سؤال للحبيبة أم أماني أو أي وحده تعرف

[oumhana]

صباح الخير و الأنوار :جربت خبز أم أماني بالياؤورت،المرة الأولى جات النتيجة مبهرة وزوجي قالى خلاص هذا نوع لي كنت نتمنى دريه وفرحت ودعيت بالخير لأم أماني وكل يوم ندعيلها و فرحانه لكن عاودتو 2 مرات مجانيش كيما الأول جا طري بزاف و شوية معجن حتى تبهدلت كلي مشي أنا لدرتو المرات لفاتو.أم أماني أو أي أخت قولولي وين الخلل.متأكدة بلي تبعت الوصفة حرفيا.أنا ظنيت بلي المشكلة في ا لدليك.خاطر لازم ندلو 15 د ونايديا مراض و معنديش البترا ععجنت حوالي 8د هل هذا هو المشكل؟( و مع هذا بايتة لابسا لي gants تاع الصوف من الصطر في يديا.)رجاءا جاوبوني .

[*زهرة اللوتس*]

أختي ربي يشفيك حبيبتي , أنا ماجربتوش بصح بلاك بدلتي نوعية الفرينة أو الخميرة وزيدي شوفي , بالتوفيق

[غزالة الصّحراء]

أهلا بيك أختي. صحيح كما يُقال وصفات أم أماني نعملوهم بالتغماض أنتاع العينين ، لأنّها ذات مقادير دقيقة.. وبما أنّك جربيتي الطريقة في المرة الأولى ونجحت معاك100/100 أكيد أختي ربّما كما قالت الأخت nadia7888 أو كذلك بسبب البرودة . لأنّه بالنسبة للعجينة لما أتكون البرودة في المطبخ العجينة ماتطلعش أمليح. ولكن مالزمش تيأسي أتفكري أمليح المراحل إلي مريّتي بيهم في المرّة الأولى وأكيد رايح تنجحي مرّة أخرى. وإن شاء اللّه ألأخت الغاليّة " أم أماني" أتزيد أتوضحّ لك الأمر أكثر. .
مع تمياتي لك بالشّفاء العاجل.

[oumhana]

أشكركم أخواتي و للتأكيد ما غيرتش الفارينه وما غيرتش الخميره ولا غيرت خميره الحلوه الشيئ الوحيد هو أنني مدلكتهاش مليح وصح البرد فيلكوزينه شعلت لكويزنيار ولما سخنت طفيت ووضعت العجينة لداخل وحتى هذه الخطوه نعملها مع كل المعجنات لفيها خميره.شكرا حبيباتي على التشجيع ون شاء الله أم أماني تسمع ندائي

[غزالة الصّحراء]

أشكركم أخواتي و للتأكيد ما غيرتش الفارينه وما غيرتش الخميره ولا غيرت خميره الحلوه الشيئ الوحيد هو أنني مدلكتهاش مليح وصح البرد فيلكوزينه شعلت لكويزنيار ولما سخنت طفيت ووضعت العجينة لداخل وحتى هذه الخطوه نعملها مع كل المعجنات لفيها خميره.شكرا حبيباتي على التشجيع ون شاء الله أم أماني تسمع ندائي


شوفي يا أختي أنا في الدّّار ايحبوا بزاف المطلوع وهو اسخون وخاصّة مع زيت الزّيتون لكن للأسف مانيش نعجن المطلوع راني اندير لهم في الرخساس ) ياكلوه وهو اسخون مع أيّ شيء أنحضرو والسبب شدّة البرودة. قلتلك كلّ هذا باش أنبهك إلى أنّه العجينة مجرد ماتحس بالبرد في الوهلة الأولى رايح تتأثر ، يعني من البداية ماش رايح تطلع كيما لازم.، ولما تدخليها داخل لكويزنيار صحيح رايح تتنفخ أشويا بصّح ماش رايح اتكون اخفيفة. رايح تلقايها معجنة من الدّاخل. . وبما أنّك مغيرتيش الفرينة. أكيد المشكل في البرودة.حاولي تضمني الحرارة للمطبخ قبل بداية العجن. مع تمنياتي أن تجيب عليك الأخت الغاليّة" أم اماني" وتوضّح لك كما ينبغي حتّى نستفدوا كلّنا.

[oumhana]

شوفي يا أختي أنا في الدّّار ايحبوا بزاف المطلوع وهو اسخون وخاصّة مع زيت الزّيتون لكن للأسف مانيش نعجن المطلوع راني اندير لهم في الرخساس ) ياكلوه وهو اسخون مع أيّ شيء أنحضرو والسبب شدّة البرودة. قلتلك كلّ هذا باش أنبهك إلى أنّه العجينة مجرد ماتحس بالبرد في الوهلة الأولى رايح تتأثر ، يعني من البداية ماش رايح تطلع كيما لازم.، ولما تدخليها داخل لكويزنيار صحيح رايح تتنفخ أشويا بصّح ماش رايح اتكون اخفيفة. رايح تلقايها معجنة من الدّاخل. . وبما أنّك مغيرتيش الفرينة. أكيد المشكل في البرودة.حاولي تضمني الحرارة للمطبخ قبل بداية العجن. مع تمنياتي أن تجيب عليك الأخت الغاليّة" أم اماني" وتوضّح لك كما ينبغي حتّى نستفدوا كلّنا.



شكرا لإهتامك هذامن فظلك عليا ربي يعطيك ماتتمناي دمتي في رعايه الرحمان