اعطوني رايكم

[مشكلتي]

السلام عليكم ورحمة الله تعالى و بركاته
مادابيا نطرح حالتي و انتوما شورو عليا و قولولي واش ندير
انا متخرجة وحاليا ماكثة بالبيت واريد ان ابقى ماكثة يعني ماعنديش بروبلام بالعكس باغية القعاد في الدار
مشكلتي اني ماعنديش شكون الي يصرف عليا يعني كي نحتاج حاجة مانلقاش منين نجيب
وانا مانيش باغية نحكم خدمة لخاطر فيها البلا وفي نفس الوقت ماعنديش مورد ومانقدرش الحاجة الي سحقيتها نطلبها على دارنا
في وجه ربي قولولي كيفاش ندير والمشكل انو لحد الآن ماتقدملي ولا واحد يعني احتمال كبير اني منتزوجش
وثانيك والدتي ماهي حاطتلي والو في حالة ما اذا جا مكتوبي ماعندي ولا قطعة ذهب ولا فراش ولا اي حاجة
شورو عليا وربي يباركلكم في حياتكم و مالكم
كل واحد يعطيني رايو ولوكان جاء في بلاصتي واش يدير وشكرا جزيلا

[وحيدة**]

استخيري اللله بامر العمل ما كله كما تضنين فادفعي عنك هواجسه او اخرجي لتعلم حرفة كالخياطة او الطرز او الحلويات فامكانك العمل من البيت اما الزواج فمفتاحه اللدعاء والله

المستجيب

[clayde]

قال الله تعالى‏:‏ ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}

أرى أن تتعلمي طرق العمل على الانترنت ، حاولي ان تطلعي على الموقع المشهور الذي يسمى خمسات ، بعد أن تفهمي آلية عمل ذلك الموقع يمكنك أن تنتقلي إلى مواقع عالمية أخرى ، إن شاء الله سيعمل الاخوة في المنتدى على تقديم المساعدة.

[أناييس الربيع]

حرفة في اليدين خير من ميراث الجدين

تقدري تخدمي في الدار كيما قالت الاخت وحيدة

وربي يسهلك أختي

[الجليس الصلح]

السلام عليكم ورحمة الله
مادام درست ونلت الشهادة فللما لا تعملين صحيح
عمل المرأة يجلب لها الأذى لكن ليس كل الأعمال
فيها أذى كما ان لباسك واحتشامك يساعدانك
على تجنب نظرات المتحرشين الساذجين

[*أم جابر*]

السلام عليكم اختي قال الله تعالى ( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا ( وقوله -تعالى-: ﴿ إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ ﴾ [الذاريات: 58]

عليك بالدعاء بالزوج الصالح سلام

[*أمة الرحمن*]

السلام عليكم
هو اختي الكريمة لم توضحي ماالمشكله في انك تعملي يعني تعبت ودرست وفي الاخير لاتعملي يعني تقدري تجدين مثلا عمل في اماكن محترمة انالاادري ولكن اوصيك انك تفكري جيدا وايضا تتفاءلي بكل خير يعني ربي حنين كريم ماتقوليش مانظنش مايتقدمواليش للزواج ربي يفرج وان شاء الله نفرحوابك المهم فكري واداماتقدريش تعملي خارج البيت اعملي في البيت كمااقترح عليك بعض الاخوة بالانترنت في الخياطة اي شيء يكون عندك فيه دخل ماتنسايش الوقت صعيب ولازم الانسان يعتمد على نفسه على الاقل قبل الزواج وان شاء الله ربي يرزقك الزوج الصالح اللي يفرحك ويهنيك ويريحك ياربي

[" أبو عبود"]

-1- علاش قريتي اصلا ودخلت الجامعة؟ ما الفائدة؟
-2- إذا راكي شادة في ربي علاش راكي خايفة من الرزق؟
-3- شكون لي قالك مش راية تتزوجي؟ عندك علم الغيب؟
-4- علاش لازم يكون عندك ذهب وفراش باش تتزوجي؟ منين راكم تجيبو في العادات هذي؟ انا المرة الجاية كي نجي نزوج نقلها تجيبي حاجة نحرقها هكذا باش نبطلو العقليات الخاسرة. رايحين نلوو كيما الهنودة المرا هي لي تدفع المهر. واش هذي الكوارث.
اخيرا ديري ربي في بالك. إذا بانلك عمل في التعليم الابتدائي تحديدا اخدمي على روحك واحفظي لسناك ونفسك.

[achraf kamikaz]

:dj_17: اختي الكريمة في هده الحالة ما عليك الا بالصبر و لا تستعجلي امرك و لا تقلقي في مسألة المال فان الرزق على الله

[كلنا راحلون]

السلام عليكم ورحمة الله تعالى و بركاته
مادابيا نطرح حالتي و انتوما شورو عليا و قولولي واش ندير
انا متخرجة وحاليا ماكثة بالبيت واريد ان ابقى ماكثة يعني ماعنديش بروبلام بالعكس باغية القعاد في الدار
مشكلتي اني ماعنديش شكون الي يصرف عليا يعني كي نحتاج حاجة مانلقاش منين نجيب
وانا مانيش باغية نحكم خدمة لخاطر فيها البلا وفي نفس الوقت ماعنديش مورد ومانقدرش الحاجة الي سحقيتها نطلبها على دارنا
في وجه ربي قولولي كيفاش ندير والمشكل انو لحد الآن ماتقدملي ولا واحد يعني احتمال كبير اني منتزوجش
وثانيك والدتي ماهي حاطتلي والو في حالة ما اذا جا مكتوبي ماعندي ولا قطعة ذهب ولا فراش ولا اي حاجة
شورو عليا وربي يباركلكم في حياتكم و مالكم
كل واحد يعطيني رايو ولوكان جاء في بلاصتي واش يدير وشكرا جزيلا

توقع مصيبة مصيبة اكبر فما تفكري في هاد امور

[dabour1]

الفرج هبة الرحمن لكن الصبر هو المفتاح ولك في قصة ابراهيم عليه السلام:( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) البقرة/ 155 –
من أجمل ما سمعت عن الرضا والصبر
http://www.youtube.com/watch?v=jzJE3QzXteo
ماعندك وظيفة .. ماتزوجت ..؟
http://www.youtube.com/watch?v=FsIteu9Oy6o

[فريال العلمية]

اختي ننصحك لوجه الله و عن تجربة المرا دوكا لاااااازم تخدم و تصرف على عملرها يو لوكان راجلها ميلياردار لخاطرمتلقا غييير لالوترات نتاعها في كبرها و هدا عن قصص شفتها في حياتي و في عائلتي وهدا هو الدافع نتاعي باش نقرا و نصيب خدمة تخليلي قيمتي عند كل الناس و منكونش تاكلة غير على روحي نشري واش حبيت و لا حبيت نحرقهم دراهمي مكاش لي يسالني
و كل واحد و رايو كاين لي ميوافقونيش

[جيهان13091991]

اتعلمي كاش حرفة خياطة ، تطريز ، تجيبي بها دراهم