حبيت نقولكم حاجة اسمعونيييييييييي

[زينب 83]

راني لاحظت بلي المواضيع الصحية الردود فيها تكون قليلة جدا ، رغم انها مهمة وقيمة ، انا نظن بلي حان الوقت باه الانسان يثقف صحيا و يعرف واش يدخل جسمه ، او واش يأكل ،سبحان الله رانا خير أمة اخرجت للناس كيفاه نخليو الكفار يكونو اسبق منا فيما يفيدنا و نكو نو اسبق منهم فيما يضرنا . الثقافة الصحية راهي امر ضروري لكل امرأة لان المرأة راهي راعية في بيتها و هي مسؤولة على صحة زوجها و أولادها او أهلها
و خاصة مع تكاثر الأمراض و المسببات ، البدن تاعنا راهو نعمة و لازم نحافظواعليها اقل شيء باه نقدرو نعبدو ربي و نقومو بفروضنا.

و انا لا أتكلم عن مواضيعي فقط ، بل الكثير من المواضيع الرائعة طرحت في المنتدى لكن صارت طي النسيان .
كاين اخ حط موضوع البارح على الثوم و الله حط معلومة قيمة جداً لكن الردود قليييييييلة هكذا الانسان ما يتشجعش يزيد يحط ، انا نتكلم عن الأخوة و الأخوات لخرين ، اما انا فسابقى أضع مواضيعي رغم قلة الردود لآني نفيد إنسان واحد خير من لاشيء
علابالي هدرت بزاف ، لكن حبيت نفضفضلكم لأنكم من أعز الناس الى قلبي
اذا غلطت في كلامي صحولي، لكن الله غالب راني إنسانة عندي حماس زايد ، شكرًا لكل من سمعني

[أم ياسين الزهراء]

هدي الثقافة اللي نقصتنا نحوسو غير ناكلو برك ونسينا صحتنا

بارك الله فيك

[Omrihem]

آه يا زينب والله عندك الف حق وزيد حتي الماكلة لي رانا ناكلو فيها ربي يستر

[Omrihem]

اختي زينب سمعت معلومة علي الكركم بلي ينقص الوزن اذا تعرفي الطريقة قوليهالي بارك الله فيك

[أم ماجد]

كلام في محله 4444444444444

[زينب 83]

شكرًا ليكم راكم طلعتولي المورال

[أم أروى]

السلام عليكم ورحمة الله وبركاته
كلام صحيح اختي زينب لازم علينا نعرفوا الاكل الصحي رانا محاسبين على الصحة و هادي تان مسؤولية خاصة بالزوجة الام والاخت
كاين بزاف حقائق عن الاكل وحنا رنا ناكلو برك نتبعوا في واش يعجب الكرش
امبعد نشوفوا كثر مرض السكري والكلسترول الضار والضغط والسمنة هاد الامراض كامل الي كان يصاب بها غير كبار السن ولاو الشباب والصغار يعانيوا منها

[مياسم75]

انا راني معاك لازم نعرفو واش ناكلو
الله يستر رانا ناكلو ونوعو وما نحوسوش على الصحي و
لازم نخافو أكثر على ولادنا

[مريم الاميرة]

و الله يا زينب غير عندك الحق رانا غير نوكلو برك بلاما نشوفو الفوائد الصحية
بارك الله فيك

[مرام 1987]

كلام في الصميم
كون نرجعو للطبيعة راحا تقل الأمراض إن شاء الله

[انتصار فاطنة]

كلامك صواب زينب

[onedzone]

شكر جزيلا للطرح القيم

[زينب 83]

شكرًا ليكم حباباتي ان شاء نحاولو نغيرو من عاداتنا في الماكلة وهذه العادات المستوردة لأنو جداتنا كان طيابهم اغلبه صحي

[ouissamak]

السلام عليكم ورحمة الله وبركاته
كلام صحيح اختي زينب

[amina nourhanne]

بارك الله فيك اختي

[Aya69]

بارك الله فيك أختي زينب كلامك في محلوا ربي يجازيك كل خير

[امونة الشاوية]

بارك الله فيك اختى

[lamiak1]

3andek hak yaatik el sahha

[zamilio]

عندك الحق اختى بالعكس انا نحب هاذى المواضيع

[ماريا.م]

السلام عليكم
راني نشوف اختي بلي تحبي بزااااف الردود
لكن اختي نظن بلي الأهمية ليست في عدد الردود انما في فائدة الموضوع
لأننا أحيانا نستفادو من الموضوع لكن نتكاسلو باه نردو
وانت مواضيعك كلها فائدة×فائدة الله يبارك

[ام محمد اسلام الله]

عندك احق اختي كلامك في محلو

[زينب 83]

شكرًا أخواتي
اختي ماريا ان لا أحب الردود لمجرد الإطراء، لكن الردود تشجع الانسان على العطاء كما انها تزيد في ثراء الموضوع بالأسئلة و الأجوبة

[djimi70]

ربي يجازيك الجنة علي هدا المجهود شكرررااا ليك

[عطرالذهب]

اختي زينب نشكرك على حماسك واهتمامك بالصحة والغذاء الصحي
واحتسبي الاجر عند الله المهم انك اجتهدتي واكيد الناس كامل تعرف الصح من الغلط على بالنا كامل بللي الدهون والحلويات والعجائن الكثيرة تضر بالصحة وهذا معناه انو اللي ترد راهي على بالها بالصح التطبيق ماعلابالناش هل رانا نطبقو في ديارنا او نردو باعجاب ونرمو الفكرة وراء ظهورنا
نتمنى تكوني فهمتيني وابقي اتحفينا ونورينا بمعلوماتك القيمة

[minina2601]

السلام عليكم بارك الله فيكي لكن هذا الامر يتطلب صبر لانه ليس من السهل ان تغير ثقافة الاكل بين ليلة وضحاها خاصة ان كان الاكل الصحي يعتمد على انقاص بعد الامور تعتبر اساسية في الوصفة او بالاحرى في ذوق الوصفة حبذا لو يتم ادراج وصفات بنينة وصحية في نفس الوقت لكي تشجع على تطبيقها .

[ام نظال]

ماشاء الله علي هدا التدخل رانا معاك

[ام سراج وملاك]

اهلا اختي زينب عندك الحق حنا لعرب كامل من نحوسوش نفهمو واش رانا ناكلو المهم نشبعو برك والاغلبية منا تلقاينا نتجاهلو مواضع تكون عندها فائدة صحية ونسبة المشاهدة تكون قليلة فيها وحتى الردود قليلة انا صراحة نحب الاكل الصحي بصح على حسب الموجود خطراه على حسب الظروف لي عايشها الانسان كاين لي مدخولو قليل وكاين لي لاباس عليه كاين حتى ناس ميقدروش يشريو الديسار لولادهم رغم انو فيه فوائد بزااااااف وحتى ميقدروش يشريولهم اللحوم والاسماك عليها تلقاي اغلبية الناس ميتبعوش نظام غذائي صحي وميقدروش حتى يغيرو نظام الغذائي نتاعهم

[أم لجين هيثم]

بارك الله فيك أختي على هده المعلومات القيمة ألي راكي تطرحيها

[sigoise]

مرحبا يا ريت نتكلم عن كارثة اللحم المجمد المستوردمن الهند

والله كارثة عظيمة

[زينب 83]

ام سراج حبيبتي الأكل الصحي ماعندوش علاقة بالحالة الاجتماعية ، أكيد الناس مايقدروش يشروالديسار لكن يقدرو يشرو المشروبات الغازية و الشيبس ، شوفي حبيبتي أجدادنا ما كانوش أغنياء لكن كانو يأكلوا صحي ، كانو يأكلوا البطاطا مرقة ماشي مقلية ، كانو يأكلوا اللبن و كسرة القمح و زيت الزيتون ، ما كانوش يأكلوا المعلبات و الكاشير ، ما كانوش يأكلوا اللحم كل يوم و كي يجوعو ولادهم يعطونهم التمر ماشي الشوكولاتة و الحلوى ، ياو هذه الماكلة تاع دوكا هي زادتلنا التكاليف و المصاريف بل عكس لوكان ناكلو صحي رايحين نقتاصدو ، نقصو من اللحوم لانها مضره و نقصو من الزيت لأنو نقصو القليان و نقصو السكر في اطباقنا و بزاف حوائج لي ماعندها حتى لازمة.

[أم أروى]

عذرا على التدخل
لكن وجهة نظري مماثلة لما قالته اختي زينب
مثلا يقدروا يشروا كل يوم كوكا كولا الحجم الكبير وما يقدروش يشروا شوية فاكية موسمية

[زينب 83]

ام اروى راني حليت الموضوع

[مريم منصوري]

عندك حق اختي

[zahra30]

راني معاااك زنوووبة معظم الناس راهم ملهوفين على كروشهم بلا ما علبالهم واش يبعثولهم وخاصة الماكلة انتاع برا ولا المواد المعلبة ولا حتى الطياب انتاع الدار ساعات تتحط مواد ممكن الضرر انتاعها اكثر من اسمها في حد ذاتو المهم ان شاء الله يتبادلو المعلومات الصحية وخاصة اللي حطو مواضيع في هذا الشان نشجعوهم اقل ما يمكن فعله من الرغم انو هو ( صاحب الموضوع ) اللي راهو يوله فينا لازم نشكروه

بارك الله فيك على الموضوع

[ام سراج وملاك]

ام سراج حبيبتي الأكل الصحي ماعندوش علاقة بالحالة الاجتماعية ، أكيد الناس مايقدروش يشروالديسار لكن يقدرو يشرو المشروبات الغازية و الشيبس ، شوفي حبيبتي أجدادنا ما كانوش أغنياء لكن كانو يأكلوا صحي ، كانو يأكلوا البطاطا مرقة ماشي مقلية ، كانو يأكلوا اللبن و كسرة القمح و زيت الزيتون ، ما كانوش يأكلوا المعلبات و الكاشير ، ما كانوش يأكلوا اللحم كل يوم و كي يجوعو ولادهم يعطونهم التمر ماشي الشوكولاتة و الحلوى ، ياو هذه الماكلة تاع دوكا هي زادتلنا التكاليف و المصاريف بل عكس لوكان ناكلو صحي رايحين نقتاصدو ، نقصو من اللحوم لانها مضره و نقصو من الزيت لأنو نقصو القليان و نقصو السكر في اطباقنا و بزاف حوائج لي ماعندها حتى لازمة.

حبيبتي زينب شكرااااااااااا على الرد بصح والله كاين حالات لوكان تشوفيهم يشفوك المهم يشبعو كروشهم وخلاص حتى يباتو بلا عشاء ساعات والاكل الصحي راني معاك مليح بالعكس مكانش قد حاجة صحية نهدرلك على نفسي حنا عايشين قيس قيس ساعة كاين وساعة مكانش والحمد الله خي تعرفي حالة واحد يخدم عند الحكومة اخر الشهر يدزها دزان ساعات حتى يدورها حبوب وعجائن ويفوتو الشهر مرة حبيت ندير ريجيم صحي شفت الانترنات الوجبة الاولى صباح تفاحة غداء لحم مشوي عشاء سمك وغيرها تزيدي في اليوم الثاني حتان تكملي الاسبوع وتبقاي تعاودي الرجيم نتاعك بطلت مدرتوش ودورتها نعناع ههههههه بالنسبة لشيبس والكاشير انا ولادي منعطيهلهمش نخاف منو سيرتو هاذم الزوج سرات هنا عندنا منهم حالات تسمم كسرة القمح وزيت زيتون هاذا مناكلو خطراه حنا شاوية هاذا من حبو بصح القمح ثاني ماشي مليح بزاف سيرتو لمريض بالسكر الحلويات من مدلهمش نعوضهالهم دايما يالياؤورت والفرماج وديسار بصح كيما قالت زهرة واش نديرو كي نروح منا ولا منا يمدو لبني والفهم بصح انا منشريهملوش
زينب انا كي شفت اول موضوع ليك شكرتك من قلبي خطراه حنا ناقصينا الوصفات الصحية بزااااااااااااف ومكانش مواضيع خاصة بيهم وتقريبا معظم الناس ميعرفوش يطيبو اكلات صحية خطراه حنا لعرب تلقاينا متعلمين الطبخ من والدينا واجدادنا ونزيدو نتعلمو من عند بعضانا ومن المنتديات ونحوسو غير على طبخة تكون بنينة وخلاص وتعجبهم وتكون حسب المقدور حبيبتي ماذا بينا نقصو من المصروف وراني معاك حطيلنا وصفات صحية باش نستفادو منك كامل وبطاطا المقلية نتاعك نتاع الكوشة جربتها يعطيك الصحة ورانا نستناو منك لجديد

[oumhana]

أاهلا بأختي زينب والله غير طليتي على قلبي موضوعك في غاية الأهمية أنا نندهش كنشوف أ مهات يشرو chips مالح لولادهم و كتقوللها مشي مليح تقولك الله غالب هذا واش يحب ياكل ثانيا صدفة تبعت حصة على الصحة يوم خميس على القناة الجزائرية على الساعة 6 ونص مساءا غاية هاذ المره تكلمو دكاتره تاع السكر و الغدد و مختصين في التغذيه وأجمعوا على أن احسن غذاء نقدموه للعائله هو الغذاء المطلوب لمريض السكري on dois manger comme un diabéthique في الأول اندهشت ولما تبعت الحصه لقيت بلي عندهم الحق و من داك النهار ونا نحاول نطيب كأني مريضة يعني نقصت الملح وليدام و السكر والعجين و الطوماطيش المصبره يعني كلى عمل رجيم والله والله والله غير صبت روحي وحتى زوجي الي كان يموت على الماكلة الحمرا و الحاره عاد يقولي اني مرتاح من المعدة و القولون وطلب مني نواصل هي صح مشي ساهل مي على الصحه كلش يهون إن شاء الله نكون أفدتكم وسمحولي بلاك صدعتكم

[oum fadoua]

الكلام سهل لكن تطبقه صعب الان اولادن تربوا علي الاكل الغير صحي شكرا علي الموضوع نتمنا ان نصل الي حلايخرجونا من هذه الدوامة للحفاض علي عائلتنا

[زينب 83]

ام هنا و الله كلامك درر
شكرًا ام فودة

[anaris]

لقد عت لازم خواتاتي نعرفو انو الغداء الصحي ليس في نوعية الطعام لكن ايضا في طريقة الطهي وفيما نطهو من الاحسن استعمال اواني الطين لان اواني الالمونيوم وplan عند الطهي فيها تتفاعل مع الاكل وتتعتبر مواد سامة للجسم ومن الصعب التخلص منها

[اسمهان79]

كلام صح صح

[faryal zahira]

بارك الله فيك

[صدفات]

و الله يا أخت زينب شيئ لي قلتيه في محله رانا نتبعو غير في أهواءنا بغض النضر على صحتنا لهي أهم شيئ

[السَّحابة البيضاءْ]

مساء الخير
انا شخصيا وليت متتبعة وفية لمواضيعك مع اني مش نخلي رد ، ربي يجازيك على المعلومات لي تنقلينا فيها و نحييك بالمناسة على طريقة عرض المواضيع بالقسم ، نتمنى البنات كامل يقلدوك فيها ندو معلومة وطريقة طياب صحية .

[ام حمزة22]

سلام
كلامك في محلو اختي بارك الله فيك
انا شخصيا نبحث غير الاكل ليفيد ولادي ما نخليهمش ياكلو اكل من الخارج

[ام ايمان16]

بارك الله فيك

[kikimnarim2]

بارك الله فيكن
موضوع رائع وقيم لكن لا ننسى ابدا هديه صلى الله عليه وسلم في تناول الوجبات
تحري تناول الوجبات مع اوقات الصلاة
الاكل في جماعة
التسمية قبل الاكل
اختيار الوضعية الملائمة
الاكل باليد اليمني فيها بركة
ياكل مما يليه
لا ياكل حتى الشبع
يلحس اصابع يده عند الانتهاء
كان يكرم الصحن
الدعاء غند الانتهاء

[mounira 21]

عندك الف حق نحن تنقصنا الثقافة

[بلسم السطايفية]

كلامك في محله والله انت محفزتي

[OM DHOHA ANES]

مساء الانوار حبيبتي زينب

كلامك حكم والله عندك الحق قاعدين نوعو ونتنافسو فالمقالي والحلويات ونسينا نشوفو اضرارها

الله غالب كيما انا عضوة جديدة مانعرفش وين نروح

واول مشاركه ليا كانت في كوزينتك المربوحة

ولي الشرف ان اول رد كان من عندك حبيبتي

[OM DHOHA ANES]

صباح الفل غاليتي زينب

لا ادري لما ارتحت لك ربما لحس المسؤوليه اللذي اقرؤه في مواضيعك الهادفه

كلمة شكرا قليلة عليك والاثراء لا يوفيك حقك


فبوركت اختي ودمت كالنور لنا تعينيننا على معرفة ما نجهل


وبالنسبة لاسم ابنتي ضحى اللتي تبلغ السادسة يشرفني ان تحمل ابنتك انشاء الله اسمها


في امان الله

[*وردة الشرق*]

صح اختي لكن انا بالنسبة ليا نحب الاكل الصحي والحمد لله راني محافظة على صحتي وصحة اطفالي وزوجي

بصح بيناتنا ساعات تحكمني حمى الحلويات ما نقدرش نخكم روحي عليها

وشكرا

[nour batna]

شكرا لكي أختي زينت على كل مواضيعك كل فيها فائده كبيره جزاك الله عنا كل خير...

[حسناء القمر]

تسلمي على الكلام القيم بارك الله فيك يااختي

[ام انفال الاء لجين]

صح اختي كلامك صحيح.........نسال الله اي يهدينا و يحفظنا من و يحفظ اهلنا.........بوركت اختي.

[zahra souf]

لالا بلعكس اختي كلامك في بلاصتوا بارك الله فيك

[fleur de lili]

rabi etamemlek bi rajahet a3klek oua yerhem el kerch li jabatek

[ام سمسومة 89]

ربي يجازيك على نصائحك القيمة و الله ديما نقولها و نعاودها انت امراة عظيمة بارك الله فيك و ربي يخليك لينا و الله افدتينا يا الغالية

[خيط الروح]

كلمة حق
بارك الله فيك

[أم درصاف]

بارك الله فيكي نعم القول قولك وانا من رايك ومعاك وباذن الله نستعد بللي نقدر عليه من معلوماتي المتواضعة

[mojab]

و الله يا زينب غير عندك الحق رانا غير نوكلو برك بلاما نشوفو الفوائد الصحية
بارك الله فيك

[طالبة الجامعة]

والله عندك حق وزيد الكلام في موضعه
لوكان جينا ناكلوا غداء صحي ومتوازن راح تقل الامراض عافانا الله واياكم منها

[أم جيهان31]

Habibti ana mawadi3k nhebha bezaf ghir nchouf ismak nedkhal bilan taradoud al amraf ketrat web hna lazam nehtamou bi hadi le mawadi3 ketrina menhoum. Ravi yjazik an koul harf tektbih habibti rabi ykhalilak awladak we zawjak

[fatihmd]

بارك الله فيك اختي

[smahi_hb]

شكرا على الفكرة وما احوجنا الى هكذا مواضيع .............. للأسف نحن شعب نملك جهازا هضميا يصلح للأكل فقط ولا ينفع للصحة من قلّة ثقافتنا الغذائية......شعب أكوووووووووووووووول.

[زهرة الريف*]

كلامك صحيح رانا غير نخلطو ومجتمعنا الكل لاعلاقة له بثقافة التغذية الصحية

[ليتيسي]

هل سمعتن عن الدكتور غيرسون الذي اكتشف ان الجسم يمكن ان يشفي نفسه بنفسه من اي مرض حتى السرطان فقط بواسطة الاطعمة الصحية و الخالية من المواد المصنعة ووجد ان السكر السبب الاول لتمو و انتشار الخلايا السرطانية , اليكم بعض النصائح:

-غسل الخضر و الفواكه بالماء و بيكاربونات الصودا لانها تخلص الفواكه من الكثير من المواد السامة التي يستخدمها الفلاحون, ضعوا ملعقتين كبيرتين صودا في وعاء كبير ماء و انقعو الخضر و الفواكه لمدة 10 دقائق ثم اغسلوها بالماء و استعملوها.
- عدم استعمال السكر نهائيا و تعويضه بعصائر طبيعية مصنوعة في المنزل او العسل الطبيعي.
- اكل الخضار النيئة يوميا يقي من الكثير من الامراض مثل تحضير سلطة مكونة من خضار نيئة و استعمال زيت الزيتون و الليمون بدلا من الخل.
- استبدال الملح العادي و الدي يعتبر سام و مليئ بالمواد الكيميائية بملح البحر يباع حاليا في الجزائر.
- استعمال زيت جوز الهند في الطهي و القلي بدلا من اي زيت اخر و ذلك لان كل الزيوت عندما تحترق تنتج مواد مسرطنة، زيت جوز الهند هو الوحيد الذي لا يحترق.
- عدم استعمال فرن الكهرباء و استعمال فرن الغاز و الابتعاد تماما عن استعمال الميكروأوند و ذلك لان فرن الكهرباء يقتل خلايا الاكل فنحن عند طهي شيء في فرن الكهرباء ناكل خلايا ميتة و هذا تماما مبدا عمل العلاج الكيميائي لمرضى السرطان الابرة التي عادة ما تقضي على مرضى السرطان, الميكروأوند يصدر اشعة تنتقل حتى عبر الجدران لتقتل عدد كبير من خلايا الجسم الواقف بالقرب منه.

هذا ما خضر في بالي حاليا مستعدة للاجابة عن اسئلتكم .

[nadiatlemcenia]

صح كلام كله صح رجعنا ناكلو برك مانخموش واش ناكلو

[ام يس77]

بارك الله فيك وانحي فيك حب الاصلاح

[rahmar]

:dj_17::dj_17:

[fatisousou]

موضوع رائع بارك الله فيك

[sraya]

اليوم الجمعة فلا ننس الصلاة على رسول الله صلى الله عليه و سلم
" اللهم صل و سلم و بارك على سيدنا و نبينا و حبيبنا محمد و على آله و زوجاته و أصحابه و تابعيه إلى يوم الدين".

[أم باسم]

السلام عليكم ورحمة الله وبركاته بارك الله فيك اختي على الموضوع القيم انا اتبع الغذاء الصحي قدر المستطاع عند الفطور الزيت الزيتون في الخبز مع الحليب والسسميد استعمل القمح والمقلي اجتنبه كثيرا اعتمد علر الطبخ في الكوكوط او فرن الغاز انا اتابع كثيرا الدكتور جميل القدسي رااااااااااااااااائع في الغذاء الصحي اتناول الفاكه اولا ثم الطبق الرئيسي فالفاكهة تجعل المعدة وسط قاعدي على ان يكون حامضي وييشجع كثيرا على استهلاك زيت الزيتون لانها نور للعقل ومفيدة جدا معلومات كثيرة لاتعد ولا تحصى أن شاؤ الله نتبعوه كامل راهو موسوعة قرانية في جميع الامراض

[ماماخالد]

كلام صواب لازم نثقفو نفوسنا فيما ينفعنا وينفع غيرنا .فيما يخص الاخت التي سالت عن الكركم فاشربيه على شكل تيزان مع الزنجبيل

[sabine 1988]

ربي يقدرنا ونعودوا نهتموا بهدا الجانب يا رب

[sousoubella]

oui c vrai ma belle

[chouchou w]

salam baraka laho fik

alhamedo lilah nahit batata makliya mankamosi walohom ta3kol youm

wolazam kol youm tkon khaodra dakhela fal makla

wl mocherobat al ghaziya manacherabhach batatan rabi yahedi zoji winahihom howa tani

et les fruit kol yom lazam yaklo weladi haba wala zoj


mawedo3ak kayam kheti rabi kon m3ak

[faci samia]

كلام قيم نتمنى من العضوات التفاعل باذن الله
شكرا أختاه

[Hanine rawan]

بارك الله فيك اختي

[رميسا ريمي]

صح اختي كال اللي قلتيه صح

[حياة نور الدين]

بارك الله فيك زينب

[نادية نادية]

شكرا على الاهتمام

[sali kanouza]

بارك الله فيك

[hasna2016]

شكرا جزيلا على المعلومات الرائعة

[samira155]

بارك الله فيك