تسجيل الدخول

مشاهدة النسخة كاملة : استفسار حول الة غسيل الملابس

ام ندى 87
2014-10-20, 19:45
السلام عليكم

حبيت نستشيركم لاني راح نشري الة غسيل ان شاء الله وراكم تعرفو كل واحد واش ينصحك
مادابيا كل وحده تقولي الماركه لي نجحتلها وسعر تاعها ولي عندها غساله صرالها معاها مشكل تحذرني منها هكا نعرف واش نشري
وربي يجازيكم خير
عطرالذهب
2014-10-20, 20:06
الف مبروك مسبقا اختي لعزيزة وانا ننصحك بartur martin احسن ماركة
مرام 1987
2014-10-20, 20:15
مبروك عليك مسبقا
خلي البنات يعاونوك راهم هذو العامين خرجو دي مودال ملاح درك يفيدوك
ام سهام 02
2014-10-20, 20:16
Arthur martin راهي عندي منذ 10 سنوات وشريتها ذاك الوقت ب 3 ملاين ننصحك بها ومبروك عليك ورجعت ضرورية في الدار
أم محمد تاج
2014-10-20, 20:28
حبيبتي لمخيرة arthur martin بصح شحال دير ضرك الله اعلم وانا عندي ariston ثاني هايلة عندي 8 سنين وهي عندي ماشكاتش مسكينة خلالالالالالالاص والف الف مبرووووك مسبقا حنونتي
أم محمد تاج
2014-10-20, 20:34
حبيبتي لمخيرة arthur martin بصح شحال دير ضرك الله اعلم وانا عندي ariston ثاني هايلة عندي 8 سنين وهي عندي ماشكاتش مسكينة خلالالالالالالاص والف الف مبرووووك مسبقا حنونتي
انتصار فاطنة
2014-10-20, 21:05
Arthur martin ماكانش احسن منها راهي عندنا عندها تقريبا 15 سنة عمرها مسكينة لا شكات و لا بكات السعر حولي 36000.00دج
طالبة النجاحْ~
2014-10-20, 21:06
كما قالو البنات ارتور مارتان هي المخيرة مي القدم انتاع ضرك عام عامين طيشي
عندنا وحدنا للضرك راهي تمشي الله يبارك اكثر من عشر سنين
بالتوفيق اختي
ام ندى 87
2014-10-20, 21:09
حبيباتي ارتور مارتان علابالي بيها روعه ماما عندها شدتلها الله يبارك راهي في 12 سنه غير كيما عودتلها لبلب برك المشكل قلي لي يبيع راهم مفقودين
x ام رحاب x
2014-10-20, 21:11
انا عندي arthur martin الي تنفتح من الفوق وراها عندي 10 سنين ملي شريتها وكي تعود ماتخرجش انديرلها الكا لقو تعود تخرج هايلة
أم ماجد
2014-10-20, 21:16
عندي سامسونغ هايلة
ام يوسف 2737
2014-10-20, 21:18
شوفي انا عندي ويربوول تتفتح من الامام راهي عندي من 8 سنين ما قالتش ياراسي في هذاك الوقت شريتها ب 34000 دينار و لكن تستهلك الكهرباء بكثرة
ومن ايام شريت لامي ل ج تتفتح من فوق تاع 12 كغ شريتها بقريب 6 ملايين كارثة تتستهلك كمية كبيرة جدا من الماء و ما تنقيش مليحونقولك اخطيك من تاع البلاستيك الي فيهم حوضين واحد للغسيل و واحد للعصير على خاطر خسارة الدراهم عام برك و ارمي
عندي وحدة صديقتي شرات هاذ ليامات سامسونغ تاع بلاستيك تتفتح من الفوق تريقليها و هي تدير كل شيء يديرؤ 15000 حتى 18000 دينار الحقيقة غير تشكر فيها
أم هبوبة
2014-10-20, 21:58
اختي مبتدئة فعلا Arthur Martin هما الملاح و صح كبما قالك الي يبيع راهم قلال بالبزاف راه شبه منعدمة في السوق
انا عندي ماكة sumsung toute option نتاع 6 كغ شرتها في هداك الوقت 38000 راه عندي في خمسة سنوات و الحمد لله ما حبستش و لايوم و من جهة تغسل غابة و لا ما تغسلش هدا ثاني يعود لماركة الامو الي رايحة تستعمليها و ثاني كاين غير يقول ماشينة تغسل بوحدها يمشي يدكنها بالكسوة اولا كي تكثري الكسيوة ما تخرجش مغسولة مليح و ثانيا تخسري tambour نتاعها
ام نوردين
2014-10-20, 22:12
انا عندى brandt عندها حوالى 8 وماصرالها والو وماحبستش ولا حتى مرة بلا عين عليها ههههههههههه بصحتك واش رايحة تشري والمهم هو الاستحفاظ موفقة
بشرى2008
2014-10-20, 22:45
عندنا فى الدار arthur martin رووووووووووووووووووووووووووووووووووووووووووووووووو عة عندها سنيييييييييييييييييييييييييييييييييييييييييييين طويلة مي مزالها تقول جديدة
والله روووووووووووووووووووووعة
ايهان
2014-10-20, 23:33
انا عندي كومندور 8كغ بالصح خسارة الدراهم دير الضجيج ومرة على مرة تحبس كرهتني
ماما عندها الجي الله يبارك روعة لاحس لامشاكل
zahra30
2014-10-21, 08:54
الف مبرووك مسيقااا وتستعمليها بالصحة والهناء ان شاء الله
انا عندي الجوتابل ههههه ما تصلحش اهنا الماء فيه الرمل للاسف راهم الاخوات يفيدوك ان شاء الله
om wassim
2014-10-21, 14:27
انا عندي تاع بلاستيك عندها ثلاث سنوات تغسل و تنشف هايلة الحمد لله ما تشكي من والو
و ماما عندها ال ج هايلة تتفتح مالفوق توت اوبسيون
بصحتك مسبقا
ام يوسف 2737
2014-10-21, 16:50
انا عندي تاع بلاستيك عندها ثلاث سنوات تغسل و تنشف هايلة الحمد لله ما تشكي من والو
و ماما عندها ال ج هايلة تتفتح مالفوق توت اوبسيون
بصحتك مسبقا
اختي ام وسيم الغسالة اج الي عندك ماماك ما تخسرش الماء بزاف
louji omri
2014-10-21, 22:49
السلام عليكم شوفي اختي انا عندي مشينه سامسونغ بلاستيك وانا سلفي عندو ديقريساج هو اللي قالنا عليها و انا عجبتني بزاف ونتي زيدي سقسي وربي يسهل
ملاك روحي
2014-10-22, 14:08
اختي انا عندي غسالة سامسونغ تاع بلاستيك روعة دير كلش وحدها وتخرج لحوايج ناشفين روعة عندها 3سنوات شريتها من الحميز بمليون و600 ودوك راهي دير مليون و900 والنتيجة تاع الغسيل على حساب صابون الغسيل المستعمل عن تجلربة وربي يوفقك