مشاهدة النسخة كاملة : تبّاً لجامعة الجلفة و تبّ ، تبّاً لها و تبّ ، تبّاً لها و تبّ ...
السلام عليكم :
وددت أن أشارك أخوتي طلبة الجامعة الجزائريّة عموما و "جامعة" الجلفة خصوصا هذا الموضوع تجاه المآسي التي تعيشها مقابر الأمل الجزائريّة ...
تخيّلوا :
- 15 نوفمبر و مازال لحدّ الآن لم تنشر جداول استعمال الزمن فضلا عن أنّ هناك من لم يسجّل بعد بسبب المشكلات و التسيير الهمجي للادارات في جامعة الجلفة ، متى تنظّم الأمور ؟ متى تبدأ الدراسة ؟ متى يحصل كل واحد على "ديبلومه" و يتهنى ؟ لا أحد يملك الإجابة .
-الأحد 15 نوفمبر : جامعة الجلفة مغلقة اليوم بسبب حماقة و عنهجية أطفال لا علاقة لهم بالجامعة يدفعهم أناس لاضمير لهم بسبب حسابات ضيّقة مع مسؤوولين لا ملّة و لا دين لهم و دائما الذي يدفع الثمن في الأخير هم الأغلبيّة المسحوقة بهذه الصراعات التافهة التي لا تنتهي ..
- نوفمبر 2014 : الجامعات في كلّ الدول التي يحقّ لها أن تكون دولا تسير بعقليّة الشركات التي لديها أهداف مسطّرة و ميزانيّات بلياريّة مخصصة و أدمغة جبّارة تسيّر و طلبة متفانون في طلب العلوم ووو ..
أمّا نحن
اللي ضرستو تسطر عليه ، نسى تقاشرو ، تخاصم مع ".." يسكّر الكلية :sdf: و بالاك حتى الجامعة ؟!! ، نورمال .
الأستاذ ما يعجبوش لونك يضربك ب 0 :24:، نورمال .
عندك موديل على 8 و تقراه على 10 نورمال و احتمال تقراه بعد شهر:confused: نورمال ثاني ..
الماكلة في المطاعم الحمير اكرمكم الله تتعيّف منها فما بالك ببشر يوميّا الماقارون و نهار 1 محرم و لا عاشوراء تلين فلوبهم و يديرو عدس ؟!! :mh31:، نورمال .
الاقامات :mh93: .
المسيرين و الاساتذة و الموظفين والحراس تاع الباب و اللي يبيع في التيكيات وو حاسبين ارواحهم ارباب ... ، نورمال .
أغلبيّة الطلبة الّا من رحم ربّك جايبينها علاقات غراميّة لا حياء لا مروؤة و تفياس لا قراية لا والو ما قراو ما هداو الناس تقرا ... ، :mh93: .
و يجي الوزير بعد كل هذا يهدر في التلفزيون :30: و نورمال ثاني .
و لخ :mad: ..
'مــــــــــــرجان نينو'
2014-11-16, 21:15
ماكش غالط خو كلامك صحيح 100 * 100 . الجامعة الجزائرية راهي في خطر كبير.
والله قبل كنت احلم بالجامعة حلم كبير . وخاصة عندما ارى الناس يتحدثون احسبها عالم اخر.
ولكن عندما ذهبت وشوفتها والله شيء عجيب من كل شيء .
رضوان الجنة
2014-11-16, 22:14
كلامك كله صح
طالبة المميزة
2014-11-16, 22:17
أخي أين طبقة المثقفة ؟؟؟؟؟؟؟؟؟؟؟؟؟؟؟؟؟؟؟وأين دور الطلبة الواعين ؟؟؟؟؟؟؟؟؟
الله يحسن الاحوال ،ولكن لا ننسى لايغير الله مابقوم ختى يغيرو ما بداخلهم .
وشكرا على هذا الطرح
\ماكش غالط خو كلامك صحيح 100 * 100 . الجامعة الجزائرية راهي في خطر كبير.
والله قبل كنت احلم بالجامعة حلم كبير . وخاصة عندما ارى الناس يتحدثون احسبها عالم اخر.
ولكن عندما ذهبت وشوفتها والله شيء عجيب من كل شيء .
نفس الأمر صار معي , هههع ..:1:
شكرا لك على المرور أخي .
كلامك كله صح
شكرا لك خويا رضوان على المرور ..
أخي أين طبقة المثقفة ؟؟؟؟؟؟؟؟
؟؟؟؟؟؟؟؟؟؟؟وأين دور الطلبة الواعين ؟؟؟؟؟؟؟؟؟
الله يحسن الاحوال ،ولكن لا ننسى لايغير الله مابقوم ختى يغيرو ما بداخلهم .
وشكرا على هذا الطرح
شكرا لك اختي على المداخلة :
أمّا فيما يخص دور الطبقة المثقّفة و الطلبة الواعين فهم في الغالب مهمّشون يتجرّعون مرارة الإقصاء و الحظّ العاثر و الظلم مع الذين لا يستحقّون .. وصدّقيني أنا كنت واحدا من أولئك الذين يعملون للدراسة بجامعة مرموقة و على مستوى عال و فعل شيء للبلاد و العباد ، لكن في الأخير، أناس كان الفارق بيني و بينهم 4 او 5 نقاط جابو الباك خير مني ب 4 او 5 نقاط :confused:و هذا الأمر حدث و يحدث مع كثير غيري ..
طبعا هم الآن يدرسون في معاهد و جامعات أحسن حالا، و هم و أمثالهم من يعتبرون الآن الطبقة المثقّفة !
بالله عليك كيف لهم أن يكون لهم دور ؟ و كيف لمن ساعدهم أن يكون له دور ؟ و من هذا الذي سيسمع صوتا قادما من شيئ يسمّى "جامعة الجلفة" و الفطريّات الشبيهة لها في كثير من انحاء الوطن ؟
خلاصة القول :
ماذابينا يخلّوا الجامعة لمواليها و اللي ماهيش مساعداتو يروح يشوف لروحو حل خاطي الجامعة و يخلّونا من عقليّة نلعب و لّا نحرّم !؟؟ بصح..
" الله يحسن الاحوال ،ولكن لا ننسى لايغير الله مابقوم ختى يغيرو ما بأنفسهم . " :)
فريال العلمية
2014-11-17, 10:06
والله عندك الحق
انا نقرا 1er كانو خاعينا بالجاميعة
كي شفتها واللهlyceee مطور اكترمنها
و التلاميد تع الابتدائي متثقفين كتر من الطلاب لي فالجاميعة
تحيرتقول جزائولادها كل ما كبرو يضغر عقلهم
والله عندك الحق
انا نقرا 1er كانو خاعينا بالجاميعة
كي شفتها واللهlyceee مطور اكترمنها
و التلاميد تع الابتدائي متثقفين كتر من الطلاب لي فالجاميعة
تحيرتقول جزائولادها كل ما كبرو يضغر عقلهم
كلام سليم 100/100
تلقى الاغلبيّة أطفال -حاشا اللي ما يستهلش- في أجسام ناس كبار , ماهم فاهمين والو من قضيّة وجودهم في هذه الدنيا , و في الأغلب هوما اللي مثقلين ظهر الدابة - أقصد الجامعة - الجزائريّة , ما خلاوها تمشي ما نزلوا منها .
شكرا اختي على المرور .
sunshine2013
2014-11-17, 11:55
وضع يرثى له و الحل؟؟؟
و أزيدكم من الشعر بيتا :
اليوم أيضا الجامعة مغلقة !
10 من الناس معطلين مصالح أمّة تقدّر ب 22000 طالب .. شكون اللي عطاهم الحق ؟ شكون اللي قالهم اهدرو باسمهم ؟ الله أعلم ..
مهما يكن السبب :
الوف جايين من البعد خاسرين الدراهم الهمّ التعب و في الاخير يجيو يلقاوها مغلقة , شكون اللي يعوّضهم ؟ هؤلاء !؟ تبّا لهم ..
الوف دايريين أمل و مواليهم أمل و أحبابهم أمل و في الاخير يجيو يلقاوها مغلقة , شكون اللي يعوّضهم ؟ هؤلاء !؟ تبّا لهم ..
ألوف خاسرين سنين طويلة من اعمارهم باش يوصلو هنا و في الاخير يجيو يلقاوها مغلقة , من قبيل هذه " الجامعات " ما عندها لا نيفو لا والو و زادو طيحوه هذه الحفنة و امثالها .. شكون اللي يعوّض الخاسرين ؟ هؤلاء!؟ تبّا لهم ..
ألوف و ألوف و ألوف و اسحب ذلك على كل الجامعات الجزائرّية , ليس فقط هذه الطرق الهمجيّة في الاحتجاج , أو التسيير الهمجي من الادارات , كلّ شيئ كلّ شيئ ....شكون اللي يعوّضهم ؟ حسبنا الله و نعم الوكيل ..
houssem zizou
2014-11-17, 19:45
السلام عليكم
سامحني يا أخي وضعنا كلنا مزري في سجون الجامعة الجزائرية
لكن ما بديتوش تقراو الى الآن ؟؟.. بالاكش عندكم الثلج يصب
وضع يرثى له و الحل؟؟؟
الحلّ نوكلو رّبي على الناس اللي راهم يفسدو .
شكرا اخي sunshine2013 على المشاركة ..
السلام عليكم
سامحني يا أخي وضعنا كلنا مزري في سجون الجامعة الجزائرية
لكن ما بديتوش تقراو الى الآن ؟؟.. بالاكش عندكم الثلج يصب
معلوم خويا كامل رانا نعانو , بصّح على الاقل توما بديتو تقراو ؟
اما حنا ثلج تاع العام اللي فات مازال جامد الى اليوم , ما نفع فيه لاصيف لا رمضان لا اعياد لا تقدّم في العمر :D ..
شكرا اخي houssem zizou على المشاركة ..
انا تخرجت من الجامعة منذ مدة ولكنني لم استفد اي شيء بسبب غياب الاساتذة والاضرابات وعدم توفر المخابر ويوم بين عطلتين عطلة وووووو ، الجامعة مضيعة للوقت
انا تخرجت من الجامعة منذ مدة ولكنني لم استفد اي شيء بسبب غياب الاساتذة والاضرابات وعدم توفر المخابر ويم بين عطلتين عطلة وووووو ، الجامعة مضيعة للوقت
ولّا انا ؟ صدقني لوكان يسقسوني على واش قريت في اخر شهر العام اللي فات بالاك ما نجاوبش ؟!
و دايم دايرينا حنا الديفو :mad:
ضيّعونا الله يضيّعهم ..
الله المستعان
الله المستعان ، هذا حلّها .
شكرا لجميع من تفاعل معنا في الموضوع ، نسأل الله أن يصلح أحوال البلاد و العباد ، آمين .
قاصِرَةُ الطّرْف
2014-11-19, 22:06
السلام عليكم
لا حول و لا قوة الا بالله ..لعله خير ..ننتظر الى حين ان تستقر الأمور..و جزاكم الله خيرا ..افيدونا عن اي جديد بارك الله فيكم ..
يوم الاربعاء كلية التجارة مغلقة سلئلت لي شاد الباب عن السبب طلباتكم راني جاي120كم وعندي نهار واحد من الادارة كترخيص باش نقرا قالي التولاة مافيهاش الماء نحلف اللي شاد الباب ماهو قاسل وجهه فكرتوني الشخص مازال يقرا من2003 لحد الساعة
والله هذا حال الجامعات نتاع الجزائر عندك تسوا ماعنكش الكلب خير منك حشاكم .
واش تقول وواش تهدر 10 ايا راحة ونهار قراية وفي الامتحانات تحسب روحك حية نزلت ماراك فاهم فيها والو ومباعد يقولك لوكان قريت وحطيت راسك ، علاش هذا الشيء كامل لخاطر ولادهم هما يقروا في الخارج لاباس بيهم وحنا ماعلينا والو .
بصح كاين رب يخلص رانا صابرين ماعندنا مانديرو مي كي نحكيو نتفشو خير .
الله يجيب الخير انشاءالله، ومشكوووووووووور على ال موضوع اخي الكريم
السلام عليكم
لا حول و لا قوة الا بالله ..لعله خير ..ننتظر الى حين ان تستقر الأمور..و جزاكم الله خيرا ..افيدونا عن اي جديد بارك الله فيكم ..
شكرا اختي على المشاركة .
يوم الاربعاء كلية التجارة مغلقة سلئلت لي شاد الباب عن السبب طلباتكم راني جاي120كم وعندي نهار واحد من الادارة كترخيص باش نقرا قالي التولاة مافيهاش الماء نحلف اللي شاد الباب ماهو قاسل وجهه فكرتوني الشخص مازال يقرا من2003 لحد الساعة
صدّقني أخي كنت معوّل نخلّي الموضوع لكن لمّا قرأت واش صارلك شعرت بالغثيان :( ،
في مواقف كهذه راسك يطلّعلك
http://4.bp.blogspot.com/-umZB8-C-v2Q/UVZJ8MfjRWI/AAAAAAAACHM/924YMyj0gtE/s1600/blue.jpg
ما تلقى ما تدير ههههههههههههههه
حسبنا الله و نعم الوكيل .
شكرا أخي على المشاركة .
والله هذا حال الجامعات نتاع الجزائر عندك تسوا ماعنكش الكلب خير منك حشاكم .
واش تقول وواش تهدر 10 ايا راحة ونهار قراية وفي الامتحانات تحسب روحك حية نزلت ماراك فاهم فيها والو ومباعد يقولك لوكان قريت وحطيت راسك ، علاش هذا الشيء كامل لخاطر ولادهم هما يقروا في الخارج لاباس بيهم وحنا ماعلينا والو .
بصح كاين رب يخلص رانا صابرين ماعندنا مانديرو مي كي نحكيو نتفشو خير .
الله يجيب الخير انشاءالله، ومشكوووووووووور على ال موضوع اخي الكريم
شكرا اختي على المشاركة ,
الله يجيب الخير .
onedzone
2014-11-21, 18:16
سلام عليكم و رحمة الله
السلام عليكم اخوتي و اخواتي.. انا مجرد متطفلة عليكم ذالك ان هذه سنتي الاخيرة (باذن الله) في الثانوية.. لكن ما العمل؟ ان كانت جل الجامعات الجزائرية على هذا الحال.. بماذا تنصحوني اخوتي الكرام.. و ربي يوفقكم و ييسر اموركم.
سطايفية بكل فخر
2014-12-18, 15:15
السلام عليكم
اخبرك شيئا اخي والله نقرا في الموضوع ونضحك ليس استهزاء لا سمح الله ولكنك فكرتني في ايامي الاولى في الجامعة كنت ساخطة مثلكم وبلاك اكثر خاصة وانو معطاونيش تخصص مليح رغم انو معدلي طالع لكن كون تشوفني اليوم عاد عندي كلش نورمال لاني والفت الحالة هذي وتاقلمت معاها ومرات نتفكرها ويجيني الضحك لانو الذكريات تكون مليحة مع المعاناة:1:
+
هي مش رايحة تتبدل لهذا منبقاوش غير ساخطين على الوضع ونخليو الوقت يضيع هكاك برك نحاولو حنانستفادو من الشيء لي ينفعنا ونهمشو الاشياء الاخرى او نجعلوها مصدر تسلية باش متقلقناش
مثلا الريسطو اجعلوه وقت مستقطع للتسلية شخصيا كنت نروح مع زملائي ديما ليه ملقري منكلوش مكلتو نتجمعو فيه باش نضحكو ونديفوليو ونديسرو الديسار ديما كاين هههه وزيد مليح للتقريج جميع الاخبار تاع الجامعة تسمعها ثما :d هذي نقطة بعد ماكانت سلبية وتقلق رجعناها في صالحنا باش نرتاحو من ضغط الاساتذة والدراسة ونكونو متابعين احداث الجامعة :1:
مثال اخر تاخرنا وخرجنا الاستاذ مخلناش ندخلو نورمال نروحو للمكتبة مرات نراجعو واش مناش فاهمين عادي مش نقعدو نحرقو في اعصابا لانو خرجنا
مرات الاساتذة يعيطو علينا كنت في بدايايتي نتقلق ونقول علاش راني كبيرة وهوما يعايروني ويعيطو لكن كي والفت رجعتها لصالحي كي يعيط عليا نخرج شابعة ضحك ونقلدو ونديها نهار وانا نقلد فيه هكا باش منحرقش اعصابي والموديل تاعو نحطو بين عينيا باش نبرهنلو بلي كان غالط في كلامو ونقراه وحدي بلا منعتامد عليه ونهار النتائج وحدو يستعرف ويقلك مكش هكا
هذي امثلة بسيطة برك تخليك تقلب السخط لي ياثر على صحتك الى اشياء مفيدة وتستفاد من الجامعة
في النهاية راهي طارتلنا فرصة الكثير من الناس يحلمو بيها
ومش رايحين نحسو بالنعمة هذي غير لما نخرجو منها
نصيحتي لاي طالب جامعي حاول تقرا وحدك وطور معارفك وحدة مش ساهلة علابالي لكن نتعبو شوية
هزوا الخبرة من ليسطاج من البراتيك من الانترنت من اشخاص في مجالاتكم وكلامي هذا ميعنيش تديوها غير قراية
استفادوا ايضا وعيشوا حياتكم وكونو صداقات طوروا شخصياكم ونميوها
والله احلى الايام تقضيوها في الجامعة
حاولوا توفقوا بين الجانبين هكا باش تستفادوا اكثر
كلامي هذا بلاك ميدخلش في روسكم الان
لكن لما تخلصوا الجامعة يومها تتفكوره وتقولو كان عندها الحق
احتراماتي للجميع
وربي يجيب لخير للبلاد
السلام عليكم
اخبرك شيئا اخي والله نقرا في الموضوع ونضحك ليس استهزاء لا سمح الله ولكنك فكرتني في ايامي الاولى في الجامعة كنت ساخطة مثلكم وبلاك اكثر خاصة وانو معطاونيش تخصص مليح رغم انو معدلي طالع لكن كون تشوفني اليوم عاد عندي كلش نورمال لاني والفت الحالة هذي وتاقلمت معاها ومرات نتفكرها ويجيني الضحك لانو الذكريات تكون مليحة مع المعاناة:1:
+
هي مش رايحة تتبدل لهذا منبقاوش غير ساخطين على الوضع ونخليو الوقت يضيع هكاك برك نحاولو حنانستفادو من الشيء لي ينفعنا ونهمشو الاشياء الاخرى او نجعلوها مصدر تسلية باش متقلقناش
مثلا الريسطو اجعلوه وقت مستقطع للتسلية شخصيا كنت نروح مع زملائي ديما ليه ملقري منكلوش مكلتو نتجمعو فيه باش نضحكو ونديفوليو ونديسرو الديسار ديما كاين هههه وزيد مليح للتقريج جميع الاخبار تاع الجامعة تسمعها ثما :d هذي نقطة بعد ماكانت سلبية وتقلق رجعناها في صالحنا باش نرتاحو من ضغط الاساتذة والدراسة ونكونو متابعين احداث الجامعة :1:
مثال اخر تاخرنا وخرجنا الاستاذ مخلناش ندخلو نورمال نروحو للمكتبة مرات نراجعو واش مناش فاهمين عادي مش نقعدو نحرقو في اعصابا لانو خرجنا
مرات الاساتذة يعيطو علينا كنت في بدايايتي نتقلق ونقول علاش راني كبيرة وهوما يعايروني ويعيطو لكن كي والفت رجعتها لصالحي كي يعيط عليا نخرج شابعة ضحك ونقلدو ونديها نهار وانا نقلد فيه هكا باش منحرقش اعصابي والموديل تاعو نحطو بين عينيا باش نبرهنلو بلي كان غالط في كلامو ونقراه وحدي بلا منعتامد عليه ونهار النتائج وحدو يستعرف ويقلك مكش هكا
هذي امثلة بسيطة برك تخليك تقلب السخط لي ياثر على صحتك الى اشياء مفيدة وتستفاد من الجامعة
في النهاية راهي طارتلنا فرصة الكثير من الناس يحلمو بيها
ومش رايحين نحسو بالنعمة هذي غير لما نخرجو منها
نصيحتي لاي طالب جامعي حاول تقرا وحدك وطور معارفك وحدة مش ساهلة علابالي لكن نتعبو شوية
هزوا الخبرة من ليسطاج من البراتيك من الانترنت من اشخاص في مجالاتكم وكلامي هذا ميعنيش تديوها غير قراية
استفادوا ايضا وعيشوا حياتكم وكونو صداقات طوروا شخصياكم ونميوها
والله احلى الايام تقضيوها في الجامعة
حاولوا توفقوا بين الجانبين هكا باش تستفادوا اكثر
كلامي هذا بلاك ميدخلش في روسكم الان
لكن لما تخلصوا الجامعة يومها تتفكوره وتقولو كان عندها الحق
احتراماتي للجميع
وربي يجيب لخير للبلاد
كلام منطقي و سليم ..
شكرا أختى على المشاركة .
♥ بسمة ♥
2014-12-25, 14:07
rani m3ak wache 9olte kayne mino 100%
vBulletin® v3.8.10 Release Candidate 2, Copyright ©2000-2025, TranZ by Almuhajir