علاه القاطو ما ينجحليش

[fayza81]

خواتاتي العزيزات من فضلكم انصحوني
هذي سنين و انا نتعلم في القاطو دخلت للمركز شهر واحد و نشري في الكتب و الاكثر الي متبعاتو هو الانترنيت كاش غوسيت نجربها بصح مايجيش كما نشوفو في الوصفة حاولت مرارا ساعات يجي رقيق و ساعات يكون القاطو من داخل ناقص طياب مع انو راني نلتزم بالمدة و درجة الحرارة و الشكل دايما كبير مع انو نخدم بلمول نتاع وصفة ذاك القاطو
من فضلكم وين راه الخطا ولا المشكل نتاع القاطو ماينجحليش كما نقولو حنا ما يصدقش
شكرا

[foufamara]

انا شخصيا ما نعتمدتش على الكتب ناخذ افكار فقط و طرق التزيين لكن الوصفات نعتمد على للشاف كما دليلة سليماني مثلا رجعتنا نساء
و ايضا لازم الثقة في النفس تلعب دور
و لازم تبداي بالوصفات البسيطة و تطلعي ما شي من النهار الاول تحبي تكوني فنانة درجة درجة
و لا زم كي تجربي جربي بكمية قليلة باش ما تخسريش
من الافضل تكوني تعرفي واحدة متمكنة تروحي عندها و دير قدامك و لازم تنتبهي مليح و تسجلي كل صغيرة و كبيرة و ترمي يدك معاها لان النظري ما يكفيش الصح راه في العملي
ان شاء الله نكون فدتك يا لوكان بشوية لاني حاسة بيك وانا جزت من هذا الطريق من قبل و الحمد الله الان
كاش ما نقدر نفيدك راني هنا
بالتوفيق

[fayza81]

شكرا اختي foufamara

[nabila40]

hata wahed mazed ya3ref zidi jerbi maden thebi teybi inchaalah tenjhi

[mimimouni]

اولا لازم تثيقي في نفسك قولي انا باذن الله راح ننجح
وابداي هزي من المنتدى قسم الاطباق المجربة شوفي القاطو
لي داروه بزاف وناجح جربيه و تبعي كل الخطوات
واحسن حاجة اذا عندك اختك او جارتك او صاحبتك ينجحلها حشميهم بلاك يخدمو
قدامك واتولهي لكل حركة يديروها نتمنى تنجحي
انا الحمد لله فوووور فالقاطو للاسف راكي بعيدة عليا
اذا تحتاجي اي سؤال اتفضلي نعاونك