ابني سقط من على السلالم وموقف زوجي

[امينة مناد]

السلام عليكم
ابني الرضيع ذو 11 شهر كان في المشاية يلعب ومن بعد ابنت عمه الصغرى فتحت الباب وانا لم انتبه لها فولدي ذهب وراءها فسقط من على السلالم والحمد لله جاءت الاصابة طفيفة على مستوى فمه.................وحينما سقط ابني انا صرخت لان السلالم عالية وخفت ان تكن الاصابة متفاوت ..............وزوجي كان في البيت برايكم ماذا يفعل ..جاء وبدا يضربيني وقال لي لم تحرسيه جيدا فهو لم يلتفت لابنه كي يرى مابه وانما اهتم لامري وبدا بشتمي وسبي وعندما طلبت منه اخده لطبيب لكي نتفقد الاصابة قال لي اذهبي انتي لانك اتني من اسقطته .....نعم انا ذهبت بدونه الى المستشفى لوحدي بل قد استاجرت سيارة اوصلتني الى العيادة وارجعني تخيلوا هل هكذا يتصرف الاب مع ابنه والزوج مع زوجته .........كان من المفترض ان يحضن ابنه ويسارع في اسعافه لا ان يلتفت الي وينعتني ويضربني

[الجواهر]

مسكين تخلع على ابنه .. ربما انت خرجت و هو بدا يبكي
مازالت الحياة طويلة لتكتشفي زوجك .. موقف واحد لا يمكنك ان تحكمي عليه فردة الفعل تختلف من شخص الى شخص و قد تكون ردة الفعل لا تخطر على البال ابدا
لهذا اصبري

[life is life]

السلام عليكم
ابني الرضيع ذو 11 شهر كان في المشاية يلعب ومن بعد ابنت عمه الصغرى فتحت الباب وانا لم انتبه لها فولدي ذهب وراءها فسقط من على السلالم والحمد لله جاءت الاصابة طفيفة على مستوى فمه.................وحينما سقط ابني انا صرخت لان السلالم عالية وخفت ان تكن الاصابة متفاوت ..............وزوجي كان في البيت برايكم ماذا يفعل ..جاء وبدا يضربيني وقال لي لم تحرسيه جيدا فهو لم يلتفت لابنه كي يرى مابه وانما اهتم لامري وبدا بشتمي وسبي وعندما طلبت منه اخده لطبيب لكي نتفقد الاصابة قال لي اذهبي انتي لانك اتني من اسقطته .....نعم انا ذهبت بدونه الى المستشفى لوحدي بل قد استاجرت سيارة اوصلتني الى العيادة وارجعني تخيلوا هل هكذا يتصرف الاب مع ابنه والزوج مع زوجته .........كان من المفترض ان يحضن ابنه ويسارع في اسعافه لا ان يلتفت الي وينعتني ويضربني

الحمد لله على سلامته يا اختي ربي يشافيه ، بخصوص موقف زوجك اخذ اكتر من اللازم لانو لو كان موقف عادي قد يضربك بصفعة مثلا او يدفعك من طريقه و يسارع الى ابنه و لكن زوجك لم يذهب لابنه ابدا حقا غريب موقفه خصوصا انه لم يتوجه بابنه للمستشفى

لا ارى ان هذا سبب ليسبك و شتمك و ضربك و ابنو طايح // شوفي مليح يا اختي و راجعي نفسك كاش ما درتي لانو هذا موش سبب بل كانت القـطرة التي افاضت الك\اس ربما او أنك لم تفعلي شيئا و لكن هنالك من حرضه ضدك
و ما دامك خصصتي موضوع بشأن هذا الموقف فاكيد ليست بردة فعل لا ارادية

أما اذا كان هذا موقفه نحو ما حصل لابنه كونو '''' ردة الفعل تختلف من شخص الى شخص و قد تكون ردة الفعل لا تخطر على البال """ فغريبة هي كرة المواقف o.O
و ان شاء الله نكون مخطئة ما ديريش عليا لانو هذا رايي و ربي لا يفرق بينكم و اصبري اختاه
و لكن يجب ان تتحري الامر لوحدك و تحلّي المشكل قبل ما يزيد يكبر

سلام

[" أبو عبود"]

هل تريدين منا ان نشتم زوجك وننعته بنعوت لا يمكن سماعها؟ صراحة تصرفه هذا تصرف ارعن وهذا عديم المسؤولية ولا ادري لم يتزوج بعض الناس مادامو عاجزين عن حسن التصرف. كان الله في عونك

[noeddin]

راجلك فيه لينير

[أَحمــد]

لحظة غضب عابرة ... وانسي الأمر

[~~ أغيلاس ~~]

السلام عليكم؛

ابن يسقط و لا يتفقده! زوجة تأخذ الابن إلى المستشفى و الزوج يتفرج!

تصرّف غير مسؤول من الزوج، و يُرجَى أن يكون تصرفا عابرا،

تأكدي من سلامة الطفل جيدا، الكثير من الأطفال لما كبروا صاروا بتشوهات على مستوى العمود الفقري و إعاقات حركية مزمنة بل و دماغية و السبب سقوطهم في مرحلة الرضاعة و تهاون الأولياء في الفحص.

[سهيلة2013]

هم هكذا اللوم يعود دوما للام

[optimism]

السلام عليكم
ماعسانا ان نقول ,,,,,,,هو,في الاخير,,,,,,,,,,زوجك ,,,,,,,,,,وابو اولادك
ماعليك الا بالصبر والصبر

[امينة مناد]

السلام عليكم
الحمد لله ابني ربي لطف بيه وراهو مليح ......اتخيلو وليدي كان في المشاية وغير فتحوا لباب هو اخرج وراح في الدروج وهذوا ادروج عاليين بزاف والحمد لله طاح وهوا داخل المشايه الحمد لله كي مخرجش منها لوكان خرج الضربة كانت قاوية يعني المشاية هي الي حماتوا ..............يالطيف مجنيش النوم مازات العيط تع وليدي في ودني ولبكا ديالوا مقدرتش ننسا ..............اما راجلي هو دايمن تاكل اعليا انا الي نجري بدراري هو اعليه يخلص برك ويمد الدراهم ..............ايه مكلاتوش ارجلا وقال مرتي تركب مع كلونديستا وحدها ولا خمم على وليدوا ورفدوا وداه ..جاه اعليا برك انا على اساس اني ام مهملت .............وزيد كي كنت خارجة نديه لطبيب قالي اديه ومتوليش...........يعني لوكان ولله غير جات دارنا دار غير انروح ونشفيه..........بصح راكم تعرفوا لمرا كي تتزوج وجيب ادراري كيفاه اتولي .متبقالهاش ابلاص في دارهم

[saqrarab]

الحمد لله ان ابنكي بخير
اما زوجك اختي فهو من النوع العصبي وهذا النوع من الناس يكون مثل الطفل الصغير لا يمكنكي ان تفسري او تفهمي تصرفاته
تصرفاته وانفعالاته غير منطقية وغير عقلانية مبنية على العاطفة فقط
.

[ام مهدي 03]

كما قال الاخ ابو فراس والاخت جواهر لحظة غضب ومرت .انت لا تدرين ما فعله بعد خروجك
المهم الحمد لله على سلامة ابنك

[مريم الصابرة]

السلام عليكم اختي
اولا على سلامتو إبنك راه في سن يوقع فيها حتى لو ماكانش فالمشاية راه كل وقت الآن يطيح هذا سنو والدو وإنت لازم تفهمو ويعرفو خير مني اللي عندهم اولاد كل ما يحرب يحبو او يمشي راح يطيح هذا امر عادي
بالنسبة لتصرف زوجك ولو مخطئ لكن اختي رد الفعل مختلف من شخص لآخر كاين يتخلع كاين مريض يطيح يتغم كل واحد ورد فعلو هو مباشرة اول ما عيطت جا ليك إنت لقاك في طريقو والغضب منك لانو في بالو ما حرصتيش عليه برك ولو إنت مش ذنبك هكذا هوما الرجال الله غالب ما عندك ما ديري أختي أعذريه برك وما ديريش مشكل كبير ولما تتناقشو فهميه هذا رد فعل عادي وراح تتوقعي اكثر منا وجاي الله غالب طبعو فالتعبير هذا هو
ربي يشافي إبنك وعلى سلامتو
شكرا

[تينا ماريا]

الحمد لله على سلامة ابنك
بالنسبة لزوجك ربي يهديه و انتي اصبري و ادعيلو ربي يهديه صدقيني الدعاء يدير المعجزات

[امينة مناد]

شكرا على الردود انا الان في حالة جيدة لاني ارى ابني يلعب ويتحسن والحمد لله اما زوجي فقد نسيت امر هذا الموقف وهذا بفضل ردودكم وتعاونكم معي ......................

[متمنية]

الله يكووون فى العون الراجل كى طفل الصغير لازملو المساعفة ربى يصلح ما بيناتكم

[سآجدْ للهْ]

انا بعد كيما كنت صغير بالمشاية وطحت من مكان مرتفع والضربة جاتني في العظمة لي فوق عيني..وأصبح نصف وجهي ازرق المهم سلآآآآآآمات هههـ
ان شااء الله سلامات مع ولدك و هو لازم يجري ويطيح ووو بصح عسّيه مليح لأنو زوجك مهمل من هاذ الناحية
واش نقولك راجلك تصرافاتو خآآطية خلآص..
قومي الليل وآدعيلو في صلآآتك يهديه ربي ويصلحو واصبري ويفرج عليك ربّـي ان شااء الله
+ما تستهينيش بالدعاءء لربي

[عبد الله 22]

زوجك يعتقد انك أم مهملة لهذا تصرف معك بهذا الطريقة كرسالة ربما هي بطريقة غير مقبولة لكن هي رسالة من زوجك حاولي تصحيح نظرته كأم مهتمة

[عائشة07]

الصبر يا اختي وحاولي تتقربي من زوجك وتقربيه ليك لانو راه قال لك (ماتوليش ) يبدو انو كاين خلافات عالقة وهدي الطيحة كانت النقطة الي افاضت الكاس ومن ناحية اخرى انا افهم غضبه بخصوص وقوع ابنه من الدرج ماهيش حاجة ساهلة والحمدلله جات سالامات وتبانلي كل الازواج يلومو الامهات على اي اذى وقع الاولاد وكاين الي (يضربو )وزوجك نفعل او تخلع وكانت ردت فعل غير مسؤولة اي من النوع الي يفقد اعصابه
فما عليك الا الصبر .
وحاولي تنحي طبيعة الضرب من زوجك بطريقة سليمة اي بدون مشاكل لانو ابنكم راه يكبر ويتالم كي يشوف امه تنضرب ربي يهدي زوجك
كنت تغلق الباب بالمفتاح مين نحط بنتي فالمشاية نخاف خوها يفتح يخرج وتلحقه كنت نخاف من هدي الحادثة ربي يحفظهولك
يقول المثل ( لما تتقدر الاقدار تعمى الابصار)

[ام ملاك.]

تصرف غريب جدا
ماعرفت واش نقول غير ربي يهديه
الحمدلله على سلامة وليدك

[raboha]

الحمد لله على سلامتو و إن شاء الله هذي الطيحة التالية
عندي بنت صغيرة عليه بشهرين و الله نظل نعس فيها و أنا اللي نتبعها وين تروح نمشي موراها و الله نخاف من الطيحات متعرفيش قاع واش يصرا
أما موقف زوجك أنا من جيهتي عادي لخطرش راجليي كيما هو كي تمرض بنتي الكبيرة غير بالهوا يحملني المسؤولية و كي تبات تنازع فالليل جامي يرفدها و لا يجبدها عندو و يحن عليها
الله غالب كل واحد و عقليتو و هذو رجالنا و رانا معاهم بأولادنا
كاين رجال و الله حنان كثر من النسا
معليهش ختي طولي بالك معاه و متعرفيش بالاك مخبي محنيتو و في هذا الموقف بالاك محملش إشوف وليدو مجروح
الصح قاع كي برالك الغالي و ربي يخليكم ليه و يخليهلكم

[nadiatlemcenia]

الحمد لله على سلامة ولدك وهذا هو المهم في الامر
اما عن زوجك فانت ادرى به وبطباعه ونقول حاجة اختي اصبري وخلاص يلا بقات على الهدرة درك تديك للطريق مسدود اطلبي ربي يهديه