ارواحو نحكيلكم واش سمعت

[ام محمد امير]

سلام الله عليكم، والله هذي القصة راهي اثرت فيا بزاف حبيت نحكيهالكم ،مرات نصدقها ومرات نكذبها ومرات نقول سبحان الله الله قادر على كل شئ
خرجت البارح نقضي وتلاقيت مع صديقة كانت تقرا معايا عندي وقت ماشفتهاش بدينا نهدرو فالحاضر والماضي سقسيتها على الاهل تاعها وعلى ختها اذا زوجت ،قاتلي عندها 8 سنوات زواج وربي مارزقهاش بالاولاد ،قتلها ماعليش ربي يفرج عليها قاتلي صح ربي يفرج وجامي يخلي عبدو قاتلي علبالي نحكيلك ماتصدقيش قتلها غير الخير، ايا بدات تحكيلي قاتلي بعد 8 سنوات زواج معندهاش اولاد،دوات ورقات، مخلات حتى بلاصة قالولها مابيك والو هذي حاجة ربي اصبري وخلاص، قاتلي واحد نهار صرا مشكل بينها وبين زوجها غضبت في دارهم بعد ايام جا زوجها يرضيها خرجو يحوسو كي عادو مروحين سمعو فالطريق صوت طفل يبكي قاتلو الزوجة احبس نشوفو الصوت منين راه يجي راجلها مابغاش وهي بقات مصرة علية باش يحبس ،بعد ماحبسو بداو يحوسو على الصوت حتى لقاو بيبي ماعندوش بزاف مالي زاد دايرينو في زورة وحاطينو على الطريق هزاتو وركبت فالسيارة راجلها مابغاش قلها نديوه للشرطة هي قاتلو لا هذا وليدي صبتو انا كون يسحقوه مايطيشوهش قاتلي طول الطريق وهي تبيكي وهذاك البيبي يبكي قاتلي جابتو وغسلتلو وهي غير تبكي خرج راجلها شراولو لحليب باش يرضع مسكين قاتلي والله بعد ساعتين حست بالم في صدرها قاتلي وبدا لحليب يسيح عندها سبحان الله قاتلي خدمتلو اوراق وسجلوه باسمهم قاتلي تنحيلها عينها ومتمسيش هذا الطفل قاتلي ماتقبل حتى واحد يغلط معاه ،قاتلي والفرحة لزادت قاتلي بعد شهرين دارت تحليل حمل لقات روحها حامل، سبحان الله ،قاتلي اختي طيبة بزاف قاتلي قالها الامام كماسترتي ملائكة ربي مايخليكش ،والله انا مالقيت واش نهدر بقات في فمي غير سبحان الله سبحان الله سبحان الله .

[ملك 25]

نظن أنها غلطت لما ما خبرتش الشرطة لوكان خبرت و من بعد قامت بالاجراءات الاخرى اللي عملتها نظن بلي من الفرحة و الشوق ما قدرتش تفارقو و لوكان دقيقة على كل الحمد لله ربي حنين كريم و ما ينسى حتى واحد

[محمد جديدي التبسي]

كيفاه يسجلوه باسمهم ؟؟!!!
التبني حرام في الإسلام يا أختاه كان عليك أن تذكريها بذلك
ربي يهديهم

[Adnou Eclypse]

كيفاه يسجلوه باسمهم ؟؟!!!
التبني حرام في الإسلام يا أختاه كان عليك أن تذكريها بذلك
ربي يهديهم

ما قالتش تبناوه ، قالت سجلوه باسمهم و هذي البارح برك الامام في الخطبة هدر عليها ، الاطفال هكا مسموح يسميوهم لانه شئ لازم ، و في وقتنا هذا ، اي انسان لازم يكون عندو لقب ـ ...تصور كون ما يعطيولوش لقب هذا الطفل ، كيفاه راح يعيش ؟ كيفاه يخدم بطاقة تعريف ؟ كيفاه راح يقرى ؟ كيفاه راح يدير جواز سفر ؟؟

الامام استدل بقصص لي جرات وقت الغزوات الاسلامية و الحروب ، كانو المسلمين وراء الخرب يلقاو اطفال صغار ، كانو يربيوهم و يعطوهم اسماء

و الله اعلم

[ام محمد امير]

كيفاه يسجلوه باسمهم ؟؟!!!
التبني حرام في الإسلام يا أختاه كان عليك أن تذكريها بذلك
ربي يهديهم

يا اخي ماقلتش تبناوه قالت سجلوه على اسمهم باش مايبقاش الطفل الضايع والله اعلم

[ام محمد امير]

نظن أنها غلطت لما ما خبرتش الشرطة لوكان خبرت و من بعد قامت بالاجراءات الاخرى اللي عملتها نظن بلي من الفرحة و الشوق ما قدرتش تفارقو و لوكان دقيقة على كل الحمد لله ربي حنين كريم و ما ينسى حتى واحد

لا يا اختى في هذيك اللحظة مابلغوش الشرطة بالصح الغدوا مين ذاك خبروهم القصة طويلة مابغيتش ندخل فالتفاصيل

[محمد جديدي التبسي]

تسجيل الطفل باسم العائلة هو التبني في حد ذاته لا فرق وهو حرام شرعا
تربيته وكفالته فيها أجر نعم وتدخل ضمن كفالة اليتيم لكن تسجيله باسم العائلة ونسبته إليها غير جائز شرعا
هناك ركن في البلدية لمجهولي النسب كان بإمكانهم أن يسجلوه هناك أو ياخذوه لدار رعاية ومن ثمة يطلبوا كفالته ويبقى بلقب آخر وعندما يكبر يخبرونه بأصله وفصله...والله اعلم
المشكلة انو قليل اللي يبحث في مسائل الحلال والحرام للأسف

[أم أماني أريج]

الحمد لله ربي عوضهم ..............
و الله في أحيان كثيرة نتمنى لو نقوم في الصباح و نلقى سلة فيها بيبي قدام باب داري كيما في الحكايات .:19:
لكن يبقى حلم فقط و حتى إجراءات التكفل راهي صعيبة بزاف :)
عجبتني مقالة قريتها في الشروق إذا ماخانتنيش الذاكرة عنوانها ..........الحصول على سلاح ناري في الجزائر أسهل من التكفل بطفل .:confused:
هو القانون الجزائري يمنع التبني و مايتسجلش الطفل في الدفتر العائلي لكن كاين إجراءات أخرى تمكنه من أخذ لقب الأب .

[.ام زكرياء.]

الله يبارك علابالك دوكا هو وليدها خاطرش رضعاتو

[mounyabiskra]

سبحان الله

[oumhana]

سبحان الله سبحان الله سبحان الله ربي يرزق ل محروم آمين و الله غير الدمعة طاحتلي

[kikimnarim2]

سبحان الله ربي قادر على كلش

[لمسة L]

سبحان الله .

[أم شروفة]

سبحان الله.ابكتني القصة.ربي ارزق كل محروم من الذرية ذرية صالح

[بنت لبحر]

حتى بكيتيني
سبحان الله ربي رحمتو واسعة .ربي يثبثلها حملها على خير و يفرحها يا رب

[سماح 2]

سبحــآنْ الله مي ما دخلتش راسي يعني ,,,ظادتْ فيها بزافْ والا مسلسل هه

[oum imane83]

كلام الي كنت رايحة نكتبه سبقتني بيه الاخت طال الرجاء تقول طلت على قلبي ...امنيتنا مشتركة ربي ينولنا الي في باللنا

[ام محمد امير]

سبحــآنْ الله مي ما دخلتش راسي يعني ,,,ظادتْ فيها بزافْ والا مسلسل هه




يا اختي هي حكاتلي واذا كذبت عليا واش هو الهدف تاعها
شكرا

[أم أماني أريج]

كلام الي كنت رايحة نكتبه سبقتني بيه الاخت طال الرجاء تقول طلت على قلبي ...امنيتنا مشتركة ربي ينولنا الي في باللنا

ربي يفرج علينا كامل أم مان :):)
أكيد رايحة نحس بيك أختي قالك مايحس بالجمرة غير لي كواتو .
ربي يرزقك في القريب العاجل

[الفآرسُ المُلثَم]

[سبحان الله ربي يفرج مهما طالت الشدة أو قصرت وان شاء الله يثبتلها الحمل

[choroukguid]

ايه سبحان االله قادر على كل شيء

[*نآدرة~]

سبحان الله ربي مافيه غير الخير
باينة بلي مومنة وربي عطالها على حساب قلبها ونيتها،نفرح كي نسمع هكذا خاطر نحس بلي كاين الصالحين صح
سبحان الله سبحان الله

[~ حراير ~]

سبحان الله العظيم
القصة صدقتها و حسيت بيها
بالنسبة للرضاعة كاينة منها و تصرا وين نقولو للمرضع هنا بالعامية,, حنت,,
لكن رضعتها تكون غير مشبعة و بالتالي هو ليس ابنها بالرضاعة لانه باه يعود ابنها لازم 6 رضعات مشبعات

اما عن التبني فلا ادري و لكن رايت شهادة ميلاد ابنة متبناة عندها لقب عائلتها في خانة اسم الاب و اسم الام ***** حاطين علامة اكس يعني و بالتالي هو منح اسم و ليس تبني

انا عن نفسي نحب ندعيلها اللا يجعلهولها ذرية صالحة و الله يرزقها بره و ربي يعمر حجر طال الرجاء و كل من متمني ربي يرزقه نعمة الذرية اللهم امين

[no name rix]

كفانااا من العاطفة وغيرهاااااااااااااااا
على الأقل لو دهبوو الى الشرطة
وما أدراك الطفل أنه مسروق ..؟ أو من ورائه حلول لقضياا أو لغيرهاا
اتقووو الله

[sinou19]

زغبت فريزتي والله

ربي رحيم لازم الانسان يتعلم الصبر وهذي الجملة لازم تبقى ديما ننطقو بيها

ان شاء الله فيها خير

+ بذكرك الطفل اللي لقاوه مرمي والله كارثة ام تطيش بنها صح غلطتي لكن هو واش ذنبو توبي لله وربي بنك واستعرفي بالغلطة بصح ربي مايخليهاش تستراح ويقى بالها مشغول وتعيش معيشة ضنكا
ماعندهاش سمانة برك هزينا طفل حديث الولادة ميت مرمي في دلو امام عمارة

[ام محمد امير]

كفانااا من العاطفة وغيرهاااااااااااااااا
على الأقل لو دهبوو الى الشرطة
وما أدراك الطفل أنه مسروق ..؟ أو من ورائه حلول لقضياا أو لغيرهاا
اتقووو الله

يا اخي راحو للشرطة بالصح منين يعرفو هذا الطفل منين جا الطفل طيشوه وحوسو في مستشفيات الولاية ملقاو حتى دليل

[wafwaf8471]

rabi krime

[dahmane42]

سبحان الله

[no name rix]

يا اخي راحو للشرطة بالصح منين يعرفو هذا الطفل منين جا الطفل طيشوه وحوسو في مستشفيات الولاية ملقاو حتى دليل

مين يعرفووو
والله غير يطلعوه حتى ويكون مختبأ
الأن التكنولجياا هي التي تتكلم هناك adn ومن خلاله يعرفوو لمن الطفل
أنا أعتقد هذه القصة من الخزعبالات التي قالتها لك أختهاا
فربما أرادوو طريقااا لكتم أصل الطفل ..واحتمال تكون القصة غير صحيحة
من غير المعقول أن يأخدو الطفل ولم يتوجهو الى الشرطة ومن غير المعقوله ان يحتفظ شخص
بابن غير شرعي لتربيته مباشرة
وربما الطفل أتى بطريقة غير شرعية وهو يعود لهاا في الاصل وارادوو هدي القصة
اهدي مجرد احتمالات لا غير
أتمنى الخير للجميع والدرية الصالحة

[hamza bennouioua]

سبحان الله سبحان الله سبحان الله

[بنت فاميليا]

يا أختي الكريمة التبني راهو حرام ومادام حطوه على اسمهم راهو تبني
يعني الطفل راه يكبر معتقد بلي هاذ الأخت وزوجها راهم والديه الحقيقييين

[ايهان]

سبحانه تعالى قادر على كل شيئ
ربي يفرحها

[amine60]

الحكاية تبانلي فلم هندي هادي صاحبتك باينتها تتفرج بزاف لهنودة

[0ibtissam]

سبحان الله ربي عوضها على صبرها

[hadiil]

سبحان الله العظيم ,,,,,,,,,,,,,,,,,,,,,,,,,,,,,سبحان الله

[mrmilano1984]

شوفو النسا شعال يموتو علي الزواج والراجل والدراري الله غالب غريزة في كل مرا من قوة ماجابتش دراري حبت باي طريقة تجل اولاد لول

[mrmilano1984]

النسا يحبو يزوجو ويديرو راجل ودراري غريزة

[ماريـام]

الطفل هاذا عندو نسب و اهل حتى لو كان فرضااا ابن زنى عندو الاب الاحرى يحوسو على اهلو

شعال من طفل راه يترمى في الجزائر و كي يكبر يبحث عن اهلو و كاين شعال من عائلة كي يموتو الي رباواه الاب و الام يرموهم الاولاد الاصليين و يحرموهم من الميراث اصلا معندهمش ورث مساكن يتصدمو

انا راني بلا اولاد و حاسا بجمرتها عندي 6 سنين ملازمش الانسان يكون اناني و يحب روحو فقط هاذا الطفل راه يتعذب كي يكبر بهاذا التصرف

هاذا رايي و الله اعلم

[soheibprof]

تسجيل الطفل باسم العائلة هو التبني في حد ذاته لا فرق وهو حرام شرعا