(عندك اي استفسار فالخياطة تفضلي)

[crono]

السلام عليكم ورحمة الله تعالى وبركاته


مرحبا بالجميع

هذا الموضوع المخصص لطلبات الاعضاء


رايت ان هناك الكثير من الاخوات خاصتا المبتدئات تواجهم احيانا صعوبة في بعض الاعمال


والطلبات تشمل كل شيئ



من للديهم استفسارت واحيانا يتكرر السؤال

واغلب الاحيان يضيع الموضوع بين الصفحات وصاحبته لم تجد ردا عليه

لهذا اردت ان يكون فالقسم موضوع خاص بالاجابة على اسئلة العضوات


و تنظيم قسمنا لي تخلطت فيه المواضيع بالطلبات

وطلباتكم تكون واضحه و معقوله،

موضوع للمساعده ميش لتعليم مبادئ الخياطه

وتقوم كل من لديها خبرة في تفصيل او االخياطة باترون ..الخ بالاجابة على السؤال


يعني مش راح نخصصو عضوة تجيب على كل الاسئلة


وقبل ان تضع السؤال ان تراجع الردود

هكذا نرتبو رواحنا و نظمو منتدانا

اي وحدة تشوف بلي قادرة تجاوب اختها او تساعدها فالتفعل ذلك

وربي يجازيها عليه خير

وفالاخير اتمنى التفاعل منكم


ولي عندها اي راي اخر تتفضل بيه

وشكرا للجميع

[stayfiya]

مليح لانسبيكتور يعطيكم الصحه المجال مفتوح للجميع

[salima14]

السلام عليكم
بارك الله فيك اختي كرونو على الموضوع الف شكر ليك وللاخت سطايفية
عندي استفسار ياريت تساعدوني بالنسبة للقطيفة قالولي صعيبة فالخياطة تاعها وانا حبيت نخيط قندورة
وخايفة ماتصلحليش اول مرة
بواش تنصحيني اختي يعني في فصالتها وخياطتها وادا كين خيط وابرة سبيسيال والا اي ابرة وخيط يخيطها
ربي يعطيك ماتتمناي انت واي وحدة تساعدني

[biba19000]

اخت كرونو مشكوره على الموضوع كنت حطيت موضوع من قبل و ما رديتيش عليا ياريت تردي عليا
او ترد عليا وحده من الاخوات
http://www.djelfa.info/vb/showthread.php?t=1706359

[imi122009]

ماشاء الله عليك موضوع رائع
ربي يحفظك

[crono]

السلام عليكم
بارك الله فيك اختي كرونو على الموضوع الف شكر ليك وللاخت سطايفية
عندي استفسار ياريت تساعدوني بالنسبة للقطيفة قالولي صعيبة فالخياطة تاعها وانا حبيت نخيط قندورة
وخايفة ماتصلحليش اول مرة
بواش تنصحيني اختي يعني في فصالتها وخياطتها وادا كين خيط وابرة سبيسيال والا اي ابرة وخيط يخيطها
ربي يعطيك ماتتمناي انت واي وحدة تساعدني


وعليكم السلام في هاد الموضوع كيفية خياطة قماش الاسترتش (المطاط) وماهى الابرة المناسبة له
http://www.djelfa.info/vb/showthread.php?t=1417603

[ام رشدى]

اختي كرونو ممكن توريلي كيفية عمل ليباس الي يكونو اعلى الصدر ثم مرورا براس الثدى حتى لاتاي كيما ليبانس الي عملتهم الاخت سطايفية في ورشتها الاخيرة وجزاك الله كل خير

[mounia 85]

السلام عليكم اخواتي
لي تعرف توريلي باترون لخياطة بلوزة تاع الحوامل كيما لي يتباعو برا

[salima14]

بارك الله فيك اختي كرونو

[ام سلسبيل]

هل هذه الماكنة تقوم بعمل السورجى كما في الصورة؟
وإن كانت كذلك ماهي القطعة المستعملة لكي تنجز العمل ؟
الرجاء مساعدتي بتقديم صور عن العمل إن أمكن ذلك
http://www.djelfa.info/vb/attachment.php?attachmentid=90926&d=1417209048
http://www.djelfa.info/vb/attachment.php?attachmentid=90927&d=1417209078

[الخروبية]

السلام عليكم مشاء الله عليك استاذة موضوع في الصميم نبدى بنفسي نتمنى نطبقو كل ماقالت عليه الاستاذا كرونو كلامها والله بكل صح هكا نكونو منضمين وكل وحدة تعرف وين تروح وتلقى الاجابة فى اسرع وقت وماتنساوش منتدانا الغالي لكل الجزائرين والعرب اسمحولى نقلكم لازم نلتازمو بالقسم الى رانا فيه منروحوش مثال للفتوى او التعليم او غيرو وكل طلب عندو باب معين ومدام الاستاذة كرونو فتحت الباب للكل يشارك واى واحد يجاوب والله موضوع روعةالمهم نعرفو وين نروحو برك وسمحولى لاطولت عليكم بارك الله فى القائمين على المنتدى وفى الاعضاءتحية من الخروبية للجميع سلام ياكرامhttp://im88.gulfup.com/K6Aivl.jpg

[ام هاديل وياسين]

السلام عليكم
بارك الله فيكي اختي كرنو موضوع رايح يساعدنا اكيد انا سؤالي يخص الاخت سطايفية
حطيتو لها من ايام في موضوع جيبي مشينتك وربما لم ترى سؤالي لكثرة الاسئلة الله يكون في عونها
نعاود نسال هنا عندي مشينة صنع فرنسي غير كما شريتها جاوني معها زوج اباري خيطتلي غاية ودير سيقساق
من بعد تكسرولي وكي ركبتلها وحدو اخرين تاع البلاد محبتش تخيط سييت معاها نهبط لبرا بصح والو هي هي
وراني مسحقتها بزاف رهي عندي خياطة وحرت كفاه ندير ارجوكم جوبوني راني في الانتضار

[منقودة]

السلام عليكم اخواتي حبيت نعرف طريقة تفصيل هاد ليغوب في زوج خاطر راني مبتدئة اللي تعرف تعاوني وجزاكم الله الف خير:)

[حبي لأمي]

مشكورة اخت كرونو على هذا القسم
انا عندي سؤال حول الابرة المزدوجة كيفاه نخيط بيها واذا نقدر نستعملها في السرفلة

[salima14]

ام هديل واش هي لاماشين تاعك؟؟؟؟؟نسقسيلك
عليها

[ريما الجزائريه]

لام علسيكم اختي في الله ياخي حبيتك نسقسيك والله اليوم غير راسي وجعني المشينة تاعي رها تكسرلييباري وتخرجي اكمام تع الخيط معرفتش من وين راه المشكل الا عندك فكرة نصحيني ارجوكي
http://im90.gulfup.com/HAWror.jpg

[moonmira]

السلام عليكم اخواتي في الله اناحابة نتعلم الخياطة وزوجي ميحبش الخريج بزاف من فضلكم لي تقدر تعاوني ولها من كل الامتنان

[الخروبية]

السلام عليكم اختىmoonmira لكان حبا تتعلمى لخياطة ونتي في الدار ماعليك غير تبعى الاستاذةكرونو ربي يبارك فيها مدايرة دورة في تعليم الخياطة نتمني لمدخلتيش ادخلى رانا غير في اخذ المقسات حوسى منين مثبت تلقاى تحية من لخروبية للجميع سلام ياكرام

[om safo]

خت كرونو تعيشي ماف متش كيفية عمل فتحة الإبط يعني المنش يجيني معوج ماش قدقد مع فتحة :sdf:

[*منى*]

انا مبتدئة في الخياطة حبيت نعرف تفصيل هدا النوع من الفساتين لي يكون طايح على الكناف كيما هادو الصورhttp://im88.gulfup.com/f5jm2E.jpg

[تقوى اماني]

الى السطايفية الله انورك حطينا باترون وخياطة حجاب راني محتاجة ضرور ي للحجاب والله ما لقينا في السوق واش اناسبنا
استرونا الله يستركم المزيد من باترونات الحجاب

[om mita]

لام علسيكم اختي في الله ياخي حبيتك نسقسيك والله اليوم غير راسي وجعني المشينة تاعي رها تكسرلييباري وتخرجي اكمام تع الخيط معرفتش من وين راه المشكل الا عندك فكرة نصحيني ارجوكي
http://im90.gulfup.com/hawror.jpg

اختي هذاك الخيط اذا خرج من فوق يعني الكانات مرخوفة واذا خرج من تحت يعني الخيط الي من فوق تاع الكبة راهو مرخوف
اما عن الابرة تتكسر بلاك الكتان خشين بزاف او الابرة مهيش مناسبة

[om safo]

أخت كرونو راني حطيت طلب وليس هناك مجيب عاونوني

[رجاها 22]

[size="5"]السلام عليكم
الف شكر على هد الصفحات و هد المواضيع جزاك الله خيرا
بالنسبة لأسئلتي
اولا نقولك الأسئلة خاصة بجسم الساعة الرملية و الكمثرى الممتلئ يعني الخصر ممتلئ بعض الشيئ وليس محدد و دقييييق
1/ رايحا نخيط كاراكو لتصديرتي وحبيت نعرف ادا سروال الشلقة يناسبني او لا سالت من قبل 2 خياطات الاولى قاتلي الشلقة يبينك اسمن من تحت و الخياطة 2 قالت لي لا يوالمك لأني رايحا ناخدلك القياسات و يجيك شباب و مايبنك سمينة ما والو لهدا احترت
ادا كان مايوالمنيش واش تقترحي عليا ندير
2/ راني حابة أيضاً تصاميم لفساتين قصيرة لكن ماشي بزاف يعني تصل للركبةً او تايورات باه نلبسو لما نجي من عند الحفافة في صباحي يعني صباح لعروسة
وادا هناك اقتراحات اخرى نتمنى تساعدوني بيهم
3/
أيضاً اذا ممكن تصاميم للزي القبائلي يكون خفيف ونقدر تتصدر بيه
شكرًا على المجهود و ربي ايقدرك و يوفقك انت و كل اللي يبادرو في المساعدة و مايبخلوش بمعرفتهمsize]

[الخروبية]

السلام عليكم صباح الخير ياناس الخير ونشالله تكونو بخير بنت لحرار وشراكى سطايفية انا عندى استفسار على التعلم التفصال بطريقة التقليدية تاع الشبر كنت نهدر مرى مع وحدى وقلتلها انا تخطينى الميترا منقدرش نفصل وكى نفصل نعرف القيس تاع كل وحدة متال الكتف ماشى كى سمينة كى الضعيفة وطابق وكلش قاتلى انا نفصل بشبر نخدم بلا ميترا بصح مشرحتليش كيفاه تخدم وانتى بارك الله فيك نورتينى بصح يرحم باباك وجدك كيفاه تقيسى كى تعود وحدة سمينة ولا ضعيفة وهذاك القيس الى حطيتى سطوندار ولا كيفاه تحية من الخروبية للحرة العمرية سلام

[layla11]

اسلام عليكم اخي كرونو
راني نتعم بلعقل منكوم الخياطة وربي يجازيكوم كل خير
بديت بالباترون الاساسي والحمد لله نجحت فيه وخدمت قندورة خرجت هايلة والان حابة انوع فالموديل
ادا امكن حبيت نخدم هدا المودال ادا ممكن تشرحيلي طريقة الصدر فقط كيفاش نخدموه بالتفصيل ربي يخليك


http://im68.gulfup.com/TI0WE8.jpg (http://www.gulfup.com/?gP25DX)

[mestghanmiya]

السلام عليكم اخوات نتمنى تكون بخير انا جديدة فالمنتدى و حبيت نخيط بوليرو بالدونتيل بصح معرفتش كيفاه ندير للحاشية نقصها و كي نفصل نعاود نخيطها ولا كاين طريقة اخرى الله يجازيكم لي تعرف تعاوني و اجركم على الله

[souma.sousou]

السلام عليكم ....راني حابة نشري ماشينة تاع خياطة ممكن المساعدة ونصحوني اي نوع نشريه راني حاية نوعية مليحة وحبذا لو دير الزيقزاق وتكون تخيط القماش الغليظ ..ومشكورين..اذا امكن اعطوني اسمها بالتفصيل او الصورة

[همس الحروف]

السلام عليكم اخوات نتمنى تكون بخير انا جديدة فالمنتدى و حبيت نخيط بوليرو بالدونتيل بصح معرفتش كيفاه ندير للحاشية نقصها و كي نفصل نعاود نخيطها ولا كاين طريقة اخرى الله يجازيكم لي تعرف تعاوني و اجركم على الله
انا تاني عندي نفس استفسار الاخت ياريت توضوحلنا الطريقة بالصورة او الباترون وكيفاه ما تفسدش الحاشية تاع دونتال شت ياسر موديلات دايرينهم في لقنادر حابة نتعلم العفسة هذيك جزاكم الله خير

[تقوى اماني]

لو تكرمتو اعملونا ورشة كاب او بونشو شتوي

[rachaz]

http://http://im54.gulfup.com/8bkeGH.pngاختي العزيhttp://http://www.gulfup.com/?nz8rzdزة ارجو ان تساعدرني في طريقة تفصيل هذه الفساتين ولكم كل الشكر والتقدير http://www.gulfup/?3WONMRhttp://www.gulfup.com/?WSOEk5

[rachaz]

http://im75.gulfup.com/QYcgJu.jpeg[/url][/IMG]]ارجو منك يا اختي سطايفية من فضلك باترونات لهذه الفساتين وجزاك الله الف خير[/SIZE]

[rachaz]

G]ارجو المساعدة من الاخت سطايفية
او احدى الأخوات

[باسم وبيسان]

صباح الخير عليكم شكرا على هدا القسم للاستفسارات انا عندى سؤال القندورة هدى رقبتها تكون مطروحا بالبونج ؟؟؟؟http://im75.gulfup.com/ySd687.jpg (http://www.gulfup.com/?Nt3jDh)

[koky 07]

اولا شكرااااااااا على المبادرة الطيبة ربي يجعلها في ميزان الحسنات حبيت نعرف كيفاش نمشي ماشينة الخياطة راني حرت معاها مع علم ماشينتي سانجر. القديمة والمشكل الخيط ديما يهرب من الابرة ياريت تلقي الحل ربي ينورلك طريقك

[amor.chibout]

السلام عليكم ورحمة الله وبركاته
لقد قمت بالرد على احدى التساؤلات ووضعت صورة لبترون السطايفية هل يعتبر هذا عاديا وإن كانت هناك اى ملاحظة أرجو منكم التوجيه حتى نفيد ونستفيد بإذن الله

[nawal_02]

اخت كرونو مشكوره على الموضوع كنت حطيت موضوع من قبل ياريت تساعدني سطايفية او وحده من الاخوات
http://www.djelfa.info/vb/showthread.php?t=1731695

[yayamirou]

سلام انا عندي استفسار من فضلكم اناشريا ماشينة جديدة تويوتة ارجو منكم طريقة استعمال الاسيسوارات الي جات معاها

[dalale]

السلام عليكم
اخواتي الفاضلات اريد مساعدتكم لي
وهي كيفية معرفة كم متر من القماش لخياطة اسدال الصلاة قطعتين لبنت طول التنورة 90 سم وطول الخمار من اعلى الراس الى نهاية اليد 90 سم
كم كم متر اشتري لها وما هو عرض القماش

[warda 07]

السلام عليكم أختي السطايفية .
بارك الله فيكم على الموضوع و الف شكر
عندي استفسار ياريت تساعدوني في باترون هذه الروبة
ربي يعطيكم ما تتمنوا ..

[maya t]

rabi yjazik okti crono 3la el kism

[yassmine 1987]

السلام عليكم ممكن تساعدوني في باترون هاذي الربة و اجركم على الله و شكرا مسبقا

[ام الاء غفران]

السلام عليكم اريد[/quote]معرفة فصالة ليمونش تاع القنادر

[تقوى اماني]

ممكن اخت سطليفية طريقة فصالة الكاش كور الله اخليك

[تقوى اماني]

حابة نشري ما شينة الله اخليكم انصحوني

[الواجهة]

بارك الله فيكم على الموضوع و الف شكر

[chahinaz99]

اخت cronoريد تفصيل جبة شاوي لي راه في المنتدى مقدرتش نطلعو من النت

[alchamkha]

http://im71.gulfup.com/KMVz2H.jpg (http://www.gulfup.com/?RDvHAW)

http://im50.gulfup.com/bJOgMI.jpg (http://www.gulfup.com/?Xh3cL8)

السلام عليكم ممكن تقترحو عليااسماء لانواع القماش المناسب لخياطه مثل هذه التنوره

[هدى عمر]

:mh31::mh31:السلام عليكم أرجو منكم المساعدة أريد أن أفصل بدرون

[تقوى اماني]

اريد خياطة كوفر بونكات والمخاد ممكن تعطوني المقاييس والباترون الله يستركم
علما اني شاركتفي الورشة لكن للاسف الانترنيت كانت تروح ما لحقتش الدورة
يا ريت من المشرفين عند انتهاء اي ورشة تحونا الموضوع باش نستفادو كامل
واش قلتو يا الحرائر

[sousoufati]

اريد خياطة كوفر بونكات والمخاد ممكن تعطوني المقاييس والباترون الله يستركم
علما اني شاركتفي الورشة لكن للاسف الانترنيت كانت تروح ما لحقتش الدورة
يا ريت من المشرفين عند انتهاء اي ورشة تحونا الموضوع باش نستفادو كامل
واش قلتو يا الحرائر

سلام عليكم انا نخيط الافرشة المقايس لي نستعملهم فالمخايد الطول 70 سم والعرض 50 اما لي كوفر بونكات ندير الطول 190 سم والعرض 70 سم فالصح ماشي محتم عليك هاذ المقاييس تصغري و تكبري على حساب المطارح تاعك وعلى حساب الحشو تاع لمخايد واذا كاش مافهمتيش راني هنا تحبي حتى نمدلك لي مودال لي خيطتهم

[koky 07]

بارك الله فيكم على الموضوع راهي مبادرة مليحة ونتمنى تتكرمو علينا وتحطولنا كتب للاخوات ليتعبو معانا في ركن الخياطة باه نستفادو وربي يجعلها في ميزان حسنات ومايحرمنا من طيبة قلبكم