tamnfost

[BrahimWalid]

sallam .. ana rani.njawaz flarmi fi tamnfost .. ghir kima kamalna instruction w rana nestanaw wikta n3algo .. Ecole macha2alah makontch ghalt ki mchit lih w nansah bih nass kaml li baghiya tjawaz larmi .. w ngolkom matkhafoch meno pcq ma rah tendmo .. larmi mlih w y3almk bzf swal7
li endo question ala tamnfost rani hna wikt ma nalga le temp nrodelkom

[men24]

? 3endkoum connexion internet f l'armé

?et les pc machi interdit

[mmtr]

baraka Allah'o fik akhi 3la mawdou3
wech krit et wech mel 3am zeyed
khoya tekder tkolena chkoun eli telkohom faiid

[oussama25constantine]

? 3endkoum connexion internet f l'armé

?et les pc machi interdit

نفس السؤال ، هل الإنترنت متوفرة، أو هل يسمح كل إدخال و إستخدام كمبيوتر محمول مثلاً ؟؟

[mmtr]

akhi oussama25constantine
reht déjà kheyer la caserne???
ana reht fi fin octobre kalouli mezel wekt tetewo3

[BrahimWalid]

ana license anglais 24 ans .. faiid ken le jma3a li foug 28 ans w li endhom diplom mayehtajohch .. w conx rana kml bi 3G b les portabl .. w nansahkom khawti tjo bikri safi li jato le 15 yji le 15 w li 22 yji 22
hna kona fi 320 7akmo 70 w 30 sursis pcq retard w 190 faiid w lba9i inapt

[BrahimWalid]

kayn li zaydin fi 1992 w kharjo faiid .. safi kolch ala hsseb diplom

[محفوظ البسكري]

انا عندي ديبلوم تاريخ
ووزني 122 كغ مواليد 92
حاب ندفع ديبلوم هاد الايام في مركز الخدمة الوطنية ببسكرة
على امل الالتحاق بتامنفوست في جانفي
ماهي حظوظي لاني لا اريد حاب نخرج فائض ان شاء الله

[catalani89]

بالبركة عليكم خويا وليد
ان شاء الله ميطاسيون كيما يحب الخاطر.

[mmtr]

baraka Allah'o fik akhi oussama25constantine
hekmo eli 3andhom diplôme de doctorat??

akhi محفوظ البسكري
moktach kaloulek tekder edir tatawo3??

[BrahimWalid]

diplome tarikh chado 1 (just ala jel mosaba9et tha9afiya) ,, meme ana biskri khoya w sahbi khrej inapt biskri teni ala jel pois te3o .. machado hata wahd foug 100 kg .. matkhafch khoya brabi nchlh rak mo3fa
w khoya catalani ybark fik w nchlh hbibi .. w rabi ysahalk fi hyatk :)

[ابراهيم العادي]

ممكن تحكينا على الروتين اليومين ..اوقات النهوض صباحا ...ونوعية التدريب

[محفوظ البسكري]

بارك الله فيك خويا ابراهيم و ليد على هاته المعلومات

اما الاخ mmtr لحد الان لم ادفع الديبلوم في مركز الخدمة الوطنية بولايتي ان شاء الله الاسبوع القادم

[amiminou]

souel .... tamnfoust win jaya quelle wilaya et es ce que les sous lieutnant yd5lou lihaa master w licence 9aloli ta3 les serjon brk !!!!!

[men24]

habite na3ref fi ch7al trekdou f la salle ou la chambre

Sinon merci pour les réponses khouna

[catalani89]

souel .... tamnfoust win jaya quelle wilaya et es ce que les sous lieutnant yd5lou lihaa master w licence 9aloli ta3 les serjon brk !!!!!


تامنفوست اخي هي المدرسة العليا للبحرية
تقع في برج البحري ولاية الجزائر
التجنيد هي بالعكس تجند الضباط فقط -sous lieutnant-
اما لي كونطراكتوال -les actif- فهي تستقبل السراجن و الضباط

[catalani89]

habite na3ref fi ch7al trekdou f la salle ou la chambre

sinon merci pour les réponses khouna


النوم اخي
ترقدوا كل 4 في شمبرة
الشنابر كبار واسعين و نظاف

[BrahimWalid]

ممكن تحكينا على الروتين اليومين ..اوقات النهوض صباحا ...ونوعية التدريب
khoya ntoma rakom 7chitoh jatkom fi janvier .. tnodo sbah liyam lawla ala 4 dir sport w howa ashal haja .. apre troh takra ala 8 w tokhrej ala 12 troh toftor w chwiya tmarmid w 3okobet hhh w twali takra ala 2 tokhrej ala 4 .. doka yabda lordre serie as3ab haja .. 3okobet bel jemla w tet3eb bz .. troh tet3acha apre dir pause te3 20 mn w tarja3 trassamblew tabda el sahra hhhh 15 jours lawla yatlgokom haten 12 w apre twali 11 .. lmohim ged ma tkono tet3almo rapid rah tanfa3kom .. 35 jours wlh tfout w ana wlh farhan li 3aditha pcq experiance walh bi drahm w ma talgahech .. nchhlh mankonch badaltlk rayek hhhh mais dir fi balk rahi sport c tt w tfout bien :)

[mmtr]

khoya BrahimWalid
hedek te3 tarikh eli hakmouh, wech mel diplôme 3endo et wech mel 3am zeyed
baraka Allah'o fik

[BrahimWalid]

khoya BrahimWalid
hedek te3 tarikh eli hakmouh, wech mel diplôme 3endo et wech mel 3am zeyed
baraka Allah'o fik

wlh ma3labali khoya .. dsl

[ابراهيم العادي]

يعطيك الصحة خونا براهيم ...بالعكس راك شجعتنا ..الحكاية ومافيها 30 ولا 40 يوم الاولى

عندي سؤال عند طلب التطوع اذهب الى الدرك او الى مركز الخدمة الولائي

[oussama25constantine]

يعطيك الصحة خونا براهيم ...بالعكس راك شجعتنا ..الحكاية ومافيها 30 ولا 40 يوم الاولى

عندي سؤال عند طلب التطوع اذهب الى الدرك او الى مركز الخدمة الولائي

باش تدير تطوع لازمك تروح تدفع الديبلوم تاعك و السورسي اذا عندك او نسخة طبق الاصل من بطاقة التعريف مع انها غير مطلوبة لكن ماتدريش، هاذو تدفعهم في في مركز الخدمة الولائي التابع له. مع العلم ان التطوع مازال ، راني رحت عندهم زوج مرات و قالولي راهو مازال، نقدر نسقسيك خويا واش من ولاية أنت ؟؟

[ابراهيم العادي]

مسيلة اخي
برتبة ضابط صف هل اخذ شهادة السنة الثالثة

[ابراهيم العادي]

؟؟؟؟؟؟؟؟؟؟؟؟

[hamza025]

انا ليسانس انجليزية كيما انت قداه من واحد حكموه عندو ديبلوم انجليزية و واش من منصب يخدموكم بارك الله فيك

[mohamed mahi]

نسقسيك خويا العزيز :

الجامعي لي تخصص نتاعه أدبي مثلا انا شريعة اسلامية يحكموه ثم ولا لا ؟ يعني الجواب علبالي يكون بالتقدير ميش يكون لازم صحيح وشكرا ؟

[mr_jalilo]

السلام عليكم كما قال الاخ انا معخ في الثكنة

واي سؤال نحن هنا .

[mr_jalilo]

ألسلام عليكم

كما قال الاخ الثكنة ما شاء الله

ونحن مع بعض ف الثكنة واي سؤال نحن هنا.

[mr_jalilo]

نسقسيك خويا العزيز :

الجامعي لي تخصص نتاعه أدبي مثلا انا شريعة اسلامية يحكموه ثم ولا لا ؟ يعني الجواب علبالي يكون بالتقدير ميش يكون لازم صحيح وشكرا ؟


نعن يحتاجوا واحد شريعة ليصبح امام المسجد ويشدو واحد او اثنان اذا كان هناك اشخاص اخرون من نفس التخصص قادر يطلقوا الاكبر سنا.

[toutou1235]

التدريبات في البحر ولا كيفاش أنا مانعرفش نعوم ههههههههههههههههههه

[mr_jalilo]

التدريبات في البحر ولا كيفاش أنا مانعرفش نعوم ههههههههههههههههههه


ههههههههههه لااخي ليس لنا علاقة بالبحر والتدريبات في البر عادية كاي ثكنة اخرى.

[tahirbadro]

هل يا خاوتي لبلايس في تامنفوسي يطيرو في وقت قليل كون نحبو نطوعو خايف يقولولي مكانش تامنفوست أنا عندي 3 ثانوي

[lalib40]

http://img51.imageshack.us/img51/952/popeyeao.jpg

[toutou1235]

ههههههههههه لااخي ليس لنا علاقة بالبحر والتدريبات في البر عادية كاي ثكنة اخرى.


هههههههه أيا مليحة مالا هنيتني
مبصح المشكلة مبعد في الميتاسيون
وش رايكم

[karimosta]

ههههههههه وليد و جليل عودة الى الميدان
انا ايضا من نفس الدفعة رانا في المدرسة العليا للبحرية و كيما قلكم الاخ وليد الي حاب يجوزها ننصحه بتمنفوست مدرسة من احسن المدارس من حيث التدريب .الاكل. المراقد. المعاملة و شكرا و الله يسهلكم

[mr_jalilo]

ههههههههه

كريمو راك هنا ههههههه .

[hamza025]

لم افهم لما قمت بتجاهل سؤالي ؟؟؟؟؟ و اجبت على اسئلة طرحت بعد سؤالي؟؟؟

[mr_jalilo]

hamza025 (http://www.djelfa.info/vb/member.php?u=341691)
**********************

لم نرى سؤالك فقط من الافضل لو اهدت وضعه .

+

ليسانس انجليزية اعنقد انهم شدوا واحد ليسنس انجليزية الاخ وليد و 2 ماستر امجليزية.


اعنقد انهم يمسكوا من 2 الى 4 فقط من نفس التخصص كما قلنا حسب حاجة المدرسة.


+

هنا يتدخل عامل السن .



بخصوص المنصب يمكن يعطوك تدرس انجليزية او تستغل في مكتب .

[eyeshadow]

أناعمري 26 سنة و لدي ليسانس في اللغة الانجليزية.. يعني يحتاجوني :)

[Miroudo]

السلام عليكم خاوت
أنا شاب عندي 23 سنة عندي ليسانس في العلوم التجارية اختصاص محاسبة و مراقبة و بانتلي راح نختار هذه المدرسة
مع العلم أني حايب نتجنب الخدمة الوطنية بملف طبي على عينيا مع العلم أني نشوف مليح 100 ب 100
السؤال خاوتي هو أنو حايب نعرف ماهي فرصي باش يحطوني غير كفء و هل الفخص الطبي تما ساهل للإجتياز ولا واعر و هل في هده المدرسة يكون فيها الفائض بزاف ؟؟؟ من فضلكم حاوتي لي عندو معلومات يفيدنا
وشكرا,,,

[amine kiko]

ana licencé en psychologie roht had semana bache nrouh f janvier j'ai 29 ans kali arwah f 15 decembre terfed l'orde apelle mais hebit na3ref win rah yeba3touni j'ahabite a alger ou asque nekder nkheyer ana cazirna et merci ???

[mmtr]

khoya amine kiko
dfe3t le diplôme avec photo copie de la carte nationale
wla kaloulek arweh fi 15 décembre hethom ???

[amine kiko]

nn mazal mon frére kali apartir de 15 décembre arwah et djib m3ak diplome ta3ek

[mmtr]

baraka Allah'o fik khoya
imedolek ordre d'appel ltem wla yebe3touhalek kaloulek?

[ferhat84]

السلام عليكم
أنا شاب عندي 30 سنة متزوج عندي ليسانس في العلوم ااقتصادية بعتوني الى هذه المدرسة
مع العلم أني حايب نتجنب الخدمة الوطنية بملف طبي على الا نف نتنفس من جهة واحدة فقط déviation de nez
السؤال خاوتي هو أنو حايب نعرف ماهي فرصي باش يفي العفاء و هل الفخص الطبي تما ساهل للإجتياز ولا واعر و هل في هده المدرسة يكون فيها الفائض بزاف ؟؟؟ من فضلكم حاوتي لي عندو معلومات يفيدنا
وشكرا,,,

[Nani Luiz]

السلام عليكم

انا كنت مريض بمرض مزمن الاعصاب و عندي ملفات لكنها قديمة لانني شفيت من المرض
كنت اتعاطى ديباكين بشهادة طبية طبعا اخرة مرة كانت 2009
+
عملت عملية جراحية عندما كنت صغير لسحب كيس من تحت لساني اثاره لا تزال لغاية اليوم
+
عندي ضعف في النظر لا ابصر في الليل بدون نظارات و في النهار لا يمكنني رؤية من بعيد جيدا
كلتا العينين
+
وزني يقارب 100 و طولي 1.84
لما عملت الفحص كان وزني اقل من الان



المشكلة انيي ذهبت لاعمل الفحص الطبي و قالولي عد بعد ثلاثة اشهر لكنني لم اعد شهر سبتمبر
طلب مني طبيب الذهاب لمختص امراض عصبية لكن كانو في تلك الفترة في عطلة و لا واحد يعمل
و بالنسبة لبصري فاعتقد انه اصبح اسوء منذ شهر اوت الماضي

مشكلة اخرى انني لم اتلقى التاجيل يعني سورسي مع انني وضعت كل الوثائق المطلوبة للتسجيل

اسئلتي هي

هل يمكنني عمل ملف طبي ؟؟؟
و اذا كان نعم كيف اعمله ؟؟؟
و هل غيابي شهر سبتمبر و عدم تلقى السورسي يعرضني لزوال حقوقي ام لا ؟؟؟

[catalani89]

السلام عليكم
أنا شاب عندي 30 سنة متزوج عندي ليسانس في العلوم ااقتصادية بعتوني الى هذه المدرسة
مع العلم أني حايب نتجنب الخدمة الوطنية بملف طبي على الا نف نتنفس من جهة واحدة فقط déviation de nez
السؤال خاوتي هو أنو حايب نعرف ماهي فرصي باش يفي العفاء و هل الفخص الطبي تما ساهل للإجتياز ولا واعر و هل في هده المدرسة يكون فيها الفائض بزاف ؟؟؟ من فضلكم حاوتي لي عندو معلومات يفيدنا
وشكرا,,,


وعليكم السلام و رحمة الله تعالى و بركاته
اولا اخي حسب المعايير التي عملوا بها شهر سبتمبر انا كنت في هده الدفعة انت تعفى 100/100
في دفعتنا اعفوا جميع المتزوجبن و الدين تجاوزوا سن 30
تانيا بخصوص الفحص الطبي طبيب المدرسة كوموندو ناس ملاح ولكن ليس من صلاحيته منح الاعفاء
يعني ادا كان لديك ملف طبي يقوم بوضعك instance
ياخدوك الى البليدة الناحية العسكرية الاولى عند الطبيب المختص بمرضك
وهو من يقرر ادا كنت تعفى ام لا.

[Miroudo]

السلام عليكم خاوت
أنا شاب عندي 23 سنة عندي ليسانس في العلوم التجارية اختصاص محاسبة و مراقبة و بانتلي راح نختار هذه المدرسة
مع العلم أني حايب نتجنب الخدمة الوطنية
السؤال خاوتي هو أنو حايب نعرف ماهي فرصي باش يحطوني غير كفء و هل الفخص الطبي تما ساهل للإجتياز ولا واعر و هل في هده المدرسة يكون فيها الفائض بزاف ؟؟؟ من فضلكم حاوتي لي عندو معلومات يفيدنا
وشكرا,,,

السلام عليكم
خاوتي لي عندو أجوبة أو معلومات يفيدنا يرحم والديكم