قصتي مع الخدمة الوطنية

[hida2012]

وأخيرا حصلت على بطاقة المهبلة التي هبلتني 5 سنوات
وهبلت امين ايكو بالأسئلة منذ 5 سنوات
أذكرك امين أخي بماذا حدث
انا خريج 2010 من الجامعة في سنة 2009 سجلت نفسي في الخدمة çبعدما كنت منسي وعطاوني سورسي
في سبتمبر 2010 عطيتهم الدبلوم وسورسي حتي مارس2011 ارجاء التجنيد
في مارس 2011 عطاوني ارجاء التجنيد وسورسي حتي سبتمبر2011
في سبتمبر 2011 جاتني لوردابال روطار حتى نوفمبر2011 وعطاوني سورسي حتي مارس 2012
في مارس 2012 قالولي مرسينالكش لوردابال وسورسي حتى سبتمبر 2012
في سبتمبر 2012 جات لوردابال الأولية وذهبت الي الثكنة ودفعت ملف طبي وبقيت في الثكنة 25 يوما وفي الأخير معفي مؤقت بعد فحص التجنيد وسورسي حتا مارس 2013
في مارس 2013 جات لوردابال الألية ولم أذهب
في سبتمبر 2013 جات لوردابال الأخيرة oaor وذهبت الي الثكنة ودفعت ملف طبي وبقيت في الثكنة 15 يوما وفي الأخير معفي مؤقت بعد فحص التجنيد وسورسي حتا مارس 2014
وبعدها طلعلي الغاز في راسي وحلفت لا نزيد نمشي لكازيرنا
في مارس 2014 كملي سورسي رحت لدرك لي ولاو كي صحابي كل 6 شهر نروحليهم ولات الدرك كي دارنا- مجاتش لوردابال دخت-
دربتها بسقرة وفي سبتمبر 2014 رحت لدرك ولمرة الثانية مكانش لوردابال ودربتها بسقرة رغم انتهاء السورسي في مارس 2014
في نوفمبر 2014 رحت لمركز الخدمة الوطنية وقلتهم سورسي كمل قالي نتا عندك دوزيام فيزيت علي طبيب المركز
دخلت علي طبيب وعرضت عليه ملفي الطبي لمدة بغض 30 ثواني ولاحظت عدم وجود اسئلة ولا تقيام وقلت في نفسي باينة اذا دار فيا مزيا يرسلني irb
وبعد عودتي الي غرفة الانتظار قلت في بالي باينة يعطوني سورسي
وفي الدقيقة 53 لساعة 15 عيطلي بإسمي وقالي هاك بطاقة الإعفاء من الخدمة الوطنية
انا مأمنت روحي وقلت في بالي لاكرت قريت اسمي وتاريخ الميلاد وكلمة معفى ودسيتها في الجيب
شكرت الله كثيرا
خاصة اني كانت عندي ميزة الصبر وعدم التفكير كثيرا في الخدمة الوطنية خاصة عندما تخرج من الثكنة بالسورسي وصحابك خارجين بالإعفاء
وشكرا

[مايسترو عمران]

بالبركة عليك خويا.. لعقوبة لوظيفة ثابتة ان شاء الله
و لعقوبة لينا تاني ادعيولنا حنا تاني نجيبوها

[أمير دي زاد]

مبروك عليك والله الخدمة الوطنية مصيبة صح لكن الله غالب محتمة كيفك انا قعدت عامين من 2012 و انا حاصل حتى لرحت للمدرسة و خرجت فائض في 1 أكتوبر الماضي ربي سهل الناس كامل بالتوفيق صديقي لعقوبة للخدمة و السكنة و الزواج ان شاء الله

[mohamed mahi]

مبروك عليك خويا

أنت ماتخممش فيها بزاف وانا عكسك تماما راها شاغلة لي مخي ، في سبتمبر الماضي روحت للمركز في الولاية قالوا لي تجيك الثالثة في جانفي الداخل مع العلم انا جامعي ادبي وراني حاير واش ندير..

[sinopointic4]

يجعل كل شيء مبروك عليك أخي الكريم
لعقوبو ي مزالو
عجبتني ندربها بسقرة هذي...مام نا نديرها
ونولي ننصح بيها مام الأعضاء يدربوها بسقرة
هههههه

[المرسم]

انا الحمد لله جبتها خرجت في 1 اكتوبر بفائض الله يسهل على اللي ما جابهاش

[hida2012]

بالبركة عليك خويا.. لعقوبة لوظيفة ثابتة ان شاء الله
و لعقوبة لينا تاني ادعيولنا حنا تاني نجيبوها
راني خدام منذ مارس 2013 بمنصب دائم حمد الله

[SANFOUR83]

مبروك عليك خويا
اجريت بزاف او اصبرت او بعد جيبتها بصحتك او لعقوبة لينا او لي راهم حاصلين

[mourad028]

بصحتك خويا عاقبة لينا أن شاء الله ولي مازالوا مع الغمة .

[azzoun abdelouahab]

besahtak khoya

[hida2012]

عقوبا لكلل أصدقائي وكل رواد موقع جلفة انفو

[amine416]

السلام عليكم ساعدونااا انا عندي 24 سنة و لم اذهب للفحص الطبي في 18 سنة و لم يرسلو لي اي استدعاء الي اليوم لا ادري اذ كنت عاصي و منسي فما هو الحل وعندما اذهب لهم ما هي الاجرائات التي سوف يقومون بها و كيف اعمل للحصول علي الاعفاء و ما هو الحل شكرا ليساعدنا و لو ب كلمة helllllllppp

[zakshippudan]

ياخو عزيمة والله ولكن ادا بسبب المرض ربي يشفيك لان باش ضيع خمس سنوات ونتا تجري موراها مع اللي كنت قادر جوزها عام وتتهنا تربج ربع سنوات خير ربي يكون معانا ان شاء الله يحبنا ربي انا ماعندي حتى عدر ادعولي خاوتي نكمل عامي سلامات سلام l