...................

[مشكلتي]

السلام عليكم
كلمة للرجال الكل و رجال المنتدى تحديدا كلكم متشابهين و اسفة لكن معظمكم كذابين تعرفو علاه
بنات الفاميليا لي راكم تقولو ماكانش و تتغنو بيها
راكم دمرتوهم و بيدكم بدلتوهم
انا واحدة لحين تخرجت من الجامعة ضد العلاقات و ما نخالط رجال ما والو و محتلرمة بلبسي و حتى صحباتي يقولولي راكي عقلية ما تعيشيش بيها على خاطر الوقت هذا خلاف عقليتي و انا فارحة و نقول المهم نرضي ربي و نحفظ كرامتي

خطيبي المتدين الملتزم صاحب الاخلاق العالية و اللي ساعفتو في كل شيئ بقى شهر على الزواج يعد عدة اشهر خطوبة و عقد اتفقنا في الاسبوع هذاك نشريو خاتم الزواج لانو ما بقى والو و قالي روحي اختاري اللي يعجبك و طلبت يحددلي السعر اللي يناسب امكانياتو و كنا جدا فارحين

فجــأة
تذكرت عشيقته اجل هي عشيقة منذ سنوات طويلة مع بعض بعلاقة محرمة انا زوجته شرعا ما نروحش معاه حتى لمكان هي تروح معاه وين بغى
ايا قالك بنت الفاميليا اللي هي زوجتي شرعا نخليها و نطلقها و نرجع للحب افضل او العشق او الحرام

هو وكيلو ربي و انا برايكم نبقى بافكاري و معتقداتي القديمة هل فعلا بنت الفاميليا يحطوها فوق الراس و الا قي الرجلين
شكون فاز علاقة شرعية و على سنة الله و رسوله ام علاقة حرام

انا طول عمري ضد العلاقات و البنات اللي ضحكو على عقليتي فازو

انا اليوم ضد الزواج و الارتباط جملة و تفصيلا علاه
لاني صرت نأمن انو الزواج لازم يكون عن حب و علاقة محرمة باه ينجح و انا خلاص تربيت على الحلال
و النتيجة انــــــــــــو حطتمني اللي كذب مثلكم و قال بنت الفاميليا على الاقل بنات الشارع نهار يتجرحو ما يبكوش والفو و الكذب

[thamourth]

ملرحلةو تمر ان شاء الله

ربي يرزقك الزوج الصالح


هدا تمسخر ادا ماعندوش كلمة و ماشي راجل...........السؤال....اهلك وش قالو؟

[أناييس الربيع]

استغفر الله العظيم وربي يهديه

وأعتقد أنك أجبت نفسك ربي كشفو ع حقيقته فلو كان صالحا لتم هذا الزواج

ولكن ربي شافلك خير وأكيد زوجك يكون ع قد طهارتك وعفتك

وان شاء الله ربي يعوضك أحسن

أختي الحرام يبقى حرام حتى لو فعله الجميع لاتتنازلي عن أخلاقك

ربي ثبتك ع الدين ويرزقك زوجا صالحا عاجلا غير أجل

[orchid violet]

راني معاك اختي في هاد الهدرة مية بالمية ...ربي يعينك و ربي يصبرك اختي و ان شاء الله ربي يعوضك بافضل منو ...لكن حابة نقولك ما تخسريش روحك و دينك و دنياك على جال واحد ما يسواش فرنك ابقاي على عهدك كما انت ...و صبرا اختي و ان شاء ا لله مايكون غير الخير

[دعاء المحبوبة]

من كلامك عن نفسك وعنه
ربي نجاك منه، من المفروض تحمدي ربي،وهل كنت سستعدين مع شبه بشر؟؟؟؟
ليس من الحكمة أن نظن أن الدنيا ستكون يسيرة ميسرة وكل شيء يكون جيد وممتاز فقط لأننا نرى أننا أناس طيبون وصالحون في وقت قل فيه من هم بمثل هذه الصفات
ونتناسى أننا مازلنا في الدنيا دار الابتلاء و الامتحان

[*أم جابر*]

السلامعليكم اختي لا تيسي و الله كيما كاين بنات فاميليا كاين ولاد فاميلي ثاني قال الله تعالى "الطيبات للطيبون" لا تقنطي من رحمة الله

ادعي الله ان يرزقك بالزوج الصالح خاصة في سساعات الاستجابة

[tasnime.souma]

عندك الحق اختي كلامك في الصميم للأسف اولاد الفاميلية لي ماولاوش كاينين و النتيجة بنت الأصل مصيرها القعاد في دار والديها ( عن تجربة )

[nasser26]

اختي رجااااااااااااااااااءا Stop خفي الضغط لي راه عليك .. صح ماشي حاجة ساهلة واش صرالك مي .......


مراناش كيف كيف
أنا راجل مي ضد العلاقات هذوما 200/200 %

صح معظم الرجال هذا الوقت ربي يهديهم ..... ولي ظلم وحدة ربي يخرجها منو أكييييييييد

لكن باش تضمينا كامل للصف لالا و ألف لااااااااااااااااا .... صراتلك حادثة في حياتك غيرتلك حياتك ماشي معناها تغيري نظرة تاعك لكااااااامل الرجال


راجعي حساباتك وتفهمي


ربي يفرج عليك من حيث لا تحتسبين

[*أمة الرحمن*]

شوفي حبيبتي مايستاهلكش انت احسن منه وربي يحبك واختار لك هداالشيء انت انسانه عفيفة وطاهرة ومحافظة وملتزمة وهو غير انت احسن منه بكثير وربي ماحبش عليك وهكدااحسن من شيء اكثر تخيلي حتى تتزوجتوا واكتشفت الخيانه ماداتفعلين ؟الاحسن هكدا افترقتوااليوم هو خليه يعيش في الحرام نتاعه وانت ارضي ربك ويرضيك هو بادنه تعالى ويعوضك خير ااعلم انك مصدومه و نفسيتك تعبانه ولكن لاتحكمي على الكل بانهم مثل هداالشخص فيه رجال وناس ملاح ولاتخافي مادامك تمشي في الطريق الصحيح وبصدق تاكدي انه ربي معك ومايفرطش فيك ويعينك ويدلك دايما على الخير وبادنه تعالى يعوضك بزوج صالح يارب اساله تعالى ان يرزقك الزوج الصالح الطيب الدي يحبك ويحترمك ويسعدك ويرحمك وربي معك اختي ويوفقك يارب

[Adnou Eclypse]

كون جا صح خطيبك هذا متدين و ملتزم و ذو اخلاق عالية . لوكان او ما فرطش فيك ، و كيما قالوا الخاوة ، بكل بساطة او ما يستاهلكش و هي قضية مكاتيب لا غير

[sammar]

http://t2.gstatic.com/images?q=tbn:ANd9GcRsB5IUMFbUlVEo6XY59T-JFnfeck8hxEr1nnoJDetWMW5qoYVODQ

[ana-howa]

.......السلام عليكم
يعد عدة اشهر خطوبة و عقد وقالت انا زوجته شرعا ما نروحش معاه حتى لمكان هي تروح معاه وين بغى ووو قالي روحي اختاري اللي يعجبك

يا أخي لا تتسرع بالرد قبل ما تقرا مليح انا فاهم ردك مليح لكن تبانلي ما فهتش قاع لحكاية و عذرا ماشي هكذا و حتى لو تدقق انو صاحبة المشكلة هذا رد فعل لا اكثر لا اقل

بالنسبة ليك اختي السائلة هي صح صعيبة تمشي بعقلية و يجي شخص يثبتلك انو عقليتك لي عمرك كامل فارحة بيها كيما راكي تقولي غالطة انا نسألك برك هل هذا يستاهل يغير افكارك و قناعاتك ؟؟؟؟

بالنسبة لي هذا ليس رجل ايه هو بغى الحرام ربي يحرقو بيه و انتي علاش حكمك صار هكذا هذا ابتلاء و ربي يهديك و يفرج عليك

[halaa801]

....... السلام عليكم

اررجو ان تعيد قراءة مشكلتها لانها كانت على عقد يعني زوجته شرعا ربي و العباد معاها

[" أبو عبود"]

يجب أن نميز الامور جيدا. قرأ عليها الفاتحة نعم عقد شرعي لكن هل يحق له أن يأخذها إلى بيته قبل ان يتم العرس؟؟؟؟؟؟؟؟؟ وهل هناك من يقبل هذا على أخته؟ إذا كانت زوجته شرعا يأخذها بعرس وبعدها يفعل ما يريد. أنا أعرف ما أقول.

[أمة الله 12]

يا اختي منين جاتو الاخلاق هذا، راهو منافق من الطراز الاول
احمدي ربي اللي سلكك منو،

من يتقي الله يرزقه من حيث لا يحتسب، ربي اذا حب عبدو ابتلاه، ما هوش من حق ربي يبتليك و يختبرك؟؟؟؟؟؟؟؟
صحيح اللي صرالك ماهوش ساهل، ان بعد العسر يسر
الناس ماتو والديهم و راحو عليهم خلاص حزنو شويا و نسو، لانو الدنيا ما تحبس حتى عند واحد

ماديريش في بالك، نظن اللي راهو عندك فراغ ف حياتك، شوفيلك كاش خدمة، حرفة او هواية تحبيها
ما تقعديش حتى دقيقة بيش ما تخميش ف حكاية المنافق هذا

احتسبي اجرك عند بي

[الأرض المقدسة]

نشأتك على الأخلاق الفاضلة والتزامك بدينك - كما قلتي - وعدم سلوكك نهج الذين اتخذو صويحبات - كل هذا وذاك كان ولابد أن تختميه باختيار الزوج المناسب امتثالا لقوله عليه السلام : اذا جاءكم من ترضون خلقه ودينه فزوجوه ....- فالمشكلة تكمن في اختيار الزوج - الشخص الذي تكلمتي عنه - وليست المشكلة ان الصلاح والالتزام - يورث العنوسة أو اعراض الصالحين عن الصالحات - احسني الاختيار أولا - كما دلك نبيك عليه السلام - ثم أنظري هل بقي لكلامك السابق وزنا - رزقك الله زوجا صالحا مصلحا -

[مياسم الصمت]

السلام عليكم ورحمة الله و بركاته

كلمة للأخ أبو عبود

كن منصفا في حق الأخت و لا تكن متحاملا لهذا الحد

تفهم موقفها هي امرأة مجروحة وما تقوله هو مجرد تنفيس ما وجدت غير هنا لذلك

أعد قراءة أسطرها هل فيها ما يدل على أنها ذهبت لبيت زوجها دون عرس
هي قالت انه تركها بعد العقد الشرعي والمدني ولم تذكر ما قلته أنتَ


الاخت صاحبة المشكل الوضع صعب جدا أكيد ويلزمك الوقت الكثير لتنسي ما مر بك من حزن

لكن لما لا تنظري للأمر من زاوية اخرى و أن الله ما أراد لك الارتباط به ألا لانه لم ير فيه الخير لك
فكشفه الله أمامك قبل الوقت
فتصوري لو اكتشفت امره بعد الزواج ألن يكون الأمر أكثر شدة عليك

يلزمك الوقت لتنسي

ابكي ان كان الأمر يريحك

نفسي عن نفسك لأقرب الناس اليك ممن يفهمك

لكن تأكدي أن الله ما أراد بك شرا حين كشف أمره لك بل كان في ذلك الخير ان شاء الله

أرجو من الله ان يرزقك الزوج الصالح و الذرية الصالحة يا رب

[الحلم الجميل]

يجب أن نميز الامور جيدا. قرأ عليها الفاتحة نعم عقد شرعي لكن هل يحق له أن يأخذها إلى بيته قبل ان يتم العرس؟؟؟؟؟؟؟؟؟ وهل هناك من يقبل هذا على أخته؟ إذا كانت زوجته شرعا يأخذها بعرس وبعدها يفعل ما يريد. أنا أعرف ما أقول.

هههههههه راها مكبرة الخط مليح..اقرا جيدا
ام هو مبدا خالف و فقط هههههه (شعب موسوس :d)

ربي يفرج عليك يا اختي و هو وكلي عليه ربي
انها ايام مباركة اكثري من قول حسبي الله و نعم الوكيل
و اياكي ان تضعفي او تتخلي عن مبادئك ..انت تعيشين و تتنفسين لارضاء ربك لا لارضاء عبد ضعيف
اسال الله ان يخفف عنك و يصبرك ...فترة و تمر باذن الله

[الجليس الصلح]

السلام عليكم ورحمة الله
إيه يا بنات حواء تحطمون بعضكم بعض بخرجات غريبة بنت الشارع تحطم بنت الفاميليا
واش دخلوا الراجل في كل هذا؟
نصيحة لبنت الفاميليا اذا تحصلت على زوج متخلق ومثقف فحافظي عليه من بنات مثلك
ان الإغراءات كثيرة اليوم والمرأة الذكية تعرف كيف تجعل زوجها مستغني عن بنات العالم

[جيهان13091991]

راني معاك أختي و أ،ا أيضا كرهت من الزواج غير على هاذ الأشياء و العديد قال لي بأن عقليتي لن توصلني لشيئ على أساس أن من لم تذذهب في السيارة مع فلان هو تخلف ، أنا لم أفهم أين هو التخلف أنا راضية على عقليتي لي عجبو عجبو و لي ماعجبوش ,,,,,,,, و الرجال ذرك يحبو غير الرذيلة ، بزاف بنات نعرفهم دارو الحوايج الباشعين كامل هوما تزوجوا و بنات الفاميليا لالا و الرزق يبقى على ربي أختي المهم ماتتنزليش على مبادئك فهي سامية

[روجين]

الحمدلله ربي سلكك منو في الدقيقة الاخرة تخيلي لوكان تزوجتوا ودارلك هاد الجاست علابالك كارثة و كبيرة و تقولي لوكلن غير راني عازبة و متزوجتوش