مساعدة..... بديت نفطم بنتي. [الأرشيف] - منتديات الجلفة لكل الجزائريين و العرب

نانو 2013

2014-11-04, 10:02

السلام عليكم و رحمة الله و بركاته
انا بديت نفطم بنتي و صدري راها مزيرة عليا و مشدودة و مقلقتني
ربي يخليكم قولولي على الحل بسرعة من فضلكم
و ربي يجعلها في ميزان الحسنات

*أم جابر*

2014-11-04, 15:06

وعليكم السلام اختي و الله المسالة كلها 3 ايام وخلاص الا ما قدرتيش ديري compresse في ماء دافي و حطيه على صدرك قالتهالي الطبيبة ربي يعاونك سلام

ام سنونو

2014-11-05, 21:53

السلام عليكم اختي العزيزه يعطيك الصحه لانك قدرتي تفطميها و مشكله الصدر لن تطول عليك بالصبر وصبي علي صدرك ما سخون شويه....تقدري تتحمليه... و كمدي بالكومبراس

امال مارية

2014-11-06, 04:15

السلام عليكم. اختي انا ايضا فطمت بنتي شوفي لنا اليوم الاول ما اعطيتهاش و اليوم الثاني لما نامت طول وناضت تبكي اغطيتها فرغت صدري مليح. وخلاص لكن ادا فات الحليب فوق3يصدرك راه يضرها لا تعطيها. بعد مدة 10ايام او اسبوع دخلت للحمام وفرغت صدري ييدي لما تزير عليا بزاف لان إنتاج الحليب ما كانش فرغت القديم مليح مرة وحدة و الان الحمد لله راني حاسة صدري فارغ و خفيف . ربي يعاونك اختي.

Simassim

2014-11-06, 09:01

ربي يعينك اختي حاولي ماتفطميهاش مرة وحدة نقصي عدد المرضعات في اليوم وماتخليهاش حتى تشبع انا جربت هاد الطريقة صح طويلة بصح ماتنضريش
بالنسبة لآلام الصدر ديري الماء سخون بالرشاش تاع الدوش على صدرك وحاولي تمسدي يخفف عليك وحطي عليهم ورق الكرم على صدرك يقولوا يحبس الحليب

ادرة مكنونة

2014-11-06, 09:09

اختي خرجي الحليب الي في صدرك مرة ولا زوز منبعد معادش يرجع

raboha

2014-11-18, 16:08

كيما قالولك الأخوات فرغيهم مليح من الحليب بأداة شفط الحليب كاينة عند الصيدلاني
أنا نقولك واش درت و بالاك تضحكي و لا يضحكو قاع عليا
و الله و هذي عن تجربة مدة سنين كي كنت رضع يصرالي كيما نتي بصح الحل الأسرع هو رجل أي القدم تاع الضربان يصيدوه و ينحو القدم تاعو
خالتي مخبياتو فايت 20 سنة
و كل مننضر ندير إنحكو على صدري يبدا السطر ينقص و يتفشو بلا منحلهم الحليب و الله إذا درتو الصباح العشية نولي مليحة

ninacicino

2014-11-19, 22:52

اختي نعطيك طريقة روعة والله تدعيلي ديري اوراق الكرمب
الكرمبيط معروف بخاصية امتصاص الدهون و من قدرة خالقنا انه جعل حليب الطفل اللذي في صدر الام غني بالدهون
كرمبيط نحي الورق و حطي كل ثدي عليه ورقة كرمبيط خليها حتى تلقايها ذبالت زيدي بدليها و هاكا حتى تلقاي صدرك فرغ والله والله مجربتها و هايلة

نانو 2013

2015-08-01, 20:47

http:// www11.0zz0.com/2015/08/01/22/508959350.jpeg

شكرا والف شكر على المساعدة

الطائعة لزوجها

2015-08-26, 18:44

أم عبد الكريم

2015-08-26, 18:59

ارجوك اختي افيديني كيف فطمتي بنتك اريد ان افطم بنتي لكن و الله تعبت محبتش تنحيها انا نحيتهالها في النهار الا في اوقات النوم تنوض تبكي و تبكي و كون منعطيهاش لا تنام ابدا و تضل تبكي حتى وحد النهار مرضتلي و بطلت الفطام

اختي رجعيلها ليلة ولا ليلتين من بعد نحيلها كي تنوض تبكي أعطيها أي حاجة تحب تأكلها و هزيها حتان ترقد انا بنتي بكات 3 ليالي من بعد ياست و استسلمت

saja safia

2015-08-26, 19:52

انا ثاني مقدرتش نحيها وقت النوم

كيفاش نعطيله حاجة يحب ياكلها وهو راقد
مثلا ابني يحب الياوورت كيفاه ياكله؟؟

الزوجه المثاليه

2015-08-26, 19:58

انا ثاني مقدرتش نحيها وقت النوم

كيفاش نعطيله حاجة يحب ياكلها وهو راقد
مثلا ابني يحب الياوورت كيفاه ياكله؟؟

انا منين نحيتها لبنتي نحيتهالها ضربه وحده وكنت نعييها ونشبعها قبل النوم ..وكانت تنوض تبكي في الليل بصح ماكنتش نعطيهالها كنت نوقف نرفدها وهي تبكي حتى ترقد يعني لازم يكون عندك صبر ايوب

أم عبد الكريم

2015-08-26, 20:06

انا ثاني مقدرتش نحيها وقت النوم

كيفاش نعطيله حاجة يحب ياكلها وهو راقد
مثلا ابني يحب الياوورت كيفاه ياكله؟؟

اختي انا درت ل صدري الحنة كي تبكي في الليل نعطيهولها و مترضعوش.و تبقا تبكي كنت نعطيلها حبة بنان تبقا تأكل فيها حتان ترقد
ملاحظة انا بنتي مبغاتش تشرب الحليب...واحد اليلة هي تبكي وانا نبكي ..

الزوجه المثاليه

2015-08-26, 20:11

انا صدري خربشتو بالقلم الازرق ..صارت بنتي تخاف منو القلم احسن من الحنه (كل يوم ديريها )القلم مايتنحاش

david2011

2015-08-27, 08:40

ربي يشافي كل مريض

الطائعة لزوجها

2015-08-31, 17:04

انا صدري خربشتو بالقلم الازرق ..صارت بنتي تخاف منو القلم احسن من الحنه (كل يوم ديريها )القلم مايتنحاش

يا اختي القلم الازرق لا يضهر في الليل و هي نائمة مغمضة عينيها ..........
و الله احترت جربت كل الطرق

نانو 2013

2015-08-31, 20:25

شكرا للتفاعل في الموضوع
انا بالنسبة لي راني انضريت بزاف صدري اتنفخ واش نقلكم ما نقدر نرقد حتى اللبسة ما نحملهاش علي
الحليب تحنجر في صدري وصرا في الباطل مي من بعد رحت للجنيكولوغ نتاعي اعطالي دي كمبخمي حبة كل اسبوع بعد اول حبة حسيت بالفرق كي اتقطع الحليب حبستهة العلبة نتاعهم ب 300 الف وحاجة
وبالنسبة لبنتي كانت تبات عند ماما كي كون ايبة ما تبكيش بزاف مي غير تشوفني تقولي هاتيها كنت نطليها بالملوخية لانها كانت تكرهها و هكا حتى كرهت