فلنحكي لهم ...أجمل حكاية

[ابداع جزائرية]

http://up99.com/upfiles/png_files/dCs64319.png
لا أحد ينكر وقع القصّة العميق في نفسيّة الطفل
وفي تكوين شخصيته واعتقاداته
والاكيد كل وحدة منكم يا امهات وبل حتى العازبات
جربت تحكي قصة لأطفالها او للأطفال من حولها ...
وشافت تعلّقهم واهتمامهم وتأثرهم بيها ...
من هاذ المنطلق حبيت ننقلكم تجربتي في حكاية كلنا نعرفو عناوينها العريضة
لكن ممكن اغلبنا ماكانش عندهم الوقت يحكو تفاصيلها للاطفال
ظنّا منّا أنهم مازالوا مش قادرين على استيعابها ...
والاسلوب اللغوي اللي يكبر سنّهم ويحول دون فهمهم لها
وكما نعرفو خيال الطفل وعقله كالوعاء
إن لم نشغله بشيء مفيد ....انشغل بغيره ...
خاصة في الوقت اللي رانا فيه ...ومع كثرة البدائل ...
كنت شفت حكاية مبسّطة للأطفال ابتداءا من 3 سنوات
حكاية مبسّطة ومشوقة ...ولما بديت نحكيها لأولادي
لقيت ولله الحمد والمنّة قبول ماشاء الله وشغف
أنهم كل يوم يستنّو موعد الحكاية
ويتشوّقو يعرفو وش اللي صرا من بعد ...
هكذا يزيد تعلّقهم وحبّهم لنبينا وحبيبنا وسيدنا محمد
اللهم صلّ وسلّم وبارك على نبيّنا محمد

الحكاية الحقيقة كنت شفتها في منتدى عربي ربي يجازي صاحبتهاخير
واستأذنتها للنشر فقط طلبت ارفاق هذه الجملة :


اللهم بارك لصاحبة هذا العمل في أولادها ..و اجعلهم نعم الأبناء البارين و العباد الصالحين


وهي دكتورة وحاولت نقل السيرة اللي قراتها من عدة موارد
لحكاية مبسّطة تنقل نفس القيم لأطفالها ...بروح الأم
فلندعو لها ...و ...:o...لييي...:D
الحكاية طبعا باللغة الدارجة غير لغتنا ..
فحاولت نترجمها لدارجتنا ...وحكيتها لأولادي
وكي لقيت ثمار قلت نتشاركو

وحتى المسؤولات في دور الحضانة ...
يمكن لهذه القصة أن تعود عليك بكنووووز
بعدد الاطفال اللي حكيتيلهم ان شاء الله

حكاية بكل حكايات الدنيا ...


معانا ان شاء الله يا أمّهات ...

نحكو لأولادنا ...ونعطوهم جزء صغيييير من أوقاتنا
يُؤتي أُكْله إن شاء الله

نحكو لأولادنا على حلقات ان شاء الله
أجمل حكاية ...



http://up99.com/upfiles/png_files/ts364319.png

إن شاء الله نحطّ روابط الحلقات تباعا هنا
الحلقة 1 (http://www.djelfa.info/vb/showpost.php?p=3992056819&postcount=2)
الحلقة 2 (http://www.djelfa.info/vb/showpost.php?p=3992060484&postcount=11)
الحلقة 3 (http://www.djelfa.info/vb/showpost.php?p=3992083931&postcount=18)
الحلقة 4 (http://www.djelfa.info/vb/showpost.php?p=3992088256&postcount=21)
الحلقة 5 (http://www.djelfa.info/vb/showpost.php?p=3992093892&postcount=31)
الحلقة 6 (http://www.djelfa.info/vb/showpost.php?p=3992099339&postcount=35)
الحلقة7 (http://www.djelfa.info/vb/showpost.php?p=3992104684&postcount=43)
الحلقة 8 (http://www.djelfa.info/vb/showpost.php?p=3992122149&postcount=51)
الحلقة 9 (http://www.djelfa.info/vb/showpost.php?p=3992136398&postcount=56)
الحلقة 10 (http://www.djelfa.info/vb/showpost.php?p=3992143693&postcount=60)
الحلقة 11 (http://www.djelfa.info/vb/showpost.php?p=3992145965&postcount=63)
الحلقة 12 (http://www.djelfa.info/vb/showpost.php?p=3992182963&postcount=70)
الحلقة 13 (http://www.djelfa.info/vb/showpost.php?p=3992186352&postcount=72)
الحلقة 14 (http://www.djelfa.info/vb/showpost.php?p=3992227960&postcount=84)
الحلقة 15 (http://www.djelfa.info/vb/showpost.php?p=3992264659&postcount=96)
الحلقة 16 (http://www.djelfa.info/vb/showpost.php?p=3992277311&postcount=99)
الحلقة 17 (http://www.djelfa.info/vb/showpost.php?p=3992292673&postcount=101)
الحلقة 18 (http://www.djelfa.info/vb/showpost.php?p=3992356036&postcount=109)
الحلقة 19 (http://www.djelfa.info/vb/showpost.php?p=3992358529&postcount=110)
الحلقة 20 (http://www.djelfa.info/vb/showpost.php?p=3992381718&postcount=117)
الحلقة 21 (http://www.djelfa.info/vb/showpost.php?p=3992435040&postcount=130)
الحلقة 22 (http://www.djelfa.info/vb/showthread.php?p=3992491181#post3992491181)
الحلقة 23 (http://www.djelfa.info/vb/showpost.php?p=3992527380&postcount=141)
الحلقة 24 (http://www.djelfa.info/vb/showpost.php?p=3992584386&postcount=146)
وأرحب بكل ملاحظاتكم وانتقاداتكم البنّاءة
ربي يوفقنا لما يحبّ ويرضى ويجعله عملا خالصا لوجهه الكريم

http://up99.com/upfiles/png_files/KWU64319.png

[ابداع جزائرية]

فقط حبيت نقول أنه حكيتها بعفوية بهاذ الشكل
فكل أم تقدر تغيّر في طريقة الكلام بما يناسب طريقة حوارها وأطفالها
وبالنسبة لي أحسن وقت مناسب للحكاية..
كان قبل مايرقدو ...
وكنت نحكي من الجهاز ...وهوما يشوفو بعض الصور ويعلّقو

نبدا على بركة الله ...



الحلقة الأولى:




كان يا ماكان ...

http://im80.gulfup.com/RD8s10.jpg
وماتحلا القعدة غير بذكر النبي عليه الصلاة والسلام ...



وش يقولو الولاد القافزين؟



عليه الصلاة والسلاااام ....ممتااااز



هيا حبوباتي قولولي السّع ؟.تعرفو شكون هو احسن واحد في الدنيا ؟...سيدنا محمد؟



نعم...سيدنا محمد ...

سيدنا محمد هو اللي بعثه ربي سبحانه باه يعلّمنا الصحّ والخطأ



...الحلال والحرام ...

ربي سبحانه اختاره من بين كوووووول الناس باه يوريلنا الاخلاق الحسنة ...والاعمال الطيبة



ويعلّمنا ديننا ..ديننا :.الاسلام :)



واللي يحب سيدنا محمد ..ويسمع كلامه ...
ربي سبحانه يحبّه ويرضى عليه



ويدخّله الجنة ...
http://im52.gulfup.com/xA3Xit.jpg


الجنة هاذي حبوباتي مكان جمييييييييييل ...

فيها كل اللي نتمنّاو ..ومهما فكّرنا في الحوايج اللي نتمنّاوهم ..

راح يكون في الجنّة احسن منهم ..



كان بكري..بكري خلاااااص ..
لما كان سيدنا ابراهيم وولده اسماعيل ...يبنيو في الكعبة
http://im52.gulfup.com/4rpvWt.jpg

....وقف سيدناا ابراهيم يدعي ربي سبحانه من قلبه ...

انه يبعث للناس واحد ...رسول ...ينعّت للناس الصح من الغالط ....


الحلال من الحرام ...ويعلّمهم الخير ...

ربي سبحانه استجاب لدعوته ...

واختار سيدنا محمد صلى الله عليه وسلّم باه يكون هو المعلم...


اللي يعلّم الناس الخير ...يعلّمهم أوامر ربي سبحانه ...



سيدنا محمد كان اسم أبيه عبد الله بن عبد المطلب ...

وش كان اسم باباه أمّي؟ عبد الله ابن ؟ جيّيّيّد ... ابن عبد المطلب



(لازم الطفل يعاود معاك ...وكي يقول ...ندعوله دعوة خير بابتسامة :

ربي يحفظ وليدي او بنتي ...ربي يرضى على وليدي...

ولو ماشفاش عليها مليح عاوديها برك مرّات )



وماماه وش كان اسمها ؟شكون يعرف؟ ...

كان اسمها آمنة بنت وهب ....

آمنة بنتُ؟...وهب (يعاودو معاك)



لمّا كان سيدنا محمد بيبي صغييييير في بطن ماماه ...

أبوه عبد الله مات ...http://www.djelfa.info/vb/images/icons/icon9.gif

وماشافوش خلاص لأنه هذاك الوقت كان مازال مازادش...
سيدنا محمد زاد في عام الفيل ...
تعرفوا ماما علاه سمّاوه عام الفيل؟
http://im52.gulfup.com/Ozwlr5.jpg




سمّاوه عام الفيل لأنه ابرهة الشرير كان حابّ يهدّم الكعبة بالفيل الكبيييييييير اللي جابه



لكن ربي سبحانه ماخلاّهش وعاقبه هو والجنود نتاعه كي رسل عليهم طير ابابيل (كيما نقراوها في سورة الفيل )



المهم ...كي زاد سيدنا محمد...
ماماه (امنة بنت وهب) بعثت لجدّه ...ابو باباه ...
(جده اسمه كما قلنا عبد المطلب) ...
جا جدّه عبد المطلب وشافه لقاه طفل بااااااهي وحبّووووب ...
وأم سيدنا محمد آمنة قالتله : كي كنت بالحمل نمت حلم جميييييييل ...الحلم كان فيه نور يخرج من جسمي وينوّر الدنيا كااامل ..
فحسّ جدّه عبد المطلب بلّي الطفل هذا مش طفل عادي ...وبلّي كي يكبر راح يعلّم الناس وينور قلوبهم كما ينور النور الدنيا ...



فجدّه قال ...انا راح نسمّي هاذ الطفل محمّد...
وماكانش هذاك الوقت خلااص اللي سمّى ولده من قبل محمد...
فالناس حارت وقالتله وش معناه: ...محمد...؟
قالهم معناه ربي في السماء يحبّه ويحب اخلاقه الطيبة والناس في الارض تحبّه وتحب اخلاقه الطيبة.
:)




ضركا... سيّدنا محمد راح يبقا مع جدّه ؟...ولاّ مع ماماه؟... ولاّ في بلاصة اخرى ؟ :rolleyes:
هذا اللي راح نشوفوه مع بعض في الحلقة الثانية من القصة الجميييييييييييييييلة ...



صلّو على نبينا المختار ....



اللهم صل وسلم وبارك على نبينا محمد

[oum sabrin]

يعطيك الصحة أختي إبداع جزائرية على هذه المبادرة المثمرة :19::19::19:
ما شاء الله الأسلوب بسيط و مشوق في نفس الوقت أنا إبنتي عمرها 5سنوات و تموت على القصص و لا يوجد أجمل من قصة سيد الخلق محمد صلى الله عليه و سلم، والله .شوقتيني أنا قبل أبنائي لمواصلة سرد القصة
جعلها الله في ميزان حسناتك على غرار صاحبة القصة حفظكما الله و حفظ أبناءكم آآآآآآآمين

[mereyoucef]

رائع و الله فكرة جديدة و هايلة ربي يجازيك

[ابداع جزائرية]

يعطيك الصحة أختي إبداع جزائرية على هذه المبادرة المثمرة :19::19::19:
ما شاء الله الأسلوب بسيط و مشوق في نفس الوقت أنا إبنتي عمرها 5سنوات و تموت على القصص و لا يوجد أجمل من قصة سيد الخلق محمد صلى الله عليه و سلم، والله .شوقتيني أنا قبل أبنائي لمواصلة سرد القصة
جعلها الله في ميزان حسناتك على غرار صاحبة القصة حفظكما الله و حفظ أبناءكم آآآآآآآمين
يسلّمك عزيزتي صلى الله عليه وسلم ..بالفعل وانا جربتها مع ولادي وكانت ماشاء الله تجربة ناجحة
على هاذيك حبيت تعم الفائدة ...ان شاء الله يكون تفاعل اكثر من البنات واللي جربت تقولننا كيف كانت الاجواء عندها
اللهم امييين اختي جزاك الله خيرا

[ابداع جزائرية]

رائع و الله فكرة جديدة و هايلة ربي يجازيك
العفو عزيزتي ...واياكي اختي نوّرتِ

[**افنان**]

السلام عليكم ورحمة الله
ماشاء الله عليك اختي فكرة جيدة وحكاية مبسطة اكيد راح يحبوها الاولاد ويفهموها ويقلولك زدي زادك الله من فضله دائما نحكي لابنائي مثلها مثلا في المولد النبوي نحكي قصة ميلاد الرسول صلى الله عليه وسلم في عاشوراء نحكي قصة موسى عليه السلام في اول محرم نحكي قصة الهجرةوهكذا
جزاك الله خيرا
اللهم بارك لصاحبة الموضوع في اولادها واجعلهم وابناء ابداع من البارين والصالحينو الطيبينوابناء المسلمين

[om wassim]

فكرة هايلة بارك الله فيك انا لازم كل ما يجي يرقد وليدي يقولي ماما حكاية بصح انا نحكيلو على الحيوانات عندو عامين و 3اشهر نحسو مازال مايستوعبش
اعطوني رايكم لوكان نحكيلو مثل هاذ القصة على سيد الخلق عليه الصلاة و السلام يفهمني؟

[Simassim]

ماشاء الله اختي بوركتي على المجهود فكرة روعة واكيد تنفع الصغار حتى وان كان فهمهم محدود الا انها ستبقى راسخة في عقلهم الصغير ومع مرور السنين يفهموا الحكاية تدريجيا

[ام هاديل وياسين]

بارك الله فيكي اختي ابداع وجزاكي لله كل خير قصص رائعة بنتي تحب القصص وديما تطلب مني
البارح كي حطيتي الموضوع حاولت ندخل ومافتحليش شوفي الاحساس كي يكون قريب
في ليل ولدي الكبير قعد يحكيلنا على حياة سيد الخلق محمد رسول الله صلى الله عليه وسلم
وغيرها للانبياء وحتى بنتي وهي مريضة شاركتنا وصحتله بعض الاخطاء ربي يحفظهم ويخليهم لينا
وينورك اكثر اختي ابداع في انتضار المزيد

[ابداع جزائرية]

ومكملين مع بعض ان شاء الله
جزاكم الله خيرا على تشجيعكم
ربي يصلحلنا اولادنا وينبتهم نباتا حسنا
ويعز بيهم امتنا يارب

الحلقة 2




كان يا ماكان ...
http://im80.gulfup.com/RD8s10.jpg


وماتحلا القعدة غير بذكر النبي عليه الصلاة والسلام ...

وش نقولو؟



عليه الصلاة والسلام ...ممتاااز:19:



ضركا حبوباتي كيما قلنا ...سيدنا محمد حيزو وين زاد...:)



والناس زمان كانوا كي يزيد عندهم طفل ...
يبعثوه للبادية
http://im70.gulfup.com/q0cKBq.jpg


البادية هاذي مكان نظييييف ووااااسع ونقي ..



وكان اللي يروح يقعد ثمّة صحته تتحسن ويقوى جسمه ويكبر...



كانوا يجوا من ثمّة مرضعات ياخذو الاطفال الرضع من مكة . ...باه يدّوهم للبادية يكبّروهم لثمّا



جاو كما قلنا مرضعات لمكة وقعدوا يسألو الناس ...

شكون عنده طفل رضيع ندّوه معانا للبادية ...



الناس اللي عندها ترد وتقول هاهو احنا عندنا طفل ادّوه باه يكبر ويعطوهم المال ...ويدّوه



مّالا ام سيدنا محمد (آمنة بنت وهب) قالتلهم حتى هي ...

نعم انا عندي رضيع مولود جديد ...



قالولها المرضعات ووين هو باباه اللي راح يعطينا المال؟...

قالتلهم باباه توفّى ...http://www.djelfa.info/vb/images/icons/icon9.gif



فقالولها لالا احنا مانديّوهش مّالا ...



وش راح ادّير ماماه ؟ وجدّه ؟...قالهم جدّه أنا نعطيكم المال



قالولو لالا ..ماندّوهش http://www.djelfa.info/vb/images/icons/icon9.gif



كانت من بين المرضعات مرضعة اسمها حليمة السعدية ...



كانت هي وزوجها وعندهم حمار ضعيييييف


وناقة يحلبو منها الحليب



وكانت تجيبلهم قلييييييل الحليب ...




فمالقاتش مموش تدّيه معاها البادية ...



المرضعات لخرين كااامل ادّاو الاطفال الرضّع اللي كانوا لثمّا



مابقا الاّ سيّدنا محمّد....http://www.djelfa.info/vb/images/icons/icon9.gif



فقالت انا راح ندّي الطفل هذا اليتيم وخلاص...

قصدها على سيدنا محمد



راحت لماماه وجدّه وقالتلهم انا راح ندّي معايا محمد للبادية
قولوا عليه الصلاة والسلام :)



علابالكم وش صرا من بعد؟



لمّا اخذت حيبينا محمد معاها عليه الصلاة والسلام ...

صراولها بزّاف حوايج ملاح...:)



هذاك الحمار ماعادش ضعيف ...عاد قويّ ويمشي بسرعة



http://im80.gulfup.com/5UaX2F.jpg
والناقة هاذيك اللي كانت تجيب شوييية نتاع الحليب



عادت تعطيهم حليب بزااااااااااف سبحان الله ...



حتى هاذوك المرضعات اللي معاها حارو ...

واستغربوا من ناقتها والحمار :confused:



ومشاو حتى كما وصلو للبادية ..



حليمة السعدية كانت دارها في واحد البلاصة اسمها ديار بني سعد...



وكانت عندها ارض ...
http://im80.gulfup.com/h2m1NE.jpg


في هذاك العام ماكان فيها لازرع ولا ماء ...



وكي وصلت مع سيدنا محمد ...انزل ربي سبحانه المطر ...



والارض هاذيك سبحان الله ولاّت خضرااااااء جميييييلة





حليمة قعدت تفكّر ...

هاذ الطفل اللي من جبتو صراو هاذ الحوايج الملاح كامل



فيه بركة تخلي البلاصة اللي يكون فيها تكون اجمل سبحان الله



وفرحت بيه بزاااااااف بزاف :)

http://im70.gulfup.com/1uFjcM.jpg
مرّت الايام ..وكبر سيدنا محمد ..عاد عنده عامين



وكبر حتى اكثر من لاولاد الآخرين...

فلازم حليمة ترجّعو لدياره في مكّة



لكنّها كانت تحبّو بزااااف وحبّت يزيد يقعد معاها شويّة



فراحت لأمه آمنة ...

وقالتلها ماعليش تخلّيه يزيد يقعد معايا شوية؟



البادية مكان مليح وحتى يزيد يهز صحّته اكثر ..

وقعدت تحاول فيها



حتى كي ام سيدنا محمد (آمنة بنت وهب) وافقت



ورجع صلى الله عليه وسلم مع حليمة السعدية



وين رجعو ماما؟...جيّيّد ....

رجعوا لديار بني سعد...للبادية

http://im80.gulfup.com/SJvG0d.jpg
مليييح...



ولثمّا راح تصرا حاجة عجيييبة غريبة ...



وش هي؟:confused:



نشوفوها مع بعض في الحلقة الجايّة ان شاء الله :rolleyes:



اللهم صلّ وسلّم وبارك على نبيّنا محمّد

[ام ياسمين10]

فكرة روعة اختى ابداع عندى وليدى عمره اربع سنوات ونصف وبنتى عامين و3اشهر ان شاء الله يفهموها ويستمتعو بيها
ربى يحفظلك وليداتك ويجعلهم من الصالحين وصاحبة الموضوع كذلك

[ام ياسمين10]

فكرة روعة اختى ابداع عندى وليدى عمره اربع سنوات ونصف وبنتى عامين و3اشهر ان شاء الله يفهموها ويستمتعو بيها
ربى يحفظلك وليداتك ويجعلهم من الصالحين وصاحبة الموضوع كذلك

[حور العين 83]

اللهم بارك لصاحبة هذا العمل في أولادها ..و اجعلهم نعم الأبناء البارين و العباد الصالحين ولك بالمثل حبيبتي لكل من شاهدت هذا الموضوع وطبقته على اولادها والله فكرة رائعة وبسيطة توصل لعقل الطفل بسهولة

[oum sabrin]

السلام عليكم أختي إبداع
هذي غيبة نشا الله المانع خير و الله بنتي تعلقت بالقصة يومين وهي غير تلحق 9 ليلا تقولي ماما شعلي الميكرو شوفي ويلا بدات القصة ههههه
ما تشوقيناش أكثر نتمنى تكوني بخير:)

[البوسعادية]

السلام عليك اختي ابداع
شكرا على الموضوع...
انامن المحبات للمطالعه وبقوة ..والحمد لله جل علاماتي في مشوار دراستي في التعبير كانت دائماجيده والكل يشهد ...
لكن مفهمتش حاجه وبحكم خبرتكم ايضا قولولي ويكتاش يبدا الطفل يستوعب القصه ..وليدي نحكيلو يبقى يخزر فيا ولا يبدا يتلوى يحوس يمرد ههههههههه عندو 10 اشهر.افيدوني الله يخلييييييييييييييييكم

[ابداع جزائرية]

السلام عليكم ورحمة الله وبركاته
اععععععععتذر لكل حبيباتي
ظروف خلاّتني نتغيّب عن بيتي
وبالتالي الانترنت :o
توي دخلت لداري والله ...
شوية وقت فقط ونحطّ الحلقة الثالثة ان شاء الله
نتمنى كي يكون غياب نعاودو الحلقات حتى تتثبّت
او كما ندير مع ولادي نقوللهم هما يحكولي حادثة نختارها
او نديرو مسابقة نعطيهم اسئلة على الشيء اللي حكيناه
والفائز تكون عنده افضلية في حاجة
مثلا يختار هو الطبق اللي راح نديروه العشا
او يعفى من دالته في حاجة كان يديرها ويتذمّر منها
او هدية بسيطة
فقط الوقت اللي ننسّق المشاركة ونحطّها ان شاء الله

[ابداع جزائرية]

الحلقة 3:

كان يا ما كان....
وماتحلا قعدة غير بذكر النبيّ عليه الصلاة والسّلام...


http://im80.gulfup.com/RD8s10.jpg

كما قلنا ماما ....

رجعت حليمة للبادية .... لبيتها اللي في ديار بني سعد .....

(مع التكرار إن شاء الله تزيد تثبّت)
و كانت فرحانة بزااف .....

كعاد ام سيدنا محمد خلاّته يزيد يقعد معاها

....
علابالكم ربي سبحانه اختار سيدنا محمد باش يكون أحسن واحد في الدنيا كامل

باش يعلّم الناس الخير ....

فلازم ربي سبحانه يخلي قلب سيدنا محمد أطيب وأطهر قلب

يعني قلب صاااااافي مافيهش لا حقد ولا شر ...

فواحد اليوم ...

كي كانوا الاطفال في البادية يلعبو كما موالفين ...

كانوا يحبّو يلعبو مع سيّدنا محمّد ...
صراتله صلى الله عليه وسلّم حاجة غريييييبة ...

وش هي حبوباتي؟:rolleyes:

لمّا كان حبيبنا محمد يلعب مع اصحابه ورا البيت ...بيت حليمة ...

علابالكم وش صرا ؟...

ربي سبحانه بعث واحد الملاك بااااااهي في هيئة راجل طيّيّيّب ...

ولابس قشّه كامل ابيض ونظييييف ...:)

ونحّا لسيّدنا محمّد من قلبه حاجة صغووويرة ...

اسمها المضغة

...وقال لسيّدنا محمّد ...نحّيتلك هاذ الحاجة من قلبك ...

باه يكون قلبك نقيّ ...

ومايقدرش الشيطان يدور بيك ولاّ يقلقك ابداااا ...ولا يقدر يديرلك حتى شرّ...

بصّح الاولاد اللي كانوا معاه صلى الله عليه وسلّم ...خافو عليه بزاف ...

وحسبوا الراجل اللي جا عنده راح ياذيه ...فراحو يجريو عند حليمة السعدية ..

وقالولها اجري اجري ...محمد قتلوه محمد قتلوه ...وكانو خايفين

http://im43.gulfup.com/pF30Dy.jpgحليمة كي سمعت خافت بزااااف على محمّد ...

وراحت تججججري تحوّس عليه ...

كي وصلت عنده لقاته واقف ووجهه اصفر خلعاان ...

فقالتلو ماتخافش ضرك ندّيك عند ماماك
http://im43.gulfup.com/YrTQKm.jpg
حليمة كانت تشتيه بزّاف بزّااف بصّح خافت عليه ....

لأنها ماكانتش تعرف أنه اللي جا عنده كان ملاك...:)

وحسبت أنه كاين واحد باغي يأذيه...

مّالا ادّاته حليمة عند أمّه آمنة ...وقالتلها راني راح نرجّعلك حبيبنا محمّد

أم سيّدنا محمد حاااارت وقاتلها وش صرا حتى جبتيه

وانتي اللي كنتي تحاولي فيا باه تدّيه؟

قاتلها حليمة أنا خفت عليه ...وحكاتلها اللي صرا...

لكن أم سيّدنا محمّد قالتلها ماتخافيش ...انا علابالي بلّي ابني مش طفل عادي...:)

وحكاتلها المنامة اللي نامتها كي كانت بالحمل

تشفاو عليها حبّوباتي؟

ياخي حلمت بلّي النّور يخرج من جسمها وينوّر الدنيا كامل ..

قالتلها انا حاسّة بلّي ابني مش راح يكون انسان عادي ...وراح يعلّم الناس كااااامل
:)

صلّو على نبينا وحبيبنا محمّد ...
ونكمّلو اججججمل حكاية في الحلقة الجايّة
ان شاء الرحمن

[نخله.]

ماشالله يا ابداع اسم على مسمى

الله يبارك فيك ولك

زيدينا .......... ولا تحرمينا

[ام ولي]

بارك الله فيك موضوع قيم وطريقة السرد رائعة نرجو من المشرفين التثبيت

[ابداع جزائرية]

السلام عليكم ورحمة الله وبركاته
نكمّلوا مع بعض ان شاء الله
الحلقة الرابعة من قصّتنا الجميييلة:D
نتمنى من الامهات اللي جرّبت وحكاتها للاولاد
يشاركونا كفاه كان تفاعل ولادهم مع الحكاية
وهل كاين جزئيات طرحو فيها أسئلة ماعرفتيش تجاوبي عليها :confused:
شاركونا يا امهات ....
وادعولنا دعوة خير :rolleyes:
ربي يصلح اولادنا ويرضى علينا ....
دعوة من القلب ..:rolleyes:...ماشي هدرة برك...:o
نكمّلوا حبيباتي

الحلقة 4 :


كان يا ما كان ...
وماتحلا قعدة غير بذكر النبي عليه الصلاة والسلام
http://im80.gulfup.com/RD8s10.jpg
هاااا...وش نقولو ؟عليه الصلاة والسلام....ممتاز حبيباتي


سيدنا محمد ضركا رجع لأمه خلاص بعد ما كان في البادية


وحليمة كانت تموووت عليه وتتمنى يبقا معاها


لكن هي رجعاته لماماه لأنها خافت عليه وحسبت انه كاين واحد حابب ياذيه


وماكانتش تعرف بلي هذاك كان ملاك طييييب من عند ربي سبحانه:)


مّالا سيّدنا محمّد بقا عايش مع أمّه آمنة بنت وهب في مكّة


مكّة بلاد جميييييلة ....وفيها الكعبة
http://im59.gulfup.com/Y0pblU.jpg

محمّد ضرك كبر وعاد عنده 6 سنين


واحد النهار قالتله امه راح نسافرو لبلد اخرى


راح نسافرو باه نشوفو مّالينا واهلنا لثمّا...


البلاد هاذي حتى هي مليييحة و اسمها المدينة


وش اسمها ماما؟ ....نعم المدينة


خاوت ماماه كاااامل كانو عايشين في المدينة


فسيّدنا محمد فرح بزّااااف كعاد راح يشوف اهله في المدينة
http://im59.gulfup.com/EUK0EI.jpg

مّالا سافرو ....وكي وصلوا المدينة ...

مّالين سيّدنا محمد كانوا فرحانين بزاف


وكانو يحبّوه بزااااف بزاف....


قعدوا زمااان ولاّت ماماه قاتلو بزايد ضركا لازم نرجعو لمكّة


وسافروا لمكّة ...لكن في الطريق ...صرات واحد الحاجة http://www.djelfa.info/vb/images/icons/icon9.gif

http://im59.gulfup.com/YTJpvF.jpg
أم سيّدنا محمّد تعبت ...ومرضت بزّااااف بزّاف


ومن بعد ماتت..http://www.djelfa.info/vb/images/icons/icon9.gif


سيّدنا محمّد كان يحبّ ماماه بزاااف ...


وهو ضركا كما قلنا عنده 6 سنين


وماعنده لا أب ولا أم ...وحس انّه وحيد...واكيد حزنhttp://www.djelfa.info/vb/images/icons/icon9.gif


لكن ربي سبحانه مش راح يخلّيه...وراح يحفظه :)


وش اسمه أمي المكان اللي توفّت فيه آمنة بنت وهب ؟


اسمه الأبواء ...الأ بواااااء



كانت مع سيّدنا محمد هاذاك الوقت خادمة اسمها أم أيمن


هي اللي اهتمّت بيه حتى كي وصلوا لمكّة


وفي مكّة كان جدّه...جدّه عبد المطّلب...كان يستنّى فيه
http://im59.gulfup.com/5XexDD.jpg

وهو اللي قرر يهتمّ بحبيبنا محمّد ويرعاه


سيّدنا محمّد...من كان صغير كانت اخلاقه مليحة وكان متربّي


صلى الله عليه وسلّم ...كل الناس كانت تحبّه


وجدّه عبد المطّلب ثاني كان يحبّه بزّاف ...


علابالكم؟...كان يحطّ جدّه واحد السجّادة عند الكعبة يقعد عليها
http://im82.gulfup.com/oybE7P.jpg

وولاد عبد المطّلب كانوا قاعدين حول هذاك الفراش يستنّو فيه يجي يقعد عليه


فواحد النّهار جا سيّدنا محمّد قعد عليه ...قالولو لالا نوض نوض


احنا فرّشناه لجدّك عبد المطّلب وواحد لا يقعد عيه إلا هو ...


كي جا عبد المطّلب ...قالهم لالا ...خلّوا ابني يقعد عليه ...


قصده على محمّد صلى الله عليه وسلّم ...:)


كان يخلّيه صلى الله عليه وسلّم يقعد بحذاه


ويحطّ يدّه على ظهره ...ويقول للنّاس اللي قاعدين معاهم:


هذا راح يكون انسان عظيييييم


وكي عاد في عمر سيّدنا محمّد 8 سنوات ...
زاد توفّى جدّه عبد المطّلب
http://www.djelfa.info/vb/images/icons/icon9.gif

وزاد عاود قعد وحده...http://www.djelfa.info/vb/images/icons/icon9.gif


شكون اللي راح يهتمّ بيه ضركا؟:confused:


عمّه أخو باباه...أبو طالب


وش راح يصراله؟:)


نشوفو مع بعض في الحلقة الجايّة ان شاء الله


صلّو على رسولنا وسيّدنا وحبيبنا محمّد

[ابداع جزائرية]

السلام عليكم ورحمة الله
ماشاء الله عليك اختي فكرة جيدة وحكاية مبسطة اكيد راح يحبوها الاولاد ويفهموها ويقلولك زدي زادك الله من فضله دائما نحكي لابنائي مثلها مثلا في المولد النبوي نحكي قصة ميلاد الرسول صلى الله عليه وسلم في عاشوراء نحكي قصة موسى عليه السلام في اول محرم نحكي قصة الهجرةوهكذا
جزاك الله خيرا
اللهم بارك لصاحبة الموضوع في اولادها واجعلهم وابناء ابداع من البارين والصالحينو الطيبينوابناء المسلمين

اللهم امييييين واولادكم اجمعين...ربي يحفظك حبيبتي
نورتيني ام البنين بمشاركتك الطيبة
وشاركينا القصص اللي تحكيها لأولادك حتى تعم الفائدة ان شاء الله

[ابداع جزائرية]

فكرة هايلة بارك الله فيك انا لازم كل ما يجي يرقد وليدي يقولي ماما حكاية بصح انا نحكيلو على الحيوانات عندو عامين و 3اشهر نحسو مازال مايستوعبش
اعطوني رايكم لوكان نحكيلو مثل هاذ القصة على سيد الخلق عليه الصلاة و السلام يفهمني؟
السلام عليكم
اهلا عزيزتي
ربي يحفظهولك يارب
وان شاء الله يكبر بالصحة وتحكيهاله
ربي يجعله من الصالحين

ماشاء الله اختي بوركتي على المجهود فكرة روعة واكيد تنفع الصغار حتى وان كان فهمهم محدود الا انها ستبقى راسخة في عقلهم الصغير ومع مرور السنين يفهموا الحكاية تدريجيا
بالفعل عزيزتي
ربي يقدرنا على حمل الامانة
وينبت اولادنا نباتا حسنا
جزاك الله خيرا على المداخلة الطيبة

[kikimnarim2]

موضوع رائع بارك الله فيك

[ابداع جزائرية]

بارك الله فيكي اختي ابداع وجزاكي لله كل خير قصص رائعة بنتي تحب القصص وديما تطلب مني
البارح كي حطيتي الموضوع حاولت ندخل ومافتحليش شوفي الاحساس كي يكون قريب
في ليل ولدي الكبير قعد يحكيلنا على حياة سيد الخلق محمد رسول الله صلى الله عليه وسلم
وغيرها للانبياء وحتى بنتي وهي مريضة شاركتنا وصحتله بعض الاخطاء ربي يحفظهم ويخليهم لينا
وينورك اكثر اختي ابداع في انتضار المزيد
السلام عليكم ...وفيك حبيبتي ام هدول
القلوب عند بعضاها ..:)
ربي يحفظهملك يارب ومايوريك فيهم باس
نورتي حبيبة

[ابداع جزائرية]

فكرة روعة اختى ابداع عندى وليدى عمره اربع سنوات ونصف وبنتى عامين و3اشهر ان شاء الله يفهموها ويستمتعو بيها
ربى يحفظلك وليداتك ويجعلهم من الصالحين وصاحبة الموضوع كذلك
اللهم امين عزيزتي ام ياسمين
نورتي حبيبة
شاركينا تجربتك مع اولادك

اللهم بارك لصاحبة هذا العمل في أولادها ..و اجعلهم نعم الأبناء البارين و العباد الصالحين ولك بالمثل حبيبتي لكل من شاهدت هذا الموضوع وطبقته على اولادها والله فكرة رائعة وبسيطة توصل لعقل الطفل بسهولة


اللهم اميييين
جزاك الله خيرا عزيزتي
على الدعاء الطيب والمداخلة الجمييييلة ربي يحفظك

السلام عليكم أختي إبداع
هذي غيبة نشا الله المانع خير و الله بنتي تعلقت بالقصة يومين وهي غير تلحق 9 ليلا تقولي ماما شعلي الميكرو شوفي ويلا بدات القصة ههههه
ما تشوقيناش أكثر نتمنى تكوني بخير:)
وعليكم السلام ورحمة الله وبركاته
نكرر اعتذاري لحبيبتي صبرين
وبوسة على راصها
والله حبيبتي ماكنت في داري
ان شاء الله يكون انتظام اكر ويوم نتغيّب
نبعث ان شاء الله لوحدة من حبيباتي تحط الموضوع حتى مايكونش انقطاع ان شاء الله
فقط اعفوني يوم السبت مانقدرش نحط
نخلّوه عطلة نديرو فيها ملخّص
كل وحدة تراجع مع اولادها القصة وتعاود اللي نساوه
هكا باش تتثبت عندهم ان شاء الله

[ابداع جزائرية]

السلام عليك اختي ابداع
شكرا على الموضوع...
انامن المحبات للمطالعه وبقوة ..والحمد لله جل علاماتي في مشوار دراستي في التعبير كانت دائماجيده والكل يشهد ...
لكن مفهمتش حاجه وبحكم خبرتكم ايضا قولولي ويكتاش يبدا الطفل يستوعب القصه ..وليدي نحكيلو يبقى يخزر فيا ولا يبدا يتلوى يحوس يمرد ههههههههه عندو 10 اشهر.افيدوني الله يخلييييييييييييييييكم
وعليكم السلام والرحمة والاكرام
هههههههه...نوّرتي اختي البوسعادية ....لالا راكي مافهمتيش قصده..
كي ناض يمرد معناها قالّك كمّلي ولاّانّوظ نقرا وحدي من الميكرو ..:d
بالفعل اثر القصة يبقى يبان في كامل حياة الطفل


بارك الله فيك موضوع قيم وطريقة السرد رائعة نرجو من المشرفين التثبيت
وفيكي عزيزتي من ذوقك اختي ام ولي
نتمنى يكون اصغاء من المشرفين ويتتثبّت حتى تعمّ الفائدة

موضوع رائع بارك الله فيك
وفيكي عزيزتي
جزاك الله خيرا

[ابداع جزائرية]

ماشالله يا ابداع اسم على مسمى

الله يبارك فيك ولك

زيدينا .......... ولا تحرمينا


ربي يخليك نخّووول وفيك حبيبتي

ربي يحفظك ...ربي يقدرنا عزيزة
ماتنسيناش من دعائك

[oum rahma]

ماشاء الله ربي يحفظك وربي يجعل وليداتك من الذرية الصالحة الحافظين لكتاب الله

فكرة رائعة ومتميزة حتى نرسخ لدى ابنائنا السيرة العطرة لسيد الخلق

الشكر موصول لصاحبتك التي سمحت لك بنقلها لنا ربي يجعلها عملها هذا في ميزان حسناتها وربي يحفظ ابناءها

[oum sabrin]

وعليكم السلام ورحمة الله وبركاته
نكرر اعتذاري لحبيبتي صبرين
وبوسة على راصها
والله حبيبتي ماكنت في داري
ان شاء الله يكون انتظام اكر ويوم نتغيّب
نبعث ان شاء الله لوحدة من حبيباتي تحط الموضوع حتى مايكونش انقطاع ان شاء الله
فقط اعفوني يوم السبت مانقدرش نحط
نخلّوه عطلة نديرو فيها ملخّص
كل وحدة تراجع مع اولادها القصة وتعاود اللي نساوه
هكا باش تتثبت عندهم ان شاء الله
[/quote]

السلام عليكم و رحمة الله
والله مشكورة على الكلمات الجميلة حبيبتي و البوصة وصلت لصبرين
راهي تبع في القصة 10/10 الأسلوب شيق جدا و تطرح الكثير من الأسئلة لحد الآن راني نجاوبها كي نحصل نبعثلك هههههه
و ما زاد رووح للقصة هو الصور المرفقة فبنتي تقرب من الصورة و تقولي وين راهو سيدنا محمد حبيت نشوفو يا سللللللام كم أسعد لما أحس بأنها بدأت تحبه و تتشوق لمعرفته و رؤيته ....
أما إبني فهو يبقى منتبه معي ويكرر مع أخته ولكن لا يستوعب مثلها لأنه صغير سنتين::)
مشكورة على فكرة الملخص بالسبت للترسيخ و صبرين راهي موافقة على البرنامج:19:

[ابداع جزائرية]

ونكمّلو ان شاء الله مع بعض ...
ربي يقدّرنا نكمّلو الحلقات ...
ماتنساوناش من صالح دعائكم ...:o
وكما كانت تقول صاحبة الحكاية :
ماحبّيتش دعوة بالكلام
حبّيت دعوة نشوف أثرها على ولادي :)


الحلقة 5:

كان يا ما كان ...

ومايحلا كلام ولا قعدة ...غير؟

بذكر النبي عليه الصلاة والسلام ...

http://im80.gulfup.com/RD8s10.jpg

وغير القفّوزين اللي يقولو ....عليه الصلاة والسلام ....:rolleyes:

عليه الصلاة والسلام ....:)



ضركا سيّدنا محمّد مات جدّه اللي كان يربّيه ويحبّه

كان قدّاه في عمره ماما ؟
جيّيّد ...8 سنين
بصّح قبل مايموت قال لعمّه أبو طالب ينتهلاّ فيه

ويدّيه يربّيه...

فعمّه ابو طالب ادّاه يعيش معاه ومع اولاده ...

عمّه ثاني عاد يحبّه اكثر من اولاده...:)

وكان عنده عمّه خرفان بزّاااااااف
http://im78.gulfup.com/cHzFSw.jpg


وكان يقول لولاده يدّوهم يرعاو في مكان فيه الحشيش بزّاف

ياكلو ويشربو...

سيّدنا محمّد كان يرعى الغنم حتى هو ويردّهم...
http://im78.gulfup.com/wM8jgs.jpg


وكبر صلى الله عليه وسلّم مع ولاد عمّه وعاد عنده 12 سنة

وفي يوم من الايام عمّه قال: انا راح نسافر بعيييد

لواحد البلد اسمها الشّام ..
http://im78.gulfup.com/0EdHw4.jpg


أبو طالب كان حابّ يسافر باه يتاجر

يعني يبيع ويشري حوايج باه يربح المال بزّاف ...

فسيّدنا محمّد قال له أنا باغي نسافر معاك

عمّه أبو طالب كان يحبّه بزاااف ومايقدرش يقول له لالا ...

فقال له خلاص ندّيك معايا ...لكن ماتبعّد علياّ مانبعّد عليك...

وفعلا ادّاه معاه ...:)

http://im69.gulfup.com/IBeze5.png
ناس بزّاف كانوا يسافروا للشّام ...ويعرفوا الطريق...

وكل مرّة يروحو يشريو ويبيعو سلعة من ثمّة

الطريق كانت طوييييييلة
فحبسوا في واحد البلاصة باه يرتاحو ومن بعد يكمّلوا ...

كان في هاذيك البلاصة واحد الراجل كبير اسمه

بحيرا الرّاهب...

وكان كل مرة الناس يسافروا فيها للشام ويحبسو يرتاحو لثمّا

بحيرا الراهب مايهدرش معاهم ...في حاله مايهدر حتى مع واحد

لكن هاذ المرّة ..لمّا وصل سيّدنا محمّد ...

بقا يشوف معاهم يشوف ...يشوف
http://im69.gulfup.com/3HwiRr.jpg


ومن بعد راح عندهم وحكم يد سيّدنا محمّد وقالهم:

الطفل هذا راح يكون سيّد الدّنيا كامل

هذا هو اللي راح يبعثه ربي سبحانه باه يعلّم النّاس

فكل اللي كانوا حاضرين قعدوا يشوفوا حايرين..

وقالولو وانت كيفاه عرفت؟

قالهم انا نعرف اوصاف النبيّ اللي ربي سبحانه راح يختاره

ونعرف بلّي عنده علامة في كتفه

(العلامة هاذي ماما يديرها ربي سبحانه في كل نبي ...
اسمها خاتم النّبوّة)

ومنبعد بحيرا الراهب سأل أبو طالب ...
http://im49.gulfup.com/6tbY6A.jpg


قال له وش تكون نتا لهاذ الطفل ؟

قال له أبو طالب :أنا باباه..(لأنه كان يربيه في بلاصة باباه)

قال له بحيرا:لالا ...انت ماكش باباه ...

النبيّ اللي راح يختاره ربي سبحانه يكون يتيم

فأبو طالب قال له فعلا ..أنا عمّه ..لكن نربّيه ونخاف عليه في بلاصة باباه

وباباه مات وهو صلى الله عليه وسلّم في بطن أمّه

قال له بحيرا :هاذي هي الصفات اللي كاينة في النبيّ اللي أخبر ربّي سبحانه
http://im78.gulfup.com/Mpxckc.jpg


بيها النّاس بكري أنّه راح يبعثه...
وفي الأخير طلب بحيرا من أبو طالب حاجة ...

علابالكم وش هي أمّي؟

قال له انتهلّا فيه ...وعسّه ..لأنّه لو شافوه اليهود ...

راح يعرفو بلّي هو النبيّ اللي ربي سبحانه اختاره

وراح ياذوه...لأنهم كانوا دايما ياذيو الانبياء http://www.djelfa.info/vb/images/icons/icon9.gif

رجّعه ضرك بعد لمكّة وماتخلّي حتى واحد يشوفه

أبو طالب سمع كلامه ...ورجعوا لمكّة ....
http://im78.gulfup.com/RLrvUI.jpg


وفي الحلقة الجايّة ان شاء الرّحمن ..نكمّلوا مع بعضانا ...

أجمممممل حكاية :rolleyes:



اللهم صلّ وسلّ وبارك على رسولنا وسيّدنا وحبيبنا محمّد

وعلى آله وصحبه اجمعين والتابعين بإحسان إلى يوم الدين
:)

[ياسمين1990]

السلام عليكم ورحمة الله وبركاته
بارك الله فيك بدوعتنا اسم على مسمى وفي أولادك وفي اهلك
ماشاء الله ربي يزيدك من علمه ويباركلك في وقتك ويمتعك بالصحة والعافية
مشكورة حبيبتي والله فرح يحي بهذه الهدية حتى صار يقفز من شدة فرحه
ومانتظرناش حتى يصل الليل ونحكيها ههههه
احكيناها في القيلولة هههه
استمع للحكاية بكل خشوع وعاودنا المراجعة للتثبيت
وقالك غدوة زيد كملنا الحكاية انا في انتظار البقية

[رحيمة3]

مشكورة كثير على النقل المفيد واللي زاد فيه جمال هو اللغة المبسطة اللي فيه طبعا بالدارجة يفهمها اطفالنا اكثر واكثر
وانت اختي فرحتنا بهدا الابداع اللي دخلتي فيه اضافاتك
ربي يفرحك باولادك اختي

[bouchraamine]

ربي يخليك عزيزتي ابداع على هاذ المجهودات الي ديري فيها في كل المجالات باش تعاوني الامهات:19: ربي يخليلك وليداتك ويحفظهم من كل سوء امين يا ربي دعوة من القلب للقلب:19:

[ابداع جزائرية]

الحلقة 6:

كان يا ماكان ...وماتحلا القعدة غييييير

بذكر النبيّ عليه الصلاة والسّلام ...
http://im89.gulfup.com/rAWUP1.jpg


صحّيتوا حبوباتي ...:) عليه افضل الصّلاة والسّلام

رجع سيّدنا محمّد مع عمّه أبو طالب لمكّة ...

وكان عنده كم سنة؟ ...12 سنة ممتاااز
وبقا بعدها عايش في مكّة ...وكبر مع ولاد عمّه ...
http://im46.gulfup.com/U7Qi0u.jpg

علابالكم النّاس وقتها كانو يعبدوا الاصنام

علابالكم وش معناه يعبدوا الاصنام ؟

معناه يجيبوا تمثال يخدموه هوما من الحجر ولاّ من الحطب

ويقولوا هاذا هو ربّي نتاعنا ...

نطلبوا منّه الشي اللي بغينا :confused:
http://im89.gulfup.com/gU38oO.jpg


تصلح ماما يقولوا هكذا؟ لالاااا ماتصلحش

بصّح هوما كانوا يديروا هكذا

وكي واحد كان يقولهم علاه راكم ادّيروا هكّا؟

يقولولو باش ربي اللي في السّماء يحبّنا

وش تقولوا في هاذ الكلام؟

طبعا غالط ...ووشي هو الصّح ماما؟

نعبدوا ربي سبحانه اللي خلقنا وحده ..ومانعبدوا حتى حاجة بلا بيه


بصّح هوما كانوا يعبدوا مع ربّي سبحانه حوايج يخدموهم...
ويكفروا بيه سبحانه

على هاذي اسمهم الكفّااار
http://im89.gulfup.com/yTPc9U.jpg


سيّدنا محمّد رغم اللي كان عايش معاهم في حياته
مادارش كيفهم وعبد الاصنام

وكان علاباله بلّي راهم يديروا في حاجة غالطة..

تصلح آماما واحد يطلب من صنم ..طرف حجر ..
مايسمع مايتكلّم وش بغا؟

تصلح يحكم حجر ويقول له راني مريض اشفيني؟http://www.djelfa.info/vb/images/icons/a16.gif

ربي سبحانه وحححده يقدر يدير كل حاجة لينا

على هاذيك سيّدنا محمّد ماكانش يدير كيفهم

وكان صلى الله عيه وسلّم في الصّباح يروح يرعى الغنم ...
http://im67.gulfup.com/Lbr4ax.jpg


وفي الليل يحب يقعد وحده يفكّر ..
http://im89.gulfup.com/kLk194.jpg


كيفاه خلق ربي سبحانه هاذ الدّنيا ...وخلقنا وخلق كل شيء

ربي سبحانه قويّ وعظيييم ...
ولازم نعبدوه ونشكروه على النّعم اللي عطانا

سيّدنا محمّد كان كما سيّدنا ابراهيم اللي بنا الكعبة

يعبد ربي سبحانه اللي في السّما ...
ومايعبدش الاصنام اللي كانوا يعبدوهم النّاس

:)
وكبر سيّدنا محمّد وعاد عنده 25 سنة ..
وكان متربّي وخلوق...أخلاقه أحسن أخلاق صلى الله عليه وسلّم

يساعد النّاس ...ويهتمّ بأهله وجيرانه...ويساعد المحتاج والضعيف

ويقول غير الصّدق ...وكان صلى الله عليه وسلّم أمييين

يعني واحد كي يكون عنده صوارد ولاّ ذهب
ولاّحاجة غالية وحابّ يخبّيها

كان يجيبها لسيّدنا محمّد يخبّيهاله
http://im67.gulfup.com/vteD70.jpg


لأنّه متأكّد بلّي راح ينتهلاّ فيها ويردّهاله ...
على هاذي آأمّي النّاس كااامل في مكّة ولاّت تحبّه

وكااامل يقولو له الصّادق الامين

وكانت في مكّة ثاني مرا ملييييحة ...الناس كامل كانت تحترمها
اسمها السيدة خديجة


كانت احسن مرا في مكّة وكان عندها بزّاف المال ...بزاف الصوارد

والناس كامل لثمّا علابالهم بلّي هي اكثر وحدة متربية وطيبة واخلاقها مليحة

السّيّدة خديجة سمعت بلّي كاين واحد اسمه محمّد ...

وكل النّاس كانت تعيّطله الصادق الامين

وبلّي يحافظ على حاجات الناس واخلاقه صلى الله عليه وسلّم مليحة

فالسيّدة خديجة قالت خلاص ...هذا هو احسن واحد نقدر نعطيه صواردي ومالي

يروح يتاجر بيهم في الشام ...

http://im78.gulfup.com/0EdHw4.jpg
باه تربح صوارد اكثر

وكي قالت لسيّدنا محمّد ...وافق

وادّا الصّوارد وراح للشام باه يتاجر

ورجع بعدها صلى الله عليه من الشام وهو معاه صوارد بزّاااف

وعطاها للسيّدة خديجة ...
http://im67.gulfup.com/GH8bum.jpg


ففرحت بزّاااف

وحسّت أن سيّدنا محمّد كما يقولو عليه صح

اكثر واحد يحافظ على حوايج الناس واكثر واحد أميييين

صلى الله عليه وسلّم

فقالت هذا احسن انسان يكون ليّا زوج

لأنه احسن واحد بهاذ الاخلاق الطيبة

وسيّدنا محمّد ثاني علاباله بلّي هي احسن وحدة متربية واخلاقها مليحة في مكّة

فوافق يتزوّجها ...

وعرضو النّاس ودارو ماكلة ملييييحة
:):):)


وازوّج سيّدنا محمّد والسيّدة خديجة

وعاد عندهم اطفال:

القاسم وزينب وعبد الله ورقيّة وام كلثوم وفاطمة

القاسم وعبد الله ماتوا وهوما صغار http://www.djelfa.info/vb/images/icons/icon9.gif

وبقى لهم زينب ورقية وام كلثوم وفاطمة

وبقا سيّدنا محمّد عليه الصلاة والسّلام يدير الخير

كان يحبّ يأكّل المساكين
http://im89.gulfup.com/BT8dXB.jpg


ويكرم ضيفه كي يجيه يحط له احسن ما عنده ويتبسّم في وجهه

... و لما يجيلوا ضيف يكرمه و يديله أحسن أكل ...

و كان طيّيّيّيب القلب و أخلاقه أحسن أخلاق

وكان صلى الله عليه وسلّم يحبّ يروح يقعد في واحد الغار ...
http://im67.gulfup.com/iNNFp2.jpg


اسمه غار حراء ...في بلاصة بعيييدة فوق الجبل
http://im67.gulfup.com/J0QIZJ.jpg


كان يقعد لثمّة يفكّر في ربي سبحانه وفي خلقه

يعبده ويدعيه ...ويحمده على النّعم

وكانت السيّدة خديجة تبعثله الماكلة لثمّة ...

وكي يخلّص يرجع لداره وهو فرحان...

حتى عاد في عمره 40 سنة ...

راح واحد النهار لغار حراء يعبد ربي سبحانه كالعادة

وش اللي صراله لثمّة ؟:rolleyes:

نشوفو تراه المرّة الجايّة وش صرا لسيّدنا وحبيبنا محمّد في غار حراء :)

اللهم صلّ وسلّم وبارك على نبيّنا محمّد

[ابداع جزائرية]

السلام عليكم ورحمة الله وبركاته
بارك الله فيك بدوعتنا اسم على مسمى وفي أولادك وفي اهلك
ماشاء الله ربي يزيدك من علمه ويباركلك في وقتك ويمتعك بالصحة والعافية
مشكورة حبيبتي والله فرح يحي بهذه الهدية حتى صار يقفز من شدة فرحه
ومانتظرناش حتى يصل الليل ونحكيها ههههه
احكيناها في القيلولة هههه
استمع للحكاية بكل خشوع وعاودنا المراجعة للتثبيت
وقالك غدوة زيد كملنا الحكاية انا في انتظار البقية
وعليكم السلام ورحمة الله وبركاته
وفيك حبيبتي وفي اهلك ربي يحفظك
اللهم اميييين اجمعين حبيبتي
ربي يحفظه حبوبي بصحّته ربي يشفيه يارب ويقرّ عينك بشوفته راجل من الصالحين

[ابداع جزائرية]

ماشاء الله ربي يحفظك وربي يجعل وليداتك من الذرية الصالحة الحافظين لكتاب الله

فكرة رائعة ومتميزة حتى نرسخ لدى ابنائنا السيرة العطرة لسيد الخلق

الشكر موصول لصاحبتك التي سمحت لك بنقلها لنا ربي يجعلها عملها هذا في ميزان حسناتها وربي يحفظ ابناءها
اللهم اميييين اجمعين
جزاك الله خيرا اختي ام رحمة على الدعاء والمشاركة الطيبة
نورتينا عزيزتي


السلام عليكم و رحمة الله
والله مشكورة على الكلمات الجميلة حبيبتي و البوصة وصلت لصبرين
راهي تبع في القصة 10/10 الأسلوب شيق جدا و تطرح الكثير من الأسئلة لحد الآن راني نجاوبها كي نحصل نبعثلك هههههه
و ما زاد رووح للقصة هو الصور المرفقة فبنتي تقرب من الصورة و تقولي وين راهو سيدنا محمد حبيت نشوفو يا سللللللام كم أسعد لما أحس بأنها بدأت تحبه و تتشوق لمعرفته و رؤيته ....
أما إبني فهو يبقى منتبه معي ويكرر مع أخته ولكن لا يستوعب مثلها لأنه صغير سنتين::)
مشكورة على فكرة الملخص بالسبت للترسيخ و صبرين راهي موافقة على البرنامج:19:
وعليكم السلام ورحمة الله وبركاته
بصحّتها صابرين ....ربي يحفظها ويقر عينك بصلاحها
حتى انا اولادي يهتمّو بزاف بالصور ...
صغير اخوها ربي يحفظو ...لكن ماعليش المهم لاتي مع اخته في حاجة مفيدة
ويتعلّم مهارات الاستماع والقعدة العائلية حتى ولو لم يفهم
ربي يحفظهملك حبيبة

[ابداع جزائرية]

مشكورة كثير على النقل المفيد واللي زاد فيه جمال هو اللغة المبسطة اللي فيه طبعا بالدارجة يفهمها اطفالنا اكثر واكثر
وانت اختي فرحتنا بهدا الابداع اللي دخلتي فيه اضافاتك
ربي يفرحك باولادك اختي

امييين اختي اجمعين ان شاء الله
العفو عزيزة ...وانتوما فرحتوني بمشاركاتكم والله
ربي يبارك فيكم
وربي يرضى علينا اختي

ربي يخليك عزيزتي ابداع على هاذ المجهودات الي ديري فيها في كل المجالات باش تعاوني الامهات:19: ربي يخليلك وليداتك ويحفظهم من كل سوء امين يا ربي دعوة من القلب للقلب:19:
ويخلّيك عزيزتي على كلامك الطيب والمشجّع
وعلى الدعوة الجميييلة ولك بالمثل ان شاء الله
دعوة ثااااني من القلب للقلب
نورتيني حبيبة :)

[أم أمة الله الجزائرية]

السلام عليكم ورحمة الله وبركاته
ابداااااااااااااااااااااااااااااااااااااااااع
جزاك الله خيرا

[ياسمين1990]

السلام عليكم ورحمة الله وبركاته
شكرا بدوعتنا على الحكاية لوكان ماكتبتهاش ماعرف واش يصرا اليوم مع يحي ههههه
ناض على التاسعة لانه مازال ماراحش يدرس وقالي اجري شوف بلاك كتبت حكاية جديدة
شفنا لقينها مازال ماكتبتيهاش انتظرنا حتى ظهرت الحكاية
وجلس يستمع في خشوع لانه اليوم اسمع حوايج جداد عليه مثل عبادة الاصنام
الصدق الامانة زواجه بالسيدة خديجة صل الله عليه وسلم
واهم حاجة لفتت انتباه هي غار حراء
قالي حاب نروح لتما وندخل للغار نشوفه من الداخل
قلتله ان شاء الله
وقالك شكرا على هذه الحكاية عجبتني
زيدي كملها غدوة ان شاء الله
يومك موفق سلام

[لينة نور]

السلام عليكم ورحمة الله وبركاته
شكرا بدوعتنا على الحكاية لوكان ماكتبتهاش ماعرف واش يصرا اليوم مع يحي ههههه
ناض على التاسعة لانه مازال ماراحش يدرس وقالي اجري شوف بلاك كتبت حكاية جديدة
شفنا لقينها مازال ماكتبتيهاش انتظرنا حتى ظهرت الحكاية
وجلس يستمع في خشوع لانه اليوم اسمع حوايج جداد عليه مثل عبادة الاصنام
الصدق الامانة زواجه بالسيدة خديجة صل الله عليه وسلم
واهم حاجة لفتت انتباه هي غار حراء
قالي حاب نروح لتما وندخل للغار نشوفه من الداخل
قلتله ان شاء الله
وقالك شكرا على هذه الحكاية عجبتني
زيدي كملها غدوة ان شاء الله
يومك موفق سلام

السلام عليكم

اندمجت في صحبتك ويحيا ههه ، الله ما أروع ذلك حفضكما الله وحفظ لنا بدوع الغالية وجعلها من زراع الخير للأمة ..

[~أمة الله~]

بوركتِ أختنا أم أنيس على هذا الجهد الرائع
ثبّتك الله وأصلح لك أولادكِ وأولاد صاحبة الموضوع الأصلي وجعلهم من الصالحين
راني حطيت الموضوع في المُفضلة للمُستقبل بإذن الله - إبتسامة- ، نسأل الله من فضله.

[ابداع جزائرية]

السلام عليكم ...ربي يبارك فيكم عزيزاتي على الدعوات الطيبة
جزاكم الله خيرا
نكمّلوا مع بعض ان شاء الله


الحلقة7 :

كان يا ما كان ....... و ما يحلي الكلام .... غير ....... هاااااا؟؟

http://im80.gulfup.com/RD8s10.jpg
بذكر النبي عليه الصلاة و السلام .....
عليه الصلاة و السلام ...:)

آخر مرة قلنا بلّي سيدنا محمد عاد عنده 40 سنة

وكان دايما يروح لغار حراء يقعد يعبد ربي سبحانه

لكن في يوم من الايّام ....في شهر رمضان

سيّدنا محمّد طلع كالعادة ...ودخل الغار ...
http://im67.gulfup.com/iNNFp2.jpg


علابالكم وش صرا؟

ربي سبحانه خيّر هذاك اليوم ...

باه يبعثله صلى الله عليه وسلّم ملاك ...باه يعلّمه كلام ربي سبحانه

باه يعلّمه القرآن
http://im56.gulfup.com/paGqqj.jpg


علابالكم الملاك وش كان اسمه؟

كان اسمه جبريل (عليه السّلام):)

سيّدنا محمّد كان قاعد في الغار ...يعبد ربي سبحانه ويدعيه

جا جبريل عليه السّلام
و قال لسيدنا محمد : " اقرأ"
سيدنا محمد رد عليه : " ما أنا بقاريء " .... يعني أنا مانعرفش نقرا

مّالا جبريل حكمه ضمّمّه ...يعني حضنه

وقالّه مرة اخرى :"اقرأ"

فزاد ردّ عليه الرسول صلى الله عليه وسلّم: "ما أنا بقاريء "
فجبريل عليه السّلام زاد ضمّه ليه ..وحضنه بزّاااف

وقال له ثالث مرّة : "اقرأ"

والمرّة هاذي قال له سيّدنا محمّد :ماذا أقرأ؟

يعني وش نقرا؟

فقال له جبريل عليه السّلام
"اقرأ باسم ربك الذي خلق ، خلق الإنسان من علق ، اقرأ و ربك الأكرم ، الذي علم بالقلم، علم الإنسان ما لم يعلم"
ومن بعد اختفى جبريل عليه السّلام من الغار
:)


فسيّنا محمّد خاااف بزّاف ونزل من الجبل بسرعة
http://im67.gulfup.com/J0QIZJ.jpg


وعرق وعاد يتّرعد...

راح يجري لداره عند السيّدة خديجة

سيدنا محمد صلي الله عليه و سلم كان خايف
لأنّه مازال ماكانش يعرف جبريل عليه السلام

اللي هو ملاك مليييييح من عند ربي سبحانه

وأنه ربي سبحانه بعثه باش يعلّمه القرآن ...

مع فتحت السّدة خديجة الباب
http://im56.gulfup.com/KxMqZV.jpg
لقاته صلى الله عليه وسلّم خايف وجسمه يتّرعد وعرقان

قال لها :"زمّلوني ...زمّلوني"

يعني "غطّيوني ...غطّيوني.."


فالسيدة خديجة جابت بسرعة غطا خشين
http://im56.gulfup.com/aDvFjM.jpg


وغطّاته...لأن جسمه كااامل كان يتّرعد

وكانت خايفة عليه بزّاف

وتنشّفله في العرق ...(مثّلي الحركات وانتي تحكي )

حتى تنحّى عليه ...ومن بعد سقساته:

وش اللي صرا؟

فحكالها اللي صرا...وقدماه كان خايف ..

فالسّيدة خديجة طمّناته صلى الله عليه وسلّم

علابالكم وش قالتله؟

قالتله:ماتخافش ..ربي سبحانه مش راح يخلّي حتى حاجة مش مليحة تصرالك...

لأنّك دايما تقول الصّدق ...

ودايما طيّب مع اهلك وناسك وتهتمّ بيهم

ودايما اخلاقك احسن اخلاق ...وتكرم ضيوفك وتساعد النّاس

ماتخافش خلااااص ...لأنّه اللي يدير الخير كما ادّير انت عمره مايخاف :)

ربي سبحانه اللي يحميه

ومن بعد قالت له

هيّا نروحو نسقسيو تراه على الشّيء اللي صرالك هذا..

هيا نروحو نسقسيو ابن عمّي
http://im56.gulfup.com/lCZ9I5.jpg


ابن عمّ السّيّدة خديجة راجل شااايب اسمه ورقة ابن نوفل

كان راجل عجووووز يحب يقرا بزااااف

وكان علاباله بلّي ربي سبحانه راح يبعث نبيّ باه يعلّم النّاس

وكان يعرف صفاته

مّالا راحوا لورقة ابن نوفل
وحكاولوا وش صرا ...علابالكم وش قاللهم ؟

خزر مع سيّدنا محمّد وقال له :

والله أنا متأكّد بلي انت هو النّبي المختار

واللي جاك في الغار هذاك هو جبريل عليه السلام

وهو الملاك اللي ربي سبحانه بعثه للانبياء من قبلك

وبعثه ليك لاختراه انت هو النّبيّ اللي ربي سبحانه اختاره

لكن ورقة ابن نوفل قال له حاجة اخرى ثاني...

قا له عندك في روحك ...اهل مكّة الكفّار اللي يعبدوا الاصنام

لويعرفوا بلّي انت هو النبيّ اللي ربي سبحانه خيّره

راح يحاربوك وياذوك ويحاوزوك من مكّة

سقساه سيّدنا محمّد قال له:وراح يخرّجوني من مكّة؟

قال له ورقة ابن نوفل نعم ...ماكانش نبي بعثه ربي سبحانه

الّا ولازم يحاربوه الكفّار ويحاوزوه

ورقة ابن نوفل راجل شاااايب كما قلنا ...شاف عند الرسول صلى الله عليه وسلّم

وهو غايضه وقال له :

تمنيت نكون شاب ...او نكون مازال مامتتش كي يحاربوك ...باه نعاونك ونكون معاك
http://im56.gulfup.com/lCZ9I5.jpg


وناض ورقة ابن نوفل وسلّم على راص حبيبنا محمّد

كي عرف بلي هو اللي ربي سبحانه بعثه باه يقول للناس كلام ربي

صلوّ عليه حبوباتي :)



لو كان هنا صلّى الله عليه وسلّم كنّا كاااامل نضنا سلّمنا على راصو


صح ماما؟
حبيبنا ونبيّنا وسيّدنا محمّد

صلى الله عليه وسلّم

[ابداع جزائرية]

السلام عليكم ورحمة الله وبركاته
شكرا بدوعتنا على الحكاية لوكان ماكتبتهاش ماعرف واش يصرا اليوم مع يحي ههههه
ناض على التاسعة لانه مازال ماراحش يدرس وقالي اجري شوف بلاك كتبت حكاية جديدة
شفنا لقينها مازال ماكتبتيهاش انتظرنا حتى ظهرت الحكاية
وجلس يستمع في خشوع لانه اليوم اسمع حوايج جداد عليه مثل عبادة الاصنام
الصدق الامانة زواجه بالسيدة خديجة صل الله عليه وسلم
واهم حاجة لفتت انتباه هي غار حراء
قالي حاب نروح لتما وندخل للغار نشوفه من الداخل
قلتله ان شاء الله
وقالك شكرا على هذه الحكاية عجبتني
زيدي كملها غدوة ان شاء الله
يومك موفق سلام
وعليكم السلام ورحمة الله وبركاته
العفو حبيبة شكرا ليك ولحيوحي ماشاء الله عليكم
ربي يجعله من الصالحين يارب
كمّلتها لعيون الاحباب
قولي له ربي يرزقنا اجمعيييييييين
نزورو الغار ونصليو فيه على نبينا المختار
ادعيلنا معاك يحيوحييي:19:

السلام عليكم

اندمجت في صحبتك ويحيا ههه ، الله ما أروع ذلك حفضكما الله وحفظ لنا بدوع الغالية وجعلها من زراع الخير للأمة ..





ليييييييييينتي ...وعليكم السلام ورحمة الله وبركاته
وحفظك حبيبتي ودمت لنا الناصحة الرائعة ...اللهم امييين حبيبتي اجمعين
ربي يبارك فيك لينوووو

[ابداع جزائرية]

بوركتِ أختنا أم أنيس على هذا الجهد الرائع
ثبّتك الله وأصلح لك أولادكِ وأولاد صاحبة الموضوع الأصلي وجعلهم من الصالحين
راني حطيت الموضوع في المُفضلة للمُستقبل بإذن الله - إبتسامة- ، نسأل الله من فضله.


وبوركت حبيبتي على المداخلة الطيبة والدعاء الجميييل
اللهم اميين ...اجمعييين
ربي يرزق اختي خير ماتتمنى عاجلا غير اجل
وكي نهار اليوم ان شاء الله تحكيها وتجي تقوليلي
كفاه كسّرولك راصك :)
اللهم اميييييين

[ابداع جزائرية]

كنت حبيت نقولكم نظيفو الجمعة للسبت كعطلة ونحكو فيها اللي فات
حتى للأحد ان شاء الله ونكمّلو الحلقة الثامنة
اعذروني ...اولادي يكونو في البيت
فما يكونش عندي وقت كافي
سلامي لكل احبائي اللي راهم يسمعو في القصّة
ولكل الامهات الحريصات انهم يحكو
اجمل حكاااية
سلام

[ماريا.م]

مشكورة اختي
جزاك الله خيرا انت وصاحبة الموضوع
وبارك لكما في أولادكما

[ياسمين1990]

السلام عليكم ورحمة الله وبركاته
اصبحت عادة بعد فطور الصباح نتجه الى الحكاية
شكرا بدوعتي ربي يقدرك على تلاميذك ويعينك باه تكملي معاهم وتغرس فيهم اخلاق النبوة
وتعاليم ديننا الحنيف
اولا امين على الدعاء
ثانيا قالك يحيوحي ان شاء الله نروحوا لغار حيراء مع بعضنا
وكي وصلنا لحكاية نزول جبريل عليه السلام بالقرءان فرح فرحة كبيرة
بعدما قلت له يوم الجمعة والسبت مراجعة لما سبق
لانها ماعندهاش الوقت تكتب حكاية جديدة عندها ولادها تغسلهم وتطيبلهم غداهم وتقوم بهم
دعالك دعوة خاصة جدا !!!

[oum sabrin]

كنت حبيت نقولكم نظيفو الجمعة للسبت كعطلة ونحكو فيها اللي فات
حتى للأحد ان شاء الله ونكمّلو الحلقة الثامنة
اعذروني ...اولادي يكونو في البيت
فما يكونش عندي وقت كافي
سلامي لكل احبائي اللي راهم يسمعو في القصّة
ولكل الامهات الحريصات انهم يحكو
اجمل حكاااية
سلام


صباح الأنوار حبيبتي إبداع يعطيك الصحة على مجهوداتك القيمة في إيصال هذه الرسالة الجميلة لأولادنا جزاك الله عنهم كل خير، للأمانة نبعثلك قبلة صبرين والله كي تسألني تقولي بعثتلك طاطا الحكاية نقولها نعم تبدأ تقفز و تقولي نحبها طاطا بززززززاف وتجري لغرفتها تنتظر القصة و زكرياء يتبع طبعا
نحن في إنتظارك يوم الأحد بحول الله

[ام هاديل وياسين]

السلام عليكم

بارك الله فيكي اختي ابدا نور تي قلوب اولادنا وفرحتيهم الله ينورك اكثر واكثر

كل يوم بنتي تسمع القصة و تفرح بزاف ورايحة تثبتها في ايام العطلة وفقكي الله

اختي وحفظ لكي اولادك وابعد عنهم كل اذى وكل اولاد المسلمين

[ابداع جزائرية]

السلام عليكم ورحمة الله وبركاته
وش احوالهم الامهات العزيزات
والابطال الصغاار ؟
نتمنى تكونو بخير
ونشكركم على الكلام الطيب والدعوات الجمييييلة
راح نحط الحلقة ان شاء الله الليلة
لأني غدوة غائبة
وممكن نتأخر الاثنين ان شاء الله
ماتنسونيش من دعائكم
ربي يبارك فيكم

الحلقة 8

كان يا ما كان و ما تحلا القعدة ..... غير ...... بذكر النبي .... عليه الصلاة و السلام ...
عليه الصلاة والسلااااااااام ...... :)

http://im80.gulfup.com/RD8s10.jpg
سيدنا محمد و السيدة خديجة ....
بعد ما رجعوا من عند ورقة ابن نوفل اطمّنوا ...
و عرفوا بلّي النبي اللي ربّي سبحانه اختاره هو سيدنا محمد .

فالسيدة خديجة آمنت بسيدنا محمد ....وش معناه آأمّي؟
يعني قالت أنا راح نسمع كلام سيدنا محمد في كل حاجة راح يقولي عليها ...
لأنه هو النبي اللي راح يعلمني كلام ربي سبحانه

:)
إذن... شكون أول وحدة آمنت بسيدنا محمد و سمعت كلامه ؟؟
السيدة خديجة .... ممتازيييييين :19:


سيدنا محمد بعدها اطّمن و رجع الغار ..... فوق في الجبل ....
و قعد لثمّة يعبد ربي سبحانه ..... و يدعيه .....و مرت الأيام في غار حراء
و سيدنا محمد باقي يستنّى في جبريل "عليه السلام " يرجع .... ...

http://im67.gulfup.com/iNNFp2.jpg
لكن جبريل "عليه السلام " مجاش ....
و سيدنا محمد باااقي يعبد ربي سبحانه ....و يدعيه
حتّى واحد اليوم ... خلّص سيّدنا محمّد وجاي نازل من الجبل باه يروّح لداره....


كي وصل لآخر الجبل .... سمع صوت يعيّطله..:rolleyes:.
شاف وراه ...شاف قدّامه ....ومبعد شاف في السما ....

http://im71.gulfup.com/5yN3lz.jpg
فشاف الملاك جبريل عليه السلام...هذاك اللي جاه في الغار
فزاد خاف بزّاااف ... لأنه مازال ماتعوّدش أنّه يشوفه ...
و رجع لداره بالزّرب.. ...
كي رجع لداره كان خايف ويتّرعد ...
و السيدة خديجة زادت غطّاته ...
بصّح المرّة هاذي سيدنا محمد سمع صوت جبريل عليه السلام ...:rolleyes:
و هو يقوله كلام ربي سبحانه .... القرآن ..:)
سمعه يقول:



" يا أيها المدثر ..... قم فأنذر ...."
المدّثّر يعني المتغطّي

معناه ... يا اللي راك متغطّي


يا محمد ...راك تتغطّى وخايف؟ ...متخافش... ونوض من فراشك
علّم الناس يعبدوا ربي سبحانه وحده...

باه يدخلوا الجنّة ...
و حذّر الناس اللي تعبد الأصنام من عذاب ربي سبحانه ....



فسيدنا محمد اطمّن وماعادش خايف :)
و تأكّد بلّي هو النبي اللي ربي سبحانه اختاره
و أنه جبريل هو الملاك اللي راح يبلّغه كلام ربّي سبحانه
باه يعلّم بيه الناس كاااامل
http://im79.gulfup.com/JDoZ2s.jpg
سيدنا محمد بدا يقول للناس .... بصّح في السر
يقولهم بلّي هو النبي ... و أنهم لازم يعبدوا ربّي سبحانه وحده...
وانهم لازم يديروا الخير واخلاقهم تعود طيّبة

كان يقول هكّا للنّاس في السّر... لأنّه الكفار ...أشرار
و لوكان يعرفوا راح ياذيوه و ياذيو كل المؤمنين الطيبين اللي تبّعوه

أول راجل آمن بسيدنا محمد ... يعني سمع كلامه و صدّقه ...
كان سيدنا أبو بكر الصديق ...
صاحب سيدنا محمد ...
و أبو بكر علاباله من بككككري خلااااص أنّه سيدنا محمد صادق أمين ...

و عمره ما قال غير الصدق ...
فآمن بيه هو الاول ...

وأول ولد صغير آمن بسيدنا محمد ... اسمه علي .... سيدنا علي
( راح نحكيو عليه ان شاء الله من بعد لأنّه ولاّ بطل كي كبر )
وكان عنده 10 سنين لما آمن بسيدنا محمد ..
:)

و كل يوم كان يفوت ...الناس تزيد تعرف اكثر على سيدنا محمد ....
و يولّيو مؤمنين طيبين ... بصّح في السر
و كانوا حتى كي يبغيو يصلّيو يدّرقو ورا الجبل باه الكفّارالاشرار مايشوفوهمش


http://im79.gulfup.com/yXeSmR.jpgو كانوا يتجمعوا في السر في دار اسمها ....... دار ابن الأرقم ...

يقعدو المؤمنين الطيبين مع بعض و معاهم سيدنا محمد صلي الله عليه و سلم

يعلمهم كلام ربي سبحانه...يعلّمهم القرآن .... ...
http://im79.gulfup.com/fAcqOT.jpg
وينعّتلهم بلّي ربّي سبحانه اللي خلقهم و خلق كل شيء في الدنيا ...
وأنهم لازم يعبدوه وحده...
و يعلمهم الأخلاق المليحة ...
الصدق و الأمانة و العطف على المساكين و كيفاه يديروا الخير

وبقى سيدنا محمد .....3 سنين ....
ثلاث سنين يدعو الناس في السّر ...
و يعلمهم في السر ....

حتّى نهار وين جاه جبريل " عليه السلام " وقاله ضركا لازم تعلنها

و تقول لكلّ الناس
كلّ الناس لازم تعرف ....
:rolleyes:
بصّح وش تبانلكم أمّي ؟ الكفار الأشرار ...كي يعرفو...وش راح يصرا؟

نشوفوها ان شاء الله في الحلقة اللي جايّة
:)

اللهم صلّ وسلّم وبارك على نبيّنا وسيّدنا وحبيبنا محمّد

[ياسمين1990]

السلام عليكم
بارك الله فيك وفي اهلك بدوعتنا
غدا ان شاء الله

[oum sabrin]

شكرا بارك الله فيك وفي عائلتك إلى الغد إنشاء الله

[salima14]

السلام عليكم شكرا لى الموضوع راح نتبع معاكم انشاء الله نتمنى تقبلوني بيناتكم

[ياسمين1990]

السلام عليكم ورحمة الله وبركاته
وينك معلمتي انتظرتك اليوم في موعد الحكاية ولكنك تأخرتي
ان شاء الله تكون بخير وتكملنا الحكاية غدوة
انا يحي في انتظارك تفكريني
مع السلامة معلمتي :mh31:

[ابداع جزائرية]

السلام عليكم ورحمة الله وبركاته

اععععتذر وبشدة ليك يحي ولصابرين

ولكل حبوباتي اللي متابعين الحكاية
والله وجّدتها وكان عطل تمسحتلي من الجهاز ..
وماكانش عندي وقت نكتبها غير الان
ساعات كي تكون ظروف الله غالب...
نتفاهموا على حاجة لولاد؟

:rolleyes:كي مانحطّش حلقة اعرفوا بلي عندي ظروف منتعتني

وقولوا لماما تعاودلكم حلقة عجبتكم من اللي فاتوا
هكّا باه ماتحسّوش بالفراغ وتزيدو تثبّتو المعلومات اكثر

متفاهمين حبوّباتي؟
متفاهمين:19:

الحلقة التاسعة لبرائتكم الجمييييلة ان شاء الله






الحلقة 9 :



كان يا ماكان ...وما يحلا الكلام غيييييير


http://im80.gulfup.com/RD8s10.jpg
ربي يحفظكم

غير بذكر النبيّ عليه الصلاة والسلام


كما قلنا حبّوباتي ...سيّدنا محمّد بقا 3 سنين يدعو النّاس في السّرّ

حتّى كي جا جبريل عليه السلام وقال له

أنّه ربي سبحانه يأمره يعرّف كل النّاس ...

فسيّدنا محمّد جمع أهله وكل مّاليه ...

وقالّهم:
http://im81.gulfup.com/iikaGv.jpg


أنتوما اهلي وناسي...وعلابالكم بلّي عمري ما قلت غير الصّدق

ربّي سبحانه اختارني أنّي نكون ليكم ولكل الناس رسول

باه نعلّمكم أنّه ربي واحد ... سبحانه هو اللي خلقنا ...

واللي راح يدير فيكم الخير ويطيع ربي سبحانه ويسمع كلامه

راح يدخل الجنّة

واللي راح يكفر بيه ..ويعبد أي حاجة اخرى

راح يبقى من اهل النّار ...وربي سبحانه راح يعذّبه
فأهله سكتوا وقعدوا يفكّروا في هدرته صلى الله عليه وسلّم

إلاّ واحد من أهله صلى الله عليه وسلّم

عمّه....عمّه أبو لهب
http://im65.gulfup.com/N0C7yH.jpg


كان عمّه قلبه قااااسي ومن الاشرار

ومايحبّش يسمع كلام ربي سبحانه

أبو لهب قال لأهله :

واحد لا يسمع كلام محمّد ...ولا يساعده ...لوكان تحاميو عليه ولاّ تساعدوه ...

النّاس كامل راح يحاربوكم ويقتلوكم..

لكن أبو طالب ...عمّ سيّدنا محمّد.. اللي ربّاه
http://im58.gulfup.com/DLoIO9.jpg


قال لأبو لهب :لالا أنا راح نوقف معاه وراح نساعده

ومانخلّي حتى واحد يقلّقه

لكن أبو طالب كان يدير كما الكفّار ..يعبد الاصنام

ويخاف من الكفّار لا يتمصخروا بيه لوكان يعبد ربي ويتبّع كلام سيّدنا محمّد

فبقى أبو طالب يعبد الاصنام وفي نفس الوقت يحمي سيّدنا محمّد ويدافع عليه

(وهكذا ماما راح يدخل الجنّة أو النّار ؟

لالا راح يدخل النّار لأنّه ماعبدش ربّي سبحانه وعبد الاصنام)

سيّدنا محمّد قال لأهله برك ...كان مازال ماقالش لأهل مكّة

فراح طلع فوق الجبل ...جبل بحذا الكعبة ..
اسمه جبل الصّفا
http://im65.gulfup.com/pbkuhw.jpg


وقف سيّدنا محمّد وعيّط للنّاس بصوت عااالي

النّاس كامل تلمّت قدّام الجبل ...كل أهل مكّة جاو يسمعوا وش يقول صلى الله عليه وسلّم

فسيّدنا محمّد سقساهم قاللهم لوكان نقولكم كلامي ...راح تصدّقوه؟

فردّوا عليه قالولو ...نعم ايه ...انت طول عمرك عايش معانا ...

في حياتك ماقلت غير الصّدق ...نعرفوك مليح عمرك ما كذبت علينا

فقالهم ...ربي سبحانه اختارني باه نكون رسول

باه نقول للناس يعبدو ربي سبحانه وحده

باه يدخّلهم الجنّة ..واللي راح يعبد الاصنام ...
الحجر اللي ماتسمع ماتتكلم

ولاّ اي حاجة اخرى... راح يدخل للنار

النّاس بقاو يفكّرو في كلام سيّدنا محمّد ..إلاّ واحد ...

عمّه ...عمّه الشرير ...أبو لهب
http://im65.gulfup.com/N0C7yH.jpg


شاف مع سيّدنا محمّد وقال له :تبّا لك ...

هاذ الكلمة ماما مش مليحة معناها ...راح ماتفلحش وتموت

سيّدنا محمّد ماردّش عليه ..

لكن ربي سبحانه بعث جبريل عليه السلام لسيّدنا محمّد يقول له :

(تَبَّتْ يَدَا أَبِي لَهَبٍ وَتَبَّ)

معناها ربي سبحانه قال انّه ابو لهب هو اللي راح يموت وما يفلحش

وراح يدخل للنّار ...

زوجة ابولهب ثاني كانت شرّيرة وكان اسمها أم جميل

كي عرفت بلي ربي سبحانه يقول بلّي أبو لهب مايفلحش وراح يموت ويدخل للنّار

راحت جابت حجرة كبيييرة وبغات تضرب بيه سيّدنا محمّد

http://im65.gulfup.com/1G3XOb.jpg
سيدنا محمد كان قاعد قدّام الكعبة و معاه سيدنا أبو بكر ...
جات ام جميل ..زوجة ابو لهب وتحوّس على سيّدنا محمّد باه تضربه

أبو بكر خاف لا تقيس سيّدنا محمّد ...لكن سيّدنا محمّد قال له ماتخافش

مّالا قالت لأبو بكر :وينه صاحبك؟وينه محمّد ؟

لوكان نشوفه نضربو بهاذ الحجرة...

شفتو ماما كفاه ربي سبحانه يحفظ سيّدنا محمّد وعماها عليه صلى الله عليه وسلّم ماشافاتوش :D

وهو كان بحذاها سبحان الله ...

حوّست حوّست عليه كي مالقاتوش راحت ....

:)
و سيدنا محمد قال لأبو بكر .... ربي سبحانه هو اللي خلاها ماتشوفنيش .



كانوا ناس بزّاف في هاذاك الوقت يعبدوا الاصنام

وكي سمعو وش قال الرسول صلى الله عليه وسلّم آمنوا بيه

وعادوا مسلمين ...مومنين طيبين :)

لكن الكفّار الاشرار مازالوا يعبدوا الاصنام ...وماحملوش كفاه كل يوم يزيدو المسلمين

ويرجعوا في صفّ حبيبنا وسيّدنا محمّد ويخلّيو عبادة الاصنام

فقعدوا يفكّروا في خطط شرّيرة

قعدوا الكفّار مع بعض ...يفكّروا وش يديروا ؟؟؟
http://im43.gulfup.com/fGBJOv.jpg
قالوا بلّي ضرك يزيدوا يجيو النّاس لمكّة ويسمعوا بيه ويامنوا بيه

واحد منهم قالّهم :انا عندي فكرة ..
اللي يجي لمكّة نقولولوا

ماتهدروش مع محمّد ...راهو ولاّ ساحر ...
يعود يسحركم ويرجّعكم مسلمييين

فالكفّار عادوا يقعدوا في الطرق ...واللي يدخل لمكّة

يقولولو ماتهدرش مع محمّد راهو عاد ساحر لايسحرك...ويخلّيك ماتعودش تعبد الاصنام

بصّح واحد لا سمع كلامهم ...والناس راحت لسيّدنا محمّد

وعرفوا بلّي نبيّ ..وآمنت بيه ...:)
الكفّار زادوا هبلوا اكثر ...وقالوا لازم نزيدوا ندبّروا فكرة احسن
وتفاهموا يبقاو يقلّقوا سيّدنا محمّد ...ويسبّوه وياذيوه هو والمومنين اللي معاه

ويتمصخروا بيهم حتى يرجعوا يعبدوا الاصنام

وعادوا كي يشوفو واحد فقير من المسلمين يبقاو يتمصخروا بيه
:mad:

سيّدنا محمّد حزن وقلق ..لكن ربي سبحانه قال له مايتقلقش ولا يحزن

وقال له كي تتقلق ويضيق صدرك ...سبّح ...قول سبحانه الله

واسجد لربك وصلي ...

فسيّدنا محمّد كان يدير وش قال له ربي سبحانه

وكان علاباله بلي ربي سبحانه راح ينحّي عليه ...وينصره ...و ينجّيه



(وهكذا ماما حتى احنا كي نعودو قلقانين ...او في مشكل ..لازمنا نديروا كما نبينا حبيبنا ..نسبّحوا ونصلّيو ..
وربي سبحانه راح ينحّي علينا )



"ولقد نعلم أنك يضيق صدرك بما يقولون فسبح بحمد ربك وكن من الساجدين واعبد ربك حتى يأتيك اليقين" سورة الحجر

الكفار الأشرار زادوا تفاهموا أنّهم كي يسمعوا القرآن يديروا الحسّ

ويغنّيو بصوت عالي باه النّاس ماتقدرش تسمع القرآن

واللي مايعبدش الاصنام ...يضربوه ويعذّبوه :mad:

وهكذا بداو يعذّبوا في المومنين خاصة الفقراء منهم

يربطوهم بالحبال ويخليوهم في الشمس

بلا اكل ولا ماء...http://www.djelfa.info/vb/images/icons/icon9.gif

ويحطّو الحجارة على جسمهم...

ويقولولهم تعبدوا الاصنام ولاّ نزيدوا نعذّبوكم

لكن المسلمين بقاو يقولوا ربي سبحانه واااحد

وراح نعبدوه غير هو ..
http://im58.gulfup.com/S5sz3L.jpg


وهكذا بقاو رغم التعذيب يعاودوا :أحد...أحد

يعني ربي سبحانه وحده ومانعبدوش غيره

عذبوا ...بلال بن رباح
و عذبوا عمار بن ياسر و ابوه وأمه ..
و مسلمين اخرين بزّااااف ...


سيّدنا محمّد غاضوه المسلمين بزاف وقال لهم على حلّ

انّهم يروحوا يسافروا ويبعّدوا على الكفّار ...

كانت واحد البلاد بعييييدة اسمها الحبشة يسافوا ليها النّاس بالسّفينة
http://im81.gulfup.com/OKAbxI.jpg


وكان ثمّة ملك ..ملك عادل وطيّب

وما يظلم حتى واحد ...اسمه النّجاشي ..
http://im65.gulfup.com/unDNE0.jpg


سيدنا محمد قال للمسلمين اللي خايفين من الكفار يسافروا
( يهاجروا ) للحبشة ..
و يقعدوا لثمّه باه واحد ما ياذيهم كي يعبدوا ربي سبحانه ...

و سافروا مسلمين بزّااف للحبشة ... و عاشوا فيها هانيين ...

بصّح الكفّار ماهناوش وزادوا هبلوا اكثر

وش راحوا دارو؟

بعثوا زوج رجال لملك الحبشة ...وبعثوا معاهم هدايا بزاااف

باه زعمة يسمعلهم ويحاوز المسلمين من بلاده
http://im58.gulfup.com/SFC6Ts.jpg


لكن ياترى ...ملك الحبشة راح يوافق؟:rolleyes:

نشوفو مع بعض وش راح يدير معاهم ...في الحلقة الجايّة

وصلّوا على نبينا وحبيبنا وسيّدنا محمّد
:)

[ياسمين1990]

وعليكم السلام
اهلا معلمتي مرحبا بك ......حاضر نقولها لامي تعاودلي لي فاتوا
. .امي ...امي ارواحي معلمتي كتبت حكاية جديدة
هيا قصيها عليا .
اني جيت يحي
اهلا بدوع على سلامتك ان شاء الله تكون بخير بارك الله فيك وفي ذريتك ويجعلهم من الصالحين
اني رايحة نحكلو القصة الجديدة
استعد يا بني
كان يامكان ومايحلى الكلام الا بذكر الحبيب النبي .......عليه الصلاة والسلام
ممتاز بني ...عليه الصلاة والسلام
.................................

[ابداع جزائرية]

السلام عليكم ورحمة الله وبركاته
اصبحت عادة بعد فطور الصباح نتجه الى الحكاية
شكرا بدوعتي ربي يقدرك على تلاميذك ويعينك باه تكملي معاهم وتغرس فيهم اخلاق النبوة
وتعاليم ديننا الحنيف
اولا امين على الدعاء
ثانيا قالك يحيوحي ان شاء الله نروحوا لغار حيراء مع بعضنا
وكي وصلنا لحكاية نزول جبريل عليه السلام بالقرءان فرح فرحة كبيرة
بعدما قلت له يوم الجمعة والسبت مراجعة لما سبق
لانها ماعندهاش الوقت تكتب حكاية جديدة عندها ولادها تغسلهم وتطيبلهم غداهم وتقوم بهم
دعالك دعوة خاصة جدا !!!
وعليكم السلام ورحمة الله وبركاته
ربي يديمها علينا عادة جميييييلة يحيوحي;)
شكرا لدعوتك الجمييييلة http://www.djelfa.info/vb/images/icons/a16.gif يحيوحي
جزاك الله خيراhttp://www.djelfa.info/vb/images/icons/a16.gif

السلام عليكم
بارك الله فيك وفي اهلك بدوعتنا
غدا ان شاء الله
وفيك ياسمينتي ربي يديم عليا صحبتكم الطيبة

السلام عليكم ورحمة الله وبركاته
وينك معلمتي انتظرتك اليوم في موعد الحكاية ولكنك تأخرتي
ان شاء الله تكون بخير وتكملنا الحكاية غدوة
انا يحي في انتظارك تفكريني
مع السلامة معلمتي :mh31:
وعليكم السلام ورحمة الله وبركاته
يا حبّوبي ربي يحفظك ...ياخي تفاهمنا كي نتغيّب تعرف بلي حاجة شغلتني لازم نديرها
والا لن أخلف معكم موعدي ان شاء الله


وعليكم السلام
اهلا معلمتي مرحبا بك ......حاضر نقولها لامي تعاودلي لي فاتوا
. .امي ...امي ارواحي معلمتي كتبت حكاية جديدة
هيا قصيها عليا .
اني جيت يحي
اهلا بدوع على سلامتك ان شاء الله تكون بخير بارك الله فيك وفي ذريتك ويجعلهم من الصالحين
اني رايحة نحكلو القصة الجديدة
استعد يا بني
كان يامكان ومايحلى الكلام الا بذكر الحبيب النبي .......عليه الصلاة والسلام
ممتاز بني ...عليه الصلاة والسلام
.................................
وعليكم السلام ورحمة الله وبركاته
اللهم اميييين اجمعين حبيبتي
ربي يقر عينك بيه ياااارب
اللهم صل وسلم وبارك على نبينا محمد

[oum sabrin]

و عليكم السلام
أهلا بالإبداع ،الله يكون في عونك و يقدرك على مهامك النبيلة
الحلقة جميلة و صبرين راهي تستنا في ردة فعل النجاشي
دمت بأللف خير إلى الحقة10 إنشاء الله

[ابداع جزائرية]

الحلقة 10

كان ياما كان...

http://im80.gulfup.com/RD8s10.jpg
و ما يحلي الكلام غير بذكر النبي ...
عليه الصلاة و السلااااااااام .:)

المسلمين كما قلنا ماما خلاّو مكّة ...البلد الجميييلة اللي فيها الكعبة



رغم انهم كانوا يحبّوها بزّاااف ...لكن خلاّوها وراحوا سافروا ...

وين سافروا ماما؟

سافروا للحبشة

لأنه كما قلنا الكفار الاشرار ماخلوهمش في حالهم ...وعذّبوهم وآذوهم


وعاش المسلمين في الحبشة عند الملك الطيب اللي مايظلمش

وش كان اسمه فكّروني؟ ...النجاشي

كان اسمه النجاشي ...



لكن الكفار ماحملوش ...وراحوا بعثوا اثنين منهم ...ومعاهم هدايا غااالية للملك
http://im58.gulfup.com/SFC6Ts.jpg


هذا كامل باه يحاوز من عنده المسلمين ...
ادّاولوا كما قلنا الهدايا وقالولو :

راهو كاين ناس اشرار جاو عندك الحبشة ...حاوزهم يرجعوا معانا

قصدهم على المسلمين...

الملك كان طيّب وعادل ...ردّ عليهم وقالهم:

لالا انا مانيش راح نحاوز حتى واحد ولا راح يرجعوا معاكم

لأنهم دخلوا بلادي خايفين ...وانا لازم نحميهم ...

وضرك نجيبهم هنا ونسقسيهم على كل حاجة

فالملك جاب المسلمين وسقساهم:
http://im65.gulfup.com/unDNE0.jpg


علاه جيتوا هنا عندي وخلّيتو دياركم واهلكم في مكة ؟

مّالا قام جعفر ابن ابي طالب ...اللي هو يكون ابن عمّ الرسول صلى الله عليه وسلّم وقال :

يا ملك...احنا في مكّة كنّا عايشين مع اهلنا نعبدوا الاصنام

وماكنّاش عارفين الصّح من الغالط ...

كنّا نظلموا بعضانا ونتقابضوا ...واحد لا كان يهتمّ بأهله ...

وكنا ناذيوا الجار ...والقوي فينا يضرب الضعيف

حتى كي جا سيّدنا محمّد ..الصّادق الامين

وبعثه لينا ربي سبحانه باه يبصّرنا للخير ويعلّمنا كلام ربّي

علّمنا نبعدوا على عبادة الاصنام اللي ماتنفعناش...ونعبدو ربي سبحانه وحده

علّمنا نقولوا الصدق ...علّمنا نحافظوا على حوايج الناس والامانة

علّمنا نحبّو اقربائنا ونسقسو عليهم

ونحبوا جيراننا ونعاونوهم

علّمنا ماناذوش الضعيف ولا اليتيم ...ومانجرحوش مشاعرهم ...ونحبوهم ونعاونوهم

فسمعنا كلامه وآمنّا بيه

لكن الكفار اللي مازالوا يعبدوا الاصنام

آذونا بزّاف وعذّبوا منّا بزاف ...باه يرجعونا نعبدوا الاصنام كما هوما

فجينا عندك للحبشة كي عرفنا بلّي انت ماشاء الله ملك عادل
وتحكم بالحق ماتظلمش

فالملك شاف عند جعفر ...وقال له: قولّي تراه كلام من اللي علّمهولكم محمّد

قولّي كلام من القرآن...

قال له جعفر نعم...وبدا يتلو عليه ايات من سورة مريم

والملك يسمع ...حتى بداو الدموع يسيلو من عينيه لمّا تأثر بكلام ربي سبحانه

وقال للمسلمين:

ماتخافوش ..مستحيل نسلّمكم للكفار يديوكم

وراح تبقاو عايشين عندي في الحبشة في امان

ولا واحد راح يقدر يقيسكم ....

فرجعوا الكفّار لمكّة وهوما راح يطرطقوا من الغيظ
http://im46.gulfup.com/U7Qi0u.jpg


ونشوفوا ان شاء الله في الحلقة الجايّة وشمن خطط شريرة راح يزيدوا يديروا

ووش راح يكون رد سيّدنا حبيبنا محمّد والمسلمين؟

اللهم صل وسلّم وبارك على نبيّنا محمّد :)

[ياسمين1990]

السلام عليكم ورحمة الله
بارك الله فيك بدوع ربي يعينك

[oum sabrin]

السلام عليكم غاليتي إبداع
طبعا لن تنام صبرين حتى تسمع القصة
بارك الله فيك إلى الغد إنشاء الله

[ابداع جزائرية]

الحلقة 11

كان ياما كان ....


http://im80.gulfup.com/RD8s10.jpg
و ما يحلي الكلام ...الاّ بذكر النبي عليه الصلاة و السلام ....
........... الممتازين وش يقولوا ....:)...... عليه الصلاة و السلام ....

الكفار رجعوا من الحبشة راح يطّرطقوا من الغيظ

وقالوا لازم نفكّروا في خطة جديدة ...نؤذي بيها المسلمين

مايصلحش كل مرة يزيدوا يدخلوا في الاسلام

مّالا قعدوا يفكّروا ...وش يديروا ...وش يديروا:confused:
http://im43.gulfup.com/fGBJOv.jpg


فواحد منهم شرير قالهم انا عندي فكرة..

مازالوا كاينين مسلمين هنا في مكّة ....
مع الرسول واهله ...

وش رايكم نقاطعوهم ...مانبيعولهم حتى حاجة

لا اكل ولا لبس ...حتى يموتوا بالجوع


:mad:ومانشريوا منهم حتى حاجة حتى حوايجهم كامل يخسرولهم

ولا نقعدوا معاهم ولا نهدروا معاهم

ولا نتزوّجو منهم ...نقاطعوهم خلااااص

نبقاو هكذا حتى كي يبطّلوا يعبدو الله ويرجعوا يعبدوا الاصنام

فالكفّار الاشرار عجبتهم الفكرة

قالولوا فكرتك ممتازة ...هيا نكتبوا الاتّفاق هذا في ورقة

ونحطّوها على الكعبة ..باه النّاس كامل تشوفوا

فكتبوا الاتفاق الشرير نتاعهم في ورقة ....
و راحوا علقوه علي الكعبة ....
http://im43.gulfup.com/AFwpUZ.jpg

المسلمين راحوا يشريوا الماكلة من الكفّار
الكفار واحد لا حبّ يهدر معاهم ...
ولا حبّوا يبيعولهم أي أكل ..

و الكفار ثاني تفاهموا مايشريوا حتى حاجة من عند المسلمين
باه مايخلّيوهم يربحوا حتى مال
http://im43.gulfup.com/w3j37Y.jpg


بدا الاكل ينقص عند المسلمين و...بداو يجوعوا

واجسامهم تضعف ...

وكانوا حتى من الجوع بزّاف ..ياكلوا اوراق الشجر ...
http://im43.gulfup.com/r3Vx6r.jpg


وكانوا ساعات ناس يجيوا من برّا مكّة يبيعوا

فكان المسلمين يلاقوهم على الطرق في السّر ويشروا منهم شوية ماكلة

وكان كي واحد منهم يدبّر شوية غذاء ..

كان يقسم مع خاوته المسلمين كاااامل ...

لأن المسلمين اخلاقهم طيّبة ...ويحبّوا بعضاهم
http://im43.gulfup.com/He03YA.jpg


بقاو المسلمين 3 سنين هكذا ...يدبّروا الغذاء بصعوبة

حتى اجسامهم ضعفت ...لكن كانوا يقولوا :

احنا مايهمّناش ...مهما داروا الكفّار ...راح نبقاو نحبّوا ربي سبحانه ونعبدوه

وراح نصبروا في الدنيا ...باه ندخلوا من بعد للجنّة وناكلوا ونلبسوا ونعيشوا احسن عيشة ...

حتى في واحد اليوم من الايام

قعدوا 5 رجال من الكفار ...وقالوا ...هذا الاتفاق مانفعنا ماوالوا

وواحد من المسلمين مارجع يعبد الاصنام رغم الجوع اللي راهم فيه

مّالا نروحوا نقطّعوا ورقة الاتفاق هاذيك ...

لكن جا واحد آخر شرّير اسمه أبو جهل ...ومعاه كفّار آخرين

قالوا لالا ..نخلّيوا الاتّفاق ...ونقتلوهم بالجوع

وقعدوا يتقابضوا ...

حتّى كي سيّدنا محمّد قال لعمّ أبو طالب

قوللهم يروحوا يشوفوا ورقة الاتّفاق نتاعهم وش صرا فيها ...

ربي سبحانه خلاّ نمل الارض ياكلها
http://im43.gulfup.com/d3lcXy.jpg


أبو طالب قال لسيّدنا محمّد وانت منين عرفت ؟
فسيّدنا محمّد قال له بعث لي جبريل عليه السلام يقول لي

راح الكفّار بسرعة عند الكعبة يشوفوا ورقة اتّفاقهم

لقاوها كلاها النّمل كااامل الاّ كلمة "بسمك اللهم"
http://im43.gulfup.com/oDDyOu.jpg


الكفّار عرفوا بلّي ربي سبحانه اللي دار لإتّفاقهم الشرّير هكذا

فخافوا ...وكمّلوا قطّعوا اتّفاقهم هذاك ...

ورجعوا يشريوا ويبيعوا للمسلمين

:)لكن ...وش تبانلكم ماما راح يخلّيوهم في حالهم ؟

نشوفوا مع بعض في الحلقة الجايّة ان شاء الله وش من خطط جديدة جابوا

اللهم صل علي سيدنا محمد

[ابداع جزائرية]

السلام عليكم

بارك الله فيكي اختي ابدا نور تي قلوب اولادنا وفرحتيهم الله ينورك اكثر واكثر

كل يوم بنتي تسمع القصة و تفرح بزاف ورايحة تثبتها في ايام العطلة وفقكي الله

اختي وحفظ لكي اولادك وابعد عنهم كل اذى وكل اولاد المسلمين
وعليكم السلام ورحمة الله وبركاته
وفيك حبيبتي ام هدول ربي يحفظك ويحفظها
اللهم اميييين اجمعييين ...
ربي يوفقها حبيبة وتحيّة كبييييرة وتسليمة لحبوبتي ام كلثوم
ان شاء الله تكمّل معانا ربي يحفظها ويعافيها يارب
والله ردّيت عليك وقتها والظاهر انه ردي مافاتش هذاوين قاعدة نشوف

[ابداع جزائرية]

مشكورة اختي
جزاك الله خيرا انت وصاحبة الموضوع
وبارك لكما في أولادكما



العفو اختي...وجزاك عزيزتي على الدعاء الطيب
نورتينا ربي يبارك فيك:dj_17:

[ابداع جزائرية]

صباح الأنوار حبيبتي إبداع يعطيك الصحة على مجهوداتك القيمة في إيصال هذه الرسالة الجميلة لأولادنا جزاك الله عنهم كل خير، للأمانة نبعثلك قبلة صبرين والله كي تسألني تقولي بعثتلك طاطا الحكاية نقولها نعم تبدأ تقفز و تقولي نحبها طاطا بززززززاف وتجري لغرفتها تنتظر القصة و زكرياء يتبع طبعا
نحن في إنتظارك يوم الأحد بحول الله
ياعمري على هاذيك التسليمة العزيزة ...وهذاك الحب البرييييء
ابعثيلها تسليمتي على الراص وقوليلها وانا نحب صبرين ونحب زكريا
ربي يحفظهم ياااارب ...
واعذروني حبيباتي كي يعودو عندي ظروف على التقصير او الاطالة
العفو حبيبة انا اللي لازمني نشكركم
ربي يباركلنا في وليداتنا ويكبّر حبّ نبينا في قلوبهم
ويعزّهم بدينه ...ويشفع فينا كااامل يوم القيامة

شكرا بارك الله فيك وفي عائلتك إلى الغد إنشاء الله
وفيكي حبيبتي ربي يباركلي فيكم

و عليكم السلام
أهلا بالإبداع ،الله يكون في عونك و يقدرك على مهامك النبيلة
الحلقة جميلة و صبرين راهي تستنا في ردة فعل النجاشي
دمت بأللف خير إلى الحقة10 إنشاء الله
اللهم امييين ...
شفتي صبرين النجاشي كفاه دافع عليهم وكان كما قالهم رسولنا الكريم
عادل ومايظلمش..:)

السلام عليكم غاليتي إبداع
طبعا لن تنام صبرين حتى تسمع القصة
بارك الله فيك إلى الغد إنشاء الله
ربي يحفظها حبيبتي هي وخوها

[oum sabrin]

ياعمري على هاذيك التسليمة العزيزة ...وهذاك الحب البرييييء
ابعثيلها تسليمتي على الراص وقوليلها وانا نحب صبرين ونحب زكريا
ربي يحفظهم ياااارب ...
واعذروني حبيباتي كي يعودو عندي ظروف على التقصير او الاطالة
العفو حبيبة انا اللي لازمني نشكركم
ربي يباركلنا في وليداتنا ويكبّر حبّ نبينا في قلوبهم
ويعزّهم بدينه ...ويشفع فينا كااامل يوم القيامة

الله يسلمك آمييييين يا رب
وفيكي حبيبتي ربي يباركلي فيكم


اللهم امييين ...
شفتي صبرين النجاشي كفاه دافع عليهم وكان كما قالهم رسولنا الكريم
عادل ومايظلمش..:)

و الله كانت عندها ثقة كبيرة فيه بحيث لما سأللتها واش رايك صبرين يغروه الكفار بهداياهم و يحاوز المسلمين من بلاده؟ قالتلي لا لا ماما ياك الرسول بعثعهم عنده لأنه طيب ، ولما سمعت تتمة الحلقة فرحت قاتلي كيما قتلك ماما:):)

ربي يحفظها حبيبتي هي وخوها

الله يسلمك حنونة يحفظلك ما تسعاي

[oum sabrin]

شكرا على الحلقة ١١ بارك الله فيك

[ياسمين1990]

السلام عليكم
قالك يحي شكرا خالتي ابداع
على الحكاية وقالك توحشتك
والى اللقاء مع الحكاية القادمة
سلام

[ابداع جزائرية]

السلام عليكم ورحمة الله وبركاته
نعتذر منكم احبائي ..
كان عطل في الموضوع ماقدرتش نضيف مشاركات
اليكم:


الحلقة 12


كان يا ما كان....
http://im80.gulfup.com/RD8s10.jpg


و ما يحلي الكلام إلا بذكر النبي عليه الصلاة و السلام
هيّا مع بعض نقولوا بأجمل وبأعلى صوت....

عليه الصلاة و السلام....:)

الكفار الأشرار كانوا كل شوية يديروا خطط جديدة

باه ياذيوا المسلمين
لكن في نفس الوقت...
كان كل يوم ناس جدد يسمعوا كلام سيدنا محمد
ويامنوا بيه ...ويعودوا يعبدوا ربي سبحانه ويديروا الخير
و الكفار راح يهبلوا... بغاو يقلّقوا سيدنا محمد بأي طريقة

باه الناس يبقاو يعبدوا الأصنام ...

.... لكن عمه أبو طالب كان دايما يدافع عليه
وماخلاّهم يديرولوا حتى حاجة مش مليحة...

و السيدة خديجة ثاني ... كانت أخلاقها أحسن أخلاق ...
و كانت تدافع على سيدنا محمد و تحبّه ...
و كانوا الكفّار كي يقلّقوه صلى الله عليه وسلّم...

كانت تنحّي عليه ..لأنّه كان علابالها بلّي هو الصح
وربّي سبحانه راح يخلّيه ينتصر عليهم في الآخر


لكن السّيّدة خديجة راح تموت ....
http://www.djelfa.info/vb/images/icons/icon9.gif


سيّدنا محمّد كان يحبّها بزّاااف

وحزن بزاف بزاف عليها ...
لكن سيّدنا جبريل جا طيّب خاطره وقالّه

بلّي ربي سبحانه بنا للسّيّدة خديجة دار جميييييلة في الجنّة
أحلى من كل البيوت المليحة اللي في الدّنيا..
http://im80.gulfup.com/oGUYmg.jpg
وحتى عمّه أبو طالب ولاّ شيخ كبييير

وبقا مريض حتّى مات...


عمّه اللي ربّاه وكان يحبّه ويدافع عليه...

بقا سيّدنا محمّد وحده حزييين...http://www.djelfa.info/vb/images/icons/icon9.gif

ماتت زوجته صلى الله عليه وسلم اللي كان اللي يحبّها

وزاد عمّه...

فالكفّار فرحوا أنّه بقا وحده صلى الله عليه وسلّم

وبانتلهم خلااص مابقا حتّى واحد يحميه ويدافع عليه

وقالوا هاذي هي فرصتنا باه ناذيوه ..

فرجعوا يقلّقوه بتصرّفاتهم الشّريرة ...

فكّر سيّدنا محمّد ...


وجاته فكرة صلى الله عليه وسلّم.....
أنّه يروح لواحد البلد اسمها الطائف قدّام مكّة

باه تصلحلوا يزيد يعلّم النّاس اللي لثمّة الاسلام ...

ويعيش معاهم بعيد على الكفّار...

فراح سيدنا محمد الطائف و معاه طفل اسمه زيد ابن حارثة ...
زيد كان يحبّ النبي صلّى الله عليه وسلّم و يعاونه و يخدمه ....

راحوا مع بعض لملوك الطائف .... وكانوا 3 ملوك

سيدنا محمد قالهم إنه الرّسول ... و قالهم يعبدوا ربي سبحانه ...
و يخلّيوا الأصنام المخدومة من الحجر ..
اللي ما تشوف لا تسمع ولا تفهم ولا تقدر ادّير حتى حاجة .

بصّح هاذوك الملوك ثاني ظهروا كفّار اشرار...
و ماحبّوش يسمعوا كلام سيدنا محمد

وقالوله حتّى لو كنت صحّ النبيّ اللي ربي بعثه ماناش راح نهدروا معاك :confused:

سيّدنا محمّد قاللهم خلاص...

بصّح ماتقولوش للكفّار اللي في مكّة انّي جيت عندكم...

فالملوك الاشرار قالوله لالا ...

راح نقولولهم وراح نحاربوك وناذيوك كما هوما

فالملوك الاشرار جمعوا الولاد القباح هاذوك اللي عندهم

وحرّشوهم يرميوا سيّدنا محمّد بالحجر...
http://im88.gulfup.com/1hoAnI.jpg


هاذ الملوك اشرار ...
وربي سبحانه راح يدخّلهم للنّار كعاد آذاو حبيبنا وماحبّوش يسمعوا كلام ربي سبحانه...

سيّدنا محمّد هرب منهم هو و زيد...

وكانت رجله الشريفة صلى الله عليه وسلّم مجروحة ...http://www.djelfa.info/vb/images/icons/icon9.gif

وحتى زيد اتّجرح راصه

زربوا دخلوا واحد الجنينة وادّرقوا على هاذوك لولاد لقباح

ماشافوهمش..

فسيّدنا محمّد قعد تحت شجرة العنب...
http://im64.gulfup.com/hq3gNy.jpg


وبقا يدعي ...

ياربي راني ضعيف بلا بيك...

ياربي ماتخلّينيش ...
ياربّي المهمّ تكون راضي و ماتكونش غضبان عليّا ...

وبقا يدعي بزّاف لأنّه كان حاس بالضعف وبالوحدة ...

الدعاء :

(( اللهم إني أشكو إليك ضعف قوتي, وقلة حيلتي , وهواني على الناس , أنت ارحم الراحمين , ورب المستضعفين , وأنت ربي , إلى من تكلني ؟ إلى قريب يتجهمني , او إلى عدو ملكته أمري , إن لم يكن بك علي غضب فلا أبالي , غير أن عافيتك هي أوسع لي , أعوذ بنور وجهك الذي أشرقت له الظلمات , وصلح عليه أمر الدنيا والآخرة , أن ينزل بي غضبك , أو يحل بي سخطك , لك العتبى حتى ترضى , ولا حول ولاقوة إلا بك ))

و مبعد صحاب الجنينة كانوا زوج رجال ....

شافوا سيدنا محمد من بعيد قاعد فيها... ....
فجابوا صحن و حطوا فيه لعنب
http://im80.gulfup.com/he8cuW.jpg


و قالوا لخدّام عندهم يدّيهوله صلى الله عليه وسلّم....باه ياكل ...

علابالكم .. العرب من كانوا كانت ميزة فيهم يكرموا الضيف الغريب

فسيّدنا محمّد كان تعبااان وغلباااان ...هزّ العنب باه ياكل وقال:

"بسم الله "

فالخادم حار فيه ...وقال له...

قلت كلام مليييح قبل ماتاكل ؟؟؟؟

وفي هاذ البلاد واحد لا سمعتو يقول كما هكّ

فسيّدنا محمّد سقسا الخدّام هذاك قا له ...وانت منين؟

وش اسمها بلادك؟

فقال له الخدّام: بلادي اسمها نَيْنَوَى

سيّدنا محمّد قال له مّالا انت من بلاد النبيّ يونس ..

الخدّام هذاك استغرب

قال له صحّ وانت منين تعرف بلّي النبي نتاع بلادنا كان اسمه يونس
سيدنا محمد قاله : يونس كان نبي و أنا ثاني نبي من عند ربّ العالمين ..
الخدّام هذاك حكم يدّ سيدنا محمد وسلّم عليها..

وهبط يسلّم على رجله المجروحة صلى الله عليه وسلّم...
لأنّه عرف بلّي رسول من ربي سبحانه...
http://im64.gulfup.com/hq3gNy.jpg
سيدنا محمد خرج من جنينة العنب و معاه زيد ... و رجعوا لمكّة
قبل ما يدخلوا مكة ... جا سيدنا جبريل لسيدنا محمد و قاله
ربي سبحانه بعثني و معايا ملك واحد آخر ...

لو تحب نطبّق الجبال هاذو على الكفار اللي ياذيوا فيك ...
نهدّمها عليهم
http://im43.gulfup.com/a7NrxJ.jpg


فسيّدنا محمّد وش قال؟

وش تبانلكم آماما يقول بعد وش صرا فيه...؟

حبيبنا صلّى الله عليه وسلّم رغم الشي اللي صرا فيه...

قال له :لالا... بالاك ربّي سبحانه

يصلح اولادهم ويهديهم يكونوا مسلمين...

يعبدوه ويدخلوا الجنّة ويمنعوا من النّار ...

سيدنا محمد قبل ما يدخل لمكّة وقف

وعيّط لواحد من أهل مكّة كان اسمه مطعم ابن عديّ

وسقساه ...قال له ...تقدر تحميني من كفّار مكّة الاشرار؟

مطعم بن عديّ كان حتى هو يعبد الاصنام ...

لكن ماكانش ياذي الرسول صلى الله عليه وسلّم

قال له نعم ...نقدر نحميك...وواحد لا يقدر ياذيك

ربّي سبحانه دارو سبّة باه يحمي سيّدنا محمّد

مّالا مطعم ابن عديّ عيّط لاولاده ..وقال لهم جهّزوا سيوفكم ...

باه يدخّل سيّدنا محمّد لمكّة بلا واحد مايقدر ياذيه
دخل سيدنا محمد مكة و صلّى عند الكعبة ..
و دخل بيته:)
و الأشرار من الكفار راح يموتوا بالغيظ و ماهمش عارفين وش يديروا
:)



اللهم صل علي سيدنا محمد و علي آله و صحبه
و ارزقنا حبك وحب نبيك

[ابداع جزائرية]

الله يسلمك حنونة يحفظلك ما تسعاي
و الله كانت عندها ثقة كبيرة فيه بحيث لما سأللتها واش رايك صبرين يغروه الكفار بهداياهم و يحاوز المسلمين من بلاده؟ قالتلي لا لا ماما ياك الرسول بعثعهم عنده لأنه طيب ، ولما سمعت تتمة الحلقة فرحت قاتلي كيما قتلك ماما:):)


ماشاء الله ربي يحفظها ويبارك فيها

شكرا على الحلقة ١١ بارك الله فيك
وفيك عزيزتي على المتابعة
جزاك الله خيرا

السلام عليكم
قالك يحي شكرا خالتي ابداع
على الحكاية وقالك توحشتك
والى اللقاء مع الحكاية القادمة
سلام
وعليكم السلام ورحمة الله وبركاته
العفو عزيز خالتوو
وانا توحشتك ربي يحفظك ...

[ابداع جزائرية]

السلام عليكم ورحمة الله وبركاته

الحلقة 13:

كان يا ماكان...

http://im80.gulfup.com/RD8s10.jpg
و ما يحلاش كلام غير بذكر النبي ....
و حبّوباتي يقولوا دايما.....

:)عليه الصلاة و السلام ...

شكون يقولّي ماما ؟
سيدنا محمد لما آذوه الأشرار في الطائف وش دار ؟؟
دعا ربّي سبحانه
:rolleyes:
مليح...

قال لربّي سبحانه ... يا ربي مهما آذوني ..المهمّ يا ربي ما تكونش غضبان عليا و تكون راضي عليّ..

ربّي سبحانه ما خلاّش سيدنا محمد ...

وطمّن قلبه ... أنّه راضي عليه و يحبّه
و راح يخلّيه يشوف حوايج واحد لا شافهم باه ي يعود ثابت و قويّ

و يعرف مليح بلّي ربّي سبحانه اختاره وميّزه
و ماييأسش خلااااص مهما آذوه أو قلّقوه أو حاربوه ....

و يبقي دايما متأكّد بلّي ربّي سبحانه معاه وراح ينصره
:rolleyes:


وش راح يصرا ماما؟
.... راح يدّيه في رحلة ... الإسراء و المعراج ...

:confused: وش معناها ماما هاذ الكلام؟

:confused:
هيّا نحكيو وش معناها ...
:)
الإسراء: ....من مكة إلى المسجد الأقصى


سيدنا محمد كما موالف صلّى و رقد

(كانوا هذاك الوقت يصلّيو صلاتين برك في اليوم)
.... جا الملاك جبريل عليه السلام ونوّضه ....
و ادّاه عند الباب ....

http://im56.gulfup.com/KxMqZV.jpg
سيدنا محمد لقا كائن ....أول مرّة يشوفه ...
لونه أبيض...
و عرف من جبريل عليه السلام إن اسمه البراق
ربّي سبحانه كما خلقنا و خلق الحيوانات و خلق كل شي ...
خلق ثاني كائنات و مخلوقات ما نعرفوهاش ...
ويقدر يخلق ما يشاء .... ربّي سبحانه قدرته كبيرة ..
و أكثر بزّااااااف من وش نقدروا نفكّروا احنا ...

سيدنا محمد ركب "البراق" ...

لكن البراق ماكانش كما حيوانات الدنيا ....
كان يتحرك بأسرع ما ممكن نتخيلوا ...
اتحرك بسرعة من مكة ........لبلاد بعييييييييييدة ....

http://im44.gulfup.com/cZkN9I.jpgاسمها القدس...

وفي الطريق...

سيدنا محمد شاف الناس اللي كانت مسافرة جايّة لمكة


http://im61.gulfup.com/fZOc7h.jpgو راكبين الجمال.... وماشيين بالشوية

و قدّامهم جمل لونه قريب من الأسود

و على راسه شرائط سوداء وملونة


http://im88.gulfup.com/oKyVSV.jpgو شاف ثاني جمل واحد آخر تودّرلهم و قاعدين يحوّسوا عليه ...
قالهم على بلاصته....


http://im44.gulfup.com/2FmNSW.jpgهوما ما شافوش سيدنا محمد ...بصّح سمعوا صوته

ومبعد سيدنا محمد زاد لقا ناس راقدين ...
وقدّامهم ماء في الاناء مغطّي ...


http://im44.gulfup.com/ioYC61.jpg فسيدنا محمد وقف و شرب من هذاك الما ورجع غطّاه

وكمّل طريقه حتّى وصلوا للقدس
ووقفوا عند المسجد الأقصي ............
يااااااإلهي ....

المسجد الأقصي هذا ماما المسلمين كامل يحبّوه بزّااااف
ضرك آأمي الاسرائليين حاربونا زمان وادّاوه بالسّيف علينا...:mad:
وكما ادّات فرنسا بكري بلادنا ورجّعناها ...راح نرجعوا نحاربوهم إن شاء الله ونرجّعوه لينا لأنّه نتاعنا احنا المسلمين مش نتاعهم

سيدنا محمد نزل من البراق ...
وربطه عند صخرة ... اسمها صخرة البراق

http://im44.gulfup.com/uUH0YC.jpgو دخل بعدها مع جبريل عليه السلام المسجد

مسجد الاقصى


....وش لقا أمّي ؟؟؟
http://im44.gulfup.com/OIRaRy.jpg
لقا الأنبياء اللي ربّي سبحانه اختارهم ...فصَلّى بيهم سيّدنا محمّد
و كي خلّصوا الصّلاة ...
حطّ جبريل عليه السلام قدّام سيدنا محمد 3 كيسان
وحدة فيها حليب ... ووحدة فيها خمر مش مليح... ووحدة فيها الماء

سيدنا محمد فهم قصد جبريل عليه السلام ....
عرف بلّي لازم يختار الصح
مد يدّه وهزّ كاس الحليب ...
سيدنا جبريل قالّه بلّي خيّر الصّح والخمر حرام على أمة محمّد...
هكّا ماما المسلمين لازم يتعلموا يختاروا في حياتهم اللي ينفعهم
ويقوّيهم مش اللي يضرّهم وماينفعهمش ...

ومبعد خرج سيدنا محمد و جبريل
سيدنا محمد عرف بلّي راح يروح في رحلة المعراج ....

http://im44.gulfup.com/qPOoMD.jpg يعني ربّي سبحانه راح يطلّعهم

من المسجد الاقصى إلى السّماء ...وهي رحلة المعراج

ربّي سبحانه خلق سبع سماوات
وكل النجوم والكواكب والشمس في السماء نتاع الدنيا

http://im88.gulfup.com/SLcys0.jpgو السّماوات الاخرين مانعرفوا عليهم حتّى حاجة ماما
ربّي سبحانه وحده اللي خلقها ويعرف وش فيها

ربّي سبحانه يحب سيدنا محمد

وبغا ينعّتله ويعلّمه حوايج واحد لاشافهم

لا قبله ولا بعده....

وسيّدنا محمّد اللي راح يقول للنّاس ويعلّمهم الشي اللي شافه...

مّالا أمّي قلنا طلعوا للسما اللولة ...

لقاو ملايكة بزّاااف مبتسمة و تسلّم على سيدنا محمد

و لقاو سيدنا آدم عليه السلام..... شكون هو آدم ماما؟

مليييح ...أول واحد خلقه ربي سبحانه .. يعني هو أبونا الاول خلاص

... و سلّم علي سيدنا محمد ...
:)
وزادوا وصلوا السما الثانية....

لقاو النبي عيسي عليه السلام... و النبي يحي عليه السلام ....
سلّموا عليهم
:)
وكمّلوا ...وصلوا السما الثالثة ....

لقاو نبي شكله باااااااهي ..اجمل واحد آأمّي....

نعم ...سيّدنا يوسف عليه السلام
:)
وزادوا طلعوا ..وصلوا للسما الرابعة .....

كان فيها النبي إدريس عليه السلام
:)
ومبعد السما الخامسة....

لقاو راجل شعره أبيض و لحيته بيضة ...بصّح مش عجوز بزّاف ....

هذا النبي هارون عليه السلام ...أخو موسى عليه السلام
:)
وزادوا وصلوا للسما السادسة....

لقاو النبي موسى عليه السلام... أخو هارون عليه السلام
:)
حتّى كي وصلوا سابع سما ....لقاو سيّدنا إبراهيييييم عليه السلام ....
هذا حبيبنا و سيدنا إبراهيم اللي دعا ربّي سبحانه أنه يختار نبي يعلم الناس الخير
سيدنا إبراهيم رحّب بسيدنا محمد و قالّه :
مرحبا بالابن الصالح ...و العبد الصالح ...
:):)

من بعد جبريل ادّا سيدنا محمد يشوف الجنة ....

http://im88.gulfup.com/Dg7gNo.jpg و سيدنا محمد صلى الله عليه قالنا بليّ مهما تخيّلنا...

ماناش راح نعرفوا نتخيّلوا وش فيها
لأنها أجممممل من كل وش تخيّلنا ...
وأنّه أي حاجة نتمنّاوها في الجنّة تجينا

ويجينا خير منها ثاني:o
(لهم مايشاؤون فيها ولدينا مزيد)
واجمل من كللل الصور اللي شفنا ...
ياربي ارزقنا الجنّة ...:)



ومن بعد حبّوباتي
خرجوا من الجنّة

و شافوا ملاك مايتبسّمش خلااااص ...
http://www.djelfa.info/vb/images/icons/icon9.gif

سيدنا محمد عرف بلّي هذا ... اسمه مالك ... ملاك النار

و شاف النّار..

http://im88.gulfup.com/XrmrSQ.jpg
(ياربي باعد وجوهنا واجسامنا على النار في الدنيا والاخرة )
.....
وشاف الاشراريتعذّبوا فيها

الاشرار اللي كانوا يعذّبوا بكري في النّاس المومنين الطيبين

ويقتلوهم ويقتلوا أولادهم...
ومايعبدوش ربي سبحانه...ويديروا الشرّ والمناكر ويظلموا ...
(اللهم قنا عذاب النّار )

http://www.djelfa.info/vb/images/icons/icon9.gif






ومبعد خلاص وصلوا لمكان اسمه سدرة المنتهى
مكان يشبه للشجرة .... بصّح أوراقها كبييييرة بزاف بزاف .....
و ثمّة عند سدرة المنتهى ....
سيدنا محمد سجد لربّي سبحانه لأنّه اختاره

أنّه يكون الأول اللي يوصل لهاذ البلايص
و شكر ربّي سبحانه و حمده

(وهكذا ماما حتى احنا كي تصرالنا حاجة مليحة ..نهبطو نسجدوا شكرا لله

ولأننا في كلش في حياتنا لازم نتبّعوا سيّدنا محمّد في وش علّمنا )


فربّي سبحانه قال لسيدنا محمد يبلّغ المسلمين يصلّيوا 50 صلاة


(ممكن يسقسيك ...إذا سيدنا محمد شاف ربي سبحانه؟؟ ... لالا سيدنا محمد ما شافش ربّي سبحانه بعينيه
ربّي سبحانه قال ... لا تدركه الأبصار وهو يدرك الأبصار وهو اللطيف الخبير)

و مبعد سيدنا محمد رجع ...فشافه سيدنا موسى ... سقساه
قالّوا بواش أمركم ربّي سبحانه؟
قالّوا سيدنا محمد : 50 صلاة
مّالا سيدنا موسي قالّه : ارجع ... و اسأل ربّي سبحانه ... باه ينقّصلكم من الصّلوات ..الأمّة نتاعك (يعني النّاس اللي راح يتبعوك)

مايقدروش على 50 صلاة في اليوم
فرجع سيدنا محمد و طلب من ربّي سبحانه ينقّص فيها

فربّي سبحانه نقّص منها 5 صلوات ...ولاّت 45 صلاة
فرجع سيدنا محمد لسيدنا موسى ...
فسيدنا موسي قاله يزيد يرجع لربّي سبحانه باه يزيد ينقّصلو منها....
زاد رجع لربّي سبحانه و ربّي سبحانه برحمته زاد نقّص فيها
حتّى كي ربّي سبحانه خلاّها 5 صلوات ... وبقاو هكذا...
سيدنا موسى قال لسيدنا محمد ...زيد ارجع لربّي سبحانه باه يزيد ينقّصلكم فيها
لكن سيّدنا محمد قالوا بلّي ما يقدرش يزيد يطلب من ربّي سبحانه يزيد ينقّصله اكثر من هكذا ...
لأن سيدنا محمد استحى (يعني حشم) من ربّي سبحانه
صلى الله عليه وسلّم

لكن سيّدنا محمّد قال لنا أنّه اللي يصلّي 5 صلوات قدقد ...

ربّي سبحانه برحمته يحسبهملو بأجر 50 صلاة

لأنّه سبحانه رحيم بينا ...باه ان شاء الله يرضى علينا ..

:)ياربي ندخلوا الجنّة:)





وبعد هاذا كااامل..رجع سيّدنا محمّد لمكّة ...

وكان مازال مظلّم الحال ..مازال ماطلعش النّهار ....

http://im88.gulfup.com/7fY26f.jpgبعدما سيّدنا محمّد صلى الله عليه وسلّم رجع لداره

صلّى الصّبح ...خرج باه يحكي لأهل مكّة على اللي صراله

طبعا بقاو حايرين ...

الكفّار قالوله ...كيفاه؟ احنا باه نروحو لبلاصة

نركبوا الجمل ونبقاو مسافرين شهر رايحين وشهر راجعين...

وانت تروح وترجع في ليلة؟؟؟

هاتلنا أسيدي دليل؟؟؟

فسيّدنا محمّد قالّهم ...
في الطريق شفت النّاس اللي مسافرين لمكّة وراكبين الجمال

راهم في الطريق ...وكاين جمل تودّرلهم ...وأنا قلتلهم وين راهو...

وراهم قريب يدخلوا لمكّة

http://im78.gulfup.com/iChzRQ.jpgومعاهم جمل لونه قريب للأسود وعلى راسه شرايط سوداء ملوّنة





وثاني كانوا ناس اخرين ...كانوا راقدين ...

كنت عطشان وتوقفت عندهم شربت من الماء اللي بحذاهم ورجعت غطّيته
....


فراحوا أهل مكّة يجريو يستنّاو في النّاس اللي مسافرين على الجمال

راح يدخلوا لمكّة..باه يسقسيوهم..

ومع وصلوا المسافرين ...اهل مكّة دهشوا ...:confused::confused::confused:
لقاو كلام سيّدنا رسول الله

صلى الله عليه وسلّم كامل صحيح

بالفعل كاين جمل لونه قريب من الاسود يمشي قدّامهم وفوق راسه شرائط ملوّنة

http://im88.gulfup.com/oKyVSV.jpg

فسقساوهم قالولهم انتوما تودّرلكم جمل؟

فالمسافرين قالولهم انعم ايه...

وسمعنا صوت يقوللنا على بلاصته ولقيناه بصّح ماعرفناش شكون..



ولمّا جاو ناس اخرين مسافرين ثاني سقساوهم أهل مكّة

فقالولهم صحّ..كنّا راقدين وكي نضنا لقينا الماء اللي كان بحذانا خلص وهو متغطّي....



رجعوا الكفّار لسيّدنا محمّد ومازالوا يحاجّو فيه بعد هذا كامل..

قالوله احنا كاين منّا ناس اللي راحت من قبل للمسجد الاقصى

قوللنا كفاه مداير باه نعرفو لكان صحّ رحت ولاّ لالا ...

http://im44.gulfup.com/OIRaRy.jpgفسيّدنا محمّد بقا يوصفلهم في شكله بالتفصيل

وربي سبحانه حطله صورة المسجد قدّامه

باه يعرف يردّ على كل أسئلتهم ...

وبقا صلى الله عليه وسلّم يوصف في بيبانه

وشكلهم وكل بلاصة فيه ....



ورجع سيّدنا محمّد صلى الله عليه وسلّم لداره

وجاه جبريل عليه السّلام...

وعلّمه الوضوء والصّلوات الخمسة...

والكفّار رجعوا ديارهم وهوما رايحين يهبلوا...:confused:

منين عرف سيّدنا محمّد هاذ الشي كامل ؟؟؟؟

وحايرين ...

علابالكم ماما علاش حايرين؟

لأنّ الكفّار ماحبّوش يامنوا
بلّي ربّي سبحانه قااادر يدير كل شي وأي شي
وأنّه ربي سبحانه اللي خلقهم وخلق عقولهم...

مهما فكّروا بيها ...تفكيرهم ماكانش قدّام قدرة ربي سبحانه

مايعرفوش بلّي مع يقول للشيء كن ...راح يكون

كما حبّ هو سبحانه...

وضركا بعد ما شافوا الكفّار دلائل من عند ربي سبحانه
في رحلتي الاسراء والمعراج...وش تتوقّعوا
راح يحبّسو أذاهم للرسول صلى الله عليه وسلّم والمومنين

....
نشوفو مع بعض في الحلقة الجايّة ان شاء الرحمن
:)

اللهم صلّ وسلّم على سيدنا ورسولنا وحبيبنا محمّد

[basma79]

بارك الله فيكي و جزاكي كل خير على هذا المجهود

[**افنان**]

بارك الله فيك اختي ابداع
رانا موقفين الحكاية الى بعد الامتحان ان شاء الله

[ياسمين1990]

السلام عليكم
بارك الله فيك بدوع وربي يجازيك الجنة
احكينا لحكاية ليحي بعدما شربت حبة دوليبران باه مايصدعليش راسي
بالاسئلة نتاعو ههه
اليوم الاسئلة كانت كثيرة اهمها
بعدما وصلنا لسدرة المنتهى
قالي حاب نسمع ربي سبحانه ونشوفو !
وسجد كما سجد الرسول صل الله عليه وسلم
وهز يديه ودعا
قلتلو ان شاء الله

[oum sabrin]

السلام عليكم ورحمة الله
بارك الله فيك حبيبتي ابداع على الجهود المبدولة
و الله القصة تزداد تشويقا حلقة بعد الاخرى
صبرين راهي تتاثر كثيرا بالاحداث قريت على وجهها تعابير التاسف الكبير عندما ماتت السيدة خديجة و ابو طالب و خاصة عندما جرحت رجله صلى الله عليه و سلم
رايت تعابير الدهشة و التعجب في حادثة الاسراء و المعراج و الكثير الكثير من الفضول لما راه صلى الله عليه و سلم في هده الحادثة
يعني هدا الحلقة كانت فيها الكثير من الاحداث رائعة و الاسلوب ما شاء الله بوركت:19:

[fani09]

ابدااااع على ابداع

ما شاء الله تبارك االرحمان



ابنتي راه مغرمة بالقصة


بارك الله فيك واكثر الله من امثالك

[سمراء الدنيا]

السلام عليكم و رحمة الله و بركاته
بارك الله فيك اختنا ام انيس .... ما لقيتش واش نقول اكثر من دعوات الاطفال للي غرقوك بيها .... ان شاء الله الموضوع يكون ليك و لصاحبتو حسنة جارية

اردت ان اشكرك على لسان ابني مهدي 11 سنة لانو امتحان التربية اسلامية اعطاولهم في الوضعية الادماجية تكلم عن حياة الرسول ...... و ساعدو هاذ الموضوع بزاف بالرغم اني احكيتلو حتى للحلقة الخامسة و توقفت اثناء الاختبارات ... و ان شاء الله نبادالو من الاول هو واختو رغم انو اختو 5 سنوات كي نحكيلها هلكتني بالاسئلة .....و لازمني شويا صبر لكن مكملة باذن الله

[جازيا ام البنات]

موضوع اقل ما يقال عنه انه ممتاز بارك الله فيك وجعله في ميزان حسناتك

[zodiac47]

جازاك الله كل خير ... روعة ... قمة ... ما عرفتش نخرج من الموضوع من أول مرة دخلتو حتى آخر حلقة (13) ... هذا أنا رغم أنو نعرفو كل أحداث القصة وين إذا قريت لولادي ... ربي يعطيك ما تتمني.

[ابداع جزائرية]

ربي يبارك فيكم يارب
وجزاكم الله خيرا على المشاركات العزييييزة
وشكراا لأحبائي اللي راهم يتابعو في القصّة ولأمهاتهم سواء اللي نعرفهم او مانعرفهمش ..
نعتذر على التأخير
وان شاء الله نواصل في القريب العاجل
ادعوليي

[سمراء الدنيا]

لا إله إلا الله الحليم الكريم*
لا اله إلا الله العلى العظيم*
لا اله إلا الله رب السماوات السبع و رب العرش العظيم*
‏اللهم إنا نسألك لأختنا أم أنيس زيادة في الدين*
وبركة في العمر*
وصحة في الجسد*
وسعة في الرزق*
وتوبة قبل الموت*
وشهادة عند الموت*
ومغفرة بعد الموت*
وعفوا عند الحساب*
وأمانا من العذاب*
ونصيبا من الجنة*
وارزقنا و إياها النظر إلى وجهك الكريم*

أعانك الله أختي إبداع و يسر أمورك
ما تتصوريش مدى انسجام و تفاعل مهدي و ملاك مع القصة ... البارحة وصلنا الى الحلقة 10 و تعمدت نقراها في وجود كل العائلة فتفاعل الاولاد الكبار خصوصا لما طبقت نصيحتك و استعملت تعابير الوجه و الحركات و الاثارة .... و في السهرة اعملنا مسابقة صغيرة فيها اسئلة عن اول من اسلم من النرجال و من النساء و من الاطفال
و عن اسم الملك العادل و اسم اول سفير في الاسلام .....الخ
و ادعيتلك و مازالني ندعيلك لاني قضيت وقت رائع مع اولادي و صرنا ندارسو السيرة النبوية في بيتنا

[ياسمين1990]

[QUOTE=سمراء الدنيا;3992225008][b][size="6"]لا إله إلا الله الحليم الكريم*
لا اله إلا الله العلى العظيم*
لا اله إلا الله رب السماوات السبع و رب العرش العظيم*
‏اللهم إنا نسألك لأختنا أم أنيس زيادة في الدين*
وبركة في العمر*
وصحة في الجسد*
وسعة في الرزق*
وتوبة قبل الموت*
وشهادة عند الموت*
ومغفرة بعد الموت*
وعفوا عند الحساب*
وأمانا من العذاب*
ونصيبا من الجنة*
وارزقنا و إياها النظر إلى وجهك الكريم
وعليكم السلام
امين يارب
بدوع يسال عليك يحي وقالك ماعليهش ارتاحي انت
واحنا نراجعوا من الاول ومن بعد زيدي كملنا الحكاية
ربي يكون معاك

[ابداع جزائرية]

الحلقة 14 :

كان يا ما كان....

http://im80.gulfup.com/RD8s10.jpg
و ما يحلاش الكلام إلا بذكر النبي عليه الصلاة والسلام.....عليه الصلاة و السلااااااااااام

11سنة...أمي
11 سنة و الكفار ياذيوا في سيدنا محمد ....عليه الصلاة والسلام
ويديروا كل الأفكار الشريرة باه يقلّقوا المسلمين

http://im48.gulfup.com/4Ej0wo.jpgلكن في نفس الوقت المسلمين كانوا ثابتين واقوياء

وصابرين ومتّحمّلين كلّ الاذى نتاعهم ..
....علابالكم علاه؟
لأنه المسلمين عارفين و متأكدين بلّي هوما الصّح ...
ومهما داروا الكفار مش راح يسمعوا كلامهم
و راح يبقاو يسمعوا كلام سيدنا محمد .... و يحبوه
عليه الصلاة و السلام



وكانت ماما واحد البلاد بعييييييدة

وبااااهية فيها نخلات بزاااف...
وش اسمها حبّوباتي ؟

اسمها المدينة ...

http://im48.gulfup.com/0m8AD2.jpgتشفاو عليها؟

اللي راح ليها سيّدنا محمّد بكري مع أمّه باه يشوف اخواله

المدينة هاذي كانوا فيها ناس اسمهم الأوس والخزرج

وكانوا عايشين معاهم اليهود

كانوا يضالوا يتقابضوا مع بعض ...ويضالوا يقلّقوا فيهم

وكل مرة يتقابضوا فيها

كانوا اليهود يقلّقوا الاوس والخزرج ويقولولهم

رانا نستنّاو يبعث ربي سبحانه نبيّ مننا

كما جا في الكتب نتاعنا

وراح نحابوكم معاه ونغلبوكم ...:mad:
وهكّا ديما اليهود كل شوية يمكّروا في الاوس والخزرج ويهددوهم

حتّى في واحد اليوم من الأيّام

واحد النّاس من الاوس والخزرج قالوا بلّي رايحين لمكّة باه يحجّو

علابالكم ماما بلّي سيّدنا ابراهيم هو اللي علّم النّاس بكرييي خلاااص تحجّ

كانوا في ستّة .

http://im48.gulfup.com/DVzh8n.jpg6 رجال راحوا من المدينة لمكّة




وراحوا عند الكعبة


http://im48.gulfup.com/nyRVfX.jpgكي شافهم سيّدنا محمّد سقساهم ..

شكون نتوما؟

قالولوا احنا ناس من المدينة من الاوس والخزرج

سيّدنا محمّد سقساهم ،كاين يهود عايشين بحذاكم؟

قالولوا نعم ايه

قالهم بغيت نهدر معاكم

فقعدوا ...وسيّدنا محمّد صلى الله عليه وسلّم فهّمهم بلي هو النبيّ اللي ربي سبحانه بعثه باه يعلّم الناس يعبدوا ربي سبحانه

وقرالهم شوية من كلام ربي سبحانه ... القرآن



مّالا هاذوك الناس شافو مع بعضاهم

وقالولو صح....احنا علابالنا بلّي ربي سبحانه راح يختار نبيّ...

من اليهود اللي عايشين في المدينة معانا

كل ما يصرا بيننا وبينهم مشكل يقولولنا بلّي ربي سبحانه راح يبعث فيهم رسول وراح يحاربونا معاه ويغلبونا...:mad:



بصّح ضركا خلاص ..عرفنا بلّي نتا هو النبيّ اللي اليهود قالتلنا عليه وكانوا يقلّقوا فينا بيه..وراح نسمعو كلامك ونتبّعوك

وكي نرجعوا للمدينة راح نقولوا لأهلنا أنّه ربي سبحانه اختار نبيّ

وراح نعلّموهم الحوايج اللي علّمتهملنا ..

http://im58.gulfup.com/cxGxfe.jpgواتّفقوا مع سيّدنا محمّد صلى الله عليه وسلّم
أنّهم يتلاقاو مرّة اخرى ....وكتاه؟

بعد عاااام ....

راح يتلاقاو ثاني في الحجّ العام الجاي ..

رجع الاوس و الخزرج للمدينة وقالوا لأهلهم بلّي

ربي سبحانه اختار نبيّ خلاص وماهوش من اليهود

وعلّموا اهلهم الاسلام ...

يعني ولاّو 12 ...قدّاه من مسلم ولاّو ماما؟

12 مسلم ....مليح

بعد عام كااامل تلاقاو مرّة اخرى في وقت الحجّ

12 مسلم تلاقاو مع سيّدنا وحبيبنا محمّد ...وين؟

تلاقاو في مكان اسمه العقبة


http://im69.gulfup.com/rIPqEk.jpgسيّدنا محمّد دار معاهم لثمّا اتّفاق ...

سيّدنا محمّد قاللهم اوعدوني انكم :

تعبدوا ربي سبحانه وحده

وماتسرقوش

وماتقتلوش

ولا ادّيروا الشّر ...ولا تقولوا الكذب...

وتسمعوا كلام سيّدنا محمّد في كل ما يأمركم بيه

واللي راح يطبّق هاذ الاتّفاق ربي سبحانه راح يكتبلوا حسنات بزّااااف تدخّلو للجنّة...

هاذ الاتّفاق كان اسمه : بيعة العقبة الاولى

وش كان اسمه أمّي ؟

بيعة العقبة الاولى

وتفاهموا بعدها يتلاقاو ثاني بعد عام ..في وقت الحجّ

ال12 راجل هاذوك اللي من المدينة وافقوا طبعا على الاتّفاق

وروّحوا ...وسيّدنا محمّد بعث معاهم مصعب

مصعب ابن عمير ..

باه يعلّمهم كفاه يقراو القرآن صح ...ويعلّمهم الاسلام

مصعب ابن عمير رضي الله عنه سمّاوه بعدها "مقريء المدينة"

لأنّه هو اللي علّم أهل المدينة قراءة القرآن

والمسلمين كاااامل يحبّوه ...

كي عدّا العام ...جا وقت الحجّ ..وكلّ النّاس راحت تحجّ

وكان مابينهم المسلمين الطيّبين من أهل المدينة

علابالكم قدّاه عاد عددهم ماما ؟

عادوا 73 مسلم ...

جايين يحجّوا ويشوفوا حبيبنا وسيّدنا محمّد

عليه الصلاة والسلام ...

وجاو وهوما مقرّرين قرار ...:19:

وش هو؟

جاو مقرّرين أنهم مايخلّيوش سيّدنا محمّد في مكّة للكفّار ياذيوه ويقلّقوه

فاتّفقوا انّهم يتلاقاو في السّر في نفس المكان اللي اسمه العقبة

واللي تلاقاو فيه من قبل ...

http://im69.gulfup.com/yBZUwr.jpgكل الحجّاج كانوا راقدين في الخيمات ...
والمسلمين ناضوا بالشويييية

وراحوا عند العقبة باه يلاقيو سيّدنا محمّد ...

قابلهم سيّدنا محمّد وكان معاه عمّه العبّاس

عمّه العبّاس كان هذاك الوقت مازال ما أسلمش ..

لكن كان يحبّ سيّدنا محمّد ويدافع عليه ضدّ الكفّار الاشرار

لكنّه من بعد راح يسمع سيّدنا محمّد ويعود مسلم طيّب

قلنا المسلمين راحوا للعقبة

وقابلوا سيّدنا محمّد وعمّه العبّاس


http://im58.gulfup.com/aMQHhL.jpgعمّ سيّدنا محمّد العبّاس هو أول واحد تكلّم وقاللهم

علابالي بلّي تحبّوا سيّدنا محمّد وباغيينه يروح معاكم المدينة

بصّح بغيتكم تعرفوا بلّي انا كنت نحميه من الاشرار

واذا ماكنتوش قادرين تدافعوا عليه كما أقرب النّاس ليكم

خلاص ...خلّيوه في مكّة خير...وماكان علاه يروح معاكم

وقف واحد من مسلمين المدينة وقال ...

راح ندافعوا عليه بكلّ قوّتنا وبأرواحنا ...

سيّدنا محمّد ناض وبدا يكلّمهم على الاسلام

واتّفق معاهم على اتّفاق ثاني:

انّهم يعبدوا ربّي سبحانه وحده

انّهم يعملوا بأوامر ربّي سبحانه ويطيعوه

انّهم يعونوا الفقراء المساكين ويهتمّوا بيهم

انّهم يعرّفوا النّاس الخير من الشّرّ ...باه النّاس يتعلّموا يديروا الخير

ويفهّموا النّاس الحوايج اللي مش ملاح باه يبعّدوا عليها

انهم يلبّيوا أي طلب يرضي ربّي سبحانه بلا ما يخافوا من حتّى واحد

انّهم يدافعوا على الدين ..الاسلام ويدافعوا على النبيّ اللي اختاره ربي سبحانه


فوقف واحد من المسلمين و قال

والله.... راح ندافعوا عليك بكلّ قوّتنا وراح ننفذوا اتّفاقنا ..

ووقف واحد آخر من المسلمين وقال:

يا مسلمين المدينة ...لازم تعرفوا بلّي لوكان ادّيروا هاذ الاتّفاق

وتدّيوا سيّدنا محمّد معاكم للمدينة ....وادّافعوا عليه
راح ينوضوا كل الاشرار نتاع الارض ويحاربوكم

فشوفوا رواحكم إذا ماكمش قادرينلها ولاّ راح تخافوا وماكمش راح تتحمّلوا

خلاص ...ماكان علاه...

لكن لو راح تكونوا شجعان وعندكم قوة وصبر وشجاعة

خلاص ...ادّيوه معاكم ...وتكونوا فايزين في الدّنيا والاخرة

فردّ المسلمين:

ولوكان ندافعوا على الرسول صلى الله عليه وسلّم

ومايهمّنا حتى واحد ..ولا نخافوا من حتّى حاجة ...

وشافوا عند سيّدنا محمّد وقالوله :وش راح يكون جزائنا ؟

فردّ عليهم صلى الله عليه وسلّم ....
الجنّة


:rolleyes:فقالوله :...هات يدّك

وناضوا كااامل سلّموا عليه صلى الله عليه وسلّم

وهوما متفاهمين انّهم راح يديروا كل اللي اتّفقوا عليه

http://im69.gulfup.com/n8yUPn.jpgوسمّاو الاتّفاق هذا :

بيعة العقبة الثانية


:)لكن ...هل سيّدنا محمّد صلى الله عليه وسلّم راح يقعد في مكّة ؟

ولاّ راح يروح معاهم في المدينة ؟

وهل الكفّار الاشرار راح يخلّيوه ؟

راح نعرفوا إن شاء الله في الحلقة الجايّة


:)ان شاء الرحمن

اللهم صلّ وسّم وبارك على نبيّنا محمّد

[oum sabrin]

ملأ الله قلبك حمدآ ..
وكتب لك في قلوب العباد ودآ ..
وأمدك من فضله في الرزق مدآ ..
ولا يسلط عليك من أهل السوء أحدآ..
أسأل الله أن يعطيك أنفع الكتب (كتاب الله)
أسأل الله أن يجمعك بأبر خلق الله (رسول الله)
أسأل الله ان يغمرك باحلى مافي الدنيا
(ذكر الله )
اسأل الله ان يطيب اخرتك (بعفوالله)
اسأل الله ان يعطيك احلى مافي الجنه
( رؤيته عز جلاله وملكه وعظمته)
اللهم آمين
بارك الله فيك حبيبتي ابداع
صبرين تبلغك السلام الحار و تشكرك جزييييييل الشكر:):)

[ياسمين1990]

وعليكم السلام
ماشاء الله الله يبارك ام صابرين وانا نقولك امين
اللهم استجب دعاء اختنا ام صابرين
وحقق كل امنيات اختنا ابداع وبارك فيها وفي عائلتها

[oum sabrin]

شكرا لك اختي ياسمين و الله اختنا ابداع تستاهل كل دعوات الخيييير :):)

[ياسمين1990]

السلام عليكم ورحمة الله وبركاته
بارك الله فيك بدوع وجزاك عنا كل خير
استمتع يحي بالحكاية وكل تفاصلها
وقالك شكرا الى اللقاء مع حكاية اخرى
سلام

[om assil]

بارك الله فيك اختي ابداع ربي يرزقك بالفردوس الاعلى و ربي يصلحلك اطفالك و يجعلهم من حفظة الكتاب
بنتي عمرها اربع سنوات و نصف راهي تابع القصة بشغف كل جمعة نحكيلها جزء و نذكرها بلي قبله و تبقى اسبوع كامل متشوقة للقصة كي دير القباحة نهددها بالقصة تولي تعقال ربي يكثر من امثالك

[زينب 83]

انا اول مرة نشوف هذا الموضوع بالصدفة ، والله تعجز الكلمات عن الشكر اختي ربي يبارك فيك اختى انت و صاحبة الفكرة ، مبدعة فعلا بإذن الله نحكيها لابني حلقة بحلقة ما شاء الله ، حبيت نقول معلومة فقط ممكن تعرفونها ، اول من ارضع الرسول صلى الله عليه و سلم بعد أمه ليست حلمية السعدية بل هي

: ثوبية الأسلمية ثويبة هي جارية أبي لهب، أعتقها حين بشّرته بولادة محمد بن عبد الله – عليه السلام.

[ابداع جزائرية]

السلام عليكم ورحمة الله
بارك الله فيك حبيبتي ابداع على الجهود المبدولة
و الله القصة تزداد تشويقا حلقة بعد الاخرى
صبرين راهي تتاثر كثيرا بالاحداث قريت على وجهها تعابير التاسف الكبير عندما ماتت السيدة خديجة و ابو طالب و خاصة عندما جرحت رجله صلى الله عليه و سلم
رايت تعابير الدهشة و التعجب في حادثة الاسراء و المعراج و الكثير الكثير من الفضول لما راه صلى الله عليه و سلم في هده الحادثة
يعني هدا الحلقة كانت فيها الكثير من الاحداث رائعة و الاسلوب ما شاء الله بوركت:19:
عليه الصلاة والسلام
ربي يحفظها ..سلميلي عليها بزّاااف
ماشاء الله عليها رغم صغر سنّها ربي يحفظها
وربي يبارك فيك اختي على حرصك
ونعتذر على عدم الوفاء بالوعد اني نحط حلقة كل يوم
ربي يقدّرنا ويثيتنا


ابدااااع على ابداع

ما شاء الله تبارك االرحمان



ابنتي راه مغرمة بالقصة


بارك الله فيك واكثر الله من امثالك
اهلا اهلا اختي فانيي
ربي يبارك فيك حبيبة
والله فرحتوني ربي يفرخكم
وش اسمها بنتك تنضمّ للمجموعة
كاين يحيى وصبرين وام كلثوم ومهدي واخته وانيس ومريم...
واخرين اولاد حباباتي مانعرفش اسماءهم
ان شاء الله اللي تحكي لأولادها تشاركنا اسامي اولادها واسئلتهم وانطباعاتهم
نورتيني حبيبتي الله يجازيك خير

السلام عليكم و رحمة الله و بركاته
بارك الله فيك اختنا ام انيس .... ما لقيتش واش نقول اكثر من دعوات الاطفال للي غرقوك بيها .... ان شاء الله الموضوع يكون ليك و لصاحبتو حسنة جارية

اردت ان اشكرك على لسان ابني مهدي 11 سنة لانو امتحان التربية اسلامية اعطاولهم في الوضعية الادماجية تكلم عن حياة الرسول ...... و ساعدو هاذ الموضوع بزاف بالرغم اني احكيتلو حتى للحلقة الخامسة و توقفت اثناء الاختبارات ... و ان شاء الله نبادالو من الاول هو واختو رغم انو اختو 5 سنوات كي نحكيلها هلكتني بالاسئلة .....و لازمني شويا صبر لكن مكملة باذن الله


وعليكم السلام ورحمة الله وبركاته
سمّووورة ربي يخليك حبيبتي
والله بعثتلك رسالة وكان صندوقك مملوء
ربي يباركلك فيه وفي اخته ويوفقهم يااارب
الحمد لله عزيزتي والشكر ليكك اللي وصّلتيلهم القصّة
ربي يثبتنا عزيزتي ويقدّرنا على تربيتهم كما يحب ويرضى

موضوع اقل ما يقال عنه انه ممتاز بارك الله فيك وجعله في ميزان حسناتك
اللهم امييين اجمعين ..
وفيك اختي جازية جزاك الله خيرا

جازاك الله كل خير ... روعة ... قمة ... ما عرفتش نخرج من الموضوع من أول مرة دخلتو حتى آخر حلقة (13) ... هذا أنا رغم أنو نعرفو كل أحداث القصة وين إذا قريت لولادي ... ربي يعطيك ما تتمني.

:):o:)
وجزاك عزيزتي على كلامك الطيب ودعواتك
ربي يرضى علينا ...

[ابداع جزائرية]

لا إله إلا الله الحليم الكريم*
لا اله إلا الله العلى العظيم*
لا اله إلا الله رب السماوات السبع و رب العرش العظيم*
‏اللهم إنا نسألك لأختنا أم أنيس زيادة في الدين*
وبركة في العمر*
وصحة في الجسد*
وسعة في الرزق*
وتوبة قبل الموت*
وشهادة عند الموت*
ومغفرة بعد الموت*
وعفوا عند الحساب*
وأمانا من العذاب*
ونصيبا من الجنة*
وارزقنا و إياها النظر إلى وجهك الكريم*

أعانك الله أختي إبداع و يسر أمورك
ما تتصوريش مدى انسجام و تفاعل مهدي و ملاك مع القصة ... البارحة وصلنا الى الحلقة 10 و تعمدت نقراها في وجود كل العائلة فتفاعل الاولاد الكبار خصوصا لما طبقت نصيحتك و استعملت تعابير الوجه و الحركات و الاثارة .... و في السهرة اعملنا مسابقة صغيرة فيها اسئلة عن اول من اسلم من النرجال و من النساء و من الاطفال
و عن اسم الملك العادل و اسم اول سفير في الاسلام .....الخ
و ادعيتلك و مازالني ندعيلك لاني قضيت وقت رائع مع اولادي و صرنا ندارسو السيرة النبوية في بيتنا

سمّوووووورة
اللهم اميييييييييييييين اجمعين
:o:o:o
ربي يبارك فيك اختي العزيزة
والله دعائك وكلامك اثّر فيا بزاااف ربي يخليكم ليا ويباركلي في صحبتكم
وربي يديم الاوقات الطيبة في بيتك حبيبتي ويباركلك فيه وفي اهلك يااارب

[QUOTE=سمراء الدنيا;3992225008][b]لا إله إلا الله الحليم الكريم*
لا اله إلا الله العلى العظيم*
لا اله إلا الله رب السماوات السبع و رب العرش العظيم*
‏اللهم إنا نسألك لأختنا أم أنيس زيادة في الدين*
وبركة في العمر*
وصحة في الجسد*
وسعة في الرزق*
وتوبة قبل الموت*
وشهادة عند الموت*
ومغفرة بعد الموت*
وعفوا عند الحساب*
وأمانا من العذاب*
ونصيبا من الجنة*
وارزقنا و إياها النظر إلى وجهك الكريم
وعليكم السلام
امين يارب
بدوع يسال عليك يحي وقالك ماعليهش ارتاحي انت
واحنا نراجعوا من الاول ومن بعد زيدي كملنا الحكاية
ربي يكون معاك
[SIZE=5]ربي يريّح بالك ياسمينتي
يجازيك عني خير
اني احبك في الله :o

ملأ الله قلبك حمدآ ..
وكتب لك في قلوب العباد ودآ ..
وأمدك من فضله في الرزق مدآ ..
ولا يسلط عليك من أهل السوء أحدآ..
أسأل الله أن يعطيك أنفع الكتب (كتاب الله)
أسأل الله أن يجمعك بأبر خلق الله (رسول الله)
أسأل الله ان يغمرك باحلى مافي الدنيا
(ذكر الله )
اسأل الله ان يطيب اخرتك (بعفوالله)
اسأل الله ان يعطيك احلى مافي الجنه
( رؤيته عز جلاله وملكه وعظمته)
اللهم آمين
بارك الله فيك حبيبتي ابداع
صبرين تبلغك السلام الحار و تشكرك جزييييييل الشكر:):)

:o:o:o
اللهم اميييين اجمعيين
اخجلتموني والله ربي يحفظكم
وبوسة لصبرين ربي يبارك فيها يارب
شكراااا ليك وليها اختي ام صبرين

وعليكم السلام
ماشاء الله الله يبارك ام صابرين وانا نقولك امين
اللهم استجب دعاء اختنا ام صابرين
وحقق كل امنيات اختنا ابداع وبارك فيها وفي عائلتها
:o:o
شكرا لك اختي ياسمين و الله اختنا ابداع تستاهل كل دعوات الخيييير :):)
:o:o
السلام عليكم ورحمة الله وبركاته
بارك الله فيك بدوع وجزاك عنا كل خير
استمتع يحي بالحكاية وكل تفاصلها
وقالك شكرا الى اللقاء مع حكاية اخرى
سلام
العفو يحيوحي ربي يحفظك :mh31:

بارك الله فيك اختي ابداع ربي يرزقك بالفردوس الاعلى و ربي يصلحلك اطفالك و يجعلهم من حفظة الكتاب
بنتي عمرها اربع سنوات و نصف راهي تابع القصة بشغف كل جمعة نحكيلها جزء و نذكرها بلي قبله و تبقى اسبوع كامل متشوقة للقصة كي دير القباحة نهددها بالقصة تولي تعقال ربي يكثر من امثالك
اللهم امييييييييين اجمعين جزاك الله خيرا اختي العزيزة على جمييييل كلامك ودعائك
ماشاء الله ربي يحفظها يارب ويباركلك فيها ويجعلها من الصالحين
وش اسمها حبوبتي؟

انا اول مرة نشوف هذا الموضوع بالصدفة ، والله تعجز الكلمات عن الشكر اختي ربي يبارك فيك اختى انت و صاحبة الفكرة ، مبدعة فعلا بإذن الله نحكيها لابني حلقة بحلقة ما شاء الله ، حبيت نقول معلومة فقط ممكن تعرفونها ، اول من ارضع الرسول صلى الله عليه و سلم بعد أمه ليست حلمية السعدية بل هي

: ثوبية الأسلمية ثويبة هي جارية أبي لهب، أعتقها حين بشّرته بولادة محمد بن عبد الله – عليه السلام.
اهلا بيك اختي زينب تنورينا اكييييد
نعم عزيزتي جزاك الله خيرا على الاضافة الطيبة
ومعلومة للي مايعرفهاش ربي يبارك فيك
القصة اكيد للاطفال بدون تفاصيل ...
والشائع انه حليمة السعدية هي مرضعة الرسول صلى الله عليه وسلم وثويبة كما جاء في الرحيق المختوم مارضعاتوش صلى الله عليه وسلم بزاف وراح للبادية
فجزاك الله خيرا على المعلومة حبيبتي
تنورينا بإضافاتك الطيبة في كل وقت :mh31:

[فجرالحرية]

اللهم بارك لصاحبة هذا العمل في أولادها ..و اجعلهم نعم الأبناء البارين و العباد الصالحين .
وجزاك الله خيرا

[البوسعادية]

مرحبا
والله من كثر حبي للموضوع راني متشوقه ويكتا نبدا نحكي لوليدي ..راه قريب يقفل عام ان شاء الله
كنحكيلو ميحبش يسمعني ويبدا يبكي باش نخليه يروح
يعني نقريبا من ويكتا نبدا نحكيلو ويبدا يستوعب ...
شكرا وربي يحفظك اخيتي

[oum sabrin]

[quote=ابداع جزائرية;3992252095]عليه الصلاة والسلام
ربي يحفظها ..سلميلي عليها بزّاااف
ماشاء الله عليها رغم صغر سنّها ربي يحفظها
وربي يبارك فيك اختي على حرصك
ونعتذر على عدم الوفاء بالوعد اني نحط حلقة كل يوم
ربي يقدّرنا ويثيتنا


اللهم اميييين اجمعيين
اخجلتموني والله ربي يحفظكم
وبوسة لصبرين ربي يبارك فيها يارب
شكراااا ليك وليها اختي ام صبرين
[/color][/size][/font][/ce

السلام عليكم و رحمة الله
الله يسلمك اختي العزيزة ابداع بوسة صبرين وصلت شكرا على الكلام العطر
ربي يبارك فيك وفي عائلتك
لا داعي للاعتدار عزيزتي فكلنا نعي مشاغل الحياة الكثيرة متى سنحت لك الفرصة نحن بانتظارك و في غيابك نقوم بالمراجغة التثبيت و طرح بعض الاسئلة لاختبار درجة الاستيعاب والله المستعان
ربي يقدرك على هده الحسنة الجارية:)

[ابداع جزائرية]

الحلقة 15

كان يا ما كان ....

http://im80.gulfup.com/RD8s10.jpg
و ما يحلا الكلام إلا بذكر النبي عليه الصلاة و السلام
وحبّوباتي دايما يقولوا ...
عليه الصلاة و السلام

سيدنا محمد عليه الصلاة و السلام و المسلمين الطيبين

خلاص قرّروا يروحو للمدينة ..

يعني يهاجروا من مكّة للمدينة ...ويبعّدوا على الكفّار الاشرار

وكانوا يهاجروا بالشوية ..كل يوم يروحوا اخرين ...

http://im64.gulfup.com/jKXAA8.jpgكل يوم يروحوا اخرين

لكن سيّدنا محمّد مازال مايهاجرش معاهم

حتّى يبعثلو ربي سبحانه سيّدنا جبريل عليه السلام باه يقولّه وكتاه يهاجر ...

الكفّار الاشرار بداو يفيقو بللي المسلمين الطيّبين راهم يروحوا للمدينة كل مرّة ..

فتفاهموا يتلاقاو ثاني وقالوا لازم نديروا خطّة شرّيرة ...ومانخلّيوهمش يروحوا مّالا تجمّعوا الكفّار الاشرار في واحد الدّار اسمها "دار النّدوة"

وش اسمها حبّوباتي ...دار النّدوة ..

و قعدوا يفكروا...

http://im64.gulfup.com/wSDSO3.jpg مّالا واحد كافر شرير قالهم :احسن حلّ اننا نحبسو النّبيّ

فردّ عليه واحد فيهم وقال:لالا صحابه هاذوك المسلمين مش راح يخلّيوه محبوس

راح يهجموا علينا ..وراح يحرّروه ...

فكّروا في حاجة اخرى ...

فواحد آخر كافر ثاني قالهم: ..وعلاه ماتخليوهش يروح هو والمسلمين اللي معاه يخطيونا وخلاص

قالوله :لالا مايصلحش ...راهواللي يعرفه يعود يحبّو ويتبّعه

هكّا يعودوا صحابه بزّاف ..وراح يولّيوا اقوى منّنا

وراح يجيوا يحاربونا لأنه احنا عذّبناهم وآذيناهم بزّاف

مّالا نطق فيهم واحد شرّير اكثر منهم اسمه أبا جهل

قالهم :

انا... انا عندي فكرة احسن

قالهم احسن حلّ نقتلوا هاذ الرسول ..ونختاروا رجال اقوياء

من كل قبيلة نخيّروا راجل قويّ ..
ويهجموا على دار الرسول ويقتلوه ..

هكذا صحابه مايعرفوش يحاربوا كل الرجال الاقوياء من القبائل هاذوا كامل

ومايقدروا يديروا فيها حتى شي ...


الكفار عجبتهم الفكرة .... و اتّافقوا أنه مع يرقد سيّدنا محمّد يدخلوا عليه هاذوك الشباب الاقوياء بالسّيوف

ويضربوه مع بعض...

شفتوا ماما هذاك الشرّ اللي فيهم ...شفتوا ماما وش مش مليح الشّر ...

سيّدنا محمّد عليه الصلاة والسلام ...احسن انسان في الدّنيا كااامل

وأطيب واحد ..ماياذي لا انسان ولا حيوان ...ولا حتى شجر

وكل همّه كان انّهم يسمعوا كلامه باه يدخلوا للجنّة ويمنعوا من النّار ...

بصّح هوما ماكانش فيهم فايدة

قلوبهم معمّرة شرّ ..ويتبّعوا غير كلام الشيطان

الكفّار كانوا يحسبوا بلّي واحد لا شافهم ولا سمع خطّتهم ..

لأنهم ماعلابالهمش بلّي ربي سبحانه يشوف ..
ويسمع وش نديروا كاااامل
ربي سبحانه علاباله بيهم وبخدايمهم

ومش راح يخلّيهم ياذيوا سيّدنا وحبيبنا محمّد


مّالا ربي سبحانه بعث سيّدنا جبريل عليه السلام

باه يحذّر سيّدنا محمّد ...وقالّه :ماترقدش اليوم في بلاصتك

الكفّار راهم مدايرين عليك خطّة باه يقتلوك

وراهو جا الوقت اللي لازم تهاجر فيه للمدينة

:rolleyes:
وشكون اللي كان عايش مع سيّدنا محمّد في داره ماما ؟

شكون اللي يقولّي ؟...نقولكم؟

سيّدنا عليّ
سيدنا علي كان طفل كبير ..لكن كان مسلم طيب و قوي بزاف و شجاع و مايخاف حتى من حاجة


سيدنا محمد قال لسيدنا علي بلّي جبريل عليه السّلام حذّره

وقالّه ثاني بلّي لازم نرجّعو أي امانة عندنا تاع النّاس في مكّة

قبل مانروحوا للمدينة..

سيّدنا محمّد كانوا يهدّدوه الكفار يقتلوه وهو يخمّم في حوايج النّاس يردّهم ..

..حبيبنا .. صلى الله عليه وسلّم

مّالا قلنا اتجمّعوا هاذوك الكفّار الاقوياء قدّام دار الرسول صلى الله عليه وسلّم

باه مع يخرج يصلّي الفجر يهجموا عليه..

وكانوا هازّين سيوف كبييرة


http://im64.gulfup.com/sty7VJ.jpg علابالكم قدّاه كانوا؟

كانوا في اربعين شاب قويّ

بصّح ربي سبحانه أقوى منهم..




مّالا سيّدنا علي راح رقد في بلاصة سيّدنا محمّد

كان رضي الله عنه كما قلنا شجاااع ومايخاف حتى من واحد
رقد في بلاصته وغطّى بالغطا نتاعه ..

هاذوك الكفّار طلّوا لقاو واحد راقد ...حسبوه سيّدنا محمّد

وعماهم ربي سبحانه عليه صلى الله عليه وسلّم.. كي خرج هكذا قدّامهم

وماشافوهش ....سبحان الله

ربي سبحانه خلاّهم واقفين كما الاصنام
وهو صلى الله عليه وسلّم فايت بيناتهم

لأنه سبحانه هو اللي خلق عينيهم ...وهو اللي بيدّه يخليهم مايشوفوا حتى حاجة

فسيّدنا محمّد هز التراب من الارض ولاحه عليهم وقال من القرآن

"فأغشيناهم فهم لا يبصرون "
يعني ربّي سبحانه حطّ غطا على عينيهم خلاّهم مايشوفوا حتّى حاجة ....
و مشى سيدنا محمد و خلاّهم واقفين كما التماثيل



وكي فاقوا لقاو شعورهم بالتراب ..ولقاو واحد راقد ومغطّي في بلاصة سيّدنا محمّد...

لكن ...اكتشفوا المفاجأة اللي هبّلتهم...

سيّدنا عليّ هو اللي راقد لثمّة
:)


وسيّدنا محمّد صلى الله عليه وسلم ماكانش

وين راح أمي؟

راح عند صاحبه ابو بكر
:)

كلنا نحبّو سيّدنا ابو بكر لأنه كان حبيب سيّدنا محمّد
:rolleyes:
.... سيدنا أبو بكر حتى هو كان يوجّد في روحه باه يهاجر
و كان يتمنى يهاجر مع سيدنا محمد
و كان موجّد رضي الله عنه جملين قويين باه يسافروا بيهم

http://im64.gulfup.com/qMd4ON.jpg سيّدنا محمّد كي راحله قالّه ربي سبحانه راهو بعثلي جبريل وامرني نهاجر للمدينة..

فسيّدنا أبو بكر راح يطيييير بالفرحة ..

لأنه راح يهاجر مع سيّدنا محمّد عليه الصلاة والسلام اللي يحبّه اكثر حتى من نفسه


فسيدنا محمد وسيدنا أبو بكر تفاهموا مع واحد الرّاجل من مكة باه ينعتلهم الطريق...
وخلاّو عنده هاذوك الجملين

http://im64.gulfup.com/qMd4ON.jpg وراحوا عند جبل بعيييد ....جبل اسمه جبل ثور ...
و دخلوا في واحد الغار لثمّة ...

http://im88.gulfup.com/SVp8UN.jpg بقاو في الغارهذاك 3 أيام .... لأنهم علابالهم بلّي الكفار مش راح يخلّيوهم وراح يقلّبوا عليهم الدنيا...

وشكون كان يديلهم الماكلة ماما؟
أسماء بنت سيدنا أبو بكرو
كانت هي اللي تدّيلهم الماكلة لثمة وماتخاف حتى من واحد ...
الكفار الاشرار راح يدخلوا في عقولهم ..
http://www.djelfa.info/vb/images/icons/a16.gif
عياو يفهموا كفاه هرب منهم سيّدنا محمّد

وكفاه ماشافوهش وكفاه مالقاوهش...؟؟؟؟

بقاو يفتّشو عليه في كل بلاصة ...

حتى قالهم واحد منهم بالاك يكون في جبل ثور ...

فراحوا يجروا لجبل ثور...
سيدنا محمد و سيدنا أبو بكر لداخل في الغار ....


http://im88.gulfup.com/rnLEDR.jpgو شايفين رجلين الكفار
سيدنا أبو بكر خاف يعودوا يشوفوهم وياذيوا سيدنا محمد
لكن سيّدنا محمد مكانش خايف
لأنه علاباله بلّي ربّي سبحانه راح ينصره على الأشرار الكفار
سيّدنا محمد شاف مع سيّدنا أبو بكر و قاله
ما ظنّك باثنين الله ثالثهما
معناها علاه تخاف ...وربي سبحانه معانا ..رانا على الحق ...
و ربّي سبحانه راح ينصرنا...
الكفاركانوا واقفين قدّام الغار بعد...و لو كان غير طلّو راح يشوفوا سيدنا محمد
بصّح شكون اللي خلق عقولهم و عينيهم ؟
الله
و ربي سبحانه اللي خلاّهم ما يقدروش يفكروا ولا يشوفوا اللي قدّامهم
ورجعوا و هوما راح يطرطقوا من الحيرة والغيظ..

لأنهم عندهم 3 أيام يحوّسوا على سيدنا محمد
وماهمش قادرين يلقاوه
ومش راح يلقاوه
:)

علابالكم علاه امّي؟
لأنه ربي سبحانه ينصر النبي و ينصر الحق دييييما
ويهزم الشّر مهما مهما كان قوي


و خرج سيدنا محمد عليه الصلاة والسلام ....

و سيدنا أبو بكر رضي الله عنه من الغار ...
باه يبداو الرحلة ... للمدينة

:rolleyes:وش راح يصرالهم في هاذ الرحلة ؟؟؟؟؟؟؟

نشوفوا مع بعض ان شاء الرحمن في الحلقة الجاية

[ياسمين1990]

السلام عليكم ورحمة الله وبركاته
بارك الله فيك بدوع وجزاك عنا كل خير وجعل عملك هذا في ميزان حسناتك
كالعادة تبع يحي الحكاية بكل شوق وخوف على النبي صلى الله عليه وسلم
من الكفار عندما اجتمعوا عليه في داره
ولكنه كان واثق من ان الكفار لن يصلوا اليه لان الله معه
اما عندما وصلنا الى غار ثور وفي الحكاية كان ابو بكر الصديق خائف على الرسول صل الله عليه وسلم
قالي علاه يخاف معهم ربي يحميهم
ورغم ذلك تأثر للموقف كنت حابة نجرب خوفه على الرسول صلى الله عليه وسلم ووصلت للنتيجة المطلوبة ههههه
ومن بعد ما قال الرسول صل الله عليه وسلم ما ظنك بإثنين الله ثالثهما وشاف بأنه ثابت وماخايفش
لاحظت علامة الفرحة ظهرت على وجهه وعاود نفس الجملة ربي معاهم مايخافوش هو يحميهم من الاشرار
بعدما انتهت الحكاية قالي :
قولها شكرا على الحكاية وانا في انتظار الحكاية رقم 16
في رعاية الله
سلام

[ام هاديل وياسين]

السلام عليكم
بارك الله فيك اختي ابداع وجزاكي الله كل خير على كل ما تقدمين في ميزان حسناتك ان شاء الله

[ابداع جزائرية]

الحلقة 16

كان ياما كان...


http://im80.gulfup.com/RD8s10.jpg
و ما يحلا الكلام إلا بذكر النبي عليه الصلاة و السلام
والقفوزين قالوا بأعلى صوت....

:19:عليه الصلاة و السلام



سيدنا محمد عليه الصلاة و السلام و صاحبه سيدنا أبو بكر خرجوا من الغار

http://im88.gulfup.com/rnLEDR.jpg
بعد ما ادّرقوا على الكفار الاشرار
و ما قدروش يشوفوهم و لا يعرفوا بلاصتهم
وكل مرة الكفاركانوا يخططوا وتبانلهم بلي راح ينجحوا
بصّح ربي سبحانه يردّهم خاسرين...
و يخلي المؤمنين الطيبين ...
اللي يدعيوا ربّي سبحانه و يصلّيوا هوما الفايزين

خرج سيدنا محمد صلى الله عليه وسلم و سيدنا أبو بكر
و راحوا للراجل اللي يعرف الطريق للمدينة

باه يساعدهميعرفوا الطريق


و ثاني ادّاو معاهم خادم ...خادم كان يساعد سيدنا أبو بكر
يعني في قدّاه كانوا ؟؟
:rolleyes:
سيدنا محمد عليه الصلاة و السلام
و سيدنا أبو بكر
و الراجل اللي يعرف الطريق للمدينة
وخادم سيدنا ابو بكر
:19:
يعني كانوا 4 رجالة

الكفار في مكة كانوا راح يطرطقوا من الغيظ
و مش حابّين يحبّسوا شرّ
مّالا قالوا :

لازم نديروا جايزة للي يقدر يعرف بلاصة سيّدنا محمّد
داروا جايزة كبييييرة 100 جمل

وراحوا كفار بزاف طمعانين في الجايزة يفتّشوا عليه

صلى الله عليه وسلّم
لكن الراجل اللي يعرف الطريق قال لسيدنا محمد و اصحابه :

راني راح ندّيكم للمدينة من طريق جديد واحد لا يعرفه
مّالا راحوا في اربعة على هاذاك الطريق
لكن وش صرالهم؟

و هوما في الطريق شافهم واحد شرير
وراح يجري لمكّة باه يقول للكفار
و كان واحد من الكفار اسمه سراقة
مع سمع الخبر و عرف بلاصة سيدنا محمد
راح يجججري لداره ...و ادّا أسرع حصان عنده

http://im77.gulfup.com/x69I9c.jpgو راح يجري باه يلحق سيدنا محمد


و يدّي هو الجايزة ...


سراقة قاعد يجججري بحصانه بسرعة كبيييرة حتى كي قرب لسيدنا محمد و سيدنا أبو بكر
بصّح علابالكم كي قرّب عندهم وش صرا ؟

مع قرّب سراقة بحصانه من سيدنا محمد .....
حصانه جا طاايح في الأرض ووقع وطاح منّه سراقة

http://im77.gulfup.com/mCTARI.jpgمّالا زرب ناض وزاد ركب على حصانه و جرى بأقصى سرعة....
و مع قرّب من سيدنا محمد ..... وش صرا ؟

زااااااد طاح من على حصانه
http://im77.gulfup.com/mCTARI.jpg
زاد ركب سراقة على حصانه بسرعة و زاد جرا بأقصي سرعة .....

و مع قرّب ...رجل حصانه غاصت في الرمل

وماعادش قادر يتحرّك..

http://im77.gulfup.com/mCTARI.jpg سراقة خااااف .... و عرف بلّي سيدنا محمد صح نبي من عند ربّي سبحانه
و عرف بلّي ربّي سبحانه يحفظ سيدنا محمد ....
و عرف بلي مستحيل يحكم سيدنا محمد

فسراقة عيّط لسيدنا محمد و قاله خلاص احبسوا مانيش راح نقدر نجري عقابكم مرّة اخرى... ومانيش راح نزيد نتبّع كلام الأشرار

سيدنا محمد حبس
و سراقة حكم حصانه و ركب عليه
وراح لسيدنا محمد و قاله :الكفار الاشرار راهم مدايرين جايزة للي يقدر يحكمك
و أنا خلاص مانيش راح نزيد نتبّعهم

ولا نقولهم عليك حاجة
فسيدنا محمد سامحه

سيدنا محمد و سيدنا ابو بكر كملوا الطريق
و هوما في الطريق شافوا خيمة

http://im64.gulfup.com/yyzFJ6.jpgوكانت واقفة قدّمها مرا كبيرة ....اسمها أم معبد

راحوا عندها و سقساوها :

كشما عندك حليب ولاّ لحم نشريوا عليك؟؟؟
قالتلهم :ماعنديش

لكن لقاو عندها معزة ضعييييفة و مش قادرة حتي تاكل .....

و قاعدة قدّام الخيمة

http://im64.gulfup.com/KbHGcs.jpg سيدنا محمد سقسا أم معبد : المعزة هاذي تدير الحليب ؟
قالت له : لالا راهي ضعيفة بزااف و مفيهاش حليب
سيدنا محمد سقساها : نقدر نحلبها ؟
فقالتله :جرب بصّح راهي ضعيفة و مهما نحلبها ماينزل منها والو

سيدنا محمد طلب صحن كبير ....


http://im64.gulfup.com/KEyA4d.jpgو بدا يحلب في المعزة
وسبحان الله نزل منها حليب بزاااااف بزاف

وكلهم شربوا منّه حتى خلص الصحن الكبير


http://im64.gulfup.com/4eXs3o.jpg وام معبد واقفة حااايرة

سيّدنا محمّد زاد هز الصحن الفارغ وبدا يحلب في المعزة

وزااااد عمّر هذاك الصحن الكبير ..

وادّاهولها وقاللها هذا ليك

http://im64.gulfup.com/4eXs3o.jpg ومشا هو واصحابه...

وأم معبد باقية حااايرة... واقفة تشوف فرات

كفاه معزتها الضعيييفة اللي ماتاكل ماتجيب حليب

تجيب الحليب هذا كااامل؟؟؟؟؟؟

كاينة حاجة عجييييبة

أم معبد ما كانتش تعرف بلّي هذا سيدنا محمد ...
و بلّي ربي سبحانه كان يخلي بركة في كل بلاصة يكون فيها سيدنا محمد

شوية هكا ...جا راجل أم معبد ...وشاف الصحن هذاك مليان

سقساها منين هاذ الحليب؟

واحنا المعزة نتاعنا ماتجيبش خلاص الحليب

فحكاتله الحكاية ....

قالها زوجها ...راني عرفته خلاص
هذا اكيييد النبيّ اللي يقولوا عليه في مكّة...

ولوكان نشوفو نسمع كلامه ونتبّعه في الشي اللي يقول عليه


سيدنا محمد و أصحابه كمّلوا طريقهم ... وخلاص...

قربوا يوصلوا المدينة
وصلوا مكان اسمه قبااااء ....

وش اسمه ؟ قباااااء
و بناوا مسجد ....

http://im77.gulfup.com/HqjZnO.jpg وش اسمه؟؟؟ مسجد قبااااء

و منبعد كملوا طريقهم
حتى كي وصلوا المدينة
و لثمّة.. كان كل المسلمين الطيبين يستنّاو ..
يستنّاو في سيدنا محمد ...اللي يحبّوه أكتر من النّاس كااااااامل
سيدنا محمد اللي ربّي سبحانه اختاره باه يعلم الدنيا كاااامل
يعلمها الخير و ينهيها على الشر
باه يكون جزائهم الجنّة


وأخييييييييييرا ناس المدينة الطيبين شافوا سيدنا محمد
جاي من بعيد
كانوا فرحانين ..... فرحانييييين بزااااف
و عيّطو لبعضاهم وراحوا يجريوا يلاقيوه

صلى الله عليه وسلم هو واصحابه


أخيرا ! أخيرا ! سيدنا محمد وصل المدينة
أهل المدينة قالوا نشيد جميييييل كي شافوا سيدنا محمد
قالوا:

http://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gif (http://f09.wapka-files.com/download/4/8/7/67459_4877e95dec2e1507a8e7f52b.mp3/d75816fc7e873974f698/%D8%B7%D9%8A%D9%88%D8%B1%2B%D8%A7%D9%84%D8%AC%D9%8 6%D8%A9%2B%D8%B7%D9%84%D8%B9%2B%D8%A7%D9%84%D8%A8% D8%AF%D8%B1%2B%D8%B9%D9%84%D9%8A%D9%86%D8%A7%2B%D8 %A8%D8%AF%D9%88%D9%86%2B%D8%A7%D9%8A%D9%82%D8%A7%D 8%B9.mp3)
طلــــــــــــع البــــــــــــدر علينــــــــــــا
مـــــــــــن ثنيــــــــــــات الــــــــــــوداع
وجــــــــــب الشـــــــــــكر علينـــــــــــا
مـــــــــــا دعـــــــــــــا للـــــــــــــه داع (http://f09.wapka-files.com/download/4/8/7/67459_4877e95dec2e1507a8e7f52b.mp3/d75816fc7e873974f698/%D8%B7%D9%8A%D9%88%D8%B1%2B%D8%A7%D9%84%D8%AC%D9%8 6%D8%A9%2B%D8%B7%D9%84%D8%B9%2B%D8%A7%D9%84%D8%A8% D8%AF%D8%B1%2B%D8%B9%D9%84%D9%8A%D9%86%D8%A7%2B%D8 %A8%D8%AF%D9%88%D9%86%2B%D8%A7%D9%8A%D9%82%D8%A7%D 8%B9.mp3)

http://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gif (http://f09.wapka-files.com/download/4/8/7/67459_4877e95dec2e1507a8e7f52b.mp3/d75816fc7e873974f698/%D8%B7%D9%8A%D9%88%D8%B1%2B%D8%A7%D9%84%D8%AC%D9%8 6%D8%A9%2B%D8%B7%D9%84%D8%B9%2B%D8%A7%D9%84%D8%A8% D8%AF%D8%B1%2B%D8%B9%D9%84%D9%8A%D9%86%D8%A7%2B%D8 %A8%D8%AF%D9%88%D9%86%2B%D8%A7%D9%8A%D9%82%D8%A7%D 8%B9.mp3)



و كل واحد من المسلمين قعد يجبد في الجمل نتاع سيدنا محمد عند داره

:)وكل واحد باغي سيدنا محمد يجي لداره و يعيش معاه

:rolleyes:لكن سيدنا محمد قالهم خلّيوا الجمل و ربّي سبحانه

راح يخلّيه يحبس عند المكان اللي راح نعيش فيه
فكلهم سمعوا كلام سيدنا محمد و بعدوا على الجمل
وبقى يمشي ....يمشي ....يمشي ...حتّى لوين ؟؟؟
سبحان الله

بقا الجمل يمشي يمشي حتى حبس عند دار اخواله

يعني خاوت أمه آمنة بنت وهب

و الجمل قعد في الأرض...

http://im77.gulfup.com/jjcn3n.jpgفعرفوا بلّي هذا هو المكان
عند دار أبو ايوب
أبو ايوب الأنصاري ...
هذي هي الدّار اللي عاش فيها سيدنا محمد ....
و قدّام هاذ المكان بنا سيدنا محمد و المسلمين مسجد ....

مسجد الرسول باه كل المسلمين يصلوا فيه
وبنا ثاني بيت باه يسكن فيه

سيدنا محمد فهّم المسلمين بلّي راهم كامل خاوة
المسلمين من المدينة (الأنصار) ولاّ المسلمين من مكة (المهاجرين) ...

كلهم خاوة
والمسلمين من أي مكان .... خاوة
ينتهلاّو في بعضاهم
و يعاونوا و يحبّوا بعضاهم
فكل مسلم عنده حاجة يقسمها مع اخوه
وكانوا ثاني معاهم يهود في المدينة
فسيدنا محمد قال لليهود بلّي راهم في أمان

إذا قعدوا مهنيين رواحهم وماياذيوش المسلمين

سيدنا محمد يعلم الناس دايما الاخلاق اللي ربي سبحانه يحبهم يكونوا عليها
:)



اللهم صل و بارك علي سيدنا محمد

[**افنان**]

بارك الله فيك اختي ابداع وبارك لك في وقتك واولادك واليك مقطع مهدى لمريومة من ابني في التحظيري قالي اكتبيه لها
محمد نبينا امه امينة
ابوه عبد الله مات ولم يره
ابوا طالب عمه كان يخفف عنه
ياستُ حليمة مرضعت نبينا
ولد في مكة مات في المدينة
هذه حفظها في المدرسة

[ابداع جزائرية]

الحلقة 17

كان يا ماكان ....

http://im80.gulfup.com/RD8s10.jpg
و ما يحلا الكلام إلا بذكر النبي عليه الصلاة و السلام

:rolleyes:
....عليه الصلاة و السلام

:19:

أخيرا وصل سيدنا محمد للمدينة ....البلاد الباااااهية

http://im48.gulfup.com/0m8AD2.jpg (http://forums.fatakat.com/thread2863327)
و كل المسلمين الطيبين اللي كانوا في مكة...
هاجروا كما سيدنا محمد للمدينة
فسمّاهم سيدنا محمد المهاجرين

واهل المدينة المسلمين
كانوا فرحانين بزّاف كعاد سيّدنا محمّد راح يجي بلادهم ...
وكعاد خاوتهم المسلمين نتاع مكّة ثاني راح يجيو عندهم ..

وكي جاو عندهم عاد كل واحد من المدينه
حاب يفرّح خوه اللي جا من مكّة ويعاونه بالشي اللي عنده
على هاذيك أمّي سمّى سيّدنا محمّد أهل المدينة الأنصار

لأنهم نصروا الحق..
:)

وأخييييرا المسلمين عادوا عايشين في امان
بعييييد عن أذى الكفار الأشرار


لكن وش تبانلكم أمي؟
هل كل اللي في المدينة مسلمين طيبين؟؟؟
لالا حبّوباتي ...
المدينة كان فيها اليهود و المنافقين
:confused:
شكون هاذو؟؟

اليهود كانوا ناس ربّي سبحانه بعثلهم زماااااااان نبي اسمه سيدنا موسى

و سيدنا موسى قالهم زمان..
كي يختار ربّي سبحانه سيدنا محمد اسمعوا كلامه
...لأنه نبي
وقالهم على اسمه و شكله و صفاته

يعني هوما كانوا عارفين بلّي ربي سبحانه راح يختار نبي باه يعلمهم الحق

و كانوا ديما يقولوا للناس اللي في المدينة

احنا راح نامنوا بالنبي اللي راح يبعثه ربي سبحانه قبلكم ونحابوكم معاه
لكن علابالكم وش صرا أمي؟

مع عرفوا بلّي ربي سبحانه اختار نبي خلاص ...
قالوا لااااااالا ...أحنا ماناش راح نامنوا بيه
ولا راح نسمعوا كلامه
:confused:


وعلاه ؟؟؟؟


:confused: قالوا احنا كنا باغيين ربّي سبحانه يختار نبي من اليهود

احنا باغيين واحد مننا ...واحد من اليهود

وعلاه النبي مايكونش منّا؟؟؟؟
:mad:

تصلح امي واحد يقول هاذ الهدرة؟؟؟؟
:confused:
لالا ماتصلحش..
ربّي سبحانه وحده هو اللي يختار شكون اللي لازم يكون نبيه ...

و ربّي سبحانه برك اللي يختار شكون اللي يعلم الناس الحق
مش هوما اللي يختاروا

لأنّه ربّي سبحانه أعلم منهم بكل شيء

هاذوا هوما اليهود

هوما و المنافقين كانوا أشرار

و المنافقين

هاذوا هوما اشرّ الناس
علاه؟؟؟
لأنّهم يقولوا لبعضاهم هيّا نديروا رواحنا ولّينا مسلمين..
ونديروا ارواحنا اصحابهم ..ونتمصخروا بيهم
وكي نعرفوا اسرارهم نروحوا نقولوها لليهود الاشرار....
ونديروا رواحنا نصلّيوا ...قداّمهم برك...
بصّح في الحقيقة ماهم مسلمين ماهم يصلّيوا ماوالوا
هاذوا هوما المنافقين...
هاذوا هوما الناس اللي مش ملاح في الدنيا كااامل
وحتى اسوأ من الكفّار ...وراح يكونوا في أسوأ مكان في النّار

ضركا عرفنا شكون اللي كانوا عايشين في المدينة :
:)
المسلمين الطيبين: مهاجرين و أنصار
و كان معاهم اخرين أشرار : اليهود و المنافقين
:19:


و راح نكمّلوا وش اللي صرا بيناتهم في المدينة
في الحلقة الجاية ان شاء الله
صلّوا على حبيبنا ..
اللهم صل علي سيدنا محمد

[oum sabrin]

السلام عليكم و رحمة الله
بارك الله فيك حبيبتي ابداع مشكورة :19::19::19:
الى الحلقة الفادمة ان شاء الله

[ام هاديل وياسين]

السلام عليكم
صلى الله عليه وسلم وبارك الله فيك وجزاكي كل خير اختي ابداع
فاتضار الحلقة القادمة ان شاء الله

[fani09]

السلام عليكم ورحة الله تعالى وبركاه

شكرا على القصة الجميلة ابنتي اسمها مايا

[ياسمين1990]

السلام عليكم
بارك الله فيك بدوع
قالك يحي شكرا وانا احبك والى اللقاء في الحلقة القادمة ان شاء الله

[ابداع جزائرية]

السلام عليكم
الى مايا وام كلثوم وصبرين ومهدي ويحييي وكل اعزائي
اعلم اني مقصرة
التمسوا لي عذرا حتى يوفقني ربي ونكمل ان شاء الله
ادعوا لخالتو ابداع ...

بتيسييير الامور

[ام هاديل وياسين]

وعليكم السلام ورحمة الله وبركاته

جزاك الله خيرا خالتوا ابداع والله ينورك ويسر امورك وترجعي بخير وعافية

هذي ام كلتوم الي كتبت

[نخله.]

مبروك تثبيت الموضوع

الولاد كلهم يدعولك بتيسير الامور

[ابداع جزائرية]

الحلقة 18:

كان يا ما كان...
http://im80.gulfup.com/RD8s10.jpg


و ما يحلا الكلام إلا بذكر النبي عليه الصلاة و السلام
و...


:)عليه الصلاة و السلام
:)

المسلمين الطيبين كما قلنا خلاّو الأشرار الكفار و راحو عاشوا في المدينة
http://im48.gulfup.com/0m8AD2.jpg


لكن خلاّو في المدينة حوايجهم كااامل ...

ديارهم و صواردهم و ذهبهم

http://im63.gulfup.com/pRf0V6.jpg


وش تبانلكم في الكفار الأشرار راح يرجعوا للمسلمين حوايجهم ؟؟؟
:confused:
لالالالااااا مايرجعولهمش
علابالكم وش داروا ؟؟
:mad:
ادّاولهم حوايجهم كاااامل ديارهم وصواردهم ...

وفرحوا وقالوا خرّجنا المسلمين من مكّة


وادّينا حوايجهم كاااامل وضرك نقسموهم مابيناتنا
ونحكموا صواردهم نشريوا بيهم ونبيعوا

http://www.djelfa.info/vb/images/icons/icon8.gif
ونديروا قافلة كبييييرة


http://im50.gulfup.com/iZtbfr.jpgفيها بزّاف جمال ...ونتاجروا بصواردهم

نشريوا ونبيعوا حتى نكسبوا اموال بزااااف

وهكذا نبقاو نقلقوا في المسلمين ونحاربوهم

باه واحد لا يزيد يسمع كلامهم ولّا يتبّعهم
:mad:



لكن المسلمين فاقولهم...:rolleyes:

وقالوا مالازمش نخلّيوهم يقدروا يشريوا ولا يبيعوا حتى حاجة ...

لازم نديرولهم خطة ...وندّيولهم القافلة اللي فيها الجمال

هازة صواردنا وسلعتنا...


الكفار سمعوا بلّي المسلمين راح يهجموا على القافلة نتاعهم
فالقافله هربت لبلاصة بعيدة

http://im63.gulfup.com/f3PIBF.jpgوناضوا الكفار جمعوا اسلحتهم ووجدوا رواحهم ...


http://im50.gulfup.com/pewfHm.jpgو قالوا نروحوا للمدينة
و نحاربوا المسلمين

كان عددهم كبييييير بزاف...كانوا 1000
كانوا قداه من واحد ماما ؟؟
http://im50.gulfup.com/sNm5r1.jpg
كانوا 1000 واحد من الكفار



وسيدنا محمد كان في المدينة و معاه المسلمين
فسقساهم سيّدنا محمد: وش رايكم ...وش نديروا ؟؟
وقف واحد مسلم ...اسمه سعد بن معاذ
مسلم شجاع
و قال:
يا رسول الله احنا مسلمين المدينة

آمنا بيك و صدقناك و راح نسمعوا كلامك في كل أمر تؤمرنا بيه
دير وش قالك ربي سبحانه و احنا رانا معاك ...
في كل وش تقوللنا عليه
:)

سيدنا محمد فرح من المسلمين و قوة إيمانهم و شجاعتهم
وكان علاباله بلّي ربي سبحانه راح ينصر المسلمين
إذا قالوا كلمة الحق...وكانوا شجعان
ومتأكدين من داخلهم بلّي ربي سبحانه راح ينصرهم
المسلمين كان عددهم قلييييل بزاف

لكن ربّي سبحانه راح ينصرهم...
حتى لو عددهم قليل لأن قوّتهم مش بالعدد

قوّتهم في ايمانهم بربي سبحانه وفي العمل بوش يأمرنا بيه

قدّاه كانوا المسلمين ؟؟؟؟
كانوا 300 واحد

و كان عندهم حصانين فرات
http://im50.gulfup.com/vv0QNM.jpg
... و شويييية برك جمال


http://im45.gulfup.com/0m6pGt.jpg


كفاه يديروا ؟؟...

قالو كل شوية نبدلوا مع بعضانا ...

يركبوا اخرين على الجمال ولخرين يمشيوا...ويزيدوا شوي ويتبادلوا
باه مايتعبوش من المشي
و سيدنا محمد نخلّيوه راكب ديما
:rolleyes:
لكن سيدنا محمد قالهم لالا...
أنا راح نمشي كما انا كما انتوما
باه يدّي حسنات وثواب من عند ربي سبحانه

وباه يقوّي من عزيمة صحابه

:)صلى الله عليه وسلم...

ومشاو حتى كي وصلوا لواحد المكان اتجمّعوا فيه

وقعدوا يستنّاو في الكفار باه يحاربوهم

ناض واحد من المسلمين وسقسا سيّدنا محمّد قال له:



نقدوا نبدّلوا البلاصة اللي راح نحاربوا فيها

ولاّ البلاصة هاذي هي اللي أمرنا بيها ربي سبحانه؟



قالو سيّدنا محمّد لالا ...
ماأمرناش ربي سبحانه بهاذ المكان بعد ...
ونقدروا نبدّلوا البلاصة...


فالمسلم الذّكي قاله خطة هااايلة

:rolleyes:
قال : احنا هنا في مكان في الصحراء ماكانش فيه الماء خلاص

إلاّ عند بئر بدر ...

http://im45.gulfup.com/XH9Bcc.jpg احنا نروحوا قدام البير نتاع الماء...

و نشربوا و ما نخلوش الكفار يقدروا يشربوا منّه

راح يتعبوا من العطش ...ونقدروا نغلبوهم
سيدنا محمد وافق على الفكرة .... و راحوا المسلمين عند بئر بدر

وقفوا المسلمين صف بحذا بعضاهم ...و كل واحد هازّ سهم قوي ...

و موجّدين أسهم بزاف
http://im46.gulfup.com/vAgCSj.jpg
ويستنّاو في الكفار .... باه مع يوصلوا يرموا عليهم السهام القوية

سيدنا محمد وقف يدعي ربّي سبحانه:
يا رب الكفار يحاربوا في الدين و يحاربونا احنا كعاد مؤمنين ....

يا رب انصرنا عليهم ...يا رب انصرنا عليهم ...
وبقا يدعي ربّي سبحانه بزاااااف

وصلوا الكفار ...و هوما مغرورين بقوتهم و كثرتهم



وخرجوا السّع 3 من الكفّار ....

وقالوا احنا هوما الثلاثة الاقوياء من الكفار

الثلاثة الاقوياء فيكم يخرجوا منكم نحاربوهم

سيّدنا محمّد خرّج 3 من المسلمين:
سيدنا علي و سيدنا حمزة وسيدنا عبيدة

http://www.djelfa.info/vb/images/icons/Hourse.gif
هجموا ال3 مسلمين الأقوياء على 3 كفار
و ال3 مسلمين ضربوا ال 3 كفار الأشرار و قتلوهم

فهجموا الفريقين على بعضاهم ...
http://im46.gulfup.com/TvJlxp.jpg
وقتلوا المسلمين بزّاف كفار

لأن المسلمين كانوا كامل يتبعوا هدرة وحدة

يتبعوا وش قالهم ربي سبحانه ويطيعوا سيّدنا محمّد

ربي سبحانه خلاّهم يغلبوا الكفار رغم عددهم القليل

فالمسلمين غلبوا الكفار الأشرار

http://www.djelfa.info/vb/images/icons/Hourse.gif
و خافوا باقي الكفار و راحوا يجروا لمكة و هما خسرانين و خايفين

http://www.djelfa.info/vb/images/icons/mh01.gif
و المسلمين حكموا شوية كفار عندهم (أسرى)
و ادّاوهم معاهم للمدينة
و رجع سيدنا محمد و المسلمين للمدينة و هوما فرحانين بنصر ربّي سبحانه

:):):)
اللهم صل على سيدنا وقائدنا وحبيبنا محمد

[ابداع جزائرية]

الحلقة 19
كان ياما كان ....


http://im80.gulfup.com/RD8s10.jpg
و ما تحلا قعدة غيييير بذكر النبي عليه الصلاة و السلام ....
و نقولو مع بعض بأجججمل صوت ...


:19:عليه الصلاة و السلام ...

:)
سيدنا محمد و المسلمين ربحوا الكفار في معركة بدر ...

لأن المسلمين دعاو ربي سبحانه
و دارو خطة و حاربوا بكل قوتهم
المسلمين كانوا في قليل كما قلنا
و الكفار كانوا في بزّااااف
ورغم هذا ربّي سبحانه وفّق المسلمين يغلبوهم

الكفار روّحوا يجريوا لمكّة و هوما متغاظين و ماعلابالهمش وش يديروا

كفاه يغلبونا المسلمين واحنا كنّا اكثر منهم ؟؟؟؟؟
كفاه تصرا؟؟؟؟؟؟

:confused: ماعلابالهمش بقدرة ربي سبحانه...

وبلّي اللي يتبّع وش قال ديما ينصره

وزيد يدخّله من بعد للجنّة اللي فيها كل وش نتمنّاو

:rolleyes:الكفّار كانوا راح يهبلوا ...وقالوا ماناش راح نسكتوا

جمعوا بعضاهم ...وداروا جيش كبيييير

فيه 3000 كافر ...وجابوا سيوف وسهام

http://im65.gulfup.com/4YYj3P.jpg وجمال واحصنة

وقالوا نروحوا للمدينة...نعاودوا نحاربوا المسلمين

ونغلبوهم...

مافيهمش فايدة

الشّر اللي فيهم مايحبسش
:mad:

سيدنا محمد عرف ...
عرف بلّي الكفار زادوا اتجمعوا
و جايين ياذيوا المسلمين و يقتلوهم
سيدنا محمد جمع أصحابه المسلمين الشجعان بسرعة
و قالهم بلّي الكفار الأشرار جايين بجيش كبير للمدينة
و سقساهم وش رايكم؟

نخرجوا نحاربوهم قبل ما يوصلوا المدينة ؟؟

ولا نستنّاو حتى كي يجيوا عندنا؟؟
المسلمين الشجعان الأقوياء ...

قالوا : لالا احنا نخرجوا نحاربوهم و مانستنّاوش يوصلونا
المسلمين الشجعان مايخافوش...
لأنهم عارفين بلّي راهم على حقّ
و عارفين بلّي اللي يتبّع كلام ربّي سبحانه عمره مايخيب

اتجمعوا المسلمين و داروا جيش فيه 700 واحد مسلم

http://im65.gulfup.com/RLS0nK.jpgو خرجوا برّا المدينة مع سيدنا محمد باه يقابلوا جيش الكفار
ووصلوا حتّى لجبل .... اسمه جبل أحد

http://im65.gulfup.com/mtwtRD.jpg وحبسوا عند الجبل
سيدنا محمد بدا ينظّم في المسلمين
يعني يقول لكل واحد وش لازم يدير...
وكل واحد وين لازم يوقف...


سيدنا محمد قال لجماعة من المسلمين يطلعوا فوق الجبل
و معاهم سهااااام بزّاف ....

باه يرموها على الكفار الأشرار من فوق الجبل



لكن سيدنا محمد قالهم على حاجة مهمة بزّاف
قال للمسلمين اللي فوق الجبل ...

عندكم ..عندكم تنزلوا من على الجبل مهما كان

إلا إذا قلتلكم...

و باقي المسلمين الشجعان معاهم السيوف ...

يستنّاو في الكفار الأشرار و مستعدين تحت


وصل جيش الكفار الأشرار

و هجموا على المسلمين.....


http://im65.gulfup.com/8OGEul.jpgالمسلمين الشجعان حاربوا بكل قوتهم

http://www.djelfa.info/vb/images/icons/Hourse.gifhttp://www.djelfa.info/vb/images/icons/Hourse.gifhttp://www.djelfa.info/vb/images/icons/Hourse.gif
وبقاوا يحاربوا في بعضاهم...
والمسلمين اللي فوق الجبل يرموا السهام على الكفار الأشرار ...
... الكفار مالقاوش وش يديروا ...

و السهام نازلة عليهم كما المطر
و الكفار ماعلابالهمش منين جايّة؟؟؟؟
بزّاف كفار أشرار اتقتلوا

و الباقي خافوا من قوة المسلمين
و خرجوا من المعركة يجريوا





علابالكم وش صرا ؟؟؟؟ ...

المسلمين اللي فوق الجبل
فرحوا كي شافوا الكفار يجريوا و خايفين
راحوا نزلوا من الجبل باه يجمعوا أسلحة الكفار
وخلاّو الجبل فرغان...

http://im65.gulfup.com/mtwtRD.jpg كيفاه داروا هكذا....
و سيدنا محمد وش وصّاهم؟؟؟
قالهم أهم حاجة ...مهما صرا....عندكم ...عندكم تنزلوا من الجبل

إلا إذا قلتلكم....

علابالكم وش صرا ؟؟

أول ما الكفار شافوا المسلمين نزلوا من الجبل
رجعوا بسرعة
وهجموا على المسلمين مرّة اخرى

http://www.djelfa.info/vb/images/icons/icon9.gif
و طبعا ماكان حتى واحد فوق الجبل يحمي المسلمين اللي تحت

اتجمعوا المسلمين الشجعان حول سيدنا محمد ...
و بقاو يحاربوا الكفار بالسيوف
... و سيدنا محمد يحارب معاهم
كل المسلمين اللي داروا بسيّدنا محمد كانوا خايفين ..
يعودوا الكفار ياذيوه
http://im76.gulfup.com/azA2De.jpg
و كانوا يحاربوا كلهم بأقصى قوتهم
ورغم هذا تقاس حبيبنا وسيدنا محمد في وجهه سال منه الدم

وتكسرت رباعيته ...يعني اسنانه
صلى الله عليه وسلم

http://www.djelfa.info/vb/images/icons/icon9.gif
و الكفار الأشرار المرة هاذي قتلوا بزّاف مسلمين
منهم عمّ سيّدنا محمّد :حمزة ابن عبد المطّلب

http://www.djelfa.info/vb/images/icons/icon9.gif

فسيدنا محمد أخد المسلمين اللي معاه و جراو بسرعة بالأحصنة ....

و راحوا ورا الجبل
قائد الكفار الأشرار طلع فوق جبل أحد و هو فرحان....
و قاعد يقول : ربحناكم...

غلبناكم في معركة جبل أحد كما ما غلبتونا في معركة بدر

http://www.djelfa.info/vb/images/icons/icon8.gif
لكن واحد من المسلمين الشجعان رد عليه
عمركم ما راح تغلبونا
لأنّه اللي يموت مننا في الحرب احنا المسلمين راح يدخل الجنة
لكن اللي يموت منكم يا كفار راح يدخل النااااار
عمركوا ما راح تربحونا
رجعوا الكفار لمكّة ..
http://im76.gulfup.com/yhJFxy.jpg
و رجعوا المسلمين للمدينة بصّح المرّة هاذي كانوا خسرانين
كان غايضهم الحال علاه ما سمعوش كلام سيدنا محمد

http://www.djelfa.info/vb/images/icons/icon9.gif

لكنّهم اتعلموا أهم حاجة في حياتهم

أنّهم إذا حابّين يربحوا في الدنيا وفي الاخرة ...لازم يطيعوا سيّدنا محمّد

ويسمعوا كلامه في كل وش يقول عليه

حتى احنا اذا حبّينا نربحوا في حياتنا
لازم نسمعوا كلام سيدنا محمد في كل حاجة علّمهالنا
وإذا بغينا صح ندخلوا الجنة اللي فيها كل حاجة نتمنّاوها
لازم نسمعوا كلام سيدنا محمد ونطيعوه في كل امورنا

اللهم صل على نبيّنا و سيّدنا و قائدنا وحبيبنا محمد

[سمراء الدنيا]

https://encrypted-tbn0.gstatic.com/images?q=tbn:ANd9GcSuTBnc1oIEYE8flzzgjLh4Moy28Dyd8 kvwyJnxmBhFrUEOIs3T5w

[oum sabrin]

السلام عليكم و رحمة الله
رسالة من صبرين
بارك الله فيك طاطا ابداع على هده الهدية القيمة التي لا تفنى انا دائما افتخر بها في الروضة امام زميلاتي قتلهم عندي طاطا تحبني كل يوم تبعث لماما حلقة و ماما تحكيهالي
ان شاء الله ربي يسر لك كل امورك و يخليك لينا احبك في الله قبلاتي ممممممممممح

[مهدي منور]

السلام عليكم و رحمة الله وبركاته
شكرا طاطا ام انيس ان شاء الله تدخلي للجنة لانك فرحتينا بهاد القصص
https://encrypted-tbn3.gstatic.com/images?q=tbn:ANd9GcQo92KBwJPBbiBfHZoWamdGY8kdqSnan 4jDI6C6wL7oPJRpTeXe

[مهدي منور]

السلام عليكم
الى مايا وام كلثوم وصبرين ومهدي ويحييي وكل اعزائي
اعلم اني مقصرة
التمسوا لي عذرا حتى يوفقني ربي ونكمل ان شاء الله
ادعوا لخالتو ابداع ...

بتيسييير الامور


يا رب يسر امور طاطا ام انيس و عاونها باش تكملين القصة

[شموخ امرأة]

بارك الله فيك وجعلها في ميزان حسناتك

[عطوفة]

http://im88.gulfup.com/myH55N.gif (http://www.gulfup.com/?jLSnGM)

[ابداع جزائرية]

الحلقة 20



غزوة الخندق(الاحزاب)

كان يا ما كان....
http://im80.gulfup.com/RD8s10.jpg



و ما يحلا الكلام إلا بذكر النبي عليه الصلاة و السلام
عليه الصلاة و السلام ....
:)
كما قلنا حبّوباتي..

سيدنا محمد عليه الصلاة و السلام كان عايش في المدينة
البلد الطيبة الجميلة ..

http://im48.gulfup.com/0m8AD2.jpg

و معاه المسلمين الصالحين الطيبين
لكن شكون اللي كان عايش معاهم ثاني ؟؟؟؟
اليهود ...

وش تفاهم سيدنا محمد مع اليهود ؟
سيدنا محمد اتفق مع اليهود اتفاق
أنهم يعيشوا في سلام و أمان مع المسلمين
واحد لا ياذي الآخر ولا يحاربه
ولا يعاون الكفار الأشرار في الشراللي يديرو فيه

علابالكم وش صرا؟

:mad:
يوم من الأيام ...واحد النّاس من اليهود ...

عشرين واحد


لمّوا بعضاهم

وسافروا لمكة .... راحوا للكفار الأشرار ... و قالوا لهم
احنا اليهود اللي في المدينة ... حسّينا بلّي المسلمين ولاّو قاويين علينا
...و جينا عندكم باه نعاونوكم عليهم
بغينا نعاونوكم تحاربوا محمد و المسلمين ...باه نعودوا احنا الأقوى
...اليهود الكذابين خلفوا وعدهم ..كذبوا في اتفاقهم مع المسلمين.

قالوا بلّي راح يعيشوا مع بعض في أمان وسلام ..
وراحوا في السّر يعاونوا الكفار الأشرار

الكفار في مكة طبعا فرحوا بزااااف .... و جهّزوا جيش قوي
جيش مليان كفار ويهود....وجابوا أسلحة بزّااااف

http://store2.up-00.com/2014-12/1419893555731.jpg اليهود زادوا قالوا :احنا عندنا خطة

نروحوا برّا مكّة ونزيدوا نقولوا للناس اللي حولها ينضمّوا لينا

ويحاربوا معانا المسلمين الاشرار؟؟؟؟؟؟

باه يولّي جيشنا اكبرو اكبر باه نهزموا المسلمين اكيد
ونقولوا للناس اللي عايشين حول مكة بلّي المسلمين راهم أشرار
اليهود و الكفار ....جمعوا كل الأشرار ....اللي داخل مكة ...و اللي خارج مكة وداروا جيش ضخم
فيه 10 آلاف واحد ...

عدد كبييييير 10 آلاف كافر ويهودي

http://store2.up-00.com/2014-12/141989376641.jpg....رايحين كامل يحاربوا المسلمين في المدينة ...

و يحاربوا سيدنا محمد عليه الصلاة و السلام
راح يقدروا ؟؟
:rolleyes:

سيدنا محمد عليه الصلاة و السلام عرف .... فجمع أصحابه
وشاورهم...

واحد من المسلمين
اسمه "سلمان الفارسي"

قال لسيدنا محمد : أنا عندي خطة
المدينة نتاعنا حولها جبال من كل جهة إلاّ جهة وحدة
والكفار مش راح يقدروا يدخلوا المدينة إلا من هاذ الجهة
هاذي هي البلاصة الوحيدة اللي يقدروا يوصلولنا منها
ثمّة نديروا خندق ....يعني حفرة ضخمة كبيييييرة
كي يوصلوها الكفّار مايقدروش يعدّوا عليها ابدااا
و احنا نحرسوها .... و اللي يحاول يعديها ...

يلقانا في وجهه نبعّدوه بكل قوة و شجاعة

فكرة هااااايلة....و راح تكون مفاجأة لجيش الكفار

بدا سيدنا محمد صلى الله عليه وسلّم و المسلمين....

يحفروا الخندق ...بكل قوتهم

http://store2.up-00.com/2014-12/1419893766452.jpg
مايرتاحوا مايرقدوا غير قلييييل
وياكلوا بالشوية كل يوم.....
حتى كي خلّصوا كل الطعام اللي كان عندهم
و تعبوا بزّااااف
لكن بقاو يحفروا بكل قوة وهوما حاملين كل التعب و الجوع
لانهم عارفين بلّي ربّي سبحانه شايفهم و عارف قدّاه تعبوا
وحاملين مادام حاجة تفيد ديننا ....الاسلام
و المسلمين علابالهم بلّي كي يتعبوا ويبذلوا جهدهم ربي سبحانه مايخيّبهمش وراح ينصرهم و يخليهم يغلبوا الكفار

واحد من أصحاب سيدنا محمد ......كان عنده شوية طعام
لحم شاة وشوية شعير....
طبخهم وراح ادّاهم لسيدنا محمد
لكنّه كان علاباله بلّي قليييييل ومش راح يكفّي المسلمين

سيدنا محمد حكم الأكل و جمع كل المسلمين اللي يحفروا
.... كانوا ألف واحد ...وزّع عليهم الأكل ... واحد واحد
كلّهم كلاو....

:) و صاحب سيدنا محمد بقى مستغرب كفاه الطعام القليل هذاك اللي جابه كفاهم؟؟؟؟؟
وعرف بلّي ربّي سبحانه دار فيه بركة

:)

كي كانوا المسلمين يحفروا في الخندق

..لقاوا حجرة يابسة بزّاااف كأنها حديد



...واحد لا قدر يكسّرها ....فقالوا لسيدنا محمد
فسيدنا محمد هزّ الفاس ... و قال : بسم الله
و ضرب الحجرة ... اتكسر منها طرف ...فقال :الله أكبر
و ضرب مرّة اخرى ...زاد تكسّر طرف ثاني... فقال :الله أكبر
فقال :بسم الله..الله أكبر و ضرب تالث مرة ... الحجرة ولاّت فتات....
http://im72.gulfup.com/a0mBtt.jpg


وقدروا المسلمين يحفروا الخندق ....وداروا الحفرة العملاقة الطويلة
سيدنا محمد قال للأطفال واانساء يبقاو في الديار في المدينة و ما يخرجوش ... باه يكونوا بعاد عن الأشرار
وواحد لايقدر ياذيهم...

و الرجال المسلمين الأقوياء يبقاوا عند الخندق يستنّاوا الكفار
وما يخلّيوا حتى واحد منهم يقدر يدخل المدينة

جيش الكفار و اليهود الضخم وصل للمدينة ...

{‏وَلَمَّا رَأَى الْمُؤْمِنُونَ الْأَحْزَابَ قَالُوا هَذَا مَا وَعَدَنَا اللهُ وَرَسُولُهُ وَصَدَقَ اللهُ وَرَسُولُهُ وَمَا زَادَهُمْ إِلَّا إِيمَانًا وَتَسْلِيمًا‏}‏ ‏[‏الأحزاب‏:‏ 22‏]‏‏.‏

شافوا قدّامهم لقاوا الخندق
... حفرة كبيييييييرة و طويييييلة بزّاااااف.... مايقدروش يفوتوها

http://store2.up-00.com/2014-12/1419893766452.jpg
..... بقا جيش الكفار الضخم وااااقف حااااير يفكر
وكل ما واحد منهم يحاول يعدي الخندق...أو يقفز بالحصان نتاعه
يلقى الجنود المسلمين الأقوياء الجهة الاخرى يضربوهم بالسهام
http://im72.gulfup.com/puANYD.jpg


الكفار فكّروا يديروا طريق ..باه يعدّو الحفرة ... لكن كل ما يحاولوا يقربوا
يلقاو المسلمين الأقوياء يضربوهم بالسهام من الجهة الاخرى

جيش الكفار مابغاش يتحرّك من بلاصته ....و بقاو قاعدين ...

بغاو ياذيوا المسلمين و يحاربوهم وفرات
داروا خيمات ... و قعدوا فيها يستنّاو أي فرصه يهجموا فيها على المسلمين
http://im52.gulfup.com/32b5Gj.jpg


....و كل ما يحاولوا يعدّيوا الحفرة

.. يفشلوا
المسلمين كانوا عاسّين بلايصهم
علابالكم جيش الكفار قدّاه بقا قاعد لثمّة؟
شهر .... تخيلوا شهر كامل
حتى المسلمين ماكانوش يرجعوا ديارهم ولا يرتاحوا

وكانوا قاعدين قدّام الخندق
..يعسّوا في كل تحريكة للكفّار
http://im72.gulfup.com/A1Qccx.jpg


وكانوا ناس يهود من المدينة....

زعمة ماحبّوش يعاونوا اليهود اللي راحوا لمكّة وتعاونوا مع الاحزاب

كان اسمهم "بنو قريضة"

وقالولهم لالا احنا درنا عهد مع محمّد أنّه ندافعو على المدينة معاه

مايصلحش نولّوا فيه....

لكن الاحزاب :اللي هوما جيش الكفار واليهود

بعثولهم واحد تسلّل عندهم للمدينة وقاللهم لازم تولّيوا في رايكم

وتنقضوا العهد مع محمّد

وتهاجموه من وراه ...يعني من جهة وين خلاّ النساء والاطفال في المدينة

لمّا وصل الكلام للرسول صلى الله عليه وسلّم بعث واحد منهم اسلم في السرّ

لليهود في الجهتين باه يفرّق بيناتهم ...

وبالفعل دخّل بيناتهم الشك...

لأنّه اليهود من بككككري خلاص طبعهم الغدر والخيانة

.......

في هاذ الوقت...عرفوا المسلمين بلّي الكفّار واليهود محاصرينهم من كل جهة

كاين ناس اللي من الخوف شكّت أنّه ربي سبحانه راح ينصرهم
وكاين ناس منافقين نقضوا العهد مع رسولنا الكريم
وكاين اللي زادو ثقة ووفاء لحبيبنا محمّد


ربي سبحانه قال في سورة الأحزاب:


{‏وَإِذْ زَاغَتْ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللهِ الظُّنُونَا هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا‏}
‏‏[‏ الأحزاب‏:‏10، 11‏]‏

وبقاو المسلمين خايفين يدعيوا
http://im52.gulfup.com/B4siLo.jpg
(اللهم استر عوراتنا و آمن روعاتنا )

سيدنا محمد بقا يدعي ربّي سبحانه يهزم الكفار و ينصر المسلمين
"اللهم منزل الكتاب سريع الحساب ...اهزم الأحزاب... اللهم اهزمهم و زلزلهم"
علابالكم وش صرا ؟

ربّي سبحانه بعث رياح ....رياح قاوية بزااااف
http://im52.gulfup.com/VDvwyG.jpg


قطّعت خيماتهم
..... وسيّحت أكلهم... وطيّرت حوايجهم ...و التراب ملا وجوهه

الكفار حسوا بلّي الرّيح هاذي ربّي سبحانه بعثها باه يعذّبهم
ربّي سبحانه دار في قلوبهم الرّعب و الخوف
فهربوا بسرعة ....و رجعوا لمكة خايفين
http://im57.gulfup.com/Vyi9sV.jpg
رجع الجيش الضخم مهزوم و خاااااايب

وانتقموا المسلمين من يهود بني قريضة اللي معاهم في المدينة وخانوا العهد

شفتوا حبوباتي...

رغم انه اجتمعوا الكفار واليهود من داخل مكة وخارجها
ربّي سبحانه خلا قلوبهم تتعمّر بالرعب....رغم كثرتهم

وهربوا من المسلمين .... من دون حتى ما يحاربوهم
و نصرربي سبحانه المسلمين لأنهم يدافعوا على الدين وعلى الرسول

ويبذلوا ارواحهم ومالهم ومايخافوش ... ويدعيوه باه ينصرهم
ويديروا الشي اللي يقدروا عليه و يجتاهدوا باه يفكّروا...

ويتحملوا كل التعب غير باه يحافظوا على دينهم
فربّي سبحانه راح ينصرهم ديما و زيد يدخلهم جنته ...برحمته
اللهم صل على سيدنا وحبيبنا وقائدنا محمد

[ابداع جزائرية]

اللهم بارك لصاحبة هذا العمل في أولادها ..و اجعلهم نعم الأبناء البارين و العباد الصالحين .
وجزاك الله خيرا

اللهم اميييييين اجمعين
وجزاك عزيزتي على مرورك الطيب ودعائك ربي يبارك فيك

مرحبا
والله من كثر حبي للموضوع راني متشوقه ويكتا نبدا نحكي لوليدي ..راه قريب يقفل عام ان شاء الله
كنحكيلو ميحبش يسمعني ويبدا يبكي باش نخليه يروح
يعني نقريبا من ويكتا نبدا نحكيلو ويبدا يستوعب ...
شكرا وربي يحفظك اخيتي
ههههه العفو عزيزتي
مازااااال يا مرا ...اصبري شوية :D
ربي يحفظهولك ويقر عينك بصلاحه ياااارب
تنورينا دايما اختي

[quote=ابداع جزائرية;3992252095]


السلام عليكم و رحمة الله
الله يسلمك اختي العزيزة ابداع بوسة صبرين وصلت شكرا على الكلام العطر
ربي يبارك فيك وفي عائلتك
لا داعي للاعتدار عزيزتي فكلنا نعي مشاغل الحياة الكثيرة متى سنحت لك الفرصة نحن بانتظارك و في غيابك نقوم بالمراجغة التثبيت و طرح بعض الاسئلة لاختبار درجة الاستيعاب والله المستعان
ربي يقدرك على هده الحسنة الجارية:)
اللهم اميييييين شكرا على تفهّمكم اختي العزيزة
ربي يباركلي فيكم

[ابداع جزائرية]

السلام عليكم ورحمة الله وبركاته
بارك الله فيك بدوع وجزاك عنا كل خير وجعل عملك هذا في ميزان حسناتك
كالعادة تبع يحي الحكاية بكل شوق وخوف على النبي صلى الله عليه وسلم
من الكفار عندما اجتمعوا عليه في داره
ولكنه كان واثق من ان الكفار لن يصلوا اليه لان الله معه
اما عندما وصلنا الى غار ثور وفي الحكاية كان ابو بكر الصديق خائف على الرسول صل الله عليه وسلم
قالي علاه يخاف معهم ربي يحميهم
ورغم ذلك تأثر للموقف كنت حابة نجرب خوفه على الرسول صلى الله عليه وسلم ووصلت للنتيجة المطلوبة ههههه
ومن بعد ما قال الرسول صل الله عليه وسلم ما ظنك بإثنين الله ثالثهما وشاف بأنه ثابت وماخايفش
لاحظت علامة الفرحة ظهرت على وجهه وعاود نفس الجملة ربي معاهم مايخافوش هو يحميهم من الاشرار
بعدما انتهت الحكاية قالي :
قولها شكرا على الحكاية وانا في انتظار الحكاية رقم 16
في رعاية الله
سلام
وعليكم السلام ورحمة الله وبركاته
وفيكم حبيبتي ...اللهم اميييين ربي يخليكم ليا
ربي يحفظه حبيبي ...ويبارك فيه
العفو عزيزي ربي يخليك لماما ويخليها ليك

السلام عليكم
بارك الله فيك اختي ابداع وجزاكي الله كل خير على كل ما تقدمين في ميزان حسناتك ان شاء الله
وعليكم السلام ورحمة الله وبركاته
وجزاكم عزيزاتي ربي يخليكم ليا
بوسة لام كلثوم ولهدّووولة

بارك الله فيك اختي ابداع وبارك لك في وقتك واولادك واليك مقطع مهدى لمريومة من ابني في التحظيري قالي اكتبيه لها
محمد نبينا امه امينة
ابوه عبد الله مات ولم يره
ابوا طالب عمه كان يخفف عنه
ياستُ حليمة مرضعت نبينا
ولد في مكة مات في المدينة
هذه حفظها في المدرسة

وفيك افنانوو
ماشاء الله بالفعل سهلة للحفظ
قوليله ومريومة تشكره على الهديّة ...فرحت بيها بزاف
وان شاء الله كل الامهات اللي معانا يعلموها لاولادهم الصغار
جزاك الله خيرا حبيبتي



السلام عليكم ورحة الله تعالى وبركاه

شكرا على القصة الجميلة ابنتي اسمها مايا
وعليكم السلام ورحمة الله وبركاته
مرحبا بأم مايا وبمايا معانا ...منوّرينا والله
ربي يحفظهالك حبيبتي

السلام عليكم
بارك الله فيك بدوع
قالك يحي شكرا وانا احبك والى اللقاء في الحلقة القادمة ان شاء الله
وعليكم السلام ورحمة الله وبركاته
حبيبي يحيوحي ....ربي يحفظك

[ابداع جزائرية]

وعليكم السلام ورحمة الله وبركاته

جزاك الله خيرا خالتوا ابداع والله ينورك ويسر امورك وترجعي بخير وعافية

هذي ام كلتوم الي كتبت
ربي يحفظك ام كلثوم ..ويجازيك حبيبتي
ويخليلي دعواتكم الجميلة البرييييئة

مبروك تثبيت الموضوع

الولاد كلهم يدعولك بتيسير الامور


يبارك فيك وفيهم نخّووول
سلامي ليهم ربي يقر عينك بيهم وبصلاحهم يااارب


https://encrypted-tbn0.gstatic.com/images?q=tbn:ANd9GcSuTBnc1oIEYE8flzzgjLh4Moy28Dyd8 kvwyJnxmBhFrUEOIs3T5w
ربي يحفظك سمّووووورة
اللهم امييييين اجمعين
منورتني حبيبتي

السلام عليكم و رحمة الله
رسالة من صبرين
بارك الله فيك طاطا ابداع على هده الهدية القيمة التي لا تفنى انا دائما افتخر بها في الروضة امام زميلاتي قتلهم عندي طاطا تحبني كل يوم تبعث لماما حلقة و ماما تحكيهالي
ان شاء الله ربي يسر لك كل امورك و يخليك لينا احبك في الله قبلاتي ممممممممممح
ويخليكم ليا حبيباتي ربي يبارك فيك
احبكي الذي احببتني فيه ورضي عنك وارضاكي
وانا نحبّك حبيبتي وكل حبوباتي اللي معانا وحبيتكم من قلبي مش كلام برك
يا اجمل زهرة في احلى روضة http://www.djelfa.info/vb/images/icons/icon24.gif

السلام عليكم و رحمة الله وبركاته
شكرا طاطا ام انيس ان شاء الله تدخلي للجنة لانك فرحتينا بهاد القصص
https://encrypted-tbn3.gstatic.com/images?q=tbn:ANd9GcQo92KBwJPBbiBfHZoWamdGY8kdqSnan 4jDI6C6wL7oPJRpTeXe
وعليكم السلام ورحمة الله وبركاته
انا وياك وماما ان شاء الله وكل احبائنا اللي معانا
ان شاء الله ندخلو الجنّة
ويشفع فينا حبيبنا ونبينا محمّد صلى الله عليه وسلم
نوّرتنا مهدي ...ربي يحفظك أمّي ويحفظ أمي ليك

يا رب يسر امور طاطا ام انيس و عاونها باش تكملين القصة
ههههه اميييين حبيبي
ربي يقبل منك
ربي يقدرني عزيزي

بارك الله فيك وجعلها في ميزان حسناتك
اللهم اميييييين وفيك حبيبتي
نورتينا اختي ام عبد اللطيف
جزاك الله خيرا حبيبة
توحشناااااك


(http://www.gulfup.com/?jLSnGM)http://im88.gulfup.com/myH55N.gif (http://www.gulfup.com/?zMqkfS)
وجزاك عزيزتي ....منوّرة اختي
ربي يبارك فيك

[kosrah]

يعطيك الف صحة وعافية إن شاء والله والله يا ولادي كل يوم يا ماما أحكيلي حكاية منلقا ما نحكي هنيتيني حكياية دينية هادفة وبطريقة مشوقة شكرا لكي حبيبتي

[kosrah]

يعطيك الصحة اختي وااله فكرة رائعة من عند اخت اروع راني بديت نحكيها لولادي الطفل 5سنوات لاحلي قصي وابنتي رهف4سنوات والله يا ابني فرح بيها وكل يوم كمليلي يا ماما والبنت قاتلي يا ماما هذي ميش حكاية هذه قراية براءة اطفال ربي يحميها ويحمي كل ولادنا راني في الحلقة الثالثة بارك الله فيك وجزاك الله كل خير هنتيني وحكاية هادفة ولازم يعرفوها ولادنا شكرا

[الأمل القادمْ]

السلام عليكم
أفضل قصة سمعتها في حياتي
أنا أشكركي على تبسيطها

[oum sabrin]

مساء الخبر و البركة في هدا اليوم المبارك و اغتنم الفرصة لاقول صح مولودكم و كل عام و انتم بالف خير

حبيبتي ابداع هدا المولد كان عنده طعم خاص مع هده القصة فبهده المناسبة درت مراجعة لصبرين مند 3 ايام كل يوم نراجعو 5 حلقات اليوم نكملو حتى الحلقة 20 فكانت هده المناسبة ثرية بالكلام عليه صلى الله عليه و سلم والله حتى عجوزتي عجبها الحال قعدت تصغي لي و انا احكي :19:
بارك الله فيك و في عائلتك و يسر لك كل امورك امييييييييييين

[ابداع جزائرية]

يعطيك الف صحة وعافية إن شاء والله والله يا ولادي كل يوم يا ماما أحكيلي حكاية منلقا ما نحكي هنيتيني حكياية دينية هادفة وبطريقة مشوقة شكرا لكي حبيبتي

يعطيك الصحة اختي وااله فكرة رائعة من عند اخت اروع راني بديت نحكيها لولادي الطفل 5سنوات لاحلي قصي وابنتي رهف4سنوات والله يا ابني فرح بيها وكل يوم كمليلي يا ماما والبنت قاتلي يا ماما هذي ميش حكاية هذه قراية براءة اطفال ربي يحميها ويحمي كل ولادنا راني في الحلقة الثالثة بارك الله فيك وجزاك الله كل خير هنتيني وحكاية هادفة ولازم يعرفوها ولادنا شكرا
ماشاء الله ربي يحفظهم ويقر عينك بصلاحهم
يسلّمك حبيبتي والله ماتتصوّروا فرحتي بكل ردودكم الجميييييلة
ربي يحفظ ولادكم وولادي ويهديهم للخير
ويقدّرنا نربّوهم كما يحب ويرضى
العفو حبيبة ربي يبارك فيك انتي على كلامك الطيب

[ابداع جزائرية]

السلام عليكم
أفضل قصة سمعتها في حياتي
أنا أشكركي على تبسيطها
وعليكم السلام ورحمة الله وبركاته
ربي يحفظك ابني محمّد ...من حسن ذوقك ووعيك ماشاء الله عليك
العفو ابني ربي يوفقكم يااارب ويبصّركم للخير
شفت قبيل زميلك انيس ..في المسابقة ؟
بالتوفيق ليكم كااامل
انيس جاوه اولاد عمه فاضطر للانسحاب اليوم
حظ موفق لكم كااامل

[ابداع جزائرية]

مساء الخبر و البركة في هدا اليوم المبارك و اغتنم الفرصة لاقول صح مولودكم و كل عام و انتم بالف خير

حبيبتي ابداع هدا المولد كان عنده طعم خاص مع هده القصة فبهده المناسبة درت مراجعة لصبرين مند 3 ايام كل يوم نراجعو 5 حلقات اليوم نكملو حتى الحلقة 20 فكانت هده المناسبة ثرية بالكلام عليه صلى الله عليه و سلم والله حتى عجوزتي عجبها الحال قعدت تصغي لي و انا احكي :19:
بارك الله فيك و في عائلتك و يسر لك كل امورك امييييييييييين
وفيك حبيبتي ربي يحفظك ويحفظ صبرين واخوها
ويباركلكم في الحاجّة سلامي ليها
فرحتيني اختي العزيزة ربي يفرحك
اللهم امييييين اجمعين جزاك الله خيرا على المشاركة الطيبة
اعتز بها والله ...

[متمنية]

الله يبارك اخت ابداع المبدعة اله يجزيك ويسكنك الجنة يارب اولادى استمتعو مليح من سنة 15 الى3 سنين رانا نستنو فيك الله يبارك رانى غى ندعيلك اختى مبدعة

[ابداع جزائرية]

الله يبارك اخت ابداع المبدعة اله يجزيك ويسكنك الجنة يارب اولادى استمتعو مليح من سنة 15 الى3 سنين رانا نستنو فيك الله يبارك رانى غى ندعيلك اختى مبدعة
يبارك فيك اختي الحبيبة مرحبا بيك وبيهم
ربي يفرحك بصلاحهم ونجاحهم ياااارب
اللهم اميييين اجمعين ياااارب
ويجازيك خير حبيبتي
على دعائك وكلامك الطيب من القلب
وصل للقلب ربي يهنّيك

[ابداع جزائرية]

الحلقة 21

كان ياما كان


http://im80.gulfup.com/RD8s10.jpg
و ما يحلا الكلام ...إلا بذكر النبي عليه الصلاة والسلام
:19::19::19:
عليه الصلاة و السلام .....

رجع جيش الكفار الكبير لمكة ....
رجع مهزوم و خايف
http://im57.gulfup.com/Vyi9sV.jpg


الكفار و اليهود كانوا متأكدين أنهم كي يديروا جيش ضخم و كبير ...راح يقدروا يهزموا المؤمنين اللي يعبدوا ربي سبحانه
و ربي سبحانه شاف المؤمنين يدعيوه و يعبدوه
و يخطّطو ويجتهدوا... و يوجّدوا بكل قوتهم
و يتعبوا و يجوعوا
... وهوما ثابتين و مصممين يربحوا جيش الكفار
فربي سبحانه نصرهم وبعث رياح قوية

http://im52.gulfup.com/VDvwyG.jpg



طيرت وكسرت كل حاجة تاع جيش الكفار
و ربي سبحانه خلا قلوبهم تتعمّر بالخوف والرعب
و هربوا بسرعة خسرانين

و رجع المسلمين لمدينتهم فرحانين بالنصر
و رجعوا لديارهم ... و حطوا أسلحتهم ... و رجعوا لشغالهم
لكن....

اليهود اللي كانوا في المدينة ...و خانوا و كذبوا على المسلمين و تمصخروا بيهم ...
وقالولهم بلّي راهم اصحاب ..و بلّي راح يعيشوا مع بعض في أمان وسلام

راحوا في السر...

...يتفقوا مع الكفار باه يخدعوا المسلمين ويقتلوهم
لازم يتعاقبوا على خيانتهم....:mad:

سيدنا محمد عليه الصلاة و السلام رجع داره... وحط سلاحه

http://im77.gulfup.com/s8qcFW.jpgوجاه سيدنا جبريل عليه السلام و سأله
يا رسول الله .. انت حطيت سلاحك خلاص؟

فسيدنا محمد قاله نعم

فسيدنا جبريل قاله:

ربي سبحانه يخلي الملايكة تحارب و تعاون المؤمنين
والملايكة اللي ربي سبحانه بعثها تحارب معاك في الخندق مازال مارجعتش ..
لأنه ربي سبحانه أمرها تكمل تحارب .....تكمل تحارب اليهود
اليهود اللي خدعوا المسلمين ...


http://im77.gulfup.com/ZV5CDh.jpg.. يهود بني قريظة

سيدنا محمد عليه الصلاة و السلام عاود وجّد روحه للحرب

http://im77.gulfup.com/s8qcFW.jpg

و هز سلاحه مرة اخرى ... و قال لكل المؤمنين
كل من يسمع كلام محمد ويطيعه يروح عند يهود بني قريظة ضرك ويصلي العصر لثمّة..



المسلمين الصالحين الشجعان نفذوا كلام سيدنا محمد و سمعوا كلامه
... و هزّوا أسلحتهم و راحوا عند يهود بني قريظة

اليهود كانوا يعيشوا داخل حصون
علابالكم وش معناها حصون ؟
http://im86.gulfup.com/QRzw1H.jpg


... يعني بناية كبيييرة و مقفول ... و عندها بوّابات

واحد لا يقدر يدخلها حتى كي يفتحولوا اليهود البوابات..

المسلمين الشجعان اتجمعوا حول الحصن نتاع اليهود الخاينين

و قالولهم ماناش راح نمشيوا من هنا حتى كي نحاربوكم و تتعاقبوا على خيانتكم وخداعكم...
http://im77.gulfup.com/O39V4l.jpg
اليهود كان عندهم أسلحة بزاااااف بزاف داخل الحصن
لكن ربي سبحانه خلاّهم ميتين بالخوف والرعب....
و خلاهم مش قادرين يحاربوا المسلمين
ولا قادرين يهزوا حتى سلاح
بقاو المسلمين قاعدين حول الحصن 25 يوم
و اليهود متخبيين في الحصن و علابالهم بلّي خانوا وكذبوا و يستنّاو في عقوبتهم
و مش قادرين حتى يحاربوا من كترة خوفهم و رعبهم

رئيس اليهود (كعب بن أسد ) جمع اليهود في الحصن

و قالهم : أنا عندي 3 أفكار ... أختاروا منها وحدة

أول فكرة ...
... اننا نتبعوا كلام محمد رسول الله ؟ .. و نطيعوه و نطيعوا ربي سبحانه ... و نعودوا مسلمين ؟؟
اليهود قلوبهم مليانة عِناد و متكبرين... ردوا عليه و قالوله : لا..لا
احنا حانبقاوا يهود .. علابالنا بلّي هو النبي بصّح ماناش راح نتبّعوه

قلوبهم كما الحجر و مليانه عناد و تكبر ...حتى وهوما عارفين الصح.. مش باغيين يتبّعوه...

:confused::confused::confused:
رئيس اليهود ( كعب بن أسد ) قالهم : مّالا نقولكم فكرة اخرى ..

نقتلوا اولادنا وزوجاتنا
ونروحوا نحاربوا المسلمين مادام ماعندناش اهل نخافوا عليهم
.... فنحارب بكل قوتنا و واحنا ماناش خايفين على حتى واحد من أهلنا بعد ما قتلناهم برواحنا؟؟

رئيس اليهود(كعب ابن أسد ) من كتر الرعب هبل وعاد يقول أفكار مجنونة

اليهود ردوا عليه : وش داروا اهلنا نقتلوهم؟
و لو ربحنا المسلمين يعود معندناش أهل ؟
:confused::confused::confused:
رئيس اليهود(كعب ابن أسد ) قالهم
خلاص نقولكوا الفكرة اللخرة ... غدوة يوم السبت
يوم السبت عندنا احنا اليهود عطلة و مانحاربوش فيه
و المسلمين علابالهم بلّي احنا اليهود مانحاربوش يوم السبت
وش رايكم نخدعوهم ونفاجؤوهم و نهجموا عليهم يوم السبت ؟؟؟

اليهود ...اللي ملا ربي سبحانه قلوبهم رعب قالوله : لاااالا... لالا
ما نحاربوهمش بالسبت
:confused::confused::confused::confused:

اليهود كان عندهم كل حاجة ...أسلحة بزاف ... و طعام بزّاف ...
و كان ممكن يحاربوا المسلمين بكل سهولة
بصح ربي سبحانه خلاهم ميتين بالخوف
و قالوا خلاص ماناش حانحاربوا
وبقاو يستنّاو في عقاب المسلمين ليهم
و علابالهم راح يكون عقاب الخيانة أشد عقاب
.................................................
واحد الناس من المسلمين قالوا لسيدنا محمد : خلينا نحكموا احنا عليهم
سيدنا محمد قالهم : اللي راح يحكم على اليهود واحد منكم
واحد مسلم اتجرح في المعركة ...اتّجرح في جرّة خيانة اليهود و غدرهم
اللي راح يحكم عليهم هو .... سعد ابن معاذ
المسلمين قالوا احنا موافقين

جا سعد ابن معاذ .... و هو مش قادر يمشي
لأنه رجله كان فيها جرح كبيييير بسبّة سهم ضربوه بيه الكفار في المعركة

واحد المسلمين قالوله : احكم عليهم حكم خفيف يا سعد
لكن سعد ابن معاذ رد عليهم و قالهم : أنا راح نحكم عليهم بالحق و العدل ... راح نحكم بالحكم اللي يرضي ربي سبحانه
فالمسلمين قالوا :احنا موافقين
سيدنا سعد ابن معاذ قال :

كل يهودي خان وكذب وساعد على قتل المسلمين لازم يتقتل ...

لكن النساء و الأطفال تاع اليهود مانقيسوهمش ..

ونجيبوهم يخدموا ويعاونوا المسلمين
سيدنا محمد عليه الصلاة والسلام قال لسعد ابن معاذ :

انت حكمت بالحق و العدل وهاذا العقاب اللي ربي سبحانه أمرنا نعاقبوهم بيه ... هذا العقاب اللي يستاهله كل خاين و قاتل
اليهود فتحوا بنفسهم باب الحصن
http://im86.gulfup.com/ySa2Yu.jpg
المسلمين دخلوا الحصن نتاع اليهود
وش لقاو؟؟؟
لقاو اليهود مجمعين كل أنواع الأسلحة
أسلحة بزااااف
سيووووووف ...ودروووووع ....
و سهاااام و حاجات بزاف موجدينها ...

موجدينها باه يهجموا على أمهات و أطفال المسلمين كي كانوا الرجالة المسلمين مشغولين في الحرب مع الجيش الضخم عند الخندق

المسلمين جمعوا اليهود الخاينين و قتلوهم

جزاء للشر و المكر و الخيانة و الكذب نتاعهم
و الحمد لله اللي نجّا المسلمين من شر اليهود و غدرهم
و رجع المسلمين يعيشوا في مدينتهم في سلاااام

:)

حبيباتي
اليهود اتفقوا مع المسلمين على الأمان .. و أنهم يعيشوا مع بعض في سلام ...
والمسلمين عمرهم ما أذوا اليهود ...
لكن اليهود الخاينين ...تمصخروا بالمسلمين و بقاو يجمعوا في أنواع الأسلحة في السر
واتفاهموا مع الكفار على قتل المسلمين
لكن الحمد لله خطتهم فشلت ....و المسلمين عاقبوهم العقاب اللي يستاهلوه
و هذا جزاء خيانتهم و غدرهم بالمسلمين
:mad:

وضركا أمّي

....اليهود المجرمين رجعوا مرّة اخرى بالشر نتاعهم ...
في فلسطين ....
http://im86.gulfup.com/N51dhT.jpg
ياذيوا في المسلمين و يقتلوهم
http://im86.gulfup.com/uOqI2s.jpg
... و يدّيوا في ديارهم و أراضيهم ...
http://im67.gulfup.com/QDk1l6.jpg
و حتى مساجدهم
http://im67.gulfup.com/o4CKn1.jpg


رجعوا لخطتهم الشريرة ... و مكرهم وغدرهم
لكن بربي ان شاء الله احنا المسلمين نرجعوا كما كنّا أقوياء ...
وراح نديروا كل جهدنا وقوتنا ...وندعيوا ربّي سبحانه يوفقنا
و باه يوفقنا... لازم نعودوا صالحين و مؤمنين و أقوياء و نخدّموا عقولنا ..
باه نطردوهم من أرضنا ...
و يرجع الأمن و الأمان للمسلمين بإذن الله
:)
اللهم صل على سيدنا وحبيبنا وقائدنا محمد

[ياسمين1990]

السلام عليكم ورحمة الله وبركاته
بارك الله فيك بدوعي وفي اولادك وربي يجازيك واش تتمنى
في هذه الحكاية الاخيرة تأثر يحي خاصة عندما كانوا المسلمين يحفرون الخندق وهم بالجوع والتعب
ولكنه كان عنده ثقة كبيرة في ان ربي سبحانه وتعالى سوف ينصر المسلمين
وفرح كي عرف بلي الملائكة تحارب مع المسلمين
وكانت عنده امنية كبيرة ان شاء الله تتحقق
ربي يوفقك سلام

[ام البنوتة]

موضوع رااااائع انا و عجبتني هههه ماعلاباليش اذا بنتي ثلاث سنين و شهرين تفهم هاذ القصص لكن انا عندي تجربة مع بابا ربي يرحمو كان يشريلي قصص الانبياء في كل مرة و الله الى اليوم نشفى عليهم و متذكرة قصص كل الانبياء لي قراتهم ..ربي يجازيك اختي بصلاح اولادك

[ابداع جزائرية]

الحلقة 22


(صلح الحديبية)

كان يا ما كان.....

http://im80.gulfup.com/RD8s10.jpg
وما يحلا الكلام إلا بذكر النبي عليه الصلاة و السلام
وطبعا صغاري الممتازييين راح يقولوا ...

بأعلى صوت ...

:)و عليه الصلاة و السلام ...
:)
سيدنا محمد عليه الصلاة و السلام و المسلمين الشجعان
عايشين في المدينة في سلام و امان
يعبدوا ربي سبحانه و يصلّيوا و يصوموا و يتعلموا القرآن ...

و يشكروا ربي على النعم نتاعه...

و كل الكفار الأشرار عرفوا بلي المسلمين أقوياء بزاف و شجعان
و مايخافوا من حتى واحد ولا حتى حاجة ...و يحبوا ربي سبحانه ويدعيوه
على هاذي كانوا المسلمين دايما يربحوا
فالأشرار عادوا يخافوا يقلّقوا المسلمين
كي حسّوا بقوتهم و شجاعتهم

في يوم من الأيام سيدنا محمد عليه الصلاة و السلام كان راقد
و هو راقد شاف حلم (رؤية)...
وأي حلم (رؤية ) كان سيدنا محمد يحلم بيه كان لازم يصرا في الحقيقة
و كل الأنبياء اللي ربي سبحانه اختارهم كما هو ...
كل أحلامهم اللي كانوا يناموها تولّي حقيقية و تصرا في الحقيقة

وش حلم (رآى) سيدنا محمد ؟؟

سيدنا محمد حلم بلّي راح لمكّة

عند الكعبة ... و هزّ مفتاح الكعبة
و كان معاه المسلمين الصالحين وداروا عمرة و طافوا حول الكعبة
... بلا واحد من الكفار الأشرار اللي في مكة ما يقيسهم
و بعدها مسلمين حلقوا شعرهم و اخرين قصّروا برك شعورهم

سيدنا محمد قال لأصحابه على الرؤية اللي شافها...

فالمسلمين فرحوا بزّاااااف
:):D:)
لأنهم علابالهم بلي الرؤية نتاعه صلى الله عليه وسلم دايما تتحقّق
وبلّي راح يدخلوا مكّة اللي فيها الكفّار و راح يديروا عمرة و بلا مايخافوا من حتى واحد...
سيدنا محمد و أصحابه المسلمين وجّدوا رواحهم باه يسافروا مكة
... باه يديروا العمرة .... و ادّاو معاهم "الهَدْي"
وش معناها "الهَدْي" ؟
معناها يدّيوا معاهم حيوان من اللي ممكن يذبحوه ويتكل..

كما البقرة او الخروف أو الجمل
باه بعد العمرة يذبحوه و ياكلوا منه و يوزعوا لحم بزاف على الناس الفقراء

و كانوا يحطوا في رقبة الحيوان هذا طوق ( قلادة)
الطوق هذا كانوا يديروهولهم باه كل الناس تكون عارفة
بلّي الحيوان هذا لحمه راح يتوزع علي المساكين و المحتاجين بعد العمرة
باه واحد مايقيسه لأنه نتاع الفقراء...
المسلمين ادّاو الهَدْي ..(يعني الحيوانات اللي راح يوزعوا لحمها على الفقراء كي يديروا عمرة)

و بقاو يمشيوا يمشيييوا طريق طوييييلة من مدينتهم الجميلة حتى لمكة
وهوما فرحانين انهم راح يشوفوا الكعبة و يديروا عمرة و يوزعوا أكل على الفقراء

الكفار الأشرار عرفوا بلّي المسلمين جايين مكة .... وش راحوا داروا ؟؟؟
قالوا احنا راح نخرجوا نحاربوا المسلمين ...

وراحوا وجّدوا رواحهم ...و هزّوا أسلحتهم
و خرجوا من مكة بسرعة باه يلحقوا المسلمين قبل ما يوصلوا

سيدنا محمد عرف بلّي الكفار جاييين يحاربوهم
لكن سيدنا محمد والمسلمين حابّين يديروا عمرة ... و مش جايين يحاربوا
... فسيدنا محمد ادّا المسلمين و مشاوا من طريق واحد آخر

طريق صعيييب معمّر حجر ...
حتى كي وصلوا لواحد البلاصة اسمها "الحديبية"
وش اسمها؟؟؟ ..........الحديــــبيــة
و قعدوا يرتاحوا لثمّة
لكن المسلمين كانوا تعبوا بزاااف من كثرة المشي
وبقاوا عطشانين و ماكانش الماء حتي البير لقاوه فارغ

فراحوا قالوا لسيدنا محمد ... عطشنا ومالقيناش ماء نشربوا
...فسيدنا محمد خرّج واحد السهم كان معاه

و قال لواحد من المسلمين هزّ السهم هذا و حُطّه في البير
فسمع كلام سيدنا محمد عليه الصلاة و السلام
و غرس السهم داخل البير .... فخرج الما بزاااف وعمّر البير

وشربوا المسلمين كامل

وشرّبوا الحيوانات اللي معاهم

"الهدي" هذاك اللي جابوه...



الكفار بعثوا واحد كافر منهم ... عند المسلمين في الحديبية
بغاو يعرفوا علاواه جاو المسلمين؟؟؟؟

راح الراجل هذاك فلقى المسلمين معاهم "الهدي " ...حيواناتهم اللي راح يوزعوها بعد العمرة علي الفقراء
فعرف بلّي المسلمين مش جايين يحاربوا وماهمش هازّين أسلحة ....

مادّيين معاهم غير الحيوانات
وزاد سيدنا محمد قاله:احنا ماجيناش نحاربوا ...

جينا نديروا عمرة
و اذا راكم مصممين على الشر و الحرب ...راح تخلّيونا نحاربوكم
رجع هذاك الراجل عند الكفار و قالهم
المسلمين ماهمش جايين للحرب ...راهم باغيين يدخلوا مكة باه يديروا عمرة
لكن الكفار الأشرار ماهمش راضيين يصدّقوا و باغيين ياذيوا المسلمين

راحوا زادوا بعثوا خمسين شاب من الكفار باه يدّرقوا و يتجسسوا على المسلمين عند الحديبية
... لكن المسلمين حكموهم
وادّاوهم عند سيدنا محمد ....و سيدنا محمد سامحهم و عفا عليهم

و بقاوا الكفار مصممين يحاربوا المسلمين وفرات و مش حابّين يدخلوهم مكة ...
وقاعدين يقولوا لو ندخّلوا المسلمين مكة كل الناس راح يحسبونا ضعفاء

و ماناش قادرين نحاربوا المسلمين

فسيدنا محمد بعثلهم سيدنا "عثمان ابن عفان"

باه يقنّع الكفار و يفّهمهم بلّي المسلمين مش جايين للحرب
إنما جايين لمكة باه يعبدوا ربي سبحانه و يديروا عمرة ...

وثاني باه يزيد يفهمهم في الإسلام
سيدنا عثمان ابن عفان راح للكفار في مكة ... و قالهم كل شيء
الكفار قالوله خلاص رانا موافقين ...

بصّح موافقين تروح انت برك ادّير العمرة وتطوف بالكعبة

هوما لالا...
سيدنا عثمان ابن عفان قالهم : طبعا لا ..طبعا لا ..أنا مانروحش للكعبة إلا مع سيدنا محمد و مع خاوتي المسلمين المومنين
فالكفار غضبوا وادّاو سيدنا عثمان ابن عفان ... وحبسوه عندهم ....

و ماخلاّوهش يرجع عند المسلمين

المسلمين حسّوا بلّي سيدنا عثمان ابن عفان طوّل...

حسبوا بلّي الكفار قتلوه
فسيدنا محمد عليه الصلاة و السلام
قال ماناش راح نمشيو من هنا غير لا جبنا حقّنا
وقعد صلى الله عليه وسلّم تحت واحد الشجرة

و قال شكون يبايعني و يتفق معايا :

نواجهوا الكفار حتى لو متنا...
المسلمين مش راح يخلّيوا حق أخوهم عثمان ابن عفان ابدا...

كل المسلمين الصالحين الشجعان اتجمعوا حول سيدنا محمد
و كل واحد منهم حط يدّه في يدّ سيدنا محمد و عاهدوه بلّي راح يواجهوا الكفار

و يحاربوهم بكل شجاعة حتى لو راح يموتوا...

الكفار حسوا بلّي اتسرعوا و بلّي غلطوا لما حبسوا سيدنا عثمان بن عفان
... وراحوا خرّجوه بسرعة
و بعثوا واحد كافر منهم

... باه يتصالح مع المسلمين و يتفق معاهم على واحد الاتفاق
..... اتفاق على الصلح بين المسلمين و الكفار .... و سمّاوه صلح الحديبية
على اسم المكان اللي قعد فيه سيدنا محمد و المسلمين

الراجل اللي من الكفار قال لسيدنا محمد و المسلمين
انا جيت نتّفق معاكم باه ادّيروا عمرة ...

بصّح مش هاذ المرّة....
لأنّه لوكان تدخلوا مكّة هاذ المرّة وتديروا العمرة
الناس كامل راح تضحك علينا احنا الكفار و وراح يقولوا بلّي احنا ضعفاء و خلّيناكم تدخلوا لأننا ماقدرناش نحاربوكم
انا راح نتفق معاكم انكم تجيوا العام الجاي تدّيروا عمرة
و تدخلوا مكة في سلام وأمان و واحد مننا احنا الكفار مايقيسكم ولا يقلقكم...
سيدنا محمد وافق على الشرط
وزادوا تفاهموا بلّي الكفار و المسلمين مايحاربوش بعضاهم لمدة 10 سنين

الناس تعيش في أمان...
لكن هذاك الراجل من الكفار قال أنا ثاني عندي شرط ...

لو أيّ واحد مننا احنا الكفار رجع مسلم ...

و راح عندكم المدينة من غير مايقوللنا...

ماتوافقوش يعيش معاكم...وترجعوهولنا...
شرط صعيييييييييييييب بزااااف ...

لكن المسلمين وافقوا...
و قالوا مش مشكل ..ممكن أي واحد يبقى مسلم في السر بلا مايجي عندنا المدينة و يبقا في مكة ...

لكن بقاو غايضهم الحال و قلوبهم فيها حزن
لأنهم كانوا يتمنّاو يروحوا للكعبة و يطوفوا و يديروا عمرة ويصلّيوا و يذكروا ربي سبحانه
سيدنا محمد قالهم نرجعوا للمدينة
و المسلمين داروا كما سيدنا محمد...

ناض صلى الله عليه وسلّم و ذبح "الهدي"نتاعه ... و حلق شعره

حتى هوما حلقوا شعورهم

و ذبحوا "الهدي" نتاعهم ووزعو لحمه`
....ورجع المسلمين مع سيدنا محمد و معاهم عثمان ابن عفان للمدينة ...

البلد الطيب الجميل....


و بعدما فات العام...
رجعوا المسلمين و سيّدنا محمد لمكة كما كان الاتفاق
و دخلوا مكة في سلام و أمان .... باه يديروا العمرة

و كانوا فرحانيييييييييييييييين وسعداء و هما يصلّيو و يطوفوا بالكعبة....

و واحد من الكفار ماقاسهم في مكة...

لأنّه هذاك هو الاتفاق اللي داروه عند الحديبية ....صلح الحديبية

)و كما شاف سيدنا محمد عليه الصلاة والسلام في الحلم (الرؤية

داروا المسلمين عمرتهم و عبدوا ربي سبحانه و صلّاوا في سلام و أمان

و رجعوا المدينة فرحانيييييييين بنعمة ربي سبحانه
اللهم صلّ وسلّم وبارك على سيدنا وحبيبنا محمد






:dj_17:
وين رايحين لولاد؟؟؟؟
:):o:)


حبيت نطلب منكم حاجة....
:rolleyes:


ادعو لخالتو ابداع بصددددق

يرزقها ربي سبحانه نعمة زيارة بيته الحرام
بالاكو تنساو
:)

[نبض الفؤاد]

حبيبتي ابداع يرزقنا ربي واياك زيارة بيته الحرام......بارك الله فيك مضوع أكثر من رائع.....انا كنت نحكي لأبنائي بنفس الطريقة واليوم هما كبرو وراهم في الجامعة والثانوي....ما شاء الله عليهم ...بصح ذكرتينيي....وقلت كي نروح لبيت أهلي لازم نجمع احفاد العائلة ونحكيلهم لما لا....خير ما يجتمعو على القباحة والمناوشة.....ياك راكم تشوفو كي نتلاقاو في العطل مع اهالينا كيفاه اصبحا نعانيو ونشتكيو من سوء المعاملة ...والعاقل يعل الشرادة ن الاخرين.....رانا شوفو في جيل....الله يلطف....لهذا حبيبتي ابداع فكرتك قلت نطبقها مع ابناء العائلة الكبرى....ونولي انا الحكواتي نتاعهم......هههه....يعطيك صحيحتك......وما تمناي.....

[ياسمين1990]

السلام عليكم ورحمة الله وبركاته
بارك الله فيك بدوع ربي يفرحك كما فرحت يحيوحي ههههه
والله شبع فرحة اليوم كي شاف الحكاية الجديدة
وبعدما سمعها عجبتو لانها مافيهاش الحرب وتحققت رؤية الرسول صل الله عليه وسلم
بزيارتهم لمكة وداروا العمرة
اما الدعاء حتى انا كان لي نصيب منه هههه
قالي يارب وتروحوا في زوج لمكة وتديروا العمرة والحج امين يارب

[أم همام 2015]

جزاك الله خيرا موضوع أكثر من رائع

[ابداع جزائرية]

السلام عليكم ورحمة الله وبركاته
بارك الله فيك بدوعي وفي اولادك وربي يجازيك واش تتمنى
في هذه الحكاية الاخيرة تأثر يحي خاصة عندما كانوا المسلمين يحفرون الخندق وهم بالجوع والتعب
ولكنه كان عنده ثقة كبيرة في ان ربي سبحانه وتعالى سوف ينصر المسلمين
وفرح كي عرف بلي الملائكة تحارب مع المسلمين
وكانت عنده امنية كبيرة ان شاء الله تتحقق
ربي يوفقك سلام
وعليكم السلام ورحمة الله وبركاته
وفيك ياسمينتي
امين اختي العزيزة اجمعين
حبيبي ان شاء الله تتحقق كل امانيه
وربي يوفقه ويجعله من الصالحين

السلام عليكم ورحمة الله وبركاته
بارك الله فيك بدوع ربي يفرحك كما فرحت يحيوحي ههههه
والله شبع فرحة اليوم كي شاف الحكاية الجديدة
وبعدما سمعها عجبتو لانها مافيهاش الحرب وتحققت رؤية الرسول صل الله عليه وسلم
بزيارتهم لمكة وداروا العمرة
اما الدعاء حتى انا كان لي نصيب منه هههه
قالي يارب وتروحوا في زوج لمكة وتديروا العمرة والحج امين يارب
ويفرحكم حبيبتي انتي وياه
يااااربي يتقبل
والله ما ذلك على الله ببعيد
ربي يرزقنا ولا يحرمنا
سلمي عليه بزاف وربي يباركلك فيه

[ابداع جزائرية]

موضوع رااااائع انا و عجبتني هههه ماعلاباليش اذا بنتي ثلاث سنين و شهرين تفهم هاذ القصص لكن انا عندي تجربة مع بابا ربي يرحمو كان يشريلي قصص الانبياء في كل مرة و الله الى اليوم نشفى عليهم و متذكرة قصص كل الانبياء لي قراتهم ..ربي يجازيك اختي بصلاح اولادك
ربي يحفظك اختي
وربي يباركلك في بنوتتك
بالفعل مازالت صعيرة شوية ربي يكبرها في طاعته
ويرحم الوالد ...بالفعل القصة عندها سبحان الله تأثير كبييير في الطفولة
ويجازيك اختي نورتينا

[ابداع جزائرية]

حبيبتي ابداع يرزقنا ربي واياك زيارة بيته الحرام......بارك الله فيك مضوع أكثر من رائع.....انا كنت نحكي لأبنائي بنفس الطريقة واليوم هما كبرو وراهم في الجامعة والثانوي....ما شاء الله عليهم ...بصح ذكرتينيي....وقلت كي نروح لبيت أهلي لازم نجمع احفاد العائلة ونحكيلهم لما لا....خير ما يجتمعو على القباحة والمناوشة.....ياك راكم تشوفو كي نتلاقاو في العطل مع اهالينا كيفاه اصبحا نعانيو ونشتكيو من سوء المعاملة ...والعاقل يعل الشرادة ن الاخرين.....رانا شوفو في جيل....الله يلطف....لهذا حبيبتي ابداع فكرتك قلت نطبقها مع ابناء العائلة الكبرى....ونولي انا الحكواتي نتاعهم......هههه....يعطيك صحيحتك......وما تمناي.....
اوووو اختي نبض والله نوّرتي الموضوع ربي يبارك فيك
اللهم امين اجمعين اختي العزيزة ...
ماشاء الله ربي يباركلك فيهم ويفرخك بيهم دايما
وبالنسبة لاولاد هاذ الجيل ربي يلطف بينا وبيهم
ماخلاّو الناس تتلمّ كما زمان
ربي يهدينا ويهديهم للخير يارب
وفكرة رايعة حبيبتي
ردّيلي كفاه كانت ردة فعلهم
كي حكالهم الحكاواتي
هههه والله يا اختي ماسلمنا من تقليد الحكواتي والمهرج والمعلم ...ربي يقدّرنا
نورتيني اختي الحبيبة
ربي يجازيك خير

[ابداع جزائرية]

جزاك الله خيرا موضوع أكثر من رائع
وجزاك اختي ربي يبارك فيك
من روعة ذوقك اختي ام زينب ربي يحفظك

[ابداع جزائرية]

السلام عليكم ورحمة الله وبركاته
نتمنى تكونو احبائي كلكم بخير

الحلقة 23:

(غزوة خيبر )

كان يا ما كان...

http://im80.gulfup.com/RD8s10.jpg
و ما يحلا الكلام إلا بذكر النبي
عليه الصلاة و السلام ....
:)
عليه الصلاة و السلام ....

رجع سيدنا محمد عليه الصلاة والسلام للمدينة ...

و معاه المسلمين المؤمنين ...
..... رجعوا بعد ما داروا اتفاق الصلح..... مع الكفار في مكة ...

لكن كي رجعوا المسلمين للمدينة ....سمعوا واحد الخبر جديد
:confused:
خبر مش مليح .... اليهود ..
هاذوك اليهود مرة اخرى
لكن هاذ المرّة اليهود اللي عايشين في واحد المكان اسمه "خيبر"
يهود خيبر جمعوا الكفار ثاني ... كفار من بلد اسمها "غطفان"

وأشرار "خيبر و غطفان" جمعوا اسلحتهم باه يهجموا على المسلمين


و يقتلوهم
:mad:
سيدنا محمد لمّ المؤمنين الشجعان بسرعة ... و اتحركوا فورا ...
و هزّوا أسلحتهم و أحصنتهم و جِمالهم ....و راحوا عند يهود خيبر
http://www.djelfa.info/vb/images/icons/Hourse.gifhttp://www.djelfa.info/vb/images/icons/Hourse.gifhttp://www.djelfa.info/vb/images/icons/Hourse.gif
وكي قرّب سيدنا محمد و المسلمين يوصلوا عند يهود خيبر
سيدنا محمد حبّس كل جيش المسلمين ....وبقا يدعي ربي سبحانه
يدعيه بالنصر و الخير للمسلمين
الوقت كان ليل

فسيدنا محمد قال للمسلمين
نستنّاو حتى للصّبح ... باه ما نفاجؤوش أعداءنا
و مانهجموش عليهم و هوما ماعلابالهمش بلي رانا جايين للحرب
ممكن نديروا خدع و احنا نحاربوا
لكن ما نغدروش و نهجموا على أعداءنا وهوما مش مستعدين للحرب
وكاين نسا و أطفال وشيوخ راقدين في أمان ما نهجموش عليهم فجأه حتي لوكانوا أعداءنا ...

سيدنا محمد هو أحسن واحد في الدنيا .. حتى و هو يحارب أعداءه
.. يعاملهم برحمة
و مش حابّ يهجموا المسلمين إلاّ لما يعطوا لأعداءهم إنذار...
ما يهجموش أبدا بغدر على ناس راقدين حتى وكانوا أعداء ... يااااااااااه
سيدنا محمد فعلا هو أعظم إنسان في الدنيا ...
حتى في معاملته مع أعداءه

حبيبنا وسيّدنا وقائدنا ... .... اللهم صل وسلم وبارك عليه
:)
المسلمين استنّاوا حتى للصبح ....
الصبح .. يهود خيبر ناضوا... و خرجوا راحوا لشغالهم و مزارعهم ....
وش شافوو؟
شافوا جيش المسلمين ..

وهوما من كانوا قلوبهم معمّرين جبن (ماعندهمش الشجاعة)...
ناضوا يجريو بسرعة للحصون نتاعتهم و قفلوا البوابات نتاعهم الضخمة

http://im86.gulfup.com/QRzw1H.jpg
اليهود عايشين كما قلنا في حصون كبييييييييرة
يعني مباني ضخمة و عندها بوابات كبيييييرة و مقفولة

اليهود عرفوا بلّي المسلمين جايين يحاربوهم
لأنهم هوما اللي بداو مكرو و جمعوا الكفار ..

كفار غطفان و تفاهموا معاهم على محاربة المسلمين
سيدنا محمد و المسلمين الشجعان
اتجمعوا حول الحصن .... حصن يهود خيبر
باه مايخلّيو حتى واحد من الأشرار يدخل ولاّ يخرج

لكن الكفار الأشرار من غطفان عرفوا
عرفوا بلّي المسلمين راحوا يحاربوا يهود خيبر ...
فقالوا لازم نروحوا نساعدوا يهود خيبر
كفار غطفان هزّوا أسلحتهم ....و راحوا باه يحاربوا المسلمين
و هوما في الطريق ماشيين ...قعدوا يفكروا في جيش المسلمين
وحسوا بلّي راهم خايفين و مرعوبين من قوة المسلمين و شجاعتهم

http://im60.gulfup.com/LRcB3h.jpg
ربي سبحانه ملا قلوبهم رعب و خوف
.... ولاّو يجريو لديارهم بلا ما يحاربوا ..و قالوا المسلمين أقويا بزّاف مانقدرولهمش...

سيدنا محمد و المسلمين اتجمّعوا حول حصون اليهود ....

و اليهود استعدوا للحرب ...وجهزوا أسلحتهم

المسلمين هجموا بكل قوة على أول حصن في خيبر
و قدروا يدخلوه وحاربوا اليهود ...
http://im60.gulfup.com/pGw22N.jpg
و اليهود الجبناء اتخبّاو في الحصن التاني ...
المسلمين هجموا على الحصن التاني و دخلوه حتى هو و حاربوا اليهود اللي فيه
و غلبوهم ....
و كل ما اليهود يتخبّاو في حصن ... المسلمين يدخلوه و يحاربوهم ....و يغلبوهم
http://im60.gulfup.com/83uRHC.jpg
حتى كي بقاو شوية حصون ... حصون مقفولة بأبواب قاوية.. و أسوارها عالية
...المسلمين ماقدروش يفتحوهم ويغلبوا اليهود
بقاو المسلمين متجمعين حول الحصون القوية و محاصرينها ...

بصّح مش قادرين يدخلوها ....
حصون عالية و أبوابها قوية بزاااف
http://im59.gulfup.com/WeZ0EY.jpg


سيدنا محمد قال للمسلمين....غدوة ان شاء الله راح نمدّ الراية (العلم)

لواحد منكم يحب ربي سبحانه ورسوله

وهو اللي راح يكون القائد اللي راح يفتح هاذ الحصون ...

وهو اللي راح ينتصر ...
http://im59.gulfup.com/0eiorh.jpg
المسلمين كااامل رقدوا في اليل و كل واحد يقول لروحه ...

يا رب نكون أنا ... يا رب أكون أنا ...
:rolleyes:
جا الصبح...و سيدنا محمد قال القائد اللي راح نعطيله العلم ...هو.....

"سيدنا علي ابن طالب"
"سيدنا علي" هو اللي سيدنا محمد اختاره باه يكون القائد و يفتح الحصون القوية و يغلب اليهود
لكن سيدنا علي كانت عينه مريضة و توجعه
سيدنا محمد حط يدّه الشريفة عليها و دعا ربي سبحانه يشفيه....

ورتاح وتنحّاله لوجاع...
:19:
سيدنا محمد قال لسيدنا علي ...
هزّ العلم "الراية" و ادخل حصن اليهود و ربي سبحانه حاينصرك عليهم
وقبل ما تحاربهم فهّمهم الإسلام...ديننا
سيدنا "علي" هزّ العلم" الرايه " من سيدنا محمد قدام كل المسلمين
و راح للحصن و ثبّت العلم على الأرض
http://www.djelfa.info/vb/images/icons/Hourse.gif
و بدات المعركة .....سيدنا علي مسلم قوي بزاف بزاف بزاف

و شجاع ما يخافش
و يحب ربي سبحانه و يحب الرسول
سيدنا علي قدر يدخل داخل الحصن القوي و دار كما قاله سيدنا محمد
هدر معاهم السّع عن الإسلام و فهّمهم....

لكن يهود خيبر ما حبّوش يسمعوا الكلام
و لقاهم باغيين الحرب و موجدين رواحهم
فسيدنا علي .... خرّج سيفه و بدا يحاربهم بكل قوة و شجاعة


جا واحد من اليهود و طيّح الدرع من يد سيدنا علي ...
سيدنا علي ما عادش عنده حتى حاجه يدافع بيها على روحه

من ضربات اليهود و سيوفهم

فهزّ واحد الباب طايح على الارض وداروا كما الدّرع

ودافع بيه على روحه من ضرباتهم بيد وكان يضرب بالسيف بيد اخرى
اليهود كانوا خايفين من قوته هو واصحابه... و اتخبّاو في آخر حصونهم .....
أخيرا سيدنا علي قدر يخرجهم من الحصن القوي و يغلبهم كما قاله سيدنا محمد عليه الصلاة و السلام
لكن اليهود مازالوا متخبيين في آآآآآآآخر حصن
المسلمين بقاو حول الحصن ... حتى كي اليهود الاشرار استسلموا
اليهود قالوا لسيدنا محمد خلاص خلينا نخرجوا ...ونوعدوك نروحوا نعيشوا بعيد ومانزيدوش ناذيو المسلمين مرة اخرى
سيدنا محمد سمحلهم ... و خرجوا و خلاّو حصونهم .... و كل حوايجهم
اليهود رجعوا و قالوا لسيدنا محمد مّالا خلينا قاعدين في الأرض هاذي

نزرعوهالكم ليكم

و تدّيوا نتوما النص و احنا النص من الحوايج اللي نزرعوها
فسيدنا محمد وافق لكن فهّمهم بلّي لو داروا أي شر أو مكر راح يعاقبهم

و فرحوا المسلمين بنصر ربي سبحانه ليهم ...و حمدوه سبحانه

لأنّه خلصهم من مكر اليهود و شرهم و خبثهم

احبابي ... لازم نفكركم مرة اخرى بلّي ضركا اليهود رجعوا ثاني...
في فلسطين .... يدّيوا في بيوت المسلمين بالقوة و يسرقوا أراضيهم و يقتلوا أطفالهم
http://im60.gulfup.com/RdthMX.jpg
... و يتعاونوا مع كل الأشرار في العالم ... و يجمعوا كل الأسلحة ... خايفين يرجعوا المسلمين أقوياء و يحاربوهم ...

. لكن إن شاء الله حاييجي يوم .

.. وين يردّو بلادهم قويه ... و يصنعوا أحسن أسلحة ...و يديروا خطط و أفكار ذكية ... و حايصلوا و يدعوا ربي سبحانه ينصرهم على اليهود ... و حايهنّيو الناس من شر اليهود و يرجعوا الأرض و الديار لأصحابها و يرجعوا المساجد للصلاة و يعيشوا المسلمين في سلام و أمان بإذن الرحمن
http://im44.gulfup.com/N7VPXY.jpg
اللهم صل على سيدنا ونبينا وحبيبنا محمد

[OM DHOHA ANES]

بووووووووووووووووووووووركت اختي على الموضوع الذي مهما قلنا فبالقليييييييل عليه وعليك فهي سيرة المصطفى الطاهره واتت في وقتها نعم والله ونحن في هذا الزمن الذي تجرأ السفهة على خير الآنام عليه أفضل الصلاةوالسلام
ابنتي ضحى ذات الخامسه تفاعلت كثيرا مع القصه
حتى عادت تزعف كي نكملو ما لقيت وش نقولها غير تاتا ماتحبش نحكيو زوج حكايات فاليوم لازم فرد وحده
المهم ربي يحفض اولادك واولاد صاحبة الموضوع واولادنا و اجعلهم من الذريه الصالحه
وربي يقر عينك برؤية البيت الحرام وقبر النبي وكل متشوق اليها
اللهم آآآآآآآآآآآآآآآآآآآآمييييييييييييييييييييين

[رقة قلب]

ولله بارك الله فيك انا عازبة لكن نحب نحكي القصص لاولاد الصغار لاقاربي و صحيح واش قلتي لاحظت اهتمام كبير و تأثرهم ولاو كلما يشوفوني يقولولي احكيلنا احكيلنا اذا مليح الواحد يستغل فرصة حبهم للقصص ان يسرد بعض القصص التي تربيهم على قيم اسلامية تتربي فيهم و تنغرس في ذاكرتهم

[ماريا.م]

بارك الله فيك أختي وجزاك خيرا على كل حرف تكتبينه وأصلح لك
أولادك وأولاد صاحبة الفكرة
موضوع ولا أروع ،كيف لا وهو يتناول سيرة خير الأنام
عليه الصلاة والسلام
كما أن طريقة الالقاء مميزة
فشكرا جزيلا لك

[oum sabrin]

السلام عليكم و رحمة الله
ماااااشاء اللله القصة تزداد روعة و تشويقا حلقة بعد الاخرى
يعطيك الصحة رائعتنا ابداع على كل مجهووداتك ربي يعطيك ما تتمناي و يرزقك زيارة بيته الشريف امييييين

[ابداع جزائرية]

الحلقة 24 :

(غزوة مؤتة )

كان ياما كان ..

http://im80.gulfup.com/RD8s10.jpg
و ما يحلا الكلام
إلا بذكر النبي عليه الصلاة و السلاااااام
هاااااااا
:rolleyes:
عليه الصلاة والسلااااااااااام
:)
كما علابالكم ولادي ...

سيدنا محمد عليه الصلاة و السلام ...
ربي سبحانه اختاره ...
باه يكون هو النبي اللي يعلم الناس كل الخير و كل الأعمال الطيبه

ويعرّفهم الدين ...وكفاه يعبدو ربي سبحانه ويطيعوه ...

:) في يوم من الأيام سيدنا محمد أختار واحد من المسلمين المؤمنين ... اسمه الحارث بن عمير ...اختاره باه يبعثه للروم ...

شكون هوما الروم ؟؟

الروم بلاد كبيرة كما أوروبا وأمريكا ضرك ..... بلاد قوية جدا ... و مملكة كبيرة بزاف
سيدنا محمد بعت "الحارث" للروم باه يوصللهم رسالة

http://store1.up-00.com/2015-01/1422295571281.jpg
رساله تفهّمهم بلّي كاين دين اسمه الإسلام ...دين رحمة و عدل

نحبّو فيه ربي سبحانه ونطيعوه و نتعلموا كل الأعمال الطيبة و الأخلاق

المليحة...

الحارث ادّا الرسالة من عند سيدنا محمد عليه الصلاة و السلام

وسافر بيها للرّوم...

http://store1.up-00.com/2015-01/1422295571322.jpgومع وصل عند واحد البلاد اسمها مؤتة

تلاقا لثمّة واحد الراجل اسمه "شرحبيل"


شرحبيل هذا كان راجل كافر
"شرحبيل" سأل "الحارث" :علاواه جيت ..ووش بغيت ؟؟
الحارث" قاله : عندي رسالة من سيدنا محمد عليه الصلاة و السلام ... وجاي باه نديها للملك ... ملك الروم ...
شرحبيل الكافر قاله : آاااااه انت جايب رسالة من محمد باه تعلموا الناس الإسلاااام ؟؟

ضرك نحكمك ونقتلك...
شرحبيل الكافر راح عيّط للكفار اللي في بلاده و حكموا "الحارث" و قتلوه
http://store1.up-00.com/2015-01/142229557143.jpg
وش هاذ الشر و القسوة اللي فيهم؟؟؟ شفتو
:confused::confused::confused:
لكن لازم نعرفوا يا أولاد ... بلّي دم المسلم غاااالي بزاااف
و ما يصلحش أبدا المسلمين يخلّيوا حق أخوهم
و الكفار قتلوه متعمّدين بالذّمة...
وهو مادار والو.... ماكانش رايح يحاربهم
رايح يدّي رساله من سيدنا محمد باه يوصلها للروم
...يعني مسالم و ماعنده حتى سلاح يدافع بيه على نفسه

كل المسلمين علابالهم بلّي راهم كما الجسم الواحد ...
لو يمرض عضو واحد من هاذ الجسم
الجسم كاااامل يتوجع و يتأثر

سيدنا محمد عليه الصلاة والسلام علم بالخبر ...
عرف بلّي الروم قتلوا "الحارث" بدون ذنب
وحتى المسلمين عرفوا
و مستحيل يسكتوا
لازم نتحركوا ضرك بعد ... لازم نرجعو حقه قالوا
ولازم الناس اكّل يعرفوا بلي المسلم دمه غالي على خاوته
لازم نخليو الروم يحرّموا يعاودوها مع المسلمين
و لازم يعرفوا الروم بلّي أي إجرام أو شر في حق مسلم مسالم مش راح يفوتلهم هكذاك...
سيدنا محمد و المسلمين حزنوا على أخوهم " الحارث"
و جهزوا جيش
http://store1.up-00.com/2015-01/1422295744373.jpg
جيش كامل جنود مسلمين شجعان .... باه يخوّفوا بيه الروم و يأدبوهم ...
و يعرّفوهم بلّي قتل المسلم مش حايفوت هكذاك بلا حساب عسير

سيدنا محمد دار واحد الحاجة مهمّة ...سيدنا محمد اختار 3

3مسلمين شجعان و أقويا


http://store1.up-00.com/2015-01/1422295302173.jpg
يحبّو ربي سبحانه ورسوله..

..وش قالهم صلى الله عليه وسلّم؟
قالهم بلّي

"زيد بن حارثة "هو أول واحد منكم حايكون قائد الجيش

و لوقتلوه الروم الكفار و ولاّ شهيد
والشهيد أمي علابالنا بلي يروح مباشرة للجنّة ..
تاني واحد حايكون في بلاصته قائد جيش هو"جعفر بن ابي طالب " ...

و لو قتلوه الكفار و عاد حتى هو شهيد...

يجي في بلاصته "عبد الله ابن رواحة " قائد جيش...

و لو قتلوه الكفار و عاد حتى هو شهيد ....

لثمّة يتجمع جيش المسلمين ويتّافقوا على واحد رابع يختاروه و يعود هو قائد الجيش

ال3 المسلمين الأبطال فهموا كلام سيدنا محمد
وأول قائد فيهم "زيد بن حارثة" اتحرك من المدينة بالجيش

.جيش المسلمين كان فيه 3000 جندي...وبقاو ماشيين باه يوصلوا للروم ....

http://store1.up-00.com/2015-01/1422295302041.jpg لكن ملك الروم كان مجهز أكبر جيش ...

جيش متكون من 200 ألف جندي

ياااااااااه... هاذو أكثربزاااااف من المسلمين...و ثاني جمعوا كل الكفار و الأشرار اللي عايشين بحذا الروم

..بزااااف بزاف جيش ضخم
المسلمين شافوا من بعيد العدد الضخم الكبيييير تاع جيش الكفار ...
فقعدوا يفكروا ... وش نديروا ؟ ...

نبعثوا واحد منّا لسيدنا محمد و نقولوله يبعثلنا جنود و أسلحة أكثر ؟؟؟
لكن واحد القائد مؤمن و شجاع "عبد الله بن رواحة"
وقف و قال للمسلمين
من واش راكم خايفين؟؟؟ ...
خايفين نعودوا نموتوا شهداء و ندخلوا الجنة اللي فيها كل ما نتمنّاو ؟؟؟
حتى لو الكفار قتلونا حانبقاو رابحين في كل الاحوال...

و فرحانين في الجنة
ماناش نحاربوا بقوّتنا ولا بعددنا ...احنا ربي سبحانه اللي يعاوننا

واللي يدير اللي عليه و يشدّ في ربي سبحانه عمره مايخيب...
...احنا نحاربوا بقوة ربي سبحانه لينا

.. نوضوا حاربوا الكفار بقوة و إيمان
و يا إما تربحوهم في الدنيا ... يا إما تكونوا شهداء...

عند ربي سبحانه في الجنة
....في كل الاحوال احنا ان شاء الله رابحين

المسلمين زادوا قوة وشجاعة كي سمعوا كلام صاحبهم..

http://store1.up-00.com/2015-01/1422295302122.jpg و انطلق الجيش المسلم المؤمن الشجاع
و هجموا على جيش الروم الضخم الرهييييب ... و اتحركت الأحصنة و تعمّر الجو بالغبار
و المسلمين يكبروا... ويقولوا ...الله أكبر ....الله أكبر
وصوت السيوف عالي في كل مكان
و كما قال سيدنا محمد عليه الصلاة و السلام

أول قائد "زيد بن حارثة " كان يحارب بكل شجاعة
ويدخل داخل جيش الروم و هو حاكم علم المسلمين
...حتى كي قتله واحد من الروم و ولاّ شهيد في الجنة بإذن الله
و بسرعة سيدنا"جعفر ابن ابي طالب "....ثاني قائد هزّ منّه العلم
و نزل من حصانه
و حارب بكل قوته الجنود الروم ....
وبقا شادّ في علم المسلمين رغم أنه الروم ضربوه بالسيوف في يدّيه
....والروم ماهمش مصدقين شجاعته
فهجموا عليه و قتلوه
سيدنا جعفر ثاني ولاّ شهيد في الجنة
و سيدنا محمد قالنا أنه ربي سبحانه حايجازيه خير الجزاء على شجاعته وبطولته في الجنّة
جزاءا علي بطولته و شجاعته ...هذا سيدنا جعفر


و حكم العلم ثالث قائد مسلم شجاع "عبد الله ابن رواحة"
و بقا يحارب حتى استشهد ... في الجنة بإذن الله
وضرك شكون ولاّ قائد الجيش ؟؟؟
المسلمين داروا كما قالهم سيدنا محمد .... اختاروا واحد منهم
اختاروا... خالد ابن الوليد .... من أشجع المسلمين و أقواهم


http://store1.up-00.com/2015-01/1422295744322.jpg
خالد ابن الوليد فكّر .... عدد جيش الروم كبير بزاااااف
و لو نبقاو نحاربوهم هكذا راح يغلبو المسلمين اللي عددهم صغير .... لازم نديرو خطة
جا الليل و ظلمت الدنيا

http://store2.up-00.com/2015-01/1422295850941.jpg
و جيش الروم راح يرتاح من الحرب
لكن خالد ابن الوليد قال مالازمش نرتاح...لازمنا نفكّروا ونخططو لغدوة ان شاء الله
لازم غدوة نرعبوا الروم و نديروا خطة ذكية ....
خالد ابن الوليد قال للمسلمين رانا راح نغيّروا ترتيب الجيش
نخليوا الجنود اللي في اليمين يولّيوا مكان الشمال..

و الجنود اللي ورا ترجع لقدام

في الصباح مع شافوا الروم جيش المسلمين لقاو ناس اخرين
... زيّ على اللي كانوا يحاربوهم البارح
و داخواو قالوا هاذو جنود اخرين
ثابت بعثهملنا النبي محمد باه يحاربونا وهوما مش تعبانين

http://store2.up-00.com/2015-01/1422295851742.jpg
و ثاني خالد ابن الوليد خلا جنود اخرين يوقفوا بعييييد على المعركة اللورا
..و تدير تراب و غبار برجلين الأحصنة
فالروم خافوا وحسبوا بلي كاين جيش واحد آخرثاني جاي من بعييييد

و جايب جنود يساعدوا المسلمين
...قالو وش هاذ المسلمين اللي عددهم يزيد كل شوية
وطبعا كانت هاذي خدعة داروها المسلمين الأذكياء الأبطال
الروم حسّوا بلّي المسلمين يوجّدولهم في فخ
و عادوا خايفين كي حسبوا بلّي جيش المسلمين زاد و عاد كبير و فيه جنود زادوا جاو من بعيد
وبالشوية الكفارخلااااص تعبوا من الحرب ...

و عادوا خايفين من خطط المسلمين....
فحبّسوا الحرب و مشاو روّحوا....
http://store2.up-00.com/2015-01/1422295851993.jpg
و فرحوا المسلمين أنّه الروم أقوى جيش على الأرض ولاّو لديارهم مغلوبين
فرحوا المسلمين بنصر ربي سبحانه
و رجع جيش المسلمين للمدينة

لكن قبل ما يرجع الجيش.. سيدنا محمد كان علابالو بكااامل وش صرا
سيدنا جبريل عليه السلام قاله على كل حاجة
فسيدنا محمد دخل المسجد و جمع كل المسلمين اللي مكنوش في الحرب

و قالهم على كل حاجة صرات في الحرب قبل ما يرجع الجيش ..
قالهم بلي القادة هاذوك ال3 عادوا شهداء و ثاني قالهم بلّي المسلمين اختاروا "خالد بن الوليد " أنه يكون هو القائد
و أنه خالد ابن الوليد راح يكون سيف من سيوف الله ....
وش معناها ؟ ...معناها ربي سبحانه راح يعطيه قوة من عنده

ينتصر بيها على الأعداء
و ثاني سيدنا محمد قال لأهل جعفر ...اطّمنوا
جعفر في الجنة فرحان بنعمة ربي سبحانه عليه .... وربي سبحانه

جعل ليه أجنحة جزاءا على الشي اللي عمله
:rolleyes:

و رجع الجيش المسلم فرحاااان بنصر رب العالمين
http://www.djelfa.info/vb/images/icons/Hourse.gif
و عرفوا الروم الكفار انّه المسلمين مش حايسكتوا على أي شر أو ظلم ...
و ثاني عرفوا حاجة مهمّة .....

انّه المسلم دمه غالي بزااااف عند خاوته المسلمين
و أي واحد لازم يفكر ألف مرة قبل ما ياذي واحد آخر من غير ذنب



اللهم صلّ وسلّم وبارك على سيدنا محمد

[ابداع جزائرية]

بووووووووووووووووووووووركت اختي على الموضوع الذي مهما قلنا فبالقليييييييل عليه وعليك فهي سيرة المصطفى الطاهره واتت في وقتها نعم والله ونحن في هذا الزمن الذي تجرأ السفهة على خير الآنام عليه أفضل الصلاةوالسلام
ابنتي ضحى ذات الخامسه تفاعلت كثيرا مع القصه
حتى عادت تزعف كي نكملو ما لقيت وش نقولها غير تاتا ماتحبش نحكيو زوج حكايات فاليوم لازم فرد وحده
المهم ربي يحفض اولادك واولاد صاحبة الموضوع واولادنا و اجعلهم من الذريه الصالحه
وربي يقر عينك برؤية البيت الحرام وقبر النبي وكل متشوق اليها
اللهم آآآآآآآآآآآآآآآآآآآآمييييييييييييييييييييين


اللهم امييين عزيزتي اجمعين ربي يحفظك
جزاك الله خيرا على الكلام والدعاء الطيبين
وربي يحفظها ضحى الحبوبة
سلميلنا عليها
وقوليلها قالتلك خالتو ..نعم ...هي حلقة واحدة فقط في اليوم ...:d
ربي يقر عينك بصلاحها اختي

ولله بارك الله فيك انا عازبة لكن نحب نحكي القصص لاولاد الصغار لاقاربي و صحيح واش قلتي لاحظت اهتمام كبير و تأثرهم ولاو كلما يشوفوني يقولولي احكيلنا احكيلنا اذا مليح الواحد يستغل فرصة حبهم للقصص ان يسرد بعض القصص التي تربيهم على قيم اسلامية تتربي فيهم و تنغرس في ذاكرتهم
نعم عزيزتي
ربي يبارك فيك على رحابة صدرك مع الاطفال
وحرصك على غرس القيم الاسلامية فيهم
ربي يجازيك خير
وربي يرزق اختي الزوج الصالح والاطفالالبارين
وتحكيلهم كامل ان شاء الله

[ابداع جزائرية]

بارك الله فيك أختي وجزاك خيرا على كل حرف تكتبينه وأصلح لك
أولادك وأولاد صاحبة الفكرة
موضوع ولا أروع ،كيف لا وهو يتناول سيرة خير الأنام
عليه الصلاة والسلام
كما أن طريقة الالقاء مميزة
فشكرا جزيلا لك



وفيك اختي ربي يحفظك
اللهم امين اجمعيين
عليه افضل الصلوات والسلام
العفو اختي شكرا ليك على الكلام والدعوات الطيبة
ربي يفرحكم كما نفرح بردودكم

السلام عليكم و رحمة الله
ماااااشاء اللله القصة تزداد روعة و تشويقا حلقة بعد الاخرى
يعطيك الصحة رائعتنا ابداع على كل مجهووداتك ربي يعطيك ما تتمناي و يرزقك زيارة بيته الشريف امييييين
وعليكم السلام ورحمة الله وبركاته
اهلا اختي ام صابرين منورة ديما حبيبتي
يسلمك عزيزتي ....اللهم امييييين مع بعض ان شاء الله اجمعين
ربي يخليلي كلامكم ودعواتكم
سلام برييييء لصابرين حبيبتي :mh31:

[فراشة الأحلام]

ماشاء الله
والله فكرة هالة
تدور في راسي مي ماعرفت كيفاه نعمل ببها
الحمد لله هاداوين عرفت
وربي يجازيك كل خير والجنة والأجر الكبير
بارك الله فيك
فكرة قمة الروعة
ربي يصلح ولادكم
إن شاء الله

[SALMA08]

بارك الله فيك

[شمس 15]

اللهم صلي و سلم على سيد الخلق محمد
ختي إبداع الله يرضى عليك و يسترلك أولادك و زوجك و يرزقك من حيث لا تحتسبين.
رني نحكي لحبوبي وليدي و حبوبتي بنتي رانا فالجزء ٤.عجبتني مبسطة جدا.
ربي يجعل هذا كلو فميزان حسناتك حبيبتي.

لي طلب صغير للأمهات الله يفتح عليكم أحكو لأولادكم قصص الأنبياء و الله فيهم عبر و حكم تساعدهم و تنورلهم دربهم.

[blueflames]

فكرة هايلة تقلقت وقتاش يوصل يوسف ل 3 سنوات باه نبدا نحكيلو

بارك الله فيك

[أم شعيب]

ما شاء الله روعة بارك الله فيك وأعانك على فعل الخيرات آمين .

[الاء هبة الرحمان]

ربى يباركلك فى صحتك وعايلتك ويجعل عملك هذا فى ميزان حسناتك ان شاء الله نحكىها لابنى الصغير اسلوبك بسيط ومفهوم

[maamoum4]

بارك الله فيك وجعلها في ميزان حسناتكي

[zizati]

ربي يجازيك اختي فعلا شيء رائع

[مرام 92]

بارك الله فيك و جعله الله في ميزان حسناتك

[فاطمة فؤاد]

ربي يحفظك لاولادك انشاء الله
ربي يجعل أولادنا و أولاد جميع المؤمنين و المؤمنات ممن يرفعو راية الإسلام عاليا

[أبوالأيهم]

جزاك الله خيرا ..

[ام رضوان]

بارك الله فيك
يارب نستفادو منها اجمعين.

[nadiatlemcenia]

جزاك الله وصاحبة القصة خيرا
الفكرة رائعة باذن الله نبداها مع ولدي يحب القصص
اللهم صل وسلم وزد وبارك على االنبي محمد وعلى اله وصحبه

[nadjouta]

بارك الله فيكي اختي انت كل من يساهم في نشر مكارم الاخلاق في اولادنا

[هممس الوجدان]

رووووووووووووعة ربي يجازيك
ساحاول طباعتها واقراها لابنتي

[lewan]

يعطيك الصحة أختي إبداع جزائرية على هذه المبادرة المثمرة :19::19::19:
ما شاء الله الأسلوب بسيط و مشوق في نفس الوقت أنا إبنتي عمرها 5سنوات و تموت على القصص و لا يوجد أجمل من قصة سيد الخلق محمد صلى الله عليه و سلم، والله .شوقتيني أنا قبل أبنائي لمواصلة سرد القصة
جعلها الله في ميزان حسناتك على غرار صاحبة القصة حفظكما الله و حفظ أبناءكم آآآآآآآمين

مثلما قالت الأخت الكريمة شوقتيني أنا قبل الأطفال لقراءة الحكاية ربي يجازبك كل خير ويصلح أولادك ويفرحك بيهم ويجعلهم الله لكي كما يحب ويرضى. بارك الله فيكي.

[harachif.a]

جزاك الله خيرا

[بشـرى]

قصص رووووعة ، وأسلوب مبسط ماشاء الله
بارك الله فيك

[أم رقية نسرين]

جزاكي الله خيرا
بنتي عندها عام و نص برك مازالت على القصص. بصح و الله أنا عجبتني الفكرة ممتازة و بديت نقرا أسلوب ماشاء الله كأني أقرأه لأول مرة
جعله الله في ميزان حسناتك و صاحبة الموضوع أيضا

[oumbissen]

قصص روعة يعطيك الصحة

[om assil]

ما شاء الله قصة قمة في الروعة كل اسبوع تتجمع كل العايلة باه نتمتعوا بسيرة الحبيب عليه افضل الصلاة و السلام بارك الله فيك اختي انتي و صاحبة القصة و جزاكم الله كل خير

[حياة نور الدين]

بارك الله فيك فكرة روووووعة ويجعلها في ميزان حسناتك انا بناتي صغار ونحكيلهم حكاية قبل النوم مرات ومرات تنفد من عندي الحكايات ومنلقاش واش نحكي ربي يحفظك على الفكرة

[بنتك يآأقصى]

بارك الله فيك على الفكرة
حكاياات قيمة جدااا

[ام احبتي]

بارك الله فيك اخيتي

[ام احبتي]

بارك الله فيك أخية

[*سندوسة*]

وعليكم السلام ورحمة الله وبركاته
صراحة والله حتى انا نبغي نسمع حكايات صغار ومدابيا يحكوهملي قبل نوم
غادي نونس روحي ونقرا لحكايات

حنا نهملو هاد لحوايج ونستصغروهم ومانعطوهمش قيمة بصح الناس الواعية والمتقفة تحسب لكل صغيرة وكبيرة

ربي يقدر كل الامهات وحتى الاباء يقدرو يحكو لاولاهم ماشي غير لمرا

[ياسمين1990]

اللهم صل على الحبيب المصطفى واصحابه الكرام
في ميزان حسناتك ان شاء الله
بدوع يحي يبلغك التحية والسلام وقال لك توحشت هذوك الايام عندما كان ينتظر حكاية جديدة
من حياة الرسول عليه افظل الصلاة والسلام