مساعدة في طمينة المزيود

[ome jade]

سلام عليكم اخواتي ولادتي قربة وحبيت نوجد الطمية لانو في وليدي الاول موجدتهاش وكي عملهالي في دارنا معجبتنيش

هذي المرة قلت نوجدها وحدي

لكن معرفتش اما نوعية مليحة تع سميد لنستعملها وش ندير معاها كي نحمصها

وحتي كي نجي نرونها اما زبدة نستعملها وكمية الزبدة والعسل شحال تكون بالتساوي ام شكون الاكثر, رجاءا ساعدوني بزاف مقلقتني هذي الطمينة

[أم عبد الله السلفية]

السلام عليكم................. ربي يسهلك ولادتك أخية........... و مبارك مسبقا........... نتمنى الأخوات يجاوبوك لكي نستفيد معك

[houria26]

مبارك لك مسبقا شا راكي حابة طمينة كاين انواع كاين رفيس و محيرة و سلو شا حاب نقدملك مقادير

[x ام رحاب x]

سلام اختي وربي يسلكك على خير
الطمينة لازم اتوجدي الدقيق حرش بصح ماشي تاع المقروط ايجي متوسط ولازم ماتحمصيهاش بزاف وماتخليهش ابيض لازم يكون نفس اللون ايعود تحمصيه متوسط برك ماتحرقيهش
وكي تروحي اطيبيها اديري الزبدة ستار راهي مليحة للطمينة وديري العسل اقل من الزبدة والديري شوية قرفة في الزبدة والعسل وكي الذوب الزبدة والعسل نحيهم من النار وخلطي ليهم الطمينة المقدار لازم تكوني تعرفي ماتخليهاش جارية وماديريهاش يابسة وكي تكملي سقميها مليح في الطبسي ودردري من فوق الحلوة بالترك وحبيتي ديري حبات ليدراجي ان شاء الله انكون فدتك وربي يسلكك على خير

[houria26]

نبداو برفيس 3 كيات سميد متوسط و نزيدو كيلة مرغرين و شوية تاع ملح و تحبكيه بيديك و تلميه بالماء مزهر مخلط بالماء و تعمليه على شكل مثلثات او مسطيل و دخليه في الفرن و مين يطيب تفتيه وهو حامي باش يسهل عليك مين يصبح كيف سميد نعود نسقوه بالماء الزهر مين ينشف نفوروه كيف مين تعملي الطعام و مين يفور تعاودي العملية مرة احرى و بعدين نروحو للمقلا وندوبو فيها مرغرين و نحطو فيها سميد لي وجدناه نحلط في المقلة ودزيدي معها لافاني بدغ و كاوكاو مطحون و قرفة و مين تخلطي مليح زيدي العسل صدقني احتي تحرج شابة بزاف التزين كيما تحبيhttp://im50.gulfup.com/mVOeyp.jpg

[houria26]

و دروك محيرة نجيبو كيلو تاع سميد غليظ و نحيروح في مقلا حتا يعطينا اللون الدهبي و مين يبرد نطحنو باكي قاطو من اي نوع لي تحبه و دزيدي معها حلوة الترك و بعدين ندوبو مرغرين في المقلا ونحطو السميد لي مجدناه ونخلط و بعدين دزيدي العسل و تفي على النار و دزوقها كيما تحبيhttp://im67.gulfup.com/BVNL7y.jpeg

[houria26]

سلو فرينة محيرة و لحظة محيرة وقاطو مطحون و كل المكسرات لعندك و ماروخة مرابية و حلو الترك وتجمعيهم بالمغرين والعسل

[houria26]

http://im88.gulfup.com/qRTH3L.jpg

[houria26]

ارجو اني افدك لو قليلا

[mon poupon]

ربي يعطيك وقفة ساهلة ان شاء الله، و تولدي و تربيه في عزكم

شوفي الطمينة لازم دقيق متوسط ماشي لاحرش،
ديريها فيمقلة ثقيلة ،
و شعلي عليها النار الصغيرة كامل و نقسيلها لآخر درجة
حطي السميد غير بالشوي
و حركي المقلة ما تستعمليش المغرف
حركي حركي
و كي تولي كامل لون واحد ذهبي ماشي محمر ،
تأخذ منك وقت بزاف بزاف
خلطي كيلة عسل مع زبدة على نار خفيفة كي تذوب و يختلط ضيفي شوي قرفة حركي و اضيفي السميد بشوي و خلطي على نار هادية و عينك ميزانك ما لازمش خاصرة ماشي سائلة
و بالصحة و الهنا

[الصمت لغتي]

نقدر نستعمل دقيق رقيق ؟؟