لنكن واقعيين

[oum imane83]

لاحظت في هاد المنتدى انه بمجرد يفتح موضوع عن المراة وخاصة ادا كان صاحبه يريد ان يدافع عنها يلقى هجوم وانتقادات على شخصيته ويوصفوه بالضعف ... ويبداو يحكيو على سفور تبرج وخروج المراة للعمل ....


لا ادافع ولا اشجع طبعا تبرج المراة وتحررها الزايد لكن السؤال الي نطرحو هده المراة اكيد لها رجل في حياتها سواء اخ او اب او ابن او زوج وين راهم :confused: كيفاش سمحولها بدلك ادا هادو ماعندهومش سلطة وما يقدروش يتحكمو في نساهم وبناتهم واخواتهم خدا اخطر من السفور بحد داته كيفاش يتكلمو على بنات الناس ..الاولى الواحد يبدا بداره وعائلته لان الاسرة هي اساس المجتمع يعني لو كل رجل في اسرة يستطيع تسيير اسرته تصورو كيفاش رايح يولي المجتمع ..
.

نستعرف اني امراة ونحشم من بعض النساء من تصرفاتهم لباسهم وطريقة كلامهم ... لكن بالمقابل كي نشوف مستوى الي وصل ليه بعض شبابنا شعر طالع سروال ممزق تسكع في شوارع حتى المتحجبة بلباس شرعي ماتسلمش من السنتهم .. مخدرات وخمر وتفاخر بسيارتهم وعضلاتهم .و كاينة حتى عائلات هوما الي يمنعو بناتهم زوجاتهم من لبس الخمار لانهم يشوفوه تقليدي ويحشمو بيها بالعكس يحب يمشي مع بنته ولا زوجته وهي في كامل اناقتها تضحك مع هدا تصبح وتمسي وتسلم على هداك وبحضور وليها او زوجها بحجة التفتح والتحضر ...

اللوم يلقى على الاثنين .. الرجل ماعرفش كيفاش يثبت رجولته ووجوده والمراة ماعرفتش كيفاش تحافظ على انوثتها ... الا القليل القليل منهم و منهن


مارانيش نقلل من قيمة او مكانة اي واحد فيهم سواء رجال ونساء لكن الى متى نبقاو نغطيو الشمس بالغربال ونرميو كل الحمل على طرف واحد فقط ...وقتاش تنتهي الحرب بين الرجل والمراة



سامحوني ادا غلطت..

[مريم الصابرة]

السلام عليكم اختي
صباح النور والله يا اختي شوفي نقولك من وقت سجلت فالمنتدى هذا تقريبا 3 سنوات ونلقى ندور في دائرة وحدة عمل المرأة وتبرجها ما عندهمش طريق اخرى نمشو منها تهربي من العمل طيحي فالتبرج اللي يحكي هنا اعرفي ماراهش قادر يدير في حياتو برا لانو هو يعرف باللي الذنب مشترك بين المرأة والرجل والله وكيما قلت رانا نشوفو بنات حنا نسا نحشمو من كثرة التبهديل للفيزو والعري والعجب اللي رانا نشوفو فيه مي انا في قلبي نقول كيما راكي تقولي هذي اللي لابسة فيزو باباها وين راه وخوها ويماها وين اهلها هي اكيد خرجت من الدار لابسة اللبسة هذيك وزيدك اختي مرات تمشي مع خوها او باباها وهي فرحانة ودايرة عشرين كيلو نتاع ماكياج ولابسة مضيقة والعجب قدامهم يعني قبل لوم المرا لازم كل راجل يحاسب روحو
الراجل لما وصل تخلى على مسؤوليتو ما عندوش علاه يهدر لانو هو قبل
نقول لكل شاب هنا قبل ما تجو تلعبوها مجاهدين علينا هنا خمو اكيد كاين راجل كيفكم سمح للمرا تتعدى كل الحدود هذا وفقط وما نبقاوش ندورو في نفس الإتجاه خمو في حل كل واحد يعس اهل بيتو ونحدو المشاكل هذا اللي عندو ختو فالدار او بنتو او بنت ختو يراقب لبستها يراقب تصرفاتها لا نحن لا نشككهم بهم لا ابدا ولكن لما تبدا المراقبة والوقوف عند كل تصرف لو حبسنا من المشكلة هذي
وانا نقولها وراء كل إمرأة متبرجة او كاسية او .... كيما سماونا راجل ديوث درجة اولى برتبة كولونيل
شكرا لك

[oum imane83]

السلام عليكم اختي
صباح النور والله يا اختي شوفي نقولك من وقت سجلت فالمنتدى هذا تقريبا 3 سنوات ونلقى ندور في دائرة وحدة عمل المرأة وتبرجها ما عندهمش طريق اخرى نمشو منها تهربي من العمل طيحي فالتبرج اللي يحكي هنا اعرفي ماراهش قادر يدير في حياتو برا لانو هو يعرف باللي الذنب مشترك بين المرأة والرجل والله وكيما قلت رانا نشوفو بنات حنا نسا نحشمو من كثرة التبهديل للفيزو والعري والعجب اللي رانا نشوفو فيه مي انا في قلبي نقول كيما راكي تقولي هذي اللي لابسة فيزو باباها وين راه وخوها ويماها وين اهلها هي اكيد خرجت من الدار لابسة اللبسة هذيك وزيدك اختي مرات تمشي مع خوها او باباها وهي فرحانة ودايرة عشرين كيلو نتاع ماكياج ولابسة مضيقة والعجب قدامهم يعني قبل لوم المرا لازم كل راجل يحاسب روحو
الراجل لما وصل تخلى على مسؤوليتو ما عندوش علاه يهدر لانو هو قبل
نقول لكل شاب هنا قبل ما تجو تلعبوها مجاهدين علينا هنا خمو اكيد كاين راجل كيفكم سمح للمرا تتعدى كل الحدود هذا وفقط وما نبقاوش ندورو في نفس الإتجاه خمو في حل كل واحد يعس اهل بيتو ونحدو المشاكل هذا اللي عندو ختو فالدار او بنتو او بنت ختو يراقب لبستها يراقب تصرفاتها لا نحن لا نشككهم بهم لا ابدا ولكن لما تبدا المراقبة والوقوف عند كل تصرف لو حبسنا من المشكلة هذي
وانا نقولها وراء كل إمرأة متبرجة او كاسية او .... كيما سماونا راجل ديوث درجة اولى برتبة كولونيل
شكرا لك




وعليكم السلام مريم ....واش نقولك :19::19::19::19:

راكي فهتي كلامي .... ربي يحفظك ويشافيك ويرزقك بوليد الحلال الي يصونك وتسعدي معاه يا جوهرة المنتدى

[مريم الصابرة]

وعليكم السلام مريم ....واش نقولك :19::19::19::19:

راكي فهتي كلامي .... ربي يحفظك ويشافيك ويرزقك بوليد الحلال الي يصونك وتسعدي معاه يا جوهرة المنتدى

السلام عليكم أختي
ربي يخليك حنونة تعيشي اللّهم آمين بارك الله فيك يا رب
والله يا اختي نطلب نشفى هذا ما يهمني ولاد الحلال راهم يدو النوع اللي راكي تهدري عليهم بلاك ندعو وليد الحرام يكون مليح :1::1:
شكرا ربي يحفظك

[oum imane83]

ههههه ضحكتيني مريم ربي يجعل كل ايام فرحة ...

[مريم الصابرة]

ههههه ضحكتيني مريم ربي يجعل كل ايام فرحة ...
السلام عليكم
الحمد لله ضحكتك إيه يا اختي وليد الحلال ما يديش امثالنا يشوفو فينا عجايز بالحجاب الشرعي يدو مولات الفيزو بابيشا ويجو هنا يلعبوها علينا شبعونا بقلاوة يعرفو غير يهدرو
انا قلت لحباباتي إدعولي نبرا واللي حبت تزيدلي بونوس من عندها تدعيلي وليد الحرام :1::1: يخرج ساجي هو عاقل وانا قبيحة ماجياش لازم واحد كيما انا مجنون :1::1:
شكرا لك ربي يخليك

[oum imane83]

ربي يعافيك حبيبتي ويرزقك من حيث لا تحتسبين وشكر الجزيل على الردود

[ام ملاك.]

ههههه يامريم عدبني النقاش
البارح نفس المشكل شاركت في موضوع واحد الاخ ثاني نفس المشكلة الي يشوف يقول هذا واش بقاو نتكلمو عليه خلاو المواضيع ككل
ولوكان كل واحد يبدا في دارو ويراقب خاوتو واهلو مالحقناش لهنا
تلقايهم خاربين الدنيا ويحوسو على العفيفة الطاهرة
هذي ماحبتش تدخل لراسي
البارح كنت حطيت ردي للاخ لكن على حساب ماشفت حذفولي الرد نتاعي مع اني حكيت الواقع والكلام الواعر والقبيح واللي يطلعلك الغاز خلاوه في الموضوع يعني الرجال يهدرو واش حبو ماعليش بصح حنا النسا اذا حكينا الواقع يحذف الكلام
كاين واحد هنا في المنتدى نهار طول وهو يسب في الجزائريات وفي اخر حديثو يكملها مانتزوجش بجزائرية ماحييت؟؟
منين رايح يجيبها من فرنسا ولا من ماريكان اللي مش معروف اصلها وتلقايها الحرية والتحرر عندها بدون نقاش ؟؟
المهم لاعلينا منو يدبر ر راسو
بصح صراحة هاذ المواضيع كيما قالت الاخت مريم من نهار سجلت وانا نقرى في نفس المواضيع مايجي يخلاص مو ضوع نتاع العمل المراة حتى ندخلو في قصة اخرى وبطلتها المراة
عليها بقينا حنا الجزائرين اخر الشعوب مش قصدي على التبرج ووو انا ضده لكن في الحديث في هذه الامور صار شيء مقزز صراحة ومكرر جدا جدا والمشكل يسبو فينا عيني عينك وكي تهدري ولاتدافعي يقولو اكيد راكي منهم يعني بلاقدر ولا احترام مايقولو يمكن مراة متزوجة وتجاوزت الاربعين او الثلاثين المهم يفرغو واش كاين والي تغيضني كي بقى كلامهم بدون حذف ليه واي واحدة تدخل اكيد رايح يوجعها قلبها
يهدرو على الخلطة بين المراة والرجل ويوجهوا السؤال لمرأة؟؟ تناق كبير جدا
رانا عايشين في واحد المجتمع الله يهدي برك
وكاين اخوة ذكور ماننكرش ماشاء الله وبارك الله فيمن رباهم ورايحة نذكرهم بالاسم لانو ردودهم تعجبني وقوية
واللي نسيتعم يعدروني الاستاذ ابراهيم وولد احمد الباتني واحيانا الاخ ebusiness ومن داك يعميها هههه
وكاين ماشاء الله اعذروني اذا نسيت عندي شحال مادخلتش للمنتدى ونسيت بعض الاسماء

[oum imane83]

شكرا ليك ام ملاك على مداخلتك وصراحتك .... ربي يسترك

رغم انه مانعرفوش بعضانا معرفة شخصية لكن من خلال الكتابات كاين نساء و رجال ما شاء الله ديما تعليقاتهم في محلها وكاين لسانهم لادع ونقدهم هدام وليس بناء


ما رنانش متحاملين على الرجال لكن يا ريت تحبس النقاشات العقيمة التي لا تقدم بل تاخر وترجع بنا ديما للوراء

[chevalierx]

فلسفة الواقع فوق الدين و الجهل و مقارنة مع من نراهم في شارع لجنسسين
أوجد العقليا ت الجديدة التي نراها الان , لو حاسب اي شخص منا نفسه بصراحة ما كتب ردا و اشتغل بنفسه
دعونا من ميثاليات زائدة . انقلبت موازين و صار معيار الناس و الواقع و ليس الين الله ,فترى في الكلام شيء و العمل شيء الاخر لا علاقة
على عموم انا أعلم ان هذا كلام لن يغير فيكم شيئا لكن ربم كان سببا في ايقاظ احدكم من سبات الغفلة باذن الله

[oum imane83]

فلسفة الواقع فوق الدين و الجهل و مقارنة مع من نراهم في شارع لجنسسين
أوجد العقليا ت الجديدة التي نراها الان , لو حاسب اي شخص منا نفسه بصراحة ما كتب ردا و اشتغل بنفسه
دعونا من ميثاليات زائدة . انقلبت موازين و صار معيار الناس و الواقع و ليس الين الله ,فترى في الكلام شيء و العمل شيء الاخر لا علاقة
على عموم انا أعلم ان هذا كلام لن يغير فيكم شيئا لكن ربم كان سببا في ايقاظ احدكم من سبات الغفلة باذن الله


شكرا على مرورك وادلاء رايك

[" أبو عبود"]

هناك مثل شعبي يختصر القضية التي طرحتها" خشبة ما راهي طالة على عوجها" اي أن الخشبة العوجة دائما ترى غيرها وتنسى انها عوجاء وربما أكثر اعوجاجا. الصراع هو بين النساء اللواتي يتكلمن بنون الجماعة ويجزمن ان الرجال كلهم فاسدون او اغلبهم وأنهم سبب كل المصائب وان النساء على حق ومن بين ذلك الكلام عن الحرية المزعومة والعمل والاختلاط في حدود الشرع رغم ان الشرع لم يحل الاختلاط تحت اي ظرف لكنه اصبح ضرورة في نظريات التدين المتحرر كما يسمى في قاموس النساء.
من الجانب الآخر شاب او رجل يفتقد إلى معايير الرجولة ويتكلم بالدين وهو لا يكاد يفقه كيفية الوضوء الصحيح والأدهى من كل هذا ان يحلل لنفسه اتخاذ الخليلات في حين يرى ان خروج البنت للدراسة ضرب من الدعارة.
وإلى ان يقف كل عند نفسه ويكف عن محاسبة المجتمع ويحاسب نفسه سيضل الصراع قائما بين الشريحتين إلى أن يرث الله الأرض ومن عليها.

[oum imane83]

هناك مثل شعبي يختصر القضية التي طرحتها" خشبة ما راهي طالة على عوجها" اي أن الخشبة العوجة دائما ترى غيرها وتنسى انها عوجاء وربما أكثر اعوجاجا. الصراع هو بين النساء اللواتي يتكلمن بنون الجماعة ويجزمن ان الرجال كلهم فاسدون او اغلبهم وأنهم سبب كل المصائب وان النساء على حق ومن بين ذلك الكلام عن الحرية المزعومة والعمل والاختلاط في حدود الشرع رغم ان الشرع لم يحل الاختلاط تحت اي ظرف لكنه اصبح ضرورة في نظريات التدين المتحرر كما يسمى في قاموس النساء.
من الجانب الآخر شاب او رجل يفتقد إلى معايير الرجولة ويتكلم بالدين وهو لا يكاد يفقه كيفية الوضوء الصحيح والأدهى من كل هذا ان يحلل لنفسه اتخاذ الخليلات في حين يرى ان خروج البنت للدراسة ضرب من الدعارة.
وإلى ان يقف كل عند نفسه ويكف عن محاسبة المجتمع ويحاسب نفسه سيضل الصراع قائما بين الشريحتين إلى أن يرث الله الأرض ومن عليها.


للاسف الشديد هاد الشيء الي يخلينا متخلفين... وسنظل ادا استمرت هده الدهنيات وعقلية انا الافضل