يابنات ماديروش لمان

[ام محمد امير]

هذي القصة شوكاتني تاع الصح خاصة لبنات لمزال مازوجوش ودايرين كونفيوص فالشباب، الاخت تاعي دايرة وحدة تخدم عندها تحكملها بنها كتروح تخدم، هي من اقارب زوجها وبحكم الطفلة هذي تسكن بعيد تبقى اسبوع عند اختى حتى لويكاند تروح، مالا اختي لاحظت بالي عندها اتصالات بزاف فالهاتف نصحتها اختي قاتلها ليحب يبني دار ماهيش بهذي الطريقة، قاتلها الطفلة هذا راه ناويني للخير وقريب يجيب الاهل تاعو وبحكم يسكن بعيد يطول باش يجيني ،فاتو ايام وجا خطبها هو والام كما قال هو طفلة هي مالشرق وهذا الانسان مالغرب، زادت نصحتها اختي قاتلها ماتعرفي عليه والو غير عبر الهاتف كفاش تقبلي بيه قاتلها اهلي وافقو وهو انسان مليح ،ماطولوش بزاف ياربي شهر دارو كلش العرس مع لفيونساي ،ايا الطفلة مسكينة راحت ومعلبالهاش واش هو ماصيرها، بعد مراحت وراحو اهلها وروحو اكتشفت بالي زوجها رئيس عصابةمخدرات ولمرا لجابها ولبنات زوج قال خواتاتي هما مالعصابة تاوعو ،ضربوها وسرقولها ذهبها وسرقولها حوايجها وطيشوها على شط لبحر، واحد فيه رحمت ربي شافها هكذاك داها للشرطة من ثم دارو اجرائات وعيطو للاهل تاعها جاو ليها وهذاك الراجل بحثو عليه مكانش كلش مزور اسمو ولقبو ماكاش خلاص في هذيك الولاية ،الطفلة جاها انهيار عصبي ودمرت حياتها وهذا كلشي ليدير لمان يا فتياة حلو عينيكم رانا في زمان غدار.

[sttaifia]

لا حول ولا قوة الا بالله
الله يهدينا هادي مسكينة حبت تبني حياتها و مستقبلها لكن هو غدرها
ربي يكون معاها راهي مليحة كي ماقتلهاش
تحيتي

[youyou19]

ربي يبقي الستر

[ابو عبدالرحيم]

اللهم أحفظ بناتنا من كل مكــــــــــــــــــــــــــروه

[knives66]

وكون جاها واحد نويها لحلال و ستر بلا طلعات ولا هبطات

تلقها تتقلش و دور لبنات هكذا

تجري وراء لموش مقيمها ولي يفسدها

و ترفض لي يحبلها الخير و لحلال

والله تحير كيفاه يخمموا هذا لبنات بفقوا غير كي تطفر فيهم

[kouki2]

مسكينة ربي يسترنا

[hana 94]

الله يهدي ماخلق
فتيات ة هذاالزمان نزعو لباس الحشمة( ليس الكل صحيح هناك فتيات ماشاء الله و لكن الاقلية ) و لكن الاكثرية من الفتيات تلك تصاحب و تلك تهاتف ليل نهار اصبحت اكره مصاحبة الفتيات فكل واحدة تحكي عن مغامراتها مع حبيبها حاولت نصحهن و لكن لا حياة لمن تنادي يعرفن الحرام و يتعمدن
اللهم استرنا و اهدنا

[لؤلؤة الجنان]

لا حول و لا قوة الا بالله

الانسان يحكم في دينو و يمشي على الصراط المستقيم و اذا غلط يستغفر ربي و يتوب و مايعاودش الغلطة

ربي يستر على جميع المومنين

[eBusiness 5]

سامحوني يا جماعة ماشي الزمان اللي غدار هي لي بهلولة وأهلها كمان، كيف لهم أن يقبلوا بشخص بهذه الطريقة !!! يحسن عونها المسكينة رب يكون معاها لكن الخطأ الفادح هو الأهل الذين زوجوا بنتهم دون التنقيب عن الرجل، أصله وفصله والأكثر من ذلك يسكن بعيد عليها، والله مسكينة قلبي تقطع عليها، رب يكون معاها وإن شاء هذا الجبان يطيح في الشبكة عن قريب...

[محمد مصطفى الحبيب]

سامحوني يا جماعة ماشي الزمان اللي غدار هي لي بهلولة وأهلها كمان، كيف لهم أن يقبلوا بشخص بهذه الطريقة !!! يحسن عونها المسكينة رب يكون معاها لكن الخطأ الفادح هو الأهل الذين زوجوا بنتهم دون التنقيب عن الرجل، أصله وفصله والأكثر من ذلك يسكن بعيد عليها، والله مسكينة قلبي تقطع عليها، رب يكون معاها وإن شاء هذا الجبان يطيح في الشبكة عن قريب...


واش آخاي ؟ راهم يحظروا فيك غير نتا آ ولد عمي ؟ فك الله حظرك أخي.

[الدكتور شهاب الدين]

قصة غريبة كونها واقعيه ، و كيف تمت الخطبه ؟ هل الأم كذلك معهم في القضيه ! ثم احترت لماذا لجأ الى تزوير كل هاته الوثائق من أجل أمر بسيط أم أن موثق العقد كـان يعرفه مثلاً !
من المستحيل أن لا يتم القبض عليه

على كـلّ حـال الخطأ واضح من أين ...

تحياتي أختاه و بانتظار جديدك ...

[مملكة الغربة]

لا حولة ولا قوة الا بالله

[ام محمد امير]

قصة غريبة كونها واقعيه ، و كيف تمت الخطبه ؟ هل الأم كذلك معهم في القضيه ! ثم احترت لماذا لجأ الى تزوير كل هاته الوثائق من أجل أمر بسيط أم أن موثق العقد كـان يعرفه مثلاً !
من المستحيل أن لا يتم القبض عليه

على كـلّ حـال الخطأ واضح من أين ...

تحياتي أختاه و بانتظار جديدك ...


يا اخي انا كون ماحكاتهاليش بنفسها رايحة نستغرب، تم كل شيئ على مايرام وحسب واش فهمت موثق العقد راه مع العصابة وباين كل شيئ مزور، والام هذي ماهيش ام حقيقية هي تخدم معاها، وباين ماهيش اول وحدة يصرالها هكذا يدير هذي الطريقة باش لبنات يامنوه ،نعم لحد الان ماتمش القبض عليه لان الطفلة غريبة على الولاية وماتعرف حتى واحد ثم وكي شكات عند لابوليس هي مدت غير واش تعرف وين سكنت معاه هذوك الايام وسقساو الشرطة اهل العمارة وقالولو عندو 3 ايام مالي كرا مايعرفوهش ومول الدار يسكن فالخارج وموكل سمسار يكريلو الدار ودارو تحريات ومدلهم الاسم كما قالت الطفلة بالصح هذا الاسم مكانش باين هو من ولاية اخرى ،وبما ان طفلة ماهيش من ذيك الولاية رجعت لولايتها وتركت المهمة للشرطة عيطولهم شحال من مرة مكاين حتى نتيجة ولات قطعت الامل لخطرة مكانش حكومة وكي تروح تشكي بلا معندها حتى ادلة مايديرولها والو، المهم هذي غلطتها وغلطة الوالدين ليتسرعو هما داهم الزف والرف كما نقولو وبما ان بنتهم فاتها قطار الزواج بغاو يليكيدوها، ربي يهديهم ويهديها وهذا لامتحاسبش فالدنيا يتحاسب فالاخرة.

[الأستاذة حياة]

لا حول ولا قوة الا بالله
ربي يكون معاها وهادي عبرة
أما هي فربي سبحانه ماش راح يضيعلها حقها يجي النهار اللي تديه

[سماح 2]

-_- هادي الطفلــة الي قبلت بيه راهــآ نية خلاصْ ,,,ووالديهــآ نية تاني والا حابين يتخلصوا منهــآ ويتهنــآوْ ,,مدام زوجوهــآ بهدي الطريقة ؟ غريبْ حالهمْ ,,,

ربي ,,يكون معــآها

[~ السلطانة ~]

القضية ليست في النية او خطأ في الأختيار او في أحد الأشخاص المتورطين في مصير هاته الفتاة التي بدورها ورطت نفسها ...
الغلطة الحقيقة في انهيار المجتمع باكمله ... قصص مماثلة تحدث في زيجات من نفس العائلة ... حُكي لي مرة ان رجل تزوج ابنته عمه و سافر بها الى ولاية اخرى بعيدة ... و طلب منها فعل الفاحشة و اعطاءه راتبها ... لو ننظر للقصة يعني هذا الشاب كان عليه ان يتزوج ابنته عمه و ثانيا نقول لأجل الشهرية فقط تزوج بها ؟؟؟ اذا كان تزوج بها ناوي على جرم لما لا يسرق فكلاهما جرم ؟؟؟ بعض روايات الواقع أبطالها مرضى نفسيون و أشخاص تمردوا على الدنيا ليس على الواقع فحسب ... نقف خاشعين خشوع المذهول نستمع بأذان من حديد ... أحيانا أحتار كيف أن سمعي يتقبل مرور كل تلك القصص لكنها ... في الغالب تسلسل مرضي منذ الطفولة بات يركل بشبابنا الى الهاوية ...
البنت دمرت حياتها ... ربما ... و اولا يعتقد الشاب ان هلاكه تم قبل دمارها ...
اللهم ارحمنا برحمتك و اكرم مقامنا في دنيانا و آخرتنا و ألهمنا الصبر الصبر الصبر الصبر الجميل ....
اللهم انت القادر القائل :

{ أيحسبون أنما نمدهم به من مال وبنين نسارع لهم في الخيرات بل لا يشعرون}

{ ولا يحسبن الذين كفروا أنما نملي لهم خير لأنفسهم إنما نملي لهم ليزدادوا إثما}

{ فإنها لا تعمى الأبصار ولكن تعمى القلوب التي في الصدور} .

صدق الله العلي العظيم .

[oum imane83]

ربي يسترنا ...................

[ام محمد امير]

القضية ليست في النية او خطأ في الأختيار او في أحد الأشخاص المتورطين في مصير هاته الفتاة التي بدورها ورطت نفسها ...
الغلطة الحقيقة في انهيار المجتمع باكمله ... قصص مماثلة تحدث في زيجات من نفس العائلة ... حُكي لي مرة ان رجل تزوج ابنته عمه و سافر بها الى ولاية اخرى بعيدة ... و طلب منها فعل الفاحشة و اعطاءه راتبها ... لو ننظر للقصة يعني هذا الشاب كان عليه ان يتزوج ابنته عمه و ثانيا نقول لأجل الشهرية فقط تزوج بها ؟؟؟ اذا كان تزوج بها ناوي على جرم لما لا يسرق فكلاهما جرم ؟؟؟ بعض روايات الواقع أبطالها مرضى نفسيون و أشخاص تمردوا على الدنيا ليس على الواقع فحسب ... نقف خاشعين خشوع المذهول نستمع بأذان من حديد ... أحيانا أحتار كيف أن سمعي يتقبل مرور كل تلك القصص لكنها ... في الغالب تسلسل مرضي منذ الطفولة بات يركل بشبابنا الى الهاوية ...
البنت دمرت حياتها ... ربما ... و اولا يعتقد الشاب ان هلاكه تم قبل دمارها ...
اللهم ارحمنا برحمتك و اكرم مقامنا في دنيانا و آخرتنا و ألهمنا الصبر الصبر الصبر الصبر الجميل ....
اللهم انت القادر القائل :

{ أيحسبون أنما نمدهم به من مال وبنين نسارع لهم في الخيرات بل لا يشعرون}

{ ولا يحسبن الذين كفروا أنما نملي لهم خير لأنفسهم إنما نملي لهم ليزدادوا إثما}

{ فإنها لا تعمى الأبصار ولكن تعمى القلوب التي في الصدور} .

صدق الله العلي العظيم .
شكرا على مرورك الاخت السلطانة

[dahmane42]

مسلسل هايل

[عفاف عفة]

ربي يسترنا ...ويثبتنا في الطريق المستقيم ...
والله يا أختي كاين بنات بزاف للي مدايرين الكونفيونص في أشخاص ما يعرفوهمش ....خاصة هاذيك العلاقات التافهة للي تكون في الهاتف والفايس ووووو
ربي يهدي بنات وولاد بلادي ......
سلام

[الألماسة]

لا حول و لا قوة الا بالله

[rimadima]

3andek hak okhit allah yostorna y rab wchokran 3anasiha

[zizouzin]

اخاه لحمي دار الشوك ... سبحان الله لهده الدرجة
ربي يسترنا

[lalib40]

ضرك مانزوجوج ولا كيفاه؟؟؟؟؟؟؟؟

[ام محمد امير]

ضرك مانزوجوج ولا كيفاه؟؟؟؟؟؟؟؟

لاه يا خويا شكون قالك ماتزوجش، راني نهدر على العلاقات لراهي تدي لناس فالهاوية وتالي كي تحي تزوج كاينة لنت لحلال تقصدها مالباب ماشي مالتاق، وطفلةكيف كيف كاينين ولاد فاميلا هي برك تعرف تحط رجليها.

[امونة الشاوية]

ربي يسترنا ويستر بناتنا

والله انا على معرفة شخصية بوحدة صراتلها نفس الحكاية مع تغيير في التفاصيل وهاذ الوحدة عندها طفلة غير شرعية وزعمة هاذ الانسان قبل بيها لانوهو بعد غير شرعي
وكساها وشرالها بورتابل وكسى بنتها المهم دارلها جنة في عين فلوس وزعمة راح يشري دار وناقصاتو غير 25 مليون سلفتهملو وقالها راح نديك نعتك لامي اللي رباتني جابت ذهبها وعدلت روحها وجاية معاه سرق الذهب وخلاها
وفص ملح وداب وطول معاها يعني علاقة قريب عام ولما شكاة لقات كلشي مزور تاعو وقالولوها لابوليس بلي الانسان هاذا مهبل الشرطة لعب على قداه وحدة من الشرق الجزائري اللي غلطت زعمة يقولها نسترك واللي فيها حاجة يقولها ماعليش والمهم يسرقلهم الصوارد ويهرب ومداير روحو بوليسي وهو اشقر وطويل هاذي هي فقط المعلومات المتوفرة عليه

[meryem*]

الله يكون في عون هده الفتاة المسكينة و الله المستعان على ما يفعلون،و اما بالنسبة للدين يتهمون البنت فأقول لهم لو انها كانت بنت سيئة لاستطاع الوصول اليها دون عناء الخطبة والزفاف

[hamza18]

لا حول ولا قوة الا بالله

[بنت لبحر]

لا حول و لا قوة الا بالله العلي العظيم
ربي يسترنا و يستر بنات المسلمين يارب

[kikimnarim2]

لا حول ولا قوة الا بالله

[وحي المساء]

يا الهي
يا لطيف
حسبي الله ونعم الوكيل لهذي الدرجة؟؟؟؟
ربي يسترنا
شكرا على الموضوع عزيزتي

[أمي عائشة قدوتي]

موضوع مخيف

[ام محمد امير]

يا الهي
يا لطيف
حسبي الله ونعم الوكيل لهذي الدرجة؟؟؟؟
ربي يسترنا
شكرا على الموضوع عزيزتي

لا شكر على واجب يا اختي

[kati83]

الله يستر تقولى تحكى فى فيلم وراها رايحا توصل لبلاد

[amine60]

تعلمت درس مالحياة بالطريقة الصعبة لمهم من كل هاذا سلامة راسها كي ماقتلوهاش ولا ما تعرضتش للاغتصاب

[L'ôNêly_GîrL]

ربي يبعد علينا ولاد الحرام و بنات الحرام ...

[taha007]

فتيات اخر زمان

[rihab jana]

هذه هي الدنيا وحتى واحد مايقدر يغيروا والبنت بريئة مقابلة مع نفسها متتلامش لان هذاهو القتلرنا فيه مكاش الحياء ورابي يكونمعها البنات اصبوا مايحترمواولا يحشموا لاحياةلمن تنادي وبصح كاين فتياة الله يبارك وانشاء الله هذا الرجل يلقى عقابوا

[rihab jana]

ربي يستر ويحفظ بنات الزمان والنفس غدارة تديك للغلط والبنات هذا زمان لاحوا ولا قوةالا الله لحياة لمن تنادي

[صهيب النايلي]

اللهم أحفظ بناتنا وأبناءنا من كل مكــــــــــــــــــــــــــروه

[اغادير]

بعد التحية والسلام...... وكرأي مقدم مني ,,,, ليس الزمان الغداار!!!! وإنما غباء هذه البنت وحمق عائلتها( سامحوني على المصطلحات) ولكن الحقيقة يجب أن تقال وان كانت مرة في أفواهنا ..... في هذا الزمان صارت الطفلة ترمي روحها وهدفها الوحيد الزواج، مهملة كل أساسيات
الاخرى المهمة والمبنية للزواج هذا..... والعائلة اللي عادت لا تسقسي ولا تبحث عن هاد الراجل الي راح يكون نسيبهم وزوج لبنتهم وأب لأبنائها!!!!!!! عجبا نديروها بيدينا ونقولو ماكانش الامان في الدنيا والعباد....... سامحوني قبل ان نلقي اللوم على جهة معينة نثبت قبل في أخطائنا....... وعذرا ان لم يعجبكم رأيي فهو مجرد رأي لا أكثر

[إشراقة الغد]

ربي يكون معاها كان لازم أهلها يسألو ا مليح عن أصل و فصل العريس قدر الله ماشاء فعل أنا في وقت صعيب اللهم بعد علينا أولاد الحرام و أحمي بنات المسلمين قولوا أمين

[إشراقة الغد]

لاحول و لا قوة الا بالله

[angel5noor]

rabi yastorr

[mouadezzine]

السلام عليكم
لا حول ولا قوة إلا بالله
فكرتيني في المثل الشعبي
جا يسعى ودّر تسعة
ماتسّاهلش المسكينة يجرالها هكذا.
ومع ذلك دارها ربي درس لكل بنت
تدير ثقة مطلقة في شاب ماتعرف عليه والو.
والدرس يقدر يتعمّم على كل الناس ماشي غير البنات.
بارك الله فيك على الموضوع

[zineeddine721]

لا حول ولا قوة الا بالله

[مـلكـة آلآحـسـآسـ]

لا حول ولا قوة الا بالله
والله الطفلة غاضتني مسكيينة ، رب يكون معاها

[شرشورة2]

شكرا لتنبيه الاخوات ارجعوا لدينكم لي حابك الناس تدخل من الباب ليس من النوافذ الهاتف و الى ما ذلك يا رب تستر بناتنا وخواتاتنا و جميع بنات المسلمين

[الجواهر]

انا لم افهم كيف زور الاوراق ؟ في العقد لازم الاوراق و حاجة ثانية كيفاه اهل العروس لم يذهبوا الى بيت العريس ؟؟ يعني بعتو العروس بلا رجال ؟؟
و الله ما تصرا عندنا العروس تروح لبيت عريسها مع اماليها نساء و رجال و انا من اقاربي تزوجو في وهران و تلمسان و كي راحت العروسة راحو معاها اخوتها و خلصولهم تذاكر الطائرة .. حكاية غريبة و حاجة اخرى الم يدفع العريس المهر و لوازم الخطبة ؟

[ahcenk]

فييييييييييييييييييييلم هندو هذا بركاونا خرطي

[ام عبد المعز]

ربي يهدينا ويستر علينا ان شاء الله

[آية هبة الله]

لا حول ولا قوة الا بالله ربي يكون معاها ان شاء الله.

["شريفة"]

ربي يحفظنا من ولاد الحرام

[حمودية]

غريب...........لعل القصة من نسج خيالك
انا امزح معك الدنيا فيها كلش

[ام ياسمين10]

لاحول ولا قوة الا بالله

[loui za]

ربي يهدي بنات المسلمين و يرزقهم الزوج الصالح