تسجيل الدخول

مشاهدة النسخة كاملة : خطوبة اختي 1 جانفي

ام جيهان حورية
2014-12-11, 16:45
السلام عليكم يا خواتاتي تعيشو عندنا خطوبة اختي الصغيرة في راس العام حابتكم دبرو عليا واش ندير واش اخر عفايس خرجو وقداش نوع تاع قاطو نديرو وكل وحدة تعطيني تجربتها تعيشو حابين نديرو حاجة مليحة تحمر الوجه
في انتظار تفاعلكم.
سلمى سوسو
2014-12-11, 18:20
شوفي أختي أنا في خطبة تاعي درت لصالي مع عصير وڨازوز لخاطرش كل وحد واش يحب درت ثلاتة أنواع من لصالي أوزوج حلوين ملفاي أو ليزكير أو بعد القهوة مع لمسمن وحلويات أربعة بلوزأو زوج ساك من بعد حطيت لتاي مع مكسرات ٱو حلويات معسلين أهام شيء أنو تحي كل شيء بطبع لخطرش أختي رانا في زمن مضاهر إنشاءالله ربي يكملها
samar alil
2014-12-11, 18:29
walahi ana dart fi khotbat sahabti mkhabaz wa tcharak wa sabli bichokola wa baglawa rabi yhanikom wlo3goba lina wa limazalo anchalah
bellita
2014-12-11, 20:42
انا تاني في الخطبة تاعي درت لي صالي 3 انواع عند مرا تخدمهم لي مادلان صالي و لي باركات معمرين بالفرماج و سكالوب و سوفلي مع القازوز و درنا قهوة مع قطايف و مقرود اللوز و قاطوات واحد اخرين بصح مادرتش الصماط خاطر درتو في الشوفة يا ختي المصاريف بزاف خسارة مانعرفش نحط الصور كون راني نعتلك واش درت و حتى كيفاه طبقي لي سافريات وتاني السكر الملون خدمتو و المعجون تاع حب الملوك درتو قبل و خبيتو في المجمد
مبروك عليكم و ربي يهنيها و يكمللها بالخير
ام جيهان حورية
2014-12-12, 16:34
انا تاني في الخطبة تاعي درت لي صالي 3 انواع عند مرا تخدمهم لي مادلان صالي و لي باركات معمرين بالفرماج و سكالوب و سوفلي مع القازوز و درنا قهوة مع قطايف و مقرود اللوز و قاطوات واحد اخرين بصح مادرتش الصماط خاطر درتو في الشوفة يا ختي المصاريف بزاف خسارة مانعرفش نحط الصور كون راني نعتلك واش درت و حتى كيفاه طبقي لي سافريات وتاني السكر الملون خدمتو و المعجون تاع حب الملوك درتو قبل و خبيتو في المجمد
مبروك عليكم و ربي يهنيها و يكمللها بالخير

ربي يعيشك وربي يكملك كون غير تنعتلي السرافط كيفاش طبقتيهم وتاني وصفة المادلين المالح
ام جيهان حورية
2014-12-12, 16:36
شوفي أختي أنا في خطبة تاعي درت لصالي مع عصير وڨازوز لخاطرش كل وحد واش يحب درت ثلاتة أنواع من لصالي أوزوج حلوين ملفاي أو ليزكير أو بعد القهوة مع لمسمن وحلويات أربعة بلوزأو زوج ساك من بعد حطيت لتاي مع مكسرات ٱو حلويات معسلين أهام شيء أنو تحي كل شيء بطبع لخطرش أختي رانا في زمن مضاهر إنشاءالله ربي يكملها

والله عندك الحق حتي احنا حابين نديرو حاجة مليحة وهكاك والعبد مش راح يمنع من تعليق هدا هو زمانا حبينا ولا كرهنا لازمنا نتبعو الي خير علينا لاشتا تجي علينا في المصاريف
aouniak
2014-12-12, 16:48
انا في خطبة اختي درنا المرة الاولى لسالي مع الجي من بعد حطينا القهوة والحلويات مقروض وبقلاوة وعش البلبل والبيراميد والقريوش وزدنا حطينا الزيراوي بالحليب
أم تيم الله
2014-12-12, 17:44
الف مبروك اختي و ربي يتمملها على خير
melissa lola
2014-12-12, 19:31
انا نقولك مبروك على اختك وربي يكمللها
قمر 77
2014-12-13, 09:23
مبروك على اختك اختي و الله انا نظن ام اماني وفاة و كفاة قاطواتها روعة و بريزونتابل و طرق جديدة وناجحة ربي يعطيها ما تتمنى شوفي االموسوعة نتاعها كاش ما تلقاي و ربي يسجي
نور الهدى التبسية
2014-12-13, 10:50
سلام
انا في خطبتي درنا 4 انواع مع البقلاوة
المهم ربي يكملها
mojab
2014-12-13, 21:47
:dj_17::dj_17::dj_17::dj_17::dj_17::dj_17:
رهف كاتيا
2014-12-14, 15:15
مبروك على اختك وربي يكمللها
ام جيهان حورية
2014-12-15, 09:58
انا ندبر عليك هدا الجديد في قسنطينة

في الاول المملحات كورني ومني بتزا بالعجينة المورقة مع العصير الطبيعي في قارورات زجاجية ركزي مليح على العصير الطبيعي المصنوع في البيت


القهوة مع القلاوة والمقرود المشكلة وانواع اخرى تكون معسلة مش ساك
مبعد سنيات اخرين القاطو يصلح مع القازوز مثل القلوب بالشكولاطة لام اماني والمنتدى راهو معمر وتقدري تحطي كلشي مع بعضاه قهوة وقازوز


السماط الشريك صغير لكان حبيتي الديريه في المنزل نعطيك الوصفة مضمونة 100 ب100
والمحلبي صحن والمهلبية صحن يعني في كل صسنية مهلبية ومحلبي هدا راهو جديد وتحبي تحطي سلاطة الفوكه او فواكه في قريطلات

بالتوفيق
صحيتي ختي علي تفاعلك وتجاوبك مادبيا تمديلي الوصفة تاع الشريك.بصح احنا قلنا بلاك ما نديروش لي صالي وحدة قالتلنا ما يدروهمش فالشتا وتاني والله مالقينا كيفاه نديرو حابين نديرو حاجة مليحة وتاني نختصرو فالوقت اكي تعرفي الرجالة يعدو يعيطو ومش حابين نديرو كي خطبت اختي الكبيرة صينة تتحط ولخرا تتهز حابين تكون مفروزة ومليحة وكشما تعرفي الجديد فالسماط واش عادو يحطو مثلا انا سمعت علي لكريمة تاع الشكولاطة حابة نعرفها كيفاش تندار
متمنية
2014-12-15, 13:43
ان شاء الله ربى يكمل فرحكم
راهم اخوات كفو وفاو
nidabaize
2014-12-15, 16:22
مساء الخير اختي اليك وصفة الشريك اتبعي الخطوات وجربي نصف الكمية قبل الخطبة وشوفي النتيجة والدوق لكن لازم تهتمي بالجو الناسب للعجينة


في الاول حطي نصف لتر حليب دافئ مع مغرفة كبيرة خميرة الخبز وخليها تخمر ربع ساعة

حطي في بول كبيرة 4 بيضات كبار خلطي شوية بالباطور ضيفي كاس ونصف سكر مسحوق ضربي مليح فقط 3دقائق ضيفي كاس زيت وضربي مجددا ثم ضيفي الحليب مع الخميرة وملح ممكن ملعقة صغيرة دوقي انا مش مالفة نكيل نميز برك وخلطي مليح بالباطور في الاخير المواد الجافة حطي شوية فرينة وفوقها 1كيس خميرة كيميائية تقدري ضيفي 3مغارف كبار نشاء باه يجي شوية خفيف ولمي العجين خليه شوية طري يلصق في يديك حطيه يخمر مليح شكليه كويرات ادهنيه بخليط من البيض وحليب غبرة وملعقة صغيرة قهوة وقليل من العسل قبل ما يطلع وخليه يخمر كيما دخليه يطيب ويستوي وتعودي رايحة تبقطيلو من فوق زيدي دهنيه مرة اخرى


جربي على ضمانتي عندي 12 عام وانا ندير فيه في جميع المناسبات


بالتوفيق:mh92:

شكرا على الوصفة اخت و بالنسبة للخطبة احنا فى الغرب مين يدخلو يعطوهم الحليب و التمر تم قهوة و الشاى فى نفس الوقت مع الحلويات على حساب مقدورك 5انواع 3 ساك 2 معسلين وفى الختام تاطعام مع الزبيب و اللبن وهوما يفهمو روحهم بلى فينيش واش حابين يتعشاو
الله يكملك بالخير والتمر تقدري ديري العفسة تاع عجينة اللوز فى الوسط و تعمليها فى المول تاع المعمول لى فيه جيهة صغيرة تاعو طويله ورقيقة ويجى مديكورى فى وسط التمر

الله يسهل مين نتفكر حاجة نقلك
~أميرة أميري~
2014-12-15, 16:54
.................................................. ................