راني درات مصيبة لعمري يا خوتاتي عاونوني

[زوجي نور عيني]

راني اليوم رحة كيما الحمارة شريت ماشينة تاع الصوف passap duomatic s وانا ما نعرف فيها والو زعما قديمة شوي برك بصح على حساب ما شفت يخصوها حوايج بزاف الله يستر عليكم جوبوني
هل هي تمشي بالتريستي و هل لازم الكتاب تا عها تاع الرشمات يستر عليكم ربي جاوبوني

الحمد لله راني رجعتها وموال الحانوت كان فحل ورجعلي دراهمي المهم


السؤال الثاني الله يخليكم اخواتي هم وشحال يديرو عندكم الثمن والولاية تكون جديدة في الكرتون تاعها راني تكوية من هذي هههههههههههههه

[karima888]

حوسي فاليوتوب تلكاي

[OMGHANO]

ربي معاك الله يستر

[شابرمحمد]

http://www.youtube.com/watch?v=0z3oLaz3adk

[دعاء المحبوبة]

شوفي كاش وحدة عندها مثلها تعلمك طريقة عملها
وإذا ما لقيتي فيها حتى فايدة ، ومافيش طريقة لاصلاحها ارميها والسلام

[زوجي نور عيني]

شكرا للجميع لقد شاهدت الفيدوهات ولكن المشكلة انني وجدت اشياء كثير فيها غير موجود

[hadjer batna]

ana man3rfhach aslan kon jit ne3rf rani 3awntk mais lazem tzidi t7awssi balak tl9ay kechi w7da 3ndha

[ASYA84]

عاودي رجعيها منين شريتيها وقولي للبائع ناقصينها حوايج بزاف مالقيتهمش

[بنت اولاد نايل]

هي تمشي بالتريسيتى بصح لازم موتور وباياسات
خليها بلا تريسيتى احسن
اما عن الرسمات لازم اوراق تجي مثقبة خاصة بالجكار

[mimimouni]

احسن حل رجعيها وقوليلو واش ناقصها باه مايحاولش سكتك لانك ماتعرفيش

[faiza2008]

السلام عليكم
شوفي اختي كاين الي تتباع وحدها و كاين الي معا ضوالحها le moteur -déco-les cartes.................هاذو زيادة فيها..........قوليلي بشعال شريتيها انقلك...انا عندي duomatic s

[faiza2008]

السلام عليكم
شوفي اختي هي ما تمشيش بالتريسنتي تمشي le chariot بيدك غير على بغتي انتي تزيديلها moteur
كاين الي تتباع وحدها-كاين الي تتباع بصوالحها(moteur-déco-les cartes...........)ولكن حتى بلا بهم تقدري تخدمي عادي وعلى بغتي تبدعي وتفني فالخدمة تشريهم وحدهم انا عندي duomatic s عطاتهالي ماما بلا صوالحها نخدم بها عادي مع اني نتمنى نلقالها الموتور لانو ينقص التعب ويسهل الخدمة و تربحي الوقت .le déco et les cartes عمري
ما ستعملتهم.........وما نعرفش انفصل غيها نيشان........انا نخدم طراف و انفصل بالمقص وندير le surjet باش الخدمة ما تتسنسرش و قوليلي برك اذا امكن طبعا بشعال شريتيها.......و هذا العمل انتاعها باش تاخذي فكرة
http://im57.gulfup.com/mDDoSB.jpg (http://www.gulfup.com/?r0OGO2)
http://im56.gulfup.com/6xJ9cL.jpg (http://www.gulfup.com/?0iOgjV)
http://im72.gulfup.com/8N9ZZc.jpg (http://www.gulfup.com/?pCdxRW)

[بنت اولاد نايل]

يعطيك الصحة فايزة
قوليلى رقبة ثاني تفصليها بالمقص
واذا بالمقص ماتجيش غليظة ؟

[faiza2008]

الله اسلمك لالا ماجيش غليظة.نصنع طراف ونتعامل معاهم تماما مثل القماش انفصل بالباترون .والرقبة انديرلها السجاف مثلا شوفي هذي.السجاف راني دايراتو بالطافطة و السر فالصوف انك تخدمي فالمشينة ومن بعد تحدي ومن بعد الحديد تخلي لطراف ترتاح ساعة ولا زوج ومن بعد تفصلي انا انحدد فاليل وصباح انفصل

http://im82.gulfup.com/iJUy3R.jpg (http://www.gulfup.com/?iaFEjc)

[بنت اولاد نايل]

الله اسلمك لالا ماجيش غليظة.نصنع طراف ونتعامل معاهم تماما مثل القماش انفصل بالباترون .والرقبة انديرلها السجاف مثلا شوفي هذي.السجاف راني دايراتو بالطافطة و السر فالصوف انك تخدمي فالمشينة ومن بعد تحدي ومن بعد الحديد تخلي لطراف ترتاح ساعة ولا زوج ومن بعد تفصلي انا انحدد فاليل وصباح انفصل

http://im82.gulfup.com/ijuy3r.jpg (http://www.gulfup.com/?iafejc)

الى فهمته انك تخدمى قطعة طويلة وتحدديها
ومن بعد تفصلي اكتاف ورقبة
راها اختى غير وريت لها خدمتك قالت نجبد مشينتى ونخدم هههه
وهي الى راها تقولي نسئلك
عندها مشينة كيما نتاعك بصح حمراء

[faiza2008]

ههه الله اسهل ان شاء الله كوراج برك
-نخدم القطعة-انحددها وانخليها ترتاح-نرسم الباترون-انفصل-والنقطة المهمة هي السرفلة(باش ما يتسنسرش) ديريها بالماشينة تاع السورجي ولا بالزيجزاج فالماشينة العادية-و من بعد الي اتخيطي عاودي حدي باش اتجي الخدمة متقونة...اتمنى اني افدت

[ام الحاج]

ربي معــــــــــــــــــــــــــاك

[زوجي نور عيني]

ههه الله اسهل ان شاء الله كوراج برك
-نخدم القطعة-انحددها وانخليها ترتاح-نرسم الباترون-انفصل-والنقطة المهمة هي السرفلة(باش ما يتسنسرش) ديريها بالماشينة تاع السورجي ولا بالزيجزاج فالماشينة العادية-و من بعد الي اتخيطي عاودي حدي باش اتجي الخدمة متقونة...اتمنى اني افدت

الله يبارك يعطيك الصحة حبيبتي الله يعونك وشكرا على المساعدة

[بنت اولاد نايل]

السلام عليكم
ممكن نعرف روبة شحال دات من كبة
كل كبة شحال غرام فيها

[فرح1]

نسالو عليها ونرجعلك الخبر

[faiza2008]

السلام عليكم
ممكن نعرف روبة شحال دات من كبة
كل كبة شحال غرام فيها

يا ختي على حساب المودال وعلى حساب ترخفي ولا تزيري الخدمة
القندورة ترفد بين 26 حتى 29 كبة و الكبة فيها 25غ وكاين 30غ
الكبة ب35دج

[بنت اولاد نايل]

يا ختي على حساب المودال وعلى حساب ترخفي ولا تزيري الخدمة
القندورة ترفد بين 26 حتى 29 كبة و الكبة فيها 25غ وكاين 30غ
الكبة ب35دج


راكي متأكده 26 حتى 29 ؟
هو تريكو يدى اكثر من 30 كبة
واش من رقم تحطيه فى مشينة

[ساسي هبة]

ربي يعاونك

[faiza2008]

ايه يا ختي القندورة بين 26-29
و la liquetteبين 20-22 على حساب الطول
التريكو ياكلك كثر من 30 كبة منين ماتحديش
طرف كي تخدميه وتحديه راه ازيد بزاف ويجي متقون

[بنت اولاد نايل]

ايه يا ختي القندورة بين 26-29
و la liquetteبين 20-22 على حساب الطول
التريكو ياكلك كثر من 30 كبة منين ماتحديش
طرف كي تخدميه وتحديه راه ازيد بزاف ويجي متقون

يعطيك الصحة
كثرت عليك الاسئلة ههه
قوليلي الى لونها ازرق وين توصل فى طول
ودوبل واصل وين مع طول ولا برك نص:mh31:

[faiza2008]

الزرقة قندورة طويلة والسجاف انديروه للصدر

[faiza2008]

[QUOTE=زوجي نور عيني;3992161576]راني اليوم رحة كيما الحمارة شريت ماشينة تاع الصوف passap duomatic s وانا ما نعرف فيها والو زعما قديمة شوي برك بصح على حساب ما شفت يخصوها حوايج بزاف الله يستر عليكم جوبوني
هل هي تمشي بالتريستي و هل لازم الكتاب تا عها تاع الرشمات يستر عليكم ربي جاوبوني

الحمد لله راني رجعتها وموال الحانوت كان فحل ورجعلي دراهمي المهم


السؤال الثاني الله يخليكم اخواتي هم وشحال يديرو عندكم الثمن والولاية تكون جديدة في الكرتون تاعها راني تكوية من هذي هههههههههههههه

يا حبيبتي راهم قلال و غاليين .لقيت وحدة فالنت كاملا بالموتور 6 ملاين
انا راني في شعال انحوس على le moteur ومالقيتوش

[حنين40]

الحل ساهل يا ترجعيها يا تروحي تتعلمي عند وحدة لان ما شينة الغزلة اعصاب بكلها
تشري تريكو او بنية وكاشني بهذاك الثمن ولا حس ها هههههههههههههههههههههههههههههههههههههههه