هم اتعبني

[مشكلتي]

طالبة باك علوم تجريبية ممتازة و الحمد لله الحكاية بدأت خيوطها تنسج في السنة الرابعة متوسط كنت الاولى على القسم بفضل الهه تعالى كنت تلك الأنثى التي لطلاما يأس الجميع اخضاعها او لفت انتباه اليها كان همي التفوق فأعرضت عن كل التلاعبات التافه التي يقوم بها مراقهوا سني قد أبدو معقدة و لكن هذه قناعتي لم أتربى على اللعب تاع البنات و التمسخير لذا لم أسمح لأحدهم أن يدنو حتى مني مع اواخر العالم و لصحبة السوء التي أحاطت بل فتكت بزميل لي في الدراسة عهدته ذاك الشاب الخلوق الذي اذا طلب مساعدة في الدراسة او وجه لي تساؤله مطئطأالرأس و لكن هيهات أضحى يلمح لي بمشاعر الحب التي أكفر بوجودها أكفر بتلك العلاقة السخيفة التي تربط مراهقين آسفة على الألفاظ السوقية المهم أعرضت عن ذلك و تحاشيت الحديث معه بديت نزليه و ما نحكيش معاه و نتجنب الهدرة معاه نجحنا و طلعنا لليسي و خممت نبدل و نغير الطريق باه ما نلقاه ما يلقاني سبقني للخطوة هو بدل و انا قعدت نقرا في الليسي هاداك و عقلية مابدلها زمان و لا مكان انا هي انا مازلت نمنع اي واحد انه يتقرب مني و او افتح له الباب اغلقت على نفسي و في كل لحظة يشتد فيها الطلبات علي كنت اذكر نفسي بالله بالشرف بالامانة التي احملها رايح نقرا جامي خممت نجرح الثقة التي وضعها في ابي و امي و اهم حاجة عندي اخي الاكبر الوحيد و اهم حاجة يستحيل نغير مبادئي و قيمي لاجل حاجة سخيفة تمسخير اليوم راني باك و فرضت علي القراية ندير درووس خصوصية خارج المكان الي نسكن فيه الطامة اني اصبحت التقي به و اصبح فعلا يقلقني و في كل نرة يعترفلي بمشاعره التي لا تؤثر في واثقة مليح بلي راني رايحة نقرا يستحيل نحكي معاه الان راني نتجنب فيه و أعرض عنه حابة نقرى عندي راغبة جامحة جعلتني في غنى عن التفكير في مثل هذه الاشياء نقرى معاه دروس خصوصية و الاخطب ان اخي يعرفه لكن الشخص الخلوق في السابق لا يعرف ما يخفيه ذلك الوجه البريء اصبح اخي يوصله معي و هو بالدلال و العز يركب في سيارت اخي و يرجع معاه في طريق العودة من الدروس الخصوصية و ان ارايحة انفجر كان اخي ذلك الساذج الذي يستغل هو في نيتو معاه و انا لا حول لي و لا قوة العاقة بيني و بين اخي عادي و اكثر شوي خويا يعزني و يخاف عليا بزاف نقول نصارحو بنوايا ذاك الشخص و ازيل العبء الذي احمل و اتخلص من مضايقاته في الطريق و لكن لا اثق في ردة فعل اخي قد اتسببب بمشكلة كبيرة خاصة ان العلاقة بينهما طيبة خايفة على خويا الوحيد و مش لاتية و مش مهتمة بذاك الشخص ان شاء الله في ستين دهية قال امصري
ماذا تشيرون علي اخبر اخي نازعاج ذاك الشخص لي ام امسك ذلك على وهن مع العلم اني قلت لبنت عمو تقرى نعايا قولو يخطيني مي ما سمعش واش ندير يا ناس مستعدة اني نواجه و نصارح خويا مي خايفة من رد فعلو
وش ندير

[*غزلان *]

السلام عليكم
أولا نحييك على مبادئك وأخلاقك العالية
ختي ما تكسريش راسك بيه وما تديريهش مشكل ممكن أنو يأثر على قرايتك ونتي مقبلة على البكالوريا إن شاء الله
ونصحك بحاجة مكن تهنيك منو نهائيا قولي لهدا الشخص بأنك رايحة تخبري خوك إدا ما فهمش بالتي هي أحسن
ونقولك بالتوفيق

[غربة أهل السنّة]

السّلام عليكم ورحمة الله وبركاته
مرحبا أختي ،،، أكثر ما أعجبني في ما كتبتِ هو عفّتُك
ولكن يا حبّذا لو تقطعي علاقتك نهائيا بالذّكور
(يعني ما تهدريش معاهم حتّى في أمور الدّراسة، حتى لا يحدث معكِ مثل ما حصل مع هذا الشّخص)
بالنّسبة لمشكلتك: أنصحك أن تخبري أخاكِ فورا بما يحصل، لأن أخوك لو يعلم بالأمر من شخص آخر
رايحة تغيضو روحو لأنه وضع ثقته في شخص وهو يحاول التّلاعب بشرفه
حبّسي الهدرة مع الذكور هكا يهابوا يقدموا خطوة ليك
كما لا تنسي الإلتزام باللباس الشّرعي الذّي يزيدك هيبة ووقارا إذا كنت لا ترتدينه طبعا
و اعلمي يا أختي : كما أن المرأة تعتز بشرفها وتعتبره أغلى شيء
كذلك الرّجل شرفه هو أغلى شيء
وأنت تعتبرين شرف العائلة فلا تدعي أيّ أحد يتلاعب بأخيك ويجعله يبدو ساذجا
وفّقك الله وثبّتك على مبادئك التّي باتت نادرة في وقتنا ندرة الأمطار في الصّحراء
والسّلام عليكم ورحمة الله وبركاته
سبحانك اللهمّ وبحمدك أشهد أن لا إله إلّا أنت أستغفرك وأتوب إليك

[سلواان]

في الحقيقة ليست هناك مشكلة ..هو موقف من جهتك تريدين اتخاذه لاأكثر...لاعيب في أن تسري لأخيك بأنك لاتحتملين تواجد ذلك الرجل معكما في السيارة او تخبري امك بذلك وبطريقتها الخاصة تبلغه ...

[سجل أنا جزائري]

لماذا راكي تعقدي في الأمور

أخبري أخك عادي قوليلو راه يدنوجيني مبعد خوك راه يقوم بالواجب ما تخافي ماوالو مش راح يقتلو راه كبير و يعرف صلاحك

الأن كي ما تقوليش لخوك راه يحسب هذاك أنك راضية بهذا الشيء و راكي تبادلي المشاعر معاه و حشمتي برك عليها راه يكمل و ما خافش من خوك

مادام خوك راه قريب ليك و يخاف علييك ما تخبيش عليه خاصة حاجة كيما هذي و هوك كي يشوفو بيلي أي حاجة تقوليها لخوك ما يزيد حتى واحد يقرب ليك

[mounyabiskra]

حفظك الله يا بنية نصيحة مني اهتمي بدراستك قبل كل شيء،

[kouki2]

ابقاي محافظة علئ ثقة خوك ما تتخلايش عليها

[naamane3]

اولا احيي فيك ثباتك على موقفك
وخوفك من ربك وحفاضك على نفسك
وخوفك على سمعة ابويك
ثانيا هذا الشاب سيبقي يطاردك
حيثما كنتي لانه راي فيك الاخلاق التي ذكرتيها
ولانه لم يلقى ردا او صدا سيبقي على موقفه
ولكي تتخلصي منه
قولى له بالحرف الواحد
يرحم باباك ماتفسدش حياتك وما تفسدليش حياتي
خليني نعيش في رضا رب العالمين والوالدين
واتركيه ولا تزيدي ولاتنقصي
اما خوك هاذا اخبريه انه لا يجوز ان
توصل غريبا مع اختك في نفس السيارة
احترم نفسك قليلا

[amoros]

صحيتي يا الفحله لكن اقول لك بما انه يركب معكم اخبري اخاك لمحيله انك تتضايقي لوجوده فقط وكملي ربي يسدد خطاك

[dalal 28]

اذا استمر في مضايقتك هدديه باخبار اخيك واذا استمر في ذلك اخبري اخاك ولا تنحرجي ولا تخافي
فالاخ موجود للهذه الامور
واستمري في قناعاتك وسدد الله خطاك
وربي ينجحك في الباك

[مريم الصابرة]

السلام عليكم اختي
الله يبارك فعقليتك والله يثبتك ويخليك هكذا المهم نجاحك فالدراسة وترضي ربي ولما تقومي بعلاقة تكون حلال خطبة وزواج المهم اختي انا من رأي اخي سجل جزائري قولي لخوك على الأقل يعرف الشخص هذاك إنت بنت رجال وإنك مش راضية إنت لما ساكتة وهو يتكسل فسيارة خوك وكانو فأعماقو يخون ثقة خوك فيه من الأفضل احكمي خوك وقوليلو ماراحش يدير امر كبير اكيد خوك واعي وحسب إنت وتقربك من خوك تعرفي تختاري الكلمات لكن انا من رأي قوليلو أفضل موفقة وما تخميش فيه بزاف لانو تخمامك فيه بملاحقتو ليك هي اول إشارات بداية التعلق قولي لخوك وهني راسك من مشكل حتى تنتبهي لقرايتك موفقة يا رب

[salem1985]

حطيه في الثقيل دوك يكره ويروح

[first first]

مررت بااختي لاقول لك.بارك اله فيك وفي اخلائقك...........وفي ضميرك .وفي تقدير الثقة التي وضعها اهلك فيك
انت مثال حسن يقتدى به
اسعدني قراءة افكارك...................واسعدني وجود امثالك على سطح الارض...فاحيانا نعتقد ان من يفكرون مثلك انقرضو.
بارك الله فيك مجددا..................وبالنسبة للنصيحة اختي.................اضن الاخوة افادوك ببعضها................لاخوف على فتاة تحمل ضميرا كضميرك.............وعقلا واعيا كعقلك..........بمعونة الله طبعا
شكرا.

[jamaltahar]

الله يبارك قوية جدا ابقي على ماانتي فيه الى ان يجيك الي يرضى ربي وانتي بيه في الوقت المناسب ممكن تبيني لاخوك انك متضايقة من الفتى بدون ان تدكري التفاصيل وهو سيقوم بما يراه مناسب

[loulou88]

السلام عليكم
اختي الله يبارك ما شاء الله ربي يسترك ويبعد عليك كل سوء وان شاء الله الامتياز في البكالوريا
اختي عادي جدا جدا وبطريقة سلسة : اخي لكان تحبني هداك الطفل ميزيدش يركب معانا في السيارة .......يسقسيك وعلاش قوليلو مشوش وانا حابة نقرا وننجح ومنحبش نهدر معاه..........فقط
ربي يوفقك

[heureuse05]

احيي والديك اولا..... الامة لا تزال بخير ....الحمد لله
نصيحتي اثبت اثبت اثبت نعم التربية و نعم الاخلاق ربي يوفقك ان شاء الله نصيحة.... اخبر اخاك ان هذا الشاب سيء كان تقول له انك سمعته يتحدث كلاما فاحشا.....لا تترك له الفرصة ان يظن ان اخاك مغفل و انه يستغبيه لمح لاخيك وارفض الركوب معه في السيارة هل ترضين ان يقول لاصحابه اخوها المغفل يوصلني معها

[NAWEL44]

اخبري اخاك احسن من تفاقم الامور

[NAWEL44]

اقول كلمة لكي الدراسة اولا

[احمدداجي]

السلام عليكم
مالا افهمه لماذا انت مهتمة بهذا ؟ ممكن تنقلب الامور حذار نصيحتي لك انسىى هذا الامر وهذا الانسان كانه لم يكن في هذا. الوجود انت من تحل المشكل تجاهليه واهتمي بامورك شكرا امثالك قليلات. وربي يجازيك واصلي على هذا نفرح بامثالك. الحمد لله مازال الخير ونحزن بعد ما نشوف الشارع والحرمة نقصت. وكثر ةالفساد الحمد لله مازال بنات الخير الدنيا بخير

[kazilo]

الاهتمام بالدراسة قبل كل شئ وكل شئ ياتي في وقته

[abad100]

طالبة باك علوم تجريبية ممتازة و الحمد لله الحكاية بدأت خيوطها تنسج في السنة الرابعة متوسط كنت الاولى على القسم بفضل الهه تعالى كنت تلك الأنثى التي لطلاما يأس الجميع اخضاعها او لفت انتباه اليها كان همي التفوق فأعرضت عن كل التلاعبات التافه التي يقوم بها مراقهوا سني قد أبدو معقدة و لكن هذه قناعتي لم أتربى على اللعب تاع البنات و التمسخير لذا لم أسمح لأحدهم أن يدنو حتى مني مع اواخر العالم و لصحبة السوء التي أحاطت بل فتكت بزميل لي في الدراسة عهدته ذاك الشاب الخلوق الذي اذا طلب مساعدة في الدراسة او وجه لي تساؤله مطئطأالرأس و لكن هيهات أضحى يلمح لي بمشاعر الحب التي أكفر بوجودها أكفر بتلك العلاقة السخيفة التي تربط مراهقين آسفة على الألفاظ السوقية المهم أعرضت عن ذلك و تحاشيت الحديث معه بديت نزليه و ما نحكيش معاه و نتجنب الهدرة معاه نجحنا و طلعنا لليسي و خممت نبدل و نغير الطريق باه ما نلقاه ما يلقاني سبقني للخطوة هو بدل و انا قعدت نقرا في الليسي هاداك و عقلية مابدلها زمان و لا مكان انا هي انا مازلت نمنع اي واحد انه يتقرب مني و او افتح له الباب اغلقت على نفسي و في كل لحظة يشتد فيها الطلبات علي كنت اذكر نفسي بالله بالشرف بالامانة التي احملها رايح نقرا جامي خممت نجرح الثقة التي وضعها في ابي و امي و اهم حاجة عندي اخي الاكبر الوحيد و اهم حاجة يستحيل نغير مبادئي و قيمي لاجل حاجة سخيفة تمسخير اليوم راني باك و فرضت علي القراية ندير درووس خصوصية خارج المكان الي نسكن فيه الطامة اني اصبحت التقي به و اصبح فعلا يقلقني و في كل نرة يعترفلي بمشاعره التي لا تؤثر في واثقة مليح بلي راني رايحة نقرا يستحيل نحكي معاه الان راني نتجنب فيه و أعرض عنه حابة نقرى عندي راغبة جامحة جعلتني في غنى عن التفكير في مثل هذه الاشياء نقرى معاه دروس خصوصية و الاخطب ان اخي يعرفه لكن الشخص الخلوق في السابق لا يعرف ما يخفيه ذلك الوجه البريء اصبح اخي يوصله معي و هو بالدلال و العز يركب في سيارت اخي و يرجع معاه في طريق العودة من الدروس الخصوصية و ان ارايحة انفجر كان اخي ذلك الساذج الذي يستغل هو في نيتو معاه و انا لا حول لي و لا قوة العاقة بيني و بين اخي عادي و اكثر شوي خويا يعزني و يخاف عليا بزاف نقول نصارحو بنوايا ذاك الشخص و ازيل العبء الذي احمل و اتخلص من مضايقاته في الطريق و لكن لا اثق في ردة فعل اخي قد اتسببب بمشكلة كبيرة خاصة ان العلاقة بينهما طيبة خايفة على خويا الوحيد و مش لاتية و مش مهتمة بذاك الشخص ان شاء الله في ستين دهية قال امصري
ماذا تشيرون علي اخبر اخي نازعاج ذاك الشخص لي ام امسك ذلك على وهن مع العلم اني قلت لبنت عمو تقرى نعايا قولو يخطيني مي ما سمعش واش ندير يا ناس مستعدة اني نواجه و نصارح خويا مي خايفة من رد فعلو
وش ندير

يا بنتي انت عندك يماك اخت كبيرة عليك شاوريها فالموضوع كبير عليك ننصحك تشاوري يماك وهي رح تلقى كيفاش تدير وتحل الموضوع امر عاجل استعجلي فيه اامر هذا مايحلوش انك تنسايه اذا انسيتيه هو ماراح ينساك ولا يترك بخير عندنا قصة مشابهة كان واحد يقرا مع وحدة ويحبها واسمع باباها وكان انسان متفهم وراح لببات الطفل وقالو الامر وما كان من اب ذاك الطفل غير راح واخطب للابن اديالو ذيك الطفلة واضمن في الامر وقال لبابها انا نتكفل بكل المصاريف اديال الدراسة و الملبس وغيرو ليهم لثنين و ليوم راهم عايشين بخير انت لا زم تحكي ليماك فهي عندها التجربة الازمة

[mimi bll]

allakh ykon fi 3ounak nchalah