انصحوني على وجه ربي

[hodayena]

السلام عليكم ورحمة الله تعالى وبركاته
ان مطلقة جديد ونطق بالحكم وبقا صدور الحكم
المشكلة تكمن في اني بين نارين ورايحة نهبل من التخما
الاول راسي يقولي اسمحي في تعويض الطلاق التعسفي وخلي ربي يتولى خلاصهم وقد ما عطالك دراهم مراحش يعوضلك الالم والمعانات والقهر الي عشتهم ومراحش يعوض اليامات الي خسرتهم على انسان ميسحقش ونقول نسمح هكذا نبري ذمتي قدام ربي ونيتي مكانتش في الدراهم نيتي كانت نولي معاه لكن بسكن منفرد
ومرات كي نتفكر ونزعف ونتقلق نقول والله منسمح لو فيهم مدام كبدتو هي الدراهم نحرقو فيهم يالوكان نروح نصدقهم ولا نخبيهم لوليدي وتضاربت افكار و
امي شجعتني على السماح في دراهم التعويض عن الطلاق التعسفي وقاتلي ربي يخلص فيهم قلت ندي غير حقي الي شرعهولي ربي ونتهنى منهم ومن هدرتهم وكلش ونكون صافية بيني وبين نفسي ومع ربي ومع وليدي خاصة كي يكبر

المهم خاوتي وخياتي انا نطلب منكم تعاونوني في اتخاذ قرار نكون فيه غير ضالمة حاجة وحدة فقط انا راني نستنى في الخلاص تع ربي ووكلت امري لربي باه يعيشهم نفس معاناتي والمي

مرانيش نحوس لا يقول عليا لا خافت من الطلاق لا بنت فاميليا ولا والو عارفة روحي مليح لكن اريد ان انسى واتهنى ومنبقاش متذكراتو ولا حتى هو يتذكرني

لا انكر بداخلي كره شديد وحق وغل ومرات نقول لو كان يجي في طريقي منخلي منبقي فيه لكن نعاود نستغفر ونقول وكلت امري لربي خلي ربي هو الي ينصرني


اريد اراءكم ونصائحكم وهل انا على صواب ام مخطئة في التخلي عن تعويض الطلاق التعسفي




ملاحطة لم اكتب الموضوع لا لاجل الافتخار او لسماع الشكر او الثناء اريد فقط اعرف انا على صواب في تفكيري ام انا على خطا

[امينة مناد]

السلام عليكم
كل شيىء نصيب مقدر ومكتوب علينا اول شيىء يجب ان ترمي كل الاحزان وراءك وتنساي ذكراه وما انصحك به الاستخارة .......الله سبحانه وتعالى هو الادرى بك وباحوالك لان الاراء تختلف حسب الوضعية

ارجو من الله ان يعوضك خيرا منه ومن ينسيك كل ايام الحزن التي عشتيها معه

[سجل أنا جزائري]

سلام عليكم

ربي سبحانه يقول في سياق أية الطلاق (وَإِنْ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ وَقَدْ فَرَضْتُمْ لَهُنَّ فَرِيضَةً فَنِصْفُ مَا فَرَضْتُمْ إِلَّا أَنْ يَعْفُونَ أَوْ يَعْفُوَ الَّذِي بِيَدِهِ عُقْدَةُ النِّكَاحِ وَأَنْ تَعْفُوا أَقْرَبُ لِلتَّقْوَى وَلَا تَنْسَوُا الْفَضْلَ بَيْنَكُمْ إِنَّ اللَّهَ بِمَا تَعْمَلُونَ بَصِيرٌ).

اذا كنتي غير محتاجة و نيتك فقط تنتقمي منو من رأيي أسمحي و خلاص ربي ؤاح ياجرك في دنيا و الأخيرة ان شاء الله

لأنو الأنتقام حتى و لو كنتي مظلومة مش راح يؤدي الى نتيجة

[hodayena]

السلام عليكم
كل شيىء نصيب مقدر ومكتوب علينا اول شيىء يجب ان ترمي كل الاحزان وراءك وتنساي ذكراه وما انصحك به الاستخارة .......الله سبحانه وتعالى هو الادرى بك وباحوالك لان الاراء تختلف حسب الوضعية

ارجو من الله ان يعوضك خيرا منه ومن ينسيك كل ايام الحزن التي عشتيها معه

الاوحال المادية الحمد لله نشكرو على فضله مام مرانيش خدامة مي الحمد لله
انشاء الله اختي ربي يعوض كل مظلوم

[hodayena]

سلام عليكم

ربي سبحانه يقول في سياق أية الطلاق (وَإِنْ طَلَّقْتُمُوهُنَّ مِنْ قَبْلِ أَنْ تَمَسُّوهُنَّ وَقَدْ فَرَضْتُمْ لَهُنَّ فَرِيضَةً فَنِصْفُ مَا فَرَضْتُمْ إِلَّا أَنْ يَعْفُونَ أَوْ يَعْفُوَ الَّذِي بِيَدِهِ عُقْدَةُ النِّكَاحِ وَأَنْ تَعْفُوا أَقْرَبُ لِلتَّقْوَى وَلَا تَنْسَوُا الْفَضْلَ بَيْنَكُمْ إِنَّ اللَّهَ بِمَا تَعْمَلُونَ بَصِيرٌ).

اذا كنتي غير محتاجة و نيتك فقط تنتقمي منو من رأيي أسمحي و خلاص ربي ؤاح ياجرك في دنيا و الأخيرة ان شاء الله

لأنو الأنتقام حتى و لو كنتي مظلومة مش راح يؤدي الى نتيجة

طبيعتي مرانيش من النوع الي ينتقم بنفسه لكن مرات جيني افكار ونتفكر نحب ننتقم ومن بعد نستغفر نقول خلاص

سكرا لك اخي على مداخلتك

[الفاتحة]

ما تسمحيش في حقك اللي اعطاهولك القانون زيد ولدك بحاجة للنقود والزمن لا يرحم أرجو أن تفكري في مصلحة ابنك وخبيلو الدراهم يلقاها خير

[جويرية الإيمان]

نصيحة مني ليك

عندك لا تفرطي في حقك يا لوكان 1 دينار

و ماعندها حتى علاقة إذا كنت غنية أو فقيرة

هذا حق كفله القانون و الشرع لازم تديه و ما تسمحيش .

و أصلا علاش تسمحي يخي ماهوش يصدق عليك و لا رايح يمدهملك على طيب خاطر .

[عبد الله 22]

السلام عليكم عوضك الله خير منه ولعله منعك ليعطيك صبرا جميل و الله المستعان يا أخت المهم عدم تزوير الحقائق في العارضة ولا لانتقام خليها على ربي وتأكدي بأنه يرعك ويعلم سرك ونجوك ولن يخيبك ما احسنت الظن به بالتوفيق وإن شاء الله تتحسن حياتك إلى الافضل

[سحابة مسافرة]

من رايي متسمحيش لان هادا حق وليدك و متقوليش منحتاجوش يجي نهار لي تحتاجيه
مدام تفارقتو متزيدي تخمي عليه و متفكري فيه لا بالحاجة المليحة او مش مليحة
حاولي تعيشي حياتك و تتاقلمي مع الوضع نتاعك الجديد
ربي يكون معاك و يعطيك القوة

[نورسين.داية]

السلام عليكم

في رأي دعيه يغنى بالنقود و يفتخر بها إن كانت تسعده في الدنيا و الأخرة ...........صدقيني حتى بعد أن تتحصلي عليها سوف تشعرين بالإهانة ....بالتالي دعي كل يتحدث بمستواه

وفقكي الله اختي

[السي محمد]

حقك...اعطاه لك الله عزّ و جل

[sarl02]

المسالة لا تحتاج الى تفكير وشد وجذب لاتخاذ قرار حاسم...انت مررت بما هو اكبر من هذا الامر...هذا المبلغ لا يستحق حتى التفكير في اخذه من عدمه فهو تحصيل حاصل ...يعني حق خوله لك القانون والشرع خذيه بدون تفكير وطلع وهبط وحسابات زايدة وانتهى الامر....التفكير والحسابات خليهم لكيفية بدء حياتك من جديد وتربية ابنك وربما اعادة حياتك الزوجية مع شخص اخر يكتبه الله لك خصوصا وانت صغيرة في السن ...والدنيا عمرها ما توقف عند شخص واحد...اذن دعي الايام والقدر يفعلان ما يشاءان ووفقك الله.

[أم معاذ أم معاذ]

علاه تتنازلي على التعويض مادام حكملك بيه القضاء
هذاك أقل شيء يحسابو بنات الناس لعبة أزوج و غدوة وجعك راسك تقول نطلق ما عجبتينيش
و إذا مش محتاجة للمبلغ خبيه لولدك ولا بنتك

[اياد حياتي]

ما تخليش حقك يضيع ديه مراكيش تمدي في يدك وخبيه لوليدك وان شاء الله يفرج ربي

[hodayena]

السلام عليكم

في رأي دعيه يغنى بالنقود و يفتخر بها إن كانت تسعده في الدنيا و الأخرة ...........صدقيني حتى بعد أن تتحصلي عليها سوف تشعرين بالإهانة ....بالتالي دعي كل يتحدث بمستواه

وفقكي الله اختي

شكرا اختي انتي فهمتي قصدي مليح

[hodayena]

المسالة لا تحتاج الى تفكير وشد وجذب لاتخاذ قرار حاسم...انت مررت بما هو اكبر من هذا الامر...هذا المبلغ لا يستحق حتى التفكير في اخذه من عدمه فهو تحصيل حاصل ...يعني حق خوله لك القانون والشرع خذيه بدون تفكير وطلع وهبط وحسابات زايدة وانتهى الامر....التفكير والحسابات خليهم لكيفية بدء حياتك من جديد وتربية ابنك وربما اعادة حياتك الزوجية مع شخص اخر يكتبه الله لك خصوصا وانت صغيرة في السن ...والدنيا عمرها ما توقف عند شخص واحد...اذن دعي الايام والقدر يفعلان ما يشاءان ووفقك الله.


تفكير في كيفية بناء المسقبل وتفكير في بناء حياتي مع ابني هو شغلي الشاغل الان انا ابحث عن حل يهنين منو نهائي حيث لا يكون هنك اي شيء يذكرني بيه الي مررت بيه من اهانة منه لي اما القاضية واما الجميع
المهم شكرا على نصائحك ووفقك الله

[hodayena]

لم تفهمو قصدي جيدا من الموضوع
اولا لا اريد لابني ان يكبر وابوه يفكرو بلي امو حصلت على الطلاق مقابل المال
ثانيا اما م ربي كانت نيت الرجوع بسكن منفر د واحس ان لو اخذت المال كنت منافقة اما م ربي اولا ثم نفسي ثم ابني لما يكبر
ثانيا لا اريد هذا المبلغ الذي يعتبر مبلغ مقابل الضرر الضرر الي لحقي بي اكبر من المبلغ بكثير حتى لو حكمو ب100 مليون جرحي وكرامتي مراح ردهم لي غير ربي
حياتي الان منحصر في كيفية تربيت ابني على الاخلاق والدين والاعتماد على نفسه من صغره وليس الاعتماد على دراهم طلاق امه او ثروة جده او حتى نفقة ابيه

حاولو تفهمو قصدي مليح
لا اريد التنازل لقوله انو خفت او لثناء عليا ليس هذا قصدي من التنازل عن المبلغ فقط كرامتي وابني وربي
لان خوف من اليوم الي نتحاسب اما الله

[بنت لبحر]

ربي يعوضك بانسان خير منو و كلي عليهم ر بي

من راي متسمحيش في حقك هو صح مراحش يعوضك الشيئ لي فوتيه معاهم لكن متخليهملوش يتمتع بيهم اديهم و خبيهم لولدك هادي دنيا معلباناش واش راح يكون مرة اخرى
متسمحيش في حقك

و متقولي ني كرامة ني والو و هو خليه يهدر واش يحب .الا ديتي الدراهم او مديتيش مرايحش يهدر فيك الخير ممالا متسمحيش في حقك
حسبنا الله و نعم الوكيل

[جويرية الإيمان]

السلام عليكم

في رأي دعيه يغنى بالنقود و يفتخر بها إن كانت تسعده في الدنيا و الأخرة ...........صدقيني حتى بعد أن تتحصلي عليها سوف تشعرين بالإهانة ....بالتالي دعي كل يتحدث بمستواه

وفقكي الله اختي

اسمحيلي اختي نورسين

أنا من اشد المعبين بردودك (في الخفاء )

لكن اسمحيلي في كلمة واحدة

عندي ملاحظة على هذه الجملة :

"" حتى بعد أن تتحصلي عليها سوف تشعرين بالإهانة""

أيّة إهانة ستشعر بها فهو لا يتصدق عليها بل هو حقها كفله لها القرآن قبل القانون .

[الألماسة]

هدينة اختي
ما تسمحيش لانه حقك الشرعي
علابالك كنوز الدنيا لا تعوض اللي مررتي بيه
لكن هو حقك الشرعي
انتي تنازلتي بزاف حتى على قرايتك على جالو
و هو بدون وعي و حتى بدون سبب مقنع سمح فيك و في ابنه
اديهم و حرقيهم و لا صدقيهم
تعرفي ماكان حتى واحدة راح تفهمك كيما انا
لكن و الله ما راح يندم و ما راح يتفكرك لانو االلي ماشافش واش درتي على جالو من قبل و كي كنتي معاه
مستحيل يتفكر و لا يحس من بعد
هذا اقل شي ليك و انتي كنوز الدنيا ما راح تعوض حياتك اللي راحت

[geophysicien]

اختي الكريمة الله يكون معاك ويصبرك في محنتك ويعوضك بماخير منو ... قريت مشكلتك مليح وقريت الردود خاصة تاع الاخوات الكريمات لكني ارتايت انو تكون اجابتي بحكم اني راجل ونعرف واش يدور في ذهن الرجال
انتوما على حساب مافهمت المكتوب وفى بيناتكم ولا رجعة محتملة من اصلو وانت بين انك تدي الدراهم وتقبلي بيهم وخايفة من هدرة الناس وخايفة من انو ابنك كي يكبر يقول امي تطلقت على جال الدراهم ... اسمحيلي اختي مي مافهمتش شكون قنعك بهاذ التخمام لانو في الحقيقة ماعندو حتى معنى و وانت كبرتي الحكاية
هاذ المبلغ اولا كفلهولك الشرع يعني الله سبحانو اللي مدهولك وانت مومنة بالله وعلابالك باللي القوانين الالاهية هي الوحيدة اللي تنظم الكون وبالتالي لا جدال ولا نقاش ....
ثانيا هاذي ماهيش مزية منو راح يتمزى بيها عليك حتى لوكان تخليهالو راح يفرح ويقول تهنيت منها ببلاش ويعجبو الحال لكن اذا قبلتي المبلغ المالي راح يحس بواش دار فيك و ويتعذب شويا والناس وانا واحد منهم نقولو نستعرفو بيها جابت حقها وجابت حق وليدها ...
ثالثا هذا المبلغ راو من حق وليدك باش تتهلاي فيه وماتكونيش محتاجة نهار اوخر ....
رابعا معليش نقولو موشك حابة منو دراهم خلاص نصيحتي تصدقي بيهم للفقراء توصلك عند ربي والا تصدقي بيهم في بناء مسجد تقعدلك صدقة جارية طول عمرك تخدم عليك ولا تخليهملو يعاود بيهم الزواج بوحدة اخرى يديرلها كيما دار معاك
وتاكدي تماما انك تفكري تفكير المراة اللي هي في الاصل تخمم بالعاطفة وانا راي عطيتهولك بتفكير الرجال اللي يخممو بالعقل اكثر من العاطفة

ان شاء الله تقتنعي اختي الكريمة

ايييييييه قبل ماننسى خامسا اذا هان عليك هاذ المبلغ مدييهولي ندعيلك ليل مع نهار ........ هههههههه

[سدرةالمنتهى]

السلام عليكم
ربي يعوضك اختي يغنيك قناعة و رزانة عقل من عندو
لانو هذه الافكار تاتينا من باب عزة النفس و الكرامة انت رغم انو طلاقك انجرت منه خدوشات واهانات لكرامتك و قيمتك بزااااف حبيتي تكملي عليها بامال و تخرجي انت اكبر منو و اشرف منو ......لكن تريثي يا اختي فالمال هذا حقك الشرعي و ديري في بالاك بلي واجب عليه نفقة ابنو ماتخشنيش راسك و تقولي نربي ولدي وحدي و نشريلو خبزة بدمها و عرق جبيني و مانديهاش واجدة من عند باباه لالالالالالا علاباي ظرك يدخلوك وساويس اكثر من بكري غير خلي الامور تمشي على مجراها و لو منك نطالب بالسكن و النفقة لابني لانو مش قليل اللي دارولك على حسب كلامك انت ماشرطيش المستحيل غير بيت و كوزينة لاشتا بالسيما و تدخلي دليل انك مراة طيبة و طالبة الهنا و اشمل لوليدك تحت سقف واحد
امالا جاء الدور عليه يكريلك سكنة و ه يقول سبحان الله
من رايي نحي عيك فكرة غدوة وليدي يعرف سب الطلاق ووووو ماتعرفي بلاك يكبر وليدك ويحاسبك يقلك علاش مامنلتيليش مستقبلي بدراهم اللي حللهملي ربي و لا يقلك علاش سمحتي في حقي نتع نفقة من عند بابا وووو امورك كثيرة توقعيها منو يقولهالك لذا تبعي شرع ربي و خوذي حقك المدني كونك مواطنة جزائرية ماكيش دخيلة حتى تسمحي في حقك باسم الكرامة و العزة النفس
ان شاء الله ربي يهديه و يرجعك في خاطر وليدك برك

[صدفات]

هذا حقك الشرعي عطاهلك ربي بدون نقاش و لا تردد حقك ديه صدقيه و لا خبيه لإبنك راه طريق طويلة امامك ربي يكون في عونك.

[" أبو عبود"]

السلام عليكم
بالمسبة لنفقة ولدك إياك ان تسمحي في درهم واحد لأنه ليس حقك انت بل حق ولدك والله كفل له ذلك. بالنسبة لمبلغ الطلاق التعسفي لا تقلقي نفسك ولا تطالبي به واتركي الامر للمحكة فان اعطاك المبلغ فذاك من حقك شرعا وقانونا وغن لم يعطك فلا تفكي بالامر لانك سوف تلقين تسريين في مشكلة المحاكم مدة اطول وهذا ليس في صالحك حتى صحيا لان الغملةي سوف تاخذ سنوات كي تنتهي. عيشي حياتك بعيدا عنه لان الطلاق احيانا يكون نعمة من الله وعلى الانسان ان يحمد الله ويبعد عن الشر.

[mounaminou]

w ygoulou nssa madyat ..sebhan ellah ...houma elli madyiin w enti koun matedich hakkak kamel may7asch khlas belli tlak s3ib w kader yzid yetzawej w ytallak ....pask makhssar 7etta dourou 3lik f tlak
w zid enti makich talbi ya okhti ....bla mangouloulek belli elli yesma7 fi 7ekkou howa le seul elli khaser f la fair

w zid enti snsible bezf ..w mra ...3liha rabi hassa bik ...enti habba t3almih ders w tbaynilou beli makich temma3a bah y7ass b danb ....enti f kararet nafssak haba y7as bik chwya lachetha be3d ma telkak
mala ngoulek w matza3fich menni aw elli weslat bih ytellak mertou w surtt lakan dlamha aw may7asch biha khlas w hadouk drahem ylayemhoum w ghodwa yzid 3lihom chwya w y3awed zwaj b hakkak elli sma7ti fih
mala khemmemi f l avenir w khememi f masla7tek merra f 7yatek ....

[ouissamak]

ارجو من الله ان يعوضك خيرا منه ومن ينسيك كل ايام الحزن التي عشتيها معه

[شدى الريحـان]

عليك بأخد المال اختاه هذا حقك وحق ابنك

على الاقل خمي في وليدك وخبيهم ليه غدا يحتاجهم