سؤال عن إبني

[أم رامي أحمد]

السلام عليكم
أود أن أسأل أولا عن رضيعي ومشكلة عدم خروج أسنانه وهو في الشهر الخامس ونصف رغم ان الأعراض بدات منذ الشهرالثالث وهي تؤلمه
وثانيا ماهي عدد الوجبات في اليوم للعلم بدأت اناوله خضار مطحونة

[البوسعادية]

مرحبا اختي
هذه حالة عادية تقريبا كما ابني 3اشهرونصف بدات تبان عليه علامات التسنين ومسننش حتى وفى 7 اشهر ...
ووحده قريبتي وليدها راه 10 اشهرونص لسع مسننش وقلها الطبيب هذا امر عادي
ربي يخليلك وليدك ويفرحك بيه

[زينب 83]

عادي جداً انا ابني الاول حتى سن 9 أشهر باه سنن و في نفس الوقت مشا اما عن الأكل اذا كان يرضع طبيعي الأطعمة الاخرى ماشي ضرورية ليه لكن اذا كان يرضع اصطناعي ممكن تعطيه الخضار مسلوقة و نرحيه و خفيفة و أحسن الخضار للرضع هو الجزر و حاولي تعطيه كلشي طبيعي يعني تخدمه بيدك ماشي المعلبات واغسلي الخضر مليح باه تتخلصي من المبيدات الحشرية اما مشتقات الحليب و اللحوم خليهم حتى 9 أشهر و كل أسبوع أعطيه حاجةجديدة باه مايتحسسش ماشي كامل مع بعض و ربي يحفظلك و تشوفينه راجل

[أم رامي أحمد]

بارك الله فيكما أختيا على التنوير وربي يشد لكا في إبنيكما وشكرا لكما

[ثلوج الشتاء]

عادي كيما قالو الاخوات انا ابني الكبير حتى عاد في عمرو 9 اشهر باه خرج سنيه اما الاكل ماشي قبل 6 اشهر لسلامة الجهاز الهضمي اوظهور الحساسية لبعض الاطعمة

[Simassim]

السلام عليكم ورحمة الله
اختي السنين كل واحد وكيفاش حتى انا ولدي ينتفخوا بشهور ويضروه
بالنسبة للاكل مادام راه خمس اشهر ونص حاولي تبدأي من اليوم تذوقيه الخضر مطحونة قياس ملعقة كبيرة برك قبل الرضاعة اختاري نوع خضر واحد ومديله منه مدة يومين مرة واحدة فالنهار الخضرة لازم تكون طايبة مليح وتكون مطلوقة شوي وتقدري تمدي حتى الفواكه باش تنوعي ولكن ماتخلطيش حتى تتأكدي إنّو ماعندوش حساسية تبدأي من اليوم أحسن هكذا مين يقفل ستة اشهر يأكل الكمية المنصوح بيها كاملة لانه يكون تعود عليهم

[أم رامي أحمد]

شكرا أخواتي على المعلومات القيمة سآخذها بعين الإعتبار تقبلن كلكن تحياتي

[ام ياسمين10]

عادى انا ابنى حتى 10 شهور باه سنن والاعراض من 5 شهور تبدا والماكلة كيما قالولك الاخوات