009

2014-12-16, 11:49

السلام عليكم أخى ,
كيف عرفت بأنا بجاية تمسك المتطوعين ؟
و مادا ادا فاق عدد المتطوعين العدد الأقصئ للمدرسة ؟

تحياتى

كنت في بجــاية أخي.

في البداية لبسوا المتطوعين أصحاب البنية الضخمة بغض النظر عن السن. من بعد بسبب العدد الكبير بداو يلبسوا برك و كاين بزاف متطوعين طلقوهم فائض خاصة الجماعة الي التحقت مع الاخير.

هذا فيما يخص الضباط. ضباط الصف الله أعلم.

algeriano2009

2014-12-16, 11:52

ابراهيم العادي
------------------------------

الانخراط الله أعلم. هذه حاجة جديدة واحد مايعطيك الصح.

algeriano2009

2014-12-16, 11:54

مهدي بن
-------------------

بجــاية من أفضل المدارس المعاملة ممتازة. كأنك في اقامة جامعية.

lounas tizi

2014-12-16, 12:17

السلام عليكم
أنا من تيزي وزو و راني حاب نتطوع في جانفي هل فتحت ابواب التطوع أم لا
وما هي رتبتي علما انني متحصل على ليسانس علوم سياسية ل م د
وهل مدرسة الادارة العسكرية في وهران جيدة
شكرا

algeriano2009

2014-12-16, 13:11

lounas tizi
-------------------

هذا الموضوع خاص بالاستفسارات حول بجاية فقط.

رتبتك مرشح يعني اسبيرو. مدرسة الادارة مايجوزوش فيها الخدمة العسكرية.

ابراهيم العادي

2014-12-16, 15:04

Ouss89
-----------------

أخبرنا المقدم في بجاية أن السن يجب أقل من 25 سنة.

FS مابقاتش أصبحت التوظيف على أساس الشهادة و السن شرط أساسي فيها.

هل تقصد هنا بعد اداء الخدمة في بجاية ام اثناء الاختيار

الرجاء التوضيح اكثر الاخ algeriano

algeriano2009

2014-12-16, 15:30

ابراهيم العادي
----------------------------

تكمل التربص في بجاية ثم الــ Mutation الى مكان العمل اي مكان الخدمة الفعلية هنا عند قرب الانتهاء من الخدمة تقدم طلب للانخراط في صفوف الجيش.

ابراهيم العادي

2014-12-16, 17:49

حتى ولو تجاوزت 23 سنة ؟؟؟؟ والطلب يقدم في بجاية ام في مكان mutation

zakshippudan

2014-12-16, 18:35

السلام عليكم و رحمة الله تعالى و بركاته
خاوتي عندي بعض الاستفسارات عن سلك الجيش لاني مهتم بالامر ان امكن
bac + 3 انا عندي ليسونس في اقتصاد بترولي تع المحروقات ماعلاباليش وش يديروني ؟؟؟؟؟؟؟
ان امكن الراتب الشهري قبل وبعد الانخراط ؟؟؟ وهل فيها زيادة لوكان يبعتوك في مهمة
و ما هي الامتيازات المتحصل عليها ( تكلفة التنقل . الرعاية الصحية ... الخ ) ؟؟؟ مور ما ندي كارطا تع ميليتار
و مادا عن السكن و متى يمكنك الاستفادة منه و هل في ولايتك ام خارجها ... ؟؟؟
و عن الترقية كيف تكون ؟؟؟؟
شكراااااا و بارك الله فيكم

'القعقاع 23'

2014-12-17, 13:18

كنت في بجــاية أخي.

في البداية لبسوا المتطوعين أصحاب البنية الضخمة بغض النظر عن السن. من بعد بسبب العدد الكبير بداو يلبسوا برك و كاين بزاف متطوعين طلقوهم فائض خاصة الجماعة الي التحقت مع الاخير.

هذا فيما يخص الضباط. ضباط الصف الله أعلم.
أخى الجماعة لى لتحقو فى الأخير , بعد كم يوم تقصد ؟ 4 , 5 أيام ؟

algeriano2009

2014-12-17, 16:19

القعقاع 23
-------------------------
27 سبتمبر في الليل أغلقت المدرسة أبوابها و الفائض طلقوه يوم 1 أكتوبر. لكن كل من التحق متأخر كان ينام في قاعة الرياضة يعني ظروف صعبة.

algeriano2009

2014-12-17, 16:23

hamzawi18

2014-12-17, 20:56

khou ana man jijel yakdro yab3toni a bejaia ou nn

'القعقاع 23'

2014-12-18, 08:32

القعقاع 23
-------------------------
27 سبتمبر في الليل أغلقت المدرسة أبوابها و الفائض طلقوه يوم 1 أكتوبر. لكن كل من التحق متأخر كان ينام في قاعة الرياضة يعني ظروف صعبة.
بارك الله فيك أخى

algeriano2009

2014-12-18, 12:59

khou ana man jijel yakdro yab3toni a bejaia ou nn

نعــم يمكن أخي. السطايفية يرسلوهم لبجاية و القسنطينية الى باتنة اذا حتى جيجل معقولة.

hepou11

2014-12-18, 21:58

نعــم يمكن أخي. السطايفية يرسلوهم لبجاية و القسنطينية الى باتنة اذا حتى جيجل معقولة.
يا اخوتي نصيحة تجنبوا بجاية لانو مركز التجنيد في سطيف لا يمنتح المتطوعين الوجهة نحو بجاية و باتنة قالولنا ماناش نبعثوا ليهم و اذا نحوسو على الفائض لازم شوية تنسيق انا شخصيا خرجت الاستدعاء اليوم للحراش متطوع و معايا بزاف كامل للحراش و ناس عنابة و الولايات الاخرى اذا مدايرين في حسابهم الفائض في بجاية ممكن الحسابات تتعقد و أظن الحراش انشاء الله يكون فيها فائض لاباس به بالتوفيق للجميع

rassimo37

2014-12-19, 11:22

الاخ algerino انا عندي ليسانس كلاسيك علم اجتماع عمري 31 سنة ومتزوج ومقبل على عملية جراحية في الخصية ممكن فيها اعفاء ولالا وشكرا ؟

algeriano2009

2014-12-19, 11:38

rassimo37
----------------------------

المتزوجين لديهم الأولوية في الفائض. الدفع التي سبقت دائما المتزوجين يخرجوهم في حالة الفائض. توكل على الله و ألتحق في أقرب دفعة أخي.

algeriano2009

2014-12-19, 11:43

يا اخوتي نصيحة تجنبوا بجاية لانو مركز التجنيد في سطيف لا يمنتح المتطوعين الوجهة نحو بجاية و باتنة قالولنا ماناش نبعثوا ليهم و اذا نحوسو على الفائض لازم شوية تنسيق انا شخصيا خرجت الاستدعاء اليوم للحراش متطوع و معايا بزاف كامل للحراش و ناس عنابة و الولايات الاخرى اذا مدايرين في حسابهم الفائض في بجاية ممكن الحسابات تتعقد و أظن الحراش انشاء الله يكون فيها فائض لاباس به بالتوفيق للجميع

أنــا كنت في بجاية و أغلب من كان فيها هم ناس الشرق و خاصة السطايفية و الباتنية. الفائض دائما كاين أخي لا تقلق لكن اذا قدر الله و شدوك يشدوك في بجاية افضل من الحراش لأن الــ mutation نتاع الحراش 90% الصحراء و الحدود.

hepou11

2014-12-19, 17:34

أنــا كنت في بجاية و أغلب من كان فيها هم ناس الشرق و خاصة السطايفية و الباتنية. الفائض دائما كاين أخي لا تقلق لكن اذا قدر الله و شدوك يشدوك في بجاية افضل من الحراش لأن الــ mutation نتاع الحراش 90% الصحراء و الحدود.
ادري يا اخي لكن مكتب التجنيد يمنع اختيار بجاية او باتنة قالوا لنا اختارو اي ثكنة ما عدا بجاية او باتنة لا يوجهون المتطوعين اليها

'القعقاع 23'

2014-12-20, 13:39

يا اخوتي نصيحة تجنبوا بجاية لانو مركز التجنيد في سطيف لا يمنتح المتطوعين الوجهة نحو بجاية و باتنة قالولنا ماناش نبعثوا ليهم و اذا نحوسو على الفائض لازم شوية تنسيق انا شخصيا خرجت الاستدعاء اليوم للحراش متطوع و معايا بزاف كامل للحراش و ناس عنابة و الولايات الاخرى اذا مدايرين في حسابهم الفائض في بجاية ممكن الحسابات تتعقد و أظن الحراش انشاء الله يكون فيها فائض لاباس به بالتوفيق للجميع
لم أفهم مادا تقصد أخى بقولك "و ناس عنابة و الولايات الاخرى اذا مدايرين في حسابهم الفائض في بجاية ممكن الحسابات تتعقد"

شكر على مرورك

tehami90

2014-12-20, 23:45

الســـلام علـــيكم أخواني

أنا عندي ماستر في الهندسة الميكانيكية عمري سنة24أريد الإنخراط في الجيش علما أني سأكمل25سنة في4/5/2015
فهل يتم قبولي في المدرسة التطبيقية للهندسة ءبجــاية بعد تأدية الخدمة الوطنية
علما أني سأبدأ جانفي متطوع

ابراهيم العادي

2014-12-21, 09:46

اخيalgeriano2009 l
ممكن الفيس نتاعك
هذا ايميلي على فيس بوك
kamal.faasi hotmail.com

tehami90

2014-12-21, 11:49

algeriano2009

2014-12-21, 15:00

اخيalgeriano2009 l
ممكن الفيس نتاعك
هذا ايميلي على فيس بوك
kamal.faasi hotmail.com

تم ارسال رسالة لك.

algeriano2009

2014-12-21, 15:02

tehami90
--------------------
الانخراط بعد الخدمة لا أعلم. هذا اجراء جديد تم نصه مع صدور قانون الخدمة الجديد.

hepou11

2014-12-21, 16:49

لم أفهم مادا تقصد أخى بقولك "و ناس عنابة و الولايات الاخرى اذا مدايرين في حسابهم الفائض في بجاية ممكن الحسابات تتعقد"

شكر على مرورك
نعم يا اخي مادام مركزالتجنيد بسطيف اغلق باب التطوع لبجاية يعني فيها ان و الامور ليست واضحة لا ادري هل المراكز الاخرى لازالت توجه المتطوعين نحو بجاية

ابراهيم العادي

2014-12-22, 14:32

لم اجد اية رسالة اخي
ابحث عن
Kamal Moradiz Zedz

ghamrinasser

2014-12-24, 18:16

السلام عليكم خويا راح نسقسيك انا جيت الثكنة في28 سبتمبر 2014 بعد غلق عملية التجنيد من بسكرة. لي اجلوهم عيطولهم في جانفي

assiremedidi

2014-12-25, 13:34

انا من ولاية بجاية لدي مستوي الاولى جامعي ماهي المدارس التي يمكن ان اتطوع فيها و هل يمكنني التطوع في مدرسة بجاية

ميساء23

2014-12-25, 18:13

السلام عليكم
خطيبي اليوم تقدم كمتطوع و بعتوه الى مدرسة بجاية
هل هناك امل يعطيوه بطاقة الاعفاء مع العلم انو لديه ليسانس لفة فرنسية ل م د عمرو 28 سنة الطول 1.87م الوزن اكثر من 95
بالاضافة انه لديه قصر في النظر
ارجو الرد اخي
بارك الله فيك

algeriano2009

2014-12-26, 16:39

assiremedidi
--------------------------------

لا يمكنك التطوع في هذه المدرسة لأنك ابن الولاية.

algeriano2009

2014-12-26, 16:42

ميساء23
-----------------------
اذا كان النقص واضح و يستعمل نظارات لذلك فاحتمال الاعفاء موجود. الوزن, السن و الطول مثالي لن يعفى من أجلهم.

ميساء23

2014-12-26, 19:03

ميساء23
-----------------------
اذا كان النقص واضح و يستعمل نظارات لذلك فاحتمال الاعفاء موجود. الوزن, السن و الطول مثالي لن يعفى من أجلهم.

شكرا اخي
من فضلك هل هناك احتمال يخرج فائض.

scu

2014-12-26, 19:27

السلام عليـــكم
الاخ algeriano2009 عندي استفسار راني دايخ و مافهمتش دير فيا مزية و فهمني
انا متحصل على شهادة ليسانس في التدريب الرياضي دفعت الديبلوم و السورسي يموت في 14 جانفي 2015 و كاتبين فيه كمتطوع و السبب في انتظار التجنيد علما اني حاب نروح نفوت و نتهنى منو
انا مافهمتش وش معناها متطوع قصدي واشي هو الفرق بينو وبين لخرين ؟
و المتطوع يقدر يخير الثكنة اللي حاب ينضم ليها ولا كيفاش ؟

algeriano2009

2014-12-26, 20:46

ميساء23
---------------

نعم أكيد. ادعوا له و الباقي مكتوب ربي.

أختي نصيحة اذا عقدتوا عقد مدني قولي له أن يأخذ الدفتر العائلي معه لأن الأولية في الفائض للمتزوجين.

algeriano2009

2014-12-26, 20:52

scu
-------------------
14جــانفي يعني سيصلك أول استدعاء هذه الأيام أن شاء الله و سيصلك OA يعني أول استدعاء و لا يمكنك اختيار الثكنة. اذا لم يصلك في أوائل جانفي تقدم من مكتب الخدمة الوطنية و أستفسر عن استدعائك ان أخبروك أنك لست مبرمجا مع دفعة جانفي 2015 أطلب منهم التطوع لكن للأسف ستجد كل الثكنات قد امتلأت و من المستبعد ان يسمح لك اختيار الثكنة.

المتطوع مثله مثل المجند العادي لكن في بعض المدارس كبجاية المتطوعين هم اول من يلبس.

ميساء23

2014-12-26, 21:13

ميساء23
---------------

نعم أكيد. ادعوا له و الباقي مكتوب ربي.

أختي نصيحة اذا عقدتوا عقد مدني قولي له أن يأخذ الدفتر العائلي معه لأن الأولية في الفائض للمتزوجين.

الف شكر اخي

scu

2014-12-27, 14:49

algeriano2009
***********************
شكـــرا لك اخي . يدخل العام الجديد نتقدم لمركز الخدمة الوطنية و نستفسر

dgray

2014-12-31, 11:16

انا من باتنة مستوى ماستر 2 رايح متطوع لـ بجاية فـ 15 جانفي 2015 إن شاء الله . شكون رايح تاني ؟ ندير روتار ولا أها ؟

algeriano2009

2014-12-31, 18:53

انا من باتنة مستوى ماستر 2 رايح متطوع لـ بجاية فـ 15 جانفي 2015 إن شاء الله . شكون رايح تاني ؟ ندير روتار ولا أها ؟

في سبتمبر الماضي الأولين أغلبيتهم لبسوا اذا تأخــر أخي. اذا عندك ملف طبي قوي لا تتأخر.

imed_19

2014-12-31, 20:24

السلام عليـــــــــــــــكم أنا بعثولي اليوم الإستدعاء + أمر بالإلتحاق لبجاية أريد معلومات عن هاته الثكنة مع انو لدي ملف طبي وبارك الله فيكم..............:):):):):)

houssam_setif

2015-01-03, 14:20

السلام عليكم. هل من معلومات عن المدرسة من حيث الفائض

forzamilan22

2015-01-03, 16:04

السلام عليكم و رحمة الله وبركاته انا من المدية 29 سنة ليسانس ل م د اعلام الي 2012 اريد ان اتطوع في المدرسة لدفعة جانفي 2015 واريد الاستفسار عن الرتبة الممنوحة و عن الطبيب الموجود في المدرسة لانني انوي دفع ملف طبي بحكم انني اعاني من مشكلة النضر للبعد و اضع نضارات

hocine2015

2015-01-03, 16:34

سلام جماعة انا خلاصلي السورسي في 30/10/2014 و تخرجت في جوان ماستر هندسة مدنية و راني حاب نروح في جانفي بصح ماوصلنيش الاستدعاء . كيفاش ندير ياالخاوة هل مازال الوقت للتطوع ؟؟ راني حاير وحاب نروح في جانفي ؟؟؟

bob000

2015-01-03, 17:43

اسلام عليكم انا من مواليد 1988 كملت قرايتي 2012(تقني سامي) ما درتش فحص طبي لحقتني استدعاء واحد باش ندخل في 15 سبتمبر 2013 ما رحتش ... عندي اذني اليمنى ما نسمعش بيها و عندي سماعة + ملف طبي مليح + شهادة طبية من المستشفى العسكري واش رايكم خاوتي لوكان ندخل للثكنة يتلقوني? حاب نروح في 15 جانفي 2015 بارك الله فيكم

mbsc10

2015-01-08, 09:35

الي بعتوه لبجاية ايحط التليفون تاعو و واش من ولاية باه نتواصلو سكرا

mbsc10

2015-01-08, 12:35

السلام عليـــــــــــــــكم أنا بعثولي اليوم الإستدعاء + أمر بالإلتحاق لبجاية أريد معلومات عن هاته الثكنة مع انو لدي ملف طبي وبارك الله فيكم..............:):):):):)

منين انت اخي و وكتاه تدخل معاك خالد قسنطيني ل 20 ندخل بجاية:mh92:

adem55

2015-01-08, 14:54

السلام عليكم انا من مواليد 1987 من ولاية سطي و لدي امر بالإلتحاق يوم 15 01 2015 مع العلم اني اعاني ن مرض الربو فما هي فرص إعفائي من الخدمة و كيف هي اوضاع الخدمة هناك و شكراا

kamal2010

2015-01-08, 17:58

اخي اسمه بلحاج بن زيان بلال من مواليد 1988 تم اختيار هذه الثكنة وهو من ولاية الشلف تخصص اعلام الي

mbsc10

2015-01-08, 19:42

اكتبونا ال fb او ارقام الهواتف للتواصل
[

KARIM 19

2015-01-08, 22:54

Salam alykom khawtiiii
ana a krim man setif
ba3thoni lthama w inchallah nahr 17 jan nroh
almohim khawtiiihabit nsaksikom tbib ta3 thama bien wala ? Mazayar
alakh algeriano 2009 momkin num tel wala fb

KARIM 19

2015-01-08, 23:22

Win jaya excet had ecole

algeriano2009

2015-01-09, 11:43

الطبيب مزير لكن الانسان المريض و مرضه يوجب الاعفــاء مايخافش.

المدرسة موجودة في الطريق الى بجاية مقابلة البحر و المطار. القادم من سطيف قول لروسوفور حطني قدام المدرسة هو يعرفها.

المدرسة جيدة في كل شيئ ماعدا الأكل 5*5. المعاملة ممتارة و الي شدوه مايتعبش في التدريب لأنه خفيف و الجو ممتاز هذا الوقت في بجاية.

أي استفسار أخر أنا موجود. رقم الهاتف نرسلهولك في الخاص الاخ كريم.

KARIM 19

2015-01-09, 21:59

Chokaran akhi algeriano
ana hkmni arni descal andi 20 jour bark w3andi scaner wsetificat
wach tgol fiha amel ??
Almohim hiya jaya fi techy wala win excet
waktach nyoum nroh fih 15 16 ... Ana golt inchallah 20 wach tgol??
Almohim ab3athli khouya num allah yaichak

algeriano2009

2015-01-10, 10:42

تفوت التيشي أخي في مدخل مدينة بجاية.

المرض غير مقنع أخي و خاصة انه جديد. لاتذهب مع البداية تأخر.

سأرسل لك رقمي في الخاص و نتحدث لكن ليس الأن لأنني مشغول بزاف أخي.

KARIM 19

2015-01-10, 14:13

salam alykom
khouya ana order appel ta3i 15 01
waktach nroh ,,??
num allah yaichak

momar2014

2015-01-10, 17:24

تطرحون أسئلة تافهة لا مؤاخدة و لكن فكروا قليلا قبل أن تطرحوا أسئلتكم ؟ إختيار الثكنة ؟ هذا نظام عسكري و ليست مؤسسة عمومية لتختار ما دمت تريد التجنيد إستفسر عن دليل التجنيد الموجود على مستوى المجموعات الإقليمية للدرك الوطني و تعرف على مواقيت التجنيد في كل المؤسسات العسكرية و الشروط و مكونات الملف و كفى لعبا و الله الموفق.

adem55

2015-01-10, 18:37

السلام عليكم

mbsc10

2015-01-11, 07:05

انا من باتنة مستوى ماستر 2 رايح متطوع لـ بجاية فـ 15 جانفي 2015 إن شاء الله . شكون رايح تاني ؟ ندير روتار ولا أها ؟

انا تاني لبجاية اعطيني رقم الهاتف و لا fb

nabilos09

2015-01-11, 10:26

انا تاني لبجاية اعطيني رقم الهاتف و لا fb

أنا تاني لبجاية
فيسبوك : nabil saadaoui

سطايفي1986

2015-01-11, 10:32

salam alykom
khouya ana order appel ta3i 15 01
waktach nroh ,,??
Num allah yaichak
ملفك ضعيف يا اخي ننصحك دير شوي روطار لانو راك رايح تلبس كون تروح بكري الطبيب مزير و ميقيمكش 05 ثواني فقط قادر كون تروح مع الاوائل تلبس و يخدموك محيط وخدمات و اطعام لانو ما عندهمش لي يخدم شي هدا و الله يعلم وربي معاك

mbsc10

2015-01-11, 12:31

أنا تاني لبجاية
فيسبوك : Nabil saadaoui

واش من تصويرة حاط تعيش

KARIM 19

2015-01-11, 13:43

ملفك ضعيف يا اخي ننصحك دير شوي روطار لانو راك رايح تلبس كون تروح بكري الطبيب مزير و ميقيمكش 05 ثواني فقط قادر كون تروح مع الاوائل تلبس و يخدموك محيط وخدمات و اطعام لانو ما عندهمش لي يخدم شي هدا و الله يعلم وربي معاك

salam alykom
khouya inta thani rayah
waktach nroh a3tina adate nroho fiha
nta rayah wala kont thama,,??

KARIM 19

2015-01-11, 13:47

A3tina num ta3ak khouya
سطايفي1986

mbsc10

2015-01-11, 14:26

A3tina num ta3ak khouya
سطايفي1986

هذا رقم هاتفي عيطلي 0657211300 FB:Khaled khalfaoui.

mino 19

2015-01-11, 15:07

سلام عليكم
خويا انا من ولاية تلمسان 24 سنة
انهى دراستي ماستار 2 هذه السنة -تخصص علوم تسيير- ..سورسي مزال ما يكمل حتي 31 ديسمبر 2015
قلت فى صيف نشوف لا نقدر نمشي متطوع فى دفعة سبتمبر الى اما ثكنة بجاية او الحراش
سؤالي هو , اريد ان اخرج فائض يعنى هدفي من التطوع هو خروجي فائض
اعمل نظارات طبية نقص نظر 7/10
هل هناك امل وما هي نصائح فى اختيار ثكنة التي هي حسب هدفي)خروج فائض(
شكرا لك

سطايفي1986

2015-01-11, 18:49

salam alykom
khouya inta thani rayah
waktach nroh a3tina adate nroho fiha
nta rayah wala kont thama,,??

كنت تما يا اخي في دفعة سبتمبر الفارط

KARIM 19

2015-01-11, 22:22

سطايفي1986
a3tina fb ta3ak khouya

nabilos09

2015-01-13, 01:36

واش من تصويرة حاط تعيش

فوطو تاعي واقف بفيستا نوار و فيها قفايل بالابيض

khaled mscm

2015-01-13, 10:53

السلام عليكم حاوتي

خوكم من بسكرة و أنا ثاني راحي لبجاية ممكن تعطولنا واش ندبو حوايج شفت مرة موضوع مليح في المنتدى و راحلي ممكن القائمة المفصلة و بارك الله فيكم

mbsc10

2015-01-13, 11:59

السلام عليكم حاوتي

خوكم من بسكرة و أنا ثاني راحي لبجاية ممكن تعطولنا واش ندبو حوايج شفت مرة موضوع مليح في المنتدى و راحلي ممكن القائمة المفصلة و بارك الله فيكم

ممكنن رقم الهاتف او الفيس بوك لتواصل اخوك خالد من قسنطسنة متوجه نحو بجاية و واش من نهار راك رايح

khaled mscm

2015-01-13, 12:07

********: Ali Kazar

mbsc10

2015-01-13, 12:13

كاين بزافففففففففففففف واش من فوطو

khaled mscm

2015-01-13, 12:24

كاين بزافففففففففففففف واش من فوطو

rani 9béltk

nabilos09

2015-01-13, 14:28

كاين بزافففففففففففففف واش من فوطو

اعطيني فيسبوك تاعك ناجوتيك

KARIM 19

2015-01-13, 14:43

salam alykom
almoltaka thama inchallah khawtiiiiiii
lakhmis inchallah

mohamed_89

2015-01-13, 20:01

السلام عليكم خاوتي انا من المسيلة و الاستدعاء في 20 ان شاء الله حبيت نسقسي قالولي الهاتف ممنوع ينحيوهلك عند الباب و يزيدوا يحوسوك مليح كاين منها هادي ولا
انا مدي ملف طبيعلى عيني عندي عيني اليمني ما نشوفش بيها و اليسرى ناقصة واش الطبيب مزير و لا محوش و قداش نقدر ندير روطار خاصة انو الاستدعاء في 20 جانفي

mohamed_89

2015-01-15, 22:34

اين جماعة بجاية

algeriano2009

2015-01-16, 11:51

نعم الهاتف ممنوع. بنوحوهولك قبل الالتحاق بالشالي. الطبيب مزير بزاااااف. اذا كان ملفك قوي في نظرك روح في الوقت 20 21 22 مافوتش.

ميساء23

2015-01-16, 12:14

اخي انا خطيبي عندو نقص في النظر اليمنى -3 و اليسرى -6 هل له امل في الاعفاء
وهل الاولوية في الفائض لكبار السن هو 28 سنة
هو رايح لبجاية يوم 22

algeriano2009

2015-01-17, 11:51

ميساء23
-----------------------
راني جاوبتك من قبل. مكانش أولوية السن في بجاية كاين 29 سنة شدوه و كاين 23 سنة طلقوه. ان شاء الله يعفى بسبب نقص النظر و عليه أخذ عقد الزواج معه لأن المتزوجين لهم الاولوية في الفائض.

mino 19

2015-01-17, 15:01

ممكن رد على سؤالي ؟

algeriano2009

2015-01-17, 21:20

zaykem

2015-01-20, 16:28

أخي أنا من غرداية, أود أن أذهب يوم الخميس,
ماهو أفضل وقت نروح فيه, يكون فيه إحتمال أني نخرج فائض ؟ لكن إذا فيه إحتمالية يرجعوني سورسي فأنا أتمني أني نروح بكري.
وش رأيك أخي ؟

KARIM 19

2015-01-20, 17:26

salam alykom
hal min akhbar khawtiiii
gadah lmothkin

mohzh

2015-01-21, 15:27

سلام عليكم
هل من اخبار حول عدد الملتحقين الى غاية اليوم
وكم سعة المدرسة من ضباط الاحتياط

sylor

2015-01-21, 20:26

عدد الملتحقين الله اعلم مي الرسمي لي راني متاكد منو انهم دخلو وش يحتاجو و زيادة في العادة تدي 320 المرة هادي رايحين يدو غير 250 سما لانويت تتكل غير امشي دخلوها اكتر من 250 والحطة مابقالهاش وتبلع ماناوييش يديرو كيما موالفين

KARIM 19

2015-01-22, 10:45

KARIM 19

2015-01-22, 10:51

salam alykom khawti kam 3ada moltahkin lhad lan

algeriano2009

2015-01-22, 12:16

أخي أنا من غرداية, أود أن أذهب يوم الخميس,
ماهو أفضل وقت نروح فيه, يكون فيه إحتمال أني نخرج فائض ؟ لكن إذا فيه إحتمالية يرجعوني سورسي فأنا أتمني أني نروح بكري.
وش رأيك أخي ؟

لا تذهب بالخميس أي لا تذهب بأيام العطلة الاسبوعية. الفائض في سبتمبر طلقوا من التحق متأخر 26.27 لكن هذا ليس بالقانون. توكل على الله واللي كتبها ربي مرحبا بها.

KARIM 19

2015-01-22, 14:47

kach jedid wala

nounoumissi

2015-01-22, 19:29

انا عندي استدعاء 15/1 ما هو اخر اجل للالتحاق

profearn

2015-03-18, 20:58

هل هذه المدرسة تقع في مركز المدينة ؟

amine23dz

2015-03-21, 14:13

هل هذه المدرسة تقع في مركز المدينة ؟
6 كلم عن وسط المدينة .

mehdii09

2015-04-12, 02:28

انا راح نروح في ماي :confused:

mehdii09

2015-04-22, 11:15

خاوتي نسقسيكم واحد كي يروح لبجاية و معاه ملف طبي اذا قبلوهولو شحال يبقى عندهم و هو فالكازارنة
انا حاب نشارك في المسابقة تاع التوظيف تاع التلعيم ، و هي تكون في 27 ماي ، خايف ندخل يفوتني

mehdii09

2015-04-22, 11:16

خاوتي نسقسيكم واحد كي يروح لبجاية و معاه ملف طبي اذا قبلوهولو شحال يبقى عندهم و هو فالكازارنة
انا حاب نشارك في المسابقة تاع التوظيف تاع التلعيم ، و هي تكون في 27 ماي ، خايف ندخل يفوتني..

Jesuis09

2018-12-23, 15:43

الســـلام علـــيكم أخواني.

نظرا لأقتــراب التحــاق دفعة جانفي 2015 ارتأيت أن أضع نفسي تحت تصرفكم في أي سؤال عن المدرسة التطبيقية للهندسة بــجــاية.

أي سؤال أنـــا في الخدمة.

ممكن سؤال اخي؟?