كيف تجعلون اولادكم ينامون باكرا

[ام ايمان16]

السلام عليكم
كيف تجعلون الطفل ذو سنة من عمرة ينام في توقيت معين وخاصة في الليل
لانه يوجد اطفال يحبون السهر حتى 12ليلا لكي ينامو فكيف نجعلهم ينامون من الساعة 9مثلا

[ام رشدى]

سؤال في محلو ياريت نلقاو الاجابة انا بنتى عمرها ثلات سنوات والنوم عندها ماكانش ودرت راهي تشرب في دواء الحساسية هو ال راه يرقد فيها وساعات كي ماتشربوش نبات اناوهي بلا نوم والله غير مليت

[OMGHANO]

انا تاني عندب هدا المشكل مع بنتي عمرها عامين ونصف وهاذو الايام راها ترقد على 10 تاع الليل وتنوض على 11.30 تاع الصباح بصح مترقدش في النهار مانيش عرفه اذا مليح ولا لالا انشاء الله نلقاو الحل

[ام ايمان16]

شكرالكم
ننتظر مزيدا من تجاربكم فلاتبخلو

[ام سنونو]

السلام عليكم اخواتي الاعزا لديا نفس المشكل مع ابني ذو 15 شهرا لا ينام حتي الساعه12 او اكثر وكي يرقد زعما علي10 ينوضبعد ساعه او ساعتين و منبعد نبات حيه معاه والله راني في مشكل كبير ارجو ان نلقاو حل و شكرا

[آمة الله13]

نفس المشكل يا ريت نلقاو حل

[riteje]

انا ثاني بنتي عام و نص ما تحبش ترقد بكري و نومها خفيف

[ام ايمان16]

شكرا اخوات
يبدو انو ماكانش حل للمشكل واحد مادخل وعطالنا الحل

[kikimnarim2]

لازم يتعب فالنهار باش يرقد فالليل
الادويه والاعشاب تضعف الذاكرة عند الاطفال

[jawada22]

ادا كان معك في نفس الغرفة لازم تحرمي روحك التلفاز و السهر و ... و... و تنامي بكري باش ينام معاك سينو حتى يرقدكم باش يرقد..

[ام حسونة]

انا ولدي عندو عامين واحدى عشر شهرا يقيل من الواحدة انتاع الظهر حتى الثلاثة وفي ساعات يرقد على العشرة وساعات على 11انتاع الليل وهذا بالسيف وبالتبنان بعد ماندخلوا للبيت ونطفي الضوء والتلفاز ونضرب ساعة وانا نبنن عليه

[أمّ علي]

الطفل ادا لم يجد النور والتلفاز وادا جهزتيه لنوم اكيد رايح يرقد والعكس صحيح ادا وجد االاضاءة والحركة فهو لن ينام

[ام ايمان16]

بارك الله فيكم على مشاركاتكم المفيدة

[paipa]

لبسيها في النهار لبسة الليل وفي الليل لبسة النهار هكذا علّمونا ناس بكري ههههههههه

[الرابحية]

سلام
ارى انه نضع اطفالنا في غرفة مافيهاش التلفاز او مؤثرات اخرى ويكون ضوء خافت طبعا مع الهدوء حوالي ربع ساعة ينامون
هذا مافعلة مع اطفالي

[amira43100]

شوفو يا بنات الاطفال يختلفو ماش للكل كيف كيف انا نحكيلكم تجربتي
انا بنتي عمرها ١٤ شهر كي كانت صغيرة سوفريت معاها انا و باباها نباتو الليل كامل و حنا نرقدو فيها ترقد ساعة ساعتين و تنوظ والله عيا باباها يرققدها بالمخدة في يدو تحت راصها خاطر هو يحطها و هي تنوظ بالبكا تقولو الشوك في المخدة هههههه و من بعد كي كبرت شوية والفت باباها يرقدها يبقى يدوح فيها و يهدر معاها على الموضوع البس تحبو هي بنتي تموت على القطط يقولها جات القطة راحت همات يعني كلات ههههه. ما تضحكوش علينا المهم حتى تبدا تغمض عيتيها يسكت و كي تغيص مليح يحطها ماش قبل خاطر كون تزبو تحطوهم و هوما نص رقاد ام ينوضو و ما يحبوش يرثدو مرة خلاف
نقطة خلاف انا ولفتلها الظلمة يعني نرقدو بالفسوزة و الصباح ما نفتحش باب و الطاقة حتى تنوظ
نقطة خلاف نخليها تلعب بزاف تدير واش تحب باش تعيا كي نغديها نرقدها تقيل ماش اكثرةمن الثلاثة تاع العشية
ادا ما حبتش تقيل راها كي توصل الخمسة ولا الستة تبدا تعيا و تبكي على الرقاد ما عليش نرقدها لكن نصف ساعة او ساعة على الاكثر و نوضها صح تنوض تبكي خاطر ما شبعتش الرقاد لكن نورمال نحملها بعض الدقائقو باه تسكت نمدلها المواضيع اللي تحب مثلا العاب او اغاني اطفال........
في الليل نرقدوها على حساب للعيا تاعها ادا عيانة بزاف التسعة و ادا شوية شوية نصبرو للعاشرة تلعب مليح و يرقدها باباها بالاك اني طولت عليكم الهدرة نتمنى نكون افدتكم ولو بنسبة قليلة و بالتوفيق للجميع و ربي يحفظ ولادكم

[*رحيق الجوري*]

حطيتي يدك على الجرح اختك نسهر لل 1 تاع الليل كرهت من السهر الشتا الناس ترقد ورا صلاة العشاء

[faraida]

وانا نفس المشكل مع ولدي عنده 3سنوات ولاخر 6اشهر ومشكل اني عاملة نوض بكري ماهو الحل

[nazima]

السلام عليكم انا عندي 2بنات وحدة ٣سنوات ولخرى عام يرقدو نورمال معايا لكبيرة منخليهاش تقيل و الصغيرة تقيل ساعة ونوضها و الصباح ينوضو على 10