موضوع مهم لكل أباء وأمهات

[Maria dadi]

سلام عليكم ورحمة الله وبركاته
صباح الخير عليكم جميعا
بما ان فصل الشتاء على الأبواب ولازم علينا نديرو المدفأة اقصد المدفأة عادي ماشي
شوفاج صونطرال راني خايفة على ابني لايتحرق منها وهومزال صغير هذاوين بدا يمشي
يعني مزال مايعرفش حاجة نار ولا الحرق كون نغفل عليه يروح ليها طول
حبيت نفتح هذا الموضوع باه نساعدو بعضنا بعض بنصيحة بتجربة بأنواع المدفأة
الأكثر أماناً على الأطفال وشكرا

[امينة مناد]

السلام عليكم
انا منحبش المدفئة وعلى هذا انا نستعمل المكيف الهوائي يسخن اشوي ماشي حاجة
المهيم انفضل انلبسلهم لحوايج بزاف ونغطيهم في الليل ومنستعملش المدفئة
وكاين ناس يستعملوا الطابونة يالطيف وصرات حوادث بزاف يروحوا ضحيتها اطفال منهم زوج نعرفهم عن قرب الله يرحمهم
انا وليدي راهو يحبي راهو مشيبني ايروح بزاف لخيوط نع التريسيتي راني معاه كلقط والفار ..........مابقالي شغل معاه غير العسة

[sonia32]

انا لما كان ابني صغير بينت ليه بلي الفرن راو يحرق حطيطلو ايدو عليه بلاما نحرقو ومن ثما عاد يخاف

[~ السلطانة ~]

أهلا حبيبتي ام دادي ... انت ديري المدفأة تاعك و انا اعطيلي دادي ندفيه في صدري و تتهناي لا يتحرق لا تتحرمي انت من المدفأة هههه
اذا عندك ماكان واسع امام المدفأة ماشي في الكولوار تقدري تحطي أمامها شيء كبير مثلا زوج كراسي حطيهم على شكل مثلث ما يقدرش يقدم .. او اي حائل ما يتحرقش .انا هكذا ندير مع اولاد اختي كي يجوهههههه ربي يحفضلكم اولادكم جميعا .

[جازيا ام البنات]

انا لما كان ابني صغير بينت ليه بلي الفرن راو يحرق حطيطلو ايدو عليه بلاما نحرقو ومن ثما عاد يخاف
انا ايضا استعملت الطريقة نفسها وماسراتليش حوادث مع بناتي ولله الحمد
ربي يحفظنا ويحفظ ابناءنا

[Maria dadi]

أهلا حبيبتي ام دادي ... انت ديري المدفأة تاعك و انا اعطيلي دادي ندفيه في صدري و تتهناي لا يتحرق لا تتحرمي انت من المدفأة هههه
اذا عندك ماكان واسع امام المدفأة ماشي في الكولوار تقدري تحطي أمامها شيء كبير مثلا زوج كراسي حطيهم على شكل مثلث ما يقدرش يقدم .. او اي حائل ما يتحرقش .انا هكذا ندير مع اولاد اختي كي يجوهههههه ربي يحفضلكم اولادكم جميعا .

ارواحي اديه وهنيني منو ههههههههه شكرًا حبيبتي والله راني مقلقا وانتي ضحكتيني