الغيرة تقتلني

[ام جيهان حورية]

كيف ابدا لا اعلم اولا السلام عليكم ورحمة الله ويركاته منذ حوالي شهر وانا اقضي يومياتي في التفكير نار الغيرة تاكلني وتحطم قلبي .
احب زوجي حب جنوني فهو اول حب واول رجل في حياتي وهو ايضا يحبني ويحاسب علي مشاعري مشكلتي اني اغير عليه بجنون حتي هو يعلم ذللك فلا يستطيع حتي ان يبدي رايه في فنانة او ممثلة خوفا علي مشاعري .
المشكلة انني من فترة اكتشفت ان له صديقة فالفيس بوك وهي تدرس معه لانه يدرس دروسا مسائية قال لي ان هده الصداقة هدفها ان تبعث له الدروس لانه لايمكن له ان يحضر كل يوم ولم يخبرني لانه يعرف غيرتي زاكتشفت دلك لاني وجدت تعليقها علي صفحته ولكن ما اثار جنوني انه علق علي صورة وضعتها وكتبت عليها ان النساء كالفاكهة ولكل مراة طعم ودوق ولكن الرجال يحبون سلطة الفواكه فعلق عليها قائلا نعم ثم اضاف نعم وهذا شي عادي في الرجل
واجهته بما رايت في صفحتها وبكيت كثير واتهمته بالكذب والنفاق ووووووووووووو...................
ولكنه تاسف وقال لي معك حق هدا خطا ولن يتكرر ومسحها من اصدقاءه ومسح تعليقه ومن يومها قاطع الفيس بوك الذي بالاساس لا يدخل اليه الا نادرا
المشكلة انني لا اعلم كيف اتجاوز الامر احس بالغدر وكان سكين في ظهري .
ومشكلة الغيرة عليه التي تارقني زادها هو بتصرفه هدا حتي اني اصبحت لا اريد له ان يخرج للعمل احب ان يكون دائما معي في المنزل ولا يغيب عن نظري مع اني مخطئة في هدا ولكن لا اقوي علي الصبر بماذا تنصحوني وهل هذه تعتبر خيانة .

[nadjet boumaraf]

اختي العزيزه انا احس بك لاني متزوجة مثلك واعرف غيرتنا وهدا من حقنا لأننا نعيش في زمن صعيب شوي ومتفتح كثيرا ...
حمد لله على حساب وش كتبتي أن رجلك متفهمك لكن للصبر حدود لازم تتماسكي وتعرفي كيفاه تتعاملي معاه غيرتك هدي نقصي منها باه تعيشي في راحه ويرتاح بالك وراجلك بعد ميتقلقش عليك ومنك وهو تاني يعيش هاني معاك
أستغفري وتهلاي في روحك وفي دارك وراجلك ومعندوا وين يروحلك مدام عندوا زوجه كيما انتي
هدي مش خيانه هو إعترفلك بدلك لكن هو دار هكا لأنك قفلتي عليه كل الحوارات فلجأ الى الفايس بوك
صدقيني خليه يحكيلك على وش يدور في بالوا وخليه يعطي ارائوا في النساء هكا تعرفيه كيفاه يخمم وتعرفي مفاتيحوا وتقدري تقفليلوا الابواب بصح كي تخليه يكتم كل ما في بالوا فهو يلجأ إلى من يتفهم
حداري من التصرفات هدي وانا نتمنالك كل خير حبيبتي ♥

[ام جيهان حورية]

شكرا اختي علي اهتمامك وردك ونشكرك علي النصيحة بصح ما تتخيليش احنا قداه متفاهمين ونحكيو في كلشي ونسقسيه في كلشي ونحب نرضيه علي قد ما نقدر بصح هو يعرف بلي نغير عليه بزاف والله غالب ما نقدرش نخبي تصرفاتي عليه .وعلي بيها يخبي عليا كلشي حتي ولو كانت حكاية تافهة وانا هدي مقلقتني بزاف

[wafwaf8471]

ya binti mazel machofti walo ghire was3i khatrik c nn tmardi rohik w titafire fik ghir nti

[اﻻء الرحمن]

السﻻم عليكم
راني حاسة بيك ختي ربي يكون معاك
لكن ﻻزم تعرفي بلي ﻻزم تنقصي من هاد الغيرة هي مليحة لكن في حدود المعقول
وديري في بالك بللي زوجك راهو صابر عليك وماتخليش يجي النهار اللي ينفذ صبرو
موفقة

[rymsirine]

اختي اتعلمي اتخبي غيرتك واتنقصي منها بالشوية وديري في بالك كون ماجاش ايحبك ما يتزوجكش او صدقيني كون اتكملي هاكدا راكي رايحه اتخسريه وكل ما اتحسي بالغيرة شهدي واسغفري او اتفكري انو خيرك انتي دون لبنات كامل لانو ايحبك

[ام جيهان حورية]

شكرا اخواتي عندكم الحق في الشي الي قلتوه بصح الله غالب نحبو بزاف وما نتخيلش حياتي بلابيه ولا انه يروح عند وحدة اخري وحتي هو يحبني بزاف ادعولنا ربي يخلينا لبعضانا ويصلح كل بيوت المسلمين والله لبنات تاع هدو الايام راح يخربو ديار عمرانة ...........ومع اني من مزالني صغيرة وتقريب قدهم ولكن الحشمة في اللباس وغض البصر اهم حاجة ربي يهدي بنات المسلمين يارب

[ادرة مكنونة]

الحب يا اختي ليس هكذا ستخسرينه ان اتممتي حياتك كيما هاك لن يتحمل كثيرا هذه يفهمها هو بلي ماكيش دايرة فيه الثقة وانتي متحكمة فيه فبمرور الوقت يحس انه في سجن اختي متقلبيش حياتك جحيم زوجك يحبك وانتي كذلك وهو ليس ملائكة لا يغلط انزعي الغيرة من قلبك فانها من صفات ابليس اللعين لانه تؤدي الى التهلكة واجعلى الحب الاكبر لله وحده فان احببتي الله حبا عظيما سيهديك ويصلح بالك ويرشدك كيف تحبين زوجك تحياتي لك

[oum imane83]

مكانش اي امراة ما تغيرش على زوجها وتخاف من فقدانه وخاصة في وقتنا فتنة في كل مكان ووسائل الاتصال متوفرة وتسهل العلاقات ...

لكن لازم الغيرة نتحكمو فيها ونضبطوها يعني حنا الي نسايروها مش هي الي تسيرنا ..
الغيرة الشدية تتحول للشك والشك سم قاتل يهدم الاسر ..
اعطيلو مساحة من الحرية وماتضيقيش عليه وتعسي فيه في كل شاردة وواردة ... وزيد لازم المراة تتفادى اضهار غيرتها الشديدة وخوفها من نساء اخريات تسلبن زوجها .. لان الراجل رايح يحس بقيمته اكثر وتفتح عينيه لاشياء ربما يوما ما كانت عادية بالنسبة ليه ومافكرش اصلا فيها .. اتفرجي معاه لفيلم .. ولازم تكوني دكية لصرف نظره عن الاخريات لمن دون ان ينتبه

[~ السلطانة ~]

قلب المرأة اذا تحير ماشي من العدم ...
قلب المرأة اذا تحير ماشي من دخان ...
قلب المرأة اذا تحير فهناك العجب العجاب ...
أختي لا تقولي انك موسوسة و لا تعظمي افعالك ... صدقيني في بعض الأحيان للمرأة حاسة تتخطى حدود الجدران ...
لا تقهمي كلامي بان أزيد النار زيتا ... لكن الحيطة واجبه هكذا و يا ربي ...
لو هناك أعين خفيه تشترى بالمال اعتقد كل وحدة فينا تشريها ... هههههه
الرجل المتزوج من يجرأ على مصادقة الفتيات او النساء فهو غير سوي ...
ما يكلحكش بللي راهي زميلة و طرطق ما طرطق ... كاين رجال يتصل بيهم و لا يقرا غير من النساء ...
و اذا كان يؤمن بالصداقة بين رجل و مرأة اطلبي منه ان يكون لك صديق فقط تستشيريه في امر معين مثلا ؟؟؟ سيرفض لأنه تعلم ان ذكوريته تسمح له عكس الأنوثة ؟؟؟
الأمر ليس للمزاح ...

[ام جيهان حورية]

بالرغم من شكري للجميع لاخوات ونصائحهم الثمينة اظن انك يا اخت سلطانة فهمتيني وانا نجاوبك علي اسئلتك الي هي نفس اسئلتي وكانك كنتي معانا .
هو قالي انا قبلت صداقتها فالفيس بوك باه تصورلي الدروس وتبعتهملي ولانه لبنات يحضرو وعندهم الدروس والاولاد ماعندهمش وكان هدا الاقتراح من طرفها لانه العام الي فات جاب كراسها للدار وانا كتبتلو عليها وانا تاني قتلو ما تكدبش عليا ما كانش صداقة بين راجل وامراة وانا مانقبلهاش علي روحي هل انت تقبلها قالي والله عندك الحق وانا نهار درتها صديقة قلت لصديق مقرب ليا كون المدام تفيق دير حالة وعندها الحق بصح الله غالب علي جال مصلحتي باه ندي الدروس

[الألماسة]

ربي يهديك
غيري لكم مش للدرجة تخليه يدير رايو موراك
خليه يطمن كي يحكيلك باش تعرفي عليه كل شي
و اكتمي في قلبك هذي الغيرة و اعرفي وقتاش تستعمليها
ربي يوفقك

[أم احمد3]

اختى اسمعي نصيحتي واقرئيها مرتين او اكثر



انت لا تحبين نفسك وتنتظرين ان يحبكي الاخرين
ان كنت لم تعرفي بعد
ديري تجربة


قولي في قرارة نفسك ...انا احب نفسي ثم اذكري اسمك انا احب فلانة
ثم اجعلي الفرح يدخل لقلبك ان لم تفعلي ستكون التجربة خسرانة
ثم كرري هل تحسين انك فعلا كنت تكرهين نفسك
ثم ديري برمجة عصبية لعقلك لانك برمجتيه خطا في الصغر ديري ثقة في نفسك انك سيدة نفسك لا يفيدك زوجك الا كلمسة جميلة في حياتك حتى الاروبيات يعشن هكذا لانه كثر الغدر...
ثم عالجي هذا الامر دائما استدعي الحب الذي يوجد في قلبك لان حب الزوج تخفين عدم حبك لنفسك لان الرجال سترين بعد مرور وقت ان قلبهم يتسع للبنات

خاصة بعد سن الاربعين والرجوع للوراء تحصل لهم غالبا اسمها روتور داج بالفرنسية
ثم ستتالمين كثيرا بعدها

المهم يوجد دعاء تقرئينه دائما ....ليحفظ لك بيتك وزوجك واولادك.............

[sttaifia]

اختي انا تاني حاسة روحي كيما انتي لوكان نتزوج نرجع نغير بزاف على زوجي لانه عندي غيرة زايدة
لكن هادي عفسة تاع الصداقة حاولي كيفاه تنحيهالو و الا طير بيه
ربي يخليكم لبعضاكم

[راعي الخير]

http://im83.gulfup.com/NF5x5s.jpg

[الأستاذة حياة]

ربي يريح قلبك ويحفظلك راجالك ودارك

[توفيق المدني]

شاوية صح + ضليعة في الرياضيات ما شاء الله

[ام جيهان حورية]

[quote=اشراق العربية;3992223584]ربي يريح قلبك ويحفظلك راجالك ودارك[/quoteاللهم امين ربي يعيشك ويهدينا اجمعين

[ام جيهان حورية]

شاوية صح + ضليعة في الرياضيات ما شاء الله
واش تقصد هدا مش رد هدا لغز
شكرا علي مرورك ولازم دافع عليه ببساطة لانك رجل

[سلواان]

السلام عليكم...
يقع البعض في خلط بين الحب وحب التملك ..
أنت تغارين على زوجك ..وتعترفيم بأن الغيرة زائدة عندك ..وأخشى أنها من قبيل الغيرة المرضية ..وهذا النوع من الغيرة يوحي بأن هناك حب امتلاك للزوج وليس حبا للزوج..فراجعي الأمر مع نفسك وعلى مهلك .
انت لاهمك زودك بقدر ما يهمك أمرك ...فحسب ما تكتبينه فأنت لاتتحدثين سوى عن نفسك وكأن الزوج شيئا ثمينا تعلقت به ولاتريدين أن يقربه غيرك ..لقد أولت الأمر معه الى مرحلة ان يكبت ما بداخله من تعبير عن مشاعره..حول ما يدور حوله ..هذا الوضع الذي هو فيه هل سيدوم طويلا ؟ لاأعتقد ذلك سيأتي عليه يوم ويثور ..ليس على احتوائك له فقط لا بل سيثور على هذا الذي تعتقدينه من فيض من الحب زائد عن اللزوم ..ياامرأة العسل إم كثر تناوله دعا الى الملل منه والقرف..
أنت على مسار خطأ ومنتهاه حتم الندم والحسرة والدموع ..فاعملي على تدارك الشر قبل حلوله ..فتوقفي على جعل زودك مجور اهتماماتك...وانشغلي بأمور أخرى جانبية ولو على سبيل التمثيل..اجعلي زوجك هو من يتعطش لحبك ويبحث عنه ولاتجعليه يختنق به فيقطع نفسه..أرى في الأفق نذر ربيع مشاعر رجالي سيهز اركان استقرار بيتك...ولقد بلغت اللهم فاشهد..

[(( هبة الرحمن ))]

السلام عليكم

الشيئ إذا زاد عن حده انقلب إلى ضده

ساهلة ماهلة

لما يجلس زوجك امام الحاسوب كوني ذكية واجلسي إلى جانبة بحجة أنك مشتاقة إلى الجلوس معه ..( شوية حيلة ..ودلع يمشي الحال ....)
الرجل حتى وإن لم يخن زوجته لكن إذا خنقته بشكوكها وغيرتها المفرطة ....يضطر إلى خداعها بحق.
اتركيه يتنفس قليلا
داومي على قراءة القرآن تتغلبين على وساوس الشيطان


ربي يبرد قلبك.

[توبة89]

ربي يخليكم بعضاكم ولكن للصبر حدود .حاولي تنقصي منها الغيرة هذي والله هي اكبر من الخيانة والغدر في هدم البيوت.تعرفي المثل .القطرة التى افاضت الكاس. ردي بالك وانشالله تكملو العمر كاااامل مع بعكم

[أمة الله 12]

ربي يهديك يا اختي، ماشي هكا تعيشي و تتمتعي بحياتك

سامحيني ع الكلمة، بصح لازم نفهمك و نقولك الحقيقة، الاحساس الزائد بالغيرة ناتج عن قلة الثقة بالنفس ان لن نقل انعدامها.

صح ما تكونيش باردة حجرة، و ما تخنقيش راجلك بالغيرة، و عمرك ما تغفلي عليه، عليك التعامل بذكاء مع الموقف

ف الدنيا هاذي واحد ما يدوم لواحد، كل انسان يجري على روحو، مثال من عندك، راجلك قالك اللي ما يقبلش انتي يكون عندك صديق، بصح داير صديقة ماشي بيش يخونك علجال مصلحتو اللي هي يجيب الدروس، و ما خممش في الطفلة هاذي اللي نهار اوخر راح يكون في حياتها زوج و ما يقبلش بفكرة صداقتو هو وياها

حتى انت نقطة البداية، خلي نفسك هي محور حياتك ماشي راجلك
هو تعاملي معاه كاضافة جميلة لحياتك، لازم تقري و تتثقفي بيش تعرفي اهمية الشيء هذا

هنا لا ادعوك الى عصيان زوجك او تجاهله، بالعكس كوني مطيعة و قومي بواجباتك تجاهه و تجاه بيتك ككل و انظري اليه على اساس انه متعة لك كانثى لها بيتها الذي هو مملكتها، كي يروح راجلك من الخدمة هذاك وقتك باه تمتعي روحك و تمتعيه هو ثاني

انصحك بقراءة مقالات دكتورة ناعمة الهاشمي و رواياتها في منتديات بلقيس

ربي يدوم المحبة و العشرة الطيبة مابيناتكم

[ام جيهان حورية]

ربي يهديك يا اختي، ماشي هكا تعيشي و تتمتعي بحياتك

سامحيني ع الكلمة، بصح لازم نفهمك و نقولك الحقيقة، الاحساس الزائد بالغيرة ناتج عن قلة الثقة بالنفس ان لن نقل انعدامها.

صح ما تكونيش باردة حجرة، و ما تخنقيش راجلك بالغيرة، و عمرك ما تغفلي عليه، عليك التعامل بذكاء مع الموقف

ف الدنيا هاذي واحد ما يدوم لواحد، كل انسان يجري على روحو، مثال من عندك، راجلك قالك اللي ما يقبلش انتي يكون عندك صديق، بصح داير صديقة ماشي بيش يخونك علجال مصلحتو اللي هي يجيب الدروس، و ما خممش في الطفلة هاذي اللي نهار اوخر راح يكون في حياتها زوج و ما يقبلش بفكرة صداقتو هو وياها

حتى انت نقطة البداية، خلي نفسك هي محور حياتك ماشي راجلك
هو تعاملي معاه كاضافة جميلة لحياتك، لازم تقري و تتثقفي بيش تعرفي اهمية الشيء هذا

هنا لا ادعوك الى عصيان زوجك او تجاهله، بالعكس كوني مطيعة و قومي بواجباتك تجاهه و تجاه بيتك ككل و انظري اليه على اساس انه متعة لك كانثى لها بيتها الذي هو مملكتها، كي يروح راجلك من الخدمة هذاك وقتك باه تمتعي روحك و تمتعيه هو ثاني

انصحك بقراءة مقالات دكتورة ناعمة الهاشمي و رواياتها في منتديات بلقيس

ربي يدوم المحبة و العشرة الطيبة مابيناتكم
ربي يعيشك اختي علي نصيحتك ممكن عندك الحق انا ننظر لزوجي علي اساس انه روحي الي داخل جسدي كون تخطيني نموت لازم نراجع حسابات ونقص هدا الهوس لاني احبو بجنو حتي اني مش مصدقة اننا متزوجين مع اني عندي طفلين وهدي عشرة تاع 12 سنة ممكن لاني عمري ماعرفت راجل في حياتي الا هو

[ام جيهان حورية]

وصح عندك الحق كي كنت عندي ثقة بنفسي كنت مانغيرش كيما هكا كلما تنقص ثقتي بنفسي تزداد غيرتي

[أم عبد الكريم]

الغيرة الزائدة رح تسبب لك مشاكل انت في غنى عنها رح تتوسوسي و تمرضي روحك
متقدريش تمنعي هذا الشيء فازواجنا ربي يسترهم و يبعد عليهم بنات لحرام وين يروحوا يلقاو النساء قدامهم و منكذكبوش على رواحنا كاين الي محترمة و كاين الليبي ربي يسترنا ديري تقتك الكاملة في ربي سبحانه و مدام راكي تعرفي أخلاق زوجك فلا داعي انك تخنقيه بالغيرة نتاعك

[ام ايمان16]

قلب المرأة اذا تحير ماشي من العدم ...
قلب المرأة اذا تحير ماشي من دخان ...
قلب المرأة اذا تحير فهناك العجب العجاب ...
أختي لا تقولي انك موسوسة و لا تعظمي افعالك ... صدقيني في بعض الأحيان للمرأة حاسة تتخطى حدود الجدران ...
لا تقهمي كلامي بان أزيد النار زيتا ... لكن الحيطة واجبه هكذا و يا ربي ...
لو هناك أعين خفيه تشترى بالمال اعتقد كل وحدة فينا تشريها ... هههههه
الرجل المتزوج من يجرأ على مصادقة الفتيات او النساء فهو غير سوي ...
ما يكلحكش بللي راهي زميلة و طرطق ما طرطق ... كاين رجال يتصل بيهم و لا يقرا غير من النساء ...
و اذا كان يؤمن بالصداقة بين رجل و مرأة اطلبي منه ان يكون لك صديق فقط تستشيريه في امر معين مثلا ؟؟؟ سيرفض لأنه تعلم ان ذكوريته تسمح له عكس الأنوثة ؟؟؟
الأمر ليس للمزاح ...

بالرغم من شكري للجميع لاخوات ونصائحهم الثمينة اظن انك يا اخت سلطانة فهمتيني وانا نجاوبك علي اسئلتك الي هي نفس اسئلتي وكانك كنتي معانا .
هو قالي انا قبلت صداقتها فالفيس بوك باه تصورلي الدروس وتبعتهملي ولانه لبنات يحضرو وعندهم الدروس والاولاد ماعندهمش وكان هدا الاقتراح من طرفها لانه العام الي فات جاب كراسها للدار وانا كتبتلو عليها وانا تاني قتلو ما تكدبش عليا ما كانش صداقة بين راجل وامراة وانا مانقبلهاش علي روحي هل انت تقبلها قالي والله عندك الحق وانا نهار درتها صديقة قلت لصديق مقرب ليا كون المدام تفيق دير حالة وعندها الحق بصح الله غالب علي جال مصلحتي باه ندي الدروس

رايي مع الاخت سلطانة
وازيد فقط قول ان احتراق الغابة تبدا من شرارة عود كبريت صغير
ربي يصلح احوالك ويهدي سرك

[أمة الله 12]

وصح عندك الحق كي كنت عندي ثقة بنفسي كنت مانغيرش كيما هكا كلما تنقص ثقتي بنفسي تزداد غيرتي


يا اختي مازال ماراحش الوقت، و قادرة تتغيري للافضل

راكي ما تتلاميش خلاص على غيرتك، لانو راجلك حلالك، اللي حللك ربي تستمعتي و تعيشي معاه و ماكان حتى واحد يعوض بلاصتو في حياتك، من حقك دافعي على حياتك، لكن بذكاء، ماشي تجي تكحليها تعميها

الله يبارك عندك زوج بنات، راهم امانة عندك خممي مليون مرة قبل ما تتصرفي اي تصرف يضرك و يضرهم
حياتك هي حياتهم هوما كيف كيف

راجلك ربي يبارك راهو متفهمك، لكن راهو ما يدوملكش التفهم و طولة البال هاذي الا اذا انتي حافظتي عليها

حبيت نولهك لحاجة، و غلطة نساء يااااااااسر يديروها و هي اللي تخلي ثقتهم ف نفوسهم تنقص و يعودو يشوفو ف الراجل هو كلشي:راجل يخطب المراة و يتزوجها علااااااااااااش؟؟؟؟؟؟؟؟؟؟؟؟؟؟؟ لانو شاف فيها مميزات مثلا اجتماعية، طموحة، مثقفة، ديما تحوس ع الجديد و طور في روحها اضعف الايمان حتى تجدد في اطباقها اللي طيبها، مهتمة بروحها، شخصيتها قوية ( يرحم والديكم هاذي ما تفهموهاش انها توليلو عيشى راجل ف الدار) انا قصدي انها تقدر تناقشو و تتقبل النقد البناء ماشي اي كلمة تاثر عليها و طيحلها المورال، مثلا كي يديرلها راجلها ملاحظة على شكلها تتوسوس المخلوقة.

بعد الزواج وااااااااش يديرو الفحلات؟؟؟؟؟؟؟؟؟؟؟ تقطع علاقتها الاجتماعية الكل، هو صح لازم تكون في حدود ماشي تعزل روحها ع الدنيا خلاص، و تبقى غير تشوف معاه هو

تحط روحها ملكت الراجل و امورها ف ال c bon هههههههههههه كيما يقولو التوانسة

الايامات الاولى تتهالا في روحها مليح، مبعد القافزة دورها كوزينة و ذراري و تنسى روحها ع الاخر

هذاااااااااااااا الكل غالط مليون ف الميا

ماكانش كي راحة البال، الغيرة الزايدة راهي تمرض
زوج حوايج ديريهم في بالك، التفكير بايجابية مهما صرا و التصرف بذكااااااااااااااااااااء

و الله ما تنفعك غير تفوت عليك نسمةتاع ها تشني هجوم على راجلك

ربي معاك

[توفيق المدني]

السلام عليكم .
اعتذر على تدخلي و لكن قرأت الموضوع مع زوجتي و قالت لي شوف الناس الي تحط الرحمة في القلوب حبيبنا نسجل مرورنا فقط ارجو تقبل عذري

[hamza18]

الغيرة شيئ طبيعي لكن لها حدود فحاولي الا تتجاوزيها وان العلاقة الزوجية السعيدة تكون بتبادل الثقة بين الزوجين

[أم ريتاج أنس]

Ya khti wkaanak tahki hkayti wkima yhab yfahamni manafhamch

[ManouraHilwa]

الجئي الى الله دواؤك عنده سبحانه وتعالى الله يكون في عونك لكن اظن ان زوجك رجل عادي ومحترم ولا اراه خائن والله اعلم

[imanecristal]

. نتي شفتي عندو صديقة فل فيس بوك درتي هكا وكان يعاود زواج وش راح ديري ههه . احمدي ربك كي عندك راجل يحبك .. ننصحك ادا ماكيش حابة تخسريه نقصي شوية ملغيرة عليه ...

[ayoub67]

الله معاك :):):)

[kaza100]

احسني النية يا اختي
الغيرة كالنار اذا لم تستعمل في مكانها تضر
انصحك بالحوار معه
وكثري من الاستغفار راه الشيطان يقلق فيك
لأن الشيطان ما يلهيكش على العبادة برك يلهي المؤمن على كل ما يفيدو
ربي يسهلها ان شاء الله