هل ساضلمها هكذا

[فريد2014]

السلام عليكم

لا أعرف من اين ابدا

انا يا اخواني احب فتاة في 29 سنة منذ حوالي عامين وانا على علاقة معها وعلاقتنا فيها حدود لا نتخطاها

الفتاة ماشاء الله متخلقة ومتدينة

وطلبت مني أن اتقدم لها لكي تكون علاقتنا شرعية

لهذا مؤخرا اصبحت علاقتنا فقط عبر التلفون لكي نتجنب المشاكل ولكي تكون علاقتنا بعيدة عن الشبهات

المشكلة هي فارق السن فانا ابلغ من العمر 31 سنة وهي 29 سنة ولا يضهر عليها انها بنت 29 سنة فهي ماشاء الله من يراها يعتقد انها في 20 سنة

اخبرت والدتي بنيتي التقدم للفتاة ولكن هنا كانت الصدمة

والدتي رفضت رفضا قاطعا بسبب سن الفتاة وقالت لي انها كبيرة وبدأت تبحت عن الاعذار وقالت لي ان الفتاة في هذه السن احتمالية انجابها قليلة جدا

الان انا في حيرة من أمري ماذا افعل والفتاة احبها وتحبني وقد تفاهمنا على كل شيء

الفتاة تعرف ضروفي ولم تشترط علي امور كبيرة بل ابدت استعدادها للعمل ومساعدتي وتقاسم هموم الدنيا معي

والذي يعجبني في هذه الفتاة انها ماشاء الله لها عقلية تعجبني كتيرا

انا الان في حيرة ماذا افعل مع والدتي

وماذا افعل مع هذه الفتاة التي اريدها حقا بجانبي في هده الحياة

[كلنا راحلون]

والدتي رفضت رفضا قاطعا بسبب سن الفتاة

صباح الخير اخي

ذكرتني بأيام صغر نوضح

عمي كان مع وحدة علاقة 7سنوات وفي اخير جدتي رحمها الله شرطت فيها وماقبلتها وداروها مريضة وووو ووووو وتفارقو وهو يخرب بيتو زوج ورزق بذرية وبنت الى حد ساعة لم تتزوج



المغزى من قصة

حافظ على فتاة من شبهات وكلام ناس عليها تعرف مجتمع لا يرحم لا يحفظ



هدفك كيف تجعل والدتك الكريمة تقبل بيها
اتمنى اعضاء يعطوك حلول وموفق اخي

[ولد حمد الباتني]

أخطاك من هدرة لعجايز وماتنجبش ومانعرف واش
تنجب وينجبو وأكثر منها بكثير تزوجو ونجبو وعادي جدا
تخلع فيك برك
مادام ماقاتلكش راهي مهيش متربية وماتحشمش وو كامل ماديرش على هدرتها، دير رأيك وواش باغيه وكون راجل أوقف مع بنت لحلال ألي عاجباتك

[سحابة مسافرة]

السلام عليكم
كاين بنات انا نعرفهم تزوجو في سن 32 و 31 و انجبوا ماشي واحد و ماشي زوج
هاد الكلام تاع عجايز و يعني انو الوالدة نتاعك رافضتها و دارتلك هاد السبة فقط ..حاول اقناعها احسن

[ana-howa]

السلام عليكم
الاخوة قالو ما كنت راح نقول
تبارك الله على رد الاخ ايمن و ولد حماتي كفو و وفو
و يا اخي لقيت لي متفاهمين احمد ربي البنات درك يحبلك شكون تفهمك و تساعفك اما والدتك لوكان بنتها في الاربعين و خطبوها عمرها ما تخمم هكذا و الفتاة و النجاب يا اخي ماهيش كبيرة لسن يخلع و الاولاد رزق سبحان الله
قالها ايمن خلي هدفك كيفاه تقنع الوالدة و ربي يوفقك

[عبد الله 22]

أنت الذي ستتزوج وليس أمك، أعتقد ان أنك تختار لون ملابسك وشكلها وحدك فكيف بأمر مثل هذا تتركه لأمك

[sarl02]

عامين مع بعض راهي عشرة وتالف واندماج روح وعقل...ما تسمحش فالطفلة هذه...ونصيحة من عندي ادي الي تعرفها خيرمن الي ما تعرفهاش راهي اتخلطت الدعوة بكراع قط ...اما مسالة السن فانتما متناسبين جدا وتاكد انك لن تجد من تفهمك الا بشق الانفس ان ضيعتها...اما الوالدة تاعك فاكيد حالها حال معضم الامهات يعني اتحب هي الي تختار الزوجة وليس ابنها...يعني لو كانت هذه البنت من اختيارها حتى ولو بلغت من العمر 33 او 35 لقالت لك ناس ملاح وتزوجها ...راح تجبدلك فيها الف سبب باش ما تديهاش ...لكن انت عليك بمسايرتها واقناعها تدريجيا ولا تفشل ...خذ الفتاه الي تبغيك ومتمسكة بيك لا تندم .

[first first]

اخي.....دكرتني قصتك بقصة مشابهة لاخ صديقة لي..................رفضت امه زواجه من فتاة لمجرد ان عمرها 30
لكنها سعدت بزواج ابنتها في عمر 32؟؟؟؟؟؟؟؟؟؟؟؟؟؟؟؟؟؟؟؟
علما اخي ان ابتها اليوم رزقت باولاد.......................يعني اخي الفتاة هادي راهي 29 ماشي 49 ,وادا كان المشكل الاولاد فالحظ اوفر باد الله
وزيد اخي عمرها جد مناسب ...على الاقل تكون فاهم الزواج والحياة.
استخر واقنع الوالدة
وليس لسبب كهدا تبحث عن اخرى.

[first first]

اخي.....دكرتني قصتك بقصة مشابهة لاخ صديقة لي..................رفضت امه زواجه من فتاة لمجرد ان عمرها 30
لكنها سعدت بزواج ابنتها في عمر 32؟؟؟؟؟؟؟؟؟؟؟؟؟؟؟؟؟؟؟؟
علما اخي ان ابتها اليوم رزقت باولاد.......................يعني اخي الفتاة هادي راهي 29 ماشي 49 ,وادا كان المشكل الاولاد فالحظ اوفر باد الله
وزيد اخي عمرها جد مناسب ...على الاقل تكون فاهم الزواج والحياة.
استخر واقنع الوالدة
وليس لسبب كهدا تبحث عن اخرى.

[thamourth]

غير بنت عايلة لالا..............عامين معها ....شوف كيقاش تقنع لعجوز و ربي يتمم بالخير



شباب.....هدا من اخطار و مشاكل العلاقات العاطفية....الله يهدينا

[ام مهدي 03]

يا اخى لازم تلقى كيفاش تقنع الوالدة . الطفلة راك معاها من عامين تولى تخليها بدون سبب حرام عليك ما تتهناش فى حياتك .الخدع ماشى مليح
ربى يكملك ويهنيك معاها

[سآجدْ للهْ]

أنت تعرف والدتك ملييييح ..



يعني أكيد تقدر تقنعهــآآ نووورمآل
آبذل جهـدك





قلهـآ عمرهـآ... 20 سنة وخليهـآ تقولك لالا مهوش عمرها
قلها وانت واش يهمك ؟
انا نشوف فيها عشرين !

ربي يعينك

[سعاد الجنة]

أنا عندي 34 سنة وتزوجت عندي شهرين وراني بالحمل
هذا أبسط مثال ليك
ربي سبحانو كي يحب يرزق الذرية ما يشوفش للسن
انت مقتنع بيها ولا لالا؟
نظن ماكش مقتنع بيها على هذا راك اتدير في السبايب نتاع امك ربي يهديها

[melissa lola]

خويا بالاك تغلط وتخليها اولا راكم متفاهمين في العقلية ماشاء الله زيد عامين وهي معاك كانت قادرة في هاذو العامين تتزوج وتبني حياتها لكن بقات معاك وحاجة اخرى السن ليس مقياس للخصوبة تزوجت صغيرة وربي مازال مارزقنيش الاولاد حكمة رب العالمين حاول تقنع امك بالتي احسن وايلا ماقتنعتش قوللها بلي راك معاها عامين واعراض الناس،،، وتذكر داءما كما تدين تدان ربي يهدي الوالدة انتاعك علا حسابها الي عندها 36 ولا 37 تروح تموت احسن كلها ارزاق بيد الله

[anissa90]

سبحان الله والله معظم البنات في سن ما بين 18-26هما عندهم مشكلة في تاخر الانجاب او العقم الوقت تبدل والله راني شايفة هذا الوضع ولي راهم في ثلاتينات و في ربعنات تلقاهم ماشاء الله متزوجة في مدة قصيرة و تلقاها بالحمل

[samirabahi]

السلام عليكم اخي والله قصتك محيرة من جهة الوالدة ماراهمش يشوفوا نسبة الطلاق ماش راها تجي من القاصرات 18 19 سنة يزوجوهم بكري والطلاق بكري حبيتها وحباتك دير واش دير باش تديها اي اقنع الوالدة باي طرق و29 سنة مازال السن الله يبارك والدنيا قدامه يااخي راك تندم ادا ماشفتش الحل ليك لانه هده حياتك وليست حياة الاخرين

[الراغبة فى رضا الرحمن‎]

ربي يجمع بيناتكم فالحلال
أتمنالك توفيق
نصيحة لا تتخلى على بنت كن على يقين أنك إذا تخليت عنها سوف تظلمها وليس هذا فقط يمكن أنها تتزوج غيرك كل شيء بمكتوب لكن الجرح يبقى وحتى أنها تتزوج غيرك
حاول إقناع أمك أنا أرىى البنت مناسبة لزواج
كاين 35 ونجبوا دراري
وكاين 20 ومنجبوش
كل شيء بمكتوب
خلي وحدة تقدرها يماك تتدخل
ونتا خلاف فرض روحك نتا رايح تزوج ماشي هي مع كل إحتراماتي لأمك
الله يكون في العون

[oum imane83]

مسالة الانجاب راهي في يد ربي سبحانه ليس لها علاقة بالعمر كاين الي تتزوج في 40 سنة وادا كتبلها ربي سترزق بالدرية وكاين الي تزوجو في 20 سنة وتاخرو لسنوات ..
حاول كيفاش تقنع الوالدة الكريمة وعجل في الزواج لا يوجد افضل من الحلال .. وكل شيء بالمكتوب ادا كان ربي سبحانه كتب تعيشو مع بعض حاجة ماتقدر توقف امام ارادته ....

ربي يسهل امورك

[orchid violet]

و الله ربي يهدي امك ....لكان جات بنتها ما تقولش هكا ..وا لارزاق بيد الله و الطقلة ماشي كبيرة و لا راهي في 45 سنة ..

[salem1985]

ههههههههههههههههه سبحان الله املا العقم راه بالسن والي يزيد عقيم واشكون قال ليك انت اخي بالي راك تنجب ربي يهدينا اهلا في بنت الناس وروح خطبها وقنع امك راهي حنينا عرف كيف تكسبها برك ربي يوفق بيناتكم

[mounaminou]

29sna mateouladch ...hadi makanch menha khlass .....w zid ntouma mach rayhin tdirou 15 n tfol ki ta3 bekri
hna lazem tkawi chakhssytak w men rayek essarih w akid hya ta7termou pask thabbek lkhir ...salam

[kakkou]

يا اخى لازم تلقى كيفاش تقنع الوالدة . الطفلة راك معاها من عامين تولى تخليها بدون سبب حرام عليك ما تتهناش فى حياتك .الخدع ماشى مليح
ربى يكملك ويهنيك معاها




الاخت عندها حق و زاد بنت فاميليا ما تظلمهاش يا خويا
و الاسباب هادي ما عندها حتى معنى ربي سبحانو هو الي يرزق من يشاء وليس للسن علاقة بدلك
انا تزوجت في سن 29 و الحمد لله انجبت عادي بفضل الله
حاول اقناع امك احسن

[*غزلان *]

إدا كنت مقتنع بيها إتوكل على ربي ومسألة الإنجاب بيد ربي سبحانو

[ranou gigi]

قول ليماك انه ربي كي برزق الذرية يرزقها للفتاة تاع 20 او 40 كلش بيد ربي ياأخي اذا راك باغاها صح كمل معاها في الحلال احسن و ربي راح ابارك ليكم

[زنجبيل11]

بنت 29 لا تنجب؟؟؟؟؟؟؟؟؟؟؟؟؟؟؟
اذا لما من تزوجت في الاربعين انجبت
حتى ان هناك من وصلت الخمسين و انجبت
هذه ارادة الله عندما يقول لشيء كن فيكون
و لما قريبتي تزوجت في سن 16 و لم تنجب هل هنا بسبب السن فهي صغيرة جدا
و لحد الان لم تنجب قاربت 10 سنوات زواج و الاطباءقالو لها و لزوجها لا شيء فيكما انتم بصحة جيدة اذا لما لم يرزقان بالاطفال
اضن امك لا تريدها فقط ربما حاطة عينها على كاش وحدة

بنت 29 تقدر ان تنجب 20 لو اراد الله و الانجاب ليس متعلق بالمراة فقط بكلا الزوجين
اعرف واحدة تزوجت في الاربعين زوجها كان متزوج و قالوعنه انه لا ينجب و لما ماتت زوجتهتزوج ببنت 40 سنة
لكن فوجيءبانها حامل وضعت حملها الاول و بعد ها بمدة قصيرة حملت الثاني كانو يضنون انها لن تحمل بسرعة فوضعت و بعدها ايضا اعادت فطلب منها زوجها ان تشرب الحبوب
و اخر القول ربك الرزاق ممكن تتزوج ببن العشرين او 14 ولا تنجب
بالتوفيييقتوكل على الله و اخطب من تحبها

[abdelmalekmhdf]

انا من رايي اخي حاول تهدئة الامور بعدها حاول التكلم مع امك و ان ابت حاول ثم حاول لانها ان رات منك اصرار لا اعتقد انها ستقف في سبيل سعادتك و لكن بالتي هي احسن ابحث عن رضاها و كلم البنت قل لها ان تصبر معك ليلا ربي يسهلك اخي