نظامي لي ماشية بيه في بيتي و حياتي

[sawceno]

سلام عليكم لبنات

جمعة مباركة ليكم و عليكم

اليوم جبتلكم نظامي لي نمشي بيه في بيتي و حياتي


اولا

تنظيف البيت و تنظيمه

لازم تنوضي شوية بكري و ادا ماقدرتيش ممكن يكون عندك وقت محدد تنوضي فيه

تبداي

بغرفة نومك

http://im73.gulfup.com/EV6YUl.jpg

تنظمي سريرك و تمسحيه من الغبرة و ادا كان محتاج تغيري الدراوات تغيريهم

تنظمي سرير بيبي ادا عندك في الغرفة معاك

تمسحي الغبرة تاع الكومودينات و التسريحة و الخزانة و التلفاز بفوطة خاصة

و شوفي المرايات ادا موسخين تمسحيهم بمنظف الزجاج و جرنان

ماتنسايش تمسحي الشباك من الغبرة

السجادة تكنسيها بالفرشاة الخاصة مثل هادي

http://im73.gulfup.com/M9JQws.jpg

و تكنسي الارض و تمسحيها بشويا منظف و معطر و ماء طبعا

في الاخير عطري غرفتك بالمعطر

ثم اتوجهي

لغرفة اطفالك

http://im73.gulfup.com/RrYTWb.jpg

و ديري نفس لي درتيه في غرفة نومك

ثم تتوجهي

لغرفة المعيشة

http://im73.gulfup.com/OVC13B.jpg

تفتحي الشباك تهويها و ترتبي الاسرة و كاش حاجة ماشي في بلاصتها ترجعيها و تنفضي السجادة وتمسحي الغبرة و تكنسي و تسيقيها و تعطريها

بمعطر

ثم تروحي للمطبخ

http://im73.gulfup.com/mg7kb9.jpg

تغسلي ماعن القهوة تمسحي الرخامة و الطابلة الكويزينيار و باب الثلاجة

تفتحي ثلاجتك و تنظميها من الداخل سريعا و تجبدي خضرتك و لحمك با اطيبي فطورك و كي تكملي فطورك و هو على النار ادا عندك بطاطا تقليها

قطعيها و ديريها في الماء و خليها شلاظة انتاعك اغسليها و قطعيها ووجديها هاكا تكوني تهنيتي من الفطور دربة وحدة

روحي للحمام

http://im73.gulfup.com/mv57Cq.jpg

اول حاجة اديريها تروحي للتوالات تحطي فيها هاربيك او اغل و خليه

ثم روحي للحوض امسحي المراية و و الحوض اغسليه بشوية بريل ازيس و جافال و شليه و نشفيه بفوطة هو و الدوش او البينوار

كاش ملابس معلقة مورا الباب ديريها في سلة الغسيل

ماتنسايش تمسحي الاكسسوارات و الشمبوهات و تنظميهم و في الاغير تدعكي التوالات بالفرشة المخصصة ليه و تشليه و امبعد امسحي الحمام بمنظف

معطر و غيري المنشفة لازم كل يوم و عطريه و اخرجي

شوفي فطورك ادا طاب والا مازال

هاد الشيء كامل ممكن في الاول ياخد ساعتين من وقتك يوميا لكن مع الوقت راح تكوني سريعة و يخلاص قبل

اعيت وانا نكتب راح نكمل امبعد ادا عجبكم موضوعي قولولي نكمل او لا

الجزء 2 الصفحة 1 المشاركة 4

الجزء 3 الصفحة 1 المشاركة 8


الجزء 4 الصفحة 1 المشاركة 10


الجزء 5 الصفحة 2 المشاركة 19


الجزء 6 الصفحة 2 مشاركة 29


الجزء 7 الصفحة 3 المشاركة 43

الجزء 8 الصفحة 4 المشاركة 54

الجزء 9 الصفحة 4 المشاركة 58

الجزء الاخير الصفحة 5 المشاركة 71
يتبع

[ليلى الجزائرية1]

ـيــعــطــيــكـ آلـصــحـة آـخــتــيـ
ـمـلـيــحـ ـكــيـ ـتــكــؤـنـ آلـؤـحــدة ـفــيــنـآ ـمــنــظــمـة ـبــرـنـآـمــجــهـآ آلـيــؤـمــيـ

[melissa lola]

يعطيك الصحة

[sawceno]

بالنسبة للدراوات

http://im85.gulfup.com/1MIA14.gif

غيرها مرة كل 3 ايام

بالنسبة لغسيل الملابس اغسلي كل يوم

انا دايرة نظام

يوم لملابس بنتي و دايتهملها في صاشي وحدو يعني نرفدهم و نرمي في الغسال ديراكت

و يوم لملابسي انا وزوجي الابيض وحدو والفاتح وحدو الغامق وحدو

ويوم للدراوات و الفوط و طراشن الكوزينة

وهكذا

يعني كل يوم نغسل حاجة معينة

مسحوق الغسيل فرغيه في علبة بلاستيكية وحطي فيها قوبلي باش تاخدي بيه المسحوق

http://im85.gulfup.com/ROI1Eh.jpg

http://im85.gulfup.com/ftB5I9.jpg

يتبع

[زهرة اللوتس31]

شكر ا اختي على الموضوع المفيد تابعي نحن معك

[sawceno]

ـيــعــطــيــكـ آلـصــحـة آـخــتــيـ
ـمـلـيــحـ ـكــيـ ـتــكــؤـنـ آلـؤـحــدة ـفــيــنـآ ـمــنــظــمـة ـبــرـنـآـمــجــهـآ آلـيــؤـمــيـ

يعطيك الصحة

chokren baraka allah fik

شكر ا اختي على الموضوع المفيد تابعي نحن معك

شكرا على مروركن العطر نورتو موضوعي

[sawceno]

الاجهزة لي مساعدتني في المطبخ

اول حاجة الميكرووند

http://im78.gulfup.com/NZFXzx.jpg

هايل
بما اني موظفة فا يساعدني في تسخين الفطور عالسريع كي نجي من الخدمة

الخبز حليب بنتي اي حاجة محتاجة نسخنها مساعدني حقيقة

المفرمة تاع موليناكس هادي هايلة

http://im78.gulfup.com/N6qGs7.jpg

نرحي بها البصل الثوم الزرودية آلصوص تومات البويون لبنتي يعني حقيقي مفيد

العجانة اركوديم

http://im78.gulfup.com/vnNCqu.jpg

هايلة في العجن كي نحب ندير بيتزا و بما اني ماعنديش الوقت ندير كمية و نحطها في الكونجيلاتور و الله غير مساعدني

كوكوت ساب هايلة نصف ساعة و الماكلة طايبة

http://im78.gulfup.com/0yaSZN.jpg

هاد الاجهزة مليحة للموظفة او لي ماعندهاش الوقت ممكن اديريلها ميزانية و تطمي ادراهمها بلعقل و كل خطرة اشري حاجة تساعدك هايلة

يتبع

[الجنة الجنة]

رانا نتبعو تشوقنا للبقية شكرا ليك

[sawceno]

اشياء نديرها تساعدني في المطبخ

كي نكمل غسيل لماعن في الليل نوجد اماعن القهوة تاع الصباح الشوبات و المغارف و كاس العصير لزوجي و السكرية و نحطهم فوق طابلة الكوزينة

في سنيوة و نغطيهم هاكا كي انوض الصباح نصيب كلش واجد

الحليب و القهوة حاطتهم في علب خاصة مثل هادي ودايرتهم قدام الكويزينيار

http://im83.gulfup.com/NEikbO.jpg

http://im83.gulfup.com/YAYYuS.jpg

المسمن كي مانكونش مشغولة اندير كمية و نحطو في الكونجيلاتور و كل يوم الصباح نجبد نسخن في الميكرووند و الله كانو هادا وين طاب

حتى القاطو نفس الشيء

الخضار دايرتهم في سلل كيما هادو في الثلاجة والله تبقى مرتبة اطول فترة ممكنة

http://im83.gulfup.com/ZfSi2I.jpg

الاكل كي يبرد ونحب نديرو في الثلاجة انديرو في علب و نحطو في الثلاجة

http://im83.gulfup.com/fCpI0g.jpg

لماعن لي مخرجتهم باش نستعملهم في المطبخ بما اني انا وزوجي فقط و بنتي مازالت صغيرة هادي نصيحة مني ليك خرجي غير قيسكم يعني انا

مخرجة

3 كيسان ماء 2 شوبات

2مغارف كبار 3 صغار و حدة صغيرة نرفد بيها ليزيبيس سكين مغرفة حطب و 2 اينوكس تاع الطياب

2 بولات شربة و زوج صحون غامقين و واحد للسلطة وواحد بلا

و زوج ترموسات تاع حليب و قهوة قيسي انا وزوجي

كيماهادو سواسوا مع اختلاف الالوان

http://im83.gulfup.com/FMuXCy.jpg

http://im83.gulfup.com/W9wMVi.jpg

و ماشي غالين

وطبعا سنيوة تاع بلاستيك للقهوة

و كسرونة للحليب و 2 طواجن واحس صغير وواحد متوسط و الكوكوط هادو حاطتهم وحدهم في بلاكار و لماعن تاع السجاج في سلة

هاكا مانقعدش غير نجبد ويتوسخو و نعصل فالماعن كي نغسلهم

دايرة كل البقوليات كيما العدس اللوبية المقارون سكر فرينة في علب بلاستيكية خير من الاكياس جربيها ترتاحي

حاطة بسينة صغيرة في المطبخ كي نحب نطيب نلبسها ساشي و ندير فيها الاوساخ و كي نكمل نرمي الساشي في السلة الكبيرة

الزيت دايراتو في قرعة صغيرة تاع زجاج و حاطتها قدامي فوق البوتاجي

خير من كل خطرة نجبد البيدون الكبير نفس شيء مع زيت الزيتون

يتبع

[الجنة الجنة]

الله يبارك عليك يا الشاطرة
متابعين الموضوع

[*ازهار*]

شاطرة ماشاء الله

[عطرالذهب]

كملي كملي والله روعة يعطيك الصحة مرة على مرة ونلقى فكرة جديدة

[onedzone]

إن شاء الله موفقة

[bellissimo18]

ya3tiiiik saha nshallah kamlina raki madrassa merci bcp

[sawceno]

ya3tiiiik saha nshallah kamlina raki madrassa merci bcp

choukran laki okhti baraka allaho fiki 3ala lmanfi3a

إن شاء الله موفقة

كملي كملي والله روعة يعطيك الصحة مرة على مرة ونلقى فكرة جديدة

شاطرة ماشاء الله

الله يبارك عليك يا الشاطرة
متابعين الموضوع

رانا نتبعو تشوقنا للبقية شكرا ليك

شكرا اخواتي و راني فرحانة لي عجبكم الموضوع

[أم تيم الله]

شكر ا اختي على الموضوع المفيد تابعي عجبني الحال

[sawceno]

رانا دايما في المطبخ

راني حاطة في درج فيه 2 كراسات وحدة داترة دايرة فيها الوصفات لي نصيبهم في المنتديات و الثانية بلوك نوت نحط فيها المقاضي لي تخلاصلي اول

باول و جدول ادا عندي كاش حاجة نديرها غدوة

راح نحطلكم قائمة بالمقاضي لي تحتاجيهم في دارك اكتبيهم عندك ممكن يفيدوك

الحبوب و العطارة

ارز عدس راس الحانوت فلفل اسود هريسة كمون كاري قرفة معدنوس كسبر رند ملح زعتر فلفل احمر لوبيا زنجبيل زعفران حمص

البقالة

مقارون لسان عصفور فريك فارميسال سكر فرينة خل زيت زيت زيتون سمن طماطم مصبرة مايونازمربى بيض زبدة عسل تونة سردين مرق دجاج

(جامبو) طعام مشروم سميد

المشروبات و الحلويات

شاي قهوة كاكاو فلان خميرة فورية(خبز و قاطو ) فانيليا مكسرات حلوة الترك ماء زهر عصير قازوز

اجبان و مشتقات الحليب

جبن مثلثات جبن كاسات جبن بيتزا حليب بودرة و سائل رايب لبن ياوورت

المنظفات

صابون سائل او بودرة معطر اريال جافال بوليش هاربيك منظف الزجاج اكياس ثلاجة و زبالة سلك الماعن ليفة الماعن ورق زبدة اليمونيوم بلاستك غذائى مناديل مطبخ

لحوم

سمك دجاج داند لحم بقري او غنمي لحم مفروم كبدة دجاج او غنمي مرقاز باتي كشير

خضر و فواكه

بصل ثوم نعناع كسبر معدنوس

فواكه لي تحبيها على حساب الموسم

طماطم خيار خس فلفل حار و حلو جزر سلق جلبانة فول ماشتو شوفلور كورجات بطاطا بيتراف كرنب بذنجان ليمون

يتبع

[الجنة الجنة]

شكرا على مجهوداتك متابعينك

[شموخ امرأة]

مشكورة اختي نظام هايل

[ام ياسمين10]

نظامك روعة اختى تابعى

[oum mouhamed l3id]

ربي يبارك اختي. يعطيك الصحة باينة شاطرة

[صدفات]

السلام عليكم موضوع هام المرأة العاملة النضام ضروري يكون وإلا تتعب و النضام نتاعك شباب و مليح لوحدة في بداية حياتها انت و زوجك و بيبي و لكن لما يزيدو الأولاد و لما يكبروا طبعا تتغير المعطيات و المفاهيم و مع الوقت تكتشفي هذا لوحدك
على العموم انا عجبتني فكرة الكراس ندون فيه المستلزمات لي خلاصت وإن شاء الله نطبقها .
شكرا و بالتوفيق لمزيد من المواضيع.

[sunshine2013]

يعطيك الصحة ختي موضوع رائع صح لازم الوحدة تنظم روحها باش تربح الوقت و ما تعبش روحها خاصة كاين شغل يومي و يتكرر

[ام محمد اسلام الله]

روعة اختي مشكورة على الافادة

[fayza81]

merciiiiiiiiiiiiiiiiiiiiiiiiiiiiii
نضامك 4444444444444444 راني ديت منو افكار
الله يعطيك ما تتمناي

[sawceno]

روعة اختي مشكورة على الافادة

يعطيك الصحة ختي موضوع رائع صح لازم الوحدة تنظم روحها باش تربح الوقت و ما تعبش روحها خاصة كاين شغل يومي و يتكرر

السلام عليكم موضوع هام المرأة العاملة النضام ضروري يكون وإلا تتعب و النضام نتاعك شباب و مليح لوحدة في بداية حياتها انت و زوجك و بيبي و لكن لما يزيدو الأولاد و لما يكبروا طبعا تتغير المعطيات و المفاهيم و مع الوقت تكتشفي هذا لوحدك
على العموم انا عجبتني فكرة الكراس ندون فيه المستلزمات لي خلاصت وإن شاء الله نطبقها .
شكرا و بالتوفيق لمزيد من المواضيع.

ربي يبارك اختي. يعطيك الصحة باينة شاطرة

نظامك روعة اختى تابعى

مشكورة اختي نظام هايل

شكرا على مجهوداتك متابعينك

merciiiiiiiiiiiiiiiiiiiiiiiiiiiiii
نضامك 4444444444444444 راني ديت منو افكار
الله يعطيك ما تتمناي

يعطيكم الصحة على مروركن العطر

[sawceno]

كيفاش تعتني بنفسك في وسط مشاغلك

هادا روتين بسيط نتبعو في حياتي اليومية

يوميا كي تنوضي صباح (طبعا بعد ما تتوضاي و تصلي الفجر ) تغسلي وجهك بغسولك المفضل و تنشفيه تروحي للثلاجة تكوني حاطة فيها ماء ورد

في بخاخة تخليه ينشف وحدو ما تنشفيهش كي ينشف تتستعملي كريم نهار اذا كنتي قاعدة في الدار او واقي الشمس اذا كنتي خارجة ممكن ماكياج

خفيف ماسكارا و كحل فاراجو و روج ماتنسايش تسرحي شعرك

في الليل نفس الروتين تتبعيه لكن اولا اذا كنتي دايرة ماكياج تمسحيه بمزيل المكياج و تستعملي كريم ليل بدل كريم نهار او واقي الشمس

تغسلي سنانك 3 مرات في اليوم الصباح بعد الفطور و كي تجي ترقدي

شعرك يغسل مرتين في الاسبوع على الاكثر مرة بالشامبو و البلسم و مرة بالشامبو و الماسك و باقي الايام بالماء فقط

ممكن قبل الاستحمام اديريلو زيت و تخليه ساعتين و امبعد تغسليه و هادي مرة في الاسبوع

قبل ماديري سشوار ماتنسايش السيروم للشعر باش مايفسدش

اليدين و الرجلين

ممكن اديري قوماج ليديك مرة في الاسبوع

وترطبي يديك و رجليك يوميا انا حاطة كريم في التسريحة كل مانغسل حاجة او نتوضي نرطب يدي بالمرطب و الرجلين ممكن مرة قبل النوم

اسبوعيا اديري ماسك لوجهك

و اسبوعيا اديري قوماج لوجهك انا نديرو كي نكون ندوش

اسبوعيا وقت الاستحمام ديري قوماج لجسمك بملح الحليب ثم افركيه بالليفة و شوفي النعومة

بعد الاستحمام دائما رطبي جسمك بمرطبك المفضل

و رجليك ماتنسايش تفركيهم بالحجرة وقت الاستحمام

المنطقة الحساسة استعمليلها غسول خاص 3 مرات في الاسبوع على الاكثر و للترطيب و التعطير و التفتيح ممكن تستعملي الجلسرين و زيت الورد و ادا

جاك ثقيل ممكن تخفيه بشوية ماء ورد

الابطين ماتنسايش الديودورو

هادا ماكان لليوم

انا ماقلتلكش ديري هاد الشي طرة وحدة يعني وزعيه على مدار الاسبوع

ملاحظة

اذا حبيتو نقولكم على المنتجات لي نستعملها قولوهالي

يتبع

[rofia.sarah]

شكرا على الموضوع فعلا مفيد واستفدنا حاجات كثيرة تابعي نحن معك

[nibou]

شكرا ليك مواضيعك هاااااايلة

[medzoui]

شكرا اختي على الموضوع

[mimo 85]

شكرا اختي على الموضوع

[القرآن راحتي]

ماشاء الله تبارك الرحمان وانا بدوري اطلب منك موضوع عن منتجات التجميل التي تستعملينها اذا سمحت

[متمنية]

يعطيك الصحة باينة عليك ساجية الله يبارك استفدت من موضوعك بزاف بزاف وديت افكار ونتمنى تواصلي الموضوع

............................ربي يحفظلك زوجك وبنتك ................................جعله الله في ميزان حسناتك

[amel kamel]

بارك الله فيك يااختي لكن عندي سوال اين تضعين بنتك لما تكوني مشغوله فى الميناج خاصه التسياق انا عندي مشكل مع ولدى يبقى يدور ويبل روحو

[khouloudnicegirl]

ماشاء الله عليك

[kany]

بارك الله فيك

[sawceno]

بارك الله فيك يااختي لكن عندي سوال اين تضعين بنتك لما تكوني مشغوله فى الميناج خاصه التسياق انا عندي مشكل مع ولدى يبقى يدور ويبل روحو

سلام اختي انا عندي 3 حلول نستعملهم لبنتي

بنتي عندها هاد المنتجات نفس الماركة مع اختلاف الالوان

يا نحطها في البارك انتاعها و نعطيها العابها تلعب بيهم

http://im55.gulfup.com/mTzQJb.jpg

يا نحطها في كرسيها و نشعلها طيور الجنة او نحطها تقابلني في الكوزينة

http://im55.gulfup.com/osFbka.jpg

يانحطها في مشايتها و تلحقني من بلاصة لبلاصة و تهبلني

http://im55.gulfup.com/KlibBQ.png

هادو هوما الحلول لي عندي ان شاء الله يعجبوك و يفيدوك

[sawceno]

شكرا على الموضوع فعلا مفيد واستفدنا حاجات كثيرة تابعي نحن معك

شكرا ليك مواضيعك هاااااايلة

شكرا اختي على الموضوع


شكرا اختي على الموضوع

يعطيك الصحة باينة عليك ساجية الله يبارك استفدت من موضوعك بزاف بزاف وديت افكار ونتمنى تواصلي الموضوع

............................ربي يحفظلك زوجك وبنتك ................................جعله الله في ميزان حسناتك

ماشاء الله عليك

بارك الله فيك


شكرا لبنات نورتو موضوعي

[sawceno]

ماشاء الله تبارك الرحمان وانا بدوري اطلب منك موضوع عن منتجات التجميل التي تستعملينها اذا سمحت

شكرا اختي و راح نحطلك المنتجات لي نستعملها في الحال

[amel kamel]

شكرا اختي ربي يخليهالك نشالله

[sawceno]

بناء اعلى طلب الاخت القرآن راحتي ر اح نطلكم المنتجات لي نستعملها للعناية بنفسي

نغسل وجهي بصابونة دوف

http://im47.gulfup.com/N72IaR.jpg

ماء الورد اشريه من الصيدلية و من الاحسن اشري لي عبارة عن بخاخة

كريم النهار و الليل نستعمل هادو من اوريفلام

http://im47.gulfup.com/bECiUQ.png

http://im47.gulfup.com/l8OSRk.png

واقي الشمس

http://im85.gulfup.com/2a3uJp.jpg

مزيل المكياج

http://im47.gulfup.com/IPlSV6.jpg

معجون اسنان

http://im47.gulfup.com/9qCeyR.jpg

http://im47.gulfup.com/MntVNB.jpg

شامبو

http://im47.gulfup.com/NipOMo.jpg

البلسم

http://im47.gulfup.com/3EBv5v.jpg

الماسك

http://im88.gulfup.com/z4RNBA.jpg

من الاحسن للشعر تستعملي نفس النوع من شامبو و بلسم و ماسك


الزيت لي قبل الاستحمام

http://im47.gulfup.com/zFb2Q0.jpg


سيروم الشعر دابر املا

http://im54.gulfup.com/nNSw2n.jpg

قوماج

للوجه

http://im54.gulfup.com/9KWTJV.jpg

للجسم

http://im54.gulfup.com/74p75h.jpg

مرطب للجسم

http://im54.gulfup.com/jKnI5R.jpg

http://im54.gulfup.com/ZxT6Mr.jpg


ماسك للوجه

http://im54.gulfup.com/BqQJT1.png

غسول انتيم

http://im79.gulfup.com/lbK4hL.jpg

للابطين

http://im79.gulfup.com/MyIEeY.jpg

http://im79.gulfup.com/YFmO93.jpg

يتبع

[الجنة الجنة]

متابعة ,,,

[oum sabrin]

يعطيك الصحة على الموضوع ررائع و مفيد رنا متابعينك مشككككككورة

[bonbon]

يعطيك الصحة ختي جات في وقتها

[bonbon]

ممكن اختي تقوليلي لاكان راكي دايرة برنامج اسبوعي للطبخ؟ يعني مثلا كل يوم واش تطبخي

[فضيلة ابراهيم]

lما شاء الله لاقوة الا بالله تبارك الله عليك امنيتي انكون منظمة

[ام فيفي]

بارك الله فيك اختي افدتينا كثيرااااااااااااااااا

[sawceno]

متابعة ,,,

يعطيك الصحة على الموضوع ررائع و مفيد رنا متابعينك مشككككككورة

يعطيك الصحة ختي جات في وقتها

بارك الله فيك اختي افدتينا كثيرااااااااااااااااا

شكرا البنات فرحتوني بردودكم المشجعة

[مينوشه]

شكرا عزيزتي على النصائح الرائعة
انا تاني خدامة و عييت ندير نظام و ولدي مهبلني و زيد داري ضيقة الحاصول كرهت حياتي

[sawceno]

ممكن اختي تقوليلي لاكان راكي دايرة برنامج اسبوعي للطبخ؟ يعني مثلا كل يوم واش تطبخي

سلام اختي و الله كل مانعول ندير جدول للطبخ نفشل لانو زوجي هو لي يقضي و مرات مايجيبليش المقادير اللازمة يعني كلها

[sawceno]

lما شاء الله لاقوة الا بالله تبارك الله عليك امنيتي انكون منظمة

سلام اختي علاش تتمناي تقدري تكوني منظمة عادي جدا وشنو لازم تكون عندك ارادة هادا ماكان و ادا ماعندكش الافكار اللازمة الانترنات معمرة افكار تقدري كل مرة تجيبي فكرة و اطبقياها بلعقل تعودي منظمة

[sawceno]

طريقتي في تعطير بيتي

غرفة نومي دايرتلها معطر خاص بها كيما هادا

http://im50.gulfup.com/SQaBIM.jpg

الحمام

كاين معطرات كي الجال تفتحيها و تحطيها في الحمام تخلي ريحتو روعة

http://im50.gulfup.com/kd0N00.jpg

للمطبخ برائحة الليمون و الحمام برائحة الورد

و ايضا حاطة بخاخ برائحة الخزامة كل ماندخل الحمام نرش منو شوية

http://im50.gulfup.com/puHG2h.jpg

و كل يوم نمسحو بهاد المطهر رائحته روعة

انا نستعمل الوردي

http://im50.gulfup.com/t4oROt.jpg

المطبخ و البيت كلو ببخاخ برائحة الخزامة

http://im50.gulfup.com/puHG2h.jpg

و عندي ارويك دايرتها في الكولوار تعطر كل البيت هايلة

http://im50.gulfup.com/mi2fss.jpg

كل يوم جمعة نعطر بيتي بعد الصلاة بالبخور و طريقتي تجيبي علبة طون تغسليها مليح و تنشفيها و تحطي فيها البخور و تحطيها على النار غير يبدا

البخار تنحيها و تبخري بيتك

و بما اننا في الشتاء نحطها فوق السخان و شمي الريحة الرائعة طول الاسبوع

وطبعا كي يكون كاين الضيوف نستعمل هاد البخارة و نحطها في الكولوار فوق الجزامة

http://im50.gulfup.com/RODB88.jpg


يتبع

[ام هاديل وياسين]

بارك الله فيكي اختي موضوع هايل اختي اذا ممكن تقليلي على المنضف اللي تمسحي بيه
المابل كنت نستعمل واحد ريحتو قاطعة نهر الي نمسح بيه نهر طول وانا مقلقة من ريحتو
وزيد عندي حساسية كرهت منو وستغنيت عليه وملقيتش البديل ممكن تفديني باي ماركة اخرى راكي مجربتها او من الاخوات

[sawceno]

بارك الله فيكي اختي موضوع هايل اختي اذا ممكن تقليلي على المنضف اللي تمسحي بيه
المابل كنت نستعمل واحد ريحتو قاطعة نهر الي نمسح بيه نهر طول وانا مقلقة من ريحتو
وزيد عندي حساسية كرهت منو وستغنيت عليه وملقيتش البديل ممكن تفديني باي ماركة اخرى راكي مجربتها او من الاخوات

اختي نقققولك حاجة مليحة اديريها
امسحي الغبرة قبل بفوطة ناشفة باش تنحي الغبرة و امبعد امسحي الغبرة بفوطة مبللة بزيت الاطفال ممكن جونسون و شوفي الريحة و اللمعان

[القرآن راحتي]

شكرا اختي و راح نحطلك المنتجات لي نستعملها في الحال

بارك الله فيك

[sawceno]

نصائح مختلفة

استعملي في حياتك قاعدة اول باول يعني كل ماتجبدي حاجة كي تكملي رجعيها في بلاصتها في الحين مثلا استعملتي الملح عاودي رجعيه في بلاصت

و هكذا

كل يوم نظفي حاجة من دارك يعني نهار رف في خزانتك نهار جيهة في بلاكار الكوزينة هاكا باش ماتعييش روحك خاصة اذا كنتي موظفة و حافضي

على نظافة واش خملتي

في الليل قبل ماترقدي خملي دارك ارفدي كل حاجة ماشي في مكانها حصيها في مكانها و اغسلي اماعنك جامي تخليهم هاكا كي تنوضي الصباح تصيبي

الدار مخملة و نظيفة

السربيتة من فضلك كل يوم في الشتاء بدليها و كل يومين في الصيف


يتبع

[maloo]

444444444444 الله يبارك فيك ويكثر من امثالك في بلادنا و بلاد المسلمين ااااااااااااااااااامين

[medzoui]

4444444444444444444

[ام ولي]

بارك الله فيك اختي مشكورة على الافادة

[سلطانة مملكاتي]

ما شاء الله ولاقوة الابالله ربي يزيدك قوة وشطارة ويبارك لك فى زوجك وفي بنتك

[فرح1]

والله افكار روعة يعطيك الصحة انا تاني مي مقدرتش نوفق باسكو عند اهل زوجي

[oummalak]

تبارك الرحمان نظام روعة ورعاية بجسمك اروع
موضوع حفزني على كثير نقاط خاصني نلتها بيها
كنت نتهلى في روحي وفي داري لكن الحمد لله اليوم مع خمس اولاد ربي يباركلي فيهم ويحفظهملي النظام راح والجمال قريب راح الا ما رحم ربك
تحياتي وشكري الخالص على موضوعك الرائع

[الجنة الجنة]

عجبتني طريقة مسح الغبار بزيت الاطفال
شكرا لك

[تغرينية]

الله يبارك ويزيد نصائح في القمة

[first first]

بارك الله فيك
افكارك جميلة...........وصدقتي اختي.....النظام والمواضبة سر النجاح

[Daylight]

شكرا على النصائح المفيدة

[أم أماني أريج]

ماشاء الله نظام رائع
و حتى طرحتيها بتسلسل و أسلوب نشوق إذا عندك أفكار أخرى زيدي حطيها راكي شوقتينا للمزيد أختي

[جوهرة الغرب.]

ماشاء الله عليك حنونة ربي يبارك فيك
حبيتك تقوليلي على الحلويات اللي تخدميهم وتحطيهم في الكونجيلاتور ؟؟
وبنتك شعال عندها من عام ...انا بنتي تحبني غير رفدتها ونصف شغلي مانديروش...عندها 5اشهر؟

[sawceno]

الجزء الاخير

طريقة عنايتي بابنتي

بنتي ماشاء الله عليها عمرها اقل من سنة

بما انها صغيرة مازال مادرنالهاش غرفة خاصة

ملابسها دايرتهملها في واحدة كما هادي من 5 ادراج

http://im57.gulfup.com/2MC2uL.jpg

الدرج الاول حاطة فيه كل مستلزمات حمامها يعني جال دوش بارفان طالك الخ و دايرتهملها في صاك دوتوالات خاصة بيها

الدرج الثاني حاطة فيه ملابسها الداخلية التقاشر التريكوتبووات باليدين و بلاش السليبات السريبتات الصغار تاع الحليب البافوارات

الدرج الثالث ملابس البيت من سراول و جوكينقات و تريكوات و ملابس النوم ايضا

الدرج الرابع دايتلها فيهم ملابس الخروج لي تخرج بيهم

الدرج الاخير دايرتلها فيه سرابت الدوش و الوجه و الراس و الدراوات و الكوفيرطات

و فوقو ايضا مستغلاتو

دايرة فوقو علبة حذاء و حاطة فيها 2 كوش و لانجات و بوماد تاع البيبي و الجلد لي نبدللها فوقو وحاطة ايضا علبة الكوش الكبيرة زوجي يشريلها

العلبة تاع 40 كوش يعني حاطة فوقو علبة الكوش و فوقها علبة الحذاء ان شاء الله تكون الفكرة وصلت

بما اني موظفة فبنتي نحطها عند جداها

فبنتي قفتها لي تديها عند جداها نوجدهالها من الليل

نحطها فيها 3 كوش علبة حليبها تريكوتبو سونمونش و اخر باليدين و سليب سريبتة صغيرة للحليب علبة صغيرة فيها العدس الاحمر باشاديرولها في

البيون بافوار تريكو باليدين مغيرفتها و صبسيها

فالصباح انضيف لقفتها 2 حبات فرماج و 1 بتي سويس دانينو و كل يوم انديرلها نوع باش ماتملش يعني نهار فراز نهار بنان نهار مشماش الخ و

نحطلها ثاني 2 حبات قاطو يا بتي بيمو يا قاطو خاص بالاطفال و هادو نحطهم كامل في صاشي صغير

ماننساش ايضآ البيبرو تاع الماء و تاع لحليب مغليين طبعا ولانجت و بوماد و جلد لي تبدل عليه الكوش

هادي هي قفة بنتي الصغيرة

من قبل كنت موجدة لبنتي صاك دوتوالات صغيرة و مخليتها عند جداها فيها بارفان تاعها طالك حليب البيبي صابونة بيبي قون سريبتة مشط

تارموماتر و سيبوزيتوار ادا جاتها حمى لاقدر الله

بيون بنتي عبارة حبة باطاطا حبة كورجات و حبة زرودية و ندير فيهم مغيرفة عدس احمر كي يطيبو و نجي نرحيهم يانديرلهم ربع حبة صفار بيض

مغلي يا شوية زيت الزيتون و ممكن ايضا نطيب معاهم يا شوية جاج يا شية لحم مرحي

من الليل نوجد لبنتي مونتوها بونيها لي قون تريكو و سروال لي تلبسهم الصباح و صباطها طبعا

تم
ان شاء الله يكون عجبكم موضوعي

[halouma tita]

الله يبارك ويعطيك الصحة انشاء الله

[meriem hanin]

بسم الله ماشاء الله ربي يبارك فيك و في نشطاطك و يحفظلك بنتك و زوجك
عن جد مراة موظفة و منظمة باتم الكلمة
يا اختي حبيت نسقسيك و ايفيديني
انا عاملة كل يوم هدا الجمعة من الثمانية للخمسة نتاع العشية و راني مخطوبة و باذن الله داري وحدي لكن لحد الان ماعرفتش كيفاش نظم روحي
انتي دوامك فالعمل كيفاش و باش تنصحيني و نقدر نطبق كاامل واش درتي في موضوعك المميز
تقبلي مروري و انتظر الاجابة منك
بار ك الله فيك

[reuka salvatore]

mawdo3 f l9ima machkora afadtina

[sawceno]

شكرا عزيزتي على النصائح الرائعة
انا تاني خدامة و عييت ندير نظام و ولدي مهبلني و زيد داري ضيقة الحاصول كرهت حياتي

سلام اختي
انا راني كيفك عندي نفس المشاكل بصح حاولت انظم روحي على قد ما نقدر كان الله في عونك و عوني

[sawceno]

4444444444444444444

444444444444 الله يبارك فيك ويكثر من امثالك في بلادنا و بلاد المسلمين ااااااااااااااااااامين

شكرا اخواتي نورتو موضوعي

[sawceno]

بارك الله فيك اختي مشكورة على الافادة

ما شاء الله ولاقوة الابالله ربي يزيدك قوة وشطارة ويبارك لك فى زوجك وفي بنتك

والله افكار روعة يعطيك الصحة انا تاني مي مقدرتش نوفق باسكو عند اهل زوجي

تبارك الرحمان نظام روعة ورعاية بجسمك اروع
موضوع حفزني على كثير نقاط خاصني نلتها بيها
كنت نتهلى في روحي وفي داري لكن الحمد لله اليوم مع خمس اولاد ربي يباركلي فيهم ويحفظهملي النظام راح والجمال قريب راح الا ما رحم ربك
تحياتي وشكري الخالص على موضوعك الرائع

عجبتني طريقة مسح الغبار بزيت الاطفال
شكرا لك

الله يبارك ويزيد نصائح في القمة

بارك الله فيك
افكارك جميلة...........وصدقتي اختي.....النظام والمواضبة سر النجاح

شكرا على النصائح المفيدة

ماشاء الله نظام رائع
و حتى طرحتيها بتسلسل و أسلوب نشوق إذا عندك أفكار أخرى زيدي حطيها راكي شوقتينا للمزيد أختي

شكرا اخواتي نورتو موضوعي

[sawceno]

ماشاء الله عليك حنونة ربي يبارك فيك
حبيتك تقوليلي على الحلويات اللي تخدميهم وتحطيهم في الكونجيلاتور ؟؟
وبنتك شعال عندها من عام ...انا بنتي تحبني غير رفدتها ونصف شغلي مانديروش...عندها 5اشهر؟

سلام اختي
الحلويات لي نحطها في الكونجيلاتور هي حلويات جافة او بالشكولا
مانكذبش عليك مرات كي يكون عندي الوقت انطيب و مرات نكمونديها هاكا نتهني اذا جاني ضيف على غفلة
بنتي صغيرة عندها 10 اشهر و مهبلتني شوفي ردودي لي حاطتهم راني حاطة وين انديرها كي نكون عندي الشغل

[sawceno]

بسم الله ماشاء الله ربي يبارك فيك و في نشطاطك و يحفظلك بنتك و زوجك
عن جد مراة موظفة و منظمة باتم الكلمة
يا اختي حبيت نسقسيك و ايفيديني
انا عاملة كل يوم هدا الجمعة من الثمانية للخمسة نتاع العشية و راني مخطوبة و باذن الله داري وحدي لكن لحد الان ماعرفتش كيفاش نظم روحي
انتي دوامك فالعمل كيفاش و باش تنصحيني و نقدر نطبق كاامل واش درتي في موضوعك المميز
تقبلي مروري و انتظر الاجابة منك
بار ك الله فيك
ان شاء الله اختي بزيان السعد
انا دوامي من 8 و 15 د لل3 تاع العشية و عندي ساعة تاع فطور
شوفي كيفاش انا ندير
انوض صباح شوية بكري نشرب بنتي حليبها و نبدلها و نخليها تكمل نومها
نطيب قهوة و في نفس الوقت نرفد الفراش انظم غرفة النوم على السريع
ندير لحوايج في الغسالة من الليل صباح غير اندير الصابون و نشعلها
داري من الليل مخملة كل حاجة في بلاصتها
حوايجي جوايج بنتي و راجلي كامل واجدين مام اماعن القهوة نوجدهم من الليل
الفطور نطيب عشا و فطور
كي نشربو القهوة نخمل الكوزينة على السريع مانغسلش لماعن بصح نطمهم بجيه
كي نجي خارجةنهوي الدار
هادي في الصباح
لعشية كي نجي من الخدمة نرتاح شوية و نكمل شغلي

[sawceno]

الله يبارك ويعطيك الصحة انشاء الله


mawdo3 f l9ima machkora afadtina

شكرا نورتو موضوعي

[maysonmaya]

موضوع رائع

[maysonmaya]

الله يبارك ويعطيك الصحة انشاء الله

[ملك 25]

الله يبارك مهندسة في كل شيء شكرا على النصائح القيمة و الله يجعلها في ميزان حسناتك نتمنى دوما المزيد

[khadidjakhadidja]

السلام عليكم ..
كم انت رائعة الاخت سوسن و الله اعجبني ما كتبته كلك نظام و انضباط و تدبير وفقك الله .اخذت منك مجموعة من النصائح و التدابير و ساطبقها ان شاء الله .و خاصة ما طرحتيه في مجال التجميل ساقف هنا كي اطلب منك او من احدى اخواتي من تنصحني بوصفة او مرهم للكلف على مستوى الوجه استعملت عدة كريمات لكن دون جدوى و شكرا لك اختي

[mimi1985]

chokran ya elfahla

[wissem1]

Nidamak raw3a khti y3tik a saha khti istefdt mnk bzef

[hanouna09]

شكرا اختي وربي يهنيك ويوفقك في حياتك ويخليلك بنتك حتى تشوفيها عروسة

[القرآن راحتي]

يأ أختي ماشاء الله لا قوة الا بالله وجزاك الله خيرا على الموضوع وعلى المنتجات التجميلية وشكرا على الوقت الذي منحتيه لنا ولكن لي سؤال لو تكرمتي، بالنسبة لمنتوجاتك التجميلية هل تشترينها من الصيدلية أو من محلات التجميل خاصة ان هناك منتجات إما مقلدة او غير أصلية وهناك ماهو مجهول مصدرها؟ بارك الله فيك ونفع بك المسلمات

[ام نور78]

رووووووووعة روووووووووووعة ماشااااااء الله... الله يبارك
:19::19::19::19::19:

[sawceno]

موضوع رائع

الله يبارك ويعطيك الصحة انشاء الله

الله يبارك مهندسة في كل شيء شكرا على النصائح القيمة و الله يجعلها في ميزان حسناتك نتمنى دوما المزيد

شكرا يا بنات نورتو موضوعي

[sawceno]

السلام عليكم ..
كم انت رائعة الاخت سوسن و الله اعجبني ما كتبته كلك نظام و انضباط و تدبير وفقك الله .اخذت منك مجموعة من النصائح و التدابير و ساطبقها ان شاء الله .و خاصة ما طرحتيه في مجال التجميل ساقف هنا كي اطلب منك او من احدى اخواتي من تنصحني بوصفة او مرهم للكلف على مستوى الوجه استعملت عدة كريمات لكن دون جدوى و شكرا لك اختي

شكرا اختي على ردك العطر
اسمحيلي مانقدرش نفيدك بالنسبة للكلف بصح نصيحتي ليك من الاحسن تروحي عند طبيب الجلد هو اضمن من الوصفات و ان شاء الله لبنات يفيدوك

[sawceno]

chokran ya elfahla

nidamak raw3a khti y3tik a saha khti istefdt mnk bzef

شكرا اختي وربي يهنيك ويوفقك في حياتك ويخليلك بنتك حتى تشوفيها عروسة

شكرا يا بنات نورتو موضوعي

[sawceno]

يأ أختي ماشاء الله لا قوة الا بالله وجزاك الله خيرا على الموضوع وعلى المنتجات التجميلية وشكرا على الوقت الذي منحتيه لنا ولكن لي سؤال لو تكرمتي، بالنسبة لمنتوجاتك التجميلية هل تشترينها من الصيدلية أو من محلات التجميل خاصة ان هناك منتجات إما مقلدة او غير أصلية وهناك ماهو مجهول مصدرها؟ بارك الله فيك ونفع بك المسلمات

شكرا اختي على الرد العطر
بالنسبة للمنتجات
كاين لي نشريهم من الصيدلية كيما واقي الشمس و جال انتيم وصابون ديتول
وباقي المنتجات نحاول نستعمل منتجات معروفة و اذا لاحظتي منتجاتي كلها تقريبا معروفة و في متناول الجميع

[sawceno]

رووووووووعة روووووووووووعة ماشااااااء الله... الله يبارك
:19::19::19::19::19:


شكرا حبيبتي

[القرآن راحتي]

شكرا اختي على الرد العطر
بالنسبة للمنتجات
كاين لي نشريهم من الصيدلية كيما واقي الشمس و جال انتيم وصابون ديتول
وباقي المنتجات نحاول نستعمل منتجات معروفة و اذا لاحظتي منتجاتي كلها تقريبا معروفة و في متناول الجميع

بارك الله فيك على الرد

[samar alil]

44444444444444444 a3tik alf saha baraka laho fi amthalak

[Nada 123]

شاطرة الله يبارك يعطيك الصحة

[jawada22]

الله يعطيك الصحة

[ام اياد]

machaa allaho fik okhti

[حمودية]

اللهم صلي على النبي خبرتك فايقة سنك...........

[مينوشه]

اختي العزيزة راني كل يوم ندخل نستنى كاش جديد يلا اتحفينا بشطارتك

[حمودية]

كيما قلتلك الفوق ان خبرتك فايقة سنك ......لكن كي عرفت انك مهندسة فهمة سر عبقريتك حنونتي....تحية مني اليك انا ايضا مهندسة
ههه....راني شايفة بلي الخلصة نتاعك اذخليها منا اتخرجيها منا....راني نتمسخر لتزعفي مني
لكن الحق يقال راكي متهلية في روحك ...الميكروايف و الكبدة...وغيرها انا استسمحك عذرا لكن ارى ان حياتك حياة رفاهية ولا الومك.....انا و انت نستطيع اقتناء هذه الاشياء بحكم الذخل لكن الي معندهاش واش اذير؟
المهم انا لم اتبع الدرب الذي تسيرين فيه بحكم اني لا املك المسكن المنفرد اي اعيش مع زوجي في بيت العائلة يعني راني نحوش دراهمي باش ندير الدار
ومن جهة اخرى راني نقتني في الذهب لانوا ينفع للزمان....عندي 8 اساور ....عقدان....2 ازواج حلقات ....قورمات....محزمة....5خواتم

اختي الغالية ارجوا ان تتطرقي في موضوعك القدام الى موضوع تقسيم راتبك
و الى مقتنياتك من الذهب...وهل تفكرين في اقتناء سيارة.....شكرا لك و اتمنى ان لا تنظري الى اسألتي على انها تطفل فأنا فقط اريد الاستفادة من تجربتك بحكم التقارب الكبير بيننا
انا مهندسة في الهندسة المدنية عمري29 سنة و سرني التعرف عليك

[ربة بيت]

يعطيك الصحة

[فرح حياتي]

يعطيك الصحة موضوع في القمة ومش شرط فقط العاملة لي تستفيد منو
انا عاملة وكل مرة نبدا نتبع برنامج معين ولكن مانداومش للاسف
مدايرة اجوندا نكتب فيها ليست تاع لي بلا لي نطيبهم في الاسبوع لكن كيما قلتي مانتقيدش بيها
لكن الشي المفيد فيها مرات نبقى غير نخمم وش نطيب وكاين اطباق نكون ناسيتهم منمدة مادرتهمش كي نطل على لاجوندا نتفكر ونسلك روحي

ربي يحفضلك بنيتك
:19:

[mojab]

:dj_17::dj_17::dj_17::dj_17::dj_17::dj_17::dj_17:

[Coêùr Főndù]

بارك الله فيكي يا شطورة

ان شاء الله نطلع كيفك كي نتزوج :p

جزاكي الله خيراا مع المزيد من التألق

[***سلمى ***]

رووووووووووووووووووووووووووووووووووووووووووووووووو وععععععععععععععععععععععععععععععععة
ربي يباركلك و يزيدك

[amel kamel]

ربي يبارك لاختى ,الاخت حموديه انا تانى مهندسه مدنيه ونخدم فى التعليم ونتى وين تخدمى

[kati83]

بارك الله فيك

[noor hassenl]

Merciiiiiiiiii

[om yousra]

والله تقول نتفرج في فيلم عن المراة المثالية انا قاعدة في الدار وعندي طفلة وساكنة مع العايلة ساعة تلقايني نتلى في كلش وزياعة نفشل لانو الروتين يكتل والماعن ثاني يا ختي ربي يدوم وانشالله نوللي لخدمتي ونرجع كيفك

[ام براء عبيدة]

الله بارك زيدي كملي عجبني الموضوع

[حمودية]

ربي يبارك لاختى ,الاخت حموديه انا تانى مهندسه مدنيه ونخدم فى التعليم ونتى وين تخدمى
اما مهندسة مدنية فرع طرق و منشات فنية و اشتغل في الاشغال العمومية

[omiyad49]

Four ya3tik saha

[sawceno]

44444444444444444 a3tik alf saha baraka laho fi amthalak

شاطرة الله يبارك يعطيك الصحة

الله يعطيك الصحة

machaa allaho fik okhti

اللهم صلي على النبي خبرتك فايقة سنك...........

اختي العزيزة راني كل يوم ندخل نستنى كاش جديد يلا اتحفينا بشطارتك

يعطيك الصحة

يعطيك الصحة موضوع في القمة ومش شرط فقط العاملة لي تستفيد منو
انا عاملة وكل مرة نبدا نتبع برنامج معين ولكن مانداومش للاسف
مدايرة اجوندا نكتب فيها ليست تاع لي بلا لي نطيبهم في الاسبوع لكن كيما قلتي مانتقيدش بيها
لكن الشي المفيد فيها مرات نبقى غير نخمم وش نطيب وكاين اطباق نكون ناسيتهم منمدة مادرتهمش كي نطل على لاجوندا نتفكر ونسلك روحي

ربي يحفضلك بنيتك
:19:


:dj_17::dj_17::dj_17::dj_17::dj_17::dj_17::dj_17:

شكرا يا بنات نورتو موضوعي

[sawceno]

كيما قلتلك الفوق ان خبرتك فايقة سنك ......لكن كي عرفت انك مهندسة فهمة سر عبقريتك حنونتي....تحية مني اليك انا ايضا مهندسة
ههه....راني شايفة بلي الخلصة نتاعك اذخليها منا اتخرجيها منا....راني نتمسخر لتزعفي مني
لكن الحق يقال راكي متهلية في روحك ...الميكروايف و الكبدة...وغيرها انا استسمحك عذرا لكن ارى ان حياتك حياة رفاهية ولا الومك.....انا و انت نستطيع اقتناء هذه الاشياء بحكم الذخل لكن الي معندهاش واش اذير؟
المهم انا لم اتبع الدرب الذي تسيرين فيه بحكم اني لا املك المسكن المنفرد اي اعيش مع زوجي في بيت العائلة يعني راني نحوش دراهمي باش ندير الدار
ومن جهة اخرى راني نقتني في الذهب لانوا ينفع للزمان....عندي 8 اساور ....عقدان....2 ازواج حلقات ....قورمات....محزمة....5خواتم

اختي الغالية ارجوا ان تتطرقي في موضوعك القدام الى موضوع تقسيم راتبك
و الى مقتنياتك من الذهب...وهل تفكرين في اقتناء سيارة.....شكرا لك و اتمنى ان لا تنظري الى اسألتي على انها تطفل فأنا فقط اريد الاستفادة من تجربتك بحكم التقارب الكبير بيننا
انا مهندسة في الهندسة المدنية عمري29 سنة و سرني التعرف عليك

شكرا اختي على الرد انتاعك
بالنسبة للشهرية و الله عندك الحق تجي منا تروح منا عليا و على داري و بنتي
و مانكذبش عليك مانحبش نخسر في روحي حاجةو الحاجات لي شاريتهم حقا مساعديني و فادوني بزاف
بالنسبة للذهب عندي عام و نصف ملي تزوجت ماشيتش حاجة صوف خاتم و طاحلي ادا الشر و راح
لكن قبل الزواج كنت شارية حاجات عند ي مثلا 2 بارور وحدة اشريتها انا وواحدة زوجي 4 قورمات 5 خواتم 2 مناقش تاع كل يوم و 2 كبار 2 سناسل وحدة تاع كل يوم ووحدة كبيرة بالموتيف تاوعهم هادا هو ذهب انتاعي
و السيارة راني موجدة حق الدفعة الاولى ان شاء الله اذا ماكليتهمش بكم راني بدلت الخدمة و مازال ماخلصونيش هادي مدة 4 اشهر غير نبدا نخلص نشريها ان شاء الله من الخدمة بالتقسيط
و شكرا حنونة اي استفسار راني هنا

[sawceno]

بارك الله فيكي يا شطورة

ان شاء الله نطلع كيفك كي نتزوج :p

جزاكي الله خيراا مع المزيد من التألق

رووووووووووووووووووووووووووووووووووووووووووووووووو وععععععععععععععععععععععععععععععععة
ربي يباركلك و يزيدك

بارك الله فيك

merciiiiiiiiii

والله تقول نتفرج في فيلم عن المراة المثالية انا قاعدة في الدار وعندي طفلة وساكنة مع العايلة ساعة تلقايني نتلى في كلش وزياعة نفشل لانو الروتين يكتل والماعن ثاني يا ختي ربي يدوم وانشالله نوللي لخدمتي ونرجع كيفك

الله بارك زيدي كملي عجبني الموضوع

four ya3tik saha

شكرا يا بنات نورتو موضوعي

[الندى48]

الله يبارك هكا التنظيم و لابالاش

[amina nourhanne]

الله يبارك ختي و الله يقدرك و يوفقك عجبتي المعطر ديال غرفة النوم ديالك يا ريت تقوليلي وين نقدر نشريه؟؟؟ و المبخرة ايضا؟؟؟؟ يعني عند من نلقاهم؟

[aminakhench]

يعطيك الصحة
مرة على مرة ونلقى فكرة جديدة

[سمراء الدنيا]

السلام عليكم و رحمة الله و بركاته
راني عارفا بللي وصلت متأخرة ... لكني سعيدة بأني قريت موضوع هايل كيما هذا
يعطيك الصحة اختي برنامجك هايل و افادني و افاد الاخوات كثيرا
ننتظر منك المزيد من المواضيع في هذا المجال
*
*
على فكرة يختلف برنامجي عن برنامجك قليلا ..... خصوصا مع كثرة الضيوف ووجود الاولاد ... نبدا من الصالون و المدخل ثم غرفة المعيشة ثم المطبخ ... اما غرفة النوم و غرف الاولاد نغلقهم حتى نخلص كلشي
لكن للي لفت انتباهي كثيرا هو اهتمامك بأنوثتك ... حمستينا نديرو كيفك ....
واصلي على هاذ المنوال و ربي يحفظك و يحفظلك بنتك و زوجك

[om assem et loudjain]

ما شاء الله لا قوة الا بالله
شحنتيني بالطاقة الإيجابية
لست عاملة لكني ام لبنت من ذوي الاحتياجات
التحضير المسبق يفيدني كثيرا ، والنظام يوفر علي وقت وجهد كبيرين
ساسير على خطاك بإذن الله

بارك الله فيك

[polyma]

الله يعطيك الصحة

[mina1333]

بارك الله فيك

[ضحى تسابيح]

الله يبارك أختي ..... نظام هايل....... ربي يحفظك

[mohamedtipaza]

يعطيك الصحة اختي.....جزاك الله الف خير

[layale sara]

يعطيك الصحة ......و ر بي يوفقك

[sabrina.sonia]

هاااااااااااااااااايلة واصلي على هدا المنوال
لكن نصيحة لا تكثري من استعمال الميكرويف لان كثرة استعماله تظر بالصحة (بيناتنا انا تاني كنت نستعمله غير هو لكن كسمعت انه مظر نقست من استعماله)

[solis]

شكرا أختي على الموضوع في قمة الروعة

[سيدرة150]

ما شاء الله والله تلهمينا للعمل ونشاط

[عجان الحديد]

بيت في منتهى التنظيم

[رحيق الورد]

merciiiiiiiiiiiiiiiiiiiiiiiiiiiiiii c bien rabi yahfdek

[دلال 30]

ما شاء الله..... معك الى الاماااااااااااااااااااام

[سوار سارة]

أفكار قيمة مشكوووووووووورة
يعطيك الصحة

[houda madrid]

يعطيك الصحة اختي

[roza montero]

مشكككورة سيدتي لة تفضلت ممكن اسم المعطر تع غرفتك واقي الشمس لي تستعمليه مليح ولا لا مشاء الله عليك انا ايضا نتبع نفس نظامك وكل ما نستعمل حاجة نرجعها لست متزوجة اي دارنا مختبر تجارب شكرااااا للموضوع الرائع

[Business.pro2100]

تشكر على المجهود الطيب .

[هنو ام ياسر]

كثرنا عليك راني حاسة كل فحلات المنتدى راهم يستنو واش تزيدي تحطي عندك طريقة جميلة في الشرح تخلينا نتشوقو للمزيد يعطيك الصحة

[هنو ام ياسر]

و الله غير هبلتيني ما شاء الله حتى الكريمات تنتقيهم بروعة خموس عليك

[rafik20799]

السلام عليكم................الله يبارك

[ايمان العرب]

ما شاا الله عليك لكن حاليا ما نقدر نطبق التعليمان لاني ماكثه مع اهل زوجيفي بيت كبير اطيري في السماا و ما تقدري تنظميه انا غير التسياق نتع طابقين يشدني من الثا منه صباحا حتي للظهر و في الاكل كل واحد يتقلش علي طبق المهم كااارثه ..و.

[om wassim]

موضوع رائع بارك الله فيك

["شريفة"]

الله يبارك استفدنا من خبرتك شكرااااااااااا

[ikramoran]

شكرآآ موضوع في القمة،ربي يهنيك إن شاء الله

[شموس12]

الشطارة باينة عليك شكرا لك افدتينا حبيبتئ

[aouniak]

مشكورة على هذه الافكار

[الوردة الندى]

نموذج نفتخر بيك يا الشاطرة

[علاوة اميرة]

شاطرة ما شاء الله

[احلى صفصوفة]

ما شاء الله عليك شاطرة ربي يبارك واستفدنا منك ونبقاو متابعينك

[sawceno]

مشكككورة سيدتي لة تفضلت ممكن اسم المعطر تع غرفتك واقي الشمس لي تستعمليه مليح ولا لا مشاء الله عليك انا ايضا نتبع نفس نظامك وكل ما نستعمل حاجة نرجعها لست متزوجة اي دارنا مختبر تجارب شكرااااا للموضوع الرائع

العطر تاع الغرفة اسمو الرحاب ورد مغربي
واقي الشمس هايل و مانستغناش عليه ووصفولي طبيب الجلد على فكرة

[sawceno]

ما شاا الله عليك لكن حاليا ما نقدر نطبق التعليمان لاني ماكثه مع اهل زوجيفي بيت كبير اطيري في السماا و ما تقدري تنظميه انا غير التسياق نتع طابقين يشدني من الثا منه صباحا حتي للظهر و في الاكل كل واحد يتقلش علي طبق المهم كااارثه ..و.

سلام اختي
ربي يكون في عونك ان شاء الله يرزقك بدار وحدك و اتنظميها كيما تحبي
لكن الٱن تقدري تبداي بغرفة نومك
شوفي موضوعي هادا رانا في غرفة النوم ممكن يفيدك

http://www.djelfa.info/vb/showthread.php?t=1725668

[sawceno]

أختي نسلك على واحد الحاجة وما تضحكش علي
قلت ملح الحليب وشنو هو تديره في بلاصةكيسة ولا جل دوش مفهمتش

wech raykoum fi les produits orifla****
parfum dielhoum mlih, deo mlih wela chwiya??


Chokran oukhti

ملح الحليب هو قوماج مقشر
انا نستعملو بهاد الطريقة : ندير شوية جال دوش + ملح الحليب و نماسي بيه جسمي مليح ممكن تستعملي الحبيلة لازم تكون حرشة باش يعطيك نتيجة مليحة
سامحيني عطور اوريفلام و ديو مازال مآستعملتهمش بصح على العموم منتجات اوريفلام مليحة

[sawceno]

الله يبارك ختي و الله يقدرك و يوفقك عجبتي المعطر ديال غرفة النوم ديالك يا ريت تقوليلي وين نقدر نشريه؟؟؟ و المبخرة ايضا؟؟؟؟ يعني عند من نلقاهم؟

المعطر و المبخرة كاين حوانت سبيسيال يبيعو حوايج تاع السعودية او الحج كيما يقولو هادوك تصيبيهم عندهم ماعلاباليش ادا عندكم في ولايتكم

[أم يوسف العربي]

ماشاء الله ربي يبارك فيك و يحفظك من كل سوء ومن كل عين
راني نحاول نشطار درتيلي القلب ربي يحفظك

[nibou]

شكرا لييييييييييك

[حبيييبة]

مااااااااااا اروعك يا اختي sawceno
و ما اروع نظامك و تاويلك
ماشاء الله لاقوة الا بالله
والله انت نعم المرأة العاملة و نعم المثال الذي يحتدى به
و نعم ربة البيت المدبرة لشؤون حياتها و بيتها
والله ما خليتيلي ما نقول
نظامك في بيتك راااااااااااائع
ماشاء الله لا قوة الا بالله
راني غير نعاود فيها باه ما تلحقكش العين :D

ربي يحميك و يخليك لزوجك و بنيتك ياا رب
و يعطيك الصحة يا الفحلة
والله نتمنالك حياة سعيدة و جميييلة جدا
بجمال روحك و قلبك و عقلك
و ارادتك و اصرارك
و تحققي فيها كل احلامك و اهدافك يااا رب
آآآمييييييييييييييين

[chahrazed g]

الله يبارك راكي فحلة تاع الصحة ان شاء الله نتبع طريقتك عجبتني بزاف

[جلفااوية]

ماشاء الله ربي يحفظك ويعينك ان شاء الله والله عطيتينا افكار رائعة يعطيك الصحة والعافية بارك الله فيك

[محمد التبسي]

bravo bravo bravo

[***سلمى ***]

ماشاء الله عليك ربي يحفضك

[h_hakima08]

يعطيك الصحة اختي راكي منظمة نتاع الصح
موضوع مميز جزاك الله خيرا

[أم فاطيمة]

ربي يبارك ياختي و يخليك لعائلتك
بصح مانيش عارفة علاه الصور ما تبانليش

[ab hadjer]

بـــــآرك الله فيك

[أم رقية نسرين]

يعطيك الصحة

[ران الذكية]

يعطيك ألف صحة

[ام تقوى 34]

فحلة ماشاء الله

[الوردة الندى]

ما شاء الله ابدااااااااااااااااااااااااع بلا حدود

[امونة الشاوية]

شكرا على المعلومات

[fella987]

الله يحفظك و يعطيك الصحة و العافية

[raghado]

ماشاء الله ربي يعطيك الصحة

[randa13]

Svp mabanoulich les photos de produits de gommage momkin ta3tini ismhom ;ana nassta3mel gommage le petit olivier bessah maranich radya 3la natija

[ام معاذ وسلمى]

شكر بارك الله فيك

[khawla kikou]

ما شاء الله ان شا الله نطبق البرنامج نتاعك عجبنب بزاف لابي يحفضك

[أ م ساجد وسيم]

يعطيك الصحة قافزة وشاطرة تبارك الله

[ommo khawla]

والله ساطرة ما شاء الله عليك

[الشهباء]

روووووعة يعطيك الصحة

[الرجاء الاماني المجد]

يعطيك الصحة اختي افكار هايلة

[بلقيس88]

البسملة1
تبارك الله عليك أختي الفاضلة موضوع في القمة أنا عجبني هذا النظام بزاف بالرغم انه الصور لم تظهر لي :confused::confused: أتمنى لك المزيد من التوفيق و النجاح في حياتك باذن الله :19::19:موفقـــة حبيبتي انشاء الله

[هدايات26]

يعطيك الصحة ............انا كنت مثلك لما بدات حياتي الزوجية وكدلك لما كنت بطفلة واحدة لكن اليوم بنتي ماشاء الله عليها عمرها 18 السنة وجاووحدخرين مراها
المهم الان انا في الصباح نسبق في شغل الكوزينة ونحط الملابس في الغسالة ونطيب الفطور ننتظرهم حت ينوضوا وويتوجهوا للمدارس باه نكمل اما يوم الجمعة وايام العطلة ما نحكيلكش النظام ينقلب ونظطر نستناهم ينوظوا وادابداو يقظيو في الشغل ما نعرف اندير والو.حكيتلك باه نقولك بلي النظام يروح مع ايامو .شكرا.

[نهلةن]

صح والله كل ما كبرت العائلة لازم تتخلط بصح كي يكونو يقراو ووووواو نضام مليح يخرجو كامل ونبدا في الشغل براحتي بصح كي كونو في الدار نحبس كل شئ غير نطيب برك حتى نهار الاحد يبدا الشغل من جديد الويكاند راهو خالوطة هههههههههههههههه

[hanamohamed]

بارك الله فيك

[سلاف34]

يعطيك الصحة

[لجين امنيتي]

يعطيك الصحة علي هذه المعلومات

[sandybelle1]

يا سلام يا سلام حفزتينا باش نعملو كيفك احلى الامنيات لك ولعائلتك

[Hinda_dz]

رائع ما تقومين به وفقك الله

[salma_nour]

والله افكار روعة يعطيك الصحة

[جنة نور الايمان]

مشكورة اختي

[saidimeryem]

الله يعطيك الصحة على هاد التوجيهات

[أم أسامة]

يعطيك الصحة على هذا الموضوع مشوق و مفيدالصور تاع المنتجات راحت يا ريت تجدديهم
شكرا جزيلا ربي يوفقك

[ام بلسم]

يعطيك الصحة يالفحلة رانا متفاهميين في كلش وش برك انا مشكلتي الماااااااااااااعن نجبد كلش وكلش يبانلي ضروري وكي ندير كاش حاجة تطلي للماعن تقولي عرس بلا معاريييييض ههههههههه

[miya_12]

بارك الله فيك اختي

[sennou23]

بارك الله فيك وجزاك الله كل خير

[hanamohamed]

الله يبارك على النظام

[afrahe]

الله يبارك نتمنى نقدر ننظم روحي كيفك

[fatijijel]

موضوع هايل قمة في الروعة بارك الله فيك

[sidni]

ya3tik asaha okhti raki nachta

[anfel97]

موضوع جد راائع الله يوفقك و يكون في عونك و ربي يدوم الصحة

[naritanacer]

thank you for you are advice

[salamon kalou]

Merci. شكرا. اختي. علي. المضوع. كملي بارك. الله. فيك. شكرااااا

[abouzahir]

مشكورة جزيلا احتاه

[الحب و الوفاء]

شكرا اختي على نظامك لكن هذا النظام لوحدة عايشة لروحها معنتها تحسب ليها برك

[ابو علوه]

اكثر من روعــــــــه

[tahiya]

انت رائعة فعلا

[Sarita 19]

شكرااا على الموضوع

[ghazalt assahra]

يعطيك الصحة اختي الحقيقة استفدت منك بزاف واخدت بعض النصائح.هدي هي المراءة العاملة يااما تكون شاطرة و صبارة ولا تفسد حياتها و ما تكونش مرتاحة.

[fardoussa]

4444444444444444444444444444

[oumnor]

baraka laho fiki

[فضيلة.ف]

الله يبارك برنامج يومي هايل

[inaschimie]

هاذا الكل و موظفة يعطيك الصجة

[منال9]

بارك الله فيك و جزاك خيرا عنا

[Faiza-21]

الله يبارك فيك و يجازيك

[lilanor]

السلام عليكم اختي العزيزة موضوع مفيد لكن الصور لا تظهر ارجو تجديد الموضوع

[misskami]

ماشاء الله ربي يبارك فيك و يحفظك من كل سوء ومن كل عين
راني نحاول نشطار درتيلي القلب ربي يحفظك

[أندلسيات]

بارك الله فيك

[تاج الهناء]

يعطيك الصحة يا الفحلة روتينك عجبني كملي

[تاج الهناء]

رانا نستفادو يعطيك الصحة حنونة

[dzsaradz]

شكر بارك الله فيك

[ام أمنه ss]

قمه الروعه وقمه انضام حنونه الله يسعدك واستفدت منك ياسر علي قولتنا

[المطمئنّة]

السّلام عليكم ورحمة الله وبركاته
ما شاء الله نظام في القمّة حقّا، أساس النّجاح في تنظيم جُلّ أمورنا هو الاستيقاظ باكرا كما ذكرتِ
استفدتُ كثيرا من موضوعكِ ونصائحكِ
بارك الله فيكِ وجزاكِ الله خيرا وحفظ أهلكِ وبيتكِ
شكرا