شراء أريكة

[بربروس01]

السلام عليكم

أريد شراء أريكة انصحوني بالنوع الجيد من فظلكم

[سمراء الدنيا]

يجتمع أفراد الأسرة أغلب الوقت في غرفة المعيشة وكذا يلتقون فيها ضيوفهم وأصدقاءهم، وهو ما يزيد من صعوبة اختيارها، حيث ينبغي دائماً مراعاة كونها عملية ومتينة الصنع ويسهل تنظيفها وتحريكها أيضاً إذا استلزم الأمر أو رغبنا في إجراء تغييرات بسيطة في شكل الحجرة.

[sunshine2013]

اشري هادوك نتاع L مﻻح يجو في coin و ﻻ مش شرط كيما تحبو و سيرتو المودال اللي فيه كوفري تخبو فيها حوايج و ﻻ كتب و المودال اللي يتحول لسرير

[رجاها 22]

السلام عليكم

هد الامر يتعلق بدوقك اخي تحب قماش جلد

مودرن كلاسيك

لكن الان الكل احبو ستيل ال حرف اللام بالفرنسية

في رايي افضل من تع الجلد *ماشي جلد تع الصح هه*

خصوصا وان القماش اونتي تاش و فيه لانجات خاصة بيه و ممكن ادا تقاس بلا الانجات تمسحوه غير يكتانة شوي ماء و تمسح و شوي صابون

و يتحطو على جهة ويخليو ليتساع من الجهة الاخرى

عندنا سعرهم نقص مع نهاية السنة راهم ب56000دج تقدر تجيب واحد
بالتوفيق

[Basketteuse]

عليكوعلى صواردك، المهم اخطيك من الانتاج المحلي لان la mousse تاعهم تهبط بعد عامين او 3. واخطيك من le clic clac ) هادوك اللي يطبقو يوليو سرير ، عن تجربة ،تهبط لاموس تاعهم ويوليو يضرو في القعاد،،،،، ادا قادر ماديا شوف مع gama meuble شركة ايطالية عندها فروع بالجزائر , يخدموا تجهيزات الجامعات ،عندهم مودالات كلاسيك وكاين هادوك حرف L. بالكوير،،،،اذا عندهم فرع في ولايتك ، او اقرب ولاية ، انا شريت من قسنطينة ، والمصنع تاعهم في بسكرة ، يخدمو خدمة محترمة بصح غالية، وادا ماعندكش الدراهم برايي اصبر ووفر دراهمك حتى تلم ، واشري حاجة تاع العمر ماتخسرش فيها ، انا 5 سنين وانا بالمطارح محطوطين في الارض ، في الأخير جبت واحد ب 25 مليون