اللي قلبها حار تدخل

[الخروبية]

السلام عليكم سيدات المنتدى الكريمات اخواتي المحترمات انا اختكم الخروبية اقدم لكم ندااااااااء الى الرقي و التميز و التقدم نحو الافضل شفت كل مرة وحدة تحط مودال و تقول عاونوني وقليل واين تلقى الاجابة يعني احنا نعرفوا و منعرفوش و خممت يكون المنتدى الغالي علينا متل خلية النحل و نكون كلنا ملكات و ان عالم الخياطة متل عالم البحار وكل حوته متشبهش لخرى على هادا لازم نعرفوا كلشي على الحوت يااااااااه عن الخياطةو اقتراحي هو نتلموا بكل و كل مرة وحدة تحط مودال يعني مرة حجاب ومرة قندورة و مرة سواري ومرة قفطان و كل وحدة تقترح كيفاه يتفصل و كل وحدة منا دير منوا نمودج صغير و اللي تقدر تخيطوا بصحتها هكا نتعلموا بكل و كل واحدة تخرج واش عندها و كل واحدة تتعلم الشيىء اللي ماتعرفوش و ماتقوليليش انا مانعرفش يضحكو عليا قولي نتعلم ونخدم احسن منهم وان تكون مشرفة يقيم كل الاعمال وانا اقترح الاخت كرونو هى التى تقيم والاخت كررنو هى التى تعطى النقاط نتمنى هاذا القتراح يعجبكم وتتفاعلو معاه لانوا والله راهو دعوة لنجاح لاخراج القدرات واتميز لكان عجبكم نبداو على بركة الله كل سمانة نحطو مودال ونتناقشو بكل كيف كيف هكا نكونوا تجاوزنا خطوات بزاف لى الامام ونكونو احنا هوما النساء الشاطرات تبارك الله عليكم نتمنى التفاعل يكون كبير والاقبال اكثر تحية من الخروبية للجميع سلام ياكرام

[ام رشدى]

انڜاء الله اختي لخروبية نلقاو المساعدة من بعضانا لانو انا زعما خياطة ولاكننلقا بعض الصعوبة في فصالة بعض المودالات راني معاكم انشاء الله والشيء الي نعرفو اكيد رايحا نمدو للاخوات وربي يقدرنا اعلابالك اختي لخروبية كي يعجبني مودال ومانقدرلوش مانرقدش الليلوانا انفصل فيه في راسي ههههههههههه وفي الاخير نحولو لمودال اخر

[مؤمنة بالله]

جزاك الله خيرا
فكرة رااائعة

[ربيعة الورود]

فكرة هايلة وأنا يمكن نشارك معاكم بأعمال كروشيه لأني لا علاقة بالخياطة.

[mimimouni]

فكرة رائعة يعطيك الصحة
ان شاء الله نتعاونو بالشئ لي نقدروا

[الخروبية]

السلام عليكم الله الله على بنات بلاى والله فخورة بيكم وعندى امل كبير باه نكونو ماشى النساء الشطرات بل لمخيرات والاخت تاع الكروشى المسة تاعك اكيد راحا تكون حاضرا وكاين ليمودال بزاف يحتاجو لكروشى تحوسى علينا نلبسو لقنادر هكاك ربي يحفضكم تحية من الخروبية للجميع سلام ياكرام

[*ازهار*]

موضوع رائع اختى هدا مانحتاج اليه رانا نحوسو على مودال بطريقه خياطتو وتفصيلو وشكراااااااا

[ثلوج الشتاء]

وانا بدوري انظم ليكم ان شاء الله تنجح الفكرة و نتعلمو ونستفيدو من بعضنا البعض
للاسف كاين بعض عضوات من المنتدى من قبل طرحو نفس الفكرة
لكن في الاخير ينسحبو لسبب من الاسباب
يا ريت هاد المرة تكون ناجحة
والله ولي توفيق

[yassmine 1987]

انا نرحب بالفكرة و راني معاكم

[جيجلية]

صح كلامك رانا كامل باش نعلموا ونتعلموا وكل وحدة عندها خبرة في مجال ما تقدر تعاون

المنتدى من قبل كان احسن فيه نشاط

نتمنى الفكرة تلقى ترحيب من خبيرات الخياطة

[الخروبية]

السلام عليكم اخواتي الكريمات شكرا على التفاعل واتمنى تكون المشاركة كبييييييييييييييييييييييييرة بحجم الجزائر و هدا النداء للخيطات المحترفات و المبتدئات و اللي ما عندهمش علاقة خلاص و الفكرة راحا نتجح بالجماعة واحنا لى نديور النجاح ماشى النجاح الي ديرنا نتمنى التوفيق للجميع تحية من لخروبية للجميع سلام ياكرام

[naima2014]

بارك الله فيك فكرة مليحة ومنها الجميع يفيد ويستفيد

[زنجبيل11]

فكرة صائبة

[دلوعة أبيها]

هاده امنيتي ربي اسهل اختي الخروبية

[souheila dz]

فكرة هايلة ان شاء الله الكل يفيد ويستفيد شكرا أختي الخروبية مزيد من التشجيع و العطاء

[biba19000]

والله ياختي ماكان اسهل من لكلام كل فتره تدخل وحده جديده و جينا بالحيويه لي راكي فيها و تقول تعلمنا و من بعد تروح بالطبع كل هاذي و ظروفها بصح ملينا من هاذ الملل لي كسى المنتدى بعد رحيل السطايفيه مانكذبش عليك هي كانت السبب اني نسجل في المنتدى ياريت يكون موضوعك جدي و يلقى الآذان الصاغيه. لأنو المنتدى مليئ بالخياطات يبانو غير في المسابقات و في موضوع الطلبات ياريت المشرفات يلقاولنا حل

[الخروبية]

السلام عليكم اختي bibaاول حاجا نتوكلو على ربي سبحانو تانى حاجا حبا نفهمك فى الفكرة تاعى انا قلت نتعلمو من بعضانا قال الله تعالى بسم الله الرحمان الرحيم (وفوق كل ذي علم عليم ) يعني انا نعرف بصح كاين الى يعرف خير مني مقلتش نعلمكم تانى حاجا لازم نتعلقو بالله عز وجل بالامل والحلم لى حابين نوصلو ليه منتعلقوش باشخاص يعنى مثلا الاخت السطايفية الله يذكرها باللخير وردها على خير خرجت واش عندها وهي مشاء الله مبدعة ومزالت تخرج بصح كى غابت كلى زمان توقف وجا دورنا نخرجوواش عندنا على هاذي قلت نتعاونو ونكونو خلية نحل ونكونو بكل مليكات كى تغيب وحدا اكيد رايحين نحسو بيها بصح والو مايحبس حبا نكونو بكل متميزين والله يااخواتي كاين فرق كبير كيما يشريلك باباك او زوجك قندورة وفرق كيما تخيطيها انتي ويسقسيوك عليها تقولى انا لى خيطتها اهاذا هو الفرق الى يصنع الفرق نتمنالكم النجاح تحية من الخروبية للجميع سلام ياكرام

[ام ايمنt21]

++++++براااااااااااااااافو عزيزتي انا راني معاك ونتمنى يتفاعلو معانا الاخوات الكريمات ونخدمو كيف كيف انشاء الله

[mirichi]

اختي الخروبية راكي دخلتي قلبي بدون طرق ابوابو والله انت قطعة سكر تنحبي بسهولة حسيت فيك روح السطايفية ربي يذكرها بالخير بافكارك الحلوة والنييرة ممكن تزرعي روح الاخوة والتعاون وتنعشي هدا القسم مرة اخرى انا عن نفسي وبالرغم من اني هاوية راح نساهم بكل ما اعرف وافيد واستفيد شكرا حبيبتي احبك في الله

[الخروبية]

السلام عليكم اختى mirichi احبك الذى احببتنى فيه والله انتى الحلوى وزايد حلاوة انا دخلت سجلت معاكم لقيتكم مشاء الله عليكم بصح بعاد شوية برك على بعضاكم قلت ندخل مع خوتاتى البارح كنت عندى عائلة صغيرة ولفامى بصح اليوم عندى عايلة كبيرة عادو عندى خوتاتي من كل مكان كنت بنت قسنطينة واليوم بفضلكم وليت بنت سطيف ومسيلة وباتنة وبسعادة وجيجل وسعيدة يعنىي خروبية وجزائرية بمتياز كيفاه منتميزش وان عندى خوتات كيما نتوما والله كلمت اختى تعنيلى بزااااااااااااااف الله يحفضكم وخليكم يابنات الجزائر فى الارض وردات وفسما نجمات تحية من لخروبية للجميع سلام ياكرام

[sinjana]

يعطيك الصحة اختي العزيزة فكرة هائلة

[ام عائض]

فكرة هايلة
انا فقط عندى مشكلة كيف نوصللكم الصور والتفصيل

[محبة الاسلام]

فكرة رااااااااائعة

[الخروبية]

السلام عليكم بارك الله فيك اختي ام عائض انا تاني كنت مانعرفش جاوبتني الاخت سوسو مو ربي يبارك فيها و فيك حوسي اختي في الصفحة رقم8 موضوع بعنوان طلب مساعدة الخروبية تم تلقاي كيفاه تبعتي الصور و ردي بالك تفصلي حاجة و ما تبعتيهاش تحية من الخروبية للجميع سلام يا كرام

[الشاوية07]

هكا كامل رايحين نتعلمو فكرة مليحة شششكككرااااااااا

[crono]

جزاك الله خيرا
انا نرحب بالفكرة و راني معاكم
ان شاء الله تنجح الفكرة و تعلمو وتستفيدو
كل مرة وحدة تحط مودال يعني مرة حجاب ولا قندورة و كل وحدة تحط الباترون كيفاه يتفصل دير منوا نمودج صغير ونا نيقيم كل الاعمال و كل واحدة تخرج واش عندها لتللقا بعض الصعوبة في فصالة تتعلم والله ولي توفيق

[الخروبية]

السلام عليكم اختي الفاضلة اشرقت الانوار ماهذا التشريف والله انا فى غاية السعادة يوم كتبت الموضوع كنت خائفة ان لم تنجح الفكرة سوف احزن حزن شديد من سببين اول شيى رفض الاخوات لالنني جديدة ولا يعرفنى احد وثانى شيءكنت خايفة متقبليش تكونى حكم علينا توكلت على ربي وكتبت الموضوع والحمد لله كان تجاوب من الاخوات المحترمات والشرف الكبيييييييييييير كى قبلتى انت تقيمى اعمالنا هذا كرم منكي سيدتى حبا نقول الاخوات الي مزالو مردوش البا ب مفتوح قى اى وقت يلتاحقو بينا اول حاجا من اليوم فصاعدا انا ناديك استاذة تانى حاجا قبل منبداو حبا نقول كاين بعض الاخوات ميعرفوش خلاص بصح عندهم ارادة وحابين يتعلمو واحنا مدا بينا نبداو معا بعضانا درجة درجة وكل وحدة تدى حقها واحنا نخيطو بصح كل وحدة تفصل زي حبا كل وحدة تحط طريقة مبسطة باه تكون الامور ساهلة انشاء الله تانى حاجا حبا بعد تقيمك لينا وهذا ندااااااااااااااء
الي الادارة تخصصلنا شهادة شرفية عبارة عن ورقة نستطيع نسخها وهاذه الشهادة مكتوب فيها مدرسة الجلفة لكل الجزائريين و العرب قسم الخياطة والتفصيل تحت اشراف الاستاذة كرونو و نكون نحن خريجات منتدى الجلفة و كل واحدة منا تعلق شهادتها و تفتخر بها امام اسرتها و صديقاتها ارجوا ان يتحقق هاذا الحلم انا اراه قريب استاذتي متى قررتي البدء في هاذاالتنافس الشريف نحن جاهزات حنا النساء الشاطرات و اختم بقول الله تعالى (وفي ذالك فاليتنافس المتنافسون ) بالتوفيق للجميع تحية من الخروبية للجميع سلام يا كرام

[sahnounisaber1]

جزاك الله خيرا
فكرة رااائعة

[صرخة الحرية]

جزاك الله خيرا
فكرة رااائعة
ان شاء الله اكون التفاعل مع الفكرة

[kaouka]

فكرة رائعة وقتاش تبداو انا منعرفش بصح راح نتعلم منكم انشاء الله ركم شوقتونة 444444444444444444444444

[*ام يونس*]

انا تانى اضم اسمي لقائمة المشاركات

[muma]

فكرة مليحة ربي يجيب اللي فيه الخير شكرا اخت الخروبية

[الخروبية]

السلام عليكم اخواتى المحترمات يامن دخلتم صفحتي وملئتموها حضور وسرو انا رفعت طلب الى الاستاذة كرونو كى تكون حكم في الفكرة المعروضة عليكم وما كان منها الا الرد فى نفس الوقت بارك الله فيها وكتبت موضوع (طلب من كل اعضاء المنتدى ) لتعرف مدى اقبالكم على الفكرة المطروحة عليكم ارجو ان تدخلو وتتفاعلو حتى تنجح الفكرة ونرتقى الى الافضل والاحسن وشكرا على تحملكم لي تحية من الخروبية للجميع سلام ياكرام

[amina**1996]

انها فكرة ممتازة وانا معاك رغم خبرتي القليلة

[ورد قسنطينة]

انا اختي معجبة بلفكرة انضم اليكم

[ام النجمين]

راني معاكم فكرة 44444444444444444444 هكدا نستفادو من بعض ونتعلمو

[بنت الطيب]

السلام عليكم حباباتي كاملين
أختي الخروبية رايحة نكون بإذن الله الأولى في الموضوع
هذا موديل رايحة نخيطو وبربي ان شاء الله نحطلكم البترون وخطوات العمل
http://im71.gulfup.com/HgJ5yB.jpg

[couture]

فكرة رائعة

[الخروبية]

السلام عيكم اخواتى المحترمات امينة1996 وردة قسنطينة ام سهيل ولجين بنت الطبيب coutur مرحبا بكن نتمنى ننجحو بكل ويكون عندنا نفس الحساس بصح سامحونى فى الطلب لكلان كترت عليكم بصح كاين موضوع للاخت كرونو بعنوان طلب من كل اعضاء المنتدى وجهت لها طلب بان تكون هى الحكم على كل اعمالنا ووافقت ارجو ان تدخلو وتتركو هناك كلمة حتى يكون الامر بشكل رسمى وبارك الله فيكن تحية من الخروبية للجميع سلام ياكرام