اريد تفسير

[hodayena]

السلام عليكم
انا مطلقة لدي شهر فقط في بداية الخلاف بيني وبين طليقي حلمت انو يقول لوالديه انو انتم سبت طلاقي
و في الشهور الاربعة نحلم بزاف يجي يرجعني لكن حصل الطلاق

قبل الطلاق حلمت انو امو اعطتني كيس في بوليرو ماغو ه وحبيبتها وفي البليغو كاين زوج ورق في هدوك الورق سحر وانا رميتلها السايش بعد ماقلبتو واخذت الورقتين حرقتهم وقعدت نقرا عليهم اية الكرسي وجا راجل عمتي راقي قالي في الورقتين سحر احرقيهم فكنت نحرقفيهم ونقرا اية الكرسي وطليقي كنت نقلو ارواح ترقي وهو هارب وبسيف باه حكتو ورقيناه واخذو ورحت وسكنت وحدي وقعدت معتنية بيه حتى شفية

وبعد طلاقي حلمت ليس ببعيد حلمت انو جابولي مطرح تع ابني وبين المطرح والغلاق لقيت سحر في سورة قماش ابيض او تركو ابيض

وايضا نحلم بزاف بالارهاب في احلامي وكل مرة تختلف شكل الحلم ولكن الهدف من الارهاب قتلي انا ومرات على مرت تخرج بقع زرقاء في جسمي ومن بعدها تختفي

[أبو همام الجزائري]

أختاه ظهور البقع وإختفاؤها يدل على أن هناك ربما سحر
إذا كنت تجدين ثقل في الصلاة وألم في أسفل الظهر وكوابيس بكثرة وعندما كنت عند زوجك كنت تتتشاجرين معه بكثرة لأتفه الأسباب
وتحسين أحيانا بضيق في التنفس
فأنصحك بأن تعرضي نفسك على راقي شرعي والله الموفق

[hodayena]

أختاه ظهور البقع وإختفاؤها يدل على أن هناك ربما سحر
إذا كنت تجدين ثقل في الصلاة وألم في أسفل الظهر وكوابيس بكثرة وعندما كنت عند زوجك كنت تتتشاجرين معه بكثرة لأتفه الأسباب
وتحسين أحيانا بضيق في التنفس
فأنصحك بأن تعرضي نفسك على راقي شرعي والله الموفق



اخي كنت نتشاجر معاه بزاف يعني على اتفه الاسباب وسبب طلاقي تافه جدا
انا لاشك في نفسي لكن اشك فيه هو يمكن انو دارو سحر ليكرهني لانو في جلسة صلح قال كرهتها وباباه ملازمو على طول
وما معنى الارهاب في المنام التي تريد قتلي انا

[ماريـام]

ربي يصلح بيناتكم و يلم الشمل و يشفيك و يشفيه
و الله اعلم كاين شئ غير طبيعي

صراتلي ليا زوجي يكرهني و يتكلم كءني عدوتو بسبب تافه و كي خرج السحر كان ماء صابون الميت حسب كلام الراقي لانو كان رغاوي بزاف تقيء رغاوي في جلستين الراقي قال انو معمول باش يبرد قلبو من جيهتي و ربي ستر بيناتنا

ارقي اختي ولازم حتى هو يرقي معاك

[أبو همام الجزائري]

اخي كنت نتشاجر معاه بزاف يعني على اتفه الاسباب وسبب طلاقي تافه جدا
انا لاشك في نفسي لكن اشك فيه هو يمكن انو دارو سحر ليكرهني لانو في جلسة صلح قال كرهتها وباباه ملازمو على طول
وما معنى الارهاب في المنام التي تريد قتلي انا
إذن عليك بالرقية وزجك عليك بالدعاءله أن يشفيه الله فربما إذا شفي أرجعك
لا تنس التوبة إلى الله راجعي نفسك في حياتك واعلمي أن الله قال{وما أصابكم من مصيبة فبما كسبت أيديكم}
وإن شئت التأكد من نفسك بأنك مسحورة فعليك بقراءت سورة البقرة يوميا بنية الرقية مدة عشرة أيام على الأقل

[hodayena]

ربي يصلح بيناتكم و يلم الشمل و يشفيك و يشفيه
و الله اعلم كاين شئ غير طبيعي

صراتلي ليا زوجي يكرهني و يتكلم كءني عدوتو بسبب تافه و كي خرج السحر كان ماء صابون الميت حسب كلام الراقي لانو كان رغاوي بزاف تقيء رغاوي في جلستين الراقي قال انو معمول باش يبرد قلبو من جيهتي و ربي ستر بيناتنا

ارقي اختي ولازم حتى هو يرقي معاك

صحيح تحسسي الكره ديالو صح كي تكلمت معاه قبل الطلاق لم يرد سماعي وكي كونا في المحكمة يقولها نكرها ومن بعد يقول نحبها ومن بعد يقول منسحقهاش وزيد وليدو ولا معلابالوش بيه يعني عايش ولا ميت اخر مرة جا بطبيعتو هو الي يسال على وليدو واش يخصو لما كنا متزوجين وهذ المرة جا قال ابعثولي حوايجو وهو مصرفش عليه
واتخيلي القضية ارفعهاقبل العيد الصغير انا شاكة الكثرة فيه ليكرهني وان ملقيتش لمن نقول ارقولو اهلو محوطين بيه
خفت نقول لصاحبو نطيح في مشكل ماله اول ولا اخر انا الكثرة خايفة عليه وجفاءو اتجاه ابنو انا والله نورمال

[hodayena]

إذن عليك بالرقية وزجك عليك بالدعاءله أن يشفيه الله فربما إذا شفي أرجعك
لا تنس التوبة إلى الله راجعي نفسك في حياتك واعلمي أن الله قال{وما أصابكم من مصيبة فبما كسبت أيديكم}
وإن شئت التأكد من نفسك بأنك مسحورة فعليك بقراءت سورة البقرة يوميا بنية الرقية مدة عشرة أيام على الأقل فإن وجدت صعوبة في أول تلاوة فسرعي برقية نفسك...

اخي الكريم انا لما كنت متزوجة كنت محافضة على صلاتي وقراءة القران والصدقة وكنت نحثو على الصلاة كان متهاون في الصلاة
وكان كل ما يلحق وقت الصلاة يروح يرقد اما ظهر اما عصر او مغرب وبسيف باه يصلي
زيد المصحف عامين زواج ولا مرة شد المصحف وقراه وكنت نقعد قدامو بلعاني نقرا وكي نقولو اقرا يقولي امبعد
ومرا امو قاتلي يعني كي كانو يرقولها هو ولا يبكي زعما غضتو يماه وماعلاباليش


البارحة في المساء درت رقية وطولت فيها شوية بديت نحس بثقل في نصف جسمي يعني رجلي ويدي اليمنى ومقدرتش نكتب بيها ومن بعد صليت العشاء وقريت شوية من سورة اليقرة كي حبستها حكمني الدوخة وجاني القياء ومقدرتش نتقيا وفي الصباح في فخذي الايمن خرجتلي بلاكة صغيرة زرقاء

[ماريـام]

صحيح تحسسي الكره ديالو صح كي تكلمت معاه قبل الطلاق لم يرد سماعي وكي كونا في المحكمة يقولها نكرها ومن بعد يقول نحبها ومن بعد يقول منسحقهاش وزيد وليدو ولا معلابالوش بيه يعني عايش ولا ميت اخر مرة جا بطبيعتو هو الي يسال على وليدو واش يخصو لما كنا متزوجين وهذ المرة جا قال ابعثولي حوايجو وهو مصرفش عليه
واتخيلي القضية ارفعهاقبل العيد الصغير انا شاكة الكثرة فيه ليكرهني وان ملقيتش لمن نقول ارقولو اهلو محوطين بيه
خفت نقول لصاحبو نطيح في مشكل ماله اول ولا اخر انا الكثرة خايفة عليه وجفاءو اتجاه ابنو انا والله نورمال

كي جي يشوف وليدو جيبو راقي و كتفوه يرقي

قبل مدولو ماء مرقي و اهدرو معاه بالسللم و جيبي واحد من العائلة تاعو تشوفوه صالح و اهل للتقوى و احكولو باش يحضر للجلسة

و كي جيبو راقي حصني البيت و متخبري حتى شخص حتى في نفسك اتجنبي تقولي راقي و اذكار متخليهمش و حصني البيت مليح داومي صبح و عشيا

حتى يجي صدقيني راح يتخلع كي يشوف الراقي و الدار محوطاا

جربيها واش خاسرا

[أبو همام الجزائري]

واصلي لتعرفي الفرق بين قراءة القرآن بنية الرقية والتلاوة العادية واصلي وإذا صعد القيء إلى الحلق إنتظريه دقيقتين فإن لم يخرج فحاولي بأصابعك وأنصحك بالرقية وأنت صائمة لترين ماذا يخرج من بطنك والله الموفق وأسأل الله أن يشفيك

[saddam02]

عليك بالرقية يا أختاه و الاكثار من قراءة القران

و ربي معااااك

[hodayena]

الله أكبر واصلي لتعرفي الفرق بين قراءة القرآن بنية الرقية والتلاوة العادية واصلي وإذا صعد القيء إلى الحلق إنتظريه دقيقتين فإن لم يخرج فحاولي بأصابعك وأنصحك بالرقية وأنت صائمة لترين ماذا يخرج من بطنك والله الموفق وأسأل الله أن يشفيك


اخي الكريم الفرق بين النيبة في تلاوة القرءان العادية نورمال ما نحس والو لاني في الفجر نقرا في المصحف ولكن بنية الرقية يتغير كل شيء
المهم العشية تاني في الانترنت قعدت دخلت لليوتوب ودرت رقية شرعية في اية الكرسيوخواتم سورة البقرة تثاوب غير طبيعي ونعاس وتجشا غير طبيعي وثقل الكتفين والام في الظهر
وقبلها كنت اسمع في سورة البقرة واحسست بالثقل الي جابن الاحساس بالغثيان ولم استطع ولما حكمت المصحف وبديتنقرا فيها شردت واحسست بثقل في القراءة وبديت نقرا وبرك
حت حبست

[hodayena]

كي جي يشوف وليدو جيبو راقي و كتفوه يرقي

قبل مدولو ماء مرقي و اهدرو معاه بالسللم و جيبي واحد من العائلة تاعو تشوفوه صالح و اهل للتقوى و احكولو باش يحضر للجلسة

و كي جيبو راقي حصني البيت و متخبري حتى شخص حتى في نفسك اتجنبي تقولي راقي و اذكار متخليهمش و حصني البيت مليح داومي صبح و عشيا

حتى يجي صدقيني راح يتخلع كي يشوف الراقي و الدار محوطاا

جربيها واش خاسرا

امنيني اختي والدو تقول راه عارف ميخلهش يجي وحدو دايمن لاسق فيه يعني مكاش كيافه نحكمو ونرقيلو لوكان جات ليا راني رقيتلو مي والدو لاسق فيه

[أم محمد علي]

من خلال ما كتبت دليل أنه سحر مأكول واصلي سورة البقرة يوميا بنية فك السحر والدعاء خاصة في الثلث الأخير من الليل والصلاة في وقتها مع أذكار الصباح والمساء وآداب النوم ترين فرقا شاسعا بدايته تعب ونوم نعاس ثم راحة نفسية لا بأس عليك طهور إن شاء الله

[ماريـام]

امنيني اختي والدو تقول راه عارف ميخلهش يجي وحدو دايمن لاسق فيه يعني مكاش كيافه نحكمو ونرقيلو لوكان جات ليا راني رقيتلو مي والدو لاسق فيه

ايه اروقولو حتى هو !!!!!
قولو الطفل ماهوش مليح و راقي قالنا لازم باباه يرقي معاه و الام تانيك و اليوم جات المناسبة في مكانها مانيش انقول اكذبي بصح هاذا امر واقع

اذا محبش البينة عليه ,,,,, و الاحسن جيبو امام مسجد تقي باش ميقولش جبتولي راقي وخلاص