نصيحة لكم اتمنى قبولها

[minina2601]

السلام عليكم
ماكلتنا اليوم ولا فيها بزاف ليدام وكل واحد واش يستعمل كاين الزيت العادي وكاين الزبدة او السمن لذلك ننصح استبدال هاد الايدام لي يضر بالصحة كي نكثرو منو واستبداله بزيت الزيتون كاين لي يقلك يغير الطعم لكن صدقوني عن تجربة لوكان تشرو زيت الزيتون من النوعية الجيدة اقصد العصرة الاولى premier choix توالفوه ويولي جزء اساسي من المطبخ وتتخلصو من الدهون المضرة حتى الزبدة تعتبر مفيدة لذلك اكتفوا بها للحلويات
كاينة حاجة مهمة بزاف تاني هي توعية افراد العائلة باهمية زيت الزيتون لان عدم استصاغته من طرفهم لانهم ما والفوهش او سمعو بلي ماشي بنين لانو بكري كانو يعتبروه حاجة عادية وكاين حتى لي يسموه زيت القبايل وينساو بلي اصله من شجرة مباركة نتمنى تكونو فهمتوني .
ربي يهدينا لما فيه الخير والسلام عليكم

[nina.imy]

شكرا على النصيحة المفيدة انا شخصيا نحب طعم زيت الزيتون في الطياب كما لايخفى علينا انا زيت الزيتون لا يسبب الكلسترول وفوائده لا تحصى ولا تعد

[minina2601]

صحيح اختي له نكهة مميزة يضفيها على الاطباق لا سيما فوائده الجمة حنا سكان البحر الابيض المتوسط زيت الزيتون لا بد ان يكون اساسي في مطابخنا
شكرا على المرور عزيزتي نورتيني

[رضاك ياربي]

والله عندك الحق حنونة زيت الزيتون صحية ومافي احسن منها لكن يالحبيبة راهي غالية و توصل حتى ل80نالف لرتلة شكون لي يقدر يستعملها يوميا لطبخ ويستبدلها بالزيت العادية

وانا نفضل الزيت العادية احسن من الزبدة والسمن لانها اقل ضرر منهما

[عطرالذهب]

والله اختي كلامك في محلو وانا شخصيا نحاول بقدر الامكان ننقص من الزيوت والدهون والسكريات في نظام اسرتي الغذائي
بالصح زيت الزيتون راهو اللتر ب 120 الف اشكون اللي يقدر يستعملو يوميا صدقيني راهو عندي لتر مخبياتو للسعال والا نديرو في السلاطة نص نص مع الزيت العادي

[عطرالذهب]

اختي رضاك ربي واقيلا التقت افكارنا في نفس اللحظة هههههههههههههههههه

[امونة الشاوية]

يعطيك الصحة اختي على النصيحة
مثل ما قالو الاخوات انو غالي وما يصلحش للاستعمال اليومي
وهاذه اضافة للفادة
زيت الزيتون من أهم الزيوت النباتية من حيث الفوائد الصحية. هو صحي للقلب والشرايين والبشرة، يحمي من السرطان ويخفف من إلتهاب المفاصل. من الإعتقادات الشائعة عن زيت الزيتون هي أنه يحترق بسرعة وغير مناسب للطبخ بل مضر إذا إستخدم في الطبخ. فيما يلي سوف نوضح ما مدى صحة هذا الإعتقاد؟ هل زيت الزيتون صحي للطبخ؟

الحقيقة هي ان كل أنواع الزيوت قد تحترق على حرارة مرتفعة ولمدة مطولة، زيت الزيتون يبقى ثابت أثناء الطبخ بل هو من أفضل الزيوت للطبخ على الإطلاق. زيت الزيتون مثل كل أنواع الزيوت الأخرى يخضع لبعض التغييرات على حرارة عالية، زيت الزيتون حين يطبخ على درجة حرارة تفوق ١٢٠ وحدة مئوية يخسر بعض فوائده و لكنه يظل صحي و أفضل الزيوت النباتية للطبخ. كما يمكنكم إضافة بعضه في آخر عملية الطبخ لتحصلوا على فوائده كاملة.

[minina2601]

السلام عليكن حبيباتي
بالنسبة للسعر راهو مابين 70الف و80الف ولا اظن لحق لل120الف وان شاء الله ما يلحقش
نقلكم حاجة بكري زيت الزيتون كان ارخس حاجة والزيت العادية كانت عزيزة وكي عرفت الناس قيمته مع الاسف ولا غالي انا نفضل ندخر قيمة ماليه لاجل شراءه لانه فعلا غداء ودواء وربي يقدرنا كامل ان شاء الله شكرا لمروركن حبيباتي .
سبحان الله وبحمده يبحان الله العظيم .

[minina2601]

amounaلمذا في رايك لا يصلح للاستعمال اليومي ؟انا ارى العكس تماما لاسيما نستعمله للطبخ فان شفاء لنا باذن الله
بالنسبة للغلاء وفريلو تقدري تشريه عادي وتبقى صحتك فوق كل اعتبار

[minina2601]

هي شجرة معمرة، وكل ما فيها مما ينفع الناس، زيتها وخشبها وورقها وثمرها وروى الترمذي في سننه عَنْ زَيْدِ بْنِ أَسْلَمَ عَنْ أَبِيهِ عَنْ عُمَرَ بْنِ الْخَطَّابِ رضي الله عنه قَالَ رَسُولُ اللَّهِ صلى الله عليه وسلم: «كُلُوا الزَّيْتَ وَادَّهِنُوا بِهِ فَإِنَّهُ مِنْ شَجَرَةٍ مُبَارَكَةٍ» [صحّحه الألباني في صحيح الترمذي برقم (1852)].

[زينب 83]

شوفي حبيبتي لي مايقدرش يشري زيت الزيتون ، ممكن ينقص على الأقل في الزيت العادي ، يعني ينقص القلي و ينقص الزيت في الخبز و الله ملعقة او اثنين تكفي و يحاول يطيب وصفات صحية و هكذا راح يربح صحتو و يربح دراهمو
شكرا اختي على الطرح القيم و اذا حبيبتي انضمي إلينا هنا
http://www.djelfa.info/vb/showthread.php?t=1710055

[وهج الحياة]

وأضيف لك معلومة علمية اكيدة الاستفادة من زيت الزيتون بالا يطهى يعني يوضع عند التقديم فقط

[*رحيق الجوري*]

غالي ياسر هدا المشكل

[أم تيم الله]

شكرا اختي على النصيحة

[مرام 1987]

معلومة جد مفيدة واحنا العرب فيها طبيعة يقلدو القور في كلشييييي إلا في هذي لأنهن هوما يستعملو زيت الزيتون في طيابهم بزاااااااف عكسنا احنا تماما

[<نَجْمَاتْ>]

بارك الله فيك اختي نصيحة من ذهب وانا عن نفسي نستعملو في مطبخي بصح خفية عن أولادي كون يعرفوا ميكلوش الطبق اللي مدايراتو بزيت الزيتون

[minina2601]

بارك الله فيكن حبيباتي والله ما وضعت الموضوع الا لاهميته ان شاء الله ربي يقدرنا على كل خير .

[ouissamak]

ana nhabou surtous m3a lmetlou3 kiykoun skhoun wenghamess mmmmmmmmmm fetyab mayhabouch rajli yfi9lou alors nteybe b zite normal

[minina2601]

صح بزاف مليح مع المطلوع سخون انا نحبو مع الحميس والسلطات رائع فعلا
انا نطيب بيه عادي منحسوش الفرق كامل بلاك يرجع لنوعية الزيت
بارك الله فيكي نورتي موضوعي
سبحان الله وبحمده سبحان الله العظيم .

[ouissamak]

ana 9baylya ya3ni zit ezitoun kbarte lm3ah hhhh kikonte fdarna mama teyeb kolchi bih t9oul lokan yakhtini manechba3ch

douka jdid ta3 had l3am 3adna rah ydir 70 alef pour le litre

[ouissamak]

rah ghali pcq makach zitoun bezzaf sobhan ellah rah kol 3am yen9ess htta nssana mawelawch kibekri marahomch yrouhou ylagtouh wellah c bien dommage

[minina2601]

الله يبارك
اختي تربيتي عليه حاجة مليحة بزاف ولازم تحاولي تقنعي لي معاك باش ياكلوه ويستعملوه بالتوفيق اختي .
سبحان الله وبحمده سبحان الله العظيم .

[مدام عفاف]

صح اختي فائدته مليحة ياسر بصح غاااالي الاغلبية ميفدروش يشروه للاستعمال اليومي صعيبة شوي

[الصابرة المحتسبه‎ ‎]

بااااااااااااااااااااااارك الله فيك

[minina2601]

حبيبتي انوي الخير تلقاي الخير ماشي شرط ديري كمية كبيرة المهم على قدر استطاعتك
بارك الله فيكن

[أم ملك]

شكرا على الموضوع بالنسبة ليا أنا ما يخطينيش خلاص قبل ما يكمل نزيد نشري رغم أني كي كنت صغيرة نكرهو
ندير في أطباقي من الفوق خاصة السلاطة و الحبوب الجافة و الحريرة و خطرات مين نطيب الخبز في الكوشة ندهنو مين نخرجو سخون يخرج هايل
و بنتي الكبيرة الحمد لله ولفتهولها تشربو كيما الماء ماتكرهش خلاص منو و قبل ماتاكل أي شيء تقولي ديريلي الزيت
عندي معدل لتر في الشهرين أو ثلاث ﻷني نديرو غير من الفوق ما نطيبش بيه
و لي قالو غالي شفتو كيفاه أحنا إستوردنا العادات السيئة بصح عادات جدودنا تجينا صعيبة
الجميع رانا نخلصو النت على اﻷقل 80 ألف في الشهر مش نشريوها لتر زيت ﻷولادنا أحسن
اليوم خدمت بيه الكرموس مفور مليح للكحة و الوقاية من البرد

[minina2601]

لا شكر هذا واجبي نحومن احسن الينا باداعاته
حبيبتي ام ملك ربي يحفظك ويحفظلك حبابك
انا كذلك البارح عملت الكرموس بزيت الزيتون ياالله كم احبه
نورتي موضوعب فبارك الله فيكي
سبحان الله وبحمده سبحان الله العظيم .

[أم ملك]

لا شكر هذا واجبي نحومن احسن الينا باداعاته
حبيبتي ام ملك ربي يحفظك ويحفظلك حبابك
انا كذلك البارح عملت الكرموس بزيت الزيتون ياالله كم احبه
نورتي موضوعب فبارك الله فيكي
سبحان الله وبحمده سبحان الله العظيم .

و فيك بركة أنا صراحة جامي كليتو و راني خايفة ما يعجبنيش
زوجي هو لي طلبو
أستغفر الله الذي لا إله إلا هو الحي القيوم و أتوب إليه

[ome loudjeine]

مساء الخير اختي.
ربي يجازيك كل خير على الموضوع احنا الجزايريين ناقصتنا بزاف الثقافة الغدائية.ماكانش احسن من زيت الزيتونوفائدها كثيرة.
حنا نوصيو على الزيت كل عام شهر جانفي كي يبداو يعصروه ونشروه من بلاد قبايل وعمرو زاد سعره على 60 الف ونشريو حوالي 30لتر سنويا نستعملو في كلشي ووالفت ولادي فيه ملي كانو صغار في الاكل او يشربوه.
نصيحة فقط زيت زيتةن من الافضل ما يطيبش ينضاف فوق الاكل باش مايفقدش قيمتو.

[minina2601]

حبيبتي ام ملك متخافيش وحتى واذا معجبكش كوليه لان فائدته عظيمة وربي اقسم بيه في سورة التين .فقط ملاحظة ماما نبهتني عليها ياك التين المجفف يجي فيه الفرينة انت حاولي تنحيها بفرشاة ولا امسحيها مليح باش كي يقعدلك الزيت تقدري تستعمليه وتاني قطعي كل حبة على 2او 4 على حساب حجمها وان شاء الله تستمتعي بيه بالصحة والهنا عليكم.
سبحان الله والحمد لله ولا اله الا الله والله اكبر .

[minina2601]

بارك الله فيكن