مشكلة في تجديد العقد

[قمر السلام]

نسيت مجددتش العقد نتاعي نتاع لانام فات عليه شهر كي رحت لللانام قالولي درك عليك وعلى زهرك ادا يمضيلك مديرالتشغيل على تجديد العقد ولا لالا وقاتلي حنا لي ندوه للمديرية

ملي درت طلب التجديد مزدتش رحت على اساس انهم داوه للمدير وخلاص وصارت ظروف مرحتش نتسعاد ادا سنيالي المدير ولا لا

فاتو شهرين وملقيتش لاباي نتاعي في هادي الحالة معناتها المدير مسنياليش على تجديد العقد
هل هذا يعني بلي راهو خرجني من لانام وليت منيش مستفيدة ؟؟؟
ارجوكم جاوبوني

[albert walid]

ختي روحسي سقسي في لابيرو منداف قوليلهم كونطرا راهي تمشي ولا والو
اذا لقيتيها كامله عرفي بلي مجدولكش
وزيد ختي علاهش تتاخري بامور هاكا راكي عارففه راكي بدولة ميكي تتاخري نهار تحصلي معاهم
على حساب علميي التجديد اذا راهو قابلك المؤسسة الي كنتي فيها نورمالمو مدير تشغيل يوقع بسيف عليه لانو حاجه خاطياتو مش راح تخدمي فوق راسو لانو اصلا كان عندك حق مو ديده تكلي على ربي وصمطيها عليهم هاذي حاجه قانونية مش تسرقي

[سعيد 19]

كاين معانا واحد فات عليه الشهر و جدد العقد بصفة عادية جدا و ضرك راهو خدام
اما بخصوص الراتب فهو في هذه الحالة يتاخر. ما تقلقيش روحك
و ثانيا بعض الحرص بل الكثير من الحرص في مسالة الوثائق.

[مجيد10]

عقود الاهانة .......

[notajsim]

ختي روحسي سقسي في لابيرو منداف قوليلهم كونطرا راهي تمشي ولا والو
اذا لقيتيها كامله عرفي بلي مجدولكش
وزيد ختي علاهش تتاخري بامور هاكا راكي عارففه راكي بدولة ميكي تتاخري نهار تحصلي معاهم
على حساب علميي التجديد اذا راهو قابلك المؤسسة الي كنتي فيها نورمالمو مدير تشغيل يوقع بسيف عليه لانو حاجه خاطياتو مش راح تخدمي فوق راسو لانو اصلا كان عندك حق مو ديده تكلي على ربي وصمطيها عليهم هاذي حاجه قانونية مش تسرقي



صحيح كيما قالك الأخ . تتعطلي معاهم دقيقة يلقاوها سبة ... رانا في بلاد الرخس ...

زيد على هذا أنت صيدلية و علاش ما تفتحيش صيدلية أحسن لك من هذا العقود المذلة لنا .

[قمر السلام]

صحيح كيما قالك الأخ . تتعطلي معاهم دقيقة يلقاوها سبة ... رانا في بلاد الرخس ...

زيد على هذا أنت صيدلية و علاش ما تفتحيش صيدلية أحسن لك من هذا العقود المذلة لنا .


يا خويا منيش صيدلية تخرجت علوم فلاحية يعني انا راني مهندسة فلاحية وخدمت في صيدلية برك لوكان راني صيدلية مرانيش حاصلة هكدا بلاك:(

[احمد زيد 85]

السلام عليكم اه يا خويا مجيد 10 الاخوة راهم مغبونين وانت تزيد عليهم .