يومي البائس

[التـــــــــــــــــــائهة]

مليح هاد القسم .....على الاقل ةاحد افضفض فيه
اليوم بدأ نهاري من البارحة ليلا سيارة زوجي معطلة .........
ابنتي اخذتها عند امي في الكاميو ههههه
انا احشمت نركب في الكاميو و نروح للخدمة قررت نروح في transport
تصورو من 8 و نصف و انا في l'arret حتى العاشرة . الشتا تصب عليا الغرقة ...تأخر في الالتحاق بمنصب العمل الخوف المدير اشوفني و ابهدلني مباشرة قدام الغاشي .....
كي التحقت بمنصبي و جدت طلبي على العطلة السنوية رفض ....
امي رايحة تخرج للزيتون ... مكاش شكون يشدلي الطفة
عجوزتي ماتفدرش تشدهالي دائما حتى المساء ...
يا إلاهي ......................
............
..............لم ان تتصورو شعوري الآن

[walid77dz]

الحل ساهل خلاص
احكمي دارك تتهناي من كل هاد المشاكل

[عبدالله بولنوار]

هي الحياة هكذا ايام ايام

ربي يكون في العون

[doussa23annaba]

شوفي مرا بسوارد تحكملك الطفلة و عودي روحي بكري للاري :1:

[أم عبد الكريم]

ديري مالادي سمانة و تهناي

[fatijijel]

الحل نتاعك يا اختي شوفي روضة لللطفال قريبة من دارك و الا خدمتك هذا هو الحل الامثل و هي تزيدي شوية مصروف لروحك مي ما تعدبي حتى وحدة معاك لا امك و لا عجوزتك ربي يطول في عمرهم و لا مرا وحد اخرا ,,,,,,,,,,,,,,,,,,,
ربي يكون في العون

[ام مهدي 03]

كيما قالو الاخوة شوفى امراة ثقة تحكملك بنتك بالدراهم ولا الروضة
ربى يكون فى عونك وضعية المراة العاملة صعيبة بزاف

[ghecham mohamed]

و الله يا أختي الكريمة الحل بيدكي أنتي ما دام زوجك خدام و يصرف عليكم علاش راكي تعاني انتي بيتكي وابنتكي أولى من عملكي

[التـــــــــــــــــــائهة]

مستحيل نتخلى عن عملي خاصة هاد الوقت
ادعولي فقط

[صدفات]

ربي يكون في عونك أختي مشكلة ما يحس بها غير لي عاشها أو عايشها و حتى واحد ما عنده الحق يقولك قعدي في البيت أنت و لا زوجك أصحاب القرار أنتما فقط لي تعرفو ضروفكم و ما تتقلقيش أختي لابد تلقاي الحل
و الذي يضع رد فليقل خيرا أو يصمت
الكلمة الطيبة في وجه أخيك صدقة

[lalib40]

احكمي دارك تتهناي من كل هاد المشاكل
والابناء هم الضحية ، الوقت الذي تقضينه مع الغرباء اكثر من الوقت الذي تقضينه مع زوجك وابناءك.

[سماح 2]

_ حــآولي ايجادْ روضــة أو جارة قريبة منكـ تحكمهــآلك وخلصيهــآ ,,حتى ترجعْ أمكـ ^_^

[المؤمنة التقية]

ربي يعاونك مدام راكي تعاوني في راجلك والظروف هادي مرت على الكثيرات حاولي تلقاي حل بأسرع وقت

[meriem hanin]

ربي يقدرك و يكون في عونك يااارب

[الدكتور شهاب الدين]

فعلاً توجد أيام ضدك في كل شيئ

[نارينا]

ربي يفرج عليك ....الحل اهدري مع المدير واحكيله على طبيعة ظروفك الصعبة حاليا ...ممكن يتفهم ويوافق على طلب العطلة

[ادرة مكنونة]

الله يفرج اختي وتجدي حل المهم البنت ضعيها في امان

[نسيم الإيمان]

ربي يكون في العون ان شاء الله

[التـــــــــــــــــــائهة]

الحمد لله على كل حال

[امونة الشاوية]

ربي يعاونك والله المراة الخدامة حقا تعاني

[oumhana]

ربي يكون فالعون و كما قالو لك شوفي مرا ثقة تشد لك بنتك حتى تتجاوزي هذالمحنه وربي يديرالخيرـ
وللرجال لي يقولولك شدي دارك نقوللهم ربي يهديكم زعما كلي حنا نلقيناها و قلنا لالا ربي يهدي و
سبحان الله .

[dalal 28]

ربي يقدرك و يكون في عونك يااارب

[thamourth]

حكاية مهمه كثيـــــــــــــــــــر...............

[mouadezzine]

السلام عليكم
كان الله في عونك ختي
ما يحس بالجمرة غير اللي عافس عليها
أكيد حاجتك للعمل رايحة تخليك تلقاي حل مع ابنك
ربي يوفقك.
..........
الله يفارقنا بلا ذنوب

[ام وسامة]

الله يكون في العون

["شريفة"]

ربي يكون في العون

[آية هبة الله]

ربي يقدرك اختي

[CHIARO]

شوفي وحدة جارتك ثقة خلي عندها الطفلة ,,,,,,,,,,كي تكون يماك لاهية ,,ولا جيبيلي نشدهالك كي نكون لاهية ...ههه

[ahcenk]

وقرن في بيوتكن ... يقول احد المشايخ معلقا ..ان الراحة و الاقرار النفسي تجده المراة في بيتها فاذا خرجت ذهب القرار و السكيته و اصبخت حياتها مصطربة