ماذا افعل مع هذا الشاب

[أميرة نفسي]

بسم الله والحمد لله

لن أطيل في الموضوع

تقدم لي شاب كما أخبرتكم من قبل

وتمت النضرة الشرعية وكانت هناك شروط بيني وبينه

الشاب يبلغ من العمر 29 سنة من شروطه أن أمكث في البيت مع أهله وأتوقف عن الدراسة

وهذا الشرط الوحيد الذي لم نتفق عليه بحكم انني أدرس طب واريد على الاقل نيل الشهادة ولا امانع بعدها ان أمكث في البيت

تكلمت معه واخبرته ان على الاقل يتركني أكمل دراستي ووعدته انني ساقبل بالمكوث في البيت بعدها


باقي الشروط كالحجاب الشرعي فأنا البسه قبل ان يشترطه هو علي ولا أخرج الى لضرورة كالدراسة لانني ولله الحمد اعرف حدودي

لم اطالبه لا بسكن انفرادي ولم أشترط عليه انا ووالدتي وأخي أمرا من أمور الدنيا رغم انه أخبرنا أنه لديه مسكن انفرادي في الطابق السفلي للبيت المتكون من 3 طوابق وهو يعيش مع أهله ولكن مستقلا عنهم

قام أخي بالتحري عنه ووجد أنه من عائلة ميسورة الحال ولكن الجانب الديني والاخلاقي ليس لدينا معلومات كافية عنه

قمت بالاستخارة وصليت ودعوت الله

ومنذ اسبوع أتت أمه لتعرف قبولنا ام لا فأخبرتها والدتي أن يتركني على الاقل أكمل الدراسة

هنا والدته اخبرت ان ابنها لا يريدني أن أكمل دراستي لانه يريد زوجة ماكتة بالبيت

وقالت لنا انا كل شيئ بلمكتوب ومضى أسبوع لم يتصلوا بنا

وأنا حائرة في أمري من جهة لا اعرف ان كان الشاب دو اخلاق ودين ولا اعلم ان كان سيسمح لي بالدراسة لانه مضى اسبوع كامل ولم يتصلوا بنا ويخبروننا بالجواب

اريد فقط ان اكمل دراستي لا اطلب المستحيل

ماذا افعل

[ولد حمد الباتني]

غير كملي قرايتك ختي خاصة ونتي تقراي طب ماكيش تقراي اقتصاد ولا حقوق ولا أدب عربي
طب كملي تقراي وهاذ الشاب منو ألوف مؤلفة
حابها تمكث فالبيت يخطب خياطة ...

[fella111]

لا تتنازلي عن دراستك وكل شيء بالمكتوب

[ام ملاك.]

ماتحبسيش قرايتك على جالو
ربي يبعثلك وليد لحلال ان شالله مش شرط هو
يروح يهطب الي قاعدة في الدار علاه يخطب واحدة تقرى ويحبسها عجب؟؟

[زرقـآء اليمآمـة]

السلام عليكم
اختي الكريمة ... كلش بالمكتوب اذا هذا الشاب من نصيبك سيصيب يوما وان كان لا فلا ........ اما عن دراستك فانت وطموحك ..... ولا احد يضمن شيء لاخر .... الضامن ربي ....... في الحقيقة الوقت هذا قلّ فيه الرجال الذين يغيرون على بيوتهم .. وقد يكون هذا واحدا منهم ..... أما وانت تريدين الدراسة ... فهنا انتما لم تتفقا ............. والي فيه الخير يكون ..... والله المستعان

[fadi02]

غير كملي قرايتك خير من بعد تقتلك الندامة الدبلوم قبل الزواج و انا لاانصحك بالزواج لان دراسة الطب تتطلب الوقت و الجهد لا اضن انك تستطعين التوفيق بينهم

[manomanila]

أولا كلشى بالمكتوب
ثانيا مهنة الطب يسموها مهنة الملائكة مناه تنقد أرواح ناس و علاه ماتكملش هاذى المهنة الشريفة اللي قادر ة تنفع بيها أسرتها والديها أولادها زوجها كل أقربائها لما يحتاجوها و حتي الجيران خصوصا وهي قابلة لشرط المكوث في البيت
من وجهة نظري هذه أنانية منو أنو يحرمها من الدراسة و يحرم أولادو من أم مثقفة و واعية
المهم ربي يسهل بيناتكم و حاولي تقنعيه بلي دراسة ال طب رايحة تنفعكم فل المستقبل
و إدا ماش من مكتوبك ربي يجمعك بوليد الحلال لي يفهمك و يقدرك إنشاء الله

[عطر الجوري]

أكيد دراستك اختي بالاكي تحبسيها والله وحدة حبيبتي تزوجت كانت سنة4 ووعدها باش تكمل من بعد حبسها وربي ماجابلهاش الدرية راهي ندمانة الزواج ما راحش يهرب وانسانة كيما انتي علي حساب وصفك 1000راجل يتمناك ربي يقدملك الي فيه الخير

[loufa]

السلام عليكم
كملي قرايتك وارفضي وانت باذن الله طبيبة يخطبك احسن منو

[سآجدْ للهْ]

يعني هنا المشكل
هو حب وحدة ماكثة في البيت..؟
وعلآه يروح للي تخدم ويقولها حبّسي ؟
راسي هنا حبس ؟
يا خويا روح للماكثات وجيب لي تحب راهم ما قلّوش
نروح لطبيبة ولا استاذة ....ونقولها حبّسي ؟
وانا سأنصحك ان لا تتوقفـي عن درآستك إذا قال نعم.. اللهم بارك
ما قبلش؟ قلو روح ربي ينوب عليك
حطو النقاط على الحروف

[الألماسة]

غير كملي قرايتك ختي خاصة ونتي تقراي طب ماكيش تقراي اقتصاد ولا حقوق ولا أدب عربي
طب كملي تقراي وهاذ الشاب منو ألوف مؤلفة
حابها تمكث فالبيت يخطب خياطة ...


:19::19::19::19:

بلاك تتخلاي على دراستك
لانها سلاحك الوحيد
و زيد انتي تقراي طب
و الزواج مكتوب اختي

[clayde]

بسم الله و الحمد لله و الصلاة و السلام على رسول الله

قيل أن الرياضيات من أدق العلوم ، فإن رفضنا أن نفكر حسب ما تقتضيه شريعة نبينا الكريم أو ماتقتضيه الفطرة السليمة فعلى الأقل يجب أن نفكر بطريقة رياضية منطقية


السؤال: ماهو الهدف من طلب العلم و التعلم
الجواب: لا يخرج عن هذه الاحتمالات الثلاثة

* اما أن يكون الهدف هو الحصول على الشهادة و أيجاد وظيفة و تحصيل مدخول مادي.

* أما أن يكون الهدف هو نشر العلم و نفع البلاد و العباد بهذا العلم.

* اما أن يكون الهدف هو الحصول على الشهادة من أجل الشهادة و حتى يقال فلان صاحب الشهادة

الاحتمال الأول مردود بالضرورة ، و هذا لأنك ترفضين فكرة العمل بعد الزواج عندئذ لا يجب أن تكون الشهادة عائقا مادامت الغاية من وجودها منتفية

الاحتمال الثاني حسب الحالة التي ذكرتها لا يتحقق لهذه الاسباب:
-- تحقيق النفع للعباد في المستقبل غير مضمون أما تحقيق المفسدة في الوقت الحالي فهو مضمون و واقع ، فالاختلاط مفسدة ، و الخروج من البيت مفسدة ، و مخالطة الفاسقين مفسدة ، فلحد الآن تحققت المفاسد ونحن لازلنا نأمل أن يتحقق النفع بحصولنا على العلم
-- نفع البلاد و العباد لا يشترط تحقيقه بوجود الشهادة ، فالشهادات و لله الحمد بالقناطير و لم نلتمس فيها نفعا أبدا.
-- نظرية الشهادات أصبحت باطلة فالعبرة بالنوع و ليس بالكم ، ففي الجزائر ربما عدد الحاصلين على شهادات جامعية يفوق ما عند بعض الدول الغربية المتقدمة و لكن الملموس صفر مصفر ، فإن قمتي مثلا باكتشاف علاج لمرض معين و أثبت العلاج نجاعته فلن يطلبوا منك إظهار شهادتك لكي يعترفوا بأن العلاج ناجح.

الاحتمال الثالث و هو غير مرجح عندي ، و لكن إن كان هو ما دفعك لرفض ذلك الشاب فلاتندمي إن أتى يوم يسلط الله فيه عليك رجلا لا يخشاه فلن تنفعك يومئذ الشهادة الكرتونية.

كل ما ذكرته يندرج تحت الفرضية التي تلزمنا باتباع المنطق الرياضي في الحكم على الأمور و الحق أنه يجب علينا رد جميع أمور دنيانا إلى ديننا ، فوالله الذي لا إله إلا هو أنت تعلمين أنك على خطأ و أن الشاب محق في طلبه ، و الله الذي لا إله إلا هو لقد تحصلت على شهادة البكالوريا أكثر من مرة و لكنني ترفعت و نزهت نفسي عن دخول الجامعة فأنا لا أتشرف بها ولا هي تشرفني و الحمد لله رب العالمين.

[أخيل_وائل2014]

الطب وااااااااااااااااااااااااااااااااااااااااااااااااا اااااااااااااو ماشاء الله كان حلمي ولكن للاسف
الاخت الكريمة ردي بالك بااااالاكي تحبسي هدا الطب تعرفي وش معناتوا والله ماكي عارفا تبانلي هادي كامل مافيهاش مشورة روحي اقراي الله يهنيك وديجا ماتقبليش أصلا بهاد الزواج
الزواج والمسؤولية مع الطب ننننننن ماشكيتش كملي قرايتك مازال الحال علييك صلي الاستخارة ولي فيها خير ربي يقدمها نشالله
بالتوفيق أختي في قرايتك طبعاااااااااااااااااااااااا

[ريان 7]

السلام عليكم
حلوة هذي حاب ماكثة في الدار و يروح يخطب طالبة طب و الادهى يطلب منها توقف الدراسة
عيش تشوف
كملي قرايتك ختي و هزي شهادتك منبعد لكل حادث حديث عجبو مرحبا معجبوش كاين غيرو
بالتوفيق

[ولد حمد الباتني]

:19::19::19::19:

بلاك تتخلاي على دراستك
لانها سلاحك الوحيد
و زيد انتي تقراي طب
و الزواج مكتوب اختي

أحسنت الألماسة
نحير في بعض الناس مايحشموش صح
الطفلة تقرا ميدسين وجابت الباك ب15 ولا 16 ووجه البخص يقلها بطلي قرايتك .......

[السي محمد]

كملي قرايتك

و لما تتخرجي ...اتزوجي

إن شاء الله

[life is life]

هههههههههههههه فكرتني باخر خطاب جاوني
عندنا تتقدم العائلة قبل الرؤية الشرعية يعني الام و الاخت الخ الخ

المهم انا صراحة خطبوني بزاف و ما صارش مكتوب و عاد نقرا و لله الحمد المهم
اخر خطاب جاو ههههههههههههه جاو بعقلية تقتلللللل بالضحك ما عرفت تضحّك و لا تبكّي

المهم بالدخلة امي سقسات ملباب شكون نتوما يعني واحد يطرق بابك نورمالمو تعرف
قاتلها لي يجو يخطبو ما يقولولهمش شكون نتوما هههههههههههههههههههههههههههههه
انا قلبي نفر منهم من البداية هذا اول لقاء و داير هاك

ايا دخلو و شافوني اولحاجة قالوهالي راكي تقراي قتلهم ايه
مي لازم تحبسي لقراية ههههههههههههههههههههه هكدا هههههههههه!!! انا ما بينتش موافقتي حتى هههههههه
الواحد نورمالمو حتى يضمن بعدا عاد يهدر على القراية
امي قاتلهم الطفلة عاد صغيرة و حابة تكمل قرايتها اذا كتب ربي و فلخر كلش مكتوب اذا مكتبلها تقعد في دارها الخ الخ الخ ...
المهم هذا اول لقاء كان هاك
المهم ابدينا الرفض ملول مي قالو دوك نزيدو نخمو و نردولكم خبر ههه شغل انا نستنى ردهم

ايا راحو و بقاو يbipiw في الفيكس لعب الذر كانو هادو أسوء خطاب بين ما يفوق العشرين خاطب و الله العظيم و ربي عالم
حتى فدارنا رجعو يهبلوني بهاد سوجي و يقولولي دخلتي موسوعة غينيس

المهم انا حكيتلك باه ما تخمميش بزاف و الله مكتوبك واحد ما ينحيهولك اذا كان في مكتوبك راهو ليك و اذا لا ربي يجيبلك واحد اخر و احسن منو
و صح كامل نحبو نكملو قرايتنا مي و الله كلش مكتوب
الانسان اليوم راه هنا و غدا الله اعلم حنا ماناش ضامنين حتى اذا نعيشو و لالا فما ادراك بالدراسة ووو
و انتي اختي تخصص طب هوا تخصص مليح مي راح تتعبي على كل حال ربي يوفقك
و يرزقك بولد لحلال لي يتهلى فيك

و الاخوة لي يقراو ردي ماكان لاه التعقيب و صح قاع خطاب لي جاوني انا انسانة عادية ماني زايدة عليكم لا برجل لا بيد و مانيش ملكة جمال اوك

عليها ما خاصنيش انتقادات صاااحيتو

[salima14]

اختي كملي قرايتك مازال وييجييك مكتوبك وهو يروح يخطب وحدة قاعدة فالدار
علاه حابها تخدم ويقعدها فالدارر؟؟؟؟؟؟ رربي ييوفقك اختي

[عبد الله 22]

الدراسة حق لا يجب التفريط فيه

[ولد حمد الباتني]

هههههههههههههه فكرتني باخر خطاب جاوني
عندنا تتقدم العائلة قبل الرؤية الشرعية يعني الام و الاخت الخ الخ

المهم انا صراحة خطبوني بزاف و ما صارش مكتوب و عاد نقرا و لله الحمد المهم
اخر خطاب جاو ههههههههههههه جاو بعقلية تقتلللللل بالضحك ما عرفت تضحّك و لا تبكّي

المهم بالدخلة امي سقسات ملباب شكون نتوما يعني واحد يطرق بابك نورمالمو تعرف
قاتلها لي يجو يخطبو ما يقولولهمش شكون نتوما هههههههههههههههههههههههههههههه
انا قلبي نفر منهم من البداية هذا اول لقاء و داير هاك

ايا دخلو و شافوني اولحاجة قالوهالي راكي تقراي قتلهم ايه
مي لازم تحبسي لقراية ههههههههههههههههههههه هكدا هههههههههه!!! انا ما بينتش موافقتي حتى هههههههه
الواحد نورمالمو حتى يضمن بعدا عاد يهدر على القراية
امي قاتلهم الطفلة عاد صغيرة و حابة تكمل قرايتها اذا كتب ربي و فلخر كلش مكتوب اذا مكتبلها تقعد في دارها الخ الخ الخ ...
المهم هذا اول لقاء كان هاك
المهم ابدينا الرفض ملول مي قالو دوك نزيدو نخمو و نردولكم خبر ههه شغل انا نستنى ردهم

ايا راحو و بقاو يbipiw في الفيكس لعب الذر كانو هادو أسوء خطاب بين ما يفوق العشرين خاطب و الله العظيم و ربي عالم
حتى فدارنا رجعو يهبلوني بهاد سوجي و يقولولي دخلتي موسوعة غينيس

المهم انا حكيتلك باه ما تخمميش بزاف و الله مكتوبك واحد ما ينحيهولك اذا كان في مكتوبك راهو ليك و اذا لا ربي يجيبلك واحد اخر و احسن منو
و صح كامل نحبو نكملو قرايتنا مي و الله كلش مكتوب
الانسان اليوم راه هنا و غدا الله اعلم حنا ماناش ضامنين حتى اذا نعيشو و لالا فما ادراك بالدراسة ووو
و انتي اختي تخصص طب هوا تخصص مليح مي راح تتعبي على كل حال ربي يوفقك
و يرزقك بولد لحلال لي يتهلى فيك

و الاخوة لي يقراو ردي ماكان لاه التعقيب و صح قاع خطاب لي جاوني انا انسانة عادية ماني زايدة عليكم لا برجل لا بيد و مانيش ملكة جمال اوك

عليها ما خاصنيش انتقادات صاااحيتو

ياي قوليلهم ماخاصنيش رسائل صاحيتو ههههههههه

[سماح 2]

سبحــآن الله ,,يحوس ع وحدة قاعدة في الدار ويخطب في طالبة طبْ ؟ الي ما تقعدش خلاه في الدار

أنا في رأيي كملي قرايك راهي فووورْ ,ماش لازم تدي أول خاطبْ ,,كلش بالمكتوب

[الجليس الصلح]

السلام عليكم ورحمة الله
على ما يبدوا انه يريد فتاة ما كثة في البيت وانت ترفضين ذلك
عليك ان تكملي مشوارك الدراسي والمستقبل أمامك
أما فرصة الزواج فما تزال تأتي لا حقا
موفقة بحول الله

[ايهان]

أحسنت الألماسة
نحير في بعض الناس مايحشموش صح
الطفلة تقرا ميدسين وجابت الباك ب15 ولا 16 ووجه البخص يقلها بطلي قرايتك .......


والله معتادة على قراءة ردودك ولكن المرة هذي والله قتلتني بالضحك تقول جدي الله يرحمه للي كان يهدر
عندك الحق حرف بحرف وكلمة بكلمة
اللي حاب ماكثة في البيت علاه يروح اللي تقرا ويحبسها والله مخي حبس

[ولد حمد الباتني]

والله معتادة على قراءة ردودك ولكن المرة هذي والله قتلتني بالضحك تقول جدي الله يرحمه للي كان يهدر
عندك الحق حرف بحرف وكلمة بكلمة
اللي حاب ماكثة في البيت علاه يروح اللي تقرا ويحبسها والله مخي حبس

ليا الشرف كاين ألي يقرا ردودي
الله يرحموا
هاذا تشجيع ولا تطياح المورال قالك تبان جدي ؟؟ هههههه
---
يقلقوني الناس هاذو ماديينها في رواحهم شغل الطفلة كانت تستنى فيه ..
شكرا على تشجيعك ايهان

[ammira85]

طب و مازال تخممي ياختي ماتنفعك غ قرايتك وكي تكملي روحي اخدمي بلا ما تخممي مهنة شريفة ماكاش خير منها للمرأة وصدقيني والله غ تندمي كون تبطلي وحتى لو تكملي قرايتك ومبعد فالاول تقولي مانخدمش بصح مبعد تحسي بينك وبين روحك بالندم و ربي يرزقك بواحد متفهم وخير منو

[Strong Giirl]

Jte déconseille t'hebsi kraytek ,yla merakich beghya takhedmi c'est ton choix mais au moins obtiens ton diplome! rabi ywafkek khti

[ولد حمد الباتني]

http://im63.gulfup.com/sjgrjh.jpg

ياي قوليلهم ماخاصنيش رسائل صاحيتو ههههههههه


.......................

[life is life]

aymmen , ولد حمد الباتني

يعني أنا لن أسلم رغم ما ذكرته في اخر مشاركتي يا خواني الى متى سنبقى نعقّب على كل المشاركات ؟

لا ادري حقا ما كنتما تتحدثا عليه و يبدو ان ايمن حذف مشاركته

و لكن أعلم أن كل انسان يحاسب على اعماله سواءا اعماله الصالحة او الطالحة
و كما يقول المثل " كل شاه تتعلق من كراعها "
فرحمتك يا رب

[khawlita.dz]

اخطاااااااااااااااك منو
كملى قرايتك واقبلى بالرجل اللى يعرف بانه عندك شخصية ومبادىء ومتربية احسن تربية ماتسنايهش هو يوريلك الحلال والحرام
ولما كل هده الشروط وكانو عامل مزية فيك كى حايديك ارتبطى بمن يعى مسؤولية الزواج ومسؤولية الزوجة ومن يناسب تفكيرك
اكملى دراستك فان اتتك دراستك متقدريش ترجعى تعاودى تقراى من جديد وبعدها لى كتبو ربى فيه الخير سياتيك بدل العريس عرسان فاختارى من يناسبك
ولاتنسيى الاستخارة

[ولد حمد الباتني]

aymmen , ولد حمد الباتني

يعني أنا لن أسلم رغم ما ذكرته في اخر مشاركتي يا خواني الى متى سنبقى نعقّب على كل المشاركات ؟

لا ادري حقا ما كنتما تتحدثا عليه و يبدو ان ايمن حذف مشاركته

و لكن أعلم أن كل انسان يحاسب على اعماله سواءا اعماله الصالحة او الطالحة
و كما يقول المثل " كل شاه تتعلق من كراعها "
فرحمتك يا رب


ماكتبت شيئا إلا مشاركتي تلك وواحد عليه قلت له بعد نقله نص مشاركتي ماخاصنيش دصارة
لﻷسف الصبيان في كثير من الأحيان يفسدون المواضيع

وشكرا

[life is life]

ماكتبت شيئا إلا مشاركتي تلك وواحد عليه قلت له بعد نقله نص مشاركتي ماخاصنيش دصارة
لﻷسف الصبيان في كثير من الأحيان يفسدون المواضيع

وشكرا

عذرا يا اخي اذا ظلمتك
آسفة ..

[كلنا راحلون]

aymmen ,

يعني أنا لن أسلم رغم ما ذكرته في اخر مشاركتي يا خواني الى متى سنبقى نعقّب على كل المشاركات ؟

لا ادري حقا ما كنتما تتحدثا عليه و يبدو ان ايمن حذف مشاركته

و لكن أعلم أن كل انسان يحاسب على اعماله سواءا اعماله الصالحة او الطالحة
و كما يقول المثل " كل شاه تتعلق من كراعها "
فرحمتك يا رب

اختي خاطيني هو لي راه دير مشاكل ويكتب عني مقولات ماقلتها عذرا يا اخي اذا ظلمتك
آسفة ..
وشو يقول وصبيان ومابعرف ليوم راح نخصص موضوع نتمنى تتمتعي بقراءة وفقط صح فطورك















































http://im84.gulfup.com/5xbho1.jpg

[*سيرتا *]

سبحان الله يحوسوا اعلى الماكثات في البيت و يتقدمو للطالبات و العاملات ..كملي قرايتك يالاخت

[ايهان]

ليا الشرف كاين ألي يقرا ردودي
الله يرحموا
هاذا تشجيع ولا تطياح المورال قالك تبان جدي ؟؟ هههههه
---
يقلقوني الناس هاذو ماديينها في رواحهم شغل الطفلة كانت تستنى فيه ..
شكرا على تشجيعك ايهان


اه يا الشيخ الباتني حطيتك في مقام جدي الله يسمحوا وماعجبكش والله ولكان نحكيلك عليه الله يجعلوا في الجنة كان يحب كلشي قددعلى خاطر عندوا كلمة وهيبة كون جاء اب هدي الطفلة راحوا زعط الخاطب وردبنفس الرد تاعك
على هدي فكرتني بيه

[طالبة علم شرعي]

سلام عليكم
يبدو لي انه وعائلته غير مهتمين للموضوع وعدم رده عليك يعني رفضه ببساطة تامة
حددي اهدافك جيدا تودين الدراسة تحت اي ظرف كان وفقط ؟ ام تريدين ان تتزوجي وتدرسي في نفس الوقت ؟؟؟فانا لم افهم يعني لو كنت من الاولى فسترفضين الزواج من الاساس واما ان كنت من الثانية فذاك امر اخر

المهم لو كنت مكانك حتى اذا رجع وقالي موافق لن اقبل فيكفي انه استهزأ بي ان تركني مدة وان انتظر رده علي ... حتى ربما يكون قد الغى فكرة الزواج منك ولم يعطوك الرد الرسمي
قضية الماكثة والطالبة فيها وجهات نظر هناك من تعجبه طالبة يرى فيها ما لم يجده في الماكثة ... ( فالاخلاق والتربية والدين لم تحدد بالماكثة فقط والتي على الاغلب في الايام هاذي معدومة عند الاغلبية في كلتا الحالتين )
فيتقدم اليها بعد استخارة الله عزوجل لعل وعسى تكون من نصيبه ومن يدري ربما تتوقف عن دراستها وتقر في بيتها من يعلم سبحان الله مقلب القلوب ... لكن في الحالة هاذي خسّربالنسبة لي illogique
موفقة اختي ...
سلام

[ولد حمد الباتني]

اه يا الشيخ الباتني حطيتك في مقام جدي الله يسمحوا وماعجبكش والله ولكان نحكيلك عليه الله يجعلوا في الجنة كان يحب كلشي قددعلى خاطر عندوا كلمة وهيبة كون جاء اب هدي الطفلة راحوا زعط الخاطب وردبنفس الرد تاعك
على هدي فكرتني بيه

الله يرحمو ويوسع عليه ويدخلو جنات النعيم
لا نضحك برك والله
وشكون كيفي نكون كي رجال بكري الله يرحمهم

[محمد جديدي التبسي]

أظن أن موقف الشاب واضح وكل شيء انتهى بينكما مادام وضع شروطه ورديت عليه بأنك تريدين مواصلة دراستك..ربي يوفقك ويعوضه ويعوضك ..