مشاهدة النسخة كاملة : تعلمي الخياطه بالطريقه التقليديه 👋....سطايفيه
stayfiya
2014-12-12, 08:54
http://imagizer.imageshack.com/img673/3421/0ptkqm.jpg http://imagizer.imageshack.com/img673/3421/0ptkqm.jpg http://imagizer.imageshack.com/img673/3421/0ptkqm.jpg
السلام عليكم و رحمة الله و بركاته
اليوم حبيت نقدم درس فريد من نوعو
نظرا لانو كاين بزااف حابين يتعلمو لخياطه لكن بعيداً
عن تعقيدات الباترون و الحسابات و الضرب و الطرح
حبيت لي ماعندها حتى فكره تدخل و تتعلم ما يتوقفش الحد غير عند لي تفهم الباترون
باش ماتقولوش السطايفيه بخيله و تفهم غير طبقه معينه 😧
قلت لما لا نعلمهم و نوصللهم الفكره بطريقة امهاتنا واجدادنا في التفصيل
اكيد هي تصلح فقط لخياطة الملابس المنزليه و ليس السواريهات و الملابس الرسميه
ماتحتاجو والو غير لقماش و لمقص و حاجه تطراسيو بيها
و يديكم 👋👏👐👏:sdf:طبعاً لأنو راح نعتمد القيس بالشبر و الاصابع
بالتقرييب هي قياسات صحيحه لكن ليست دقيييقه راح نقلكم
واش معناها و كيفاش نحسبوها و كيفاش نطبقوها على لقماش
طبعا حنا رانا نتكلمو على قيس المرأه العاديه متوسطة الطول و العرض
(ميش وحده تقولي يدي صغيره و لخرى يدي كبيره) :1:
اذن راح نوضح القياسات
الشبر هو الاتساع (يعني تفتحي يدك للاخر )بين الإبهام و الخنصر(الاصبع الصغير ) و تقريبا =20سم
http://imagizer.imageshack.com/img537/5130/2LHaGv.jpg
الفِتر هو الاتساع بين راس الابهام و السبابه (اصبع التشهد ) و تقريبا =15سم
الاصابع مثال اصبعين=3 سم
راح نطبق على ورقه باش تعرفو كيفاش نستعملوهم
راح تتسائلو كيفاش نطبقو لقماش حنا دايما نتبعو لا ليزيار لي هي
حاشية لقماش باش تكون على الجانبين بصح مرات نتبعو الرسمه
لي في لقماش و نضطرو تكون الحاشيه من اسفل و من اعلى
http://imagizer.imageshack.com/img910/1165/A7EqTF.jpg
وباش جينا روبه بعرض مناسب راح نستغلو كامل عرض لقماش
http://imagizer.imageshack.com/img661/9518/tvO9tA.jpg
لي تقول ما نعرفش قداش نشري قماش نتي شوفي طولك من لكتاف للارض و ما تنسايش
حق الكفه و لخياطه و شوفي المونش قداش طولو و على حساب طولهم راح تحددي قيمة
لقماش لي تشريه اوكي و تنحي حق المونش
http://imagizer.imageshack.com/img674/8439/0oE28p.jpg
و نطبقوه اولا على ثنين
http://imagizer.imageshack.com/img661/5052/lS5Z9l.jpg
و من بعد على اربعه اذا كان متر و نصف راح يجيك عرض الروبه شبر و ِفتر
http://imagizer.imageshack.com/img538/1295/Akp9Ty.jpg
غير لكان بغيتيها دروات بالشقه راح تنقصي في العرض
راح نبسطلكم اكثر بما اننا نخدمو بالدوران(دوران الصدرو الخصر و الحوض)
معناه راح نطبق لقماش على اربعه و نخدم بجنب واحد
باش مانتعبوش رواحنا و جينا فصاله متطابقه
http://imagizer.imageshack.com/img912/3384/6cLnz0.jpg
بعدما طبقنا لقماش لازم نعرفو كيفاش نوضعو القياسات تاعنا على اليمين رسم توضيحي
http://imagizer.imageshack.com/img674/3244/mthJpA.jpg
الخط الاول من اعلى يمثل خط الكتف
عرض الكتف شبر يعني 20سم
اذن نجي على حافة الزاويه وين مطبقين الكتان ميش وين مفتوح
و نكيلو شبر داخل هاذ الشبر راح نعينو فتحة الرقبه لي هي
اربع اصابع او خمسه(على حساب الموديل او اذا كان مرا سمينه)
بالنسبه للخلف ننزل ب زوج اصابع و اما الامام ننزل بفِتر و زوج اصابع و هنا حسب
الرغبه لي تحب دير الرقبه دائريه او مربعه او قلب او مائله
في نهاية الكتف نحدد نقطه و ننزل ب باصبع
(كامل نعرف الكتف تاعنا جاي مائل ميش مسطح لذلك قمنا بالانحراف قليلا )
و هاذي زدتها من عندي. ما كانوش يهبطو كانو يديرولكتف قدقد 😜
و منو ننزل عموديا بشبر و زوج صباع (23سم) بالتقريب
(هنا لكانت مرا سمينه لازم تزيدي تهبطي سينون جيها مخنوقه )
انطلاقا من هاذ النقطه نخرجو ب 5صباع النقطه لي رانا فيها هي خط الصدر نتاعنا
باش ترسمي دورة الابط(الطابق. L'emmanchure) ديري خمس صباع فوق خط الصدر
و تخدمي الدوران تاعك يجي هايل (نورمالمون مكاش لي تقولي ما نعرفش ندور مدامك تعرفي دوري وحدة الكسره
هاذي ساهلة عليك ) 😝😝😝😝😝
نكملو نرسمو الخط الثاني لي هو خط لاطاي الخصر هو يبعد على خط الصدر ب وِفتر و زوج صباع
اذا كانت الروبه تاعك لارج ماتحتاجش تخصير يعني تضييق في لاطاي
كملي هبطي الخط تاعك من نقطة الابط لأسفل الروبه و اذا حبيتي طاييها
قيسي في خط الخصر شبر و 3صباع
بقى اخر خط و هو خط الحوض le bassin نعينو مكانو برك باش تعرفوه
هو يبعد على خط الخصر ب شبر يعني 20سم
باش تتاكدي من القيس تاع لاطاي و الصدر زيدي قيسي بالميطره و
اقسمي النتيجه على اربعه و الاضافه تكون من 2 الى4 ماتنسايش رانا نفصلو
في حوايج دار معناها الفضفضه لازمه
و اذا بغيتي تخيطي لطفله صغيره ماعليك غير تشبريلها هههه و طبقي عادي
ونكملو نطراسيو و كي نجي نقطع بالمقص لازم نخليو زياده واحد سم و لكان شايفه
روحك ما تتحكميش في لخياطه زيدي واحد و نصف و قطعي بالمقص الكفه من اسفل خليلها من 3الى5سم
http://imagizer.imageshack.com/img661/5685/zzupNY.jpg
لازم نلاحظو بلي رانا طراسينا الرقبه و قطعنا غير الخلف و مزال قماشنا مطبق على اربعه
اذن راح نفصل الامام على الخلف و نكمل نفصل رقبة الامام ( راكي معايا ولا دختي )😳😳😳
http://imagizer.imageshack.com/img538/9573/Rd2NAA.jpg
و هاذا شكلهم كي نحلو لقماش (واش رايك )
http://imagizer.imageshack.com/img661/8839/NkZ37O.jpg
المونش راح نطبقو واحد عادي مبدئيا من بعد نطرقو لأنواع على حساب المودالات لي نختاروها
اذن الكم نطبقو لكتان على اربعه بحيث يكون عندنا طول و عرض شبر و نعمل ربع دائره بهاذ الشكل
http://imagizer.imageshack.com/img674/8098/65n6nc.jpg
و هاو وين يركبو لي مونش
http://imagizer.imageshack.com/img540/4567/UnXBzZ.jpg
ما طيشوش باقي لقماش نحتاجوه نبطنو بيه حواف الرقبه من امام و خلف
بصح الحصه الجايه نتعلمو كيفاش نخيطو و واش نزيدو باش جينا خياطتنا باهيه و متقونه
اي سؤال راني هنا و توضيح الاجابات راح يكون هنا في هاذ الصفحه باش مانتيهوش
من بعد بين الردود و الصفحات
تنبيه : لي يفهم بهاذ الطريقه و يتعود عليها راح يسهل عليه يتعلم الفصاله بالباترون
الان لي بغات طبق و نصححلها راني هنا و لي بغات تكتفي بالقراءه الله يسهل ماتلقاش فرصه كيما هاذي
http://imagizer.imageshack.com/img910/3544/8EpPXp.jpg
الى اللقاء. و ما تنساوش دعواتكم لابي
سلااام
stayfiya
2014-12-12, 08:55
محجوز للنقااش و التساؤلات
فريولة ابتسام
2014-12-12, 08:55
ربي يجازيك سطوف.................راني حابة نتعلم طريقتك بالاك تكون ساهلة خير من طريقتي انا
stayfiya
2014-12-12, 09:13
صباح الانواار.استاذتي وشكون يلحقك في خياطتك ماشاء الله تبارك الرحم'ن عليك هاذي طريقه بدائيه و كانت فاتحه بيوت يعني مصدر رزق لكثيييير من النسا
و كون نقولك اول حاجه خيطتهاانا علمتهالي ميمتي بهاذ الطريقه كانت نويزات لجده هههههه ميش نويزات دوخيله يقولولها في الصح بقماش مقطن تلبسها تحت البينوار السطايفي هههههاي
chahrazed staifia
2014-12-12, 10:13
بارك الله فيك يا سطايفية ان شاء الله ربي يعطيك صحتك و يخليك دائما معانا
انا راني نقرى tailleur وكنت حابة نعرف هاذي الطريقة و اليوم بفضلك انتي و ربي عرفتها مشكووووووووووورة بزااااااااااااااااف
fadilasor
2014-12-12, 10:24
بارك الله فيك يااحلى واغلى سطايفية ربي يجعلهاذفي ميزان حسناتك ويفتحلك كل ابواب الخير ويرزقك من فضله ويكتبها لك حسنة في ميزانك والحسنة بعشر امثالها ويعتقك بها من الناااار قولي امين
souheila dz
2014-12-12, 14:32
مشكورة سطايفية ربي يعطيك ماتتمناي ويرحم باباك وجميع المؤمنين
كوكا بنت الحاج
2014-12-12, 14:39
ربي يجزيك بجنة الفردوس و يعطيك ويرضيك
جوري لؤلؤة
2014-12-12, 14:52
دائما متألقة بوركتي من الرحمان
linda loulou
2014-12-12, 14:53
rabi yjazik ya okhty staifya ana rani haba net3alem lekhyata 3and kach wahda fi setif w ma 3reftech la kachma ta3arfi delini rabi y3aychek w ycharefni koun na3arfek wala net3alam 3andek rabi ykhalik rodi 3lya
*ام عبد الكريم*
2014-12-12, 15:21
مشكورة اختي سطايفية على الموضوع ....في الحقيقة هذه هي طريقتي في الخياطة بعيدا عن الارقام و اغلبية الي عندهم موهبة في الخياطة و مادخلوش للتكوين مهني بارك الله فيك يا غالية على كل ما تقدمه لنا ربي يعطيك ما تتمنى و ربي يرحم ابوك و يجعله في الجنة ان شاء الله
:dj_17: طريقة ساهلة للي يقدرلها أنا الورقة والستيلو وراني حاصلة
nessrine1988
2014-12-12, 17:02
يعطيك الصحة انا نحب هكدا
يعطيك الصحة انت راك هنا وانا من الصبح في قسم الورشات نراجي في وشة جديدة ههه المرة الجاية عين هنا وعين لهيه باه ما نراطي والو
الطريقة هادي تخرج عليا باه نقص عليا التفلسيف ههه
يعطيك الصحة سطايفية لعزيزة وربي يسهلك امورك كيما راكي تسهليها اعلينا يرحم الوالد الكريم برحمتو الواسعة
miss w19
2014-12-12, 18:11
يعطيك الصحة خممتي في لي ميعرفوش يقيسو المقاييس
بارك الله فيك .....متتبعة لمواضيعك في صمت ....أنا مانعرفش الخياطة بصح حابة تكون عندي مبادئ عامة شكرا حبيبتي
imi122009
2014-12-12, 19:55
بارك الله فيك يا سطايفية ان شاء الله ربي يعطيك صحتك
souma.sousou
2014-12-12, 20:06
واش نقولك يعطيك الصحة يالغالية بنت الغالين الله يرحم من رباك يرحم والديك ويجعله في ميزان حسناتك وحسناتهم ......هذا لي كنت نحوس عليه لخاطر كي نشوف الباترون ندوخ وعينيا يتغمضو ونشوف غير العصافير يدورو فوق راسي .......نشاله نجرب طريقتك وننجح وندعيلك طول حياتي
ثلوج الشتاء
2014-12-12, 21:03
ربي يجازيك ختي السطايفية وربي يجعل قبر باباك روضة من رياض الجنة
الخروبية
2014-12-12, 21:22
السلام عليكم الله الله عليك تبارك الله فيك الله ينور عليك كما قاعدا تنورى علينا والله يجعل قبر باباك روضة من رياض الجنة وانا رانى حبا نولى نخيط ونحبس الفتلة قالولى اخطيك لخياطة فيها تكسار الراس كلى الفتلة مافيها والو تعلمت بصح نخيط لدار برك واش تقولى مدام رانى حابسة كى نولى لحب ربي ندخل دخلة قوية فى الفتلة ولا فى الخياطة نسنى رايك يهمنى تحية من الخروبية للحرة سطايفية وللجميع سلام ياكرام
صباح الخير لبرتي يالفحلولة شاطرة مشاء الله شاطرة الله يبارك
طريقة هادي ساهلة يثبت الموضوع باش يستفادو بيه الاخوات
stayfiya
2014-12-13, 15:04
بارك الله فيك يا سطايفية ان شاء الله ربي يعطيك صحتك و يخليك دائما معانا
انا راني نقرى tailleur وكنت حابة نعرف هاذي الطريقة و اليوم بفضلك انتي و ربي عرفتها مشكووووووووووورة بزااااااااااااااااف
لاشكر على واجب اختي الكريمه
بارك الله فيك يااحلى واغلى سطايفية ربي يجعلهاذفي ميزان حسناتك ويفتحلك كل ابواب الخير ويرزقك من فضله ويكتبها لك حسنة في ميزانك والحسنة بعشر امثالها ويعتقك بها من الناااار قولي امين
اهلا فضيله واشراهي دعدوعه
الله يسلمك شكرا
شكرااااااا
مشكورة سطايفية ربي يعطيك ماتتمناي ويرحم باباك وجميع المؤمنين
اااااميين حبيبتي سهيله
ربي يجزيك بجنة الفردوس و يعطيك ويرضيك
بارك الله فيييك
دائما متألقة بوركتي من الرحمان
الله يبارك فييك
rabi yjazik ya okhty staifya ana rani haba net3alem lekhyata 3and kach wahda fi setif w ma 3reftech la kachma ta3arfi delini rabi y3aychek w ycharefni koun na3arfek wala net3alam 3andek rabi ykhalik rodi 3lya
ياختي انا خاطيتني لخياطه و خدمتي. بعيده عليها انا هاويه فقط ما نعرفش خياطات ولا كاش وحده تعلم. الله غالب ختي ان شاء الله تلقاي
مشكورة اختي سطايفية على الموضوع ....في الحقيقة هذه هي طريقتي في الخياطة بعيدا عن الارقام و اغلبية الي عندهم موهبة في الخياطة و مادخلوش للتكوين مهني بارك الله فيك يا غالية على كل ما تقدمه لنا ربي يعطيك ما تتمنى و ربي يرحم ابوك و يجعله في الجنة ان شاء الله
الف شكر رشا فرحتيني كي عدتي تعرفي هاذ الطريقه معناه الباتروح راح يجيك ساهل سي سور
:dj_17: طريقة ساهلة للي يقدرلها أنا الورقة والستيلو وراني حاصلة
ام صافو و كيفاش بغيتي تفصلي الروبه لي حطيتيها في قسم الطلبات. هنا راهي مبسطه للغايه لمان بغيتي تتعلمي هاذي فرصتك
يعطيك الصحة انا نحب هكدا
ملييح
يعطيك الصحة انت راك هنا وانا من الصبح في قسم الورشات نراجي في وشة جديدة ههه المرة الجاية عين هنا وعين لهيه باه ما نراطي والو
الطريقة هادي تخرج عليا باه نقص عليا التفلسيف ههه
ياام ايووش نقدر ندير غير مرضوع برك قلت نحط هذا و كي يكون عمدي الوقت ندير ورشه بصح راه واحد ما راه يطبق و يفرحني غاضني الحال واقيل نحبس الورشات خلاص حتى الطلبات يطلبو و التطبيق مكاش !!!!
stayfiya
2014-12-13, 15:13
يعطيك الصحة سطايفية لعزيزة وربي يسهلك امورك كيما راكي تسهليها اعلينا يرحم الوالد الكريم برحمتو الواسعة
امييين عزيزتي ام رشدي
يعطيك الصحة خممتي في لي ميعرفوش يقيسو المقاييس
ياختي نحوس على اجر كامل ميش نص برك
بارك الله فيك .....متتبعة لمواضيعك في صمت ....أنا مانعرفش الخياطة بصح حابة تكون عندي مبادئ عامة شكرا حبيبتي
و علاه الصمت اهدري رندوش
بارك الله فيك يا سطايفية ان شاء الله ربي يعطيك صحتك
اااميين ايمي
واش نقولك يعطيك الصحة يالغالية بنت الغالين الله يرحم من رباك يرحم والديك ويجعله في ميزان حسناتك وحسناتهم ......هذا لي كنت نحوس عليه لخاطر كي نشوف الباترون ندوخ وعينيا يتغمضو ونشوف غير العصافير يدورو فوق راسي .......نشاله نجرب طريقتك وننجح وندعيلك طول حياتي
طبقي راني نستنا نفرح خاطر نقول تعبي ماراحش خساره
ربي يجازيك ختي السطايفية وربي يجعل قبر باباك روضة من رياض الجنة
شكرا سورادز
السلام عليكم الله الله عليك تبارك الله فيك الله ينور عليك كما قاعدا تنورى علينا والله يجعل قبر باباك روضة من رياض الجنة وانا رانى حبا نولى نخيط ونحبس الفتلة قالولى اخطيك لخياطة فيها تكسار الراس كلى الفتلة مافيها والو تعلمت بصح نخيط لدار برك واش تقولى مدام رانى حابسة كى نولى لحب ربي ندخل دخلة قوية فى الفتلة ولا فى الخياطة نسنى رايك يهمنى تحية من الخروبية للحرة سطايفية وللجميع سلام ياكرام
اهليين بنت لخروب والله ياختي. راني نشوف في الفتله ولات للواجهة كيما القفاطن تاع سميره راهي قلبت بيهم الحاله يعني فتله بتقنيات جديده داخل فيها الحرج و الستراس و ماتنسايش لخياطه عندها النصيب الاكبر يعني كي تتعلمي كيفاش تفصلي الدرابي و لي فورم جدد و تختارعي من راسك مودالات جديده صدقيني راح تنجحي. انا حبيتك تركزي على كامل الجوانب ميش لخياطه وحدها و ميش الفتله وحدها يعني تحكمي بياسه من الاول للاخر ميش نتي ديري فتله و لوخرى تحرجلك ممكن لي تخيطلك تفسدلك الفكره تاعك. لازم نتي تشرفي على كل المراحل. هذا رايي
صباح الخير لبرتي يالفحلولة شاطرة مشاء الله شاطرة الله يبارك
طريقة هادي ساهلة يثبت الموضوع باش يستفادو بيه الاخوات
شكرا لانسبيكتور يعطيك الصحه ماذا بيا لكان بغاو ينضمو بنات و يديرو تطبيقات تتحط في موضوع وحدو و نتابع معاهم اذا حبو
كاميلياس
2014-12-13, 15:26
مساء الخير اختي سطايفية بارك الله فيك على المجهودات لي تقومي بيها تقول طليت على قلبي نموت على الخياطة مي نخاف بصح بالطريقة هادي راح نجرب راني شريت القطيفة هاد الصباح ونسنى فيك تعطينا المودال باه نبدى .ربي يجعل قبر ابيك روض من رياض الجنة اني معاكم ان شاء الله
فال الخير
2014-12-13, 15:53
والله ربي يبارك انا حابة نبدا ان شاء الله بصح ما علابالي مين نبدا خايفة حتى من المقص و الماشينة بصح حلم حياتي نتعلم خياطة
تقوى اماني
2014-12-13, 18:23
الله اخليك سطايفية ديما راكي 444444444444444444444444444444444
يعطيك الصحة سطايفية طريقة تقليدية و ساهلة تعولمتها على ماما كانت تخيط بهذي الطريقة و كانت خياطة ماهرة ان شاء الله نكون كامهاتنا لكن تبقى الطريقة الحديثة هي الاحلى و الادق و نقدرو نخيطو كل شيء
stayfiya
2014-12-13, 21:20
مساء الخير اختي سطايفية بارك الله فيك على المجهودات لي تقومي بيها تقول طليت على قلبي نموت على الخياطة مي نخاف بصح بالطريقة هادي راح نجرب راني شريت القطيفة هاد الصباح ونسنى فيك تعطينا المودال باه نبدى .ربي يجعل قبر ابيك روض من رياض الجنة اني معاكم ان شاء الله
ان شاء الله ختي جربي و راني نتابعك و تسقصيني ختي كيما هوالها حطي المودال لي في بالك و انا نفهمك بالطريقه هاذي يعني كل شي بالشبر هههه
والله ربي يبارك انا حابة نبدا ان شاء الله بصح ما علابالي مين نبدا خايفة حتى من المقص و الماشينة بصح حلم حياتي نتعلم خياطة
ياختي رانا مع بعضانا لي مافهمتيهاش قوليلي نعاونك والله مانبخلك والله
الله اخليك سطايفية ديما راكي 444444444444444444444444444444444
الله يخليك خيتي
يعطيك الصحة سطايفية طريقة تقليدية و ساهلة تعولمتها على ماما كانت تخيط بهذي الطريقة و كانت خياطة ماهرة ان شاء الله نكون كامهاتنا لكن تبقى الطريقة الحديثة هي الاحلى و الادق و نقدرو نخيطو كل شيء
اهلين ام كوكو صديقتي ساهلة الطريه بالنسبه لواحد يعرف لخياطه بصح انا خممت في فئه لي لا علاقه بالخياطه حبيتهم يتعلمو و يستفادو
اكيد الطريقه الاكاديميه احسن ميش حديثه يعني من بكري. الهوت كوتير كاينه. المهم صح هي دقيقه بالميللي ههه بصح ميش كامل الناس تفهمها انا وحده من الناس قريت لخياطه بكل الطرق ماخليت حتى طريقه هههه خاطر نحبها و نحب نكون ملمه بكلشي و مزالني نقرا فيها و نتعلم
الخروبية
2014-12-13, 21:24
السلام عليكم ختى الحرة سطايفية مفهمتيش قصدى انا متلا كى نخدم حاجا نحكمها من البداية يعنى من التفصال لرشمة للمراحل لى شفتى حتى نخيطها وانتى عارفة معنة توقفى حاجا وانا عندى ديبلوم فى الخياطة ونعرف حتى الكورساج بصح بعض الصعبات خلاتنى نخمم نحبس الفتلة منها كاين بعض النساء ربي يهديهم كى تجى تخدم عندى تعجبها الخدمة بصح تحاول تنقص من قيمتها وتقلى متال علاه هاذى السومة يخى تخدمى بالمشينة ومافيهاش تعب هي صح ناقصة تعب بصح قبل مانحطها فى المشينة نفس التعب وزيد كاينا لى تقلى الرشمة نورمالمو باطل وحنا هنا فى قسنطينة القندورة تاع الفرقانى يرشمو فيها سبعمية الف قلت انا نتعب بالمشينة خلى ملانخيط باه ميقولليش يخى بالمشينة عندرحهم رانى نخدم بالمشينة تاع تلتمياة مليون بصح والله مشينتى تاع تلت ملاين جيمسى برك كون منحركهاش انا متتحركش ماشى كلش ابوطو على هاذى سعات نخمم نولى نخيط وعلبالى حتى لخياطة تانى ماشى بساهل بصح على الاقل كاين لى قدر تعبك لكان بكلمة طيبة واش قلتى ونتمنى الفوز فريق سطيف وتربح الكحلة نشالله تحية من الخروبية للحرة بنت لحرار سطايفية سلام
stayfiya
2014-12-13, 22:07
راني فهمتك الخروبيه ربي يقدرك يا ختي و يعطيك الصحه بصح نقولك ارضاء الناس غايه لا تدرك ربي يهديهم الناس هاذو انا نكره نناقش واحد في خدمتو خاطر غييير هو لي يقدر يقدر تعبو و كي يقولك سومه معناه هاذيك هي بصراحه مانحبش لي يفهمو عليا بزاف صح انا مانخيطش للناس بصح نخدم الكوميرس و نتعامل في البيع و الشرا و يصادفوني عباد كيما راكي تحكي انا مدامني مقيمه سلعتي و علابالي مكاش كيفها نغلب اي وحده ولا واحد حبيت نقولك لازم نتي لي تفرضي روحك بغيتي تخدمي لخياطه لازم السلعه تاعك تكون مميزه فريده متقنه مايلقاوهاش منا ولا منا غير عندك هكذا وحده ما تناقشك و اكيد نتي تخدمي بما يرضي الله اولا و ما يرضيك لخياطه مربحه خيرمن الفتله خاصة جيهتكم نتي و تعرفي راهي طريق جديده و لا رو دو فرونس كامل جبب و الوحده قبل ما توصل ليك اتأكدي بلي راهي فاتت عن مياة ميرسوري و الف حانوت تاع قنادر اخدمي لي تقدري عليها و انا راني ندعي لختي بالنجاح و الربح الحلال
فاطمة شمس الاصيل
2014-12-14, 09:40
يعطيك الصحة
وربي يعطيك ماتتمناي
ويرحم باباك وجميع المؤمنين
و يجعل عملك في ميزان حسناتك ويفتحلك كل ابواب الخير ويرزقك من فضله
تقبلي خالص محبتي ومروري المتواضع
استفدت منك الكثير ربي يسعدك يا غالية
شكرا
bant beladi
2014-12-14, 12:15
بارك الله فيك ربي يخليلك صحتك إن شاء الله انا هكدا نفصل ونخيط درك ساعة ساعة اتفكرينا بحويجات مفصلين بهدي الطريقة خلينا من الباترون وجماعتو والله ما نفهم فيه والو مرة أخرى يعطيك الصحة وإن شاء الله ديما متألقة
mimimouni
2014-12-14, 18:14
الله يبارك فيك اختي سطايفية
انا الخياطة عندي موهبة وتعلمتها كيما هكذا
بالاضافة للباترون تاع burda
والله ساهلة روعة
ربي يجعلها في ميزان حسناتك وربي يرحم والديك وجميع المسلمين
طريقة سهلة وبسيطة
انا قاعدة نطبق فيها ونعرض في الشبر تاعي ما لحقش مسكين 20سم
يعطيك الصحة ويرحم والديك
stayfiya
2014-12-15, 08:53
يعطيك الصحة
وربي يعطيك ماتتمناي
ويرحم باباك وجميع المؤمنين
و يجعل عملك في ميزان حسناتك ويفتحلك كل ابواب الخير ويرزقك من فضله
تقبلي خالص محبتي ومروري المتواضع
استفدت منك الكثير ربي يسعدك يا غالية
شكرا
بارك الله فيك ربي يخليلك صحتك إن شاء الله انا هكدا نفصل ونخيط درك ساعة ساعة اتفكرينا بحويجات مفصلين بهدي الطريقة خلينا من الباترون وجماعتو والله ما نفهم فيه والو مرة أخرى يعطيك الصحة وإن شاء الله ديما متألقة
صباح النور خيتي نتي كي تحطي اي طلب قوليلي وريلي بطريقة الشبر ولا الباترون انا نفهم ختي كيييما تحب
الله يبارك فيك اختي سطايفية
انا الخياطة عندي موهبة وتعلمتها كيما هكذا
بالاضافة للباترون تاع burda
والله ساهلة روعة
ربي يجعلها في ميزان حسناتك وربي يرحم والديك وجميع المسلمين
ااامين ياو علابالي بيك مرا و نص و خمسوعشرييين
طريقة سهلة وبسيطة
انا قاعدة نطبق فيها ونعرض في الشبر تاعي ما لحقش مسكين 20سم
يعطيك الصحة ويرحم والديك
اهلا جيجليه ههههههههه ملا راكي صغيطوطه جربي على كتافك و شبري ضك تلقاي عرض كتفك صغير راهي كاينه علاقه بين اطرافنا و لا طاي تاعنا جربي تشوفي. المهم نتي احكمي روبار اذا لقيتي عرض كتفك
فات الشبرتاعك ديري شبر و زيديلو الفارق لي لقيتيه
stayfiya
2014-12-15, 08:54
يعطيك الصحة
وربي يعطيك ماتتمناي
ويرحم باباك وجميع المؤمنين
و يجعل عملك في ميزان حسناتك ويفتحلك كل ابواب الخير ويرزقك من فضله
تقبلي خالص محبتي ومروري المتواضع
استفدت منك الكثير ربي يسعدك يا غالية
شكرا
شكرا فطوم الف شكر على المسانده الحمد لله لي قدر نفيد و لو بالقليل
السلام عليكم
اختي سطايفية ابدا باشكر الجزيل لكن ولكل اخت ساهمت في ركن الخياطة من اجل افادة اخواتها
هدي شحال وانا نتبع من بعيد ونكتب الدروس ونطبقها وندعيلكوم في ضهر الغيب واليوم حبيت نحط تطبيقي المتواضع
مرفوق بفرحة عااااااااارمة وانا نشوف حلمي يتحقق بفضل الله وبفضلكن
وحابة نقوللكم حتى لو ماكانش ردود كتيرة لمواضيعكن تاكدو بلي كاين بزاف كيما انا نتبعو من بعيد ونستفادو منكوم وندعيولكم
من صميم القلب
الجبة ماخيطتهاش فقط فوت عليها بيدي باش نشوف النتيجة :19:
والتقييم يرجع لكن واسفة على رداءة الصور
http://im72.gulfup.com/XSQdNH.jpg (http://www.gulfup.com/?eFdu3e)
http://im72.gulfup.com/34LojB.jpg (http://www.gulfup.com/?zmPySD)
حمدية حرة
2014-12-15, 12:40
احبك في الله جارتي لعزيزة
يرحم الي رباك
رني حبيت نشكرك على المجهود لي ركي ديري فيه ربي يخليك لينا ربي يرحم باباك ويسكنه فسيح جناته
http://im77.gulfup.com/MAzEcE.jpg (http://www.gulfup.com/?hf4lMd)http://im77.gulfup.com/G8i0aA.jpg (http://www.gulfup.com/?ZphG0m) شوفي هدي روبة تعلمت فيها وش ريك خخخخخخخخخخ معليهش اضحكو على روحكم المهم تعلم وخﻻص رني زت فصلت تاع هدي الورشة بصح تقرطت لبرا حبست نشري ونخيطها ونحطها نشاء الله سع على سع دريلنا ورشة تاع شبر ربي يحفضك مصورتهاش مليح شيطني بني قلي صوريني معها خخخخخخخخ
شكراااا سطااايفية
الطريقة القديمة سهلة بزاااف لكن فيها ايضا اخطاء
لانهم كانو يعتمدو على الشبر والشبر كل واحدة ويدها وكل واحدة والطول تاع يدها
على هاذي يكونو الاخطاء
الميترة حلت المشكل هههههه
stayfiya
2014-12-16, 22:04
[QUOTE=layla11;3992266086]السلام عليكم
اختي سطايفية ابدا باشكر الجزيل لكن ولكل اخت ساهمت في ركن الخياطة من اجل افادة اخواتها
هدي شحال وانا نتبع من بعيد ونكتب الدروس ونطبقها وندعيلكوم في ضهر الغيب واليوم حبيت نحط تطبيقي المتواضع
مرفوق بفرحة عااااااااارمة وانا نشوف حلمي يتحقق بفضل الله وبفضلكن
وحابة نقوللكم حتى لو ماكانش ردود كتيرة لمواضيعكن تاكدو بلي كاين بزاف كيما انا نتبعو من بعيد ونستفادو منكوم وندعيولكم
من صميم القلب
الجبة ماخيطتهاش فقط فوت عليها بيدي باش نشوف النتيجة :19:
والتقييم يرجع لكن واسفة على رداءة الصور
والله يا ختي ما تتصوري قداش فرحت اني اول وحده تطبق و توريلي الحمد لله لي قدرت نفيد و لو بالقليل بصح لوكان ن ما خيطتيهاش مزال كاين خطوه قبل لخياطه المهم نتي هزيتي فكره المره الجايه ديريها بالمشينه و البسيها بعطيك الصحه بالنسبه لوحده لا علاقه بالخياطه راكي تخطيتي مرحله الخوف و صدمتي هههه
stayfiya
2014-12-16, 22:07
رني حبيت نشكرك على المجهود لي ركي ديري فيه ربي يخليك لينا ربي يرحم باباك ويسكنه فسيح جناته
http://im77.gulfup.com/mazece.jpg (http://www.gulfup.com/?hf4lmd)http://im77.gulfup.com/g8i0aa.jpg (http://www.gulfup.com/?zphg0m) شوفي هدي روبة تعلمت فيها وش ريك خخخخخخخخخخ معليهش اضحكو على روحكم المهم تعلم وخﻻص رني زت فصلت تاع هدي الورشة بصح تقرطت لبرا حبست نشري ونخيطها ونحطها نشاء الله سع على سع دريلنا ورشة تاع شبر ربي يحفضك مصورتهاش مليح شيطني بني قلي صوريني معها خخخخخخخخ
ربي يخليلك وليدك خوخا ماشاء الله تطبيق ولا اروع كاين ديفوصغير في تركيب المونش راح نريقلوه كي نخيطو وحده مع بعضانا واش رايك الجمعه. كي نقعد نخيطو وحده كيف كيف ههههه شوفينتي كي تشوفي اي موديل و تحبي عليه قوليلي نفهمولك بالشبر و هذي دعوه لكامل لبنات لي يفهمو غير بهاذ الطريقه بالتوفيق حبيبتي
stayfiya
2014-12-16, 22:11
شكراااا سطااايفية
الطريقة القديمة سهلة بزاااف لكن فيها ايضا اخطاء
لانهم كانو يعتمدو على الشبر والشبر كل واحدة ويدها وكل واحدة والطول تاع يدها
على هاذي يكونو الاخطاء
الميترة حلت المشكل هههههه
يعطيك الصحه سرسوره. عندك الحق حبيبتي بصج راكي تهدري على لي فاهم شوي لحساب و لخياطه نسيتي فئه حابه تتعلم و ما عندها حتى خلفيه على لخياطه و ميش مستعده تخدم بالميطره. و ماتنسايش حابين يخيطو للدار يعتي المقاس هنا كيما سبق ووضحت ميش دقيق راح تكون لارج و اكثر حاجه يركزو عليها في الخدمه هاذي العين يعني عينك هي ميزانك ههههه. انا والله حبيت يكون اجري كامل و مابغيتش نتجاهل هاذ الفئه. و مزال عندي دروس اكاديميه يعني الباترون و الكورساج هذا لفئه اخرى. هههه سطوف ما تطلق وااالو :1:
ام حمزة22
2014-12-17, 06:33
مشكورة اختي سطايفية على الاهتمامات المبدولة بارك الله فيك وجزاك كل خير
ربي يرحم الوالد واسكنه الجنة
شابرمحمد
2014-12-17, 13:35
يعطيك الصحه اختي سطايفية وربي يحفظلك ميمتك
انا بهذي الطريقة نفصل ديركت على القماش ومرات نحط المقاسات بالسنتمتر
نتمنى توضحيلي اكثر طريقة البنسات مرات منعرفش كيفاش نديرهم خاصه لفساتين لي فيهم البنسات تحت الصدر ووو
نتمنى فهمتيني اختي
وياريت تزيديلنا روبات منوعه بهذي الطريقه تاع التفصال السهله مش كما الباترون لي يخلع هههه
شكرا اختي سطايفية تشجيعك فرحني بزاااااااااااااااف ربي يخليك رايحة نكمل بادن الله والله دعواتي ليك كل يوم غير ابروفيتي هههههههه
ربي يخليك سطيفية ربي ميحرمنا منك نشاء الله نتعلم على يديك رني يجزيك الفردوس الأعلى من الجنة
selma2013
2014-12-17, 17:42
روحي يا سطايفية ربي يعطيك ويرضى عليك دنيا واخرة أنا راني من الفئة لي لا علاقة بالخياطة وصراولي مواقف خلاوني نصمم باش نتعلم لخياطة على الأقل نمتع روحي وبناتي فالقنادر للدار برك اسيدي وهذي الطريقة عطاتني أمل كبير باش نبدا مشوار الألف ميل
ام جوادوياسين
2014-12-17, 18:28
بارك الله فيك يا سطايفية
ربي يجازيك ويرحم والديك
ان شاء الله ربي يجعلها في ميزان حسناتك
وربي يرحم ويغفر لباباك ويجعلو من اهل الجنة اميين
انا ان شاء الله راني معاك للامام معولة نتعلم على يدك
شفت ابداعاتك ماشاء الله
شوفي جارتي انا العطلة هادي بادن الله نطبق
وكل التطبيقات الجاية نديرلهم حساب
بارك الله فيك
stayfiya
2014-12-18, 09:24
مشكورة اختي سطايفية على الاهتمامات المبدولة بارك الله فيك وجزاك كل خير
ربي يرحم الوالد واسكنه الجنة
اميييين اختي ام حمزه بارك الله فيك
يعطيك الصحه اختي سطايفية وربي يحفظلك ميمتك
انا بهذي الطريقة نفصل ديركت على القماش ومرات نحط المقاسات بالسنتمتر
نتمنى توضحيلي اكثر طريقة البنسات مرات منعرفش كيفاش نديرهم خاصه لفساتين لي فيهم البنسات تحت الصدر ووو
نتمنى فهمتيني اختي
وياريت تزيديلنا روبات منوعه بهذي الطريقه تاع التفصال السهله مش كما الباترون لي يخلع هههه
هههه معليش اختي نتي البانس شوفي في مثال الورشه 23 و 24 توضح مكان البانس و نتي قربي القياسات شوفي الشبر تاعك قداش و كيلي
راح تنجحي ان شاء الله
شكرا اختي سطايفية تشجيعك فرحني بزاااااااااااااااف ربي يخليك رايحة نكمل بادن الله والله دعواتي ليك كل يوم غير ابروفيتي هههههههه
هههه الحمد لله
ربي يخليك سطيفية ربي ميحرمنا منك نشاء الله نتعلم على يديك رني يجزيك الفردوس الأعلى من الجنة
خوخا نتي لي لقيتيه اتعلمي منو ماتطلقيش ولي ساعداتك طريقتو طبقيها حبيبتي المهم راني هنا كشما تحتاجي
روحي يا سطايفية ربي يعطيك ويرضى عليك دنيا واخرة أنا راني من الفئة لي لا علاقة بالخياطة وصراولي مواقف خلاوني نصمم باش نتعلم لخياطة على الأقل نمتع روحي وبناتي فالقنادر للدار برك اسيدي وهذي الطريقة عطاتني أمل كبير باش نبدا مشوار الألف ميل
هههه ميش الف ميل هي حكايتها خطوه تقدري ترفدي لمقص و ماتخافيش
بارك الله فيك يا سطايفية
فيك الف برك
ربي يجازيك ويرحم والديك
ان شاء الله ربي يجعلها في ميزان حسناتك
وربي يرحم ويغفر لباباك ويجعلو من اهل الجنة اميين
انا ان شاء الله راني معاك للامام معولة نتعلم على يدك
شفت ابداعاتك ماشاء الله
شوفي جارتي انا العطلة هادي بادن الله نطبق
وكل التطبيقات الجاية نديرلهم حساب
بارك الله فيك
ان شاء الله على البركه تحبو نعمل موضوع للتطبيقات مكاش مشكل
موجو جوجو
2014-12-19, 19:34
بارك الله فيك
مليح لي ما يعرفش الخياطة كاااامل لكني شخصيا افضل الحساب بالسنتمتر و الميليمتر هههه
السلام عليكم ورحمة الله وبركاته ﻻباس سطوفة قلتي نهر الجمعة نخيطو روبة معا بعضنا ستنيت وملقيت ولو معليش نهار اوخر نشاء الله
stayfiya
2014-12-20, 14:00
اهلين خوخا والله ياختي ماقعدت البارح و كي سفت روحي راح نغيب راني حطيت ورشه بالخميس في الليل. اذا كتب ربي نديرهالكم الايام الجايه وعد مني ان شاء الله
انشاء الله حبيبتي متحيريش روحك رني عرفا بلي عندك الخدمة ربي يعينك يازينة تاعنا ويقدرك على فعل الخير
chahra elhamza
2014-12-21, 17:46
بارك الله فيك و اكثر من امثالك
mounamaram18
2014-12-21, 17:48
بارك الله فيك
باسم وبيسان
2014-12-22, 13:30
اعطيك الصحة ديما مواضيعك هايلين ومفيدين يارب نشاء الله يجعلهم فى ميزان حسناتك
كنت نفصل في روبة تاع قطيفة و استفدت كثير من درسك ربي ينولك واش في بالك و يخليلك صحتك مكانش اعز منها صدقيني بوركت فى انتظار جديدك سلام
MAIESSASAT
2014-12-22, 22:26
دائما متألقة بوركتي يا اختاه ماشاء الله
ملك الروح
2014-12-24, 21:08
الله يحفظك يا السطايفية الحرة ويعطيك ماتتمناي
الله يرحم الوالد الكريم ويجعل قبره روضة من رياض الجنة ... امييين
سمراء 40
2014-12-26, 00:10
يعطيك الصحة او ربي اعاونك راكي تفيدي فينا بزاف
stayfiya
2015-01-02, 14:22
والله عاد يجيني احباط. من الطلبات المتكرره حابين نتعلمو و افيدونا ومنا و منهيه و كي نحطو المواضيع زوج ولا ثلاثه يطبقو اتقو الله في تعبنا علاش وينهم البقيه مابقاتش اعذار الوقت و الدراهم (اكبر دليل انو انا نخدم طول الاسبوع بصح نخصص فيه وقت على جالكم نجاوبكم. على الباترونات نخيط و نصور و نخدم ورشات ...) حتى بالاجر بخلتونا بيه لاحول ولا قوة الا بالله.
عاشقة الخياطة73
2015-01-03, 09:05
الاخت سطايفية والله انا معجبة بك كثيرا ربي يحفظك
جلفااوية
2015-01-07, 23:48
مهما قلنا ماش راح نوفولك حقك ماخليتي حتى حاجة ما شرحتيهاش الله يرحم هاذيك الكرش الي جاباتك الله يفرحك دنيا واخرة انشاء الله
warda 07
2015-01-08, 12:42
الله يحفظك و يجزيك كل خير .
فال الخير
2015-01-08, 20:38
هدا وين فهمت علاه رديتي عليا بنبرة شريرة ههههههه و الله ومايروح تعبك باطل و الاجر محفوظ بربي
ام عصومي و معتز
2015-01-08, 21:49
سلام اختي سطايفيه ،تاكدي انو تعبك ما يروحش باطل و انشاء الله يجازيك خير الجزاء
farawla01
2015-01-08, 22:16
مشكورة سطايفية ربي يعطيك ماتتمناي ويرحم باباك وجميع المؤمنين
warda 07
2015-01-10, 23:16
ربي يطول في عمرك اختي .
amor.chibout
2015-01-11, 15:36
السلام عليكم ورحمة الله وبركاته
حاجة خارقة للعادة ماشاءالله ربي يحفظك
derrar k
2015-01-13, 13:23
بارك الله فيك يعطيك الصحة
ندى جزائرية وافتخر
2015-01-20, 20:36
الله يعطيك ما تتمناي الله يرحم لي ربااوك
الله يرحم باباك ويجعل قبرو روضه من رياض الجنه الله يرزقو الفردوس الاعلى
تبانلي طريقة رووعة وسهلة جدا مي راسي ثقيل نوعا ما ياريت تشرحيلي على فستان بنوته كيفاش نشبر
لخاطر بنوتي صغيرة الله يحفظك يا اخيتي استحمليني
ندى جزائرية وافتخر
2015-01-20, 20:40
مثلا كيما هاذا كيفاش ندير
http://files2.fatakat.com/2013/6/13708927053136.jpg
http://https://encrypted-tbn1.gstatic.com/images?q=tbn:ANd9GcRj83RNhYDGSlqMrtmKeE3q5i6AuO80C TKXsOT-aFlA-2l6oS7V
stayfiya
2015-01-23, 08:32
شوفي ياختي مدامك مبتدئه في هاذ الحاله معناه لازم تحطي حاجه من قياسها و تفصلي عليها. و في المودال لي حطيتيه نتي راه في لاستيك ماراحش يخرجلك نفس الشي لازم تزيدي حق التكماش جربي في بوبيه ولكان صلحتلك ديري لبنتك
يعطيك الصحة هذه الطريقة الي نحب نخدم بيها وتجيني اسهل من الحسابات بارك الله فيك وربي يعطيك واش تتمني يارب مشششششششششششششششششششكككككككككككككككككووووووررررة
امي العسل
2015-01-24, 19:29
مشكورة على هذا المجهود انااول مرة نطلب طلب واشاء الله تجاوبيني بسرعة .اولا ارسميلي في ورقة كيفاش نهز الطول الكلي لقندورة نتاع دار قصدي وين نحطالميترة انا دائما تجيني القندورة طايحة من تحت عل ليكوتي علما اني ندير في عرض القندورة ميترة اي كي نطبق القندورة عل ربعة ندير خمسين
stayfiya
2015-01-25, 12:18
يعطيك الصحة هذه الطريقة الي نحب نخدم بيها وتجيني اسهل من الحسابات بارك الله فيك وربي يعطيك واش تتمني يارب مشششششششششششششششششششكككككككككككككككككووووووررررة
اللهم امييين
مشكورة على هذا المجهود انااول مرة نطلب طلب واشاء الله تجاوبيني بسرعة .اولا ارسميلي في ورقة كيفاش نهز الطول الكلي لقندورة نتاع دار قصدي وين نحطالميترة انا دائما تجيني القندورة طايحة من تحت عل ليكوتي علما اني ندير في عرض القندورة ميترة اي كي نطبق القندورة عل ربعة ندير خمسين
الطول الكلي لازم تحكمي من كتفك للارض
هاذ الموضوع يساعدك http://www.djelfa.info/vb/showthread.php?t=1729755
شوفي نتي خمي بعقلك القندوره كي تعرضيها. من امام و من خلف يرفدها الصدر و الكرش و الباسان راكي ماعيا. و انا من الجانبين ماكاش واش يهزها اوكي اضربي طله على الورشات تاوعي ولا الباترونات تلقايني دايما نطلعفي ليكوتي ب زوج ثلاثه سم حتى ل6سم كي تكون الروبه عريضه جربي و راه تتهناي من المشكل و تنجحي و ادعيلي حبيبتي
امي العسل
2015-01-26, 07:11
يعطيك الصحة على الاجابة بصح كون غير شرحتيلي في قندورة شويةلارج علبالك بلي بالصور نفهم اكثر قصدي كيفاه ترفدي القيس عل جسم مراة مباشرةثم الباترون
امي العسل
2015-01-26, 07:14
ربي يحفظك ويجعل مثواكي الجنة ويرزقكي كل ما تتمنين
MEBSOUT FATIMA ZOHRA
2015-01-26, 13:07
شكرا حبيبتي و أستاذتنا الكريمة شكرا جزاك الله خيرا
مشكورة على كل ما تقدميه وان من متتبعينك ويعجبوني مواضيعك وربي يرحم والديك وينور طريقك
stayfiya
2015-01-26, 16:06
يعطيك الصحة على الاجابة بصح كون غير شرحتيلي في قندورة شويةلارج علبالك بلي بالصور نفهم اكثر قصدي كيفاه ترفدي القيس عل جسم مراة مباشرةثم الباترون
ياختي واش راح نقولك يعني نتي ما فهمتيش كيفاش نحكمو القياسات من هذا الدرس ولا مافهمتيش كيفاش تحطي القياسات على لقماش شوفي الورشه هاذي
http://www.djelfa.info/vb/showthread.php?t=1595533
و كاين ورشات بزاف اتفرجي فيهم و اقرايهم راح تفهمي و اذا مافهمتيش كيفاش تهزي القياسات بعد الموضوع هذا والله ما عندي ما ندير
ياريت تدخل وحده من المبتدئات فهمتني تقدر توصلك لفهامه خاطر هذا اكثر تبسيط حطيتو
ربي يحفظك ويجعل مثواكي الجنة ويرزقكي كل ما تتمنين
امين
شكرا حبيبتي و أستاذتنا الكريمة شكرا جزاك الله خيرا
شكرا لردك حبيبتي
مشكورة على كل ما تقدميه وان من متتبعينك ويعجبوني مواضيعك وربي يرحم والديك وينور طريقك
اميييين بارك الله فيك
ماما تاني عندها نفس الطريقة ..
ام هاديل وياسين
2015-01-26, 19:09
الله يبارك فيكي اختي سطايفية الله يجازيك كل خير على
كل حاجة قدمتيها ورايحة تقدميها لاحبابك تعجبني خياطتك وشرحها مفهوم حتى انا منعرفش
الخياطة بالباترون نتمنى نستفيد ونزيد نتعلم من عندك ياغلى استاذة احبكي في لله الله يوفقك
nedjoua4
2015-01-26, 21:48
شكرا على هذا الموضوع الثمين كصاحبته
stayfiya
2015-01-27, 10:49
ماما تاني عندها نفس الطريقة ..
الله يبارك خيتي
الله يبارك فيكي اختي سطايفية الله يجازيك كل خير على
كل حاجة قدمتيها ورايحة تقدميها لاحبابك تعجبني خياطتك وشرحها مفهوم حتى انا منعرفش
الخياطة بالباترون نتمنى نستفيد ونزيد نتعلم من عندك ياغلى استاذة احبكي في لله الله يوفقك
يبارك فيك ام هديل مذا بيا تستفادو ولو بالقليل
شكرا على هذا الموضوع الثمين كصاحبته
لاشكر على واجب هذا واجب كل واحد متعلم لازم يعلم اذا قدر و كلو بتوفيق من رب العالمين
أم فاطيمة
2015-01-29, 09:48
شكرا ربي يحققلك واش تتمني
mouna_m49
2015-01-30, 11:15
جزاكي الله علينا كل خير
mouna_m49
2015-01-30, 11:18
ربي يسترك شكرا
mouna_m49
2015-01-30, 11:20
بارك الله قيك
أم عبد الرحيم1
2015-02-04, 16:55
يعطيك صحيحتك وربي يجزيك اختى
stayfiya
2015-02-05, 15:30
مشكورين حبيباتي على الردود بارك الله فيكم
لجين2015
2015-02-27, 21:56
شكراااااااااا
المتفائلة 83
2015-02-27, 22:49
ربي يحفظك يالعزيزة ويحميك ويبعد عليك كل بلاء ويرزقك ماتتمناي
واش نقولك ختي راكي كفيتي و وفيتي ما عندي ما نقول غير ربي يجعله في ميزان حسناتك ويعطيك ما تتمناي انشاء الله
stayfiya
2015-03-31, 07:56
شكراً لكن جميعاً
Merciiiiiiiiiiiiiiiiiiiiiiiiiiiiiiiiiiiiiiiiiii
لميس اميرة
2015-04-12, 13:54
بارك الله فيك
بارك الله فيك و جزاك خيرا
liyo-manna
2015-04-30, 10:00
merci bcp rabi yeslemek
sousou22
2015-05-01, 08:51
بارك الله الله فيك اخت والله مشاء تدخل بسيف شرح مبسط وجميل
خالة هبة الرحمان
2015-05-01, 23:42
الله يعطيك الصحه مشكورة
ام وائل فخر الدين
2015-05-04, 15:44
شكرا لك والف شكر ياسطايفية لان من ممحبات الخياطة وهدي الطريقة لي نخيط بيها وران من المبتدات نتمنى انا نتعلم منك الكثير و الكثير ربي يخليك ويعطيك ما تتمني
شرح مفهوم ساهـــل مــاهل جزاكي الله خيرا
اخت امين
2015-05-07, 11:31
السلام عليكم
انا عضوة جديدة وقد اعجبت كثيرا بعملك اختي سطايفية في ميزان حسنلتك ان شاء الله
ربي يحفظلك باباك ويخليه تاج فوق راسك
السلام عليكم ورحمة الله وبركاته اختى الغالية سطايفة هذا وين كتبلى ربى نحط رد ونعبر عن اعجابى بيك اختى الغالية بارك الله فيك و جعله الله فى ميزان حسناتك يارب وكل مواضيعك راهى صدقة جارية ربي يتقبل منك شكرا على مجهودك الكبير انت والاخوات وصدقينى راكى حببتينى فى الخياطة بزاف وسهلتيها طول باسلوبك الرائع المشوق رانى سجلت فى دار الشباب نتعلم الخياطة يعنى ماش متعمقين بصح اساسيات الشهر هذا نخلصو ولانى ما عنديش ماشينة ماقدرتش نطبق ومريضة بايديا نتسمى ماطبقت والو ولان زوجى قبل وسمحلى نتعلم قلت ننتهز الفرصة وين ما جاب ربي نطق ورانى مخليا مواضيعك و ودوراتك كمرجع راكى كفيتى وفيتى فى الشرح وما بخلتى ربى يحلك كل ابواب يارب ولوحلك ولد الحلال الى يعززك و يحبك يا غاليا تستاهلى كل خير وانا نحبك فى الله هذى اعوام وانا نتبع فى مواضيعك الشيقة ونتمنى نكتبلك رد نشكرك فيه شكرا غاليتى وبارك الله فيك وربى يخليلك كل حبيب يارب سمحيلى طولت عليك هذا من حبى واعجابى الصادقين بيك
محبة الرحمان 12
2015-05-25, 07:42
جزاك الله خيرا
ربي يبارك فيك اختي سطايفية و يعطيك ما تتمني و يرحملك الوالد.
imaneima
2015-06-02, 17:20
يا اختي السطايفية انا نحبك والله يا اختي ولكان راكي في سطيف نجي نخيط عندك حوايج اختي
arwa alaa
2015-06-03, 22:55
ربي يسترك يا سطايفية
nadjibazed
2015-08-08, 21:24
بارك الله فيك
ام سيرين لجين
2015-08-09, 20:17
عجيتني الطريقة يعطيك الصحة اختي و راح نطبقها ان شاء الله
حية بذكر الله
2015-08-19, 20:46
يعطيك الصحة ختي سطايفية
نتمنی توضحيلي مليح الرسم الي درتيه راني دخت هههه
حية بذكر الله
2015-08-19, 23:21
بارك الله فيك حنونة راني فهمت
جزاك الله كل خير
meriemcons
2015-08-20, 21:00
يعطيك الصحة
assia alger
2016-10-02, 15:30
سلام أختي صطايفية مواضيعك رائعة لكن هناك صور لا تظهر في مواضيع الخياطة شكرا لك على مجهوداتك الكبيرة
naila166
2016-10-03, 19:16
موضوع مهم لكن الصور لا تظهر ساعدوني من فضلكم😫😭
الله يحفظك دائما المشكلة مع الصور لماذا لا تظهر
mimi_belle
2017-07-16, 23:39
شفتها روطار بزاف و للاسف كل الصور راحت نتمنى تحديث في الموضوع
طالب الغفران
2017-08-02, 22:54
والله دائما صاحبة خير ...الله يجازيك كل خير...انا راني نتبعك فالفايسبوك ايضا ...وتعلمت منك الكثير وبديت نسترزق على ربي انشاء الله والفضل يرجع لربي اولا وليك وكاين اخوات اخرين تعلمت منهم لكن انتي عندي سنين وانا نتبع في اعمالك وغير السنة ه>ي بديت نطبق بارك الله فيك
بارك الله فيك على التوضيح لكن لاتظهر لي الصور في كل موضوعاتك و ورشاتك . الرجاء من اختي المساعدة لحل المشكل . لأَنِّي بحاجة لتعلم الخياطة .
vBulletin® v3.8.10 Release Candidate 2, Copyright ©2000-2025, TranZ by Almuhajir