دبروا عليااااااااااا راني حايرة

[سيرين8]

انا راني بالحمل وراني حايرة في اسم البنت لانو زوجي حاب يسميها حسيبة على امه وانا خايفة انو اسم قديم وممكن اذا ربي كتب وكملي وكبرت ما يعجبهاش وفي نفس الوقت حابة نرضي زوجي قولولي الصراحة واش رايكم في الاسم

[بنت لبحر]

اسم حسيبة نحس يليق لطفلة كبيرة لكن الا زوجك حاب يسميها على امو سميها متنويهش و متعيطولهاش بيه يعني في النقمةب برك حسيبة و نتوما عيطولها باسم واحد اخر (بيناتنا انا معجبنيش ههههه)
ربي يتمملك حملك على خير

[*أم جابر*]

السلام عليكم ورحمة الله و بركاته

اختي الله يتمملك على خير سميها 2 اسامي اسم من عندك +حسيبة و انت ناديلها بواش اتحبي شيئ عادي الان كامل راهم يسمو 2 اسامي

[asma bb]

انا يا اختي كنت حامل ببنت و قالي راجلي سميها سيلين و انا و العائلة كنا حابين اسم ياسمين و قلت خلي برك نسميها سيلين كيما قال باباها
لكن ندمت لاني عرفت انو اسم ليس عربي
اما انت يا اختي هدا اسم عربي و كيما قالت الاخت هو قديم شوية و ماعجتنيش بزاف لكن تقدري تسميها بيه في النقمة برك و عيطولها باسم وحد اخر

[ثلوج الشتاء]

مانيش عارفة علاه معجبكمش اسم حسيبة انا عجبني يمكن انو كان في حياتي صديقات اسمهم " حسيبة "

[التـــــــــــــــــــائهة]

سميها أمني حسيبة ...يولي شباب

[ايهان]

يا اختي لما الحيرة سنيها اسمين حسيبة واسم اخر ناديوها بيه
ماتنويش راجلك

[صدفات]

السلام عليكم سميها كيما قال باباها و زيديلها إسم اخرا و الأصح هو لي لازم يسميها و ليس أنت و إسم حسيبة شباب

[ابداع جزائرية]

بالعكس ...اسم حسيبة ماشاء الله
ومعناه ثاني مليح

معنى اسم حسيبة : ذات حسب ونسب, ذات الأصل العريق, الشريفة, الكريمة. وأصل الاسم عربي.

وكي تحطي في بالك انه راح تأثري في بنتك قبل الناس
وتحببي ليها اسمها ومعناه راح تحبه اكيد
والله يا اختي خير من الاسامي هاذي الجديدة
ان شاء الله تكون من الصالحين البارين
نتخيّلها طفلة جميييلة رزينة وذات شخصية قوية ..
هذا ما يوحيه الي الاسم والله

[ساندريلا]

ههههه فكرتيني في روحي بنتي عندها شهرين تاني سماها زوجي على اسم أمه رحمها الله
عقيلة ربي يشدهالي بصح كااااااااامل يعيطولها سارة
عادي قلت مانزعفش زوجي في خاطر حاجة عادية

[amoros]

حسيبه اسم قديم وتخافي تتعقد كي تكبر مالا لوكن قالك نسميها عائشه تطلبي الطلاق سبحان الله هاته اسماء جميله سميها سوسو والا سميها كاترين البنت بتربيتك لها وليس باسمها انا انصحك سميها حسيبه ورميسه وارضي زوجك يرضي الله عليك ولا تعملي حساب المجتمع الضائع في مسلسلات العشق الممنوع

[ام ندى 87]

اختي اسم شباب والله
اتخيليها كي تكبر وتولي مهندسة ولا طبيبه ويعيطولها الدكتورة حسيبة ان شاء الله ومتكسريش كلام زوجك اكيد ربي يجازيك كل خير

[مياسم الصمت]

السلام عليكم ورحمة الله وبركاته

أولا ربي يكملك على خير اختي

ثانيا و الصراحة و أقولها من واقع
ليس لأن اسم حسيبة معناه جميل كما قالت الأخت هو من الحسب

لكن الصراحة ومقارنة مع أسماء هذه الأجيال هو قديم وصدقيني وكا قلت اقولها من واقع بحكم تعاملي مع التلاميذ ففي القسم يسخرون من أسماء غيرهم التقليدية او غير الجميلة

فأحيانا يكون للتلميذ اسمه المسجل به في شهادة الميلاد غير محبب له واسم آخر يدعى به في المنزل مقبول ويعجبه فيعمل على أن يجعل الكل يناديه بالاسم الآخر لدرجة انه احيانا في أوراق الامتحانات يكتب اسمه غير الرسمي ووقعت معي انا عدة مرات مع تلاميذي في الامتحانات فاقع في حيرة حين اريد صب النقاط

بمعنى أنهم شئنا أم ابينا يخجلون من أسمائهم التقليدية

لذلك ان اراد زوجك ان يسمي ابنتكما باسم امه فاتفقي معه على ان يكون الاسم في المنزل فقط اما في الوثائق الرسمية فامنحوها اسم كما جيلها لكن حبذا لو يكون له معنى جميل وعربي ايضا

ربي يصلح الاحوال ويكملك على خير وعافية

[ندى جزائرية وافتخر]

اختي نورمال حسيبة اسم شباب
ارضاء زوجك اهم خااصة بالنسبة لامهاتهم راكي عارفة يحبو يرضووهم
المهم تزيد وتكون بخير من غير اي زيادة او نقصان
الله يكملك حنونة

[هبة ام عبدو]

اسم حسيبة اسم عربي اصيل ارضي زوجك ولا تخافي انه اسم جميل وربي يكملك على خير انا عندي ولد سميت انا عبد الرحمان وبنت سماها زوجي على يماها شيماء وراني حامل بولد رانا حبين نتشاركو في تسميتو ان شاء الله
وكا اضافة عندي بنت جارتي اسمها حسيبة عمرها9 اشهر دايرا كالعمر تهبل

[kikimnarim2]

انا نقولك ما تديري حساب لحتى واحد غير لصاحب الاسم نفسه يعني بنتك لما تكبر هل راح يعجبها اسمها لما تكبر ام لا

[حنين40]

واش اختى حيرك الاسم لما تكبر بنتك ذكريها ببطولات حسيبة بن بو العيد .................خليها على ربي ما تدريش هي تنزل منا واسم اخرى يجيها منا

ونصيحتي انك تسميها كيما حب باباها وانت عيطيها فى الدار اسم الدلع وراه اسم الدلع يتغرس فى الطفل اكثر من الاسم الحقيقي وربي يسهلك

[أم الحبايب 26]

اسم حسيبة شباب انا عجبني

[البوسعادية]

مرحبا اختي
والله غير يعجبني اسم حسيبة ...وكما قالو البنات تقدري تعطيلها اسم اخر وتعيطيلها بيه
انا واخوتي عندنا 2 اسماء رغم ان اسمائنا الحمد لله رائعه ..
ولكن في الدار والشارع اسم وفي المدرسة اسم ههههههههههههههههههه
المهم ربي يكبرها في طاعتو ويفرحك بيها

[سيرين8]

نشكركم جزييييييييييييييييييييييييييييييييييييييييييلا على ارائكم لقد شجعتوموني كثيرا ورانا قررنا نسموها حسيبة ونزيدولها اسم ثاني معاه

[ام سيراج]

و الله انا كيفك حايرة بصح العكس انا راجلي حابب يسمي بنتنا جومانة و هو اسم فارسي معناه اللؤلؤة البيضاء و دارنا قالولي واش هاد الاسم سمي اسم عربي خير

[ناصف الورداني]

السلام عليكم و رحمة الله
احتي الكريمة
اخبري زوجك الفاضل ان ابنته عندما ستكبر ربما ستجد سخرية من زملائها يا اختي
و الله انا اختي الصغيرة اسمها عائشة و ينادونها بعيشة تريد ان تقوم بحدف هذا الاسم من شهادة الميلاد
لانها تلقى السخرية
و حاولنا افهامها ان هذا الاسم هو اسم افضل نساء الكون ام المؤمنين رضي الله عنها
و لكنها لا تحب ان يسخروا منها
و تعاني كثيرا
و لكن اسم حسيبة ليس لانه قديم بل لانه تقليدي و الاغلبية المسمون به كبار السن
حببي له اسما من اسماء الصحابيات
ماسماء او زينب او فاطمة و كثيرة هي الاسماء و ان لم يقتنع اكيد ستجدين من يقنعه يعني خدي بالاسباب
و ان شاء الله تربى في عزكم و دلالكم و تكون لكم ذرية صالحة يا رب
سلام