ربي سترنا

[oum imane83]

البارح رحت نشعل المدفاة الكربائية وسمعت صوت غريب تشششش صادر من لا بريز القاطعة .. خفت و نحيته ..
كي دخل راجلي من الخدمة راح يشعلو قلتله خليه ... قالي ماعندك ما تخافي وشعلو ... شعل عادي واحد نص ساعة اومبعد بديت نشم رائحة بلاستيك محروق ..كي شفت في لابريز ا لقيت لا غالوج هاديك بدات تدوب وتعوجت ولونها بدا يميل للسواد .. انا كنت قريبة منها مي خفت نمسها قلت لراجلي اجري ارواح تشوف واش صاري ... ارفد قطعة قماش ونحاها ... ربي سترنا حمد الله .. من حدوث شرارة كهربائية ...

كي جازت خلاص قالي راجلي لوكان مانتبهناش ليها واش كان يصرا ياترى :1::1:

قلتله عاود رجعها تشوف هه ..

اومبعد خزر في وقالي شفتي كنتي قريبة ومانحيتيهاش وسبلتيني انا هدا هي التضحية هه

[عفاف عفة]

هههههههههها والله غير ضحكتيني ....
الحمد لله كي سلكتو منها .....والتريسيتي واااااعرة نخافها كثر من اي حاجة ...كون جيت في بلاصتك نهرب من الدار ونخليها هههههها
سلام

[staifia]

هههههههههههه
الكهرباء واعرة ياختي لوكان نشوف الدار لاهبة نهرب ونخليهم
الحمد لله كي ستركم

[أم أماني أريج]

الحمد لله ربي ستركم
الكهرباء واعرة بزاف و الحذر لازم

[oum imane83]

شكرا لكم اخواتي على المرور الطيب .. بارك الله فيكن

[توبة89]

الحمد لله على سلامتكم

[ام محمد امير]

الحمد الله على سلامتكم والله الكهرباء واعرة لازم الواحد يفيريفي انا ثاني نشعل مدفئة كهربائية فليل نبات نمشي نمس فالخيط تاعها اذا يسخن ،لازم الواحد مايغفلش على حوايج كما هاذو ،،الحمد لله مرة اخرى

[أم عبد الكريم]

الحمد لله على سلامتك وربي اللي ستركم
بصحتكم ضحيت بيه في لمح البصر
متزيد تركبيه في الرالونش راهو قوي و التريسيتي ضعيف

[ام ايمان16]

الحمد لله كي سلكتو منها

[ثلوج الشتاء]

سلامات يا ختي المهم كي ستركم ربي المدفأة الكهربائية راهي تستهلك طاقة كبيرة وإذا استعملتي لاغالونج لازم يكون الكابل تاعها متين خاصة أنها طول وهي شاعلة

[oum imane83]

ربي يحفظكم

http://im53.gulfup.com/GWzFZL.jpg

[أَحمــد]

المرأة تطالب دائما بمسواتها بالرجل وأنها تعمل مثله أو خير منه وأنها وأنها

لكن في ضرب الصح تجبد روحها وتقدم الراجل ... بدعوى أنه هو الرجل .. في هذه الظروف فقط تعرف قيمة الرجل

لا أقصدك أختي بهذا (وهو ينطبق على البعض لكي لا نظلم الكل)

-----------
وبالنسبة للحادثة ... فكثير من المقابس المتعددة (مولتي بريز) مغشوشة ولا تستطيع احتمال المسخن الكهربائي فاحذروها

وسلامتكم

[لمسة L]

الحمد لله على سلامتكم

[dalal 28]

الحمد لله على سلامتك ربي سترها معاكم لكن اختي كان الاجدر قطع الكهرباء قبل اقحام الزوج في هذه المهمة الصعبة خخخخ

[أم شروفة]

ربي ستر.المراة في بيتها مسؤولة لازم تكون نبهة لكل مايحدث.يعطيك الصحة .لولا أنك جازفتي بزوجك

[انغام المنى]

الحمد لله علي سلامتكم. عجبتني التضحية تاعك

[Hei]

الحمد لله على سلامتكم

[oum imane83]

المرأة تطالب دائما بمسواتها بالرجل وأنها تعمل مثله أو خير منه وأنها وأنها

لكن في ضرب الصح تجبد روحها وتقدم الراجل ... بدعوى أنه هو الرجل .. في هذه الظروف فقط تعرف قيمة الرجل

لا أقصدك أختي بهذا (وهو ينطبق على البعض لكي لا نظلم الكل)

-----------
وبالنسبة للحادثة ... فكثير من المقابس المتعددة (مولتي بريز) مغشوشة ولا تستطيع احتمال المسخن الكهربائي فاحذروها

وسلامتكم


الله يسلمك اخي ... بارك الله فيك على الرد ...
الرجل يمثل الامان والحماية والسند .. ونحن النساء اكيد بحاجة لازواجنا في كل الظروف وفي كل الاوقات ...لكن اخي ليست كل النساء تنادي بالمساواة بين الرجل والمراة ..لان المراة العاقلة مدركة ان هاد الشيء غير منطقي ومعقول فالدين والطبيعة التي جبلا كل واحد منهمها مختلفة و لكل واحد منهما دوره وقيمته في هده الحياة
وشكرا للتنبية حول لمولتيبريز

[oum imane83]

الحمد لله على سلامتك ربي سترها معاكم لكن اختي كان الاجدر قطع الكهرباء قبل اقحام الزوج في هذه المهمة الصعبة خخخخ


المشكل ان العداد موجود خارج الدار ..يمكن الوقت الي يلحق ليه يكون فات الوقت... رنا ساكنين في منزل ايجار واصحابها ما يخممو غير في الدراهم مايفكروش يعملو لكل واحد عداده الخاص باش ما يخلصوش الضرائب .. ...

[سآجدْ للهْ]

انت عندك الحق كي ما قستي والو وعيّطتي لراجلك
ثانيا راجلك غلط نورمالمو يقطع الكهرباء من القاطع الرئيسي ويروح يجبد الكابل
وقطعة قماش ما عندها ما تدير كيما يكون التريسيتي يمشي في الكابل....هههه سترو ربي
انا مرّة في الثالثة متوسط ولا الرابعة درت الكابل تع الميكرو في لابريز بش نشعلو
انا بمجرد ما لحتو انفجر المأخذ ولون الغرفة أصبح أبيض..شرارة كبييييييييرة لانو كنت في الظلام
قريب حكمتني سكتة قلبية صوطيت عشر مترات كي الغزال هههه وجمدت في بلاصتي حتى طفات وحدها
بعدها انتشرت الرائحة الزكيّة لحريق الكوابل فجاء الاهل وقالو ما الأمر ''انا كنت مخلوع ومصدوم'' ضحكت وقلت ليهم مكان والو قالو واش الريحة هاذي قلتلهم راهي برا برك ودخلت...
المهم جبت 3 شهور بلا ميكرو حتى لقيتلهم عذر خخخكك

[oum imane83]

شكرا ليكم جميعا على المرور ربي يبارك فيكم

ساجد لله .... انت الوحيد الي عطتلي الحق كي عبطت لراجلي ههه ..

الكهرباء واعرة بزاف وماتعطيش الوقت للشخص باش يفكر في الحل المناسب .. في تلك اللحظة الخوف يدخل وتخمم برك في اي شيء يكون قريب ليك وتحاول تنقد الموقف ... حمد الله كي خرجت انت ثاني سلامات

[mounaminou]

lmerra l jaya tol tafi l conteur ......satro rabi lmerra hadi

[oum imane83]

شكرا لك اختي منى .. ......