انجدة انقدوني

[Oume nesyba]

السلام عليكم يااخوات ارجو منكم المساعدة في اقرب وقت ممكن رجلي حب يفتح دكان صغير لبيع الشاي و المكسرات وقالي انتي لطيبلي لتاي سمي النجح ديالو مرتبط بالتاي لنطيبهولو انانتمني منكم لعندها وصف بنينة متبخلش عليا وتساعدني في هد المهمة وجزاها الله عني كل خير واخيرا متنساوش تدعونا بالباركة والخير متبخلوش عليا بالوصفات

[lilii7179]

انا نطيب تاي مليح ( ما عنديش بزاف ملي تعلمت طريقة مليحة ) بصح ننصحك تشوفي الاخوات اللي من الجنوب هوما اللي professionnelles نتاع الصح
موفقة ان شاء الله و ربي يسهل امورك و يباركلك في المحل

[Oume nesyba]

اين ردود علي اقل دعوات خير بنجاح.

[Oume nesyba]

بارك الله فيك اختي

[mimimouni]

الله يوفقك انتي وزوجك
ويكون الدكان باب خير ورزق ليكم
المراة الفحلة لي تعاون زوجها
انا ندير التاي رائع بصح كمية قليلة للعائلة فقط
ابحثي في المنتدى راهي كاينة اخت نسيت اسمها حطت وصفة

[mimimouni]

الله يوفقك انتي وزوجك
ويكون الدكان باب خير ورزق ليكم
المراة الفحلة لي تعاون زوجها
انا ندير التاي رائع بصح كمية قليلة للعائلة فقط
ابحثي في المنتدى راهي كاينة اخت نسيت اسمها حطت وصفة

[loudjeine2000]

http://www.djelfa.info/vb/showthread.php?t=1541948&highlight=%D8%D1%ED%DE%C9+%C7%E1%CA%C7%ED

[Oume nesyba]

شكرااااااااااااااااالكم بارك الله فيكم

[سمسة1988]

اختي انا الشاي نتاعي كامل يحبوه
ديري قدر غلي فيه النعناع
كي تشوفيه غلى ضيفيلو الشاي ومرة على مرة حركيه كي يغلي مليه ارفدية واقلبيه في قدرة اخر مرتين ولا 3 اقلبي من قدر الي قدر هاد العملية تساعد دخول الاكسجين مع الشاي من بعد عاودي سخنيه شوية صفيه وقدميه
احرصي دائما على ان يبقى لون الشاي اصفر لانو اذا مال للاحمر معنتها حموضتو زادت
رب يقدرك على مسااعدة زوجة ويجعلو اية الرزق

[أم محمد تاج]

الله يفتحها عليك وعلى زوجك يارب ويجعلو مشروع الخير نشالله والتاي حنونتي مانعرفش نطيبو دايما زوجي يقولي مايش كيما تاع برا
بالتوفييييق

[minina2601]

ربي يوفقكم
سبحان الله وبحمده سبحان الله العظيم

[Oume nesyba]

merciiiiiiiiiiiiiiiiiiiiiiiii

[sidra2014]

ربي يوفقكم ختي ويفتح عليكم

[Oume nesyba]

amin ya rab

[touta2010]

تكل منطقة واتاي تاعها مثلا الغرب مشي كما الصحراء

[SAMAH SAMAH]

السلام عليكم
http://www.djelfa.info/vb/showthread.php?t=1019165
درك نقولك كيفاش نديرو ويجي بنين وكل من يشربو يعجبو
تشدي كاسرونة تحطي فيها قيس لترة ماء وتخليها تغلي
تجيبي الضاي الاخضر مانكذبش عليك مانعرفش النوعيات انا نشري دايما هداك اللي يجي بواطتو خضراء فونصي واسمو الجمل واقيلا
تشدي منو é مغارف كبار معمرين مليح وتغسليهم بالماء مليح وترميه داخل الماء اللي يغلي ونقصي للنار خاطرش يسيحلك
وزيدي حطي معاه كمشة نتاع النعناع اليابس وخليهم يغلو على نار هادية ماتغصبيهش نار قليلة برك
وزيدي حطي السكر على حسب الذوق انت ديري بالمغرفة الكبيرة وخلطيه وذوقي واذا ماعرفتيش وخفتي تسطريه بزاف ديري تقريبا 3 مغارف كبار سكر ونص وخليه يغلي كيما قلتلك تقريب واحد 20 دقيقة ولا نص ساعة
وكي تكملي خلاص وجدي وين رايحة تقدميه بقراج ديريلو شوية نعناع الداخل مغسول وفرغي لاتاي نتاعك عليه بصح صفيه عنداكي تفرغيه بلاتاي المغلي
وكي تحطيه زيدي حطي السكرواللي حب يزيد السكر يزيد وحدو
وان شالله تكوني فهمتيني
اي حاجة راني هنا

أنا طريقتي ساهلة ماهلة و بنييينة :
تغلي الماء في كاسرول كبيرة ولما يغلي حطي كمية الشاي الأخضر اللي حبيتي في كاس (أنا نستعمل الجملين كيما الأخت)، أنا نحط حوالي 4 - 5 ملاعق على حسب عدد الأفراد و صبي فوقو الماء المغلي و حركيه بملعقة حتى يطلق المرارة نتاعو و نرمي هذال الماء زنعاود نفس العملية، أنا نشللو 2 مرات و ساعات لما يكون الشاي مر نشللو 4 مرات ( نحب الشاي خفيف ) من بعد تحطيه يغلي في الماء الساخن مع شوية نعناع على نار متوسطة ، ما تقويش النار .
لما يطيب ، نحليه بالسكر و نحط في الإبريق شوية نعناع و نصب الشاي الساخن فوقه و نقدمه :19:.

وطريقتي وهيتعطي تاي من اروع مايكون اخذت الطريقة مناهل الصحراء وكل من ذاقو يشهدلي بذلك تعلمتها من زوجي وهو تعلمها بحكم عملو في الصحراء ومعاشرتو لاهل الجنوب
اهم شيء هو غسل التاي بماء ساخن جدا للتخلص من كل الشوائب ثم +ماء ساخن والي نار ضعيفة جدااااااااااااااااااااااااااااااااااضروري 20د اقل شيء نحي التاي +علي الاوراق ماءساخن


منبعد الي النار20د اخري الاول + الثاني +السكر في ابريق اخر وخلطي من ابريق لاخر حتي يعمل التاي رغاوي ورايح تتحصلي علي الذتاي

الحقيقة أنني سكنت ورقلة 5 سنين

لكنني و الله لا أحب شايهم أبدا

حتى هموما لا يحبون شاينا

قاتلي جارتي لازم التاي يكون فيه الرغوى و لا ماهوش تاي .

و أنا منحبش الرغوى و منحبش البنة نتاعو .

شوفي أول أمس قالت عجوزتي علي أنا أحسن وحدة طب الشاي في العائلة

و حتى في دارنا ( أبي و أمي و أخواتي) دائما يطلبون مني عمل الشاي و خصوصا في الأعياد

و الله لا أمدح نفسي و كيما نقولو الماكلة يدين و التاي ثاني يدين .

شوفي التاي نتاعي و كما الجميع نغسل التاي بالماء المغلي و من بعد نغسلو بالماء البارد

و ديجا راي حاطة كسرونة ماء تغلي

أنا شخصيا نحط النعناع الأخضر( ماشي اليابس) يتغلى مع الماء حتى يتلق البنة

و من بعد نضيف التاي و نقعد نراقب فيه .

و أيضا أنا نضيف الورقة نتاع القارص (دارنا عندهم شجرة القارص)

و على حسب الواحد واش يحب كاين لحبوا قاطع بزاف و كاين لحبوا خفيف

يعن كل ما تخليه فوق النار يجي قاطع (كاسح) .

و من بعد نصفيه و نضيف نعناع و السكر حسب المذاق و نزيد نصفيه من النعناع أو نخليه و نحطو في الإبريق و نقدمو سخون .

و كاين إضافة أخرى حسب الذوق و هي قطرات من ماء الزهر .

شوفي اختي انا نغلي الماء ومن بعد ندير فيه نعناع اخضر ونخليه يغلي حتى يتغير لونو ومن بعد نغسل الشاي مرتين بالماء تاع النعناع نستعمل غي شوى تاع ماء مشي بزاف ومن بعد نزيد هاداك الشاى في الماء نتاع النعناع ونخليه يغلي مليح وسكر على حسب الرغبة صدقيني يجي يهبل
حوالي لتر ماع مع 2 و3 اغصان نعناع وملعقتين شاى وبصحتك

أنا شخصيا اختي أفضل الطريقة التالية في شرب الشاي:
آخذ ملعقة صغيرة من الشاي الأخضر,أغسلها في مصفاةوأضعها في كوب ماء فارغ مع ملعقة صغيرة من السكة,ثم أضيف ماء مغلي جدا على الشاي و السكر و انتظر 2 الى 4 دقائق لينقع الشاي جيدا ثم أشربه رشفة رشفة.
مفعوله حينئذ يكون رهيبا فيما يخص الهضم و حتى تعديل الضغط.
شكرا لك اختي على هذه البادرة النافعة

الي يغسل التاي اكثر من مرة هل تراه يبقى فيه شيء من فوائده
اول غسلة بالماء المغلي للشاي تفقده اكثر من 70 في المائة من فوائد التاي المشهورة واذا غسلناه اكثر من ذلك سنشرب ماء اصفر وليس تاي
اولا يجب غسل التاي بالماء البارد ومرة واحدة تكفي فهو ليس لحم او فاكهة حتى يكون مرتع للجراثيم انه اوراق مجففة ومغسولة قبل تجفيفها لذلك كل من يريد شرب تاي عليه استغلال فوائده الكثيرة لا قتلها قبل الشرب بالغسل الكثير
امر اخر اذا غلي التاي مع الماء فوق النار مثل ما يفعله ناس الشرق يفقد كل فوائده والطريقة الصحيحة هي غلي الماء ثم صبه على التاي وتركه لمدة حتى ينقع به ويخرج فوائده وبنته في الماء
الشيء نفسه مع النعناع لا يغلى في الماء وانما يصب الماء المغلي عليه
اعطيك طريقة ناس ناحية الصحراء الغربية الجزائرية طبعا وهي بنة وفائدة في نفس الوقت
سخني لتر من الماء لدرجة الغليان ثم صبيه على التاي الذي كنتي غسلتيه بالماء البارد من قبل ثم ضعي الابريق فوق نار هادئة لمدة دقيقة او اثنين فقط حتى تسرعي عملية تفاعل التاي مع الماء ثم اضيفي النعناع اوراق للابريق وفي الاخير اخلطي السكر مع الكل وحذاري ان تخلطي السكر مع التاي ثم تعيديه فوق النار لانه سيترك ذوق الحريق للتاي مثل ما يقولو ناس الصحرى تحرق التاي يعني فيه بنة معروفة وهي السكر عقد مع التاي يميزوها الاشخاص الي يتذقوا التاي ويعرفولو مليح
والله اعلم اختي

[QUOTE=zhor1970;12910170]وطريقتي وهيتعطي تاي من اروع مايكون اخذت الطريقة مناهل الصحراء وكل من ذاقو يشهدلي بذلك تعلمتها من زوجي وهو تعلمها بحكم عملو في الصحراء ومعاشرتو لاهل الجنوب
اهم شيء هو غسل التاي بماء ساخن جدا للتخلص من كل الشوائب ثم +ماء ساخن والي نار ضعيفة جدااااااااااااااااااااااااااااااااااضروري 20د اقل شيء نحي التاي +علي الاوراق ماءساخن


منبعد الي النار20د اخري الاول + الثاني +السكر في ابريق اخر وخلطي من ابريق لاخر حتي يعمل التاي رغاوي ورايح تتحصلي علي الذتاي[/

لم افهم الطرقة ممكن إعادة شرحها مرة اخرى

السلام عليكم يا أختي ............................ مساعدة في كيفية صنع الشاي
تشري اولآ شاي أحمد عبدي
1- تطيب الماء في القلاية
2- تجيبي الإبريق وتحطي فيه كأس من الشاي وتصبي عليه الماء وتخليه يرتاح قليلا تم تصفي التاي انتاعك ومن بعد تزيدي تديري الماء وتمصمصيه مليح بالماء السخون تم تنحي هداك الماء وتزيدي تشلليه بالماء البارد ومن بعد ترجع هداك الماء انتاع التاي اللي خليتيه يتنفخ في الأول وتحطي الأبريق على نار هادئة ومن بعد كي يطبخ مليح ............. صفيه وخلطيه بالسكر ومتنسيش النعناع .

شكرا لكم جميعا
http://www.djelfa.info/vb/showthread.php?t=1209610

[Oume nesyba]

شكرا لكم جميعافتحناالمحل وراني نطيب لتاي ونجحت فيه الحمد لله وبارك الله فيكم علي المساعدة ادعولي برك مواصلة المشوار و نشكر كل وحدة عطتني وصفة في ميزان حسنتهاان شاء الله

[chahinez chanez]

أنصحك أختي بلتاي اسم البراد