الى موالفة دير لمحلبي ويجيها مليح تفيدني

[manita]

السلام عليكم من فضلكم الى موالفة يجيها لمحلبي مليح تعطيني الوصفة بالتفصيل هدة اول مرة رايحة نديرو تعيشو

[أم محمد تاج]

حنونتي ضرك نحطلك رابط محلبي ام كوثر روووووعة جربناه خرج مممممممممم

[أم محمد تاج]

http://www.djelfa.info/vb/showthread.php?t=1281664

هاو ليك حنووونة وبالتوفيق

[روضة 88]

http://www.djelfa.info/vb/showthread.php?t=1281664

جربي هذا راهم كامل يشكرو فيه.

[zenouba]

صباح الخير
اختي نعطيلك الوصفة نتاعي لي انا معتمدتها مند سنين مضمونة
ضعي لتر حليب فيضيه اولا و غير يدفى شوية كيلي بالغرفية لي يشرب فيها الحليب ديري وحدة روز مرحي و غرفية سكر و غرفية ورد و لازم يطيب في اناء ثقيل و بقاي حركي بملعقة خشبية على نار شوية هادئة حتى يبدا يختار و يعملك فقعات فرغيه في اواني نتاع الفلون او صحونة كبار و زينيه بالمكسرات هدا هو المحلبي نتاع ناس قسنطينة جربيها و رديلي بالخبر ...و بصحتكم

[manita]

بارك الله فيكم على الافادة راح نجربوا تعيشوا

[أم غيلاس]

أنا الوصفة تاعي هي 7 كيلات حليب و كيلة روز مرحي ناعم من الأحسن يكون مرحي في البيت لأنه المشري يكون خشين و كيلة سكر حرش و خلطي كلش بارد في بارد و حطيه فوق النار و ابقاي حركي حتى يتقال زيديلو كيلة ماء الزهر أو ماء الورد حركي مليح و طفي عليه و مبعد حطيه في les coupes و زينيه باللوز حب و حطيه يبرد مليح
أنا ساعات كي بجوني ضياف نزيدلو كيلة لوز مرحي غبرة يجي هااااااااااايل و ما يتشبعش
انشاء الله تجربيه و تنجحي فيه و بالصحة و الراحة

[zenouba]

احنا المحلبي نديروه بالماء ورد لانه يمد نكهة لذيذة
لكن يبقى كل واحد و دوقو

[أم غيلاس]

حنا ثاني نديروه أغلب الأحيان بماء الورد و لكن ساعات نحب نغير للتجديد أختي لعزيزة و تبقى دائماً عندنا نفس العادات بين قسنطينة و سكيكدة

[zenouba]

اكيد اختي و جارتي لدينا نفس العادات سكيكدة و قسنطينة المهم نحافض على اكلاتنا و عادات اجدادنا و انا شخصيا افتخر بها
شكرا عزيزتي دامت المحبة و الاخوة بينانا

[الحب الأول]

كيما ذكرت اخت قبلي و نموت عليه بهاذ المقادير

٧ كيلات حليب ( لي تميلي بيها لحليب كملي كيلي بيها الباقي)
كيلة روز مرحي
كيلة سكر
بارد في بارد
حطيهم على نار حتى يخثارو
في الاخير ضيفي كيلة ماء ورظ او زهر( مسألة اذواق)

و بالصحة و لهنا