ابني لايريد التكلم سااااااااعدوني

[ام محمد امير]

السلام عليكم حبيت نطرح مشكلتي لامهات المنتدى لعندها حل ولا طريقة تساعدني انا ابني في عمرو عام وتسعة اشهر مايحبش يتكلم خلاااااص نحكمو عندي نقولو قول ماماولا بابا يدير روحو مايسمعش يبدا يتعوج ويبكي باش نطلقو يروح كي نقولو وين راه بابا وين راهم ليجوي تاوعك مايعرفش والله كنت شاكة بالي مايسمعش لخطرة نعيط ولا نقعد جامي يجاوبني ولا يجي عندي كي نعيطلو وكنت خايفة نديه عند طبيب قلت نزيدلو ايام واحد المرة لاحظت انو كي يفتح باباه لقاراج لكان راقد ينوض يستنا عند الباب ولا صونا التيليفون منين كان يجي يجري عرفت بالي عنيد وراسو يابس ومايحبش يسمع الهدرة وعلبالكم زادو قلقوني ناس بهدرتهم كل واحد واش يقولي ايييييي وليد فلانة عمرو عام راه يهدر كلش وانت بنك كلمة مايقولهاش والله نفسيا راني تاعبة ...:mad:
عندو هاذ اليمات راه يقول باي باي والو هذامكان ماما مايقولهاش :sdf:
كفاش ندر معاه الله يخليكم ماتبخلوش عليا بردودكم وجزاكم الله الف خير

[ام محمد و ملاك]

السلام عليكم اختى ما تقلقيش روحك انا ولادي حتى لعامين و نص باه يبداو يقولو بابا و ماما دمهم ثقيل لكن عندما يتكلمو يتكلمة هدرة ثابتة و رزينة ادا كان يسمع لباس عليه ما تقلقيش روحك

[عائشة07]

السلام عليكم
ياختي ماديريش على كلام فلانة وفلانة راهم غي يوسوسوك الي تدي منعندو الصح راه طبيب الاطفال
انا تاني كانو يقولولي هدا الكلام على ابني ورجعت مانحبش هادي السيرة ودوك راه عندو عشر سنين يصحح لي لما نقرا الانgليزية هههه ماتقلقيش روحك من هدرت النساء ربي يحفظو لك

[عائشة07]

وجدت هذا المقالة من بابي سنتر ربما تفيدك


متى تستدعي الحالة القلق؟
يتوقف الأطفال الذين يعانون من مشاكل في السمع عن الثرثرة في سنّ الستة أشهر تقريباً. إذا لم يصدر طفلك أي أصوات (أو حتى يحاول) أو لم يتواصل معك بنظرة العين وجهاً لوجه، عليك استشارة طبيبك. في حين يبدأ بعض الأطفال بتكوين كلمات في سنّ التسعة أشهر، ينتظر العديد من الأطفال الآخرين حتى بلوغ شهرهم الثالث عشر أو الرابع عشر. إذا لم يكن طفلك ينطق بأي كلمة عند بلوغه الشهر الخامس عشر، أو ما زلت لا تفهمين أي كلمة يقولها، يجب مناقشة الموضوع مع طبيبك.

إذا استمر طفلك حتى سنّ الثالثة في إسقاط الأحرف الساكنة (فيقول "كل" بدلاً من "كلب" على سبيل المثال) أو يستبدل صوتاً أو مقطعاً بدلاً من الآخر (فيقول "طار" بدلاً من "فار" على سبيل المثال أو "عيس" بدلاً من "عيش"، قد يكون لديه مشكلة في السمع أو التخاطب. تحدثي مع الطبيب لتحديد موعد وعرضه عليه.

أحياناً يتلعثم الأطفال الدارجون (من هم في مرحلة تعلّم المشي) من حين إلى آخر. في بعض الأوقات، يشعرون بإثارة كبيرة لسرد ما يجول في خاطرهم، حتى أنهم لا يستطيعون إخراج الكلام بسهولة. امنحي طفلك الفرصة ليكمل كلامه وتجنبي مساعدته بإكمال الجمل له. قد يشعره هذا بالإحباط ولن يساعده في التعلم.

غير أن التلعثم بصفة مستمرة يحتاج الكشف عليه من قبل معالج مختص بالتخاطب واللغة. عادة ما يحرز الطفل تقدماً أفضل إذا تمّ عرضه على المعالج المختص بعد ستة إلى إثني عشر شهراً من ملاحظة الحالة، بغض النظر عن عمره. يمكنك أن تطلبي من الطبيب العام أن يحيل حالة طفلك إلى المعالج المختص، إلا أن معظم أقسام علاج مشاكل التخاطب واللغة سوف تقبل أيضاً التوجه إليها مباشرة من الآباء والأمهات القلقين على أطفالهم.

[oum radja]

السلام عليكم
يااختي الكريمة مسيتيني في الجرح
انا تاني ولدي عنده نفس المشكل وراه عنده عامين و5 اشهر مازال ما يهدرش
ولاحظت فيه هاذ الشي وتقلقت بالزاف مانكذبش عليك في الاول كان مايشوفش في عينيا وكي نهدر معاه ما يفهمش كان يتفرج لطيور الجنة بالزاف وكي يسمعها من بلاصة بعيدة يروح يجري ليها وكي نعيط له مرات ما يستجيبش
ديته عند اوغتوفونيست اي اخصائية نطق وتخاطب قالتلي حبسي عليه طيور الجنة مايزيدش يشوفها وكي بدات تعيط له ماكانش يستجيب قالتلي ممكن يكون ما يسمعش او عنده نقص في السمع
المهم انا بغيت نحي الشك مع اني نعرف بلي يسمع ديناه لعيادة خاصة في وهران داروله اشعة وتاكدت والحمد لله بلي يسمع مليح
وقالتلي الاخصائية انو في هاذ السن مانقدرش نحكم عليه بلي ما يتكلمش يعني مازال صغير وطلبت مني ندير له تمارين لتقوية عضلات الفم يعني ينفخ بالونة او يطفي شمعة وتاني يدير العاب الفقاعات بالصابون
وعلميه يحرك لسانه يعني يخرجه و يميله مرة لليمين ووالشمال وتاني لفوق ولتحت
وبصراحة انا ولدي تعبني بالزاف ماكانش يستجيب لهاذ التمارين
ونصحتني نعطيه مربى الكابويا ونفعه بالزاف ملي وليت نعطيه ياكله تحسن تركيزه
واعطيه ياكل الجوز و التمر تاني
ودرك را يكون يلعب يقول ماما ماما ويقول انا انا بالصح نطن انو يقولها هاك وخلاص يعني ما ينادينيش بيها
الله يعطينا الصبر
وراه كاين هنا موضوع دارته وحد الاخت اقريه كاملا ممكن يفيدك

[oum radja]

هاهو الموضوع اختي نتمنى يفيدك ولو بقليل
http://www.djelfa.info/vb/showthread.php?t=1525224

[ام محمد امير]

السلام عليكم
يااختي الكريمة مسيتيني في الجرح
انا تاني ولدي عنده نفس المشكل وراه عنده عامين و5 اشهر مازال ما يهدرش
ولاحظت فيه هاذ الشي وتقلقت بالزاف مانكذبش عليك في الاول كان مايشوفش في عينيا وكي نهدر معاه ما يفهمش كان يتفرج لطيور الجنة بالزاف وكي يسمعها من بلاصة بعيدة يروح يجري ليها وكي نعيط له مرات ما يستجيبش
ديته عند اوغتوفونيست اي اخصائية نطق وتخاطب قالتلي حبسي عليه طيور الجنة مايزيدش يشوفها وكي بدات تعيط له ماكانش يستجيب قالتلي ممكن يكون ما يسمعش او عنده نقص في السمع
المهم انا بغيت نحي الشك مع اني نعرف بلي يسمع ديناه لعيادة خاصة في وهران داروله اشعة وتاكدت والحمد لله بلي يسمع مليح
وقالتلي الاخصائية انو في هاذ السن مانقدرش نحكم عليه بلي ما يتكلمش يعني مازال صغير وطلبت مني ندير له تمارين لتقوية عضلات الفم يعني ينفخ بالونة او يطفي شمعة وتاني يدير العاب الفقاعات بالصابون
وعلميه يحرك لسانه يعني يخرجه و يميله مرة لليمين ووالشمال وتاني لفوق ولتحت
وبصراحة انا ولدي تعبني بالزاف ماكانش يستجيب لهاذ التمارين
ونصحتني نعطيه مربى الكابويا ونفعه بالزاف ملي وليت نعطيه ياكله تحسن تركيزه
واعطيه ياكل الجوز و التمر تاني
ودرك را يكون يلعب يقول ماما ماما ويقول انا انا بالصح نطن انو يقولها هاك وخلاص يعني ما ينادينيش بيها
الله يعطينا الصبر
وراه كاين هنا موضوع دارته وحد الاخت اقريه كاملا ممكن يفيدك








شكرا اختي على الرد والله يا اختي ليقولك التلفاز عائق ومايخليش الطفل يهدر والله ما امنت على خطرة وليد سلفتي يظل يتفرج فيه بالصح كي تعيطلو ماماه يجاوبها وكي تقولو ارواح عندي ولا جيبلي كشما حاجة يفهمها وهو عمرو غير عام في هذي لانا تقلقت من وليدي مايفهمنيش خلاص حتى نعود نعيط والله مرات ييغي يشرب مايقوليش نشرب ولا الماءيجيبلي لقرعة بالي مديلي نشرب مرات مانمدلوش نقولو اهدر قولي الماء يبقى غير يبكي مليت والله. ..ربي يجيب الخير

[ام محمد امير]

السلام عليكم
ياختي ماديريش على كلام فلانة وفلانة راهم غي يوسوسوك الي تدي منعندو الصح راه طبيب الاطفال
انا تاني كانو يقولولي هدا الكلام على ابني ورجعت مانحبش هادي السيرة ودوك راه عندو عشر سنين يصحح لي لما نقرا الانgليزية هههه ماتقلقيش روحك من هدرت النساء ربي يحفظو لك

شكرا اختى ربي يخليك

[ام محمد امير]

السلام عليكم اختى ما تقلقيش روحك انا ولادي حتى لعامين و نص باه يبداو يقولو بابا و ماما دمهم ثقيل لكن عندما يتكلمو يتكلمة هدرة ثابتة و رزينة ادا كان يسمع لباس عليه ما تقلقيش روحك

ان شاء الله ربي يجيب الخير

[ASYA84]

راه نفس المشكل عندي ولدي عندو عامين وشهر ينطق كلمات فقط ماما بابا جدي نانا دادا وكلمات قليلة السمع يسمع عادي كي يشوف حاجة تاع باباه يحد يدو عليها ويقول بابا انا عندي بنت سلفتي اقل من بشهرين سبحان الله ذكاء غير معقول وفهامة الله يبارك كي نشوفها تهدر نغير ونقول ولدي وقيلا مريض بصح كي سقسيت قالولي عادي كاين اللي دمهم ثقيل يطولو باش يهدرو بصح كي يبداو يهدرو مباشرة بالجمل يعني الطفل يكون يخزن الكلمات ربي يكون الخير

[ام ملاك.]

ماتتقلقيش راه ثقيل برك انا بنتي ماجات تهدرلي حتان ركبني الشك ووليت نتقلق كي كاش واحد يقولي فلانة و فلان راهم صغار ويهدرو
بصح بدات تتسرح غير بلعقل وكيفاش فقت خاطرش عايشة وحدي وكي نروح لدارنا نلقاها يعجبها الحال تلعب وتعيط وتهدر يعني الذراري يحبو الغاشي باش يهدرو
ودرك راهي 4 سنين الله يبارك وهدرتها نحسها مزال ناقصة بزاف والله مانخبي عليك ديفوا نخاف سورتو كي نتفكر العام الجاي ان شالله تدخل للتحضيري نقول كيفاش رايحة تقرى
ربي مافيه غير الخير رانا صابرين وخلاص

[عطر الجوري]

toour ljana hya sbab lmachakil na7uha w rayii kharjou wladkoum lel park yela3bou m3a drari khalouhoum yela3bou b trab yti7ou yebkou yodorbohom yodorbo homa ana weldi machaalah 3amin w nos yahdar kolchi 7ata nenkhla3 fihh hhhhhhhhhh besa7 mechi 7absatou fe dar welah nkoun ta3bana w babah khadem b3id nkharjou yel3ab nahdar m3ah lazem ye7tak bel atfal bon courage

[zineb_saib]

يااختي راكي خير من ناس بزاف
تشوفي سلفتي بنها كارثة مسكين عمرو ثلاث سنوات وحاجة ومنطقش لحد الان يعرف غير يقول عمي وماما وميحاولش يهدر اصلا وكي تناديه ميشوفش فيك وميفهمش بلي راكي تناديلو ونهار كامل وهو يجري ويسلم على اختو الصغيرة

[أبو خالد سيف الدين]

إسمحي لي أختاه أن أجيب من خبرتي كأب

ما إستنتجته من خلال كلامك ربما يكون الخلل في طريقة تعاملك مع إبنك, فإن كنت تُظهرين إستياءك للطفل أو انه يلاحظ عليك نرفزة أو شئ من هذا القبيل فالطفل لن يتجاوب و الدليل على هذا الإستنتاج هو بكاء الطفل عندما تُصرين على إستنطاقه

يجب أن تعرفي أولاً أن سن النطق عند الأطفال يختلف من طفل لأخرو تأخر النطق ناتج عن عدة أسباب منها بيولوجية و إجتماعية, فقد يكون الطفل سليم من الناحية البيولوجية لكنه يتأخر في نطق الكلمات بسبب البيئة التي يعيش فيها

حاولي أن تحفزي طفلك على الكلام بطريقة لبقة ... بالإبتسامة و العطف و الحنان و حاولي دائماً جلب إنتباهه من دون أن يشعر أنه مُراقب,أو بطريقة الأطفال البريئة بحيث تتعاملي معه كأنك طفلة و ستلاحظين تجاوب الطفل

من المهم جداً أن يرى الطفل أطفال مثله و يلعب معهم حتى لا يكون في عزلة تسبب له خلل في شخصيته

و ملاحظة هامة: علمي طفلك الأشياء بمسمياتها حتى ينمو بمنطق صحيح و اجتنبي تعليمه أسماء: نونو ... بوبو ... توتو و غيرها

بودي أن أستطرد في الموضوع لكن الوقت داهمني

وفقك الله

[" أبو عبود"]

السلام عليكم
لا تقلقي سيديت الامر بسيط جدا. اقطعي عليه التلفاز نهائيا. لا تعطيه اي شيء حتى تجعليه يطلبه. عنما يطلب مثلا ماء اريه شهؤ آخر وقولي لها مثلا قهوة او ماء ولا تعطيه حتى يقول ماء وكل مرة هكذا سوف تجعله الحاجة يتكلم. ولدي كان مدمن طيور الجنة لا يبكي لا يتحرك فقط عندما يجوع يبكي والباقي مع طيور الجنة. قطعناها عنه وبدا يتكلم وكان يعاند بشكل فضيع لكن مع مرور الوقت اصبح يسالني اسئلة كثيرة ويريد ان يعرف كل شيء. ملاحظة اخرة اجعليه يلعب مع اطافل من مثل سنه سوف يقلدهم كثيرا وهذا سوف يعطي نتيجة جدية باذن الله

[fadi02]

يا نسا بليز ما تخلزش ولادكم قدام التلفزيون و خاصة طيور الجنة و الله العضيم يمرضو بمرض التوحد الطفل لازم لازم يتواصل مع العائلة يتكلم يخرج يلعب انا اتحدث عن تجربة والله العضيم هده القناة تدمر الاولاد لازم تتواصلو مع اولادكم خليه يبكي خليه يخرج يضبوه الدراري يضرب اطيح انوض يجري و لكن في الاخير يخرج طفل سليم و الله العضيم خممت نبعث للتلفزيون يعملو روبرتاج على هدا الموضوع لان خطير جدا

[ام ياسمين10]

اختى للاسف كتبتلك رد طويل عريض وراح النت مهبلتنى
المهم ربى يشافى وليدك راه مزال صغير ...تاكدى انه سليم السمع من بعدها اديه عند اورتوفونيست اخصائى نطق وهو يعرف واش عندو مشكل

[ام محمد امير]

شكرا على كل ردودكم .وبخصوص لقالولي ماتخليهش يتفرج التلفاز انا جربت مرة ماخليتوش يتفرج والله مالقاش واش يدير ولا دورها غير يبكي ويلعب بالماعن ويخبط فالحوايج وليت شعلتلو يتفرج ،،وبخصوص الاطفال انا عايشة وحدي وماعنديش اطفال ليلعبو معاه غير ولا اختي بالصح كبار بزاف راني نخمم ندخلو للروضة كل واحد واش يقولي ماهيش مليحة ويضربوهم والله راني حايرة.

[ga3da asila]

سلام عليكم نفس المشكل والله حائرة ولدي عنده عامين و 4 اشهر كي ديتو للطبيب قالي تتقلقي من 3 سنوات حتى 3 سنوات ونصف قالي ثقيل راني نقارع بالاك يهدر قبل و صحيح طيور جهنم انا نقولها ملي زاد لاصق فالتلفاز كارثة ربي معانا ان شاء الله و يشفينا اولادنا و كامل يولو يتكلمو في اقرب وقت

[ام محمد امير]

inchallah ya okhti

[أمّ علي]

اختي انا عشت نفس القصةمع ابني كان في عمراربع سنوات ولم ينطق الا ببعض الكلمات اخبرني زوجي بان المشكل نفسي . خاصة انني زدت طفلة تصغره بسنة وكان جل اهتمامي بالفتات بحكم صغرها ولم ادرك انه يغار من معاملةلها .لكن نبهني زوجي ان اتعامل معهم و كانهم توام واقتربت اكثر من ابني وادخلته الروضة حتى يندمج مع الاطفال صدقيني الان هو يدرس السنة الثانية بتفوق.

[oum radja]

اختي انا عشت نفس القصةمع ابني كان في عمراربع سنوات ولم ينطق الا ببعض الكلمات اخبرني زوجي بان المشكل نفسي . خاصة انني زدت طفلة تصغره بسنة وكان جل اهتمامي بالفتات بحكم صغرها ولم ادرك انه يغار من معاملةلها .لكن نبهني زوجي ان اتعامل معهم و كانهم توام واقتربت اكثر من ابني وادخلته الروضة حتى يندمج مع الاطفال صدقيني الان هو يدرس السنة الثانية بتفوق.

ربي يخليك اختي طمنتينا

[ام ياسمين10]

مشكورة اختى طمنتينا على فلذات اكبادنا

[ام ياسمين10]

مشكورة اختى طمنتينا على فلذات اكبادنا

[jawada22]

انا ولدي ملي قلعتله الاجهزة الالكترونية و طيور الجنة و الميكيات راه ينطق مرة مرة كلمات عنده 3 سنين ..الحمد لله

[~~ أغيلاس ~~]

السلام عليكم؛

ابنة اختي فاتت عام شوية صارت تتكلم و كأنها عجوزة صغيرة لكن مخارج حروفها كارثة، القاف ألف و هلم جرا،

و ابن أختي الاخرى فات عامين و احنا نضحكو عليه، لما نحب نزعفها نقولها: ابنك بكوش، شوفي لالاه كي كانت قدو كانت تحكي حكايات،

ابنة اختي التي تكلمت في سنة و شوية الآن عمرها أربع سنوات و لازالت مخارج حروفها معوجة، لا تنطق الحروف جيدا،

أما ابن أختي الأخرى فهو الآن ثلاث سنوات، و بدأ يتكلم جيدا منذ شهرين فقط و سبحان الله، مخارج حروفه سليمة جدا و كأنه ابن تسع سنين،

يعني اللي قلنا عليه بكّوش صار افصح واحد في أطفال العالئلة،

ــــــــــــــــــــ

بالنسبة لصاحبة المشكلة؛

اعرضي ابنك على الطبيب فإن قال أنه سليم فلا تنزعجي أبدا.

[ام محمد امير]

السلام عليكم؛

ابنة اختي فاتت عام شوية صارت تتكلم و كأنها عجوزة صغيرة لكن مخارج حروفها كارثة، القاف ألف و هلم جرا،

و ابن أختي الاخرى فات عامين و احنا نضحكو عليه، لما نحب نزعفها نقولها: ابنك بكوش، شوفي لالاه كي كانت قدو كانت تحكي حكايات،

ابنة اختي التي تكلمت في سنة و شوية الآن عمرها أربع سنوات و لازالت مخارج حروفها معوجة، لا تنطق الحروف جيدا،

أما ابن أختي الأخرى فهو الآن ثلاث سنوات، و بدأ يتكلم جيدا منذ شهرين فقط و سبحان الله، مخارج حروفه سليمة جدا و كأنه ابن تسع سنين،

يعني اللي قلنا عليه بكّوش صار افصح واحد في أطفال العالئلة،

ــــــــــــــــــــ

بالنسبة لصاحبة المشكلة؛

اعرضي ابنك على الطبيب فإن قال أنه سليم فلا تنزعجي أبدا.

جزاك الله خيرا