ابني ينهج ساعيدوني

[meriem04]

صباح الخير ابني عنده شهر وكام يوم دائنا ينهج كي يشرب الحليب وهو راقد راه خوفني بزاف والله ماني عارفة واش بيه ينهج بصوت واضح ومسموع
خايفة كشمة حاجة
مع العلم عندوا غازات في البطن وعلى طول يعصر ويعصر حتان خرجت سرتوا واش نديرلوا راني نستعملوا في غاز بيبي
عيشكم كل من يدخل ومعندوش جواب على الاقل يدعيلوا بالشفاء يارب

[Napia]

اختي من الاحسن تديه لطبيب الأطفال بلاك عندو مشكل في التنفس عليها ينهج و
وعلى الغازات ديرلو كمون
ربي يشفيه وعينك
وطمنينا عليه

[miloumilou]

ربي يشافيه واش معناها ينهج? إذا معناها يتقيا يمكن lle reflux
أما les gazs أدلكيلو كرشو بلعقل
إذا تقلقتي بزاف إديه عند الطبيب
إنشاء الله ما يكون غير الخير

[" أبو عبود"]

السلام عليكم
بالنسبة للغازات اطبخي زريعة البسباس وحبة الحلاوة واعطيه شوية برك وما دام بعد ما يشرب الحليب يعني غازانت وليس مشكلة تنفس. لا تعطيه الحليب ساخن اتركيه حتى يفتر . وطبعا هذا كله بعد أن تستشيري طبيب الأطفال ويخبرك أنه ليس لديه أي مشكلة.
وإن شاء الله الامر بسيط.

[fadi02]

وا راكي تسناي ادي وليدك لطبيب الاطفال الا عندو مشكل اداويه الا ما عندوش تطمني

[life is life]

اختي ادهنيله بزيت زيتون ديريله مساج للبطن برفق
و تنجمي تغليلو ملعقة صغيرة يانسون و ديريله فلبيبرو يشرب شويييية برك
هذا فيما يخص الغازات اختي اذا راكي ترضعيه بلبيبرو ربما لحليب ماواتاهش كون تروحي عند طبيب يبدلهولك اه و لااااازم تراعي اكلك اذا راكي ترضعيه رضاعة طبيعية كاين بعض الاشياء لي مالاااازمش تاكليهم من بينهم الخيار وووو المهم باه تكون عندك شمولية حوسي في قوقل

اما هاذي ينهج و الله ما فهمتها و اذا ما فادش شي لي قلتهلك يا اختي اديه عند طبيب احسن شي