كارثتي في الرياضيات ... اسمعوا يا ناس [الأرشيف] - منتديات الجلفة لكل الجزائريين و العرب

مشاهدة النسخة كاملة : كارثتي في الرياضيات ... اسمعوا يا ناس

~ همسة إحساس ~

2014-10-22, 17:18

السلام عليكم ورحمة الله تعالى وبركاته
كيف الحال؟؟
أنا لست بخير بسبب مادة الرياضيات :mad:
ندرس عند أستاذ ... الله يهديه
الناس كامل تشكي منو
ميقريش إطلاقا ... وزيد وشنهي
الساعتين يديهم خارج داخل من القسم
هاز التيليفون ويخدم بيه
ومبعد يولي يحلف فينا يقوللنا لي يقول منيش فاهم
تشوفو كيفاش نديرلو
داير روحو راه يقري مليح وزايد يحلف فينا... :confused:
آآآآآآآآآآآخ يا ناس قولولي كيفاش ندير ؟؟؟
سقساتنا أستاذة العلوم قالتلنا عند من تقراو رياضيات ؟؟
كي قلنالها عند ........... ( لن أذكر الإسم مع أنو ميستاهلش نخبيه :mad: )
سكتت ... والله غير الأستاذة بهتت ومبعد غيرت الموضوع مباشرة
وأستاذة الفرنسية قالتلنا متعتامدوش عليه
أقراو وحدكم في الدار أو ديرو جماعات وأقراو مع بعض
والمشكلة أني بعيدة على لبنات لي يقراو معايا
يعني منقدرش نروح ليهم
وأنا والله غير نحب هاذي المادة بصح الله غالب ....

=======================
الحصول : أنا كسرتلكم روسكم معايا شوي باش تعطوني تمارين أو شرح
دروس باسكو قلبت الإنترنت رأسا على عقب وملقيت والو
ملقيتش الحاجة لي نحوس عليها
أرجووووووووووكم عاونوني :o

omama22

2014-10-22, 19:23

انا مستعدة باش نساعدك بصح حديلي الضبط واش اللي ماكيش فاهماتو

radja1999achar

2014-10-22, 21:03

حددي لي مالم تفهميه بالظبط اختاه وان شاء الله سأساعدك

~ همسة إحساس ~

2014-10-24, 17:15

شكرا جزيلا لكما
الصراحة :
تحوسو تعرفو واش مانيش فاهمة
الصراحة الصراحة :
واااالو
والله ماني فاهمة والو إطلاقا
كي نهز الكراس أو الكتاب في الدار ونشوف روحي
ماني فاهمة والو نعود رح نبكي

~ همسة إحساس ~

2014-10-24, 17:19

الله يستركم عاونوني
الله يستركم

منال الحياة

2014-10-24, 21:28

هههههه والله لوكان نقدر نعاونك لكن انا تاني راني مكملا في الرياضيات مع انو الاستاذ مليح مي المهم غادي نحاول نشرحلك كاش درس منها انا ونتي نستفيدو في نفس الوقت

♥شيماء♥

2014-10-25, 16:04

ربي يهديهم

oumaimader

2014-10-25, 16:09

استعيني بالتمارين المحلولة في الكتاب المدرسي
اشتري كتاب خارجي أنصحك بكتاب الجديد
حاولي اقراي دروس الكتاب وحدك و فهمي روحك
بالنسبة للدراسة الجماعية ماهيش مفيدة لذاك حاولي تقراي وحدك و لا استعيني بالدروس الخصوصية

~.سارة الجزائرية.~

2014-10-25, 16:26

مالا احنا في نفس الحالة عندنا حالاستاذة ربي يهديها نهار كامل وهي تعيط بالتيليفون، تسقسي الاساتذة عليها يقولولك مليحة
ومن افضل الاساتذة بصح تسقسي التلاميذ يقولولك تعوق وماتقريش، ونهار قالتلنا المراقبة ربي معاكم، حتى هي تقولنا راني 31 سنة
وانا نقري بصح والو، يعني استاذ يعرف يقري وعندو خبرة طويلة ما يعطيولوش غير تلاميذ تاع الاولى ثانوي وتاع الميكانيك
يعني انا صعيبة باش نقول استاذ راهو مليح خاصة انا قريت العام الماضي عند استاذة ماشاء الله في القمة باعتراف من التلاميذ
والاساتذة والمراقبين وانا هههه.. يعني نهدر مع صحاباتي كامل نقولو شكون اللي يجيبلنا هادي الاستاذة نورمالمو هي فالليسي ماشي
فالمتوسط وحتى فالاولى والتانية والتالتة متوسط قرينا عند اساتذة يعرفو يقريو + الاستاذه هادي تخدم دروس خصوصية
كانت ب5000 دج وولات ب 3000 دج وغير سقسينا اللي يقراو معانا ويخدمو عندها قالولنا مام فليقور وماكاتفهمش
قالولنا بصح تعطيك لسوجي تاع الاختبارات .. يعني ربي يهديها بكل معنى الكلمة ولو نجيب حكايات تاعها مايخلاصوش
المهم انا نقولك اقرا واعتمد غير على روحك كيما نخدم انا وكيما لازم نخدمو كامل فالليسي وادا حبيت نعاونك فالتمارين باسكو انا نعرف نفهم
صحاباتي فالتمارين برك ومانعرفش نفهمهوم فالدرس
وبالتوفيق ان شاء الله..

♥sirine crazy♥

2015-05-01, 16:27

الحمد لله حنونتي
مع انط في نفس ثانويتي
لكن استادي مع انه لايعيد الشرح لكن الحمد لله استاذي احسن
الاستاذ .......................

نور الجنة

2015-05-02, 11:45

اختي يوجد استاد في اليوتيوب يشرح الدروس جيدا
أتمنى ان تستفيدي منو
اسمو الاستاد نوردين

♥sirine crazy♥

2015-05-04, 16:43

حاولي ان تستفيدي منه

كنز الكنوز

2015-05-05, 09:08

اختي انا كان عندي نفس الاشكال في الفيزياء كنت مانفهمش على الاستاذ من بعد هدرت مع درانا و قالولوا ضرك راهة يشرح ويعاود و الحمد لله لفيت نتيجة

♥sirine crazy♥

2015-05-05, 13:03

الحمد لله
يااا ربي