زواج الاخت الصغرى قبل الكبرى

[oum imane83]

عندما يجي خاطب للبنت الصغرى قبل الكبرى كيف تكون ردة فعل والديها .:confused:. يقبلو بشكل عادي ولا يرفضو حتى ان تتزوج الي قبلها

ردت فعل الاخت الكبيرة تزعف على اختها الصغرى وتحقد عليها :confused: ولا تعتبرو شيء عادي تفرح لها وتباركلها وتفهم بان هاد شيء مكتوب ربي ورترضى بيه :confused:

ما هي رؤية محيطنا ومجتمعنا لهاد الشيء :confused:




رنا عايشين في المجتع ونشوفو بانه يوجد حالات وين غير تتزوج الصغيرة بعد اشهر فقط تتبعها الكبيرة .....

اليكم الخط ا لي عاش هاد التحربة ولي عنده احد من معارفه حدث معه هاد الشيء و ولي حاب يزيد اي اضافات هيا تفضلو مرحبا بيكم http://www.djelfa.info/vb/images/icons/mh51.gif

[ام مهدي 03]

اظن ان الامر عادى .بالنسبة لتجربنى فى بيتنا.
نحن 4 بنات .انا رقم 4 .تزوجت اختى الثالثة وبعد شهر تزوجت اختى الثانية ثم بعد 3 سنوات تزوجت الاولى واخيرا بعد سنتين تزوجت انا
لم تكن الغيرة ابدا بالعكس عندما خطبت اختى الثالثة كانت فى اخر عام لها فى الجامعة واختى الكبرى هى التى ساعدتها ماديا كثيرا لانها كانت عاملة
والله قضية مكتوب فقط

[biologie2001]

بالنسبة لنا عادي جدا .. تزوجت الثانية و من بعدها الثالثة و تزوج اخي و كانت زوجته اصغر من اختي الكبيرة و خطبنا للثاني و نفس الشيء و من بعدها تزوجت الكبرى .... و اختي الصغرى تزوجت قبلي ...... كل واحد و مكتوبه

[ولد حمد الباتني]

هاذ العادات كامل تاع جهل ولكن في بعض الأحيان عائلات نعذروهم كي يرفضو تزويج الصغيرة حتى تتزوج لكبيرة خاصة اذا الصغيرة مازالت صغيرة ولكبيرة ماكبارتش ...
مثلا طفلة 25 سنة وختها الصغيرة 18 خطبوها هنا نورمال مايمدوهاش حتى تتمد لكبيرة وفي الكثير من الحالات حتى الصغيرة تحشم وترفض بسبب ختها ...
وعلى العموم ألي جاها مكتوبها تتزوج والسلام

[oum imane83]

اظن ان الامر عادى .بالنسبة لتجربنى فى بيتنا.
نحن 4 بنات .انا رقم 4 .تزوجت اختى الثالثة وبعد شهر تزوجت اختى الثانية ثم بعد 3 سنوات تزوجت الاولى واخيرا بعد سنتين تزوجت انا
لم تكن الغيرة ابدا بالعكس عندما خطبت اختى الثالثة كانت فى اخر عام لها فى الجامعة واختى الكبرى هى التى ساعدتها ماديا كثيرا لانها كانت عاملة
والله قضية مكتوب فقط




شفتي كل واحدة و مكتوبها ... ربي يبارك فيك وفي اخواتك ويديم المحبة بيناتكم ... مكانة الاخت لا تضاهيها اي مكانة ..اسعدني مرورك

[oum imane83]

بالنسبة لنا عادي جدا .. تزوجت الثانية و من بعدها الثالثة و تزوج اخي و كانت زوجته اصغر من اختي الكبيرة و خطبنا للثاني و نفس الشيء و من بعدها تزوجت الكبرى .... و اختي الصغرى تزوجت قبلي ...... كل واحد و مكتوبه


ربي يهنيكم ويديم اواصر الاخوة والمودة ...

http://im58.gulfup.com/KqevxG.jpg

[oum imane83]

هاذ العادات كامل تاع جهل ولكن في بعض الأحيان عائلات نعذروهم كي يرفضو تزويج الصغيرة حتى تتزوج لكبيرة خاصة اذا الصغيرة مازالت صغيرة ولكبيرة ماكبارتش ...
مثلا طفلة 25 سنة وختها الصغيرة 18 خطبوها هنا نورمال مايمدوهاش حتى تتمد لكبيرة وفي الكثير من الحالات حتى الصغيرة تحشم وترفض بسبب ختها ...
وعلى العموم ألي جاها مكتوبها تتزوج والسلام



. كل عائلة وكيفاش طريقة تفكيرها كاين الي تشوف امر عادي المهم مايكونش حائل لزواج بنتهم بسبب الاخت الكبرى ومامنين بالمكتوب وكاين عائلات مازالهم متمسكين بعقلية موحال يزوجو الصغيرة قبل كبيرة يعني كل واحدة و دورها من الاكبر للاصغر ونفس الشيء للدكور ........

شكرا ليك اخي على مشاركتك الطيبة .......بارك الله فيك ..

[oum imane83]

واحدة في عائلة زوجي جاوها خطابة هي راضية لكن اختها الكبيرة عليها ماحبتش وزيد مخاصمتها و ماتهدرش كامل معاها ... ;lووالديها حايرين كيفاش يعملو مازال مرجعوش الجواب لاهل الخاطب سواء باليجاب او السلب ... من جهة ماحبوش يظلمو الصغيرة ومن جهة اخرى شافو وكانو عيب يعطيوها قبل الكبيرة

[thamourth]

هههههههههههههههههههههه
نعم عادي


اخواتي تزوجوا ههه هكدا من الصغرى الى الكبرى ههه


الجميل في الامر ان الكبيرة خدامة زوجت الصغير بصواردها امبعد تزوجت هي


و الاجمل اللي كبيرة فيهم هههه راهي تربيلهم ولادهم ههه


ان شاء الله كامل بنات فاميليا يجيهم مكتوبهم و يتهناو.....هههه

[الجليس الصلح]

أرى من الأحسن أن تتزوج الكبرى قبل الصغرى تجنبا للغيرة والكراهية في العائلة
ان العا ئلات اليوم لا تهتم وتترك الحرية للفتاة وبالتالي تبقى الكبرى تدفع ثمن ذلك

[oum imane83]

هههههههههههههههههههههه
نعم عادي


اخواتي تزوجوا ههه هكدا من الصغرى الى الكبرى ههه


الجميل في الامر ان الكبيرة خدامة زوجت الصغير بصواردها امبعد تزوجت هي


و الاجمل اللي كبيرة فيهم هههه راهي تربيلهم ولادهم ههه


ان شاء الله كامل بنات فاميليا يجيهم مكتوبهم و يتهناو.....هههه

ازول تامرث اميك اتليت ...

اعطيكم الصحة فلمشاركة ينم ....

صح في بعض العائلات الكبيرة تبقى تربى ولاد خاوتها ويمكن حتى انهم يعاملوها بقسوة ...

ربي يرزق كل بنت زوج صالح ان شاء الله

[oum imane83]

أرى من الأحسن أن تتزوج الكبرى قبل الصغرى تجنبا للغيرة والكراهية في العائلة
ان العا ئلات اليوم لا تهتم وتترك الحرية للفتاة وبالتالي تبقى الكبرى تدفع ثمن ذلك


المنطق يقول الكبيرة ثم الصغيرة لكن وقتنا صعيب و الزواج سترة .. من الافضل ان العائلة ما ترفضش خاطب على جال هاد السبب وخاصة ادا كان وليد فاميليا.. لانهم قد يتسسبو في بقاء بناتهم كامل بلا زواج ..ماخير تقعد واحدة و لا يقعدو كامل ...

والاخت الكبرى حتى ولو زعفت في البداية لكنها مع الوقت رايحة تنسى اكيد وترضى بالمكتوب

[" أبو عبود"]

هذه كانت موجودة قيدما وربما لا تزال في بعض القرى والمداشر واظن أن الحل لمن يتقدم للصغرى أن يحضر عرسانا لللواتي اكبر منها إن كان مستعجلا ههههههههههههههههههه
ملاحظة اغرب ما ٍايت بمجرد ما تخطب الصخرى تتوالى الخطوبات كحبات المسبحة ههههه عندما خطبت زوجتي السابقة كانت لديها اختان اكبر منها بعد اسوبع خطبت وتزوجت الكبرة ثم خطبت الاخرى بعد زواجي لقد كنت فأل خير عليهم ولكن لم يدفعو لي ثمن ذلك. ويقول صديقي الذي تزوج البنت الكبرى من بين 7 بنات انه كان فال خير عليهمن حيث تزوجن كلهن. والحق يقال انهن عفيفات طاهرات وجميلات جدا وليس لأ،ه فأل خير كما يظن.

[oum imane83]

هذه كانت موجودة قيدما وربما لا تزال في بعض القرى والمداشر واظن أن الحل لمن يتقدم للصغرى أن يحضر عرسانا لللواتي اكبر منها إن كان مستعجلا ههههههههههههههههههه
ملاحظة اغرب ما ٍايت بمجرد ما تخطب الصخرى تتوالى الخطوبات كحبات المسبحة ههههه عندما خطبت زوجتي السابقة كانت لديها اختان اكبر منها بعد اسوبع خطبت وتزوجت الكبرة ثم خطبت الاخرى بعد زواجي لقد كنت فأل خير عليهم ولكن لم يدفعو لي ثمن ذلك. ويقول صديقي الذي تزوج البنت الكبرى من بين 7 بنات انه كان فال خير عليهمن حيث تزوجن كلهن. والحق يقال انهن عفيفات طاهرات وجميلات جدا وليس لأ،ه فأل خير كما يظن.


صحيح كيما دكرت كاين حالات كثيرة غير تتخطب الصغيرة يتبعوها اخواتها بالتوالي وحتة تتزوج وتروح لدارها قبلها .. وهناك ما يعتقد ان الصغرى بدلك نزعت النحس الي في الدار ... شكرا على مشاركتك

[نورة مروان]

والله يا اختي دكرتيني بعائلة فيها بنات على ما اظن 5او 6 والكبيرة فيهم حلفت فيهم بلي مايتزوجوش حتى تتزوج هي ولكن مع مرور الوقت وتغير العقليات راهم اللي جا مكتوبها تتزوج وهي مازال ما جاش مكتوبها
في المجتمع هدا كاين واحد الافكار غريبة جدا وكانو الناس تنسى او تتناسى بلي كل حاجة في الدنيا مكتوبة ومقدرة علينا من عند ربي
تقبلي مروري

[السي محمد]

في عائلة زوج اختي لما تمت خطبت الفتاة الصغرى و تزوجت بعدفترة قصيرة تم خطبة 3 الكبريات مباشرة و دفعة واحدة 2 لاخوين في الخارج و و الكبرى تزوجها ابن خالتهاكان ينتظر ان تتزوج الصغيرات هههه

[oum imane83]

والله يا اختي دكرتيني بعائلة فيها بنات على ما اظن 5او 6 والكبيرة فيهم حلفت فيهم بلي مايتزوجوش حتى تتزوج هي ولكن مع مرور الوقت وتغير العقليات راهم اللي جا مكتوبها تتزوج وهي مازال ما جاش مكتوبها
في المجتمع هدا كاين واحد الافكار غريبة جدا وكانو الناس تنسى او تتناسى بلي كل حاجة في الدنيا مكتوبة ومقدرة علينا من عند ربي
تقبلي مروري


عندك الحق اختي مجتمعنا فيه عقليات غريبة ومتناقضة .... :sdf::sdf:

اسعدتني مشاركتك ربي يحفظك

[oum imane83]

في عائلة زوج اختي لما تمت خطبت الفتاة الصغرى و تزوجت بعدفترة قصيرة تم خطبة 3 الكبريات مباشرة و دفعة واحدة 2 لاخوين في الخارج و و الكبرى تزوجها ابن خالتهاكان ينتظر ان تتزوج الصغيرات هههه

كي يدخل الفرح للدار يدخل على ضربة ....
بارك الله فيك على المرور

[oum imane83]

الديا مكاتيب ولازم كل واحدة ترضى بمكتوبها ولا تقف حجرة عثرة بينها وبين سعادة اختها ....

[sousourose]

Ahna 3adi ana 3andi 3 ans meli tzawajt wkhti akbar men ni tzawjet ghir Had l3am wkanet farhanetli fi 3arssi ravi yhaniha inchaalah

[ام نهوله]

حنا عندنا عادي انا مثلا تزوجت قبل اختي الاكبر مني و تم الامر عادي من دون ايه حساسيات لانها قضيه مكتوب و كل واحده و مكتوبها و ربي يفرح الجميع

[نور اليقين 66]

انا الكبيرة في البنات وشاءت الاقدار انو اختي يجي مكتوبها قبلي

كان عمري وقتها 28 سنة وهي 24 وبعد 3 سنوات الحمد الله جا مكتوبي

لكن لم احس ولو للحظة انو غرت منها او قلت لوكان ستناتني

لكن على العكس كنت نشجعها بما انو انسان طيب تروح تتزوج تدير دار وتتهني وانا مكتوبي مازال مجانيش عادي جدا

واذا مجانيش نخليها تساميني في الدار هاذي ماهيش عقلية ولا تفكير ولا منطق ابدا

[razikaaa]

okhti sghar mani ja maktobha rahi makhtoba doka mé mama rafda tazawajha kabli w ana moraha hata takbal w ana farhantlha w rabi ykamalha

[oum imane83]

سوسو روز .. ام نهولة ..نور ..و رزيقة ..شكرا لكن اخواتي على ردودكن الكريمة .. بارك الله فيكن واسعدكن في حياتكن وادام روح المحبة والخوة بينكن وبين اخواتكن............

[amirateljazayer]

سمعت الكثير عن حالات الخصومة بين الاخوات وحتى حالات مرض لمجرد ان الصغرى خطبت قبل الكبرى...كما سمعت ورأيت عائلات كثيرة يعرضون الكبيرة اولا للخاطب وعندما يقال لهم لا نريد فلانة الصغرى يرفضون حتى تقديمها رغم كون العريس لا يرفض..فتبقى بناتهم دون زواج الا ان تزوجت الاكبر فالصغر..
هناك عائلة اردنا ان نخطب منها لاخي فنفو اصلا وجود اخرى اصغر منها واقفلو عليها باب غرفة بالمفتاح! لانها اجمل وأرزن من اختها! فازعجنا هذا التصرف وغادرنا ..
اما عن تجربتي في البيت فلا نرى اي مشكلة..لدي اخت واحدة وهي الصغرى وخطبت قبلي..والله فرحت لها من قلبي..وأعطيتها كل ما املك من جهاز ..حتى والدي لم يسالوني مثلا او اعارو الامر ادنى اهتمام!
لا ادر حقيقة لماذا كل هذا البغض والحسد حتى في العائلة الواحدة! ولماذا يتغابى الاولياء ويحرمن بناتهن من الزواج الا ترتيبيا! كل واحدة ومكتوبها..

[oum imane83]

اختي اميرة بارك الله فيك على المدالة الطيبة نورني وجةدك ...

فعلا هناك من يقوم باخفاء الفتاة الصغرى عمدا لكي لا تتزوج قبل الكبرى ..

فكرتيني بحكاية طريفة كانت تحكيها لنا عمة والدي .. هي عندما راحت تخطب لوليدها خرجولها اول مرة فتاة جميلة عجبت كثير هاديك لعجوزة .. وكي عاودو رجعو باش يقراو الفاتحة خرجو الاخت الكبرى .. لعجوزة حشمت تقوللهم ورضات بالاخرى رغم ان الاولى هي عجبتها اكثر

[amirateljazayer]

اختي اميرة بارك الله فيك على المدالة الطيبة نورني وجةدك ...

فعلا هناك من يقوم باخفاء الفتاة الصغرى عمدا لكي لا تتزوج قبل الكبرى ..

فكرتيني بحكاية طريفة كانت تحكيها لنا عمة والدي .. هي عندما راحت تخطب لوليدها خرجولها اول مرة فتاة جميلة عجبت كثير هاديك لعجوزة .. وكي عاودو رجعو باش يقراو الفاتحة خرجو الاخت الكبرى .. لعجوزة حشمت تقوللهم ورضات بالاخرى رغم ان الاولى هي عجبتها اكثر

هههههههههههه اظن تلك الحكاية حدثت كثيرا في الماضي..عائلات كثيرة تفاجئت بعروستهم ليلة العرس فقط ههههه لكن بحكم الزواج التقليدي لم يكونو ليجعلو الامر كارثي وكانو يرضون في النهاية وينتهي كل شيء:1:
الشكر لك عزيزتي على الموضوع

[Magiic]

ana lekbira fi darna o normal louken tazwedj khti avant moi psq koulchi bel mektoub madjaatch féli tazwedj la première , lahna c'est le plus important , même mes parents je ne pense pas y9oulou non surtout ida kan wahd thabou :p et pour la communauté bah wlh nés yahadrou yahadrou f la première wela la dernière lol dnc akhir hémi nés :D

[هالة اسماء]

نحكيلكم على وحدة كانت حاسبة روحا هي الشابة في خواتاتها مع انها الوسطى وكاينة وحدة اخرى بنت موراها كانت تقول لوكان تتزوج اخمي الصغيرة قبلي نقتلها مرت الايام وكانو يقراو فالجامعة الكبرى عامها الخامس والصغرى عامها الرابع و الاخير كانت تقرى حقوق جا واحد يخطب بصح قالهم الصغيرة الكبيرة ما أمنتش وزعفت على اختها و ولات تدير فالمشاكل معاها ومع امها و الصغيرة تزوجت ما كملت قرايتها الزوج ناس ملاح بزاف وخدام و كي طول مكتوبها ولات تقول لاختها كون ما تزوجتيش قبلي كون انا تزوجت
المهم في الاخير الاخت الصغرى راه عندها زوج بنات و الكبرى راهي مخطوبة قريب عرسها

[magister]

صارت تحصل كتيرا مثل هذه الحالات وتتزوج الصغيرة ثم تاتي الكبيرة انا تجوزت اختين لي اصغر مني الحقيقة ان الامر صعب عندما نتكلم عن الاحساس الداخلي وليس سهلا ابدااااااا حتى لو لم توجد غيرة او حسد او حتى وقفة معارضة ..........لكن الامر بيد الله وحده وعسى ان تكرهوا شيئا وهو خير لكم- الحمد لله على كل حال عندما يكون الايمان بالله قويا والرضى بالقضاء والقدر.-تجوزت بعد اكمال دراستي العليا--................كانت لي صديقة لي تزوجت اختها الاصغر منها لكن هذه الاخيرة رفضت الزواج الا بعد موافقة الكبيرة وتكلمت معها بوضوح وبصراحة تامة وتم الفرح بحمد الله ............ومن هذا ليس عيبا ان تتزوج الصغيرة قبل الكبيرة لكن دائما يجب ان يكون مراعاة لشعور الكبيرة ولو بكلمة واحدة فقط من الصغيرة من بابا الاحترام فقط ليس الا..... ربي يسعد الجميع ويرزقكم الازواج الصالحين يا رب

[سماحة الاسلام]

هي مكاتيب و ارزاق تقسم و الحكمة عند الرزاق

[oum imane83]

ماجيك وسماحة الاسلام .بارك الله فيكم على المرور .... بالفعل كل شيء مكتوب وفي حد يقدر يوقف ضده او يغيره

[oum imane83]

نحكيلكم على وحدة كانت حاسبة روحا هي الشابة في خواتاتها مع انها الوسطى وكاينة وحدة اخرى بنت موراها كانت تقول لوكان تتزوج اخمي الصغيرة قبلي نقتلها مرت الايام وكانو يقراو فالجامعة الكبرى عامها الخامس والصغرى عامها الرابع و الاخير كانت تقرى حقوق جا واحد يخطب بصح قالهم الصغيرة الكبيرة ما أمنتش وزعفت على اختها و ولات تدير فالمشاكل معاها ومع امها و الصغيرة تزوجت ما كملت قرايتها الزوج ناس ملاح بزاف وخدام و كي طول مكتوبها ولات تقول لاختها كون ما تزوجتيش قبلي كون انا تزوجت
المهم في الاخير الاخت الصغرى راه عندها زوج بنات و الكبرى راهي مخطوبة قريب عرسها


بالفعل فيه من ترفض بشدة زواج الصغرى قبلها وتفتعل مشاكل مع اختها واهلها .... وهدا ما حدث مع فتاة نعرفها بمجرد معرفتها بمجيء الخطابة عندها اختها قلبت الدار راس على عقب... ووعنما جائو الخطابة هي خرجت من الدار و خاصمت اختها ولحد الان لم تعطى بعد كلمة قبول لاهل الخاطب خوفا من ردة فعلها االاخت الكبرى

[oum imane83]

صارت تحصل كتيرا مثل هذه الحالات وتتزوج الصغيرة ثم تاتي الكبيرة انا تجوزت اختين لي اصغر مني الحقيقة ان الامر صعب عندما نتكلم عن الاحساس الداخلي وليس سهلا ابدااااااا حتى لو لم توجد غيرة او حسد او حتى وقفة معارضة ..........لكن الامر بيد الله وحده وعسى ان تكرهوا شيئا وهو خير لكم- الحمد لله على كل حال عندما يكون الايمان بالله قويا والرضى بالقضاء والقدر.-تجوزت بعد اكمال دراستي العليا--................كانت لي صديقة لي تزوجت اختها الاصغر منها لكن هذه الاخيرة رفضت الزواج الا بعد موافقة الكبيرة وتكلمت معها بوضوح وبصراحة تامة وتم الفرح بحمد الله ............ومن هذا ليس عيبا ان تتزوج الصغيرة قبل الكبيرة لكن دائما يجب ان يكون مراعاة لشعور الكبيرة ولو بكلمة واحدة فقط من الصغيرة من بابا الاحترام فقط ليس الا..... ربي يسعد الجميع ويرزقكم الازواج الصالحين يا رب


:19::19:

نعم اختي كما تفضلتي.. حتى ولو قبلت الكبرى ولم ترضى ان تقف حجر عثرة امام مستقبل شقيقتها ولم تفصح عن جرح مشاعرها لان هاد الامر مؤلم قليلا ... لدلك يجب مراعاة مشاعرها وعدم الاستخفاء بها واشعارها بان اختها افضل منها بل العكس تحتاج لدعم معنوي ورفع لمعنوياتها ... وان هدا قضاء الله وقدره ... وفرحة الواليدن عندما يزوجو بناتهم ووشوفوهم هانيين في حياتهم

[amina 31]

Kol wahda wmaktoubha,
Ana nchouf bali mafiha walou, ila RABI ktab l khti sghira tetzawaj kabli famabrouk,
Fi al akhir hada mektoub men 3and rab el 3alamin sobhanou.

[nadia mimi]

اظن ان الامر عادى .بالنسبة لتجربنى فى بيتنا.
نحن 4 بنات .انا رقم 4 .تزوجت اختى الثالثة وبعد شهر تزوجت اختى الثانية ثم بعد 3 سنوات تزوجت الاولى واخيرا بعد سنتين تزوجت انا
لم تكن الغيرة ابدا بالعكس عندما خطبت اختى الثالثة كانت فى اخر عام لها فى الجامعة واختى الكبرى هى التى ساعدتها ماديا كثيرا لانها كانت عاملة
والله قضية مكتوب فقط وشكرا علي الموصع
http://alboha.ahlamontada.com/users/1214/35/49/07/album/12649610.gif (http://www.google.dz/url?sa=i&rct=j&q=&esrc=s&source=images&cd=&cad=rja&uact=8&ved=0CAcQjRw&url=http%3A%2F%2Fwww.harfkids.com%2Fupload%2Fshowt hread.php%3Ft%3D28112&ei=-uC_VM3KKcH-UpWShKAP&bvm=bv.83829542,d.d24&psig=AFQjCNGstQUQX3Xo6w5YaKobZmx0zCfWdA&ust=1421947476878488)

[oum imane83]

امينة وميمي .......... اسعدني مروركن اخواتي ... ربي يبارك لكن ويحقق امانيكن