KOUNBATA
2014-11-09, 21:45
قصيدة قبل قبل وينهم ناس امجدل هدية للاستاذ صاحب المقامات
للشاعـر : مداد اسماعيل
قبل قبل وينهم ناس امجدل -- حاسي بحبح قا مـــرة ونخليــــــــــــــــه
أهلو ناس املاح طالبهم نرحل -- لابدا ياتي نهار أنــولي ليـــــــــــــــه
وانا بري بالذهب ما يتبدل -- ارجال الهمة في الشدة وابكـاو عليــــــــه
سيدي نايل في الصحرا ولا في التل -- مولا الجودة والكرم ربي عاطيه
سيدي عيسى جارتو عين الحجل -- وسارة حد الصحاري واماليـــــــــه
سيدي عامر تامسة حدو يكمل -- مناعة ديوانهم والنيــة فيــــــــــــــــه
والراحة في بوسعادةوالهامل -- جبل امساعد دايرين جبال بيـــــــــــــه
عين الملح اسليم ضاري نتجول -- مليليحة دار الشيوخ حذاه لهيـــــــــه
عين معبد دونها قداش اجبل -- كافك ياحواص قلبي يهنا فيــــــــــــــــه
الجلفة حتى المسعد عين البل -- والشارف بطريق وحدة تدي ليـــــــــه
يا سيدي مخلوف قلبي متهول -- لغواط المعلوم غرداية منهيـــــــــــــه
البيت الحمرة والخواتس والحنبل -- حتى النعجة كل مرسم ترعى فيــه
مازالو في حالهم ذوك الرحل -- ولي عاشق في الجمل راه مربيــــــــه
مازالو عداتهم في الناس الكل -- مازال صفاتهم ياقاصد ليــــــــــــــــــه
زين بلادي نايلي راه يهبل -- الحرمة والحشمة والعقل مواتيــــــــــــــه
والفرسان بالخيل عربي لول -- لمصيل مرفــــــــــوع راس لمليـــــــــه
ياسامع بارودهم راه يزلزل -- ياشايف مشوارهم تتعجـــــــــب فيـــــــه
ارجال الميعاد على حق اتعول -- مافيهم مظلوم ولا ظالــــــم ليـــــــــــه
أنا فرجاوي نايلي لأم امجدل -- مفروض اعليه المكتـــــــوب ايعديــــــه
بن مداد بخاطرو هاك تخيل -- ناس النية حـــالهم ربـــــــي يبغيــــــــــــه
ماني نكتب على الشمايت وأهل الذل -- ماني نكتب على الجاني والسفيه
راني نكتب على الرجال اللي تعدل -- أهل النيف أللي نيف تموت عليه
للشاعـر : مداد اسماعيل
قبل قبل وينهم ناس امجدل -- حاسي بحبح قا مـــرة ونخليــــــــــــــــه
أهلو ناس املاح طالبهم نرحل -- لابدا ياتي نهار أنــولي ليـــــــــــــــه
وانا بري بالذهب ما يتبدل -- ارجال الهمة في الشدة وابكـاو عليــــــــه
سيدي نايل في الصحرا ولا في التل -- مولا الجودة والكرم ربي عاطيه
سيدي عيسى جارتو عين الحجل -- وسارة حد الصحاري واماليـــــــــه
سيدي عامر تامسة حدو يكمل -- مناعة ديوانهم والنيــة فيــــــــــــــــه
والراحة في بوسعادةوالهامل -- جبل امساعد دايرين جبال بيـــــــــــــه
عين الملح اسليم ضاري نتجول -- مليليحة دار الشيوخ حذاه لهيـــــــــه
عين معبد دونها قداش اجبل -- كافك ياحواص قلبي يهنا فيــــــــــــــــه
الجلفة حتى المسعد عين البل -- والشارف بطريق وحدة تدي ليـــــــــه
يا سيدي مخلوف قلبي متهول -- لغواط المعلوم غرداية منهيـــــــــــــه
البيت الحمرة والخواتس والحنبل -- حتى النعجة كل مرسم ترعى فيــه
مازالو في حالهم ذوك الرحل -- ولي عاشق في الجمل راه مربيــــــــه
مازالو عداتهم في الناس الكل -- مازال صفاتهم ياقاصد ليــــــــــــــــــه
زين بلادي نايلي راه يهبل -- الحرمة والحشمة والعقل مواتيــــــــــــــه
والفرسان بالخيل عربي لول -- لمصيل مرفــــــــــوع راس لمليـــــــــه
ياسامع بارودهم راه يزلزل -- ياشايف مشوارهم تتعجـــــــــب فيـــــــه
ارجال الميعاد على حق اتعول -- مافيهم مظلوم ولا ظالــــــم ليـــــــــــه
أنا فرجاوي نايلي لأم امجدل -- مفروض اعليه المكتـــــــوب ايعديــــــه
بن مداد بخاطرو هاك تخيل -- ناس النية حـــالهم ربـــــــي يبغيــــــــــــه
ماني نكتب على الشمايت وأهل الذل -- ماني نكتب على الجاني والسفيه
راني نكتب على الرجال اللي تعدل -- أهل النيف أللي نيف تموت عليه